Innehållsförteckning för 18 Nov 2021 från Landbouweekblad

ONS HARTE KLOP AARTAPPELS Elkeen van ons het so ’n bietjie boer in ons. Of jy nou uit die hartjie van Gauteng kom en of jy grootgeword het met fietsry en in modderdamme swem, daar is niks beters as om jou reistas te pak en uit te ry platteland toe nie. Die pad is anders, die uitkyk is anders, die lug is anders. Hier is ons dankbaar dat ons, wanneer die eerste reën van die seisoen val, die venster kan oopswaai en die reuk van vars druppels op die droë, dors grond in ons neus kan intrek. En dan weet ek ook as Technofresh se e-pos deurkom, die sirkel meer as driekwart blou is, en hul nie reën voorspel nie, is dit tyd om aartappels te oes. In die hartjie…

1 NAMIBIË| Hoendervleis uit Europa verbied Namibië het vroeg vandeesmaand alle pluimveeinvoer uit Duitsland en Nederland verbied ná uitbrekings van hoogs aansteeklike voëlgriep (H5N1) in Europese lande. In Duitsland het voëlgriep op ’n gansplaas uitgebreek, en in Nederland is alle kommersiële pluimveeplase beveel om hul voëls binnenshuis te hou ná ’n uitbreking in die middel van die land. Namibië se veeartsenykundige diens het gesê alle pluimveeprodukte wat van 1 Oktober in Duitsland verpak is, en van 5 Oktober in Nederland, sou teruggestuur of vernietig word. — Reuters 2 ZIMBABWE | Wit boere sit agter oessukses Twee dekades ná Robert Mugabe wit boere van hul grond verjaag het, beleef Zimbabwe se landbou weer ’n bloeitydperk, maar die winste word grootliks gemaak deur groot maatskappye, soos British American Tobacco en…

Die eerste amptelike plantvoorneme van somersaaigewasse wat einde Oktober 2021 bekend gestel is, hou geen groot verrassings in nie. Daar is ’n effense swaai weg van mielies (-1%) na sonneblomsaad (16% hoër) en sojabone (11,8% hoër), terwyl die kleiner aanplantings van ander gewasse taamlik stabiel bly. Hierdie neiging stem ooreen met die winterreënstreek, waar kanola-aanplantings stadig, maar seker uitbrei. Die relatiewe goeie grondvog met die aanvang van die seisoen en opvolgreën gedurende Oktober 2021 het vroeë aanplantings van gewasse gestimuleer. Weerkenners meen dit kan ’n goeie reënjaar wees en daarom kan betreklik goeie opbrengste weer verwag word. Die ironie is dat mielies en sojabone naby uitvoerprysvlakke beweeg. Ten spyte van groot oeste word groot prysdalings nie verwag nie. Die sleutel is die pryse in Amerikaanse dollar in die eerste deel…

Die vraag na kiwi’s wêreldwyd kan tot aansienlike groei in plaaslike kiwiproduksie lei, sê kenners wat onlangs aan ’n webinaar van PMA SA en Beanstalk Global deelgeneem het. Mnr. Louw Pienaar van die buro vir voedsel- en landboubeleid (BFAP) het gesê die kiwibedryf het oor die jare aansienlik gegroei en sal na verwagting aanhou groei. Hoewel kiwi’s al langer as 40 jaar in Suid-Afrika gekweek word, is die plaaslike bedryf nog relatief klein met tot 400 ha onder produksie. Verbruikers se vraag na gesonder kossoorte het die Suid-Afrikaanse bedryf die afgelope paar jaar egter ’n hupstoot gegee. Daar word nou selfs in die Wes-Kaap kiwi’s geproduseer. Tradisioneel is dit in Limpopo en Mpumalanga se Laeveld, asook Kwa-Zulu-Natal aangeplant. In 2020 is die mark vir kiwivrugte wêreldwyd beraam op $3,5 miljoen…

DR. ERNA BLANCQUAERT, ’n wingerdkundige en navorser aan die Universiteit Stellenbosch (US), is een van twee mense wêreldwyd wat vanjaar ’n Taylor’s Port Golden Vines Diversity-beurs ontvang het. Danksy hierdie beurs van £55 000 (sowat R1 155 000) sal sy die gerekende internasionale wynmeesterprogram (MW) aan die Institute of Masters of Wine in Brittanje kan volg. Blancquaert sê sy is in die wolke oor die kans om weer ’n deeltydse student te word, en om die gesogte MW-kwalifikasie te verwerf. Dit word in die wynbedryf as een van die hoogste standaarde van professionele kennis beskou. Altesame 42 aspirantstudente van swart en etniese minderhede uit 23 lande het aansoek gedoen om die beurse, met die oog daarop om deel te wees van die MW- of meestersommelierprogram. Dit dek die ontvangers se…

