Innehållsförteckning för 30 Sep 2021 från Landbouweekblad

MIELIES VIR ’N NASIE. Isabel Hartman (10) van Windhoek het saam met haar gesin op die plaas Brakpan in die Villiers-omgewing gekuier, en gaan kyk hoe word mielies op mnr. Org du Plessis se plaas gestroop. Dit was ’n belewenis om die stropery te ervaar – sy het selfs saam in die stroper gery. DIE LIEF EN LEED VAN PLAASKINDERS Plaaskinderskanop ’n myl uitgeken word. Die seuns sehareisgewoonlik kort en hul hemde is ingesteek. Die meisies is onopgesmuk met blosende wange en vellies aan hul voete. Hulle stap fier en regop en het goeie maniere. Hulle toon respek teenoor ouer mense en hulle sê dankie en asseblief. Plaaskinders word selfstandig gebore. Van kleintyd af leer hulle van die lewe en van dood en van oorlewing. Hulle verstaan dissipline en roetine…

WETSGEHOORSAME vuurwapeneienaars en voornemende eienaars, asook die organisasies deur wie hulle verteenwoordig word, moet die Suid-Afrikaanse Polisiediens se onlangse erkenning van sy tekortkominge in die hantering van vuurwapenlisensie-aansoeke as ammunisie gebruik om die parlement te oortuig dat die polisie nie geskik is om dié belangrike taak voort te sit nie. Só sê mnr. Paul Oxley, nasionale voorsitter van Gun Owners South Africa (GOSA), nadat die polisie se registrateur van vuurwapens, brig. Lucky Mabule, vroeër vandeesmaand ’n “insiggewende kennisgewing” aan “alle belanghebbendes van vuurwapens” uitgereik het. Hierin het Mabule ’n reeks probleme van die sentrale vuurwapenregister en die vuurwapenbeamptes in polisiekantore uitgelig, wat glo tot die groot agterstand in die verwerking van aansoeke om vuurwapenlisensies bydra. Die probleme sluit in verslae van vuurwapenbeamptes wat nie sulke aansoeke op die stelsel invoer…

Mnr. Hans Jurie Moolman, DA-leier in die JB Marks-munisipaliteit en ’n prokureur wat onder meer in grondbesetting spesialiseer, sê die Grondwet plaas ’n plig op die polisie om misdaad te voorkom (voor dit gebeur), te beveg (terwyl dit gebeur) en te ondersoek (nadat dit gebeur het). “In die bogenoemde sake is dit duidelik dat die onus na die boere geskuif is om misdaad te voorkom en te beveg. Wanneer die ondersoek in polisie se hande is, is dit onaanvaarbaar dat daar ná amper vyf tot sewe maande van die datum van aanmelding van die misdaad nie terugvoer oor die vordering gegee word nie. Hoe verder jy wegbeweeg van die datum waarop die misdaad gepleeg is, hoe moeiliker raak die ondersoek.” As die polisie doeltreffend en vinnig aandag gee aan misdaad,…

VERBRUIKERS , selfs dié in die hoër inkomstegroep, draai hul sente twee keer om en doen nie meer paniekaankope soos verlede jaar nie. Volgens Libstar, wat voedselprodukte en produkte vir huishoudelike en persoonlike sorg vervaardig, het die vraag in die eerste helfte van vanjaar teruggesak. Die groep se inkomste het desondanks met 8,7% tot R5,1 miljard gestyg en is grootliks aangevuur deur die styging in die verkope van bederfbare produkte en kruideniersware. Libstar se portefeulje sluit versnaperinge (soos vrugtestafies), geriefskos, speserye en melk-, vars en bakprodukte in. Die maatskappy sê in ’n verklaring dat verbruikers van alle inkomstekategorieë se aanvraag na verbruikersgoedere gedemp geraak het. Die inkomste uit voedselkategorieë, wat tot 93% van die groep se inkomste lewer, het wel met 10,5% gestyg. Libstar se diverse produkaanbieding het hom in…

MNR. JOHAN STRYDOM (63) was ’n dapper, onbaatsugtige, hardwerkende en voortreflike leier wat ’n passie vir sy medeboere en meer spesifiek vir kleiner boere gehad het. Dít is maar een van ’n paar beskrywings van Strydom, van die plaas Wolvenfontein buite Lichtenburg, Noordwes, wat op 14 September in die Wilmed Park-hospitaal in Klerksdorp oorlede is ná ’n lang stryd teen covid-19. Strydom het een van die grootste oorblywende melkerye in Noordwes met van die nuutste tegnologie besit. Hy was ook ’n saai-, vee- en wildboer, en het ook ’n voerkraal tot stand gebring. Hy het ’n Simmentaler-stoetery bedryf en kommersieel met skape geboer. STEUNPILAAR Strydom was ’n direkteur van onder meer Dairy Farmers of South Africa (DFSA) en die Melkprodusenteorganisasie (MPO) in Noordwes, lid van die ouditkomitee van Melk SA,…

