Innehållsförteckning för 15 Apr 2021 från Landbouweekblad

HANDELSVERKEER in die Suezkanaal is in Maart ses dae lank ontwrig toe die houerskip Ever Given daar vasgehaak het. Hierdie gebeurtenis só kort op die hakke van die Covid-19-pandemie beklemtoon die broosheid van die wêreldwye aanbodketting en dit sal moontlik veranderinge wat reeds in die wêreldekonomie aan die gang is, versnel. Die versperring het belangrike energiehandel ontwrig, maar daar was wel alternatiewe roetes en bronne daarvoor. Vir kommoditeite soos olie, vloeibare aardgas, steenkool en ystererts is die balans tussen vraag en aanbod belangrik, maar een bron kan ’n ander vervang. Die versperring het die kontantprys van kommoditeite en die huurprys van skepe beïnvloed, maar handel kon voortduur. Dit is egter anders vir produkte wat met houerskepe soos die Ever Given vervoer word. Sulke produkte is gedifferensieerd en moeiliker om te…

AS die Land Bank nie ooreenkomste met sy skuldeisers kan bereik nie en hy vorentoe nóg minder geld op die ope mark kan leen, sal die beskikbare landboukrediet verder inkrimp. Dit is kommerwekkend op ’n tydstip dat boere in die wintergraanstreke om produksiekrediet aansoek doen, sê die landbou-ekonoom prof. Johan Willemse. Die beleërde bank moes teen 31 Maart terugbetalingsooreenkomste met al sy skuldeisers bereik het ten opsigte van die meer as R40 miljard wat hy teen einde 2020 geskuld het. Op dieselfde dag het die bank egter in ’n verklaring gesê hy het slegs een van sy skuldeisers, Standard & Chartered, ten volle terugbetaal. Ingevolge ’n hofbevel moes hy dié verskuldigde R400 miljoen teen 1 April terugbetaal indien hy nie voor 31 Maart ’n ooreenkoms met al die krediteure kon…

DIE eerste werklike goeie winterreënval kan in die eerste week van Mei verwag word, sê mnr. Johan van den Berg, onafhanklike landbouweerkundige. Swak koue fronte kan tot dan oor die Suidwes- en Suid-Kaap begin voorkom en koeler lug oor die suidelike binneland laat beweeg. ’n Frontale stelsel kan rondom 15 April neerslae van tot 10 mm oor veral die suidelike kusgedeeltes van die winterreëngebied tot gevolg hê. Die kans vir baie koue toestande met swaar ryp voor einde April en die eerste week van Mei is swak, sê Van den Berg. Temperature onder 10 °C gaan in die volgende weke oor die suidelike helfte van die land begin voorkom, maar voor minstens middel tot einde April sal dit nie onder 5 °C wees nie. Wat reënvalvooruitsigte oor die res van…

TWEE bekende groepe in die lewendehawebedryf, Segard Masurel en Vleissentraal, sal voortaan saamspan om wol te werf en te hanteer. “Wolboere sal baat vind by die samewerking. Van die voordele vir hulle sluit in mededingende tariewe, persoonlike diens, kundige advies en waarde wat tot hul skeersel toegevoeg word,” lui ’n verklaring. “Dit is ’n goeie geleentheid om meer wol in te kry,” sê mnr. James de Jager, wat sedert Maart die uitvoerende hoof van Segard Masurel is. Die maatskappy is sedert 1948 betrokke by wolhandel in Suid-Afrika en sedert 2009 ook ’n wolmakelaar. “Ons wil ons teenwoordigheid uitbrei. Omdat Vleissentraal oor die hele Suid-Afrika sake doen, bied dit ’n goeie geleentheid. Albei maatskappye is afhanklik van die boere en as jy nie ’n beter diens kan lewer of beter pryse…

DIE afsterwe van die veekundige en konsultant mnr. Lynton Vermaak is ’n groot terugslag, nie net vir die Afrikaner- en Afrisim-beestelersgenootskappe nie, maar vir die veebedryf in sy geheel, sê dr. Pieter de Kock, voorsitter van die Afrikanerbeestelersgenootskap en jare lange kollega van Vermaak. “Lynton het oor die besondere gawe beskik om sy jare lange kennis van fenotipes met prestasietoetsings te kombineer om beeste te keur wat die ras bevorder. As veekundige en as beeskenner het hy ook opgetree as keurder by die Afrikanerbeesras en kuddes besoek met die doel om prestasiegekeurde die-re en diere wat oor die korrekte fenotipiese eienskappe beskik te kombineer. Sodoende het sy betrokkenheid daartoe gelei dat die Afrikanerbeesras vandag kan meeding met die ingevoerde beesrasse in Suid-Afrika.” Vermaak se betrokkenheid het egter nie net by…