MNR. GERHARD SCHUTTE, hoofbestuurder van die nasionale Rooivleisprodusente-organisasie, sê die skaapvleisbedryf is opgewonde oor die uitvoer van lewende slagskape en -bokke na Koeweit. Die moontlikheid bestaan om tot 6% van die plaaslike produksie uit te voer. Die ontwikkelende sektor kan ook daaruit voordeel trek. Koeweit stel ook belang om skaapvleis in te voer. Oor die ontsluiting en versnelling van inklusiewe groei sê hy ingrypings sal ’n spanpoging tussen die vleisbedryf en staat wees. “Die bedryf sal kapasiteit moet skep. ’n Statutêre heffing kan ’n wesenlike bydrae lewer.” Die droogte in die westelike deel van die land, waar van die belangrikste skaapproduksie voorkom, het ’n groot rol gespeel in die duurder skaap- en lamsvleis in die eerste kwartaal van 2021. MNR. ANDRÉ VAN DER MERWE, 2020 se Suider-Afrikaanse Stoetteler van die…

Infrastruktuur wat agteruitgaan, het ’n bepalende invloed op die lewensvatbaarheid van ’n landbouverwerkingsaanleg, sê mnr. Koos Janse van Rensburg, uitvoerende hoof van VKB. Dié groep, met sy hoofkantoor op Reitz in die Oos-Vrystaat, het die afgelope paar jaar landbounywerhede gevestig of aangekoop om waarde vir sy boere-aandeelhouers te ontsluit deur ’n volhoubaarder vraag na primêre landbouprodukte in VKB se eie omgewing te skep. Dié groep bedryf onder meer ’n sojapers op Vrede, ’n braaihoenderaanleg op Reitz, ’n koringmeule op Frankfort en veevoerfabrieke op Vrede en Bethlehem. Voldoende en deurlopende watertoevoer is ’n groot probleem vir landbouverwerkingsaanlegte, soos Grain Field Chickens op Reitz, sê Janse van Rensburg. “Ons moes ons eie pyplyn bou van die Liebenbergsvlei tot in Reitz om genoeg water vir ons bedrywighede te hê.” Die ander knelpunt is…

Boer en vlieg tel onder mnr. Dawie Brits se grootste belangstellings. Hy is opgelei om helikopters en vliegtuie te vlieg, maar tans hou die boerdery hom heeltyds besig. Hy het op die plaas Modderbult grootgeword waar sy pa, Pieter, ook sý kinderdae deurgebring het. Oupa Dawie Brits het die grond 80 jaar gelede gekoop. Pieter boer al 38 jaar daar en Dawie het drie jaar gelede begin saam boer. Dawie het aan die Afrikaanse Hoër Seunskool in Pretoria gematrikuleer. Vlieg was van kleins af sy belangstelling en hy het sy kwalifikasie as helikoptervlieënier verwerf toe hy in graad 11 was. “Ek wou nie aan ’n universiteit gaan studeer nie, want ek wou net vlieg. Toe woon ek die 43 Air School in Port Alfred by om ’n kommersiële vastevlerkvlieënier te…

Melkproduksie in die belangrikste uitvoerlande het van 2019 tot 2020 verbeter. Die totale produksie van die ses belangrikste uitvoerstreke, naamlik Amerika, die Europese Unie (EU), Australië, Nieu-Seeland, Uruguay en Argentinië, het in die eerste sewe maande van 2021 met ’n geweegde 3% gegroei (sien TABEL 1 ). Rabobank verwag nie dat die vinnige groei gaan voortduur nie. ’n Groei in produksie van 1% op ’n jaargrondslag van die topmelkproduserende lande word tot die tweede helfte van 2022 voorspel. Hoër graanpryse gaan die winsgewendheid van melkproduksie internasionaal be-perk. In ’n lesing op die internasionale suiwelfederasie se kongres in Kopenhagen, Denemarke, in Oktober vanjaar het dr. Torsten Hemme, besturende direkteur van die internasionale plaasvergelykingsnetwerk (IFCN), klem daarop gelê dat die EU se melkboere nie meer winsgewend is nie. Volgens hom word daar…

Min navorsing word gedoen oor die verlies aan natuurlike “diensverskaffers” deur die prosesse wat agteruitgang van die ekostelsel veroorsaak, sê drs. Sue Milton en Richard Dean van Renu-Karoo. “Bestuiwers is noodsaaklik vir die meeste karooplante. Sonder hulle sal daar nie saadset wees nie.” Hoewel die meeste karooplante se sade deur die wind versprei word, word sekere plante waarop voëls en bakoorjakkalse voed, se saad deur hulle versprei. Net so belangrik is die gate wat ystervarke, erdvarke, muishonde en meerkatte grawe as hulle kos soek, om grond vir die hervestiging van plante voor te berei. Termiete wat voedingstowwe hersirkuleer deur organiese materiaal in die grond in te werk, help ook met die mineralisasie en verspreiding daarvan.…

