Innehållsförteckning för 11 Nov 2021 från Landbouweekblad

SPOOR WEN VELD Transnet se spoorafdeling het die afgelope seisoen 66 treinvragte en 3 662 vraghouers sitrus per spoor vanaf Tzaneen, Bela Bela en City Deep na Durban vervoer. Mnr. Mitchell Brooke, die Sitruskwekersvereniging (SKV) se logistiekbestuurder, het aan Freight News gesê dit is ’n 20%-toename van 2020, ondanks probleme op die vraghouer-spoorkorridor tussen Johannesburg en die Kingsrestvraghouerpark in Durban. In die lig daarvan dat die vraag na vragmotors teen 2025 met 20% kan styg, wil die SKV eindelik meer as 15 000 vraghouers per spoor van die Rand na hawens vervoer. (Lees meer oor sitrusuitvoer en logistieke struikelblokke op bl. 18.) ROOIBOSPLAN ’n Nuwe sakeplan vir Nieuwoudtville Rooibos kan eersdaags private beleggers betrek om te verseker dat sy skuld gedelg en die sakereddingsproses beëindig kan word. Mnr. Herman Bester,…

D it is weer ’n gespook om die tydskrif dié week klaar te kry. Dit is verkiesingsdag eerskomende Maandag, daarom moet ons drie dae vroeër by die drukkers wees. Eskom se fase 4-beurtkrag help natuurlik ook nie. Landbouweekblad se organisatoriese WhatsApp-groepie is heeltyd bedrywig met personeel wat planne maak om sonder elektrisiteit te kan werk. Fone en skootrekenaars bly gelaai, en wanneer hulle wel afloop, moet werk maar in die aande iewers ingepas word wanneer daar wel krag is. Elektrisiteit bly enige ekonomie se brandstof. Of jy nou ’n tydskrif wil uitgee, mielies moet besproei of erts uit ’n klip wil kry. Laas jaar se verslag deur die Wetenskaplike en Nywerheidsnavorsingsraad (WNNR) se energiesentrum het bevind dat beurtkrag in 2019 alleen die ekonomie tot R120 miljard kon gekos het. Om…

1 TANZANIË| Besproeiingskemas herleef dalk Die Tanzaniese regering wil 20 besproeiingskemas in die Nzega-distrik in die noordooste van die land rehabiliteer in ’n poging om voedselproduksie en boerdery-inkomste te verhoog. Die eerste skema wat as deel van dié skema opgeknap gaan word, is een by Idodomo. Sh1,6 miljard (R10,4 miljoen) is oor twee boekjare hiervoor toegewys. ’n Distriksingenieur sê altesaam 300 ha sal by voltooiing besproei kan word, vergeleke met die huidige 60 ha. Na verwagting sal rysproduksie in die gebied styg tot 4-7 t/ha teenoor die huidige 2-3 t/ha. — AllAfrica/Citizen 2 EGIPTE| ‘Beskerm landbougrond’ Die Egiptiese president, mnr. Abdel Fattah El Sisi, het die minister van landbou opdrag gegee om maatreëls teen die betreding en onwettige gebruik van landbougrond te verskerp. Die regering wil ook projekte…

DIE Ingonyama-trustraad gaan nóg tyd nodig hê om sy 2020-’21-jaarverslag te voltooi. Dit word gedoen om sy finansiële verslagdoening te verbeter. Sy finansiële verslagdoening het hom al gereeld in die warm water laat beland by die parlementêre portefeuljekomitee vir landbou, grondhervorming en landelike ontwikkeling en ongunstige uitkomste by die ouditeur-generaal (OG) laat kry. Die raad het die vorige boekjaar nie saamgestem met die gekwalifiseerde ouditmening wat hy van die OG gekry het nie. Hy glo slegs die trustraad, en nie die trust nie, is onderhewig aan die Wet op Openbare Finansiële Bestuur (PFMA, Wet 1 van 1999). Volgens die raad is die Ingonyama-trustraad ’n openbare instelling wat deur die OG geoudit kan word, en nie die Ingonyama-trust nie. Die portefeuljekomitee het die raad vroeër vanjaar daarop gewys dat die Ingonyamatrustraad…

