Innehållsförteckning för 9 January 2025 från Landbouweekblad

DIT is byna ’n gegewe dat Donald Trump die omgewingsregulasies wat onder pres. Joe Biden ingestel is, gaan herroep wanneer hy aan bewind kom. In sy vorige termyn as president het Trump Amerika aan die Parys-klimaatsooreenkoms onttrek omdat hy meen dat dit onregverdig teenoor sy land en nadelig vir die Amerikaanse ekonomie is. Sy regering het fossielbrandstofproduksie en -deregulering ’n voorrangsaak gemaak en ’n energiebenadering van “Amerika Eerste” gevolg. Omgewingsbewustes en klimaatkenners het sy beleid gekritiseer, en aangevoer dat dit pogings ondermyn om kweekhuisgasvrystellings te verminder en aardverwarming te beveg. Ten spyte hiervan meen Trump en sy ondersteuners dat binnelandse energie-onafhanklikheid en die vermindering van die land se afhanklikheid van buitelandse olie belangriker vir die Amerikaanse ekonomie is. ’n Verdeelde COP29 Die invloed wat Trump se herverkiesing tot president op…

ADEL VAN DER MERWE, uitvoerende hoof van Quantum Foods, het met die bekendmaking van dié genoteerde produsent van eiers, lewende braaihoenders en voer se resultate vir sy 2024-boekjaar gesê die werknemers op sy plase is weens die hoë risiko vir nuwe uitbrekings op ’n hoë vlak van gereedheid. Dit volg nadat die Suid-Afrikaanse Pluimveevereniging (SAPV) laat verlede jaar ’n brief aan alle produsente gestuur het oor die onlangse uitbreking van voëlgriep op die Marioneiland en ’n styging in uitbrekings in Europa. Met die 2023-’24-voëlgriepuitbrekings in Suid-Afrika moes miljoene lêhenne en teelvoorraad vir lêhenne van kant gemaak word, terwyl die teeltroppe in die braaihoenderbedryf ook swaar getref is. Dit het die nasionale lêhentrop in Junie verlede jaar tot net meer as 19 miljoen henne laat krimp, teenoor die gemiddelde van 26,8…

Suid-Afrika se landbou het verlede jaar na raming R16 miljard in kunsmatige intelligensie (KI), robotika en dataverwerking belê, het Luc Henry, Syngenta se hoof van gewasbeskerming in Suid-Afrika, op Graan Suid-Afrika se jaarlikse toekenningsgeleentheid aan graanboere in Boksburg gesê. Luc het verwys na die vierde landbou- of digitale revolusie, wat gevorderde tegnologieë en bykomende vermoëns aan boere bied. Danksy KI, robotika en dataverwerking het boere kragtige maniere om produktiwiteit te verbeter, hulpbronne optimaal te benut en volhoubaarheid te bevorder. Die Suid-Afrikaanse landbou se belegging in dié tegnologie is steeds kleiner as Brasilië s’n van R64 miljard en Amerika s’n van R394 miljard. Sowat 20% van plaaslike boere het hardeware vir presisieboerdery en 15% van plase gebruik sagteware vir bestuur. Daarteenoor is Amerikaanse boere se benutting daarvan onderskeidelik 50% en 40%.…

Moenie bang wees om stroomop te swem nie. Destyds, in 1996, ná my pa se dood, is ons boerdery in ’n krisis gedompel toe ek my sibbe moes uitkoop. Vir lank daarna was ek net in ’n oorlewingsfase en moes goeie finansiële dissipline aan die dag lê. Toe dit só sleg gegaan het, was my grootste motivering die feit dat só baie mense vir my gesê het ek gaan dit nie maak nie. Wees deurdag, maar moenie sit en tob oor dinge nie. My vermoë om te luister, te evalueer en ’n besluit te neem het die meeste tot my sukses bygedra. Die laaste vyf jaar van my pa se lewe het ek en hy baie konflik ervaar, want ek was soos ’n pot wat begin kook en die deksel…

Met beurtkrag se slae afgeweer, staan die energiebedryf voor ’n nuwe dog aangenamer eis – om genoeg nuwe aanlegte en netwerkkapasiteit te bou terwyl steenkoolkragopwekking uitgefaseer word. ’n Klomp opwindende projekte skop vanjaar in die energiesektor af, daar is hoop vir die energietoekoms van Suid-Afrika, en die huidige vooruitgang is meer as net ’n tydelike verbetering. Volgens Jan Fourie, uitvoerende hoof van Mulilo, het die hele bedryf teen die einde van 2024 vir die aankondiging van die departement van energiesake gewag om te hoor wie suksesvol was in die sewende ronde van die toegangsprogram vir hernubare energie (Reap). Mulilo is ’n onafhanklike kragopwekkingsmaatskappy met omtrent 420 MW se operasionele wind- en sonkragprojekte in sy portefeulje. Maatskappye moes ook hul tenders teen Desember indien vir die derde ronde van die regering…