Die teenstortingstarief op hoendervleisinvoer uit Duitsland, Nederland en Brittanje is op aanbeveling van die departement van handel, nywerheid en mededinging vir ’n tydperk van vyf jaar hernu. Vir Duitsland is die tarief 73,3%, vir Nederland is dit 22,1% en vir Brittanje is dit 30,09%. Die tariewe is net op spesifieke hoenderprodukte van toepassing. Die tariewe is heelwat laer as wat die SA Pluimveevereniging (SAPV) gevra het, maar dit sal nogtans help om die ontwrigtende effek van gestorte hoendervleis op die plaaslike mark teen te werk. INVOER Invoer van hoendervleis het in 2020 sowat 485 543 ton beloop, wat ’n effense daling teenoor die vorige jaar was. Die vry-aan-boordwaarde van die invoer is volgens die SAPV op R5,1 miljard geraam. Die belangrikste uitvoerders van hoendervleis na Suid-Afrika is Brasilië, Amerika, Spanje…

Kameelmelk is ’n nuwe produk in Suid-Afrika, maar is vir baie eeue ’n stapelvoedsel in die Midde-Ooste. Hernieude belangstelling in die gesondheidseienskappe van dié melk het daartoe gelei dat verskeie kommersiële kameelmelkerye die afgelope twee dekades gevestig is. Die twee grootste melkerye is Camelait en Camelicious, albei in die Verenigde Arabiese Emirate en albei melk meer as 1 000 kamele per dag. In Australië is daar ’n hele paar kameelmelkerye om in die toenemende vraag van die Asiatiese markte te voorsien. In Suid-Afrika is die enigste produsent, Camel Milk SA, in Maart 2015 op die plaas Koppieskraal naby Upington gestig. Die plaas is in ’n afgeleë deel van die Kalahari, waar die droë klimaat ideaal is vir die kamele. Camel Milk SA is daartoe verbind om kameelmelk op die natuurlikste…

SUID -AFRIK A het nóg ’n geregistreerde diagnostiese laboratorium vir beestering (bovine tuberculosis) en brucellose bygekry nadat die departement veterinêre tropiese siektes aan die Universiteit van Pretoria (UP) die nodige amptelike akkreditasie daarvoor ontvang het. Die UP-laboratorium is, naas een wat deur die Landbounavorsingsraad bedryf word, slegs die tweede in sy soort in Suid-Afrika wat amptelike toetse vir beestering mag uitvoer, sê prof. Anita Michel van die UP. ’n Hand vol geakkrediteerde laboratoriums bestaan vir die toetsing van brucellose. Volgens Michel is die diens nou op ’n kommersiële basis beskikbaar nadat dit lank reeds vir navorsingsdoeleindes by Onderstepoort gedoen is. Omdat albei beheerde veesiektes is, moet laboratoriums wat vir beestering en brucellose toets, deur die regering goedgekeur word en die groen lig van die Suid-Afrikaanse Nasionale Akkreditasiestelsel kry. Laboratorium-akkreditasie bied…

Safari & Outdoor het deesdae ’n stapstok genaamd ZAP Hike ’n Strike op die rak. Dié stapstok is veeldoelig en bevat ’n skoktoestel van 950 000 V met spykerelektrodes, wat beteken ’n mens sal nooit weer vergeet om veiligheidstoebehore op jou avontuur te neem nie. Jy hoef ook nie bekommerd te raak as die son ondergaan nie – die stok spog onder meer met ’n ingeboude flitslig. ’n Rubberhandvatsel bied ’n stewige houvas en ondersteuning terwyl jy stap. Vir ekstra veiligheid is daar ’n verwyderbare glimband op die stok. Met die Hike ’n Strike sal jy nie net sien en gesien word nie, maar jy sal ook beter voel met die wete dat jy ’n staptog sonder bekommernis kan aanpak. Van die ZAP Hike ’n Strike se kenmerke sluit in:…

BENODIGDHEDE ■ T-hemp-lap (60 cm) en ’n stuk kant ■ Katoentou, satynlint, borduurgare, katoenwol (60 cm-lengtes x 8 elk) ■ Ysterdraad (enige dikte waarmee ’n sirkel gebuig kan word) ■ Bloemistedraad, skêr, borduurnaald, gomgeweer en gomstokkies 1. VORM DRAADSIRKELS ■ Buig twee stukke ysterdraad in sirkelvorms (klein en groot) met behulp van ’n tang en draadknipper. ■ Gebruik ’n kastrol of enige silindervormige voorwerp om die draad in ’n netjiese sirkel te buig. ■ Buig die eindpunte regop en draai om mekaar, of gebruik bloemistedraad om die eindpunte aan mekaar te heg. 2. BINNEKRING ■ Plaas die kleiner sirkel bo-op die stuk kant. ■ Vou die kant om na die binnekant nadat ’n klein bietjie gom aan die draad gesmeer is. Pasop vir brand! ■ Knip oortollige kant met ’n…

