Innehållsförteckning för 30 November 2023 från Landbouweekblad

NUUS IN ’N BLIK Die Hardapdam in Namibië was met druktyd net meer as 24% vol. Boere wat uit die dam besproei, het steeds toegang tot hul volle kwota sodat hulle ná die huidige koringoes ook nog ’n mielie-oes kan plant en afhaal teen Maart volgende jaar. Hulle hoop op ’n goeie reënseisoen van Februarie tot April, maar nie té goed nie, want die dam se sluise word oopgemaak wanneer die vlak 70% bereik. Dié reëling geld op aanbeveling van ’n paneel wat die oorsake van kwaai vloede in 2006 ondersoek het, maar ondanks die perk was daar steeds ernstige vloedskade in 2011 en 2022 toe die sluise maar op 400 kumek (m3 per sekonde) geloop het. Calle Schlettwein, Namibiese minister van landbou, oorweeg tans ’n versoek van die boere om…

Manie Honderde senior Amerikaanse politici, amptenare en sakelui wat met Afrika wil handel dryf, het vroeg vandeesmaand vir die jaarlikse Agoa-forum op Afrika toegesak. Dit word om die beurt in Washington en ’n Afrikaland gehou en Suid-Afrika was die eerste keer gasheer hiervan. Vir Suid-Afrika was dit ’n verleentheid dat reëlings vir akkreditasie en registrasie aan die Suid-Afrikaanse kant só laat en chaoties was dat baie Afrikasakelui en groot Suid-Afrikaanse uitvoerders nie die geleentheid bygewoon het nie. ’n Sakepersoon uit die landbou het aan Manie gesê die oorhoofse boodskap by Agoa was dat Suid-Afrika oop is vir sake, maar die akkreditasieproses het presies die teenoorgestelde indruk gewek. Hy moes drie uur daarvoor afstaan. Die ry mense het glo teen ’n slakkegang beweeg omdat al die inligting wat hulle vooraf per…

PEET BEZUIDENHOUT, ’n boer van Delmas, reken in sy gebied alleen is 2 700 ha hoogs vrugbare saaigrond reeds verlore aan sulke myne. Teen ’n gemiddelde opbrengs van 7,2 t/ha vir mielies en nagenoeg 3 t/ha vir sojabone is dit ’n gevoelige slag vir die landbou. Sy buurvrou Magda Kleyn sê die oostelike Hoëveld se bydrae tot graanproduksie is deurlopend en betroubaar omdat produksietoestande minder wisselvallig is as in ander groot produksiegebiede. Kenners vergelyk die saaigrond van die Hoëveld van Mpumalanga met van die beste ter wêreld, gelykstaande aan die Amerikaanse prêries. Dit is hoekom die landboumaatskappy Corteva tot betreklik onlangs ’n proefplaas by Delmas gehad het. ’n Aanduiding van hoe straf die mededinging tussen landbou- en steenkoolbelange in dié gebied is, is die feit dat die Argent-studiegroep graanproewe doen…

NuusAktueelLewendehawe-uitvoer AUSTRALIË se rooivleisuitvoer ondersteun ’n magdom plattelandse gemeenskappe, en in veral Wes-Australië is hele waardekettings gebou rondom die uitvoer van lewende skape na die Midde-Ooste. Dié praktyk verdien jaarliks sowat AU$92 miljoen (R1 miljard). ’n Besluit van die regering om dit uit te faseer, volg op jare se druk van dierewelstandgroepe en emosionele onthullings van die diere se lyding ter see. Van die beeldmateriaal wat die dierewelstandgroep Animals Australia in sy veldtogte teen die praktyk versprei het, het ook in Suid-Afrika opgeduik in die Dierebeskermingsvereniging (DBV) se eie veldtog teen die praktyk, wat plaaslik nog in sy kinderskoene is. Australië is volgens The Guardian die wêreld se sewende grootste uitvoerder van lewende diere, gemeet aan waarde. In 2022 het dié land se lewendehawe-uitvoer – meestal beeste na Asië en…