Baie mense dink as daar genoegsame doodsdekking (kontant) is, gaan dit al die risiko’s ondervang. Maar lewenspolisse moet korrek uitgeneem word, elkeen vir die regte doel. ’n Voorbeeld van ’n tipiese blaps: A is ’n dokter en bedryf twee praktyke op twee dorpe. Daar is banklenings van R15 miljoen wat verdeel is tussen die twee ondernemings, ’n verband van R2 miljoen op sy huis, en lenings van R3 miljoen wat A self aan die praktyke gemaak het. A neem ’n polis van R40 miljoen op sy lewe uit, en begunstig sy gade. A meen daar is genoeg geld om alles te betaal as hy sterf. Hulle het twee kinders. Daar is geen ander lewensversekering nie. As A sou sterf, skuld sy boedel die bank R17 miljoen (besigheidlenings en verband), want…

Die produksie wêreldwyd van onverwerkte melk het in 2020 met 1,4% gestyg, met baie van dié groei in Indië. Die suiwelprysindeks van die Verenigde Nasies se Voedsel-en-landbou-organisasie, wat saamgestel word uit belangrike uitvoerders se pryse vir verwerkte produkte, het in die eerste vyf maande van 2021 met 14% gestyg. Dit is aangedryf deur ’n sterker vraag danksy die vinniger as verwagte herstel van die wêreldekonomie, hoë voerpryse en knap voorrade weens ongunstige weer in Oseanië, tesame met die beperkte beskikbaarheid van skeepshouers. In die dekade tot 2030 sal die produksie van onverwerkte melk wêreldwyd na verwagting vinniger as die meeste ander landboukommoditeite groei. In byna al die streke sal opbrengsgroei na verwagting meer tot dié groei bydra, aangedryf deur die optimalisering van produksiestelsels, doeltreffender voeding, beter dieregesondheid en beter teelmateriaal.…

■ Selfs met ondersteuningstrukture en bedryfstandaarde van wêreldgehalte word die toekoms van Suid-Afrika se suikerrietwaardeketting bedreig deur faktore wat grootliks buite die sektor se beheer is. ■ As die meesterplan vir die suikerrietwaardeketting betyds en doeltreffend in werking gestel word, bied dit geleenthede vir Suid-Afrika om weg van nét suikerproduksie te diversifiseer en groter transformasie te bewerkstellig. ■ Ideaal gesproke moet ál Suid-Afrika se oorskotsuiker wat tans na die verliesmakende wêreldsuikermark verplaas word, plaaslik verkoop of in biobrandstof vir die land se hernubare energiebehoeftes omskep word.…

Landbouweekblad het onlangs die sukses wat hy met herlewingslandbouslypskole en boeredae in die Vrystaat, Wes- en Noord-Kaap behaal, na Limpopo uitgebrei toe die eerste boeredag vir herlewingslandbou in subtropiese gewasse op Letsitele aangebied is. Beplanning vir dié dag moes kort-kort aangepas word om met die covid-19-regulasies te strook, maar ten einde het daar ’n venster vir die byeenkoms oopgegaan en boere het sommer gou van oral in die provinsie laat weet dat hulle dit wil bywoon, ondanks die kort kennisgewing. ’n Uitgelese groep sprekers het boere oor hul navorsing, proewe en produkte toegelig, terwyl boere van die vloer af ook belangrike insigte en ervarings uitgeruil het. Die groepies boere wat lank ná die laaste praatjie nog gestaan en gesels het oor koolstof, dekgewasse en vriendelike predatore bevestig dr. Schalk Schoeman…