Drie faktore beïnvloed die wisseling in die dieselprys in Suid-Afrika, naamlik die ru-olieprys, die internasionale vraag na en aanbod van petroleumprodukte (byvoorbeeld seisoenale faktore) en die wisselkoers, spesifiek die rand teenoor die Amerikaanse dollar. Die verhoging in die petrol- en dieselprys in Desember was slegte nuus vir boere, maar die wisselkoers van die rand het darem daartoe bygedra dat dié pyn effens verlig is, sê dr. Roelof Botha, ekonomiese raadgewer van die Optimum-beleggingsgroep. “Suid-Afrika se brandstofpryse word op kort termyn hoofsaaklik deur die olieprys en die wisselkoers beïnvloed. Sedert die begin van September het die rand met slegs 1,3% teenoor die Amerikaanse dollar verswak – ’n beter vertoning as dié van 14 van die 16 geldeenhede op die Currencies Direct-monitor.” Die oorsprong van die brandstofpyn lê by die versterking van…

Die vrugtebedryf is redelik stabiel en groei op ’n jaargrondslag danksy nuwe kultivars en boorde wat in produksie kom, sê Anton Rabe, uitvoerende hoof van Hortgro, die bedryfsorganisasie vir sagtevrugte in Suid-Afrika. “Ons is goed gerat vir die toekoms. Die pruim- en kersiebedryf lyk belowend, en ons het appelkooskultivars in die Koo-vallei wat uitstekend vaar. Die appel- en peerbedryf presteer ook goed, met pere wat veral in Indië skitter. Suid-Afrika se pere geniet daar voorkeur bo ander lande s’n.” Buiten om tradisionele uitvoermarkte, soos Brittanje en die Europese Unie (EU) te behou, mik die bedryf volgens hom ook daarna om marktoegang tot die Middeen Verre Ooste, veral Indië en China, uit te brei. Die logistieke probleme by die Kaapstad-hawe is welbekend en volgens Rabe waarskynlik tans die bedryf se grootste…

Moeder Natuur het altyd die laaste sê – dít is een les wat aartappelboere geleer het nadat ’n “uitstekende jaar” in 2024 vir die mark voorspel is. Die moeilike weerstoestande en swartryp wat Limpopo in Julie vanjaar getref het, het ’n stokkie voor hierdie voorspelling gesteek. Markpryse het vir verbruikers die hoogte ingeskiet en plek-plek het ’n tydelike tekort aan produkte ontstaan. FP Coetzee, Aartappel SA se inligtingsbestuurder, sê dit was gelukkig nie ’n neiging wat lank aangehou het nie, en as gevolg van die verspreiding van aartappelproduksie in 16 verskillende streke oor Suid-Afrika heen, kon hulle heeljaar vars aartappels verskaf. Boonop is Suid-Afrika se boere veerkragtig en die mark het uiteindelik gestabiliseer tot relatief gemiddelde pryse wat sywaarts beweeg het. “Ons kon in 2024 duidelik sien dat die besteebare…

Hoe lank nadat bevrugting plaasgevind het, sal die baarde begin loskom? ’n Studie is in 2023 deur Pioneer gedoen om die tydsduur of tydlyn te bepaal vanaf stuifmeelstorting tot saadknopbevrugting en wanneer baarde begin loskom. Veldstudie Mieliekoppe is bedek voordat die baarde hul verskyning gemaak het. Baarde van geselekteerde koppe is blootgestel aan stuifmeel vir een dag op 17, 18, 19 of 20 Februarie – die derde, vierde, vyfde of sesde dag nadat die landery by 50% stuifmeelstorting was. Ná dié blootstelling is die baarde weer bedek om enige verdere blootstelling aan stuifmeel te keer. Koppe is geselekteer en geoes op dag 1, 2, 3, 4 of 5 nadat die baarde aan stuifmeel blootgestel is. Skutblare is versigtig verwyder en koppe is liggies geskud om die baarde te laat loskom,…