Aktueel KLIMAATSVERANDERING Toe Jack Human ná die Laingsburgvloed in 1981 die eerste tree na bewaringsboerdery gegee het, was dit om erosie te bekamp. Hy wou deur verminderde bewerking die water in die grond hou en só keer dat dit afloop en die bogrond wegspoel. Hoe langer en intensiewer hy die stelsel op sy plaas by Heidelberg in die Wes-Kaap toegepas het, hoe meer ander voordele het hy begin waarneem. Daar is toe nie juis oor klimaatsverandering gepraat nie, maar Jack het onwetend vir sy medeboere ’n kragtige stuk gereedskap gegee om ook by uiterste weersomstandighede aan te pas. Vandag word bewaringsboerdery beskou as een van die beste verskansings teen die risiko’s. Aanpassing by ’n veranderende klimaat in die vrugte- en wynbedryf het met rasse skrede verbeter deur presisieskedulering,-besproeiing en grondbedekking…

Veldrestourasie In dele van die Karoo is die verswakking van die veld só erg dat net radikale ingryping dit op ’n manier kan rehabiliteer. Dit kán egter gedoen word, soos ’n grondeienaar van Fraserburg bewys het. Sy metodes is arbeidsintensief en tydsaam, maar hy kry resultate. Toe Henk en Sarita Louwrens 25 jaar gelede ’n plaas by Fraserburg gekoop het, het hulle dadelik begin om die vloei van reënwater oor die grond en veld stadiger te maak om soveel moontlik daarvan in die grond vas te vang. Hulle het walletjies van klippe en kontoere van ou motorbande laat pak om die spoed van die water te breek en afloop te beperk. Dit het erosie verminder en help dat water eerder in die veld en grond bly as om weg te…

Beesboerdery Deeltydse boere kan vinnig die spreekwoord “ver van jou goed, naby aan jou skade” gestand doen en hul ondergang vroegvroeg bewerkstellig sonder aandag aan noodsaaklike aspekte. Talle mense het hulle al op die boerderyterrein begeef met die romantiese droom van die suksesvolle produksie van sy eie produkte in die wonderlike natuur, net soos die sukses wat hulle in hul heeltydse loopbaan behaal. Niks kan egter verder van die waarheid wees as om met sterre in die oë in te dons nie, want ’n boerdery kan nie homself bestuur en belangrike besluite neem nie. Daarom moet ’n voornemende, deeltydse boer eers deeglik huiswerk doen en ’n goeie bestuursplan opstel, tensy hy ’n heeltydse bestuurder kan bekostig. Bertus Walters en sy seun, Dewald, bedryf die prestigeryke Walsim Simmentaler-stoetery by Witvlei, tussen…

Syngenta se swamdoder MIRAVIS® Duo het oorspronklik sy buiging op die mark gemaak vir uitsonderlike voorkomende bekamping van vroeë roes by aartappels. Intussen is die etiket uitgebrei om ook vroeë roes by tamaties en poeieragtige meeldou by tamaties en soetrissies te bekamp. In Suid-Afrika is die swam Leveillula taurica gewoonlik die sondaar wat poeieragtige meeldou by tamaties en ander lede van die uitgebreide rissiefamilie, onder meer rissies, soetrissies, eiervrug en okra, veroorsaak. Teen 2015 is poeieragtige meeldou, veroorsaak deur Oidium neolycopersici, vir die eerste keer by tamaties in Suid-Afrika geïdentifiseer. L. taurica is ’n hemi-endofitiese patogeen, wat beteken die meeste van die patogeenstrukture ontwikkel binne die plantweefsel. Sy kenmerkende simptome, naamlik wit swamgroei hoofsaaklik aan die onderkant van blare, kom net op blare voor. In teenstelling hiermee ontwikkel O. neolycopersici…