’nGehoute witwynversnit van Chardonnay en Colombar het aan die Badsberg-wynkelder in die Breedekloof naby Worcester die tweede agtereenvolgende jaar die Generaal Smuts-trofee as algehele wenner op vanjaar se SA Jongwynskou besorg. Die skou word jaarliks deur die SA Nasionale Wynskouvereniging (SANSWA) met die samewerking van Agri-Expo aangebied. Badsberg is een van net vier kelders wat al daarin geslaag het om die Generaal Smuts-trofee in agtereenvolgende jare te verower sedert die trofee in 1952 vir die eerste keer oorhandig is. Dié wynkelder het reeds drie keer vantevore die trofee gewen, verlede jaar vir ’n gehoute Ruby Cabernet, in 2016 vir ’n gehoute Pinotage en in 2009 vir ’n natuurlike soetwyn. Badsberg het verdere geskiedenis op dié wynskou vir wyne van die huidige oesjaar gemaak deurdat dit die eerste keer is dat…

OM Omnia uit sy finansiële probleme te kry, moes die maatskappy, wat in Maart vanjaar geen skuld gehad het nie, vroeër ’n paar moeilike besluite geneem het, sê mnr. Seelan Gobalsamy, uitvoerende direkteur van Omnia Holdings. “Direksies, bestuur en leiers sukkel gewoonlik om moeilike besluite te neem.” Vir hom was een van die moeilike besluite toe die direksie die verskillende moontlikhede bespreek het om óf meer geld te leen, óf om voort te gaan om sy hoë skuld af te werk deur bates te verkoop of ’n regte-uitgifte te doen. “Die direksie het ’n baie moeilike besluit geneem om te sê: Laat ons ’n regte-uitgifte doen om die probleem op te los en die maatskappy op veilige grond te plaas om voort te gaan. “As ons nie die besluite geneem…

5% Suid-Afrika se produksie van hoendervleis sal na verwagting in 2022 met 5% styg danksy beleggings deur die bedryf en laer insetkoste. Verbruik van hoendervleis kan met 3% styg danksy ekonomiese herstel en hoër pryse vir ander proteïenprodukte. Invoer kan met 3% daal, hoofsaaklik weens hoër tariewe, gedemp deur ’n herstel in voorsieningskettings en die groeiende vraag, waarin plaaslike produksie nie kan voorsien nie. – VSA dept. van landbou 84 Suid-Afrika beklee nou die 84ste plek uit 165 lande en gebiede wat ekonomiese vryheid betref. Hoewel dit effens beter is as verlede jaar se 101ste plek, vergelyk dit sleg met die 58ste plek wat Suid-Afrika nog in 2000 beklee het. Volgens die verslag van die Fraser-instituut oor ekonomiese vryheid het 15 gewese kommunistiese lande en 7 Afrika-lande Suid-Afrika nou verbygesteek.…

MNR. MIKE BOSCH van Bela-Bela wat bekend is om sy boereplanne. Een van sy nuwe planne is die hergebruik van water uit sy hoenderboerdery se broeikaste vir sy beesvoerkraal. Lees die artikel op bl. 42. VERTEL VAN JOU GESIN. Ek het drie kinders: Megan (22) wat as helikoptervlieënier en -instrukteur in Kaapstad werk, en die tweeling, Pieter en Margot (21), wat albei vir ’n BCom-graad in ondernemingsbestuur aan die Noordwes-Universiteit studeer. (Bo is van links Pieter, Mike, Margot en Megan.) HET JY NÁ SKOOL GESTUDEER? Ja, vir ’n BCom-graad in be-marking aan Tukkies. HET JY ’N STOKPERDJIE? Ek speel gholf, hengel en jag. JOU VAKANSIEPLEKKE? Enige plek in Suider-Afrika waar ek nog nie was nie. Daar is baie mooi plekke. WATTER SPORTSPANNE ONDERSTEUN JY? Die Blou Bulle en die Springbokke.…