PLAK LOS TEËLS MAKLIK VAS Die StickIt-herstelstel maak dit moontlik om los teëls weer vas te plak sonder dat die teëls verwyder moet word. Dit kan ook op die raaplaag gebruik word. Die stel bevat alles wat jy benodig om dié taak vinnig af te handel, en is hervulbaar. StickIt kan vir vloer- en muurteëls gebruik word. Dit kan ook gebruik word as waterdigte kleefmiddel vir houtlasse, asook matte, gelamineerde en linoleumvloere. ’n Liter StickIt is genoeg om 10 m² vloerteëls of 5 m² muurteëls te herstel. Die produk word in Australië vervaardig en plaaslik deur Aqua Plastech bemark. Dit is ook op Takealot.com beskikbaar. Prys: R849 vir 1 liter, R2 249 vir 5 liter. NAVRAE: E-pos info@aquaplastech.co.za DRUKKERS SORG VIR DUURSAME ETIKETTE Bidvest Afcom se etiketfabriek bied ’n verskeidenheid…

Brandstofseltegnologie is baie jare gelede al ontwikkel, maar in 1959 het Allis Chalmers se ingenieurs bewys dit kan in die landbou toepassing vind. Die kragbron van ’n produksiemodeltrekker is met ’n ingewikkelde stelsel van meer as 1 000 brandstofselle vervang. Die brandstof was suurstof en propaangas wat in ’n chemiese reaksie ’n stroombaan opgewek het waarmee ’n elektriese motor van 15 kW aangedryf is. Die verlangde snelheid is verkry deur die stroombaan te beheer, terwyl die trekker vorentoe en agtertoe kon beweeg deur die polariteit te verander. Die futuristiese Allis Chalmers het sonder steurende uitlaatgasse of geraas, en met beter wringkrag as ’n dieselenjin ’n tweeskaarploeg getrek. Waarom word nêrens op aarde tans brandstofseltrekkers gebou nie? Omdat die produksiekoste hopeloos te hoog sal wees.…

Tydens ’n vorige geselsie het ons begin praat oor drie vrae en drie antwoorde. Die eerste vraag het ons toe probeer beantwoord: Wat dink mense van jou? Vandag gesels ons oor die tweede vraag: Wat dink jy van jouself? Hierdie vraag moet jy nie pro-beer beantwoord as jy nie vooraf besluit om opreg en eerlik te wees nie. Wat ander mense van my dink, is belangrik. Wat ek van myself dink, is ongetwyfeld nóg belangriker. Dit is aan my vertel dat ’n student per geleentheid tydens ’n klasperiode aan sy professor die volgende vraag gestel het: “Professor, wat moet ’n mens doen as iemand te veel van jou dink?” Die professor het toe ’n gevleuelde antwoord gegee: “In die eerste plek, meneer, dank die Here as mense so baie van…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 29 NOVEMBER - 1 DESEMBER: Tweede konferensie vir gebruikers van hommeltuie, aangebied deur die trust vir bedreigde natuurlewe (EWT). Die gebruik van hommeltuie in die landbou en bewaring, asook die gebruik van hommeltuie, nuwe tegnologie en sagteware wat daarmee gepaard gaan. Insauf de Vries, e-pos: insaufd@ewt.org.za. Registrasie: dronesatwork.co.za 9-10 DESEMBER: Landbou-entegnologieberaad, Radisson Bluhotel, Sandton. Aanlyn opsie ook beskikbaar. Navrae: 074 119 9950, info@impalabc.co.za SKOUE 10-12 DESEMBER: Tulbagh-skou. Dina, 076 702 0212. KURSUSSE AANLYN TOT EINDE DESEMBER: Gratis kursus vir boere in droë streke (soos die Karoo) oor geïntegreerde plaasbeplanning en -bestuur (GPB), aangebied deur die EWT. Die kursus kan enige tyd voltooi word. Bonnie…

SEPTEMBER se inflasiekoers van 5% is nog binne die Reserwebank se teiken van 3-6%, maar wanneer jy kyk hoe die koers verskillende ekonomiese groepe raak, lyk die prentjie onrusbarend. Vir die armste tiende van die bevolking is die inflasiekoers 6,6%, die tweede armste 6,1% en die derde armste 5,4%. Dus is inflasie vir die heel armste Suid-Afrikaners bó die inflasieteiken. Die deel van die bevolking wat deur die hoogste prysstygings in die gesig gestaar word, is dieselfde mense wat ál minder werkgeleenthede kry en dus minder geleenthede het om vir hulself te voorsien. Dit sal eindelik lei tot ’n groter las op die staat, wat meer dienste aan ’n groter groep werkloses moet verskaf, en terselfdertyd word hierdie dienste ál duurder. Voedsel was in September 2021 7% duurder as ’n…

