Innehållsförteckning för 07 April 2022 från Landbouweekblad

Diegene wat water besoedel, moet in hul spoor trap, het mnr. Senzo Mchunu, minister van water en sanitasie, gewaarsku. Daar gaan strenger teen besoedelaars opgetree word. Dit gaan die oplê van boetes insluit. Mchunu het op ’n mediakonferensie op 22 Maart, Wêreldwaterdag, gesê die departement versnel die bedrywighede van sy teenbesoedelingtaakspan om aan alle watergehalte- en besoedelingsprobleme in Suid-Afrika aandag te gee. Hy het gesê die monitor en afdwinging van die nakoming van regulasies rakende besoedeling is een van die taakspan se belangrikste take. Hoewel beleidsrigtings en standaarde bestaan om besoedeling teen te werk, is daar probleme met die nakoming hiervan. Die gebrekkige behandeling van huishoudelike afvalwater is die hoofbron van besoedeling. Dit sluit lekplekke in of probleme met die stelsels wat afvalwater na suiweringsaanlegte bring, asook die aanlegte self.…

DR. JOHN WILLIAMS, voormalige Springbok-slot, boer met vee en wild by Platjan naby Alldays teen die grens met Botswana. Hy het ook ’n rivierkamp vir voëlkykers en jagters gebou. Lees op bl. 40 hoe hy probleme wat uniek aan dié gebied is, oorkom. VERTEL VAN JOU GESIN. Ek het drie kinders en vier kleinkinders. Elmien (50) was ’n dosent in bemarking (tans ’n huisvrou), Lianie (46) is ’n veearts in België, en Boeta (43) is ’n logistieke bestuurder vir ’n vervoermaatskappy in Frankryk. My vrou, Mariana, het ’n seun, Fransua (45), wat in Pretoria woon. HET JY ’N STOKPERDJIE? Ja, ek geniet dit om te jag en vis te vang. WAAR HOU JULLE VAKANSIE? Ons het ’n groot liefde vir Botswana. WATTER RUGBYSPANNE ONDERSTEUN JY? Die Blou Bulle, Bulls en…

DIE rooivleisbedryf is op die oorlogspad oor die verspreiding van bek-en-klouseer en oorweeg private vervolging indien die owerhede nie daadwerklik optree teen diegene wat die siekte op ’n onverantwoordelike wyse laat versprei nie. Die jongste terugslag is die ontdekking van bek-en-klouseer op twee private plase naby Potchefstroom. Wat die jongste geval onrusbarend maak, is dat dit anders as ander gevalle die afgelope drie jaar, ver buite die beheerde gebied is. Mnr. Dewald Olivier, uitvoerende hoof van die SA Voerkraalvereniging, sê die bedryf wil sien dat skuldiges vervolg word, en as die staat nie optree nie, gaan hulle self ingryp. Mnr. James Faber, nasionale voorsitter van die Rooivleisprodusente-organisasie (RPO), sê ook mense en instellings wat hulle skuldig maak aan die onwettige verskuiwing van vee uit die endemiese gebiede van bek-en-klouseer sal…

DIE kans dat die La Niña-stelsel, wat weerstelsels die afgelope somer sterk beïnvloed het, in die winter en dalk selfs volgende somer gaan voortduur, is tans 45-50%. Die huidige La Niña-verskynsel het begin verswak met seeoppervlaktemperature in die Niño-gebiede van die tropiese Stille Oseaan wat tans 0-0,9 °C koeler as normaal is, nadat ’n laagtepunt van 1,1 °C koeler as normaal vroeër dié somer aangeteken is. Temperature laer as normaal word met La Niña-toestande vereenselwig, en dié hoër as normaal met El Niño, wat dikwels met droër toestande oor die Suid-Afrikaanse somersaaigebiede gepaard gaan. Mnr. Johan van den Berg, onafhanklike landbouweerkundige, sê ten spyte van die verswakking is die meeste aanduiders steeds sterk La Niña-neigend. Daar is egter nog onsekerheid of dit tydens die winter gaan voortduur, aangesien die wintermaande…

WOOLWORTHS het die Oos-Kaapse suiwelmaatskappy Woodlands Dairy aangewys as sy topverskaffer in die Farming for the Future- (FFF) program. Die melkery lewer 10 verskillende langlewemelkprodukte aan Woolworths, onder meer vir die kleinhandelgroep se eie handelsmerk. In die FFF-oudit vir die afgelope jaar het Woodlands ’n gradering van 81 uit 100 gekry, teenoor ’n gemiddelde gradering van 64,8 vir verskaffers in die program. Die oudit is deur onafhanklike assessore van Enviroscientific, ’n konsultantegroep, behartig. Volgens Woolworths het Woodlands, wat in 1995 gestig is, oor die jare nou met melkboere saamgewerk om die omgewingsimpak van hul plase te verbeter. Die fabriek span biomassastookketels en sonpanele in om elektrisiteit op te wek, bestuur afvalwater om waterbesoedeling te verminder, en vang reënwater op om waterverbruik te verminder. Die melkery ondersteun ook gemeenskapsprojekte ten bate…