As een deur toemaak, moet jy net lank genoeg soek vir die ander gapings, glo Tim Murray van die plaas Roode Bloem buite Graaff-Reinet. As een van die pioniers van die garingboomspiritusbedryf sedert dit in 1997 in Suid-Afrika posgevat het, moes hy vinnig ander planne beraam toe ’n fabriek waar agawe-spiritus gemaak is, sy deure sluit. Die potensiaal was (en is steeds) groot, maar heelparty mense het hul vingers verbrand toe die groot wit fabriek – eers onder die vaandel van Reinet en toe Agave Distillers – sy deure sluit. “Dinge het nooit op dreef gekom soos almal gehoop het nie, en in die groter Graaff-Reinet-omgewing is meer as 450 ha onder garingbome.” Buiten dat hy die bome benut as goeie veevoer vir sy volstruise, beeste, skape en bokke, gebruik…

DIE behoefte aan ’n sentrale vereniging wat inligting oor die Durbanville-wynvallei kan deurgee en geleenthede vir die val-lei as ’n bestemming en wynroete kan skep, het daartoe gelei dat die Durbanville-wynvallei-vereniging,watsedert2018onaktief was, nou die Durbanville-wynroete laat herleef. Natasha de Villiers, bestuurder van die Durbanvillewynroete, sê dit is ’n klein wynroete. Die vereniging was onaktief omdat baie van die plase besluit het om op individuele bemarking te konsentreer. “Hoewel die Durbanville-plase sterk bemarkingsveldtogte gehad het, was daar tog ’n behoefte om as ’n eenheid verteenwoordig te word.” Dié roete se wynplase sal nou saamwerk aan veldtogte soos Dine Durbanville en Soup and Sip. “Om die Durbanville-wynvallei onder ’n sambreel te bemark, bevestig die impak van dié eenheid.” De Villiers sê daar word tans gekonsentreer op kleiner geleenthede wat in ooreenstemming met…

MARKNEIGINGS PRYSE STABIEL NÁ DROOGTE In die meegaande TABEL is ’n opsomming van grondtransaksies groter as 10 ha in die Oos-Kaap vir die 12 maande tot September 2021. In 13 (38% teenoor 48% die vorige jaar) van die distrikte is gunstige prysneigings waargeneem. Daar is gewis ’n stabilisering in die pryse in groot dele van die provinsie ná die ernstige droogte die afgelope paar jaar. Pryse het net by Bathurst (-11,4%) en Elliot (-10,7%) met meer as 10% gedaal. Dit het met meer as 10% gestyg by Graaff-Reinet (11,8%), Komga (10,3%), Queenstown (20,5%), Tarkastad (13,5%) en Uniondale (16,5%). In die betrokke tyd is 322 ooreenkomste in 34 distrikte gesluit. Die sluiting van aktekantore vanweë covid-19 verlede jaar het vergelykende neigings vir die provinsie bemoeilik. Altesame 168 684 ha is teen…

DIT is tekenend hoe gebrekkig die ANC se belangstelling in klimaatsverandering is dat me. Barbara Creecy, die minister van omgewing, bosbou en visserye, die minister is wat aan die stuur van sake daaroor staan, eerder as mnr. Gwede Mantashe, minister van minerale en energiesake. Creecy is gelukkig een van die weinig bekwame ministers. Die enkele beste ding wat Suid-Afrika kan doen om sy skuldgevoelens oor klimaatsverandering te verminder, is om Australië se voorbeeld te volg en te belê in batterybanke wat met hernubare energie herlaai word. Toe klimaatsgesante van die wêreld se rykste nasies in September die land besoek het, kon Mantashe nie die tyd vind om dié mense, wat só baie vir die omgewing omgee dat hulle bereid is om aan Suid-Afrika goedkoop finansiering te gee om die planeet…

‘STREEF ALTYD MAKSIMUM WINS NA’ Dr. Gawie du Toit se brief “Claude Cloete reg oor maksimum wins” (LBW, 21 Oktober 2021) het betrekking. Dat die landbou in Suid-Afrika gebuk gaan onder verskeie kwessies wat vele boere se vermoë om volhoubaar in produksie te bly, ernstig onder druk plaas, is ’n gegewe. Daar is verskeie aspekte wat gesamentlik aangepak kan word, soos die beleidsomgewing en die nadelige gevolge daarvan, en daar is organisasies, soos TLU SA, wat dit doen. Ander sake wat boere ook reeds in die praktyk gesamentlik aanpak, is die hantering van die probleme rakende landelike veiligheid. Wat Du Toit én mnr. Claude Cloete (“Is dit ’n sake-onderneming of ’n talentkompetisie?”, LBW, 19 Augustus 2021) bespreek, is die een aspek waaraan elke boer indringend ingevolge sy eie omstandighede moet…

