Innehållsförteckning för 09 Sep 2021 från Landbouweekblad

FRONTALE stelsels gaan na verwagting rondom 7 en 8 September en dan weer teen middel September reën na die Wes-Kaap bring. Vanaf die tweede deel van September lyk dit asof die winter gaan begin oorgaan na lentetoestande met minder reën oor die winterreëngebied en warmer temperature. Mnr. Johan van den Berg, onafhanklike landbouweerkundige, sê hoewel die winter later as normaal begin het, maak dit beslis op met baie koue toestande wat veral in die laaste deel van Julie en Augustus voorgekom het. “Die laatwinter en lente van 2021 sal onthou word as een van baie onstuimige en koue toestande.” SOMERREËN Hoewel redelik goeie neerslae van tot 40 mm in die naweek van 14 en 15 Augustus oor die sentrale dele van Suid-Afrika voorgekom het, was dit nog nie regtig die…

L ANDBOUGEMEENSK APPE wat oor die afgelope jare talle probleme te bowe moes kom, moet afbrekende emosies met opbouende samewerking verplaas en met belanghebbendes saamwerk vir ’n beter Suid-Afrika, het mnr. Nicol Jansen (foto) in sy voorsittersrede op Agri Noord-Kaap se 42ste kongres gesê. “In weerwil van natuurtoestande, ekonomiese insinking, individuele kontantvloeiprobleme, politieke onstuimigheid en die bedreiging van die Grondwet, humanitêre krisisse, anargie en plundering, asook verhoogde onveiligheid, kan ons met dankbaarheid ’n moeilike jaar in oënskou neem.” Jansen, wat herkies is, het gesê boere moenie gal braak nie, maar eerder met gemeenskappe saamwerk vir volhoubare ontwikkeling. “Staatsdepartemente reageer nie gunstig op verwyte en kritiek nie. Afbrekende kommentaar op sosiale media gaan nie help dat die landelike veiligheidsplan bevredigend in werking gestel word nie.” Volgens hom is opbouende deelname en…

1 ZIMBABWE| Waglys lank, maar grond op Daar is minstens 250 000 mense op Zimbabwe se waglys vir grondverdeling, maar daar is nie meer plase vir nuwe begunstigdes nie, aldus mnr. Anxious Masuka, minister van grondsake. Die regering het vroeg in die 2000’s ’n grondherverdelingsprojek begin, waardeur duisende wit boere van hul plase verwyder en deur swart burgers vervang is. Masuka sê die meeste grond wat hiervoor gereserveer is, is nou toegewys. Die regering kyk hoe hy grond wat reeds aan mense gegee is, kan herverdeel. Mense met verskeie plase se grond sal teruggeneem word en onderbenutte plase word ook geteiken. — New Zimbabwe 2 ZAMBIË | Beter graanoes met staatsteun Vanjaar se graanseisoen sal na verwagting altesaam sowat 4 miljoen ton oplewer, wat ver bo die vyfjaargemiddelde…

DIE prestasie van landbouuitvoer in die eerste twee kwartale van 2021 bewys die veerkragtigheid van die sektor ten spyte van probleme weens die voortslepende covid-19-pandemie, sê mnr. Paul Makube, senior ekonoom van FNB Agribesigheid. Die landbousektor kon grootliks met sy bedrywighede aangaan tydens die verskeie inperkingstydperke, aangesien dit as ’n noodsaaklike diens gesien word. Die weer het ook saamgespeel, wat gelei het tot rekordoeste van die meeste kommoditeite. Die graan- en oliesaadoes het op ’n jaargrondslag met 2% tot 17,07 miljoen ton gegroei. Ten spyte van logistieke probleme het die landbousektor daarin geslaag om groot hoeveelhede produkte uit te voer. Volgens Makube is ’n handelsurplus van $1,5 miljard (R22,46 miljard) in die tweede kwartaal behaal danksy ’n 36%-toename in to-tale landbou-uitvoer, ter waarde van $3,2 miljard (R42,7 miljard), in die…

ZAR X, die platform waarop onder meer Senwes en TWK se aandele verhandel, se lisensie is tydelik opgeskort. Die beurs sê egter dit is net ’n tydelike terugslag en beleggers se geld is veilig. Sewe ondernemings se aandele is op dié beurs genoteer. TWK het vroeër aangekondig dat hy in September sy aandele na twee ander sekuriteitebeurse, 4AX-sekuriteitebeurs as primêre notering, en A2X-sekuriteitebeurs as ’n sekondêre notering, sal verskuif om groei te ontsluit Aandeelhouers van TWK Investments het rede om ontevrede te wees oor die skielike opskorting van verhandeling in hul aandele, sê mnr. Eddie Fivaz, finansiële hoof van TWK. “Ons wou al vroeër as einde September geskuif het, maar ZAR X het dit vir ons moeilik gemaak om dit te doen, wetende dat hierdie swaard (van die opskorting van…