SUID -AFRIK A se slaghuise moes weens inperkings, veranderinge in die vraag en skuiwe in verbruikersgedrag toenemend vlugvoetig word, het mnr. Dewald Olivier, uitvoerende hoof van die Suid-Afrikaanse Voerkraalvereniging, op die 17de jaarlikse Cleaver-prysoorhandiging gesê. Al is van die slaghuise hard deur die pandemie getref, bevestig vanjaar se eerbewyse die krag van die rooivleisbedryf, ondanks struikelblokke. Die verskillende organisasies wat boere, voerkrale en slagplase se belange dien, stig tans ’n dienstemaatskappy wat hom in ’n groot mate sal toespits op die bevordering van diere- en openbare gesondheid. Lees nóg by bit.ly/3J G m39E .…

NOORD - K A APSE gemeenskappe se regte is glo geskend omdat hulle nie genoegsaam geken is in die besluit om die Vaalputs-kernafvalterrein naby Springbok uit te brei om ook vloeibare hoëgraadkernafval op te berg nie. Só sê mnr. Khulekani Magwaza, koördineerder van die Suider-Afrikaanse geloofsgemeenskappe se omgewingsinstituut (Safcei). Safcei het verlede maand uitgevind die gemeenskap is uitgesluit by planne om Vaalputs-kernafvalterrein uit te brei. Vaalputs, waar soliede laegraadafval opgeberg word, is in 1978 gebou. Magwaza sê hulle het kapsie gemaak teen die beoogde uitbreiding van kernkragvoorsiening waarin hoogs giftige vloeibare hoëgraadkernafval by Vaalputs opgeberg moet word. “Eskom wil die Koebergkernkragaanleg se lewensduur daarmee verleng. “Die Springbok-, Okiep- en Komaggas-gemeenskap is nie by vergaderings die afgelope twee jaar betrek nie. Vanweë menslike foute kan ongelukke gebeur en radio-aktiewe materiaal lek.…

Dis duidelik dat die meeste landboubedrywe tans deur ’n erge kosteprysknyptang gaan, terwyl varsvrugtebedrywe se uitvoermarkte verander en sekere markte nie tans toegang bied nie. Daar is ’n wye verskeidenheid faktore wat tans inwerk. Die Rusland-oorlog het net ’n finale ontwrigtende koevoet gesteek in die ratte van ’n baie ineengeskakelde wêreld en die vloei van handel al hoe stadiger laat knars. Daar is heelwat veranderinge in die wêreld aan die gang wat regstreeks inwerk op elke boerdery en die omgewing waarin ons besigheid doen. Dit is belangrik dat ons die relevante neigings en die rig-ting van verandering probeer identifiseer. Dit geld aan die inset- én die uitsetkant. Die rigting van verandering en die impak op die besigheid of boerdery kan dan gebruik word om oplossings te vind. Daar moet op…

Verlede jaar is byna 12% minder hoendervleis vergeleke met 2020 ingevoer. Die hoeveelheid ingevoerde stukke aan die been het teen dieselfde koers gedaal. Laasgenoemde is die kategorie wat die meeste skade aan die plaaslike bedryf aanrig. Volgens syfers van die Suid-Afrikaanse Pluimveevereniging (SAPV) is 134 418 ton stukke aan die been verlede jaar ingevoer en 406 826 ton hoendervleis in totaal. Die meeste daarvan, naamlik 287 880 ton, het uit Brasilië gekom, die naasmeeste (67 308 ton) uit Amerika, gevolg deur 37 077 ton uit Spanje. Volgens die SAPV het invoer die afgelope drie jaar voortdurend gedaal. Die hoeveelheid wat verlede jaar ingevoer is, was die laagste sedert 2015. In geldwaarde was dit R5 miljard werd. Weens voëlgriep kan geen land in die Europese Unie tans na Suid-Afrika uitvoer nie.…

T WINTIG jaar nadat die menslike genoom gekarteer is, is aartappels s’n nou ook uitgepluis. Die werk is gedoen deur navorsers van die Ludwig-Maximilians-universiteit en die Max Planck-instituut vir plantteeltnavorsing in Duitsland. Kenners sê dit kan die weg baan vir gevorderde biotegnologiese studies wat die teling van meer robuuste aartappelkultivars wat groter opbrengste lewer, tot gevolg kan hê. In ’n verklaring beskryf die navorsers die betrokke aartappels se teelmateriaal as “baie ingewikkeld”. Die knolgewas erf twee kopieë van elke chromosoom van hul manlike en vroulike voorsate, pleks van net een, soos in die geval van mense. Dié plante het dus vier kopieë van elke chromosoom en elke geen.…

Die jare stap aan, maar groot dr. John Williams (76) staan nog die kombuisdeur vol. Sy breë skouers raak byna weerskante. Hier waar hy teenaan die Limpoporivier boer, geniet hy groot agting in sy gemeenskap en word hy deur ’n ieder en elk as oom John aangespreek – van sy plaaswerkers tot die personeel by die splinternuwe Platjangrenspos tussen Suid-Afrika en Botswana. Oral groet mense: “Middag, oom John!” Op sy dag was dié Springbokslot ’n verskrikking op die rugbyveld waar hy teenstanders met die grootste gemak platgeduik en hulle in die lynstane ore aangesit het. Vandag moet Williams net so vernuftig wees om die grootvoete uit sy landerye en die roofdiere weg van sy vee en wild te hou. Olifante tel onder die probleme wat hy en sy vrou, Mariana,…