Die afslaer dreunsing in ’n dialek wat niemand verstaan nie, maar almal maak asof hulle elke woord ten volle begryp. Doodnormale ooms raak die kluts skoon kwyt en koop goed wat hulle glad nie nodig het nie teen absurde hoë pryse. (Die oom se lyftaal agterna wys presies wat ons almal dink: Hemel, wat gaan die tante vanaand sê?) Ingewikkelde tegnologie, soos weervoorspellingstasies en alternatiewe kragstelsels, word verhandel teen verspot lae pryse. Markkragte geld selde op ’n veiling. Pryse is ’n raaisel wat bepaal word deur onbekende faktore, terwyl kopers en verkopers (wat mekaar normaalweg nie kan verdra nie) heeldag saamkuier soos beste vriende. ’n Mens kry baie soorte veilings. Daar is eksklusiewe stoet- en wildveilings waar die pryse gewone mense se oë laat traan. Die indeks van die stoetbulle…

KZN se Dorper-kampioene 1 Senior en grootkampioenooi. Eienaars: Gert Lötter, Seuns & Kleinseuns-stoetery, Tarkastad. Links is Gerrie Lötter (082 259 4310) en regs Elrico Lawies (hanteerder). 2 Senior en grootkampioenram. Eienaars: Gert Lötter, Seuns & Kleinseuns-stoetery, Tarkastad. Van links is Kayla met Franje, Gerrie en Gert Lötter jr. en Xolani Speelman (hanteerder). 3 Reserwe senior en reserwegrootkampioenooi. Eienaars: Gert Lötter, Seuns & Kleinseuns-stoetery, Tarkastad. Links is Gerrie Lötter en regs Xolani Speelman (hanteerder). 4 Junior en reserwegrootkampioenram. Eienaars: Gert Lötter, Seuns & Kleinseunsstoetery, Tarkastad. Links is Gerrie Lötter en regs is Elrico Lawies (hanteerder). Nasionale Dormer-kampioene 5 Senior en grootkampioenram. Eienaars: Johan (links) en Juan (middel, 071 483 81210) du Randt, Mountain Shadow-stoetery, Elliot. Regs is Stoffel Posile (hanteerder). 6 Senior en grootkampioenooi. Eienaars: Boetie, Tjaart (links, 072 313 2232)…

NuusAktueel Mynbou WANNEER ’n kennisgewing oor voorgenome prospekteerof mynaansoeke op ’n boer se grond in sy posbus beland of op sy grensdraad verskyn, moet hy bitter vinnig ’n paar ingrypende besluite neem. Gaan hy verkoop, of gaan hy bly en baklei? Jan Boshoff, eienaar van Boshoff Bonsmaras tussen Delmas en Leandra in Mpumalanga, meen ’n boer kan sy vingers lelik verbrand as hy hom daarteen blind staar om grond teen ’n groot bedrag aan die myn te verkoop. “Gewoonlik wil die mynmaatskappy net ’n gedeelte van jou plaas koop. Gestel jy boer op 1 000 ha en hulle wil net 100 ha of 200 ha hê en bied jou ’n groot bedrag geld daarvoor aan, maar nou is die grond wat oorbly, nie meer ’n ekonomiese eenheid nie. Daar is…

GAUTENG se twee grootste varsproduktemarkte word al geruime tyd as teenpole van mekaar beskou. Sedert die Johannesburgse varsproduktemark twee jaar gelede ’n strategiese bestuursverandering gemaak het, kon hy sy omset verhoog en verskeie geriewe vestig om kleinboere en kleiner agente ’n vastrapplek te gee. Daarteenoor hang die Tshwanemark se voortbestaan steeds aan ’n draadjie weens wanbestuur en langdurige verwaarlosing, ondanks jare se skrywes, mooipraat én regstappe van die varsproduktebedryf. Gevolglik kies toenemend meer boere koers na die Johannesburgse varsproduktemark om hul produkte eerder daar te verkoop. Dié twee munisipale varsproduktemarkte se uiteenlopende benaderings was opnuut in die kollig tydens die openbare sittings van die mededingingskommisie om te ondersoek of elemente of faktore in die varsproduktewaardeketting mededinging in die mark belemmer, beperk of verwring. Tydens dié sitting het bestuurslede van die…