VELDBR ANDE in die Vrystaat, wat meer as 400 000 ha veld verwoes het, het boere in die provinsie met uiters beperkte weiding gelaat. Boonop was die gras- en lusernvoorraad reeds beperk weens voernood in droogtegeteisterde gebiede, sê dr. Jack Armour, handelsbestuurder by Vrystaat Landbou. Sterk, droë winde tydens die eerste naweek in September het die ideale toestande vir veldbrande geskep. Ondanks vroegtydige waarskuwings was die weerstoestande sodanig dat nóg boere, nóg brandbestryders die veldbrande kon keer. “Tussen Winburg, Ventersburg en Virginia het meer as 52 plase se weiding afgebrand. Talle stuks wild het ook in die Willem Pretorius-wildreservaat gevrek. By Dewetsdorp en Wepener het ’n strook van 30 km afgebrand. In sommige gevalle het tot 90% van sekere boere se plase afgebrand. In een geval het 400 skaapooie doodgebrand.…

’N ONSINNIGE misdaad het Suid-Afrika van een van sy leiers in die melkbedryf beroof. “Hy gaan ’n leemte in die land, landbou, die melkbedryf en almal wat hy aangeraak het, laat,” sê mnr. Drikus Lubbe, uitvoerende hoof van Dairy Group, waar mnr. Werner Büchner in die direksie gedien het. Büchner (55) is op 5 September tydens ’n plaasaanval op sy plaas Boslaagte by Nanaga in die Oos-Kaap doodgeskiet. Sy seun, Werner jr. (30), is ook raakgeskiet en sy vrou, Estelle, aangerand. Volgens Lubbe het Büchner vir 20 jaar melk aan Clover, Dairy Farmers of South Africa (DFSA) en Dairy Group gelewer en het hy van 2010 tot 2018 ’n leidende rol as voorsitter van Clover as genoteerde maatskappy, en met die verkoop van Clover aan die Israeliese maatskappy CBC (Central…

Die Meat Naturally-projek (MNI) in die Oos-Kaap is ’n gevallestudie wat holistiese, omgewingsvriendelike benaderings tot landelike ontwikkeling toepas om veeboere te help om hul probleme te verminder of te vermy. Volgens prof. Cyril Nhlanhla Mbatha van die Rhodes-universiteit word veeveilingsmarkte georganiseer om landelike boere aan te moedig om deel te neem aan pogings om die omgewing te beskerm. Belanghebbendes werk saam met tradisionele leiers om gemeenskapslede te mobiliseer om hul ekologiese kapitaal te herstel en te beskerm. Gemeenskapslede kry ekonomiese aansporings wat armoede help verlig en lewensgehalte verbeter. Mbatha sê die MNI-model kan volhoubaar wees, maar dat talle aspekte en die benadering daarvan tot ontwikkeling moet verbeter sodat meer landelike Suid-Afrikaanse kleinboere daarby baat kan vind.…

Die koste van ’n stelsel wat sonpanele gebruik om krag op te wek, word in hierdie aflewering in Landbouweekblad se reeks artikels oor sonkrag bespreek. Die artikels word geskryf deur mnr. Faan van Niekerk, ’n mynbou-ingenieur wat eers geboer het, daarna in die sitrus-en-mango-vrugteverpakkingsbedryf betrokke was, later verskeie landbou- en bosbouprojekte in Mosambiek behartig het en hom tans toespits op die ontwikkeling van alternatiewe energie-oplossings vir die boerderybedryf, asook sonkragstelsels. Hy word bygestaan deur dr. Gerhard Human, ’n elektriese ingenieur wat tans as raadgewende ingenieur in hernubare energie werk. Hy was voorheen by Eskom-distribusie betrokke, het beheerstelsels by M-Tech ontwerp en was by die Noordwes-Universiteit met die ontwerp van hernubare energiestelsels gemoeid.…

Die dood van sy pa, mnr. Ntsikane Ntutela, in 2002 het die jong Mthunzi Ntutela tot boerdery gedwing. Volgens Ntutela het hy voor sy pa se dood net gehelp tydens vakansies wanneer hy tuis was uit Mthatha waar hy gestudeer het. “Ek het vir ’n nasionale diploma in openbare bestuur en administrasie gestudeer. So lank ek kan onthou, het my pa op kommunale grond geboer.” Ntutela se ma, Nomxolisi, ’n onderwyseres, moes ná sy pa se dood die daaglikse versorging van die skape behartig. Tydens een vakansie het Ntutela gesien die skape is in ’n slegte kondisie. “Die skape se wol was aan die afval. Ek het skuldig gevoel, want dit het nooit gebeur terwyl my pa gelewe het nie. Ek het toe besluit om iets daaraan te doen.” Dit…