Watter tegnologie is onmisbaar in jou boerdery? ’n Rekenaar, die internet, boeredae en landboutydskrifte, soos Landbouw e e k b l a d , om meer inligting oor die landbou te soek. Wat is die beste raad wat jy al gekry het? My pa het altyd gesê: “Daar is twee soorte mense wat nie in die Bosveld aard nie: ’n luiaard en ’n windgat.” Aanvanklik het ek daaroor gelag, maar later besef daar steek tog baie waarheid in sy woorde. Hy en heelwat van my medeboere is my mentors. Wat is die belangrikste les wat jy vir ander mense kan gee? Moenie ál jou eiers in een mandjie plaas nie, maar jy moet ook nie jou boerdery té veel diversifiseer nie. Waak ook teen boerderybesluite sonder deeglike navorsing. Wat is…

Groot wanindrukke bestaan onder boere dat ’n afdruk, sertifikaat of enige ander dokumentasie wat deur die departement van water en sanitasie uitgereik is wat ’n registrasie van watergebruike aandui, ’n wettige watergebruik is. ’n Suksesvolle watergebruiksregistrasie bewys nie ’n wettige watergebruik nie, maar is slegs ’n bewys dat die departement daarvan bewus is. Verder is daar die wanindruk dat slegs die onttrekking van water (aan boorgate en riviere) deur die departement goedgekeur moet word. Heelwat ander aktiwiteite op ’n plaas verg goedkeuring (sien bit.ly/3tyGek0, “Tipiese watergebruike wat ’n stempel benodig”). Elke watergebruik benodig egter nie sy eie algemene magtiging of watergebruikslisensie nie. Die departement verwerk gewoonlik al die aktiwiteite in een aansoek en reik dan een geïntegreerde goedkeuring vir die plaas uit. Alles wat met wettige watergebruik te make het,…

Die Chute d’eau-Charolais-kudde van mnr. Freddie Wasserfall het nou wel ’n wendroogte van sewe jaar beleef, maar sy benadering van funksionele vrugbaarheid van sy vroulike diere het vanjaar in die aanwysing van die Elite-koeikandidaat vir dié ras die deurslag gegee. Die kudde het in 2015 ’n Elite-koei opgelewer en vroulike diere wat verkoop is, het ook die Elite-toekenning vir hul eienaars verwerf. Kuddevrugbaarheid is vir hom ononderhandelbaar. “Dit is die kern van ’n kudde.” Hy deel ook die siening van mnr. Willie Venter van Kroonstad, wat 2021 se Elite-Charolais opgelewer het. “Goeie koeie teel goeie bulle.” Venter se Elite-koei, SW 090039, is in Oktober 2009 deur Wasserfall geteel en as ’n jong vers aan Venter verkoop toe hy hom by die Charolais-beestelersgenootskap aangesluit het. Wasserfall het ook ’n bulkalf (HV18-0033)…

WATERREGTE IN GEDRANG? Ek het ’n kleinhoewe met waterregte daarop gekoop. Dit is langs ’n rivier met geregistreerde waterregte vir 9 ha se besproeiing. Ek het ’n brief van die plaaslike waterraad gekry toe ek die perseel gekoop het. Ek wil ’n besproeiingstelsel ontwerp en hier installeer. Ek kry nie die waterraad se beampte of verteenwoordiger in die hande om die vereistes vir die stelsel te bespreek en die waterrekening te betaal nie. Ek het al talle e-posse gestuur en oproepe gemaak. Kan ek voortgaan met die installasie gegrond op goeie ontwerpbeginsels? Loop ek die gevaar om my waterregte te verloor as die rekening té ver agterstallig raak? Die begrip “geregistreerde” waterregte moet baie omsigtig hanteer word. Registrasie van waterregte dui nie noodwendig op die wettigheid daarvan nie. Waterregte (eintlik…

LEKKER SOUSE VIR JOU STEAK Sjerrie-sampioensous Braai twee fyngekapte knoffelhuisies in 60 ml botter. Voeg ’n pak gesnipperde sampioene by en braai tot gaar. Sprinkel 30 ml koekmeel oor en roer goed, terwyl die mengsel borrel. Voeg 80 ml sjerrie by. Kook met die helfte af en roer 250 ml melk en 125 ml room by. Laat prut tot die sous dik genoeg na jou smaak is. Geur met sout en swartpeper. Lewer 4 porsies. Peperkorrel-roomsous Verhit 250 ml hoenderaftreksel, 250 ml witwyn en 30 ml brandewyn tot kookpunt en kook dit af tot daar 250 ml vloeistof oor is. Voeg 45 ml worcestersous, 200 ml dik room en 15 ml gedreineerde groenpeperkorrels by. Laat prut tot effens verdik en geur na smaak met sout en peper. Lewer 4 porsies.…