TWEE skaapboere van Edenville in die Vrystaat wat einde Oktober sowat 300 Dohne-Merino-lammers in ’n frats-haelstorm verloor het, is oorval met aanbiedinge van hulp van reg oor Suid-Afrika en tot so ver as Brittanje nadat Landbou.com daaroor berig het. Mnr. Heyns Theron en sy broer, mnr. Danie Theron, se reuseverlies kom ná ’n haelstorm waarin nagenoeg 100 mm reën met hael binne 15 minute geval het. Die lammers is kort vantevore geskeer. Die diere het bo-op mekaar geklim om hitte te soek en van die diere is in die proses doodgetrap, of het verkluim. Die groot volume water van die storm het ook aansienlike skade aan huise en skure veroorsaak. Die Therons was teen druktyd nog nie seker of die wolskeersel in ’n oorstroomde skuur nog verkoop sou kon word…

Die gesaghebbende tydskrif The Economist beskryf stygende energiepryse as die eerste energieskok van die nuwe groen era, terwyl die Internasionale Monetêre Fonds (IMF) en die Wêreldbank albei verklarings uitgereik het oor die impak van die stygende energiepryse op die wêreldekonomie en die verwagting dat dit tot in 2022 gaan voortduur. Brandstofpryse styg skerp in Suid-Afrika (midde-in somersaaiboere se plantseisoen), kunsmispryse is nog aan die galop en ’n mandjie van internasionale pryse van energie – olie, steenkool en gas – het met sowat 95% gestyg sedert Mei. Brittanje het weer sy steenkoolkragsentrales in bedryf gestel, en China en Indië ervaar kragonderbrekings, terwyl Rusland sowat 40% van Europa se gas voorsien en die Europeërs knyp. Landbouproduksie, asook die vervoer en verwerking van landbouprodukte is energie-intensief en die hele aanbodketting gaan regstreeks daardeur…

Mnr. Ben van Greunen van die Van Greunen-boerdery by George is al tien jaar amptelik by dié grootskaalse melkboerdery, wat op verskillende plase bedryf word, betrokke. Die boerdery is baie ouer as tien jaar en Van Greunen, ondervoorsitter van die MPO in die Wes-Kaap, sê hy was al van kleins af in die melkstal en op die lande. HOE KAN ’N MELKBOER SY WINSGEWENDHEID VERHOOG? ’n Mens kan nooit dink jy weet nou alles nie. Jy kan altyd nóg iets leer. Hoe meer jy jou doeltreffendheid verbeter, hoe kleiner raak die groeispronge en -geleenthede. Sodra die groei in jou doeltreffendheid te klein raak, moet jy groei in skaal, wat dan gewoonlik weer nuwe areas bring om in te groei. In ons onderneming probeer ons om so veel as moontlik melk…

Die drie dinge wat volgens Klar tot ’n topgehalte-makadamiaoes bydra, is tydsberekening, waarneming en bespuiting. “Ek lewe volgens tydsberekening. Die Julie-opstande in KwaZulu-Natal het vervoer beïnvloed en die aflewering van insette soos gips en kunsmis vertraag, wat frustrerend was. “Al besproei ons, is niks beter as reën nie. Ek probeer bemesting gee ’n dag voor dit reën. Tydsberekening is ook belangrik om stinkbesies te bekamp. “Ons lewe volgens ons waarnemingsroetine. As die weer saamspeel, kyk ons die boorde drie oggende per week deur. In die somer gaan my waarnemers al drieuur in die oggend uit wanneer dit donker en koel is om die besies te vang. Die inligting wat ons van die waarnemers kry, rig ons plaagbekampingstrategie en die tydsberekening daarvan. “Dit is moeilik om die tydsberekening vir bespuiting reg…