Die dilemma wat die covid-19-pandemie in 2020 vir die wynbedryf veroorsaak het, saam met die ekstra tyd wat De Wet en Annelie Viljoen van Stellenbosch gehad het, het ’n droom laat ontstaan wat uiteindelik gelei het tot ’n suksesstorie vir die wynhandelsmerk Spijker-en-Bessie-wyne. De Wet en Annelie se wortels lê diep in die Kaapse Wynland. Hy het in die Breëriviervallei grootgeword, waar wyn en dié bedryf van kleins af deel was van sy DNS. Hy is die jongste van vyf kinders wat as deel van die sewende geslag van die Viljoen-familie op die plaas Lemoenpoort grootgeword het. Annelie is gebore op Stellenbosch, ’n boorling van Papegaaiberg, soos sy sê. Haar pa, die grondkundige Bennie Schloms, het vir sowat 30 jaar klas gegee in geografie aan die Universiteit Stellenbosch. Tussen De…

Die sterk vraag na Suffolk-ooie van ’n goeie gehalte het vir ’n betreklik hoë gemiddelde prys vir vroulike diere gesorg op die nasionale veiling van die genootskap wat op 5 Oktober by die Be Human-sentrum, noord van Bloemfontein, aangebied is. Die duurste ooi het R45 000 behaal en bieërs het tot die einde probeer om haar te koop. Die verkopers, Johan en Linette Goosen van Hertzogville, was aangenaam verras oor die hoë prys vir dié ooi. Die nuwe eienaar is Johnny Forbes van die Vredesigstoetery by Darling. Johnny, ’n jong sakeman-boer, het eers in 2021 by die Suffolkskaaptelersgenootskap aangesluit. Dit is die tweede keer dat hy aan die nasionale veiling deelneem. Een van sy ramme, 375 220024 van die Johen-trust, het die hoogste prys van R120 000 behaal, en die…

Die Clocolan SA Vleismerino-produksieveiling, gehou op 5 September 2024 by Boereplek, het goeie gemiddelde pryse opgelewer. Die ram 2340 BC van Hennie Vermaak van Clocolan het die hoogste prys op die veiling behaal toe hy vir R16 000 aan AJ van Rooyen, ook van dié dorp, verkoop is. Altesaam 23 ramme is teen gemiddeld R9 935 verkoop. OVK Ladybrand het die veiling aangebied onder beskerming van die SA Vleismerino-telersgenootskap, met Jurie Burger as die afslaer.…

1 Senior en grootkampioenbul, KG 20-107 Günzel Novara. Eienaar: Kaspar Günzel (+264 81 129 0273), Günzel Simmentalers, Grootfontein. Hanteerder: Paul Garuseb. 2 Senior en grootkampioenkoei, SW 16-18 Ilivia. Sy was ook die senior opperste kampioenkoei. Eienaar: Sidney Martin (+264 81 129 7772), Promatria Buschbrunn-stoetery, Hochfeld. Hanteerder: Gabriel Ngheletubilwa. 3 Reserwe senior en reserwegrootkampioenkoei, MK 14-62 Petra. René Krafft (+264 81 149 2535), Ibenstein-stoetery, Dordabis. Hanteerder: Stanley Xarageb. 4 Junior en reserwegrootkampioenbul, SW 22-9 Kêrel. Hy was ook die opperste kampioenbul. Eienaar: Sydney Martin, Promatria Buschbrunn-stoetery, Hochfeld. Hanteerder: Michael Hawala. 5 Junior kampioen vroulike dier, MK 22-19 Gabbi. Eienaar: René Krafft, Ibenstein-stoetery, Dordabis. Hanteerder: Elias Karana. 6 Kampioenverskalf, WAL 23-15 Walsim Edite. Sy was ook die opperste kampioen. Eienaars: Bertus (+264 81 127 0300) en Dewald Walters, Walsim-stoetery, Witvlei. Hanteerder: Israel…

Karoo-kampioen wen met ‘sappige’ Suffolk-lam Chrisna Vermeulen, van die plaas Eindelik by Middelburg in die Oos-Kaap, se Suffolk-lam het aan haar die eerste prys besorg by die Lamb Champs wat op 14 Desember op Graaff-Reinet gehou is. Sy het R25 000 en ’n brons trofee deur die beeldhouer Nic van Rensburg ter waarde van R50 000 ontvang. “Suffolk is soos die Wagyu van skaapvleis en is sag en sappig. Die prys beteken nie net baie vir die Suffolk-ras nie, maar veral vir ons as ’n familie. Ons het ’n passie vir ons diere en versorg hulle met liefde, en hierdie prys gee erkenning daarvoor.” In die tweede plek was Chrisna Venter met ’n Wit Dorper-lam en derde Lukas Steenkamp met ’n Dorper-lam. Dit was die eerste keer dat Lamb Champs…