In die Woord van God lees ons in die eerste boek van Tess. 5:17 dat die Here ons vra om sonder ophou te bid. Dit beteken ons moenie net een of twee keer per dag bid nie, maar die hele dag. Gebed moet deel van ons woordeskat wees; deel van ons boerdery. Ons moet begin om ons eie, persoonlike stiltetyd elke oggend met die Here Jesus te hê, dan saam met ons gesin en volgende natuurlik ook saam met ons personeel. Begin deur te bid en lees dan ’n kort stukkie. Ek het oor baie jare agtergekom as jy soggens bid en ’n versie lees, bou dit kameraadskap onder die personeel, breek grense af en maak korte mette van ons verskille. Dit gaan nie net oor gebed nie, maar om…

DIE nuwe uitbreking van bek-en-klouseer by Potchefstroom en voortgesette voorkoms van hierdie gevaarlike siekte in Limpopo en KwaZulu-Natal wek groot kommer. Wesselsbron-siekte, soortgelyk aan slenkdalkoors, maar minder gevaarlik, het by Aberdeen in die Oos-Kaap uitgebreek. Dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), sê die vestiging van ’n siektevrye kompartement op die betrokke plaas en omliggende plase is die enigste oplossing as ’n boer ernstig oor die bestryding en voorkoming van siektes is. “Biosekerheid begin by die plaashek en heinings wat deeglik in stand gehou word. Pluimvee- en varkplase doen dit reeds suksesvol.” Malan sê Wesselsbron-siekte word deur muskiete oorgedra. Lammers is die vatbaarste daarvoor en baie van hulle vrek as hulle die siekte opdoen. Die vrektes by skape en Angora-bokke beloop gewoonlik minder as 5%. Kalwers,…

In die meegaande TABEL is ’n opsomming van grondtransaksies groter as 10 ha in die Wes-Kaap vir die 12 maande tot Februarie. Altesaam 55% van die distrikte toon ’n gunstige prysneiging. Pryse het veral goed gestyg by Vanrhynsdorp (24,5%), Montagu (11,2%) en die Paarl (10,1%). By Bredasdorp (-13,8%), Kaapstad (-10,1%), Laingsburg (-16,8%), en Swellendam (-15,8%) het dit met meer as 10% gedaal. Altesame 507 ooreenkomste is gesluit. In die proses is 202 287 ha verhandel teen R4,092 miljard. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 35% (35%); 50-150 ha, 26% (17%); 150-300 ha, 11% (15%); 300-450 ha, 7% (9%); 450-600 ha, 4% (4%); groter as 600 ha, 17% (17%). Statistieke…

KLEINVEE NÁ DRIE JAAR GEE PERSIES WEER VET Ná drie jaar waarin die Persieskaaptelersgenootskap alle bedrywighede vir hierdie eeue oue skaapras tydelik opgeskort het, het ’n nuwe era begin. Mnr. Kobus Lotter van die genootskap sê die afgelope drie jaar het besondere probleme vir die ras, wat veral gesog is vanweë die stertvet wat gebruik word om wildsdroëwors te maak, ingehou. “Die tradisionele Persieomgewing, die Karoo, het die een droogte ná die ander beleef. Met ’n ekstensiewe ras, soos die Persie, wat nie regtig gevoer kan word nie, het boere uiters swaar gekry. “Voeg daarna by dat die covid-19-pandemie tot grootskeepse ontwrigting van veilings, skoue en kursusse gelei het, asook ’n uitbreking van bek-en-klouseer, het die raad in 2018 besluit om vir eers alle bedrywighede stop te sit.” In dié…

Dit was die bekende en gewoonlik heel optimistiese Johannesburgse makelaar David Shapiro wat baie mense se gevoelens oor pres. Cyril Ramaphosa se onlangse beleggingberaad mooi saamgevat het in sy Twitter-kommentaar oor die mooi broodjies wat weer daar gebak is. ’n Saamtrek waar baie van Suid-Afrika se topsakemense bymekaar gekom het om allerhande stories te vertel oor die bykans R1,5 duisend miljard wat hulle beoog om in die ekonomie te belê. Maar ondanks al die beloofde geld (wat natuurlik uiters welkom is), kan die land steeds geen ekonomiese groei daarvoor wys nie. Suid-Afrika se werkloosheidskoers bly steeds die hoogste ter wêreld, en ons ongelykheid die diepste. “Pleks daarvan om ’n pak klere en ’n das aan te trek en ’n beleggingberaad te hou, trek eerder overalls aan en begin werk aan…

Mierhoop op P., Tvl., skryf: Ek het altyg gedink dat By die Opsitkers ’n rubriek is waarin ons jong mense oor en weer gedagtes kan wissel. Nou het dit in ’n blote man- en vrousoekery ontaard. Ek is glad nie nougeset nie. Ek weet ook wat eensaamheid is. Maar waarom moet die jong mense hulself so belaglik maak deur al hul hoedanighede te adverteer? Is daar nie baie ander maniere om jong mense te ontmoet nie? Dit is veral jong boertjies wat te lui en gemaklik geword het om vir hulle ’n vrou te soek. Hulle sit ewe gemaklik daar op die plaas, kyk die foto’s van die nooiens wat aan hulle geskryf het deur, en besluit oplaas dat die nooi met die mooiste gesiggie voorkeur sal kry. Of dié…