R18 400 VERSKUIFBARE SKEERHOK VIR ENIGE VLOER Die skeermaatskappy Skaapskêr Skeerdiens het die nood raakgesien vir ’n verskuifbare skeerhok en self ingespring om die hok te ontwerp. Dié drieledige onderneming bestaan uit ’n skaapboerdery, die skeerdiens en Skaapskêr Customs, wat staalwerk behartig. Skeerplekke is dikwels onprakties en as die vanghok ’n grondvloer het, bemoeilik dit ook die skeerproses. Dit lei tot vuil wol, en die skeerders moet dikwels harder werk vir minder geld. Die skeerhok word binne so ’n groot vanghok geplaas, en die skaap is dan vinnig en maklik binne die bereik van skeerders. Die verskuifbare hok word maklik afgeslaan. Al die panele pas agterop ’n enkelkajuitbakkie. Die hortjiesvloer hou die wol selfs op ’n grondvloer skoon. Die skape word beter hanteer aangesien hulle nie oor ’n ver afstand…

FLATERVRYE PLAASBESKUIT Carla Smit van Nieu-Bethesda se maklike, heerlike, botterige plaasbeskuit sal ’n staatmaker in jou huis word. ■ 450 g botter of margarien, in blokkies gesny ■ 500 ml kookwater ■ 4 eiers ■ 1,5 kg bruismeel ■ 5 ml sout ■ 20 ml bakpoeier ■ 500 ml suiker Smeer een groot of twee middelslag-oondpanne goed met olie. Smelt die botter in die kookwater en laat afkoel tot louwarm. Klits die eiers goed en roer dit by die louwarm bottermengsel. Meng die droë bestanddele in ’n groot bak en voeg die eiermengsel by. Roer goed tot deeglik gemeng. Rol die deeg in bolletjies (so groot soos gholfballe) en pak styf teen mekaar in die voorbereide pan(ne). Laat staan die panne beskuit vir 30 minute terwyl die oond verhit word…

Suider-Afrika se boere word soos nog nooit tevore nie op talle terreine beproef deur siektes, plae, politieke situasies, onluste, droogtes en baie ander beproewings. Ek het jare gelede ’n boek getitel Geloof soos aartappels geskryf. Dié titel is nie iets wat ek uitgedink het nie, maar iets wat ek by ’n man van God – ’n Skot genaamd Peter Marshall – oorgeneem het. Wanneer hy gepreek het, het hy vir sy studente vertel hulle moet eenvoudige geloof hê, ware geloof wat hulle kan aanraak en proe, geloof soos aartappels. Wat is geloof? “Om te glo, is om seker te wees van die dinge wat ons hoop, om oortuig te wees van die dinge wat ons nie sien nie” (Heb. 11:1). Ons as boere moet ware geloof hê, met God se…

‘Openbare deelname is ’n demokratiese proses en nie uitsluitlik gereserveer vir geskoolde lede van die samelewing wat Engels kan lees nie, of vir die bevoorregte minderheid wat toegang het tot die internet nie.’ REGTER A.J. VORSTER in ’n saak oor die verklaring van forel tot indringerspesie. Bl. 28 ‘Die kanola lyk belowend. Dit hou mos van so ’n koue einde.’ MNR. FRANCOIS BADENHORST, boer van Swellendam, oor die kanola-oes. Bl. 16 ‘Ons kan nie voortgaan op die pad waarop ons nou is nie. Ja, ons groei in die landbou, maar dit raak ál meer eksklusief en gekonsentreerd.’ DR. JOHN PURCHASE oor die belangrikheid van die landboumeesterplan. Bl. 20 ‘Ek weet glad nie hoe dit met my beeste gaan en of die kalf leef nie, want ek word nie toegelaat om…

Dit is ’n onoplosbare vraagstuk. Wie hoort waar? Ons worstel daarmee sedert die eerste Homo sapiens uit die soel vlaktes van Afrika na die koel woude van Europa gemigreer het en die minder aanpasbare Neandertalmense daar verplaas het. Die vraagstuk word ook graag ingespan met die gronddebat. Wie ook al eerste hier was, is blykbaar die regmatige eienaars van die grond. Dit sou dan sekerlik die San en Khoi wees. Lank voor die eerste swart stamme vanaf die Groot Mere-gebied suid gemigreer het, was hulle reeds hier. En teen die tyd dat die eerste Europeërs hier voet aan wal gesit het, het seevaart reeds vreemde mense, diere en plante oor die hele wêreld heen versprei. Vandag sukkel minister Barbara Creecy se departement van omgewingsake, bosbou en visserye met die land…