1 TANZANIË| Nuwe plase vir teelvoorraad ontwikkel Die bevorderlike sake-omgewing wat die Tanzaniese regering skep, was een van die redes waarom die pluimveeonderneming Aviagen East Africa dié land gekies het vir ’n projek waardeur plase vir grootouerteling en ouervoorraadbroeihuise ontwikkel gaan word. Aviagen East Africa is ’n gesamentlike onderneming tussen die pluimveeteelmaatskappy Aviagen, African Poultry Development Limited (APDL) en Country Bird Holdings (CBH). Aviagen East Africa sal deur dié ontwikkeling teelmateriaal van hoë gehalte aan sy huidige én toekomstige klante in dié belangrike en groeiende gebied kan voorsien. Die potensiaal om pluimveeproduksie en -verbruik in Oos-Afrika uittebrei,isreusagtig. –Aviagen 2 UGANDA | Subsidies vir avo-produksie aangebied Boere word gevra om in avokadoproduksie te belê, veral van die Hass-kultivar. Mnr. Vincent Ssempijja, Uganda se minister van landbou, het verlede jaar…

Met die uitsondering van sojabone, waar die oesskatting heelwat hoër is as verlede jaar, is die verwagtinge vir somergrane en oliesade afgeskaal in die tweede skatting van die nasionale oesskattingskomitee. Die oeste word in die volgende maande ingesamel. Die seisoen het baie goed weggespring met reën wat oor die grootste deel van die saaigebied betyds geval het sodat op die optimale tyd geplant kon word. Daar is egter heelwat versuipskade nadat dit in Desember 2020 en Januarie 2021 oormatig gereën het voor ’n droë, warm Maart. Benewens die sojaboonoes, is die ander gewasse se aanvanklike rekordoeste afgeskaal na laer vlakke. Die relatief normale oeste, veral van mielies, geskied teen ’n agtergrond waar sommige internasionale kundiges reken wêreldvoorraadvlakke gaan ’n paar jaar laag bly en dat pryse hoog gaan bly. Intensiewe…

Kenners is bekommerd oor die styging in die voorkoms van hondsdolheid onder diere in veral KwaZulu-Natal. Die siekte het onlangs die dood van twee kinders in dié provinsie tot gevolg gehad. Die tragedie is dat sterftes weens hondsdolheid heeltemal voorkombaar is as diere die nodige inenting kry. Die virus wat dié noodlottige siekte veroorsaak, word van besmette diere na mense oorgedra. Dit word oorgedra in die spoeg van diere as hulle iemand byt of iemand met ’n seerplek of skraap aan die lyf lek. In Suid-Afrika kom een soort by honde en katte voor, en ’n ander subtipe by muishonde. Volgens die Wêreldgesondheidsorganisasie (WGO) kom 56% van alle sterftes weens hondsdolheid by mense in Asië voor, en die res in Afrika. Die WGO en ander wêreldwye organisasies, soos die Voedsel-en-landbou-organisasie…

I ndien ’n mens vandag, 26 jaar sedert die graanmark gedereguleer en “vry” gemaak is, nog moet vra vir instrumente om “streeksvraag en -aanbod in pryse” weer te gee, is dit genoeg bewys dat die Suid-Afrikaanse graanmark nie geloofwaardig funksioneer nie. Prof. Johan Willemse, ’n onafhanklike landbou-ekonoom, het onlangs gesê daar is ruimte vir “georganiseerde alternatiewe markte wat silosertifikate verhandel en sodoende streeksvraag en -aanbod in graanpryse weerspieël” (“JSE kan nie skeidsregter én belanghebbende wees nie”, LBW , 18 Maart 2021). Die vraag is: Waarom kon die Suid-Afrikaanse graanmark nie ontwikkel om bogenoemde punt te bereik nie? Die antwoord, volgens my, is die volgende vyf ekonomiese gebreke in die JSE-termynmark (voorheen bekend as Safex): ■ Die JSE-termynmark se rol in die fisieke graanmark van Suid-Afrika. ■ Die funksie van ’n…