’N MAN wat diep spore in sy loopbaan as veearts getrap het, dr. Hans van de Pypekamp (80), is in Junie in ’n motorongeluk oorlede. Hy het die afgelope 30 jaar veral ’n groot bydrae tot die vestiging van die Nguni-beesras gelewer. Van de Pypekamp het die omvangryke boek Nguni-beeste: Kenmerkende raseienskappe en funksionele doeltreffendheid die lig laat sien. Die boek is ook in Engels vertaal. Hy het in 1964 as veearts by Onderstepoort gekwalifiseer. Daarna het hy as staatsveearts op Piet Retief en later Rustenburg en in Pretoria gewerk. Hy was betrokke by navorsing oor plantvergiftiging, hondsdolheid, snotsiekte, Afrika-varkpes en hartwater. Hy was ook ’n skrywer en medeskrywer van wetenskaplike artikels oor hierdie siektes. Van de Pypekamp het later as voorsitter van die hondsdolheid-advieskomitee vir die direktoraat veeartsenykunde gedien.…

Daar gaan in die volgende twee dekades groot geleenthede in Suid-Afrika wees, maar dit is noodsaaklik om te beplan vir die probleme wat eie aan Afrika is.’— RONALD KING Ek het in Augustus die voorreg gehad om by sitrusboere teen die Limpoporivier te kuier en oor die toekoms van ons wonderlike land te gesels. Ons het gepraat oor watter vlae vir ons ’n aanduiding sal wees dat dit tyd is om ons tassies te pak en iewers heen te emigreer, en watter van daardie vlae tans groen en watter rooi is. Dit was nogal moeilik om oor groen vlae te gesels as al die boere daar se verpakkingsaanlegte al weke lank stilstaan omdat hulle nie vervoer na die Durbanhawe kan kry nie en omdat die hawe nie die sitrus kan…

’N DERDE uitgawe van die Landbounavorsingsraad se instituut vir tropiese en subtropiese gewasse (LNRTSG) se Production Guidelines for Pecan het onlangs verskyn. Die produksiegids is saamgestel deur mnre. Arthur Sippel, ’n navorsingsleier vir teling by die LNR-TSG, en Hardus du Toit, wat vir die Suid-Afrikaanse Pekanprodusente-organisasie (Sappa) in Hartswater werk. “Die klem is op produsente, voornemende produsente en studente,” sê Sippel, wat reeds 30 jaar gelede sy eerste pekanneutbome geplant het en deesdae onder meer die LNR se pekanneutgenebank help onderhou. Die skrywers is bygestaan deur kollegas by die LNRTSG, asook van die Universiteit van die Vrystaat, die SA pekanneutprodusentevereniging en bedryfskenners verbonde aan Netafim, Kynoch en Omnia Nutriology. Die 27 hoofstukke dek onder meer kwekerystandaarde, die klimaats- en grondbehoeftes van die bome, siektes en plae, bemesting, snoeitegnieke, boordontwerpe, besproeiing,…

KORTOM ■ Die Genade-boerdery verbou primêre produkte van gehalte en volg ’n gediversifiseerde boerderybenadering waarin risiko omvattend beperk word. ■ Mnr. Gerhard Bruwer benut die bedingingsmag van Genade-boerdery se skaalgrootte om beter pryse vir produkte en laer insetkoste te beding. ■ Spesialiskundigheid van die onderskeie aandeelhouers dra by tot die suksesvolle bestuur van die groter boerdery. Mnr. Gerhard Bruwer van Douglas, Noord-Kaapse Jongboer van die Jaar, speel ’n leiersrol in die bestuur van een van Suid-Afrika se grootste familieboerderye wat jaarliks derduisende ton voedsel verbou. Gerhard en sy twee broers aanvaar die verantwoordelikheid van hul afsonderlike eenhede van sowat 2 000 ha besproeiingsgrond wat die groter Genade-boerdery van hul pa, mnr. Vickie Bruwer, uitmaak. Gerhard boer in die Douglas-gebied (grondbone, aartappels), Vickie jr. in die Schmidtsdrif-gebied, en Hannes by Hopetown…

Met Eerstewêreldse klerekopers wat op volhoubaar geproduseerde produkte aandring, begin volhoubare sertifisering vir wol en sybokhaar al hoe meer vastrapplek kry. ’n Groot deel van Suid-Afrikaanse wol is vir dié mark geskik, sê mnr. Isak Staats, hoofbestuurder van wol en sybokhaar by BKB. Dit het tot ’n toename in standaarde vir volhoubaarheid gelei, en daar is wêreldwyd tans sowat 20 verskillende standaarde vir wol. Suid-Afrikaanse wolboere is tans die voorste verskaffers van gesertifiseerde wol ingevolge die Responsible Wool Standard, en het in die 2020-’21-seisoen sowat 10 miljoen kilogram gesertifiseerde wol verkoop. Hoewel premiepryse nie ’n gegewe is nie, het boere gemiddeld 9% meer vir dié wol verdien, wat ’n bykomende R90 miljoen tot R100 miljoen vir die Suid-Afrikaanse bedryf ingebring het. Die plaaslike bedryf het ook die Sustainable Cape Wools…

DIE alkoholverbod-hofsaak in die hooggeregshof in Kaapstad lê die spanning bloot tussen die nasionale en die Wes-Kaapse regering, met die twee partye wat verskil oor die magte wat die Grondwet tydens ’n pandemie aan hulle gee. Vinpro voer aan dat provinsies, spesifiek die Wes-Kaap, self behoort te besluit oor ’n alkoholverbod tydens die pandemie omdat die Grondwet en die Drankwet (Wet 27 van 2003) aan hom die gesag gee oor dranklisensies, wat bepaal wie alkohol mag verkoop. Die saak belig grondwetlike kwessies. Die regering voer aan die nasionale toewysing van rolle en verantwoordelikhede is geregverdig omdat ’n nasionale ramp die mobilisering van nasionale hulpbronne vir doeltreffende bestuur vereis. Adv. Mitchell de Beer, vir mnr. Alan Winde, Wes-Kaapse premier, het gewaarsku wanneer ’n nasionale regering inbreuk maak op die magte van…