As dit by padhouvermoë kom, is daar nie veel wat met die Triumph Merk II kan saamgesels nie. Die jongste model, wat met Lucas-brandstofinspuiting toegerus is, het daardie ekstra werkverrigting wat motorbestuur sommer nuwe opwinding gee. Brandstofinspuiting is nie heeltemal nuut in Suid-Afrika nie, maar die Triumph Merk II P.I.is,soverekweet,dieenigste plaaslik gemonteerde Britse motor wat daarmee toegerus is. Dit is ’n motor wat menige fynproewer sal bevredig. Die P.I. is basies die bekende Triumph 2 000 wat sy besondere, smaakvolle ontwerp aan die kuns van Michelotti te danke het en wat reeds ’n klompie jare by ons te koop is. Verlede jaar het dit ’n effense modernisering ondergaan en is die bak onder meer met ’n paar sentimeter verleng. Pleks van die gewone Merk II se kragbron van twee liter,…

TEN spyte van die hoogste to-tale produksie van sulfaatsuur, fosforsuur en mono-ammoniumfosfaat (MAP) oor die afgelope 19 jaar by sy myn in Phalaborwa, kon die staatsinstelling Foskor steeds nie genoeg produk aan Suid-Afrikaanse kunsmismaatskappye vir die produksie van kunsmis lewer nie. Mnr. Riaan Rademan, besturende direkteur, sê produksie in die maatskappy se aanlegte, asook vervoerontwrigtings is slegs twee van die redes vir die maatskappy se onderproduksie en -lewering. “Nadat ek in 2020 aangestel is met die doel om die maatskappy reg te ruk, het Foskor ’n driejaarplan in werking gestel. Eerstens is gekonsentreer op die verrykingsaanlegte waar sulfaatsuur, fosforsuur en mono-ammoniumfosfaat geproduseer word. “Ongelukkig het die covid-19-pandemie herstel- en instandhoudingswerk in die wiele gery, wat die driejaarplan met 12 tot 18 maande verleng het,” het Rademan op ’n vergadering met…

DIE omstandighede lyk baie goed dat wintergraan van goeie gehalte gelewer gaan word danksy min reën gedurende die oestyd, sê mnr. Johan van den Berg, onafhanklike landbouweerkundige. Ligte reën kan nog in September en die eerste week van Oktober oor winterreëngebiede verwag word. Daar is ook ’n kans dat koue fronte ligte reën rondom middel tot einde Oktober kan veroorsaak, maar dit lyk nie na neerslae wat die oesproses van wintergrane behoort te benadeel nie. Oor die sentrale en suidelike dele van die Vrystaat, die oostelike dele van die Noord-Kaap en oor dele van die binneland van die Oos-Kaap is temperatuurdalings tussen einde September en die eerste week van Oktober moontlik. Distrikte wat geraak kan word, sluit in Bloemfontein, Fauresmith, Jacobsdal, Petrusburg, Prieska tot Colesberg, Aliwal-Noord en verder suidooswaarts tot…

TWEE maande nadat die uitslae van DNS-toetse bewys het die gesteelde beeste van ’n boer in Noordwes behoort aan hom, is die diere steeds nie terug op sy plaas nie. Die veediefstaleenheid van Sannieshof in Noordwes sê nou dit is omdat hulle in Mei vanjaar net DNS-monsters van twee van sy gesteelde beeste geneem het. Landbouweekblad, en nie die ondersoekbeampte nie, het dié nuus aan ’n moedelose mnr. Thabang Nkatlo oorgedra. “Dit maak nie sin nie. Ek het gesien hoe hulle monsters van al vier (beeste) vat. Ek self het ’n DNS-monster van die een koei geneem wat op die plaas ’n kalf gehad het wat nie gesteel is nie. Ek het toe ook ’n monster van die kalf geneem en albei vir DNS-toetse by ’n onafhanklike veearts gestuur. Dié…

1 KENIA | Verbruik van koring styg Koringverbruik het die afgelope jare in dié Oos-Afrikaanse land begin styg en die verbruik van mielies verbygesteek. Koringproduksie het volgens Knoema, ’n Amerikaanse data-maatskappy, in 2020 verminder tot 300 000 ton, teenoor 366 000 ton in 2019. Dit is ’n moeilike oes om hier te produseer, veral as dit nat is tydens oestyd. Swak pryse demp boere se aptyt om die gewas aan te plant en pryse wissel van jaar tot jaar. — The Nairobean 2 ETHIOPIË Konflik keer bekamping van sprinkane Sprinkane broei weer in die noordelike streke uit. Weens voortslepende konflik hiér word die plaag nie bestry nie. Dit skep volgens die Verenigde Nasies se Voedsel-en-landbou-organisasie ’n gevaar vir voedselproduksie in ander dele van Ethiopië en die naburige Eritrea.…