DIE hof moes halt roep op nog een van me. Barbara Creecy, minister van omgewingsake, bosbou en visserye, se besluite. Dit volg ná sy ingestem het om die junior mynmaatskappy Manzolwandle Investments se mynaansoek in die Komatipoort-omgewing te hersien. Manzolwandle wil myn op 8 700 hektaar net suid van die Krugerwildtuin, maar die maatskappy se mynaansoek is in 2019 deur die departement van minerale hulpbronne en energie afgekeur toe ’n konsortium van geaffekteerde partye, waaronder die Marlothpark-eienaarsvereniging, die Marloth-belastingbetalersvereniging, die Ngwenya Lodge, die landbou-organisasie Saai en plaaseienaars, kapsie gemaak het. Nou het Manzolwandle by Creecy se departement aansoek gedoen dat die besluit hersien word. Dit is teen haar goedkeuring daarvan dat AfriForum verlede maand ’n hofbevel bekom het. NOG AANSOEKE Daar is egter nog min om te vier, sê mnr.…

Produkte waarop 1c/kg gehef word: Aspersies, murgpampoentjies, eiervrug, komkommer, gemmer, sampioene, artisjokke, broccoli, Brusselse spruite, botterskorsies, lemoenpampoentjies, wortels, blomkool, seldery, rissies, Chinese kool, witloof, vinkel, groenbone, groenuie, groenertjies, peperwortels, preie, blaarslaai, okra, pietersielie, witwortels, soetrissies, pampoene, radyse, rabarber, skorsenierwortel, spinasie, suikermielies, rape, witloof-sigorei, beet, kool, patats, braambessies, bloubessies, turksvye, draakvrugte, bosbessies, vye, appelliefies, grenadellas, koejawels, nangka’s, kiwivrugte, mango’s, spanspekke, papajas, persimmons, granate, kwepers, frambose, stervrugte, aarbeie, waatlemoene en ongespesifiseerde groente. Produkte waarop 1,5 c/kg gehef word: Appels, appelkose, avokado’s, piesangs, kersies, sitrusvrugte, knoffel, druiwe, lietsjies, perskes, nektariens, pere, pynappels, pruime en pruimedante, uie, salotte en tamaties.…

Bewaringskundiges is deesdae minder pessimisties oor die oorlewing van die Overberglangbeklewerik (Certhilauda bre virostris) op die lange duur. Die voël maak homself toenemend nie net in die fynbosveld van die Agulhasvlaktes tuis nie, maar ook in onbesproeide landbougebiede. Hierdie endemiese spesie kom nêrens anders ter wêreld voor as in die sowat 15 000 km² van die Agulhasvlaktes tussen die Hottentots-Hollandberge in die ooste, Mosselbaai in die weste en die Langeberge in die suide nie. Dit hou onder meer in bedreigde renosterveld. Teen 2000 was nagenoeg 70% van die voël se natuurlike habitat reeds omskep in landerye waarop veral koring, kanola en lusern verbou word. Bitter min van die natuurlike veld waarin dit hou, val binne bewaringsgebiede. Opnames in 1990, 2014 en 2018 het die hoeveelheid beskikbare habitat vir die lewerik…

Herlewingslandboustelsels bied mettertyd ’n wesenlike besparing vergeleke met ander produksiestelsels. Dít blyk uit ’n vergelykende studie wat navorsers van Asset Research in die Oos-Vrystaat, Noordwes en Mpumalanga gedoen het. Dit kan aanvanklik meer uitgawes verg, maar oor ’n tydperk van 30 jaar styg die netto wins betekenisvol, terwyl dit daal in die twee ander stelsels wat deel van die studie was. Die navorsing laat die gevaarligte flikker vir die langtermynwinsgewendheid van ’n boerdery met ’n konvensionele benadering. Met produksiekoste wat elke jaar styg en insette, soos kunsmis, waarvan ál meer benodig word om ’n oes uit uitgeputte grond te kry, klop die somme naderhand nie meer nie, sê me. Mary Maluleke (REGS), ekonoom van Asset Research. Die studie het die winsgewendheid van drie boerderystelsels vergelyk: konvensionele bewerking met ’n afsonderlike…

Die nostalgie en rugbygeskiedenis loop dik in dr. John Williams se lapa waarin hy sy truie, dasse, bierbekers, foto’s en ander aandenkings uit sy roemryke rugbyloopbaan uitstal. Hy het die Noord-Transvaalse rugby-span (deesdae die Blou Bulle en Bulls) in 1970 vir die eerste keer as slot gehaal vir ’n wedstryd teen die destydse Wes-Transvaal (deesdae die Luiperds). Skaars ’n jaar later het hy ’n Springbok geword toe hy twee toetse teen Frankryk en drie teen Australië gespeel het. “Dit is ironies dat ek in ’n stadium al meer wedstryde vir die Springbokke gespeel het as vir Noord-Transvaal,” lag hy. Uiteindelik het hy 64 keer vir Noord-Transvaal, 13 toetse vir die Springbokke (teen die Britse Leeus, All Blacks, Frankryk en Australië) en 28 ander wedstryde vir Suid-Afrika gespeel. Sy laaste toets…