Die nasionale Groei vir Goud-hoëopbrengskompetisie is vanjaar vir die tweede keer aangebied. Die belangstelling was weer eens groot en die standaard hoog. Dié kompetisie is die enigste in sy soort wat deur Graan SA aangebied word. Die produksie van mielies, koring, sonneblom en sojabone word beoordeel. Groei vir Goud se finaliste in die sojaboonafdeling het in dié kategorieë deelgeneem. ■ KwaZulu-Natalstreek ■ Oostelike Hoëveldstreek ■ Oostelike Vrystaatstreek ■ Sentrale streek ■ Noordwes-streek ■ Watertafel ■ Besproeiing KWAZULUNATALSTREEK MNR. CLINTON FREY van die plaas Doveton by Winterton het dié kategorie in die sojaboonafdeling met ’n opbrengs van 4,50 t/ha gewen. Hy het dit met die kultivar P71T74R van Pioneer behaal. “Wat my beïndruk, is dat dié kultivar met ’n lae plantestand steeds ’n goeie oes gelewer het,” sê Frey. Hy beplant…

RICOTTA-PLAATKOEKIES MET HEUNINGTIEMIESTROOP Heuningstroop ■ 6 takkies vars tiemie ■ 125 ml heuning ■ 1 vanieljepeul, in die lengte oopgesny en saadjies uitgeskraap, of 10 ml vanielje-ekstrak Beslag ■ 2 ekstragroot eiers ■ 30 ml strooisuiker ■ 350 g ricotta ■ 125 ml melk ■ 250 ml bruismeel ■ Olie, vir braai ■ Bros spek en vars tiemie, om voor te sit Heuningstroop: Verhit die tiemie, heuning en vanieljesaadjies (met peul) of -ekstrak vir die stroop stadig oor lae hitte tot vuurwarm, maar nie kokend nie. Verwyder van die hitte en laat staan eenkant sodat die geure kan ontwikkel. Beslag: Klits die eiers, strooisuiker, ricotta en melk goed saam. Voeg die meel by en meng tot ’n dik skepbeslag. Braai lepels vol van die beslag in ’n bietjie olie oor…

■ ’n Garingboom leef vir 20 jaar. Dit blom een maal en gaan dan dood. Die beste tyd om die hart te oes, is die dag voor die plant blom. ■ Dit kos R30 000 per hektaar om garingbome te vestig. “Plant verkieslik meer as 5 hektaar op ’n dag, want koedoes, springbokke en ystervarke vreet die jong plante in een nag op,” raai Tim Murray aan. ■ Volgens oorlewering het dele van die plant wat deur Spaanse seemanne aan boord geneem is, naby die mond van die Groot-Visrivier uitgespoel. Mense het die verweerde stukke opgetel, wat garingagtige drade gehad het. Dit is hoekom agawe ook as garingboom of garingplant bekend is. ■ ’n Skildery van Tafelberg wat van 1810 dateer, het ’n garingboom op die voorgrond, wat wys dat…

Vandag wil ons gesels oor drie vrae oor dieselfde onderwerp. Die kans dat die antwoorde dieselfde, of naastenby dieselfde, gaan wees, is nie baie goed nie. Maar nou eers: Wat is die onderwerp? Die onderwerp is jyself wat nou hier lees. Die vrae is: Wat dink mense van jou? Wat dink jy van jouself? Wat dink jou Skepper van jou? Op die eerste vraag sal mense verskillend reageer, na gelang van hoe goed of sleg hulle jou ken. Party sal praat van hoorsê. Hulle het waarskynlik stories van ander gehoor – goed of sleg – en nou praat hulle dit na. Ander sal uit ervaring praat. “Ja, ek ken hom of haar al vir etlike jare. Ons het ’n lang pad saamgeloop en ek weet miskien nie alles nie, maar…