AFRIGUS: A 18-358 VICTORIO AFRIKASKOP TELER EN EIENAAR: MNR. MARTIENS LE ROUX Mnr. Martiens le Roux het in 2000 met die teel van Afrigusbeeste begin en is die eienaar van die Victorio Afrigus-stoetery by Bethulie. Hy was beïndruk met die kombinasie van Angus met die inheemse rasse Afrikaner, Tuli en Bonsmara. Die gevolg van sy ontwikkelingsprogram was rooi beeste met ’n mediumraam wat volledig poenskop is, maklik kalf en bogemiddeld groei, met ’n goeie temperament en uitstekende siekteweerstand. Le Roux selekteer vir beeste wat op sy semi-Karootipe veld pres-teer met vrugbaarheid, groei, langlewendheid en kondisie. Goeie temperament, kloue en uiers geniet voorrang. Hy doen groeitoetse met jong bulle en skandeer die oogspieroppervlak en marmering. A 18-358 beskik oor uitstekende eienskappe, waaronder ’n geboortegewig van 33 kg. Hy het indekse van…

Suid-Afrikaanse melkboere was deur die jare in staat om, ten spyte van periodieke verlagings in die produsenteprys, melkproduksie sodanig te verhoog dat melkverwerkers en kleinhandelaars winsgewend sake kon doen. Sedert 2018 is melkprodusente se winsgewendheid egter sterk onder druk. Die produsenteprys het gestagneer en veevoerpryse het skerp gestyg sodat die melkprys-tot-voerprysverhouding tans op ’n vlak is waar produksie nie meer groei nie (sien die GRAFIEK ). Ná groei van 4,8% in 2018 het melkproduksie met net 0,7% in 2019 gegroei en in 2020 met 0,6% gedaal. Die grafiek toon die verstadiging en negatiewe groei in melkproduksie sedert Januarie 2018. Voorlopige syfers dui op ’n daling van 5,2% in Januarie 2021, die skerpste daling op ’n jaargrondslag in meer as vyf jaar. Nat toestande in Desember 2020 en Januarie 2021 het…

TOEPASSING BEREKEN EN KALIBREER HOEVEELHEDE VIR SPUITMIDDEL Die dae van ingewikkelde somme in jou dagboek en talle aanwysings vir jou spuitoperateur op los bladsye is iets van die verlede. Die Cal101-kalibrasie-toepassing is in November 2020 bekend gestel en het sedertdien vir talle boere ’n nuttige hulpmiddel geword wat altyd byderhand is wanneer nodig. Die kalibrasie en die berekening van die hoeveelheid van elke spuitmiddel wat by die tenk gevoeg moet word, kan met dié toepassing gedoen word. Net soos vantevore meet jy die hoeveelheid water wat jou spuitpomp in ’n sekere tyd uitspuit, hetsy dit ’n balkspuit of boordspuit is. Jy voer dit in die toepassing in, saam met die druk waarteen die pomp werk en die afstand wat jou trekker in dieselfde tyd teen die spuitspoed loop. Jy voer…

Pekanneut-enkaneelstrooiselkoek Pekanstrooisel ■ 375 ml fyngekapte pekanneute ■ 160 ml ligbruinsuiker ■ 5 ml kaneel ■ 1 ml sout ■ 45 ml botter, gesmelt Beslag ■ 500 ml koekmeel ■ 2 ml sout ■ 5 ml bakpoeier ■ 4 ml koeksoda ■ 125 g sagte botter ■ 250 ml witsuiker ■ 2 ekstragroot eiers ■ 7 ml vanieljegeursel ■ 250 ml suurroom of volroomjogurt Voorverhit die oond tot 180 °C en voer ’n gesmeerde losboomkoekpan van 23 cm uit met bakpapier. Smeer weer. Meng al die bestanddele vir die pekanstrooisel goed saam en hou eenkant. Sif die meel, sout, bakpoeier en koeksoda saam in ’n mengbak. In ’n aparte bak, verroom die botter en suiker tot lig en romerig. Voeg die eiers en vanieljegeursel by en klits goed. Voeg die…

Nie so lank gelede nie het ons gesels oor die betekenis en waarde van goeie meetinstrumente. Vandag kan ons verder gesels. ’n Goeie vriend van my wat ’n meesterbouer was, het my by geleentheid vertel watter toets hy doen wanneer hy sy personeel uitsoek. Só sal hy byvoorbeeld vir ’n messelaar vra om sy waterpas en winkelhaak aan hom te wys. Hierdie twee eenvoudige werktuie sal dadelik vir hom sê wat hy van hom kan verwag. Sulke toetse geld egter nie net vir ’n messelaar nie – elke mens wat enigsins ’n sukses van die lewe wil maak, moet bereid wees om homself te onderwerp aan ’n waardebepaling wat deur so ’n meetinstrument blootgelê kan word. En as God nie daarvan sal hou nie, dan moet jy dit beslis ook…