R673 milj Bayer AG en ander beleggers gaan $45 miljoen (R673 miljoen) belê in ’n landbou-onderneming wat daarop aanspraak maak dat sy produkte die wêreld se stikstofbemesting met 30% kan verminder. Sound Agriculture in Kalifornië, Amerika, het ’n alternatief ontwikkel vir sintetiese misstof vir mielies en sojabone, wat plante meer toegang gee tot grondstikstof en -fosfor, asook ’n teeltegniek wat plantontwikkeling versnel. — Bloomberg 15,1% Koring het op 26 Augustus teen R5 720/t verhandel, 15,1% hoër as ’n jaar gelede. Dit is die hoogste vlak sedert November 2020 toe die prys tot byna R6 100/t gestyg het. Omdat Suid-Afrika ’n netto invoerder van koring is, met meer as 1 miljoen t/jaar wat ingevoer word, speel die rand ’n groot rol in prysbewegings, tesame met die onderliggende koringtarief. Die verwagte oes…

MNR.GERHARD BRUWER, wat saam met sy twee broers en pa by Douglas boer, is die NoordKaap se Jongboer van die Jaar. Die tien vertakkings versprei risiko en sorg vir ’n stewige kontantvloei agt maande van die jaar. Lees die artikel op bl. 42. Vertel van jou gesin. Ek en my vrou, Liezel, het drie kinders – LJ (8), Lika (3) en Jean (6). Watter boek lees jy tans? Kallie Schoeman van die Schoeman-boerdery het vir my die boek Familieboerderye in Suid-Afrika (deur Elmarie Venter, Theo Vorster en George Robertson) gegee. Wie is jou mentor? My pa, Vickie sr., die toonbeeld van “leef en laat leef”. Hoe is een van jou drome bewaarheid? Toe ek my boerdery wou uitbrei, het my pa my die geleentheid gegee om na grond te gaan…

DIE hoendervleisbedryf verwelkom die aanbeveling dat bestaande teenstortingstariewe op ingevoerde hoenderstukke aan die been uit drie Europese lande verleng word. Itac, die kommissie vir internasionale handelsadministrasie, het aanbeveel dat die bestaande teenstortingstariewe vir Duitsland, Nederland en Brittanje, wat sedert 2015 geld, vir die volgende vyf jaar verleng word. Sulke tariewe verval volgens ’n afloopklousule ná vyf jaar, tensy Itac die verlenging daarvan vir nog vyf jaar hersien. As die aanbeveling deur die departement van handel en nywerheid aanvaar word, is ingevoerde hoenderstukke aan die been uit Duitsland vir die volgende vyf jaar onderworpe aan ’n teenstortingstarief van 73,33%, dié uit Nederland aan 22,81% en Britse hoenderstukke aan 30,09%. Dit is heelwat minder as die Suid-Afrikaanse Pluimveevereniging (SAPV) se hernuwingsaansoek wat gevra het vir ’n teenstortingstarief van 307% op dié snit…

DIE slakkegang waarmee vuurwapenlisensies by die sentrale vuurwapenregister toegeken word, frustreer nie net vuurwapeneienaars nie, maar ook die parlement se portefeuljekomitee vir polisie. Die polisie het bekend gemaak van die 75 363 aansoeke om vuurwapenlisensies wat in die 2020-’21-amnestie-tydperk ingehandig is, is nog net 4 241 afgehandel. Van die 29 758 aansoeke wat in die vorige amnestietydperk, die 2019-’20-boekjaar, ingedien is, is 14 899 afgehandel. Vroeër vanjaar het mnr. Bheki Cele, minister van polisie, en sy bestuurspan ook raas gekry by die komitee oor die slakkegang. Hulle is toe weggestuur om met die regte syfers na die komitee te kom weens teenstrydighede in die statistieke vir die vuurwapenamnestie. Sy span het die vordering sedert Mei met die agterstand rakende die vaslê van data en ander prosesse aan die komitee voorgelê.…

GAUTENG. Mnr. José Goncalves is as Agri Gauteng se Jongboer van die Jaar aangewys. Goncalves (24) is van A&J Farms naby Boksburg, waar verskeie gewasse, insluitende blaarslaai, wortels, kool en beet, verbou word. “Daar is min geleenthede waar die vernuwing wat jong boere vandag aan die dag lê, só erken word,” het hy oor die toekenning gesê. “Dit is ’n moeilike bedryf en dit is lekker om met mense te skakel wat eenders dink.” Hy het jong boere aangemoedig om meer vernuwend oor hul boerderye te dink. “Dit gaan daaroor om elke dag meer en meer aanpasbaar en vernuwend te wees. Vir ons as jong boere om volhoubaar te kan boer, kan ons nie net voortgaan op dieselfde trant nie. Ons moet alle faktore wat met ons boerdery te doen…