VERTROUE in die landbou het teruggesak, maar dis nie slegte nuus nie. Eintlik kry die sektor net sy asem terug ná ’n rekordlopie in die tweede kwartaal vanjaar. Die landbousakekamer Agbiz en die nywerheidsontwikkelingskorporasie se sakevertroue-indeks was in die derde kwartaal agt indekspunte laer as in die tweede kwartaal vanjaar toe die indekspunt ’n algehele rekordvlak van 75 bereik het, die hoogste sedert sy ontstaan in 2001. Die derde kwartaal se indekspunt van 67 is steeds hoër as enige indekspunt wat sedert 2014 behaal is en boonop gerieflik bokant die neutrale vlak van 50. Dit beteken dat gunstige omstandighede steeds vir die Suid-Afrikaanse landbousektor en vir landbou-ondernemings geld, sê mnr. Wandile Sihlobo, hoofekonoom by Agbiz en samesteller van die indeks. “Die optimisme weerspieël die groter oeste en hoër hulpbronpryse wat…

MINDER SONNEBLOMME GEOES AS JAAR GELEDE Die plaaslike sonneblomproduksie in 2020-’21 is volgens die Oesskattingskomitee se jongste produksieskatting 677 240 ton. Dit is ongeveer 14% laer as die vorige seisoen, hoofsaaklik vanweë die kleiner oppervlakte wat beplant is, sê mnr. Luan van der Walt, landbouekonoom by Graan SA. Die oppervlakte onder sonneblom het baie mededinging gekry vanaf gewasse soos mielies en sojabone. Die plaaslike sonneblomsaadmark het hoofsaaklik die internasionale neigings nagevolg. “Die internasionale prysneigings van sonneblomsaad was sedert verlede Augustus sterk opwaarts met ongunstige produksietoestande in die Swartseegebied (die grootste produksiestreek),” sê Van der Walt. Die internasionale pryse het in Maart ’n hoogtepunt bereik waarna dit weer skerp onder druk gekom het. Hy sê die rede daarvoor is dat die produksie in die internasionale konteks baie beter lyk en daar…

Wanneer die eienaar van ’n vuurwapen tot sterwe kom, moet die bepalings van die Wet op die Beheer van Vuurwapens (Wet 60 van 2000), asook die vuurwapenregulasies van 2004, gevolg word om behoorlik met die wapen(s) te handel. Dit is soms nodig om ingevolge artikel 21 van die wet, voor die amptelike aanstelling van ’n eksekuteur deur die meester van die hoër hof, aansoek te doen om die wapens in veilige bewaring te hou. Hierdie aansoek kan deur die eksekuteur wat ingevolge die laaste testament benoem is, of ’n erfgenaam of verteenwoordiger van die oorledene waar geen testament opgespoor kan word nie, gedoen word. Dit is belangrik om stappe te doen. Die situasie moet aandag kry. Sodra die eksekuteur van ’n bestorwe boedel deur die meester van die hoër hof…

Mnr. Mike Bosch Watter tegnologie is onmisbaar? Doeltreffende kommunikasie vir bemarking. Beste raad wat jy al gekry het? Dink mooi voordat jy iets koop: Wil jy dit graag hê of het jy dit regtig nodig? Wat is die grootste boerderyfout wat jy gemaak het? Ek het te min van nuwe tegnologie gebruik gemaak. Wie was jou mentor? My pa, Pieter. Ons het ’n fantastiese verhouding gehad. Wat is die grootste struikelblokke in jou boerdery? Om uit te brei na die res van Afrika. Die covid-19-beperkings moet ophou.…

Dit is bulkooptyd en dus ’n goeie tyd om stil te staan by dié belangrike gebeurtenis op ’n beesboer se kalender, veral omdat dit gewoonlik ’n duur besluit beteken. Daar is talle veilings op die kalender van al die verskillende rasse. Daarom hoef niemand te wonder waar hy of sy teelmateriaal gaan kry nie. Hou net die media, insluitend die sosiale media dop – daar is veilings te kies en te keur. Kyk eerstens na stoettelers wat so na as moontlik aan jou geleë is. Kom meer te wete oor hul teelbeleid en besoek hulle vooraf. Nadat jy die diere gesien en met die teler gesels het, kan jy besluit of sy of haar teeldoelwitte inskakel by dit wat jy in gedagte het. Indien nie, soek verder tot jy ’n…

Vandat die eerste uitgawe van ons kostydskrif Landbou Boerekos verskyn het, kry ons al navrae van lesers wat die tydskrif in Engels wil lees. Ons het gevoel die tyd is nou reg om vir Boerekos ’n suster te gee. Die eerste uitgawe van Country Cooking het pas verskyn met die bekroonde joernalis Anneliese Burgess as mederedakteur. Anneliese het op ’n veeplaas in die Noord-Oos-Kaap grootgeword en in haar ouma en ma se plaaskombuise leer kos maak. Vir die eerste uitgawe van Country Cooking het sy die pad gevat deur die Karoo en die Baviaansriviervallei, waar sy saam met drie gesinne in hul plaaskombuise gekook en gekuier het. Die resultaat is wonderlike stories en resepte vir fantastiese streekkos. Buiten reisstories is daar idees vir jou Kerstafel, ’n afdeling met Kersgebak, 30…