$20 miljoen Die Amerikaanse landbousektor verloor jaarliks nagenoeg $20 miljoen (R308 miljoen) aan stropers wat uitbrand, en mnr. John Shutske, ’n landboukundige van die Wisconsinuniversiteit, sê dit blyk dat dié brande aan die toeneem is omdat die land se vloot stropers sedert 2013 ál ouer word. Die meeste brande ontstaan in die enjinkompartement, en hy maan boere om veral die enjin en hidrostatiese pomp skoon te hou. — Successful Farming 2 000 ha Gashora Farm, ’n Rwandese rissie-uitvoerder, het die regte verkry tot 2 000 ha landbougrond in Zimbabwe waar hy beoog om rissies vir uitvoer te verbou. Mnr. Diego Ttwahirwa, ’n bestuurder by Gashora, sê die maatskappy het onlangs ’n langtermynkontrak gesluit om jaarliks van 10 000 ton tot 50 000 ton gedroogte Teja-rissies na China uit te voer.…

MNR. DAWIE BRITS van Balfour is TLU SA se Jongboer van die Jaar vir 2021. Die familieboerdery waarvan hy deel is, boer met braaihoenders, mielies, sojabone en beeste. Lees die artikel op bl. 44. VERTEL VAN JOU GESIN. Ek en my vrou, Riana, het twee seuns, Pieter (7) en David (5). HET JY NÁ SKOOL GESTUDEER? Ek is by 43 Air School in Port Alfred as ’n kommersiële vlieënier opgelei. HET JY ’N STOKPERDJIE? Ek geniet dit om buite te werk, tyd saam met familie en vriende deur te bring, gholf te speel en te skiet. WAAR HOU JULLE VAKANSIE? By San Lameer by Rams-gate, waar ons ’n vakansiehuis het. WATTER RUGBYSPAN ONDERSTEUN JY? Die Bloubulle. Ek mis ook nie ’n Springbok-wedstryd op televisie nie.…

GWK se Humansdorp- en Vrystaat-tak is die jongste in ’n string verkrygings wat die landboumaatskappy BKB die afgelope tyd in die lewendehawebedryf gemaak het. “Ons verwag goeie groei binne die lewendehawebedryf, veral vir agente, en meen daar wag nog goeie geleenthede,” sê dr. Cobus Oberholster, hoofbestuurder van BKB se afdeling vir lewende hawe en veilings. Die maatskappy het in die afgelope paar jaar sy reikwydte in die lewendehawebedryf aansienlik uitgebrei met die oorname van Riverview Trading (van Alexandria, Oos-Kaap), RobCaw (van Stutterheim, Oos-Kaap), en Slabbert, Verster en Malherbe (van Klipheuwel, Wes-Kaap). Oberholster sê dat die jongste transaksie strategies sin maak vir die maatskappy. “Daar is ’n sterk vraag na rooivleis en daarom is skaapen beesboerdery steeds winsgewend.” Die Humansdorp-tak sal die gebied van Humansdorp tot by Caledon bedien en sal…

SKOOLVERLATERS wat ’n oorbruggingsjaar neem voor hulle formeel begin studeer, het nou ’n nuwe opsie: boerdery. Die Reitz Landbou-akademie en Peritum Agri-instituut se Agri-Gapjaar is ’n nuutjie vir Suid-Afrika. Dit bied ’n oorbruggingsjaar waarin jong mense praktiese landbou-ondervinding en -kennis opdoen. Die oorbruggingsjaar behels gestruktureerde leerprogramme in landbouproduksiebestuur en omvattende boerderyblootstelling. Die program sal op Reitz, ’n Vrystaatse dorp met ’n ryke landbougeskiedenis, aangebied word. Die landbouprogram bestaan uit vier dele, naamlik praktiese demonstrasies, kort leermodules, weeklikse boerderyrotasie en bestepraktyk-besoeke. Luidens ’n verklaring deur Peritum Agri en die Reitz Landbou-akademie sluit dit onder meer ’n skeerkursus, jaarlikse inentingsprogramme, produksiemodelle, stoetkeuring, grondprofielontleding, grond- en waterontledings, veilings, veldopnames en karkasontleding in. Studente sal weekliks roteer en daagliks omsien na die sewe verskillende afdelings van die Reitz Landbou-akademie se boerdery. ’n Besoek aan…