Woolworths is kleiner as van die groot supermarkgroepe en nie net op voedsel toegespits nie. Die jongste verslagjaar toon ’n omset van R72,6 miljard tot einde Junie 2023 en ’n voorbelaste wins van R5,3 miljard. Sowat 43% van die voorbelaste wins kom van voedsel, met 1 354 winkels en 38 732 werknemers. Winkels in Suider-Afrika lewer 74% van die wins en Australië die res. Die groep het sowat 48 855 aandeelhouers met R12 miljard se aandeelhouerskapitaal. Dit word aangevul met lenings van R10,3 miljard. Die groep het ’n hoër eiekapitaalverhouding as die ander supermarkgroepe wat al in hierdie rubriek bespreek is. Hy streef na ’n winsmarge van 7% voor belasting en rentebetalings. Die groep spits hom toe op middel- en hoërinkomsteverbruikers met gewoonlik duurder produkte van topgehalte, wat voedselprodukte insluit.…

Klimaatsverandering Wisselboustelsels het nie net ’n uitwerking op bestuur, plae en siektes of die infrastruktuur of werktuie wat benodig word nie: Dit beïnvloed ook ’n boerdery se kweekhuisgasvrystellings. Ons het gesien vrystellings kan verlaag word deur kunsmis met peulplante wat stikstof bind, te vervang, en diverse wisselboustelsels wat dekgewasse en diere insluit, te gebruik. Die landbou is uniek omdat dit een deel menslike aktiwiteite behels en twee derdes die natuur. Jy kies die saad, plant dit korrek en dan is daar ’n paar geleenthede in die seisoen om te bemes of te bespuit. Daarna moet plante deur natuurlike prosesse groei. Ons is almal bewus van die groot invloed wat die omgewing op produksie het: Temperature wat nie te warm of te koud is nie en die regte hoeveelheid reën teen…

Sonkrag Een van die voorbokke om die beleërde Koster in Noordwes se waterkwessies op te klaar – al was dit tydelik – staan nou aan die voorpunt om sy fabriek, wat ’n reusewerkskepper is, onafhanklik te bedryf. En al is die tegnologie baie duurder, oortref betroubaarheid en aanpasbaarheid die prys, sê Willie Jones. “Dit gaan nie in die eerste plek oor die koste nie, maar om onafhanklik van Eskom te wees.” Willie, eienaar van Jones Masjiene en bekende vervaardiger van veevoermasjinerie, berei tans sy fabriek voor om Eskom se koppelings finaal af te skakel. Sy woonhuis op die dorp is reeds sedert 2012 ten volle op sonkrag. “Hallo sonkrag, totsiens Eskom,” sê Willie laggend, terwyl hy beduie na die maste met groot sonpanele wat bokant sy fabriek uittroon. Dan gaan…

Presisie in snelrat Die Fins vervaardigde Valtra T235- luukse plaastrekker het ’n 7,4 liter-dieselenjin van Agco Power wat 173 kW lewer. Die trekker is ideaal vir satellietgebaseerde presisieplantwerk. Dit het ’n 30-gang-ratkas – 30 ratte vorentoe en 30 tru. Die sitplek in die luukse, gedigitaliseerde kajuit met lugverkoeling kan reg in die rondte draai vir uitstekende sig – veral omdat die trekker ook toegerus is met ’n standaardvoorhyser benewens die gewone driepunt- en kragaftakkerstelsel. Prys: R3 415 500. Navrae: Attie de Villiers, Valtrac (Parys), 083 261 9863. Veeldoelige vierwielbuks Die Linhai T Boss 800 het ’n Kubota-dieselenjin van 800 cm3 met ewenaarslotte voor en agter en ’n grondvryhoogte van 280 mm. Die tenk hou 32 liter diesel en sy sleepvermoë is 600 kg. Die kantelbak kan ’n vrag van 300…

Hoe het jy in die afslaersbedryf beland, en hoe lank is jy al ’n afslaer? Ek het in die distrik Alma in die Bosveld op die plaas Boekenhoutkloof grootgeword waar my pa, Jurie, met beeste geboer het. Weeklikse slagveeveilings was vir my ’n hoogtepunt. Ek was al van jongs af ’n spreekwoordelike “perdesmous”. In 1995 het ek en my neef Shaun Bornman met perdeveilings in Pretoria begin. Ek het die afslaerwerk self aangepak, maar gou agtergekom dit is nie so eenvoudig sonder die nodige opleiding nie. Ek het toe ’n afslaerskursus by Hedley Harris se afslaerskool gevolg, wat ’n wesenlike verskil gemaak het. Later het ek ’n kursus by die World Wide College of Auctioneering in die Amerikaanse deelstaat Iowa gaan loop, en twee jaar daarna nog ’n kursus by…