Kopers het goeie pryse op twee veilings in die Vrystaat betaal. Mnre. Freddy en Mark Schmidt het Dohne-Merino’s en Bovelders op hul 43ste produksieveiling op Kromspruit, Memel, aangebied. Die duurste ram is teen R32 500 aan die Eloff-boerdery van Pretoria verkoop. Ramme het gemiddeld R14 246 behaal en is uitverkoop. Dragtige ooie is teen gemiddeld R2 900 verkoop. Die totale aanbod Bovelders is verkoop. Die duurste bul is teen R60 000 aan Ferma Farming van Melmoth verkoop. Die duurste koei (3-in-1) is teen R32 000 verkoop met ’n gemiddelde prys van R29 000. Dragtige koeie het gemiddeld R19 500 behaal en dragtige verse gemiddeld R18 850. Die Take 3 Genetics-veiling van mnre. Pieter Smith, Leonard du Raan en die Boerbokstoetery Nico Botha is op Parys gehou. Die duurste Boerbokram is…

34,7 Suid-Afrika is met ’n indekspunt van 34,7 saam met Turkye (33,6) die enigste lande op Ipsos se verbruikersvertroue-indeks met ’n punt onder 35. Nie een van hulle kon sedert die begin van die pandemie verlede jaar die 35-merk verbysteek nie. Dít terwyl die wêreldwye verbruikersvertroueindeks in Maart vanjaar met agt tiendes van ’n punt na 44,7 gestyg het – ’n nuwe hoogtepunt sedert die begin van die Covid-19-pandemie. Van die ander markte se indekse het in Maart beduidende groei getoon. – Ipsos 0 Die Britse kleinhandelaar Morrisons beoog om volgende jaar bekostigbare eiers met ’n netto koolfstofspoor van nul te verkoop. Dit is deel van sy belofte om teen 2030 die eerste “netto zeroplase” in Brittanje te hê. Hy sou in Maart saam met uitgesoekte boere begin om modelle…

‘Die voordeel van ons planne is dat dit volhoubaar is tot in lengte van dae met dieselfde water wat vir die steenkoolgedrewe nywerheidsontwikkeling net ’n 25 jaar leeftyd gaan verseker.’ MNR. PETER NICHOLSON, sitrusboer van Limpopo, oor die voordele van landbou vir die Vhembe-gebied bo dié van die beoogde Musina Makhado- spesiale ekonomiese sone. Bl. 22 ‘Hierdie toegewings gaan ongetwyfeld die spoed van afhandeling van aansoeke bespoedig.’ MNR. ADRIAAN GROENEWALD, prokureur en waterregkenner, oor die delegering van magte rakende waterlisensie-aansoeke aan streekkantore en opvanggebiedbestuursagentskappe. Bl. 14 ‘Ons moet buite sit pleks van op ons grond.’ MNR. ALFRED THEMBINKOSI DLUDLA, voorsitter van die Isizwe Sakwa Dludla-gemeenskap wat nie toegang tot sy grond kan kry nie. Bl. 18 ‘Boere ondervind reeds dit is baie taai om nuwe lenings by handelsbanke te bekom.’…

MNR. MICHAEL ALLEN van Middelburg in Mpumalanga se boerdery saam met sy seun Gareth het die hoogste opbrengs vir sojabone op droëland in die oostelike produksiegebied in DuPont Pioneer se Weeg-en-Wen-opbrengskompetisie behaal. Lees die artikel op bl. 32. VERTEL ONS VAN JOU GESIN. Ek en my vrou, Carol, het saam drie seuns: Gareth (33), wat saam met ons boer, en Warren (30) uit my eerste huwelik, en Ruan (23) uit Carol se eerste huwelik. HET JY NÁ SKOOL GESTUDEER? Ek het ’n landbou-meganiese kursus aan die technikon in Bloemfontein gevolg. WAAR HOU JY VAKANSIE? Ek geniet die buitelug. Daarom is enige 4x4-toer en die Bosveld my gunstelingvakansie. WATTER SPORTSPANNE ONDERSTEUN JY? Die Blou Bulle en natuurlik die Springbokke. Ek geniet ook krieket, ’n sport wat ek self beoefen het, en…

DIE departement van water en sanitasie sal grondige redes in ag neem as ’n besproeiingsboer nog nie op eie koste watermeters geïnstalleer het nie, maar dit beteken nie boere kan daarmee sloer nie. “Selfs al is daar nie onmiddellike gevolge vir boere wat versuim het nie, is hulle steeds aanspreeklik om aan die regulasies te voldoen,” sê mnr. Janse Rabie, hoof van natuurlike hulpbronne by Agri SA. Agri SA en die Suid-Afrikaanse vereniging van watergebruikersverenigings (SAAFWUA) beveel aan dat sulke boere minstens die departement in kennis stel van hul vordering, asook hul verbintenis tot watermeting. Die departement se sperdatum vir die installering van watermeters en die deurgee van maandelikse waterlesings was 10 Maart. Dié sperdatum sou aanvanklik verlede jaar in Februarie gewees het, maar is ná versoeke deur Agri SA…