Die meesterplanne het sy wortels in die bydrae wat vervaardiging lewer tot die land se bruto binnelandse produk (BBP), verduidelik dr. John Purchase, uitvoerende hoof van Agbiz. “In die laat 1990’s het die vervaardigingsektor meer as 25% van die ekonomie beslaan. Dit was ’n sterk sektor, relatief tot ander sektore van die ekonomie. “Met die oopmaak van handel ná ons ’n demokratiese bestel betree het, het ons gedeïndustrialiseer en vervaardiging is nou net 12-13% van ons totale BBP.” Die regering se ekonomiese heropbou-en-herstelplan wil handelsbeleid, veral handelstariewe, inspan om plaaslike produksie uit te brei, die ekonomie se produktiewe basis te verbreed en inklusiewe groei te bevorder. Om industrialisering deur lokalisering te bevorder, moet meer produkte op eie bodem verwerk word en daar word met die private sektor saamgewerk om die…

DANKSY vanjaar se bogemiddelde appel- en peeroes vorder die uitvoer van dié vrugte goed. Dr. Ivan Meyer, Wes-Kaapse minister van landbou, sê tot dusver is 24,55 miljoen kartonhouers appels en 12,586 miljoen kartonhouers pere uitgevoer. Appels is hoofsaaklik na die Verre Ooste, ander lande in Afrika, en Brittanje uitgevoer. Pere is hoofsaaklik na die Europese Unie, die Verre en Midde-Ooste, en Rusland uitgevoer. Volgens Meyer word verwag dat ’n rekordvolume appels en pere vanjaar uitgevoer sal word. Na verwagting sal 42,55 miljoen kartonhouers appels en 17,47 miljoen kartonhouers pere uitgevoer word. Dit is onderskeidelik 16% en 4% meer vergeleke met verlede jaar. VRAGHOUERS Meyer sê hy is bekommerd oor struikelblokke vir uitvoer weens onder meer weerstoestande, toerusting wat onklaar raak, en ’n tekort aan vraghouers. Hy versoek dat Trans-net nuwe…

GROTER betrokkenheid by rooivleis se waardeketting kan vir boere meer geld in die sak bring. Om hulle hiervoor te bemagtig, het dr. Michael Bradfield, uitvoerende hoof van die Lewendehawe-registrerende Federasie (LRF), sprekers vir die volgende LRF-Veeskool gewerf van lande wat reeds ver op dié gebied gevorder het. Die tema van die hibriede Veeskool, wat van 13-15 Oktober deur die LRF, Breedplan en Landbouweekblad aangebied word, is “Kritiese suksesfaktore vir ’n inklusiewe en winsgewende lewendehawe-waardeketting”. Mnr. Bruno Andrade, ’n direkteur van die Mato Grossovleisinstituut in Brasilië, gaan sy land se suksesvolle uitvoerstrategie verduidelik. Mnr. Jason Strong, hoof van Meat and Livestock Australia, een van die wêreld se grootste vleisuitvoerders wat op premiemarkte vir hoëwaardevleis konsentreer, gaan oor hul strategie praat. Dr. Steve Miller, waarnemende direkteur van die Animal Genetics and Breeding…

Die Reserwebank se rol in die bestuur van rentekoerse waarvoor inflasie as een van die maatstawwe gebruik word, was die afgelope tyd gereeld in die kollig in debatte in die finansiële media oor die inflasieneigings. Daar is ook debatte oor die Federale Reserwebank van Amerika wat sy grootskaalse geldskepping en die inpomp van geld in die ekonomie gaan verlangsaam en sy rentekoerse gaan verhoog, deels omdat die Amerikaanse ekonomie sterk herstel en inflasie daar begin kop uitsteek. Dit het die wisselkoers van die rand teenoor die Amerikaanse dollar vinnig laat verswak omdat geld terugvloei na Amerika in afwagting op hoër rentekoerse. Daar is ook die siening dat die plaaslike inflasiekoers hoog gehou word deur voedselpryse wat die afgelope jaar bly styg. Een kommentator het selfs (verkeerlik) beweer die stygende prys…

Die grootste probleem vir eierprodusente is steeds die stygende insetkoste van onder meer voer. Volgens syfers van die Suid-Afrikaanse Pluimveevereniging het die gemiddelde prys van voer vir lêhenne in 2020 met 4,8% tot R4 012/t gestyg, teenoor die styging van 17,4% die vorige jaar. Die voerprys sluit die verspreidingskoste in, maar nie die koste van medisyne, aanvullende voer en verkoopsbelasting nie. Dr. Abongile Balarane, die uitvoerende hoof van die vereniging se eierorganisasie, sê produsente het in Maart vanjaar sowat R3 600/t vir geelmielies betaal, teenoor die verhandeling daarvan in Julie teen effens laer vlakke van R3 300/t. Die gemiddelde prys vir gegradeerde eiers was in Maart vanjaar R16,51/dosyn. Dit is 9,9% hoër as in Maart verlede jaar. Dit is 3,2% hoër as in Februarie vanjaar. Die gemiddelde prys vir ongegradeerde…

Die covid-19-pandemie het mnr. Basil Williams van Stellenbosch aangespoor om waarde tot sy kruieboerdery toe te voeg, nuwe maniere te vind om klante te bereik, en boonop uit te brei. Sy onderneming Herbal View Hydroponics het oor ’n dekade gegroei van ’n hoekie onder nette in sy ouers se tuin tot 1 ha grond, ses personeellede en ses tonnels wat elk 10 000 tot 20 000 plante huisves en maandeliks 3 ton basilie, koljander, tiemie, ment of mikrokruie lewer. Sy pad was nie sonder struikelblokke nie. Nadat hy met steun van die Wes-Kaapse departement van landbou na ’n groter stuk grond by Pniel uitgebrei het, het ’n storm sy tonnels verwoes. Weer danksy die regering se hulp kon hy ’n meer geskikte stuk grond huur, twee tonnels oprig en ’n…