’n Ingevoerde Arabierperd-hings is op die staakboerdery-veiling van Hannes en Ina Snyman op die plaas Caesarsvlei, Heidelberg (Mpumalanga), vir ’n puik prys van R180 000 verkoop. Die hings, Silvern Lance (uit Spearmint en Silvern Princess), is in Engeland op die Belvoir-landgoed gebore. Dié landgoed is gebruik vir die verfilming van die Netflix-reeks The Crown se tonele waar prins Philip oefen vir sy polowedstryde. Silvern Lance, ’n ou-Engelse Arabierperd, is 16 jaar oud. Hy is destyds ingevoer saam met die El Jamani-stoetery vir die voortbou van Engelse-crabbet-teelmateriaal wat bekend is in Arabierperde. Die meeste van Silver Lance se vullens is uitgevoer na Namibië en Botswana vir hul uithouritpotensiaal. Die gemiddelde prys van die Arabierperde was R61 753. Clive Gardner Afslaers het die veiling aangebied.…

Skans teen beurtkrag Eskom het onlangs sy eerste battery-energieopbergingsaanleg in Worcester se nywerheidsgebied geopen. Die aanleg, met 120 batterybanke, is die grootste in sy soort in Afrika en deel van die kragmaatskappy se planne om druk op die nasionale kragnetwerk te verminder. Dit het ’n gesamentlike kapasiteit van 1 440 MWh per dag, en kan 100 MWh opberg. Met dié kapasiteit kan dit ’n dorp so groot soos Howick vir vyf uur van krag voorsien. Die aanleg kan ook ’n bykomende 60 MW sonkrag dra. Eskom beoog nog agt sulke aanlegte dwarsoor die land. FOTO: VERSKAF Tongaat Hulett kry wéér ’n nuwe koper Terris Sugar is die jongste voorkeurbieër om die sukkelende suiker-en-eiendomsmaatskappy Tongaat Hulett te verkry. Terris het vroeër sy misnoeë te kenne gegee toe Tongaat se sakeredders die…

WIND- en sonkragprojekte van nagenoeg 66 GW word tans ontwikkel, en sal van nou tot 2028 gevestig word, volgens ’n onlangse voorlegging deur Kgosientsho Ramokgopa, minister van elektrisiteit. Dit sal egter nie op sigsigself beurtkrag kan beëindig nie omdat Suid-Afrika steeds ’n betroubare basislading elektrisiteit benodig. Beurtkragvlakke kan daal wanneer albei eenhede van Koeberg, Kusile se eenhede 1 tot 6 en Medupi se eenheid 4 aanlyn kom. Die groenkrag is deel van die regering se plan vir die oorgang na net-zero koolstofvrystellings, wat belangrik is vir internasionale handel en verbintenisse ingevolge die Parys-ooreenkoms. Vir die res van vanjaar is daar nog aansoeke van altesaam 461 MW in die vooruitsig. Daar word vestigingsaansoeke van 2,682 GW in die vooruitsig gestel vir 2024, vir 2025 ’n verdere 20,611 GW, en vir 2026…

BOERE se ervarings met hul mynbure verskil hemelsbreed na gelang van hoe ver van die plaas of opstal daar gemyn word, die gesindheid van die mynbestuur en -personeel, die vermoë van die myn om aan die voorwaardes van sy lisensie te voldoen, en hoe doeltreffend die plaaslike streekkantoor van die departement van minerale hulpbronne en energie is om dit af te dwing. “As ’n mynmatskappy alles volgens die reëls doen, sal hy sy bure nader en gereeld vergaderings hou om almal in te lig, en opbouende kritiek verwelkom,” sê Brent Parrott, hoofbestuurder van die Schoeman-Groep. “As hy nie sy bure of die gemeenskap betrek nie, is dit ’n teken dat hy nie volgens die reëls handel nie, of sy bedrywighede nie wil onderwerp aan noukeurige ondersoek nie.” Louis Rossouw, ’n…