Geld is iets wat mense baie vreemde dinge laat doen. En dit is te verstane, want in die wêreld waarin ons leef, is geld mag. As jy geld het, is jy bang vir niks nie. Geestelike rekeningkunde behels die beginsel dat ons verskillend dink oor geld na gelang van waar dit kom of waarop ons dit uitgee. Almal ken die spreekwoord “erfgeld is swerfgeld”. Dit beskryf dit eintlik perfek. Mense gee geld waarvoor hulle hard gewerk het, baie moeiliker uit as geld wat aan hulle geskenk is. Dit is baie makliker om op ’n groot vakansie te gaan met jou erfporsie as met jou salaris. Maar ons tref hierdie onderskeid selfs by bronne wat eintlik baie nader aan ons salaris is. ’n Bonus wat ons in Desember ontvang, of ’n…

As jy in die waardeketting inkom, groei en diversifiseer, bly jy relevant, sê mnr. Nick Serfontein (REGS), hoof van die Sernick-groep. Dié groep se bedrywighede dek die hele waardeketting – van sy Bonsmara-boerdery tot by die voerkraal, voerfabriek, abattoir, ontbenings-en-verwerkingsaanleg, groothandelvleisverkope en slaghuise. “Die gaping tussen insetkoste en kommoditeitspryse raak aanhoudend groter. Die meeste insetkoste is gekoppel aan die dollar. Jy moet jou dus daarteen verskans.” Serfontein onderskei vier maniere om dit te doen. “Jy kan jou boerdery vergroot, meer produseer op dieselfde stuk grond met die hulp van moderne tegnologie, jy kan diversifiseer, of jy kan waarde toevoeg.” In Sernick se geval pas die boerdery waardetoevoeging maksimaal toe en beheer sy totale waardeketting.…

Watter tegnologie is onmisbaar in jou boerdery? Beslis presisieboerderytegnologie. Ons gebruik ’n Ag-Leader-stelsel en wend dit in alle opsigte aan. Wat is die beste raad wat jy al gekry het? Luister vir jou pa. Hy het dit al probeer en het nie per toeval tot hier gekom nie. Wat is die grootste fout wat jy begaan het? Om my ore uit te leen aan ander mense, te kyk wat hulle doen en dan teen my beterwete dieselfde te probeer. Wat is jou grootste struikelblokke? Om die mense wat vir en saam met my werk, sover te kry om die boerdery ernstig op te neem, netjies te boer, dinge deeglik te doen en te rapporteer sodra iets onduidelik is of nie reg lyk nie. Netheid is ’n absolute moet by my.…

Dinge is darem nie so duister soos dit dalk klink nie, sê drs. Sue Milton en Richard Dean van Renu-Karoo. Ná vyf droë jare sien hulle uiteindelik herstel by die klein herstelprojek wat hulle in 2016 in die Wolwekraalnatuurreservaat by Prins Albert begin het. Hulle het mikro-opvanggebiede op 1 ha grond met die hand gegrawe en saad ingesaai. Vir die volgende vyf jaar was dit baie droog, met minder as 100 mm reën per jaar. “Teen 2021 het daar plante van die saad wat ons ingesaai het én plante van die spesies wat diere ingebring het, in elke holte gegroei. Haasmis het spesies wat ons nie gesaai het nie, ingebring en organiese materiaal van plante wat voorheen in die holtes gegroei en gevrek of dooie blare afgegooi het, het in…

Slaap? Selfs die honde en die osse het nie veel geslaap nie. Daar was onrus in die naglug. Die leeus het byna aanhoudend gebrul. Partykeer het dit geklink asof hulle sommer naby kon wees en dan weer ver, asof daar dalk twee seksies kon wees. Nóg die osse nóg die honde het enige vorige ondervinding van leeus gehad, en tog het die osse aldeur rondgetrap in die kraal. “Af en toe uit ’n os ’n soort angstige kreungeluid, soos ’n koei wat haar pasgebore kalfie nader roep wanneer sy honde gewaar. Die honde het om die vuur geboer en elke keer met gespitste ore en angstige knorgeluidjies die donker bome ingekyk. Daar was onrus in die naglug vir hulle.” Bogenoemde woorde uit PJ Schoeman se boek Drie jong jagters het…

MARKNEIGINGS PRYSE STYG STEWIG BY OUDTSHOORN In die meegaande TABEL is ’n opsomming van grondtransaksies groter as 10 ha in die Wes-Kaap vir die 12 maande tot September vanjaar. Die swak ekonomie en gevolge van die droogte blyk duidelik, met 44% van die distrikte wat negatiewe prysneigings toon. By Bredasdorp (15,4%) en Oudtshoorn (21,6%) het pryse met meer as 10% gestyg. Dit het met meer as 10% gedaal by Stellenbosch (-12,3%). Altesaam 501 ooreenkomste is gesluit. In die proses is 245 064 ha teen R4,711 miljard verhandel. Die registrasie van transaksies ten opsigte van plaasgrootte lyk soos volg (met verlede jaar se syfer tussen hakies): kleiner as 50 ha, 36% (38%); 50-150 ha, 22% (17%); 150-300 ha; 12% (12%); 300-450 ha, 9% (6%); 450-600 ha, 4% (6%); groter as 600…