Ek het die afgelope tyd ’n hele paar artikels onder oë gehad waarin die skrywers die huidige krisis in die landbou oor insette en aanbodkettings as die groot gevaarlig vir kosskaarste wêreldwyd beskou. Namate berigte ontvang word van meer en meer lande wat ’n verbod plaas op die uitvoer van uiters belangrike insette, word die waarskynlikheid groter dat dit wat voorspel word, waar kan word. Die konflik tussen Rusland en Oekraïne vererger net sake. Gerekende skrywers verwys na ’n stelselineenstorting (systems collapse). Ek moes weer mooi terugdink aan 2008 toe ek in Rome, Italië, op die vergadering van die Voedsel-en-landbou-organisasie van die Verenigde Nasies gesit en luister het na die wêreldleiers oor die destydse wêreldvoedselkrisis. Die vooruitskouings daardie tyd was dat ons grootste kwessie is om kosproduksie te verdubbel tot…

BEKAMP MUSKIETBOOM Ek het gehoor daar is ’n chemiese middel waarmee die blare van muskietboom bespuit kan word om dit dood te maak. Is dit plaaslik beskikbaar? Is daar ander maniere om die boom te bestry? Enkele glifosaat-bevattende onkruiddoders vir die bekamping van Prosopis glandulosa (muskietboom) is geregistreer, terwyl onkruiddoders met triklopir en triklopir-klopiralied ook geregistreer is. Almal is vir blaartoediening bedoel. Daar is slegs ’n paar handelsmerke wat wettig gebruik mag word teen muskietboom, en hulle het baie spesifieke menginstruksies. Verkeerde aanwending gaan nie die bome doeltreffend doodmaak nie en sal ook ska-de aan ander plantegroei aanrig. ’n Tegniek wat vir enkele groot muskietbome gebruik kan word, is stambrand. Pak droë gras om die stam op grondoppervlak plus droë takkies, steek aan die brand en hou goed dop om…

GAUTENG CARLETONVILLE ELANDSVLEI (249), 27 ha, aan Agrota Inv (Edms.) Bpk., van Grass Farms (Edms.) Bpk., R525 000. HOLFONTEIN (49), 95 ha, aan Terra Aqua-boerdery (Edms.) Bpk., van E.R. Meyer, R1 050 000. THYSZYNDOORNS (131), 255 ha, aan Goldex (Edms.) Bpk., van Faan Roodt-trust, R3 200 000. NIGEL BOSMANSKOP (293), 708 ha, en LANGZEEKOEGAT (323), 384 ha, aan J.H. Botha, van I&W van der Merwe-boerdery (Edms.) Bpk., R20 000 000. GROENFONTEIN (395), 384 ha, aan MJ Res-boerdery BK, van Mario Antje Res-trust, R7 200 000. RIETSPRUIT (152), 20 ha, aan C. Moyo, van S.W. Annandale, R1 300 000. WITKOPPIE (373), 48 ha, aan Thuli Nest (Edms.) Bpk., van Kingdom Harvest Farming (Edms.) Bpk., R2 250 000. WITKOPPIE (373), 51 ha, aan Thuli Nest (Edms.) Bpk., van Kingdom Harvest Farming (Edms.)…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 25-29 JULIE: 57ste kongres van die Weidingsvereniging van Suider-Afrika, Aldam-vakansieoord, Ventersburg. E-pos: info@grassland. org.za BOEREDAE 4 MEI: Skaap-boeredag met Neill Powell en Pieter Möller, Prieska. Aangebied deur Oranjeriviervoere. 082 808 4129. KONGRESSE 2 JUNIE: Mpumalanga Landbou, Badplaas Forever Resort. Petro Geyer, 066 035 1231. VERGADERINGS 10 JUNIE: Agri-Expo-ledeskouevergadering, www.agriexpo.co.za 16 NOVEMBER: Sauvignon Blanc SA, tegniese seminaar. Web: www. sauvignonblanc.com GHOLFDAE 13 MEI: Op die plaas-gholfdag, Morgenzon-gholfklub. Aangebied deur die Morgenzon-landbou-akademie. Gawie, 073 855 2321. FEESTE, EKSPO’S 23-24 APRIL: SA Kaasfees Opwip-piekniek, Groote Postwynlandgoed, Darling. 30 APRIL - 2 MEI: SA Kaasfees Opwip-piekniek, Sandringham, Stellenbosch. 6-8 MEI: Internasionale Sauvignon Blanc-dag, verskeie deelnemende wynbestemmings, www.sauvignonblanc.com 24-26…

EDELE HARTE Ek kry hom met ’n bakhand voor die bottelwinkel staan. Hy sing ’n versie: “Immer spoelend, wieg’lend woelend.” Sy oë is troebel en sit diep en versonke, soos verstekelinge in ’n spelonk-skuiling, vir my en kyk. Sy oogbanke met weerbarstige wenkbroue en die neus met fyn aartjies soos dié van die hoofouderling in ’n nagmaalkerk. Die spore van Bacchus maak diep dongas op sy gelaat. Die kleur van sy gesig laat my dink aan ’n kruising tussen laatoes of grand cru en rosé, en, noudat ek daaraan dink, miskien ’n klein knertsie jeripigo. Sy lippe vorm die woorde, maar die geluid hoor ek slegs in my geestesoor. Ek hoor omdat ek deurgrond: “Ek het dors.” Ek kyk deur hom en sien ’n man wat worstel. Met groot en…