DANKSY ’n gratis elektroniese gids deur die WWF-SA kan grondeienaars, bestuurders en kontrakteurs in die Kaapse blommeryk hulself vergewis van hoe om uitheemse indringerplante te bekamp. Dié gids beslaan nege hoofstukke, en is ook in Engels beskikbaar. Dit is saamgestel deur kenners van die staat, die Stad Kaapstad, private ondernemings en nie-regeringsorganisasies. Dit omskryf die jongste beleid, wetlike verpligtinge en rigtinggewende beste praktyke oor indringerbekamping, die veilige gebruik van onkruiddoders en die rehabilitasie van skoongemaakte grondgebied. Die verspreiding van uitheemse plante met ’n hoë waterbehoefte is een van die grootste bedreigings vir die gesondheid van Suid-Afrika se noodsaaklike waterbronne en dus ook watersekerheid, volgens me. Ruth Beukman, hoof van vars water en beleid by die WWF-SA. Laai die gids gratis af: www.wwf.org.za/report/ invasive_plants_handbook Afrikaans: www.wwf.org.za/ report/invasive_plants_handbook_Afr…

Net lug en die son se hitte is nodig om weer te maak, skryf Tim Brooks in National Geographic. “Maar dan raak dinge ingewikkeld. Die wolke weerkaats ’n deel van die son se energie en ’n ander deel verhit die aarde en oseane. Lug wat in die trope warm geword het, word minder dig, styg op en dryf na die pole. Onderweg koel die lug af, en die vog in dié lug kondenseer, vorm wolke en val as reën.” Dit is nie al nie, skryf Brooks. “Die aarde se rotasie veroorsaak dat die lugstrome in die Noordelike Halfrond regs swaai en links in die Suidelike Halfrond. Berge, seestrome en straalstrome wat baie hoog teen sowat 322 km/h of meer kronkel, het alles ’n invloed op die uitgebreide sirkulasiepatroon. “Voeg daarby…

Die Griekse filosoof Heraklitus het gesê verandering is die enigste konstante faktor in die lewe. Die menslike natuur is geprogrammeer om te glo dinge sal binnekort na normaal terugkeer wanneer ’n verandering intree, wat meestal die geval is. Die uitsondering is ontwrigtende veranderings, wat gedefinieer word as ’n gebeurtenis of ketting van gebeure wat ’n fundamentele en permanente verandering van bestaande omstandighede vereis. Klimaatsverandering en aardverwarming is só ’n ontwrigtende krag wat ’n diepgaande en permanente uitwerking op veeboerderye wêreldwyd het. Daar is vele wetenskaplike bewyse dat die wisselvalligheid van die klimaat en aardverwarming die afgelope twee dekades die produksie-omgewing en -grondslag van veeboerdery in Suider-Afrika drasties verander het, met ’n potensieel ontwrigtende uitwerking op veeproduksie en voedselsekerheid. Dit sluit in ’n toename van 1 °C in die gemiddelde jaarlikse…

Oudtshoorn se Tuisnywerheid is bekend as dié plek op die dorp waar jy al vyftig jaar lank die varsste produkte teen die beste pryse kan koop, en die ywerige vroue is beslis nie van plan om op te hou bak nie. Inteendeel, ondanks terugslae soos brande en die covid-19-inperking word planne beraam om steeds te verbeter. Die gehalte van die produkte is uitstekend, want elke produk moet goedgekeur word voordat dit op die rak gesit word, sê Anna du Plessis, vorige voorsitter van die Tuisnywerheid se direksie en al 48 jaar lank ’n lid. Dit is hierdie “waarborg” van gehalte wat kopers laat terugkom. Só ’n onderneming kom nie sommer vanself tot stand nie. Betsie Schoeman, ’n boervrou van De Rust, was die dryfveer agter die Tuisnywerheid en destyds die…

Die regter het die beskuldigde vierkant in die oë gekyk en vir hom gesê: “ Meneer, dit is baie duidelik dat jy hierdie saak waarvoor jy teregstaan, vooraf beplan het. Dit was wel nie baie intelligent gedoen nie, maar dat dit nie op die ingewing van ’n onbewaakte oomblik was nie, is vir hierdie hof baie duidelik.” Die regter het toe die volgende vraag aan hom gestel: “Het jy nie, voor jy besluit het om jou ouers so wreed om die lewe te bring, vir ’n oomblik gedink aan die gevolge wat daaruit sou voortvloei nie? ’n Mens moet mos eers dink voordat jy doen – of werk dit nie so nie?” Die beskuldigde het pateties rondgeskarrel op soek na ’n gepaste antwoord: “U Edele, ek het nie geweet nie.…