‘Dis vanjaar eintlik ’n normale, rustige plantseisoen - nie soos ander jare wat ons angstig sit en wag vir reën nie.’ MNR. JACO BREYTENBACH, graanboer van Fouriesburg, oor produksietoestande. Bl. 16 ‘Dit is goed gedokumenteer dat die onwettige kannabisbedryf van R28 miljard met die samewerking van skelm polisielede funksioneer.’ MNR. BRETT HILTON-BARBER, uitgewer van Cannabiz Africa, oor bedenkinge oor polisiebetrokkenheid by hennepregulering. Bl. 19 ‘Ons regulatoriese stelsel vee al die voordele net so van die tafel af.’ DR. HENNIE GROENEWALD, uitvoerende hoof van Bioveiligheid SA, oor hoe die regulering van Crispr-teeltegnieke Suid-Afrika se uitstekende navorsingsvermoëns neutraliseer. Bl. 14 ‘Ander ouens vang vis, speel gholf of kyk rugby, maar ek lééf skape.’ MNR. GAWIE VAN HEERDEN, uitvoerende direkteur van Konsortium-Merino, ná ’n 9 000 kmtoer deur die land om Merinoramme te…

Dit bly ’n goeie tyd van die jaar. In die noorde is die nuwe planttyd in volle gang, en met vroeë vogtigheid kon daar tot in die weste plek-plek vroeër geplant word. In die ooste is van die mielies reeds op, en in die suide is daar boere wat reeds amper klaar geoes is. In die koeler kolle word daar vandeesweek kanola platgesny, met die wete dat die kanolaprys onlangs die kerf van R10 000/ton verbygesteek het. Met die landbou se stewige groei van 13,4% op ’n jaargrondslag in 2020, en die verdere 7,6% wat vir vanjaar voorspel word, behoort die bedryf in ’n goeie posisie te wees. Maar in boerdery is daar altyd ’n kinkel of twee in die kabel. Een van die grootstes vanjaar is insetpryse. Teen September…

BELEGGINGS van tot R131 miljard in Suid-Afrika om oor die volgende drie tot vyf jaar die land se koolstofvrystellings en afhanklikheid van steenkool te verminder, is onder meer deel van ’n multimiljard-onderneming wat op 1 November tussen Suid-Afrika en ontwikkelde lande aangegaan is by die COP26-klimaatsonderhan-delinge in Glasgow, Skotland. “Die implikasie is duidelik dat die ontwikkelde lande ’n vinnige oorgang na hernubare energiebronne verlang en dat hulle Suid-Afrika as ’n sleutelbelanghebbende in Afrika beskou,” sê mnr. Janse Rabie, Agri SA se hoof van natuurlike hulpbronne. “Dié aankondiging het die potensiaal vir aansienlike verdere kapitaalbelegging in Suid-Afrika en word vanuit ’n omgewingsperspektief deur Agri SA verwelkom. Hoëwaarde-landbouproduksiegebiede, in besonder, word nadelig getref deur steelkoolontginning en kragopwekkingsaktiwiteite in Mpumalanga en elders,” sê Rabie. Prof. Francois Engelbrecht, direkteur en professor in klimatologie aan…

OWERHEDE verantwoordelik vir onverpoosde rioolbesoedeling van die Groot-Visrivier moet nou, danksy ’n hofbevel wat Agri Oos-Kaap bekom het, aan die hooggeregshof verantwoording doen oor vordering om gebreke met rioolsuiwering reg te stel. Agri Oos-Kaap het vroeër vandeesmaand ’n oorsiggewende bevel van die hooggeregshof in Makhanda bekom ingevolge waarvan die Chris Hani-distriksmunisipaliteit dringende stappe moet doen om die vloei van onbehandelde riool in die Groot-Visrivier te keer. Die rivierwater word vir besproeiing, veesuipings én huishoudelike gebruik aangewend. Agri Oos-Kaap-personeel het tydens ’n terreininspeksie bevestig dat riool op ses plekke in die rivier invloei. Vyf pompstasies en die watersuiweringsaanlegte is buite werking. Die inspeksie volg nadat nóg die munisipaliteit nóg die departement van water en sanitasie ingestem het tot ’n dringende vergadering met Agri Oos-Kaap. “Daar is gevind dat riool by omtrent…