Met die verwagte La Niña-stelsel wat net nie vatplek kon kry in die eerste deel van die 2024-’25-seisoen nie, was dit vir Manie se kollega opvallend dat die Australiese buro vir meteorologie in Desember 2024 aangekondig het dat hy gedwing word om sy voorspellingmetodes te verander. Dr. Karl Braganza, klimaatbestuurder van die buro, sê namate die wêreld se klimaat aanhou verander, het ou metodes van voorspelling minder betroubaar geword. Nuwe modelle gegrond op huidige inligting is ’n betroubaarder manier om die gemeenskap en bedrywe te help om die beste te beplan en voor te berei vir seisoenale neigings. Hy sê hulle beweeg weg daarvan om op individuele omgewingsverskynsels te konsentreer. In ’n veranderende klimaat is dit moeiliker om voorspellings te maak. Die klimaatstelsels is ingewikkeld en kan nie deur net…

GESONDHEIDSTUDIES waarby meer as 1 000 kinders in hierdie opvangsgebiede betrokke is, het ook ’n verband gevind tussen die blootstelling aan plaagdoders en swakker breinfunksie by kinders. Die studies is deur wetenskaplikes aan die Universiteit Stellenbosch (US) en die Universiteit van Kaapstad se skool vir openbare gesondheid gedoen. Standaarde oorskry Die studies van plaagdoderkonsentrasies het chemiese verbindings in die Bergrivier (Piketberg-opvangsgebied), Kromrivier (Grabouw-opvangsgebied) en die Hexrivier gemeet. Prof. Reynold Chow, studieleier en dosent in die departement grondwetenskappe aan die US, het watermonsters van hierdie drie riviere vanaf Julie 2017 tot Junie 2018, en vanaf April tot Julie 2019 gemeet. Die vlakke van vyf plaagdoders het die Europese omgewingsgehaltestandaarde (OGS) minstens een keer, van Junie 2017 tot Januarie 2018, oorskry. Die chemikalieë kon meer gekonsentreerd as gewoonlik gewees het weens die…

SENWES se omset van R7,177 miljoen in die ses maande tot einde Oktober 2024 is 9,2% laer as in die ooreenstemmende tydperk in die vorige jaar. Die groep se wins ná belasting toeskryfbaar aan aandeelhouers was R241 miljoen, wat 54% laer is as Oktober 2023 se R525 miljoen. Genormaliseerde wesensverdienste per aandeel van 143,5 sent is verklaar, wat 52,4% laer is. Nogtans beskryf die groep sy resultate vir die halfjaar as “bevredigend te midde van ’n moeilike landbousiklus.” Laer inkomste uit grane Die nasionale mielie-opbrengs was 22% laer as in die vorige jaar. Presies hoe ernstig die droogte en hitte in Senwes se tradisionele produksiegebied in Noordwes was, kan gesien word in die skerp dalings in die inkomste wat Senwes uit graanhantering verdien het. Die inkomste uit grane was 43%…

Sekere van die aanvanklike voorgestelde wysigings aan die Nasionale Waterwet, wat al in November 2023 vir kommentaar gepubliseer is, is as onuitvoerbaar en ongrondwetlik bestempel. Organisasies soos AgriSA en die Suid-Afrikaanse vereniging van watergebruikersverenigings (SAAFWUA) het deeglike kommentaar ingedien. Janse Rabie, regs-en-beleidshoof van Agri-SA, sê dié organisasie het vroeër vanjaar met die departement van water en sanitasie oor die voorgestelde wysigings vergader. “Ons het ons bekommernisse ten opsigte van die voorgestelde grootskaalse wetlike veranderinge met die direkteur-generaal (dr. Sean Phillips) en sy senior bestuurspan gedeel. “Die voorstelle het onder meer ingesluit dat die hertoewysing van watergebruiksregte vir transformasiedoeleindes die deurslaggewende faktor sou wees in die uitreiking van waterlisensies, asook dat oordragte van watergebruiksregte verbied sou word.” AgriSA hoop dat sy en ander belanghebbendes se insette en kommentaar in ag geneem…

