Landbouweekblad 10/1/2020

DIE GROOTSTE BEURSIES Die afgelope twee weke se rekordveilingspryse wys duidelik die groot vraag na goeie teeltmateriaal. Op die 22ste produksieveiling van mnr. Lukas Burger van die plaas Rietfontein in die distrik Griekwastad is R375 000 vir dié Boerbokram, Klein Booster, betaal. By hom is van links mnr. Deon Klopper (afslaer), me. Riekie de Witt en mnr. Lukas Burger, die verkopers. Lees meer by bit.ly/35QX8Pw. In dieselfde week het twee bulle op die Santa Select-veiling op die plaas Joubertsrus by Sannieshof in Noordwes die R200 000-merk behaal, uit 35 manlike en 40 vroulike diere van 10 telers. Die Herefordbul WDW 17-83 van Locheim Herefords van mnr. Philip de Waal by Moorreesburg is op die Swartland Veeboere-veiling vir ’n rekordprys van R480 000 verkoop, en die Simmentaler Vooruitzicht Rudolf JH1636 van…

11 Elf luiperds mag vanjaar gejag word, ná daar verlede jaar geen jagkwota vir luiperds was nie. In 2018 was daar ’n kwota van sewe luiperds, en geen in 2016 en 2017. Die kwotas is toegestaan op aanbeveling van die Suid-Afrikaanse Nasionale Biodiversiteitsinstituut (Sanbi), sê me. Barbara Creecy, minister van omgewingsake, bosbou en visserye. Die owerheid het luiperdbevolkingsneigings oor die afgelope drie jaar oorweeg. Lees meer by bit.ly/33Cyq2A. – Joylene van Wyk 139 Die sukkelende kragreus Eskom het beslag gelê op 139 plase van die Matjhabeng-munisipaliteit as sekuriteit weens uitstaande skuld van R3,4 miljard. Die grond se benaderde waarde is R2,5 miljard. Die titelaktes van die eiendomme sal ten gunste van Eskom geëndosseer word tot die skulddispuut tussen Eskom en die munisipaliteit bygelê is. Met dié stap het Eskom afstand…

SKOUTERREIN OF RESIESBAAN? Dreunende trekkers moes plek maak vir skreeuende veldrenmotors toe die Total Agri 400-veldwedren op 18 en 19 September op Nampopark by Bothaville aangebied is — die eerste keer dat dié terrein, waar Graan SA se Nampo-oesdag gewoonlik in Mei gehou word, gasheer speel vir ’n veldwedren. Weens Covid-19-regulasies is geen toeskouers by die geleentheid toegelaat nie. Die roete van 170 km het deur die mielielande tussen Bothaville en Orkney gekronkel. Hier is die veldrenmotor van die enigste vrouedeelnemer, me. Sandra Labuschagne-Jonck, by die wegspringpunt op Nampopark. Die wenners, Toyota Gazoo Racing se Henk Lategan en sy navigator, Brett Cummings, het op die roete twee plaashekke wat oop moes wees, toe aangetref, maar is vir die verlies aan tyd vergoed.…

’N KONSEP van die ekonomiese herstelplan waaroor die regering, sakegemeenskap en arbeidsektor die afgelope twee maande in die nasionale ekonomiese ontwikkelings- en arbeidsraad (Nedlac) onderhandel, bind alle vennote aan deurslaggewende “korttermyn- kollektiewe aksies” vir ekonomiese herstel. Die korttermyn-doenlys om dwingende bottelnekke te verwyder onderskei dié plan van voriges, wat weens ondoeltreffende toepassing misluk het. Pres. Cyril Ramaphosa erken sy regering se grootste tekortkoming is sy onvermoë om planne en beleid toe te pas. Toepassing van die nuwe plan sal bestuur word deur die veteraanstaatsamptenaar en ingenieur mnr. Sean Phillip, wat van die Ontwikkelingsbank van Suid-Afrika na die tesourie gesekondeer is. Verskeie van die plan se korttermyn- kollektiewe aksies is aan tydraamwerke gekoppel. Boaan die lys, byvoorbeeld, is energiesekerheid, met onder meer die stabilisering van Eskom, om eie kragopwekkingsprojekte van groter…

‘Dit maak boere taamlik moedeloos, veral as hulle probleme aanmeld, maar daar word nie daaraan aandag gegee nie. ’ DR. JACK ARMOUR, bedryfsbestuurder van Vrystaat Landbou, oor verwaarlooste Eskom-infrastruktuur wat brande veroorsaak. Bl. 17 ‘Hoër beskikbaarheid van mielies en soja sal ook die mieliemaalbedryf, rooivleisprodusente, suiwelprodusente, varkvleisprodusente en menslike voedselmark rakende beskikbaarheid en prys bevoordeel.’ MNR. DE WET BOSHOFF, voorsitter van die vereniging van veevoervervaardigers (Afma), oor die dominoeffek van hoër plaaslike hoendervleisproduksie. Bl. 14 ‘Melkkopers wat verwag het dat die groot mielie-oes goedkoper onverwerkte melk beskikbaar gaan stel, sal dringend moet herbesin.’ MNR. BERTUS VAN HEERDEN, hoofekonoom van die MPO, oor melkverwerkers se onlangse verlaging in plaashekpryse aan boere. Bl. 21 ‘Begin by enkele groot belanghebbendes en kyk wat gedoen moet word om dit te laat werk.’ DR. JOHN…

Die dorpies in die Noordoos-Kaap waar ek grootgeword het, het met die jare lelik agteruit gegaan. Dit is ’n landwye verskynsel. Dié skrikwekkende munisipale verval word immers jaarliks noukeurig deur die ouditeur-generaal geboekstaaf. Heidelberg in die Wes-Kaap was dus onlangs ’n aangename verrassing. Gewoonlik ry ’n mens net verby Heidelberg op pad na Mosselbaai of Kaapstad. Die hoofweg vang die verste hoekie van die dorp en jy ervaar gewoonlik net die Wimpy en die vulstasie. Maar ry jy die dorpie binne, tref dit jou hoe netjies dit is. Die strate is skoon, en omdat baie van sy ou argitektuur liefdevol versorg word, het die dorpie ’n sjarme wat tot afgetrede buitelanders lok. Die verval van die platteland is dus nie noodwendig ’n voldonge feit nie. Die rede vir my besoek…