Die vraag na ooie het die vraag na ramme op die nasionale Boerbokveiling in Bloemfontein oorskadu. Teelmateriaal van die stoetery van mnr. Lukas Burger van die plaas Rietfontein, Griekwastad, het die hoogste prys vir ooie en ramme opgelewer. Die ram GTR19-290, wat deur Burger geteel is en in ’n privaattransaksie teen R100 000 aan mnr. Salmon van Huyssteen van Hartebeespoortdam verkoop is, is op die veiling teen R360 000 verkoop. Die aanlyn koper is mnr. Christiaan de Jager van Vygeboom, Badplaas. GTR is die nageslag van een van Burger se bekende skouwenners, Ferrari. Die duurste ooi van die Burger-stoetery is teen R80 000 aan mnr. Hanno Kriel van Welgevonden, Ottosdal, verkoop. Altesaam 39 ramme is teen gemiddeld R30 730 verkoop en 80 ooie teen gemiddeld R17 806. BKB Sentraal het…

‘Hulle sal meer moet stroop om ’n gelykspeelpunt te bereik en dit kan hul winsgewendheid beïnvloed.’ MNR. LUAN VAN DER WALT, landbou-ekonoom by Graan SA, oor die invloed wat hoër produksiekoste op graanboere gaan hê in die nuwe seisoen. Bl. 14 ‘As die wetenskap toon ons kan beter doen, dan móét ons beter doen.’ DR. THEO DE JAGER, voorsitter van die wêreldboere-organisasie, oor hoekom hulle ’n paneel wetenskaplikes na die COP26-beraad geneem het. Bl. 16 'Dit voel asof daar iemand in die familie dood is.' Me. Sunita Theron, oor die 300 lammers wat op hul plaas in die Edenville-omgewing in ’n haelstorm gevrek het. Bl. 17 ‘Die honeymoon is verby en stuur vinnig op ’n egskeiding af.’ MNR. PIETER NORTJÉ van die Sitrusrandboerdery in die Sondagsriviervallei, oor logistieke probleme wat…

338 dae Op 31 Oktober was die Indiese boere-opstand teen die deregulering van die landboumark reeds 338 dae aan die gang, en was daar reeds meer as 600 sterftes wat met die opstand gepaardgegaan het. Die opstand was op 26 Oktober 11 maande oud, en het ook gestalte gegee aan ’n politieke beweging teen die BJP-party, wat die wette van stapel gestuur het, en ’n propagandaoorlog tussen die aktiviste en regeringslui. — Times of India R700 miljoen Operasionele ontwrigtings en ’n reuse-produkonttrekking het die genoteerde voedselmaatskappy Tiger Brands in die ses maande tot September meer as R700 miljoen gekos. Die maatskappy sê in ’n verklaring die herroeping van by die 20 miljoen blikkies ingemaakte vrugte sal hom sowat R647 miljoen kos, en skade en verliese weens Julie se onluste in…

Uit: Landbouweekblad, 13 November 1981 In die algemeen word aanvaar dat Suid-Afrika se dieselolie se prys nog nie só hoog is dat dit lonend is om sonneblomolie in die plek daarvan te gebruik nie. Mense in die brandstof- en oliesaadbedryf meen as die dieselolieprys met nog 10 c/liter sou styg, sal dit sonneblomolie as alternatief in die prentjie bring. Ander dink weer as die boer self sonneblomsaad tot olie kan pars en dié olie word nie met aksyns gelaai nie, kan die prys aansienlik laer as dié van dieselbrandstof wees — veral as die sonneblomsaad se neweprodukte, soos oliekoek en gliserien, benut of teen goeie pryse verkoop kan word. Oor die koste van sonneblomolie en die gebruik daarvan wil die Clevedons van Deeside, Settlers — die boere wat sover bekend…

DIE afgelope weke se baie warm temperature oor die sentrale en oostelike dele van Suid-Afrika sal in die laaste week van November en in Desember plek maak vir heelwat meer reën. Mnr. Johan van den Berg, onafhanklike landbouweerkundige, sê die warm toestande sou die grond vinnig uitdroog, maar sou ook help met warmer grondtemperature wat gunstig is vir somergraanaanplantings. “Die warmer toestande sal baie help om beter opkoms te verseker.” In die laaste week van November word heelwat meer reën verwag, met baie reën wat in Desember oor die sentrale en oostelike dele van Suid­Afrika kan voorkom. Intussen het die La Niñaverskynsel wat na verwagting hierdie seisoen gaan heers, sterker begin ontwikkel as wat aanvanklik voorspel is. La Niña-toestande gaan gepaard met meer somerreën in Suider-Afrika. “Dit lyk of die…