NuusAktueel Naspeurbaarheid DIE meer as 160 abattoirs in Suid-Afrika genereer daagliks ’n magdom data oor die herkoms, beweging en toestand van lewende hawe. Vir naspeurbaarheid is dit die ideale beginpunt, sê dr. Danie Odendaal, direkteur van Veeartsnetwerk. “Lewende diere kom vanaf baie verskillende plase by die abattoir bymekaar en verlaat die abattoir as karkasse deur ’n ketting van verwerkers tot by die eindverbruiker. ’n Groot getal vee kom dus op ’n daaglikse, maandelikse en jaarlikse grondslag met ’n vervoer- en gesondheidsverklaring by die verskillende gereguleerde abattoirs in Suid-Afrika aan.” Odendaal werk saam met die Food Safety Agency, die staat se gevolmagtigde inspeksiediens vir vleisgesondheid by onder meer abattoirs, aan ’n voorstel hieroor vir die nasionale dieregesondheidsforum. Gerhard Schutte, voorsitter van die forum, meen dit kan aanvullend benut word saam met…

Min van die oorspronklike omvang van Suid-Afrika se skaars en bedreigde renosterveld is nog oor, en dan meestal net as klein en dikwels verswakte fragmente. Tog glo bewaarders van dié veldtipe geen stukkie is te klein om te herstel nie. Een van die maniere om die uitwerking van klimaatsverandering te versag, is om stappe te doen om biodiversiteit te bewaar en te bevorder, dikwels deur die herstel van ekostelsels en landskappe. In die Overberg-Rûens werk die Overberg-renosterveldbewaringstrust saam met boere van die omgewing wat as voogde van die bedreigde veld optree. Die werk behels die bestuur van weiding en vuur as aandrywers van landskapprosesse, die uitroei van indringerplante en die herstel van watervloeigebiede wat agteruitgegaan het. Dit word gedoen om korridors te skep wat die oorblywende stukke renosterveld met mekaar…

AktueelNeute Om met makadamias te boer, is ’n langtermynonderneming, sê Alex Whyte van Green & Gold Macadamias, ’n maatskappy wat verwerkers uit Suid-Afrika en Australië se makadamianeute wêreldwyd bemark. Teen die huidige aanplantingstempo gaan daar in die toekoms baie meer makadamianeute wees om aan die wêreld se verbruikers te bemark. Van 2021 tot 2022 was daar ’n toename van 23% in die aanbod van makadamias wêreldwyd. Teen 2022 het die wêreld altesaam 299 000 ton ongedopte neute geproduseer. Na verwagting gaan wêreldproduksie teen 2027 op 503 000 ton staan. As die grootste produserende land van makadamianeute ter wêreld verwag Suid-Afrika vanjaar ’n oes van 77 659 ton droë, ongedopte neute – dit is 8 800 ton meer as in 2022. Boonop dui die jongste opnames en kartering dat Suid-Afrika se…

Baie veeplase in Suid-Afrika ondervind historiese hulpbronskade wat veroorsaak dat ’n groot persentasie reënwater wegloop. Dit sluit in kaal kolle met min of geen plantegroeibedekking, gebiede met ernstige watererosie, en indringer- en verdigterbosse wat die weidingsplante van hul water beroof. Dié skade vereis spesiale maatreëls, oftewel radikale veldverbetering, om te herstel. Herstel van kaal kolle Kaal kolle se bogrond is deur wind- en watererosie verwyder, wat die klipharde ondergrond met ’n baie lae waterindringingsvermoë blootlê. Dit laat die grond droog en met min veilige plekke waar saailinge kan vestig om die grondbedekking te verbeter. Die eerste stap in die rehabilitasieproses is om die grond se waterbalans te herstel deur die ondeurdringbare boonste kors te breek om waterindringing te verbeter. Daar is verskeie maniere om dit reg te kry. Die metode…