Die planttyd het rukkerig begin en teen druktyd was alles op ’n naaldpunt gebalanseer. Toe somersaaiboere se voornemens om te plant middel Oktober bekend gemaak is, het alles gedui op aanplantings van 4,472 miljoen ha teenoor 4,439 miljoen ha die vorige seisoen. Hiervan sal 2,640 miljoen ha mielies wees teenoor aanplantings van 2,636 miljoen ha in 2024. Volgens die nasionale oesskattingskomitee (NOK) is die mielie-aanplantings 0,15% meer as die vorige seisoen, terwyl daar ook beoog is om 28% meer sorghum en 14% meer droëbone te plant. Hoe na aan die kol hierdie voornemens is, sal duideliker wees as die NOK se voorlopige oppervlakteskatting op 28 Januarie bekend gemaak word. Derek Mathews, voorsitter van Graan SA wat buite Sannieshof in Noordwes boer, het in November gesê dit is nog baie vroeg…

Wynboere se vermoë om te kan pivot on the fly en in die hardloop by verandering aan te pas, gaan in 2025 nuttig te pas kom, meen dr. Etienne Terblanche, bestuurder van wingerdboukundige dienste by Vinpro en direkteur van die boetiek-wynkelder Thistle & Weed by Stellenbosch. “Uiterste weerstoestande, minder gewasbeskermingsopsies, nuwe siektes en plae, toenemende kostedruk en veranderende verbruikers- en uiteindelik produkprofiele, vereis van boere om ratser te wees in hul besluitneming as vantevore.” Hy sê boere sal ’n kopskuif moet maak om ’n intensiewer benadering te volg. “Dit gaan nie bloot oor produksiemiddele nie, maar ook oor wat om nié te doen nie, soos wanneer dit by die toepassing van herlewingslandboubeginsels kom. Ons sal ál meer sien dat boere wegbeweeg van resepte en eerder produkspesifieke praktyke toepas. Slim landboutegnologie…

Die wildbedryf het opvallend herstel en toon sterk groeipotensiaal in die jaar wat voorlê. Baie van die bemarking tans op internasionale jagskoue lê klem op die jagseisoen van 2026, aangesien die meeste beroepsjagters se besprekings vir 2025 reeds gedoen is, sê Richard York, uitvoerende hoof van Wildbedryf SA (WRSA). Wildpryse het in 2024 reeds merkbaar gestyg en die verwagting is dat hierdie opwaartse neiging in 2025 sal voortduur. Spesifieke spesies, soos koedoes en njalas, het besonder goed presteer, veral die trofeejagbulle, waarvan pryse drasties gestyg het. Dit het ’n regstreekse invloed op die pryse van teeldiere gehad. Die pryse van vroulike diere het in die afgelope jaar byna verdubbel, wat verder tot die ekonomiese volhoubaarheid van wildboerdery bydra. “Dié neiging stel boere in staat om op ’n volhoubare wyse met…

Met die koms van gevorderde tegnologieë wentel boerdery nie meer net om tradisionele metodes nie. Dit het ’n gesofistikeerde bedryf geword wat van data-analise afhanklik is. Dawie Maree, hoof van landboubemarking en-inligting by FNB, Willie Venter, hoof van CNH Capital: Afrika, en Nico Myburgh, hoof van landboupresisie en tegnologie by CNH, het met Theo Vorster van Galileo Capital gesels. Data en risikobestuur Dawie beklemtoon dat boere nie kan bekostig om sonder tegnologie te boer nie. “Banke is toenemend lugtig vir risiko en maak sterk staat op data om die lewensvatbaarheid van landboubeleggings te beoordeel. As ’n boer nie data doeltreffend gebruik nie, verhoog sy risikoprofiel. Hierdie verhoogde risiko kan tot hoër rentekoerse op lenings of selfs die weiering van finansiering lei.” Hy sê dat banke hul klem verskuif van tradisionele…

Tien Beefmasters is op pad na Zambië nadat ’n teler die diere op die tiende jaarlikse produksieveiling van Rhenostervallei Beefmasters en Beef on Grass Beefmasters op Bela-Bela aangeskaf het. Sean Cooke van Chartonel Farm in die provinsie Chongwe, Zambië, het ses stoetbulle en vier stoetverse gekoop op dié veiling wat op 14 September gehou is. Die Rhenostervallei-stoetery behoort aan dr. Hendrik Meyer en sy vrou, Ronel. Beef on Grass is die eiendom van hul seun, dr. Schabort Meyer, en skoonseun, TO Uys. Die hoogste prys op die veiling was vir die bul BOS 21-1155 HH van Rhenostervallei, wat vir R190 000 aan Hardus Steenkamp van Hardus Steenkamp Beefmasters, Lephalale, verkoop is. Die veiling is deur Vleissentraal Bosveld aangebied en Johan van der Nest het as afslaer opgetree.…