DIE RSA Markagentskap op die Tshwane-mark is die eerste markagentskap in Suid-Afrika wat vir groente én vrugte ’n GFSI- (Global Food Safety Initiative) sertifikaat ontvang het, en dit ondanks moeilike omstandighede op dié mark. Dié prestasie is behaal onder die leiding van mnr. Luan Wentzel, besturende direkteur van die RSA Tshwane-markagentskap, wat die moeite gedoen het om die sertifisering te verkry met die produsent en die koper in gedagte. “Produsente moet aan baie hoë standaarde voldoen, soos Global GAP en vele ander minimum-vereiste-oudits. Ons beskou onsself as ’n verlengstuk van die harde werk en moeite wat die produsente doen om gehalteprodukte te lewer. Hierdie oudits is dus vir ons ’n goeie maatstaf om te verseker ons komplementeer die moeite wat die boere doen, en skep kontinuïteit in die gehalte van…

Dr. Lindleen Mugwagwa, ’n navorser aan die Universiteit Stellenbosch (US), het ’n manier ontwikkel om afvalkoringstrooi en mangoskille tot voedselverpakking te verwerk. Dit is hernubare, bioafbreekbare, nie-giftige en aktiewe verpakking wat help om produkte langer vars te hou. Luidens ’n verklaring deur die US het Mugwagwa prosesse ontwikkel en geoptimaliseer om die nodige bio- of natuurlike polimere en antioksidante aan koringstrooi en mangoskille te onttrek om voedselverpakkingsmateriaal te kan maak. Sy het ook ’n bioverpakkingslaag ontwikkel en getoets om te kyk hoe dit reageer wanneer dit met voedsel in aanraking kom. “Die biogebaseerde lae het meer antioksidante oor ’n kort tyd in voedsel vrygestel vergeleke met poli-etileenplastiek van laedigtheid. Dit dui daarop dat dit as ’n plaasvervanger vir die verpakking van bederfbare produkte gebruik kan word,” sê Magwagwa, ’n nadoktorale…

Hoewel baie bossiesoorte uit die veeboer se oogpunt as nutteloos, onsmaaklik en ongewens beskou kan word, verrig sulke plante tog dikwels ’n belangrike funksie. Hulle verleen ’n wisselende mate van beskerming aan die grond. Dit beteken dat indien hierdie plante nie aanwesig is nie, die grond in ’n groter mate blootlê en meer aan erosie onderhewig is. Waar hulle in betreklik digte stande voorkom, beskerm die bossies die grond teen veral erosie weens reëndruppels wat teen die grondoppervlak vasslaan, fyner, vrugbare gronddeeltjies verwyder en ’n hoër waterafloop tot gevolg het. Onsmaaklike en doringrige plante herberg in baie gevalle skuilplante – dit is plante wat in die koelte en beskerming van die bosse groei. Verder beskerm hulle ook heel dikwels smaaklike plante, bossies en meerjarige grasse teen algehele uitvreting in oorbeweide…

Wanneer dit droog is, soos dit die afgelope paar jaar gereeld in die Overberg was, haal mnr. Boeta Wessels van die plaas Karsrivier, Bredasdorp, van sy ooie en ramme uit die groot kampe, sit hulle in van die voerkampies wat hy gereed het, en voer hulle daar in die droogste maande van die jaar sodat hulle kondisie behou. “Dit is soveel makliker as om my hele plaas plat te ry en ramme en ooie oral te moet voer.” Wessels het ’n Dohne-Merinostoetery, asook ’n kommersiële kudde – altesaam sowat 3 000 ooie. Hy het op die gedagte van spesiale klein en toegeruste voerkampies gekom toe hy soos gewoonlik voer oor sy hele plaas moes aanry vir sy diere. “Ek het besef dit sou veel makliker wees as ek my ooie…

Rex Talmage en sy broer, Earl, is vierdegeslagboere wat suikerriet verbou op hul familieplaas, Baton Rouge, naby die Amatikhulu-suikermeule in KwaZulu­Natal. Hy is ook die voorsitter van die Suikerrietkwekersvereniging. Julle oes van April tot Desember. Wat gebeur daarna met die suikerriet? Suikerriet word gebrand om van die bruin blare ontslae te raak. Dan kan die snyers die boonste blare, wat nie brand nie, afsny. Die riet (sowat 1 m lank) bly agter en word na die suikermeule geneem, waar die sukrose onttrek word. Die rou suiker word verfyn, wat beteken dit word gebleik, gedroog en verpak. Die suiker word dan aan groothandelaars verkoop, wat dit óf gebruik om hul eie produkte te vervaardig óf dit in kleiner maat verkoop. In die landerye word onkruid bestry en die suikerrietwortels bemes sodat…