DIE feit dat atjarfabrieke bereid is om tot R4 000 per ton vir onryp mango’s te betaal en steeds nie genoeg vrugte kry nie, is kommerwekkend, sê mnr. Pieter Buys voorsitter van die Suid-Afrikaanse mangokwekersvereniging (Samga). Hy sê mangokwekers, groot en klein, het ’n lang, droë winter gehad met reën wat reeds einde Februarie opgehou val het. Boonop is die somerreënval in die mangoproduksiegebiede van die Onderberg, Hoedspruit en Letaba nie wat dit moet wees nie. In hierdie stadium lyk dit of die kommersiële oes van 10% tot 15% kleiner kan wees as dié van verlede jaar, veral in die Hoedspruit- en Letaba-produksiegebiede. Buys was begin November bekommerd dat daar nog 5% tot 7% van die vrugte op die bome kon afspeen as dit nie binnekort sou reën nie. Die…

Die totale opbergingskapasiteit vir grane en oliesade in Europa beloop 359 miljoen ton, is in 2017 in ’n studie in opdrag van die Europese Kommissie bevind. Die opbergingskapasiteit het van 2005 tot 2015 met 20% toegeneem. In dieselfde tydperk het die produksie van gewasse met 11% vanaf 312 miljoen ton tot 346 miljoen ton toegeneem. Die toename in opbergingskapasiteit was dus meer as die toename in produksie. Die kommissie het bevind dat as die behoefte aan opbergingskapasiteit gegrond sou word op die maksimum opbergingskapasiteit wat nodig sou wees om spitsproduksie en -uitvoer te hanteer, sou 22 lidlande ’n tekort aan opbergingskapasiteit hê. Opbergers waak daarteen om onnodige opbergingskapsiteit te vestig wat die meeste van die tyd nie benut sou word nie. In die Europese Unie (EU) word bykomende belegging in…

Sorghumverbruik in Suid-Afrika kan in die volgende tien jaar met tot 8% styg. Dít is volgens die buro vir voedsel- en landboubeleid (BFAP) se jongste basislynvooruitskouing wat onlangs bekend gestel is. Dié welkome styging is weliswaar van ’n baie lae grondslag af, maar dit kan sorghumboere moed gee nadat verbruik die afgelope dekade met tot 20% gedaal het. Tans werk belanghebbendes hard om die voedingsvoordele van sorghum beter te bemark, sê me. Petru Fourie, navorsingskoördineerder en produksie-ontleder by Graan SA. Die Oesskattingskomitee se jongste syfers wys ook ’n styging in die produksiesyfers én die aantale hektare wat in die 2020-’21-seisoen met sorghum beplant is. Die komitee se negende produksieskatting vir 2020-’21 wat einde Oktober uitgereik is, beraam die grootte van die oes op 209 980 ton. Dit is byna 33%…

RealIPM se Real Metarhizium (reg. nr. L9581, Wet 36 van 1947) bekamp witluis by ’n verskeidenheid gewasse net so doeltreffend as chemiese middels (sien GRAFIEK ). Real Metarhizium is geregistreer vir gebruik teen witluis by druiwe, appels, sitrus, neute (bome), pere, avokado’s, steenvrugte, bessies en wortel- en knolgroentegewasse. Onoordeelkundige chemiese spuitprogramme teen die seisoen se insekplae roei gewoonlik ál witluis se natuurlike vyande uit. Gevolglik neem die witluisgetalle later in die seisoen drasties toe. Met die regte keuse van chemiese en biologiese middels aan die begin van die seisoen word witluispredatore beskerm en word die grootste deel van die witluisbevolking deur hierdie roofinsekte bekamp. ’n Integrale deel van roofinsek-vriendelike programme is Real Metarhizium. Hierdie swam besmet witluis, maar nie die natuurlike en vrygelate vyande van witluis nie. Dus word die…

■ In 2020 het die verbruik per kop van beesvleis met 5,8% gedaal, dié van varkvleis met 8,4% en dié van lamsvleis met 16,5%, terwyl die verbruik per kop van hoendervleis met byna 1% gestyg het. ■ Benewens voerkoste is siektes die veebedryf se grootste probleem. Toe beken-klouseer in 2019 uitgebreek het, was Suid-Afrika sy siektevrye status kwyt. ■ Die informele sektor handhaaf ’n lae produktiwiteit, maar het ’n groot en onderbenutte ekonomiese en maatskaplik-ekonomiese potensiaal.…

Die wetenskaplike Willard W. Cochrane het al in die 1950’s die landboutrapmeul verduidelik. Dié teorie beskryf hoe tegnologiese vooruitgang produktiwiteit en wins tot voordeel van vooruitstrewende boere skep, maar waar die gevolg ook groter aanbod is, dalende pryse, ekonomiese probleme vir agtergeblewe boere en dus die behoefte aan nuwe prestasies in tegnologie. Wat die trapmeul in Suid-Afrika nog meer relevant maak, is die stygende kosteknyptang. Die langtermynteenvoeter vir die knyptang bly die styging in opbrengste en doeltreffendheid van stelsels. Dit het natuurlik tot gevolg dat die aanbod in Suid-Afrika bly styg en ons meer vraag benodig vir die produksie. STYGENDE AANBOD Die stygende aanbod word deur verskeie maniere geabsorbeer. Die beste opsie sal wees om die verwerking van plaaslike kommoditeite te doen en dan die verwerkte produkte plaaslik te verkoop…