Die duurste bul is vir R70 000 verkoop op die produksieveiling van die Hencil Bonsmara-stoetery van die Van der Merwe-familie van Barkly-Oos. Die kopers was Gideon en Gawie van Zyl, ook van dié distrik. Corli van Rooyen van Trenmore, Barkly-Oos, was die genooide verkoper. Trenmore se duurste bul is vir R65 000 aan Dirk Spaargaren van Karooveld Bonsmaras van die plaas Kingslynn, Steynsburg, verkoop. Altesame 21 uit die 24 bulle wat te koop aangebied is, is vir gemiddeld R42 200 verkoop. Al 70 dragtige koeie en verse wat aangebied is, is vir gemiddeld R14 920 verkoop. Vleissentraal het die veiling aangebied en André van Zyl was die afslaer.…

BKB het op 5 September ’n goeie produksieveiling namens Louhan en Johan Fourie van die Koko-boerdery se Dormerstoetery aangebied op die plaas Heuningkrans, Smithfield. Die Koko-boerdery boer in vennootskap met Eddie en Eduard Prinsloo van Heuningkrans-Merino’s, en was genooide verkopers op die dag. Lot 4 was Koko-boerdery se duurste ram op die veiling. Hy is vir R10 000 aan Willie Pretorius en Geben Jonker van JV Boerdery, Uniondale, verkoop. Die gemiddelde prys vir Dormer-ramme was R8 666,67. JP Marais was die afslaer.…

SUID-AFRIKA moet sy pogings verskerp om landbou-produkte na Brics-lande te kan uitvoer, sê Wandile Sihlobo, hoofekonoom van Agbiz. Die GRAFIEK toon aan die linkerkant die waarde van die landbou-produkte wat Suid-Afrika vanaf 2011 na Brics-lande uitgevoer het en aan die regterkant die relatief klein persentasie wat dit van Suid-Afrika se totale landbou-uitvoer verteenwoordig het – rondom 8%. Sihlobo sê dit is weens hoë tariewe en fitosanitêre versperrings. Pres. Donald Trump wil in sy tweede termyn as Amerikaanse president nuwe invoertariewe instel. Sihlobo sê dit kan Suid-Afrika se landbou-uitvoer raak wanneer groot invoer- en uitvoerlande soos China met hul eie invoertariewe kan terugslaan. Dít kan daartoe lei dat Amerika van sy landbouuitvoerprodukte wat vir China bestem was, na ander lande sal herlei, waar dit vir Suid-Afrikaanse produkte nuwe mededinging sal skep.…

DIE hittegolf oor groot dele van Suid-Afrika in die eerste helfte van Desember verlede jaar het verskeie rekords gebreek – veral op 10 en 11 Desember. Volgens die weerdiens se voorlopige inligting vir dié twee dae is die 64 jaar oue rekord vir die hoogste minimum temperatuur in Durban-Suid gebreek toe ’n minimum temperatuur van 25,4 °C gemeet is. Die vorige hoogste minimum temperatuur is op 17 Desember 2002 aangeteken. Op Landbouweekblad se vraag oor hoekom dié datum en die aantal aangetoonde jare verskil, het die weerdiens gesê dié TABEL dui die 64 jaar se inligting aan wat nagegaan is, waarvolgens die nuwe waarde van 25,4 °C as die hoogste uitgestaan het, terwyl die temperatuur van 25,2 °C die tweede hoogste waarde in dié 64 jaar se data was. Verder…

MODELLERING deur die buro vir voedsel- en landboubeleid (BFAP) het bevind dat die bruto produksiewaarde van Suid-Afrika se tafeldruifbedryf met tot 13% kan krimp en dié van die kernvrugtebedryf met tot 4% indien die maksimum residuvlakke (MRL’e) van sleutel-chemikalieë waarop plaaslike boere staatmaak om siektedruk in boorde en wingerde te bekamp, drasties afwaarts aangepas word, soos deur die EU Green Deal in die vooruitsig gestel word. Van die chemikalieë het reeds hul status as “goedgekeur” in die EU verloor, en die proses van aanpassings aan die MRL’e wat hierdie sleutelmiddels onbruikbaar sou maak vir uitvoervrugte wat vir die EU bestem is, word tans oorweeg. Hoewel die plaaslike sitrusbedryf ook dalings in opbrengste en gehalte kan ondervind, kan die bedryf se bruto produksiewaarde met 14% styg. Dit is as gevolg van…