SOWAT 70% van die vis wat aan Afrika se kuslyn, soos dié van Namibië en Mauritanië, gevang word, word uitgevoer of deur ryk lande gemonopoliseer. ’n Databasis met voedingkundige inligting oor visspesies is onlangs gratis vrygestel om die gaping in kennis te verbeter oor hoe wanvoeding aangepak behoort te word. Al is vis die hoofbestanddeel van meer as 3 miljard mense se diëte en die hoofvoedingsbron vir meer as ’n miljard mense in arm lande, is baie van daardie lande hul voedsame visbronne kwyt omdat dit uitgevoer en deur ander lande ontgin word, terwyl vis en visprodukte van ’n laer gehalte ingevoer word. Visspesies met omega 3-vet-sure, kalsium, yster en sink wat aan die weskus van Afrika geoes word, kan ’n aansienlike bydrae lewer om wanvoeding en belemmerde groei op…

Die gesamentlike Transgariep-veiling van drie telers op die plaas Hillside, Springfontein, het ’n duurste Angusbul van R82 000 opgelewer, met die hoogste prys vir ’n Afrigusbul van R52 000. Die telersgroep is mnre. Fanie Lubbe van die Eensgevonden-Angusstoetery by Trompsburg, Martiens le Roux (Afrigus en Angus) van die Victorio-stoetery by Bethulie en Ian McLachlan (Bungaree-stoetery) wat op Hillside as gasheer opgetree het. Dit was die groep se elfde produksieveiling. Die duurste bul is deur die YB Cattle Company van mnr. Tom Yzel van die plaas Wonderkuil by Marquard gekoop. Hy het ook die hoogste prys van R52 000 vir ’n Afrigusbul van Le Roux betaal. Ses Afrigus-bulle het gemiddeld R41 333 behaal. Twee Afriguskoeie het elk R14 000 behaal en vyf oop Afrigus-verse elk R8 700. Le Roux se Afrigusbul…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 16-17 SEPTEMBER: AgriTech 2021, Emperors Palace, Johannesburg. Onderwerpe wat bespreek gaan word, sluit in presisielandbou, water- en grondbestuur, landboutegnologie en kuberveiligheid.E-pos: kennedy@lead-africa.co.za, web: www.lead-africa.co.za 13-16 OKTOBER: Conexpo Africa 2021, Johannesburg. Werktuie, voertuie en produksiemiddele vir die landbou-, bosbou-, mynbouen boubedryf in Afrika suid van die Sahara. Web: www.bcafrica. com, e-pos: info@mm-sa.com, 011 476 8093. SKOUE 6-10 SEPTEMBER: BKB-Afrika-Alleras-lewendehawe-ekspo (BKBALE), Afridome, Parys. Alle bees-, skaap-, bok- en pluimveerasse is welkom om te skou of uit te stal. Stefan Coetzee (beeste), 083 384 3675; Jan Mostert (kleinvee), 083 306 8408; Carla de Kock (ander navrae), 082 447 1650; e-pos: info@bkbale.co.za 15-18 SEPTEMBER: Heidelbergskou. Vic Brand, 063…

‘Ons sal moet organiseer, betrokke raak en hard skree op die kerkplein – nou meer as ooit tevore. Daar is baie dinge op die spel.’ ME. ANN BERNSTEIN van die sentrum vir ontwikkeling en ondernemings oor hoe probleme nie ontken moet word nie. Bl. 18 ‘Daar is nie so ’n ding soos ’n vryehandelsomgewing nie. Alle handel dien die belange van daardie land. En ons moet wakkerder wees om ons eie belange te beskerm.’ DR. JOHN PURCHASE van Agbiz oor lokalisering. Bl. 20. ‘Boere in droogtegeteisterde gebiede het bewys hoe hulle steeds soggens opstaan, veld toe loop, skaap kos gee en alles môre herhaal. Deursettingsvermoë sal ’n toekoms verseker.’ MNR. NICOL JANSEN van Agri Noord-Kaap oor die waarde van die regte ingesteldheid. Bl. 18 ‘As ons sulke kultivars kan kry,…

O or die iewat langer as ’n eeu dat Landbouweekblad boere bedien, het dinge voorwaar baie verander. Destyds, in 1919, toe die tydskrif die eerste keer verskyn het, was dit ’n verbete poging om Afrikanerbestaansboere, verarm deur die verwoesting van die Anglo-Boereoorlog, met praktiese landbou-inligting te probeer kommersialiseer. Vandag is Suid-Afrika se wêreldklas-landbou ’n getuigskrif vir hoe suksesvol daardie poging uiteindelik was. Die land se boere word deesdae wyd as van die bestes ter wêreld beskou. Vandag het die osse en per-de van weleer plek gemaak vir reusewerktuie met ’n magdom slim digitale oë wat alles dophou. Hommeltuie, genomika en slim klimaatbeheer raak deesdae so deel van ’n boer se lewe soos droogtes en donderstorms. En soos wat die landbou oor die jare verander het, het Landbouweekblad ook aangepas. Waar…

Beesgalstene vir vryerige Japanners, en harsings, byniere en pankreasse vir noodsaaklike medisyne is maar ’n paar van die karkasprodukte wat die groter slagter se inkomste ’n stewige hupstoot gee en vleis byna ’n bysaak maak. Vegetarisme is mos deesdae hoogmode. Daar is mense wat om die een of ander mediese rede liewer nie rooivleis eet nie, en daar is diegene wat om gewetensredes nie vleis wíl eet nie. Dit is alles goed en wel, maar besef hulle dat dit feitlik onmoontlik is om in die twintigste eeu te lewe sonder om die een of ander deel van ’n dier se liggaam te gebruik? G’N SALF TE SMEER Dit is maklik genoeg om sonder ’n pelsjas klaar te kom of seilpleks van leerskoene te dra. Dit is ook maklik om neute…