AFGRI Retail is die borg van reeks 16 van Landbouweekblad se gewilde TV-program, Landbou-weekliks, wat op VIA (DStv-kanaal 147) uitgesaai word. Een kyker wen weekliks ’n geskenkpak ter waarde van R2 000 wat by enige AFGRI Retail-winkel reg oor Suid-Afrika gebruik kan word. Hier is die mees onlangse wenners: ■ Ulse Prins, Mosselbaai (episode 6, 22 Februarie). ■ Thabiso Ramose, Migdol (episode 7, 1 Maart.) ■ Hendrik Victor, Verkeerdevlei (episode 8, 8 Maart). ■ Tilla van Vuuren, Wolmaransstad (episode 9, 15 Maart).…

1 EGIPTE Indië red koringsituasie Daar was verlede maand samesprekings waarvolgens Indië koring na Egipte sou begin uitvoer, terwyl die land ook met onder meer Turkye, China, Bosnië, Soedan, Nigerië en Iran onderhandel het om koring daarheen uit te voer, het die Egiptiese ministerie van landbou in ’n verklaring gesê. Egipte voer gewoonlik 70% van sy koring uit Rusland in en 10,7% uit Oekraïne, en is een van die wêreld se grootste koringinvoerders. — Mint 2 NIGERIË Saad haal nie die paal Nigerië kan sy mielieproduksie vergroot tot selfvoorsiening met produksie van sowat 20 miljoen ton per jaar as die helfte van die land se boere bastersaadkultivars begin gebruik. Mnr. Brighton Karume, besturende direkteur van die saadmaatskappy ECOBasic, sê net sowat 10% van Nigeriese boere gebruik bastersaad. Om…

Die jaarlikse aanpassing in die opbergingstariewe vir voorraad op JSE-silosertifikate geskied drie keer per jaar vir die onderskeie bemarkingsjare vir oliesade, somergrane en wintergrane. Die aanpassing is op die produsenteprysindeks (PPI) gegrond en word nie deur vraag en aanbod bepaal nie. Die opbergingsektor se mandjie koste word egter bykomend blootgestel aan unieke kwessies en spesifieke kostestygings wat nie volledig in die PPI weerspieël word nie. Die gewig van ’n sekere koste-artikel vir opberging verskil van die insluiting daarvan in die PPI of die betrokke subindeks. Elektrisiteit is ’n voorbeeld. Die beskikbaarheid en koste van elektrisiteit speel ’n uiters belangrike rol in die opbergingsektor, en die gewig daarvan in vergelyking met die totale opbergingskoste beloop 13,1%. Die getal berokingsmiddels wat in Suid-Afrika geregistreer is, is ook beperk en die werklike styging…

Suid-Afrika het tot nou vir gem-mer op invoer uit China staatgemaak, maar hoër as normale plaaslike produksie word vir die komende seisoen verwag. Dit kom nadat die covid-19-pandemie die plaaslike vraag en prys sterk laat styg het. Mnr. Ernst Schmidt van die W. van R. Schmidt-boerdery naby Nelspruit, wat al 30 jaar met gemmer boer, sê die hoër plaaslike produksie kan pryse in April drasties laat daal, maar daar is ook onsekerhede. “Met die nuwe covid-19-uitbrekings en inperkings in China gaan ons ’n onseker jaar binne. Die situasie kan in ’n kort tyd drasties verander, ten goede of ten slegte.” Die grootste mark vir gemmer is in KwaZulu-Natal, maar dit is benadeel deur die onluste van verlede jaar wat die ekonomie daar geknou het en van die vernietigde kleinhandelsverkooppunte is…

STUDIES by die Oudtshoorn-navorsingsplaas van die Wes-Kaapse departement van landbou wys dat jong broeivolstruise ’n volle seisoen vroeër kan begin produseer as wat algemeen aanvaar is. Tradisioneel is gemeen dat volstruise dit eers van driejarige ouderdom kan regkry. Gevolglik word jong broeivolstruise eers in hul derde seisoen ná uitbroei in broeikuddes gesit. Prakties beteken dit dat hulle drie jaar lank gevoer moet word voordat hulle enige produksie lewer. Op die Oudtshoorn-navorsingsplaas lewer jong broeivolstruise wat al in hul twee-de seisoen ná uitbroei by hul teeltkudde ingesluit is, reeds goeie produksie. Dit is waarskynlik te danke aan die genetiese vordering wat gemaak is sedert die navorsingsplaas se volstruiskudde in 1967 begin is. Die kudde is destyds begin met volstruise van 18 verskillende plase wat plaaslike boere spesifiek vir navorsingsdoeleindes geskenk het.…