KZN-jongboer Dit verg spanwerk om ’n suksesvolle boerdery te bou, in stand te hou en te laat groei. Die BH Gevers-boerdery is wel op so ’n stewige fondasie gebou, en KwaZulu-Natal se Jongboer van die Jaar, Heiko Gevers, gee volle erkenning hieraan. Die jongste presisiemetodes vir ingewikkelde bosbou, Brangus-tipe beeste wat nou ’n volwaardige vertakking is, en ’n klein graanvertakking help hom nie net om meer wins te maak nie, maar skep werksekerheid in ’n omgewing waar werkskepping aan die agterspeen suig. Dié boerdery is in die laat 1800’s deur Duitse immigrante gestig en is geleidelik ontwikkel deur vyf geslagte van Geversboeregesinne, waarvan die jongste Heiko (28), sy vrou, Cian, en hul babadogtertjie, Hannah, is. Saam met hulle op die hoofplaas, Eben-Ezer, woon Heiko se ouers, Karl en Gudrun, en…

Wingerd Die Smart-Dyson-stelsel is een van verskeie opleistelsels wat hom leen tot ’n potensiële verbetering in produksie én gehalte. Dit verg egter meer werk, soos om lote te verwyder en te posisioneer, maar die koste wat in suiertyd of met blaarverwydering bespaar word, regverdig die bykomende aksies. Dit is ’n opleistelsel wat baie goed op bestaande VLP-stelsels (vertikale lootposisioneringstelsels) kan werk en dis gewoonlik nie te ingewikkeld om oor te skakel nie. Aangesien dit ’n vertikale stelsel is, kan rywydtes nouer wees, wat beteken daar is meer kordonmeters per hektaar. Die enigste ooglopende nadeel van die stelsel is dat algehele meganisasie daarvan tans nie moontlik is nie. Daarom moet jy hande-arbeid tot jou beskikking hê. Jy kan wel met sekere masjiene meganies oes. Faktore om te oorweeg Die kant waar…

Tydens sy grootwordjare op ’n plaas in Barrington in Illinois, Amerika, het ’n jong man met die naam Jerry Stoller ’n eenvoudige vraag gevra: “Wat as jy plante kan leer om selfs meer te groei?” Wat hy meer as ’n halfeeu gelede ondersoek het, was die belangrikheid daarvan om “die taal van die plant” te leer deur die ingewikkeldheid van plantfisiologie te verstaan. Dié wetenskapveld help die kundiges by die maatskappy Stoller om die verskillende prosesse wat op sellulêre en heelplantvlak plaasvind, te begryp. Sommige kernplantfisiologiese prosesse sluit in fotosintese, transpirasie, respirasie, voedingstofopname, hormonale regulering, groei en ontwikkeling, omgewingsreaksies, voortplanting en verdedigingsmeganismes. Deur insig te verkry in hoe plante funksioneer en by hul veranderende omgewings aanpas, kan landbou-oplossings ontwikkel en bestuurspraktyke verbeter word. Dit maak voorsiening vir beter gebruik van…

Fynbos Nie ver van waar bergbruidjies (Serruria florida) in 1773 ontdek is nie, het DP Burger van Glenwood Vineyards vanjaar sy eerste oes van dié delikate pienkwit fynbosblommetjies vir die oorsese mark gepluk. Meer as honderd jaar lank is daar aanvaar bergbruidjies, ook genoem die Trots van Franschhoek, het uitgesterf, tot dit weer naby die klein Robertsvleivallei, waar Glenwood (52 ha) geleë is, opgespoor is. “Toe ek die plaas koop, was daar by my geen twyfel nie dat ek dit wil ontwikkel as ’n spesiale deel van die natuur. Wat interessant is oor die Robertsvleivallei is dat die bergbruidjie endemies is in die vallei,” vertel Alistair Wood, wat die plaas, nou ’n biodiversiteitsbewaringskampioen, 40 jaar gelede gekoop het. DP het destyds die geelperskeboorde uitgehaal en Glenwood tot die tuiste van…