’N DERDE weergawe van die 18de wysigingswetsontwerp op die Grondwet wil hê dat die afsnydatum vir grondeise so ver terug as 1 Januarie 1800 geskuif word en dat gemeenskapsgrond nie sonder vergoeding onteien mag word vir grondhervormingsdoeleindes nie. Die ad hoc-komitee wat gelas is om die wysigings vir artikel 25 op te stel om nulvergoeding vir die doeleindes van grondhervorming duidelik in die Grondwet in te skryf, het vir ’n vyfde keer uitstel by die nasionale vergadering gekry om sy werk te voltooi. Die komitee het nou tot 10 September om sy werk te voltooi. Die parlement se regspan het die jongste weergawe uit die openbare kommentare saamgestel wat teen 13 Augustus 2021 ingehandig moes gewees het. Vanweë die insette, wat by die wysigingswetgewing ingewerk is, moes komiteelede weer die…

SAK ELEIERS moet ophou om ’n juigkommando te wees en dinge toe te pleister. Hulle moet dit wat hulle om etenstafels vir mekaar sê, in die openbaar ook sê en baie meer strategies wees oor hoe hulle Suid-Afrika se magdom probleme benader, het me. Ann Bernstein van die sentrum vir ontwikkeling en ondernemings (CDE) op Agri Limpopo se kongres gesê. Landbou-organisasies en landboubesighede kan op streekvlak hul stemme dik maak sodat elke politikus, tesame met die premier en topbeamptes, dit kan hoor. Oor die regering se onvermoë om die ekonomie te hervorm het Bernstein gesê die kommersiële landbou, groot en klein, het die enigste werklike kapasiteit. Landboumaatskappye en kommersiële boerderye moet uitgesproke wees oor die noodsaaklikheid vir verandering in die reëls vir die arbeidsmark om eerder meer werkgeleenthede as meganisasie…

DIE produksie van rosyne sal na verwagting vanjaar na normale vlakke terugkeer en met 19% tot 85 000 ton in die 2021-’22-produksiejaar styg, luidens ’n verslag van die Amerikaanse departement van landbou se buitelandse landboudiens (FAS). Die FAS, met die samewerking van Rosyne Suid-Afrika, sê die voorspelling word gegrond op normale weerstoestande, ’n toename in die oppervlakte wat met rosyntjiedruiwe beplant is, nuwe boorde wat in volle produksie kom, en ’n verbetering in opbrengs danksy nuwe kultivars en produksiepraktyke. Die gebied onder rosyntjiedruiwe sal luidens die verslag met 3% tot 19 900 ha in die 2021-’22-bemarkingsjaar groei, vergeleke met 19 300 ha in die 2020-’21-produksiejaar. Een van die redes vir die groei is die finansiële oorwegings van wynboere wat gebuk gaan onder ’n relatiewe lae prys vir wyndruiwe en beperkings…

■ Die Reserwebank moet die welvaart van alle Suid-Afrikaners verbeter en daarom is dit noodsaaklik dat hy onafhanklik bly van die regering. ■ Die monetêre beleidskomitee van die Reserwebank vergader gereeld om die ekonomiese groei, faktore wat die inflasiekoers buite die teikenband kan neem, en faktore wat die stabiliteit van die wisselkoers kan beïnvloed, beoordeel. ■ Van die redes waarom voedselpryse in Suid-Afrika minder styg as internasionale pryse is dat Suid-Afrika selfvoorsienend met die meeste basiese voedselsoorte is danksy die produktiwiteit van die kommersiële landbousektor.…

Veldbrande wat onlangs in Namibië voorgekom het, is met die hulp van ’n karteringskundige gekarteer. Dit is gedoen om ’n beter oorsig te verkry oor die voorkoms van brande wat jaarliks derduisende hektare kosbare weiding verwoes. Die land steun swaar op sy veebedryf, wat ook die grootste bedryf in die landbousektor is. Beeste, kleinvee en wild word byna uitsluitlik op natuurlike weiding aangehou. Ondanks die droogte het die waarde van vleis wat verlede jaar geproduseer is, bykans R2,2 miljard bedra. Ander tye gaan dit nóg beter met die veebedryf, soos in 2018 toe dit sowat R3,6 miljard en in 2017 toe dit ongeveer R3,3 miljard be-loop het. Die Namibiese Landbou-unie (NLU) sê in sy jongste nuusbrief hy wou meer oor die brande te wete kom wat die land van April…

HONDETELERS wat wonder oor moontlike aangebore doofheid by sekere bloedlyne, kan hul diere se gehoor laat toets by die Onderstepoort Veeartsenykundige Akademiese Hospitaal van die Universiteit van Pretoria. Danksy dié instelling se nuwe UFI Baercom-masjien uit Amerika is sulke toetsing nou makliker. Dit toets elektriese werking (of die gebrek daaraan) in die koglea en gehoorkanale. Ore word afsonderlik getoets.’n Toets kos R500 tot R600. Niks kan tans gedoen word vir honde wat aan aangebore doofheid ly nie. Luidens ’n verklaring deur die UP is sekere honderasse meer geneig daartoe, waaronder Dalmasiërs, Bulterriërs, Australiese Beeshonde, Engelse Jaghonde, Engelse Cockerspanjoele en Bostonterriërs. Honde met ligter velle, veral as hulle blou oë ook het, is ook meer geneig om aan aangebore doofheid te ly.…