■ Dele van die Karoo wat deur verskillende bedrywighede verniel is, moet herstel word tot voordeel van die mens se bestaan in die landbou en toerisme. ■ Herstel in die droë gebiede is afhanklik van min en wisselvallige reën, en kan baie stadig plaasvind. ■ Hoewel daar heelwat projekte is en sukses hier en daar behaal word, is daar nog nie metodes wat oral gebruik kan word om herstel te verseker nie. ■ Die resultate moet op ’n sentrale plek aangeteken word sodat almal daaruit kan leer.…

Kwekers sal bevestig dat koejawelbome nie die maklikste tipe vrugtebome is om mee te werk nie. Koejawelbome wat wild groei, vorm maklik ’n woesteny van stamme en takke as dit nie in toom gehou word nie. Daarom is dit ’n voortdurende proses om koejawelbome só te snoei dat vrugte van ’n aanvaarbare gehalte geoes kan word, asook om vrugbaarheid te behou. Nog ’n probleem waarmee Suid-Afrikaanse koejawelkwekers worstel, is dat die hele bedryf op feitlik een kultivar (Fan Retief) gegrond is. ’n Plaaslike kultivar, TSG2, is wel byna twee dekades gelede geteel en taamlik in die noordelike deel van Suid-Afrika gevestig. Dit word tans in die Boland geëvalueer. Tog bly ’n tekort aan meer goeie kultivars wat veral siektebestand is en ’n goeie smaak, vruggrootte en vleis-tot-pit-verhouding het, ’n groot…

CHARLOTTE RUSSE MET KERSIES, ROOS EN PIMPERNEUTE ■ 1 x 20 cm-sponskoek, gehalveer vir twee dunner lae ■ 1 pak (200 g) vingerbeskuitjies Kersiestroop ■ 60 ml suiker ■ 80 ml water ■ 125 ml vars kersies, ontpit Beierse room met neute ■ 250 ml melk ■ 10 g gelatien ■ 30 ml koue water ■ 3 eiergele ■ 100 ml suiker ■ 15 ml mielieblom ■ 80 ml fyngemaalde pimperneute ■ 180 ml room ■ 3 ml rooswater Beierse room met kersiepuree ■ 250 ml melk ■ 10 g gelatien ■ 30 ml koue water ■ 3 eiergele ■ 100 ml suiker ■ 15 ml mielieblom ■ 100 ml verpulpte vars kersies ■ 180 ml room ■ Chantillyroom, vars bessies en pimperneute, om af rond Voer die boom en…

EENDEKUIL / DOHNE-MERINO R93 000 Die 14de produksieveiling van mnr. Isak Smit se Dohne-Merino-stoetery Piket op Eendekuil het puik pryse opgelewer. Die aanbod van 70 AA- en A-ramme en 100 nie-dragtige ooie is uitverkoop. Die duurste ram (MR 20-376) is verkoop aan die stoeterye Swarco en Suidplaas van die Overberg vir R93 000. Ramme het gemiddeld R19 493 behaal en ooie gemiddeld R3 459. Van links is mnre. Carl Malherbe, afslaer, Japie Hamman, koper, Frans Hugo van OVK, Isak Smit en sy vrou, Marie. Die hanteerder is mnr. Marius Paulsen van OVK. BKB Wes-Kaap het die veiling aangebied. PAARL / DORMER / R27 000 Die aanbod van 30 ramme, 25 stoetooie en 130 kommersiële ooie op die Wes-Kaap Dormer-klub se jaarlikse promosieveiling by die Hoër Landbouskool Boland, Paarl, is uitverkoop.…

Die veilings onder die beheer van die Angus-beestelersgenootskap het vanjaar verskeie hoogtepunte en puik teelmateriaal opgelewer. Die bul KCM19-49 van die Dunedin-stoetery van mnre. Kevin en Carl Miles van Table Hill, Dordrecht, het die rekordprys van R150 000 vir ’n swart Angusbul geëwenaar. Die koper is mnr. Willem van der Berg van Wepener. Die swart kampioenbul De Panne International van mnr. Jannie Kotzé van Moorreesburg is vroeër ook teen R150 000 verkoop. Kotzé se swart Angusbul (DE17-02) is in Augustus op die Wes- en Suid-Kaapse Angusklub se veiling op Moorreesburg vir R140 000 aan mnr. Andrew Masterson van Humansdorp verkoop. Die duurste rooi bul (BA19-15) is vir R80 000 aan mnr. Jacques Bester van Moorreesburg verkoop. Die verkoper is mnr. Theo Smit, ook van Moorreesburg. ’n Rekordprys is in September…