Emmie gebruik vroulike voornaamwoorde om na Aga-stowe te verwys, want “wanneer ’n Aga jou probleme gee, gee sy jou groot probleme! ’n Aga kan jou al jou dae gee!” Sy hou daarvan om haar kliënte te leer hoe om hul Agas seepglad te laat werk. “Ek kry die boer van sy trekker af en die boervrou weg van haar naaldwerk en wys hulle wat om te doen.” En dit is wat sy vir hulle sê: “Jy moet jou Aga een keer per jaar skoonmaak. As die winter verby is, trek die gang uit en maak dit skoon. Maak die rookpype skoon. Haal die skoorsteen af en dompel dit in die dam of was dit met ’n tuinslang. Die gebruik om die skoorsteen te slaan om dit skoon te kap, is…

Meegaande statistieke toon ’n ontleding van transaksies vir grond groter as 10 ha in Noordwes, Mpumalanga en die Noord-Kaap vanaf Maart 2020 tot Februarie 2021. In Noordwes is ’n verbetering in grondpryse opmerklik in sewe distrikte (58%). Pryse by Vryburg (21,8%) en Bloemhof (11,4%) het stewig gestyg, maar by Reivilo het dit met amper 7% gedaal. In dié provinsie was daar 475 transaksies (12% minder teenoor die vorige 12 maande) in 12 distrikte. Altesame 149 559 ha is teen R2,004 miljard verhandel. In Mpumalanga was daar 313 transaksies in ses distrikte. Dit is 17,4% minder as die vorige jaar. In die proses is 81 137 ha verhandel teen R2,215 miljard. In 66% van die distrikte is gunstige prysneigings opgemerk, terwyl pryse by Acornhoek en Amsterdam gedaal het. In die Noord-Kaap…

FEESTE, EKSPO’S 7 MEI: Internasionale Sauvignon blanc-dag, aangebied deur Agri-Expo. 13-14 AUGUSTUS: Wes-Kaapse Landbou-veterane 2021 (plek sal bevestig word). Johannes Uys, 082 552 5491 of 021 981 8537; Hennie Richter, 073 391 8495 of 022 451 2692; e-pos: sekr.wk@telkomsa.net KONFERENSIES 22-24 JUNIE: Africa Agri Tech, Sun-arena, Menlyn. Onderwerpe wat bespreek gaan word, sluit in die behoefte om tegnologie te aanvaar, watter tegnologie om toe te pas, vroue in die landbou en werksessies vir boerdery-opleiding. Web: www.africaagritech.co.za 13-16 OKTOBER: Conexpo Africa 2021, Johannesburg. Werktuie, voertuie en produksiemiddele vir die landbou-, bosbou-, mynbouen boubedryf in Afrika suid van die Sahara. Web: www.bcafrica. com, e-pos: info@mm-sa.com, 011 476 8093. SKOUE 23 APRIL–1 MEI: Bloemskou. Afgelas. Web: www.bloemskou. co.za, e-pos: info@bloemskou. co.za, 051 448 9894. 6-8 MEI: 90ste Clanwilliam-skou. Nico de Waal, 084 870…

ANDERKANT DIE REËNBOOG WANNEER JY WEET Van meet af aan was dit duidelik die Viëtnamoorlog kan nie gewen word nie. As Amerikaanse minister van verdediging het Robert McNamara dié land se toenemende militêre betrokkenheid by Viëtnam aangedryf. As talentvolle voormalige hoof van Ford was McNamara bekend om sy besonderse talent om ingewikkelde probleme tot uitvoerbare eenvoud te ontleed. Danksy hierdie gawe kon hy Ford tot ’n nuwe vlak van produktiwiteit neem. Viëtnam se somme het nooit vir McNamara geklop nie. In private gesprekke met die destydse Amerikaanse president Lyndon B. Johnson het hy sy bedenkinge te kenne gegee, maar die politieke druk om kommunistiese uitbreiding in Suidoos-Asië te stuit, was net te kwaai. Ondanks al die feite is oë dus toegeknyp en is al hoe meer jong Amerikaners na ’n…