’N KLEIN, ten volle digitale beleggingsmaatskappy het ’n vernuwende model ontwikkel om jong, opkomende boere te finansier wat nie vir banklenings in aanmerking kom nie. Agri Seed Capital wil dié gaping oorbrug, maar het baie spesifieke kriteria rakende wie hy finansier, wat gehelp het dat al tien boere in sy gidsprojek hul eerste lenings ten volle terugbetaal het. Dr. Mpho Mathithibane (foto), uitvoerende hoof en ’n geregistreerde assosiaat- algemene rekenmeester, sê ervaring het hom geleer dat jong, opkomende boere se grootste probleem nie toegang tot grond of kennis is nie, maar om formele finansiële state te hê, waarsonder ’n finansiële instelling hulle moeilik vir lenings kan oorweeg. Hy was voorheen ’n projekleier by die Land Bank. Agri Seed Capital, wat as ’n nasionale kredietverskaffer ge registreer is, se kriteria berus…

DIE spoed waarteen die kantoor van die grondwaardeerder-generaal agterstallige waardasies afhandel, het ietwat versnel, maar hy kon weens voortslepende kapasiteitsprobleme in die boekjaar 2020-’21 nie 44% van sy mikpunte behaal nie. Dit is teenoor 50% in die vorige jaar. Sy beter prestasie in 2020-’21 blyk danksy die aanstelling van 12 bykomende waardeerders, wat die totaal tot 25 bring, en ’n kantoor vir projekbestuur wat help om die waardasieproses meer vaartbelyn te maak. Die kantoor maak steeds grootliks gebruik van private waardeerders en kon 68% van die agterstallige waardasies voltooi. Me. Motlatso Maloka, waarnemende grondwaardeerder-generaal, sê die kantoor kon 173 van die 187 nuwe waardasies en 677 van die 991 agterstallige waardasies teen die einde van die boekjaar voltooi. “Dit plaas die kantoor van die grondwaardeerder-generaal in ’n beter posisie om…

TOT 9 miljoen sakkies aartappels kan vandeesmaand be-mark word, wat die prysdruk van Oktober kan voortsit. Nadat beskikbare voorraad in Oktober begin toeneem het van rekordlae vlakke af, het die aartappelprys oor twee weke met 34% gedaal. “Ons het nog nie gehalteprobleme op die markte gesien nie, wat die waarskynlike afwaartse neiging in die prys effens sal teenwerk,” sê mnr. Pieter van Zyl, landbou-ekonoom en hoof van dataontleding by Nile.ag. Hy verwag ’n neiging soortgelyk aan verlede jaar, toe daar in Oktober net minder as 8 miljoen 10 kg-sakkies aartappels op nasionale markte verkoop is. Die volume het daarna toegeneem, en in Desember 2020 is bykans 10 miljoen sakkies landwyd verkoop. Volgens Van Zyl behoort die prys, soos in 2020, toenemend onder druk te kom namate die volume toeneem. Die…

Op Fawsley is daar minder chemiese reste op die neute en in die gronden waterstelsels danksy die vervanging van chemiese middels met biologiese produkte. Dit het ’n gunstige uitwerking op die omgewing. “Die voëllewe in ons boorde is ongelooflik. Ons kry enigiets van saadvreters tot vrugte- en insekvreters. Voëls soos laksmanne en byevangers bring nou die hele dag in die boorde deur en dra by tot stinkbesiebekamping. Die vrugtevreters kry ook hul proteïen van ruspes, plantluise en spinnekoppe.” Tydens blomtyd dra massas insekte – wilde bye, liewenheersbesies en gaasvlerkiges – tot bestuiwing by. “Ons het besluit om nie vanjaar korwe in die boorde te plaas nie, want ons het genoeg insekte vir bestuiwing.” In 2020 het Klar opgehou om die gras in die tussenrye te sny. “Werkers het stinkbesies in…