Vir diegene wat vriende of familie het waar hulle nog altyd ’n bok of twee gratis kon gaan skiet, het jag, afgesien van duurder ammunisie en brandstof, natuurlik niks duurder geraak nie. By ons ander siele wat moet betaal, is daar dikwels die siening dat jag darem deesdae baie duur geword het. Wat my oor dié onderwerp laat dink het, is ’n lys van jagpakkette wat ek vroeër vanjaar van SA Jagters ontvang het. Ons praat nie hier van trofeejag nie – dis ’n heel ander saak en die pryse natuurlik ook – maar van die jagter wat een of twee keer per jaar wild vir die tafel of die biltongdraad wil gaan skiet. Die Noordwes Parkeraad het die pakkette aangebied in vier reservate, naamlik Bloemhofdam, SA Lombard, Wolwespruit en…

KOPERS RAAP GROND TEEN ONGEVEER R3,4 MILJARD OP In die meegaande TABEL is ’n opsomming van grondtransaksies groter as 10 ha in die Vrystaat vir die 12 maande tot Augustus vanjaar. In dié tyd is 687 ooreenkomste in 42 distrikte gesluit. Dit het 290 112 ha teen R3,396 miljard behels. Altesame 52% van die distrikte, versprei oor die provinsie, toon ’n dalende prysneiging. Die ander distrikte toon gemengde, gunstige neigings. Pryse het met meer as 10% gestyg by Edenburg (21,9%), Fauresmith (11,4%) en Odendaalsrus (17,5%). Dit het met meer as 10% gedaal by Reddersburg (-13,9%) en Welkom (-14,4%). Verhandelings ten opsigte van plaasgrootte lyk soos volg (met die vorige jaar se syfer tussen hakies): kleiner as 50 ha, 10% (9%); 50-150 ha, 15% (14%); 150-300 ha, 25% (24%); 300-450 ha,…

DOHNE-MERINO RAMME VIR MEER AS R14M. VERKOOP Altesaam 947 ramme is op 18 lenteveilings onder die beskerming van die Dohne-Merinotelersgenootskap van Suid-Arika sedert Junie tot vroeg in September verkoop. Die gemiddelde prys van dié ramme was R15 321 en die verhandeling daarvan het altesaam meer as R14,5 miljoen opgelewer. Die gemiddelde pryse van ramme wat in die ooreenstemmende tydperk meer as R15 000 stuk op produksieveilings deur die land opgelewer het, was dié van Swartrivier-Dohnes (Caledon), Kromspruit-Dohnes (Memel), die Universiteit Stellenbosch, Nello-Dohnes (Brandfort), Weska-Dohnes (Bredasdorp), Basson-Hoffie (Malmesbury), I.P.A. Smit (Eendekuil), XP-boerdery (Moorreesburg) en Suidplaas-Dohnes (Protem). Vroeër vanjaar het mnr. Wynand du Toit van Suidplaas die duurste ram (R120 000) op die genootskap se nasionale veiling in Bloemfontein verkoop. Mnre. Bertus Mong (Villiersdorp), John Morris, Terra Vino-stoetery (Stellenbosch), en Dreyer van…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com BOEREDAE 9 OKTOBER: Gholfdag, Magersfontein-gholfklub, aangebied deur Beefmaster en Landbouweekblad. Vierbalspanspel, twee tellings wat tel. Prysuitdeling saam met die span van Toks & Tjops. Besprekings: tnt@csaw.co.za KONFERENSIES 13-16 OKTOBER: Conexpo Africa 2021, Johannesburg. Werktuie, voertuie en produksiemiddele vir die landbou-, bosbou-, mynbouen boubedryf in Afrika suid van die Sahara. Web: www.bcafrica. com, e-pos: info@mm-sa.com, 011 476 8093. 18-19 OKTOBER: AFMA-simposium, virtueel. Tema: Omarming van die ‘Nuwe Normaal’. Registreer: www.afmasymposium.co.za 28-29 OKTOBER: Vierde Nywerheidsrevolusie Agritech-konferensie, Protea-hotel, Stellenbosch, asook aanlyn. Mathema-konferensies en opleiding. Tel. 011 862 4001, e-pos: info@mathematraining.co.za SKOUE 30 SEPTEMBER-3 OKTOBER: Nampo Alfa. Afgelas. Albert Loubser, 082 562 2188, e-pos: albert@plaasmedia.co.za 5-9 OKTOBER: Robertson-lenteskou. Schalk…