As radikale groepe in Suid-Afrika besluit om die reg in eie hande te neem omdat hulle glo die regering gaan nou voor die voet grond sonder vergoeding onteien, kan ’n ondenkbare chaos ontstaan, waarsku dr. Roelof Botha, ekonoom van die Optimum-beleggingsgroep. CHRISTINA BREEN skryf: Ongelukkig gaan almal nie net terugsit nie. Hoeveel sweet het mense nie gesweet vir hul eiendomme nie? Ek reken moontlik is dit die rede dat hulle meer tronke oopmaak en meer polisielede gaan aanstel. Maar waar gaan die salarisse, gratis verblyf in die tronke en ekstra uitgawes vandaan kom as al hoe minder mense werk? Die ryk man word reeds middelklas en die middelklas word arm en die arm mense ellendig. Later gaan die werkersklas wonder hoekom hulle moet werk. En wat dan? Manna gaan nie…

DIE dekade lange geveg tussen die Boerboeltelersgenootskap van Suid-Afrika (SABBS) en die registrateur van diereverbetering is in ’n hofuitspraak beëindig. Regter Elmarie van der Schyff het in die Gautengse hooggeregshof met koste ten gunste van die SABBS beslis dat die telersgenootskap ten volle geregistreer is en dat sy grondwet met sy rasstandaarde aanvaar word. Die uitspraak beëindig ook die geding of swart Boerboele ingevolge die SABBS se rasstandaard wettig geteel, as rasegte Boerboele verkoop en gekeur mag word en aan skoue mag deelneem. Dit volg nadat die departement van landbou, bosbou en visserye ingevolge die Wet op Diereverbetering (Wet 62 van 1998) verklaar het dat die swart Boerboel nie as ’n rasegte Boerboel erken word nie. Mnr. Joel Mamabolo, registrateur van diereverbetering, het volgens Van der Schyff se uitspraak sy…

BELANGEGROEPE en landbou-organisasies het einde verlede jaar aan me. Thoko Didiza, minister van landbou, grondhervorming en landelike ontwikkeling, gewys hoe die landbou 135 000 werkgeleenthede kan skep in die Vhembe-area, waar die Limpopo ekonomiese ontwikkelingsagentskap, LEDA, ’n swaarnywerheidsgebied met groot belastingvergunnings vir Chinese beleggers wil ontwikkel. In ’n voorlopige omgewingsimpakstudieverslag vir terreinontwikkeling van die beoogde nywerheidsgebied, wat oor meer as 8 000 ha ongerepte Bosveld strek, waarsku DeltaBEC, die omgewingspraktisyn, dat die ontwikkelingsplanme byna niks gunstigs vir die omgewing inhou nie. Byna elke spesialis-studieverslag in die omgewingsimpakstudie dui op katastrofiese gevolge vir die omgewing, en hoewel stappe gedoen kan word om die impak te versag, bly dit meestal ongunstig. Boere was dus glad nie verbaas om te hoor dat die Limpopo departement van ekonomiese ontwikkeling, omgewing en toerisme, die omgewingsimpakstudie…

Wanneer moet ’n mens vir aftrede begin voorsiening maak? Dadelik ná skool of jou studie, met ander woorde wanneer jy begin verdien. Niemand weet hoe lank hulle gaan leef nie en niemand wil in hul skemerjare van ander mense afhanklik wees nie. Hier volg ’n paar gedagtes: ■ Almal moet so gou moontlik begin spaar vir hul oudag, want niemand gaan dit namens jou doen nie. ■ Leef spaarsamig en spaar soveel as moontlik in verskeie relevante en voordelige beleggings. ■ Moenie koop wat jy nodig het nie. Koop waarsonder jy nie kan klaarkom nie. Om vir ’n mens se oudag te spaar, beteken jy moet alle moontlikhede in die beleggingsmilieu ondersoek en deurtrap. Afgesien van die bedryf (’n boerdery of ander besigheid) waarin ’n mens jou bevind om ’n…

Bokke pas beter as skape by nuwe omstandighede aan en los probleme makliker op. Dít is luidens ’n navorsingsartikel in die vaktydskrif Royal Society Open Science. Duitse en Britse navorsers het dopgehou wat gebeur toe 21 bokke en 27 skape hul pad rondom hindernisse moes vind om kos te bereik. Die diere is een-een na ’n kampie geneem. Iemand het aan die ander kant stelling ingeneem met kos byderhand. ’n Hek met ’n opening daarin het die direkte roete na die bak kos afgesper. Die navorsers het dopgehou of die diere direk vir die gaping mik, en hoe lank dit hulle neem om uiteindelik die kospunt te bereik. Ná ’n paar probeerslae is die opening verskuif, en die diere is weer getoets. Die bokke het aanvanklik vinniger en makliker om…