Die Pioneer-sonneblomkultivar PHI 65LL02 se groeikragtigheid en goeie siekteverdraagsaamheid, asook sy vermoë om te kompenseer as die stand nie na wense is nie, het mnr. Gawie du Plessis só beïndruk dat hy daarmee ingeskryf het vir Graan SA se jaarlikse Groei vir Goud-kompetisie. Sy geloof in die kultivar is beloon toe sy opbrengs van 4,06 t/ha as wenner in die sonneblom afdeling aangewys is. Du Plessis is die bestuurder van die FP van Rooyen-boerdery by Coligny in Noordwes, waar hy al van 2002 vir die eienaar, mnr. Frik van Rooyen, boer. Sy pad na sukses met PHI 65LL02 het op 19 Desember 2020 begin toe hy 962,4 ha op droëland aangeplant het. Vir dié taak het hy Massey Ferguson 555- en John Deere 1750-planters ingespan. Hy beskryf sy saadbeddingvoorbereiding as…

Die splinternuwe someruitgawe van Landbou Boerekos het pas verskyn. Ons vier in hierdie uitgawe vroue wat inspireer, nie bang is om hard te werk nie, en wat ’n groot bydrae lewer om ons nasie te voed. Van vroueboere, wynmakers, boervroue en TV-persoonlikhede tot skrywers, sjefs en sakevroue — almal formidabele rolmodelle. Ek kook en bak met rose en laventel en leer jou hoe maklik dit is om blommegeure na jou tafel te bring. Ons sit aan tafel by kos-ikone en proe van hul lekkerste resepte, kuier op plase reg oor Suid-Afrika en vertel die stories van boere met passie, durf en deursettingsvermoë. Ons maak kos met fantastiese plaasprodukte, van skrophoenders tot pimperneute. Lucille Botha skryf oor kookwater-vrouewynmakers, en ons eindig met die mooiste ode aan ’n geliefde ouma. ’n Beperkte…

AFKORTINGS: MP = Mpumalanga; G = Gauteng; L = Limpopo; NW = Noordwes; VS = Vrystaat; KZN = KwaZulu-Natal; OK = Oos-Kaap; WK = Wes-Kaap; NK = Noord-Kaap RUVASA ENTSTOFTEKORT BEGIN NOU LOL DIE tekort aan entstowwe vir gevaarlike dieresiektes begin nou sy tol eis en kan vorentoe ’n groter probleem raak, sê dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), in sy September-verslag oor siektes en toestande wat deur veeartse by hom aangemeld is. Hy het reeds voorheen gewaarsku oor die tekort aan entstowwe vir siektes wat deur insekte en bosluise oorgedra word. Nou kom daardie siektes op groot skaal voor omdat die somerreën wat begin uitsak het, toestande vir muskiete, bytende vlieë, bosluise en inwendige parasiete bevorder. Die insekte veroorsaak siektes, soos slenkdalkoors, bloutong, knopvelsiekte,…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 29 NOVEMBER - 1 DESEMBER: Tweede konferensie vir gebruikers van hommeltuie, aangebied deur die trust vir bedreigde natuurlewe (EWT). Die gebruik van hommeltuie in die landbou en bewaring, asook die gebruik van hommeltuie, nuwe tegnologie en sagteware wat daarmee gepaard gaan. Insauf de Vries, e-pos: insaufd@ewt.org.za. Registrasie: dronesatwork.co.za SKOUE 10-12 DESEMBER: Tulbagh-skou. Dina, 076 702 0212. KURSUSSE AANLYN TOT EINDE DESEMBER: Gratis kursus vir boere in droë streke (soos die Karoo) oor geïntegreerde plaasbeplanning en -bestuur (GPB), aangebied deur die EWT. Die kursus kan enige tyd voltooi word. Bonnie Schumann, e-pos: bonnies@ewt.org.za; registrasie: karooforever.org.za/ resources-2/handbooks. 8-9 NOVEMBER: Sampioensubstraatontwerp en -verbouing op semi-kommersiële skaal. E-pos:…