ALTESAAM 1,88 miljoen kartonhouers (4,5 kg) tafeldruiwe is teen week 48 van die huidige seisoen uitgevoer, 29% minder vergeleke met die 2,63 miljoen kartonhouers in die ooreenstemmende tyd verlede seisoen. Die meeste tafeldruiwe (1,42 miljoen kartonhouers) is na hul bestemmings verskeep, terwyl 65 231 kartonhouers as lugvrag uitgevoer is. Altesaam 4,32 miljoen kartonhouers is vir uitvoer geïnspekteer, 30% minder vergeleke met die 6,15 miljoen kartonhouers in die ooreenstemmende tyd verlede seisoen. Volgens die Suid-Afrikaanse tafeldruifbedryf (Sati) kan dit toegeskryf word aan die feit dat die tafeldruifseisoen in 2024 later begin het. Dit was as gevolg van die eerste somerreën wat onlangs oor die Loskopvallei in Limpopo geval het, erge ryp wat in Julie 2024 in dié vallei voorgekom het, en ’n hittegolf wat die Oranjeriviervallei in Oktober 2024 getref het.…

WOL is sedert die vroeë 1800’s die mees herwonne vesel in die klerebedryf. Tog is daar nog nooit vasgestel hoeveel keer wol herwin kan word nie. Nou het navorsing bewys dat wolklere ses keer herwin kan word en in nuwe woldraad, -materiaal en -kledingstukke omskep kan word, mits die wolvesels ’n lengte van 20 mm behou. Wanneer die vesels te kort word om te spin, kan die herwonne wol tot nywerheidsprodukte, soos matrasse of isoleringsmateriaal, verwerk word. Die resultate van die navorsing wys hoe veelsydig wol kan wees om afval te verminder en die lewensiklusse van sy produkte te verleng. Manteco, ’n Italiaanse tekstielvervaardiger wat verbind is tot kringekonomiepraktyke, en die Universiteit van Leeds in Engeland, het die navorsing gedoen. Hul bevindinge is in die vaktydskrif Journal of Cleaner Engineering…

Landbou-ekonome verwag dat die vraag na rooivleis onder verbruikers sal toeneem namate die ekonomie begin herstel en rentekoerse stelselmatig daal. Beter reënverwagtinge vir die 2024-’25-seisoen, wat kan bydra tot beter weidingstoestande, beter graanoeste en gevolglik laer mieliepryse en kleiner voerrekeninge, kan ook verligting aan boere en voerkrale bied. “As 2025 ’n normale mieliejaar gaan wees (met voorspellings wat dui op beter reënval as in die vorige somerseisoen), kan die mielieprys teen Junie en/of Julie met tot R1 500/ton daal. Dit beteken boere kan vee teen beter pryse gedurende die winter voer, terwyl dit ook die druk op voerkrale verlig,” sê prof. Johan Willemse, onafhanklike landbou-ekonoom. Volgens Red Meat Industry Services (RMIS) se slaggetalle is van Januarie tot September 2024 sowat 118 000 meer speenkalwers en sowat 400 000 meer skape…

Daar is min wintergraanboere wat weer ’n jaar soos 2024 sal wil beleef. Eers was die reën laat, toe val te veel op die verkeerde tyd en toe kom skadelike koue in die laatwinter. Genoeg van die regte kanolasaad was wéér nie betyds beskikbaar nie en ná oestyd het groot volumes koring nie die gehalteriglyne gehaal nie, terwyl baie gars se stikstof te laag was. Asof dit nie genoeg swaarkry vir een jaar was nie, bly die koringprys laag. Goeie nuus is skaars, maar boere in die Overberg en Suid-Kaap het meestal baie goeie kanola-oeste behaal en hierdie jong bedryf oortref vanjaar weer vorige oesrekords. Koringprys behóórt hoër te wees Daar is nie ’n klinkklare antwoord op die vraag of daar hoop vir hoër koringpryse is nie. Gegrond op die…

Die toepassing van bewaringsboerdery maak die afgelope 40 jaar ’n gunstige verskil aan gemengde boerderye met graan en vee in die Wes-Kaap. Groot besparings aan brandstof en sekerder oeste vanweë beter vogbewaring is van die grootste voordele. Ongelukkig word al drie beginsels van bewaringsboerdery nie oral so doelgerig toegepas nie. Wisselboustelsels word ál enger deur net winsgewende kontantgewasse te verbou, en daar word dikwels swaar op sintetiese insette staatgemaak. Bewaringsboerdery word dikwels gekritiseer omdat dit so swaar steun op chemiese oplossings, veral onkruiddoders. Ten spyte van die toepassing van geïntegreerde onkruidbekamping waarin onkruiddoders net één metode in die gereedskapskis is, sukkel boere al hoe meer om veral grasonkruid te bestry. Drastiese aksies, soos bewerkings met hoëspoed-êe en die brand van stoppels, het die afgelope paar jaar begin posvat. Omdat onkruidprobleme…