Die verkope van plantgebaseerde alternatiewe, soos sojakaas en hawermelk, het in die afgelope twee jaar met 89,9% onder Duitse verbruikers gestyg. Dit plaas die land eerste in Europa wat die verkope van veganistiese produkte en groei in dié segment betref. Volgens die nuusplatform Kr yptoszene stel 70% van Duitsers van 18-35 jaar oud daarin belang om ’n veganistiese dieet te volg. Interessant genoeg, die belangstelling onder mans is teen 58% besonder hoog. Dit het verlede jaar in Duitsland tot verkope van €993 miljoen (sowat R17,5 miljard) van sulke produkte gelei. In 2018 het hierdie syfer nog op €523 miljoen (sowat R9,2 miljard) gestaan. Volgens Kr yptoszene het ’n maatskappy soos die Rügenwalder Mühle-groep (wat reeds in 1834 gestig is) in 2014 sy eerste vleisvrye produk op die mark geplaas, en…

WATTER TEGNOLOGIE IS ONMISBAAR IN JOU BOERDERY? Alle presisietoerusting wat ons tans gebruik. WAT IS DIE BESTE RAAD WAT JY AL GEKRY HET? Voed die grond, nie die plant nie. WAT IS DIE GROOTSTE FOUT WAT JY IN JOU BOERDERY GEMAAK HET? Ek was naïef om te dink ek kan almal vertrou. Swendelaars maak seer. Bly eerder by ondernemings wat ’n goeie reputasie het, al is hulle soms duurder. WIE WAS JOU MENTOR? My pa. Hy het altyd geweet mielies móét hoër opbrengste kan behaal, maar die tegnologie was nog nie beskikbaar nie. WAT IS DIE GROOTSTE KWESSIES IN DIE BOERDERY? Om ten spyte van politieke onstabiliteit altyd optimisties te bly. Boer is lekker. Dit is in my bloed en ons wil net die boerdery sien vooruitgaan.…

Die Tuliras se Elitekoei vir 2021, AVR 090047, is die regstreekse gevolg van ’n teler se strewe om die winsgewendste bees vir die Karoo te teel. Haar eienaar, mnr. Christo Rothman, het dit sy doelwit gemaak toe hy meer as twee dekades gelede met dié ras begin boer het. Rothman se mentor in die beginjare was wyle mnr. Stefan van Wyk van die Tulibeestelersgenootskap, wat hom baie ondersteun het. “Alles wat ons in die stoetery doen, word volgens sy raad beplan,” sê hy. “Stefan het ons deur die jare geadviseer met die aankoop van vroulike teelmateriaal en bepaalde bulle vir ons uitgesoek. Ons doelwit is om ’n klas A2-karkas van 240 kg ekstensief van die veld af teen die laagste insetkoste te lewer. Om dit te bereik, moet ons ’n…

Wolstyl maak en versprei handgemaakte produkte. Vertel meer. Ja, ons bied gehekelde wolprodukte, hoofsaaklik babaklere (soos mussies, klere en kopbande), maar maak ook dekorprodukte vir die huis en produkte vir ma’s. Ek het ook al heelwat beertjies gemaak. Rondom die groot datums van die jaar, soos Kersfees, Paasfees, Moedersdag en Allerheiligeaand, stel ek ook temabokse saam. Hekel is my passie. Ek onthou nog goed hoe my skoonma (destyds was sy nog my toekomstige skoonma) my geleer hekel het. Die eerste artikel wat ek gehekel het, was ’n rooi-en-blou skootkombersie, en sedertdien het die hartstog net gegroei. Ek is ’n grondslagonderwyseres en verlede jaar, tydens my kraamverlof en die hoogtepunt van die Covid-19-pandemie, het ek begin nadink oor maniere om van my stokperdjie ’n besigheid te maak waarmee ek ’n glimlag…

BKB se veilingsafdeling het in 2020 sy aanlyn platformdiens begin. Volgens mnr. Gert Jordaan, bestuurder van digitale veilings en naspeurbaarheid by BKB, het die platform tot ’n wesenlike styging in die verhandeling van stoorlammers gelei. Dit het meer kopers toegang tot BKB se produksieveilings gegee. Altesame 115 000 lammers is in die afgelope 11 maande op dié platform verhandel. Dit het ook BKB se Boerbokveilings ’n goeie hupstoot gegee, met internasionale kopers wat ’n groot impak op verkope gehad het. “Kopers wat nie veilings kan bywoon nie, of huiwerig is weens Covid-19 is die geleentheid gebied om deel te neem. ’n Groot aantal boere wat produksieveilings aanbied, meen die aanlyn platform is uiters belangrik.” Belangstellendes kan boonop inskakel en die veiling volg sonder om te registreer. Volgens Jordaan is die…