Tydens ’n normale reënbui wissel die grootte van reëndruppels van 1-7 mm in omtrek. Dit tref die grond teen 32 km/h. Terwyl ’n reëndruppel na die aarde val, druk die lugdruk die onderste gedeelte daarvan op. Dit omvorm dit in ’n omgekeerde suier wat met lug gevul is. Wanneer dit die grond tref, blaas die lug al om die kante uit (sien A op die SKETS ), wat fyn grondpartikels van die bodem losmaak en tot 2 m van hul oorspronklike posisie af uitstrooi (B op die SKETS ). Die miljoene kere dat hierdie proses tydens ’n donderbui herhaal word, bring mee dat die boonste laag van die grondpartikels verpoeier, loskom van die bodem en dan deur die lopende water weggevoer word om op ’n ander plek afgeset te word…

KNIP KLOUE SONDER SUKKEL ’n Klouknipper moet presisie as hoofeienskap hê, want om skape of bokke se kloue te knip, is nie ’n maklike taak nie. Dit moet vinnig uitgevoer word, en die lemme moet die dier se klou skoon en sonder ’n gesukkel korter kan knip. Die regte toerusting verminder ook stresvlakke vir mens en dier. Die nuwe Felco 50-klouknipper maak korte mette van hierdie behoeftes. Felco, ’n Switserse maatskappy, is in Suid-Afrika veral bekend om sy snoeiskêre. Die groot voordeel van die Felco 50 se ontwerp is die gekrulde boonste handvatsel wat die krag wat jy nodig het om die snit te maak, met sowat 30% verminder en dus ook die wrywing op ’n mens se hand verlig. Die lemme wat teen ’n hoek gemonteer is, vergemaklik ook…

Agri Bosveld het onlangs sy twintigste verjaarsdag gevier. Toe dr. John Williams die rugbywêreld in 1999 vaarwel toeroep, het hy met ’n ander soort kalklig kennis gemaak. Ná die stigting van Agri Bosveld in 2002 as ’n boerevereniging was hy ’n paar jaar lank die voorsitter. Later het hy Agri Limpopo se tweede voorsitter geword nadat mnr. Edward Vorster se termyn geëindig het. Agri Bosveld het mettertyd tot ’n groot boerevereniging gegroei en het nou 32 lede wat oor ’n wye gebied boer – van die Mogalakwenarivier in die ooste tot Maasstroom in die weste. ’n Groot getal is grensboere langs die riviere wat aan Botswana grens en die res boer dieper die binneland in. Lees ook “Om mekaar te help, is hier goeie besigheid” in LBW van 3 Maart…

Dankie aan Landbouweekblad en die boere van Reitz wat weer ’n geslaagde herlewingslandboukonferensie aangebied het*. Dankie ook aan almal wat dit ondersteun het – in lewende lywe óf virtueel. So ’n konferensie verg soveel beplanning, en ’n mens is bly dit word goed ondersteun. Die tema – “Maniere om die natuur te gebruik om meer wins te maak” – is 100% van pas vir 2022. Ek kon dit net virtueel bywoon en dit is maar soos die advertensie sê: “It is not the same if you aren’t at the game.” In dié geval was tweede beste darem beter as niks. Ek wonder al jare lank hoekom almal nie oor herlewingslandbou voel soos ek nie. Dan besef ek die klokvormige kromme (die sogenoemde bell-shaped curve) geld vir alle fasette van die…

Die huurinkomste uit vaste eiendom in Brittanje wat verhuur word, vorm deel van ’n mens se gereelde inkomste. Dit moet in die spesifieke belastingjaar in Suid-Afrika as bruto inkomste verklaar word sodat jy daarop belas kan word. Net so kan beleggings in Brittanje ’n beleggingsinkomste voorsien – rente en/of dividende – wat gewoonlik reeds in Brittanje belas word. Aangesien Suid-Afrika ’n inwonerbasis-belastingstelsel (residence based taxation) het, word alle wêreldwye inkomste in Suid-Afrika verklaar en belas. Daar is egter ’n dubbelbelastingooreenkoms tussen Suid-Afrika en Brittanje, wat kortliks daarop neerkom dat daardie huurinkomste en beleggingsinkomste wat reeds in Brittanje belas is teen die koers wat daar geld, ’n belastingkrediet aan die Suid-Afrikaner verskaf. Hy of sy kan die krediet in Suid-Afrika verhaal en hoef dus nie weer op daardie inkomste inkomstebelasting te…

Die doel van ’n handelsmerk is dat die naam uitstaan. “Gaan jy sommer die naam Kortgat vergeet?” vra mnr. Johan Grobler, direkteur van Wuhlf. Die LG918 Kortgat-laaigraaf weeg 3 150 kg en sy afmetings is 5 600 mm x 1 820 mm x 2 220 mm. Die wielbasis is 1 720 mm en die wielspoor is 1 500 mm. Die laaigraaf se bak het ’n kapasiteit van 0,9 m3 en kan 1 800 kg dra. Die breedte van die bak is 1 900 mm. Die enjin lewer 65 kW. “Wat dit uniek maak, is juis dat hy ’n kortgat is, met ander woorde, sy hoogte. Die loopgraaf kan in ’n skeepshouer werk, asook onder hoenderhokke. Dit is sy groot voordeel, want die meeste laaigrawe is te hoog en kan nie…