In antwoord op die groeiende behoefte aan ’n private landboukollege wat in Afrikaans onderrig gee, het Landboukollege Vrystaat in 2023 met net tien eerstejaars begin, maar in 2024 het dié Bloemfonteinse instelling behoorlik uit sy nate gebars toe 63 skoolverlaters hulle vir ’n tweejaar-landboudiploma aangemeld het. Tog is die mikpunt nie om ’n groot akademiese worsmasjien te word wat diplomas in honderde studente se hande stop nie. Daardie hande moet eerder geleer word om die take op ’n plaas te verrig, of dit nou behels om gewasse te plant, diere te versorg of ’n trekker uitmekaar te haal en weer aanmekaar te sit. “Ons wil studente lewer wat markgereed is. As hulle by ’n instelling of op ’n plaas inval, moet hulle baie vinnig kan inskakel,” sê dr. Antonie Geyer,…

Die organiseerders van die Balfourhooidag hoop om vanjaar 2 000 besoekers te verwelkom op hierdie belangrike demonstrasiedag van landboutoerusting. “Ons wil dit die grootste jaar nóg maak,” sê Dawie Brits, voorsitter van die Balfour-boerevereniging wat die dag met die samewerking van AFGRI aanbied. ’n Deel van hul aansporing is omdat die maak van hooi en voer nou belangriker as ooit is in ’n streek wat onder droogte gebuk gaan. “Baie mense vergeet hoe belangrik hooi is, maar in ’n droogtejaar soek almal hooi. Dan besef ons watter noodsaaklike deel van die landbou hooi- en voermaak is.” Om hierdie rede verander die Balfour-hooidag se program vanjaar met die toevoeging van sprekers wat boere van 09:00 tot 10:00 in die tent gaan toespreek. “Hulle gaan praat oor presisieboerdery vir hooi. Hoe om…

BKB Cradock het op 10 Oktober ’n uitstekende 19de lente-stoetveiling vir die Allin-One Crux Dohne-stoetery op die Edenburg-gholfbaan aangebied. Die duurste ram op die veiling was lot 25, wat vir R22 000 aan Netskaap (Edms.) Bpk. van Frankfort verkoop is. Die gemiddelde prys van die ramme was R9 539,47. Jong, wisseltand-ooilammers is vir gemiddeld R1 582,42 verkoop, oop tweetand-ooie vir R1 857,55 en oop viertand- tot volbekooie vir gemiddeld R1 700. Die afslaer was JP Marais.…

Merino-telers van die Wes-Kaap het vir die hoogste pryse gesorg op die 48ste produksieveiling van Heuningkrans-Merino’s van Eddie en Eduard Prinsloo. Die veiling is op 5 September op die Prinsloos se plaas, Heuningkrans, by Smithfield gehou. Die duurste stoetram (345-23-0552) is vir R30 000 gekoop deur Pieter Reynolds van die Langkloof-plase by Herold. Ander ramme wat stewige pryse behaal het, is verkoop aan die Lakenvleiboerdery by Ceres (R25 500), die Môreson-boerdery by Albertinia (R24 000 en R20 000) en die Karobo-onderneming op die plaas Doornkuil by Britstown in die Noord-Kaap (R20 000). Die gemiddelde prys vir die 62 ramme op die Heuningkransveiling was R9 483,87, met dragtige ooie wat vir gemiddeld R1 869,44 verkoop is, ooie vir gemiddeld R1 575,32 en ooilammers vir gemiddeld R1 393,33. BKB Cradock het die…

Op 12 September 2024 is ’n uiters suksesvolle veiling vir die De Koppen SA Vleismerino-stoetery van Reitz aangebied. Die afslaer, Jan Mostert, bestempel dié veiling as waarskynlik die duurste produksieveiling noord van die Oranjerivier. De Koppen het drie jaar gelede tot stand gekom danksy ’n vennootskap tussen Pierre Hattingh van Kransfontein en Abé Visser van Reitz. Dié veiling was hul derde gesamentlike produksieveiling. Pietie Becker van Warden het die hoogste prys van R40 000 vir die ram 1125 LP betaal. Dié stoetram kom oorspronklik van sy oupa. Ramme het gemiddeld R15 700 behaal, terwyl dragtige ooie vir gemiddeld R3 000 en oop ooie vir gemiddeld R2 200 verkoop is. Al die diere wat aangebied is, is verkoop. BKB Bethlehem het die veiling aangebied.…