V erskeie ekstreme weerverskynsels het die afgelope paar maande voorgekom. In Junie het ’n hitte-koepel (intense hoogdrukstelsel) rekordhoë temperature in Kanada en die noordweste van Amerika veroorsaak. In die gewoonlik gematigde klimaatsgebiede, soos die Amerikaanse stad Seattle, het ’n rekordtemperatuur van 42 °C voorgekom. Op die dorp Lytton in Kanada is ’n ongekende 49,6 °C gemeet. Daarby het ondergemiddelde reënval oor hierdie gebiede voorgekom, asook verder ooswaarts in die mieliegordel en droogteskade aan die somergraanoes veroorsaak. Siklone het skade in sekere dele van die ooskus van Amerika aangerig. ’n Bogemiddelde aantal siklone is vir Augustus en September verwag, wat vir ’n rekord- sesde jaar agtereenvolgens sal voorkom. In Julie het die ergste vloede in meer as ’n halfeeu Duitsland, Nederland en België getref. In dieselfde maand is groot skade in…

Alle boere met wie Landbouweekblad gesels het, hou minstens een webwerf dop. Yr.no, ’n gebruikersvriendelike Noorweegse webwerf, is feitlik op almal se lys en nommer een vir sy windvoorspellings, al is die reënvoorspellings nie oral ewe akkuraat nie. Van die boere, soos mnr. Pieter de Jager, ’n graan-en-veeboer van Karnemelksvlei, Albertinia, laat niks aan toeval oor nie, en kyk na “’n hele lot” webwerwe, soos windguru, windfinder, yr.no, accuweather en wxmaps, en gebruik die gemiddelde van alle voorspellings. “Omdat elkeen verskillende wiskundige en/of voorspellingsmodelle gebruik, wissel hul voorspellings taamlik.” De Jager het ook ’n weerstasie van Fieldclimate op die plaas. Dit meet alle parameters en voorspel tot tien dae vooruit volgens die plaas se data en ligging. “My stasie versamel uurliks data om seisoene of tydperke met mekaar te vergelyk.…

EIERVRUG-ENTAMATIESTAPELS Jy kan hierdie heerlike groentestapel met dik tamatiesmoor (soos op die foto) of met skywe vars, ryp tamatie maak. ■ Olyfolie ■ 3 groot eiervrugte, in 2 cmskywe gesny en liggies met sout besprinkel ■ 250 ml dik tamatiesmoor of 3 groot, ryp tamaties (in dun skywe gesny) ■ 2 wiele fetakaas, in dun skyfies gesny ■ 125 ml basiliepesto ■ Swartpeper, olyfolie en balsamiese asyn na smaak ■ Vars basilieblare of gesnipperde stingeluie, om af te rond Voorverhit die oond tot 200 °C en voer ’n diep bakplaat of ’n oondbak met foelie uit. Smeer die foelie liggies met olyfolie. Nadat die eiervrugskywe sowat 10 minute gestaan het met die sout daarop gesprinkel, spoel dit af en druk elke skyf goed droog met kombuispapier. Verhit ’n bietjie olyfolie…

Tydens die Anglo-Boereoorlog (1899-1902) het ’n gewonde Britse soldaat wat by die Deelfontein-veldhospitaal sowat 50 km suid van De Aar aangesterk het, ’n aantal vreemde konyne met dik pels aan hul pote en swart, snoragtige merke doodgemaak. Twee van hulle is gepreserveer en na die Britse natuurhistoriese museum gestuur, waar dr. Oldfield Thomas hulle in 1902 as ’n spesie van “ ’n heeltemal ander soort as iets wat tot dusver bekend is”, verklaar het. Die res van die 20ste eeu is daar geglo hierdie nuwe konynspesie kom net in die Groot-Karoo van Suid-Afrika voor. ’n Aantal onverwagte waarnemings suid van die Groot-Karoo van 2003 tot 2019 van wat as die oewerkonyn (Bunolagus monticularis) bekend geraak het, het hierdie teorie op sy kop gekeer. Ongeag hierdie onlangse waarnemings is die kritiek…

In die meegaande TABEL is ’n opsomming van grondtransaksies groter as 10 ha in die Wes-Kaap vir die 12 maande tot Julie vanjaar. Die ekonomie en gevolge van die droogte blyk duidelik met dalende prysneigings in 48% van die distrikte. By talle distrikte het pryse met meer as 10% gedaal. Dit sluit in Ceres (-19,8%), Laingsburg (-14,7%), Mosselbaai (-10,5%), Piketberg (-11,2%), Stellenbosch (-12,2%) en Tulbagh (-14,2%). Pryse by Bredasdorp (15,4%), Ladismith (11,5%), Oudtshoorn (21,6%), Paarl (10,6%), Robertson (22,1%), Vanrhynsdorp (12,9%) en Worcester (16%) het met meer as 10% gestyg. In totaal is 413 ooreenkomste gesluit. In die proses is 215 819 ha teen R4,024 miljard verhandel. Ten opsigte van plaasgrootte, lyk die registrasie van transaksies soos volg (met verlede jaar se syfer tussen hakies): kleiner as 50 ha, is 35%…