Innehållsförteckning för 15-Jan-16 från Landbouweekblad

Die invloedryke sake-publikasie The Economist het in sy Kersuitgawe groot opspraak gewek toe hy in ’n lywige artikel skerp kritiek gelewer het oor die wyse waarop pres. Jacob Zuma en die ANC-regering Suid-Afrika regeer. Daar word breedvoerig verslag gedoen oor die onbesonne optrede van Zuma met die onverwagse en eensydige afdanking van mnr. Nhlanhla Nene as Minister van Finansies en die skadelike gevolge wat dit vir die land inhou. Die artikel sê die uitdaging vir voorstanders van die demokrasie lê daarin om die onafhanklikheid van die howe en dít wat van ander instellings oorgebly het, te probeer beskerm omdat Zuma ’n neiging toon om dit te probeer verwoes. As hy nie gekeer word nie, loop die land die gevaar dat hy net ’n leë dop van dié demokrasie gaan nalaat…

ARTIKELS & RUBRIEKE ■ ’Beesbloed’ in Kösters se are ■ Top-plaaswerker se pad na sukses ■ Natuurlike benadering sorg vir rekordoeste met makadamias ■ Veg met voeding teen kosteknyptang ■ Boereplan: Gifspuitbuksie doen lag-lag reusewerk GESIN ■ Boerekos: Kinderkos — voedsaam en fiemiesbestand VRUGTE Rusperbande kos’n (klein) plaas se prys. LBW het by’n paar boere probeer uitvind of die koste regverdigbaar is. Buiten dat dit in nat toestande gebruik kan worden brand st ofverbruikafneem,hetditook dievoordeeldatgrondverdigtingmettot70%afneemas’nrusperband pleksvan’ngewonewieloor’nlandloop. FOTO:JOHANNORVAL…

Die kans is goed dat die hitte en droogte nog ’n groot deel van vanjaar se eerste helfte gaan voortduur voordat El Niño begin verswak. (Berig op Landbou.com) SEKELBOS skryf in reaksie: Die geleerdes maak erge voorspellings. Ek wonder net of die Regering daarop ag slaan. Wat tot dusver gedoen is, dui daarop dat hulle dink die droogte sal van korte duur wees. Baie damme is nou reeds leeg en as ek lees wat gesê word, kan hierdie somer geen aanvulling verwag word nie. Ons Minister van Waterwese behoort nou te beplan vir so ’n gebeurtenis. Watter planne het die Regering om voedseltekorte te bestuur? Wat ek ook tussen die lyne lees, ons wit boere gaan nie gehelp word nie. ’n Tawwe 2016 is ons voorland . . . SAAIBOER…

DIE heersende El Niño, een van die sterkste in menseheugenis, het waarskynlik uiteindelik sy hoogtepunt bereik, volgens aanwysers in die Australiese buro van meteorologie se jongste verslag oor die Enso-indeks, wat die stand van El Niño aandui. “In die sentrale tot oostelike Stille Oseaan het temperature op en onder die see-oppervlak in die jongste weke begin afkoel, hoewel dit steeds op sterk El Niño-vlakke is,” lui die verslag. In die atmosfeer bokant dié gebied het die Suidelike Ossilasie-indeks (waaraan die verskynsel ook gemeet word) reeds tot swak El Niño-vlakke afgeneem, sê die verslagskrywers. Nóg goeie nuus uit die verslag is dat die 26 El Niño’s sedert 1900 meestal deur ’n neutrale jaar opgevolg is; en 40% deur La Niña, wat dikwels met normale of bogemiddelde reënval in Suid-Afrika se somerreënstreek…

Die Facebook-groep Waternood Suid Afrika het die afgelope twee weke groot belangstelling ontlok. Dié groep span reisigers en pendelaars in om geskenkte drink- en tenkwater na gebiede in nood te vervoer. Só het sake verloop: Me. Caroline van Saasen, van Middelburg in Mpumalanga, stig op 27 Desember ’n Facebook-groep wat binne sewe uur sowat 400 lede werf. Sy kry raad by die Boere in Nood-groep oor watter gebiede hulp sal waardeer. Teen 6 Januarie het 10 000 mense by die groep aangesluit, en sowat 150 000 liter water is geskenk en vervoer. Skenkers merk hul bottels en houers water met DW vir drinkwater en TW vir tenkwater. Dit word afgegee by versamelpunte wat deur vrywilligers bestuur word. Mense bied op die Facebook-groep aan om hierdie water met hul bakkie of…

DR. LOUIS EHLERS, Omnia se bestuurder van landboukundige dienste, sê volhoubare saaiboerdery in gebiede met ’n lae en wisselvallige reënval en die gepaardgaande hoë droogterisiko berus op die toepassing van grondbewerkingspraktyke en gewasverbouingstelsels wat ook in droë jare goeie oeste sal verseker. Die volgende riglyne kan gebruik word om dié doel te bereik: Vir die doeltreffende opgaar van reën moet die grond ’n minimum totale plantopneembare waterhouvermoë van ten minste 150 mm hê. Die hoeveelheid reën wat vir opgaring beskikbaar is, kan verhoog word deur die periode waaroor die opgaring plaasvind, te verleng. Plant slegs die lande wat ten minste 100 mm plantbeskikbare water in die grondprofiel opgegaar het. Vermy onnodige bewerkings en evalueer die doeltreffendheid van alle bewerkingsaksies wat uitgevoer word. Verhoog infiltrasie en verminder die afloop van water…

DIE skielike afdanking van mnr. Nhlanhla Nene as Minister van Finansies einde verlede jaar kan Agri SA se planne om sy grondhervormingsmodel gefinansier te kry met etlike maande vertraag, sê mnr. Johannes Möller, voorsitter van Agri SA. “Ons was op die punt om ’n vergadering te belê met die ministers van Landbou, Grondhervorming en Finansies saam met die President toe Nene afgedank is. Dit was ’n groot terugslag vir die hele proses,” sê Möller. “Ons begin nou weer van voor af met min. Pravin Gordhan. Om só ’n vergadering gereël te kry, kan maande duur.” Dit is veral belangrik om ’n werkbare finansieringsmodel te kry noudat mnr. Gugile Nkwinti, Minister van Landelike Ontwikkeling en Grondhervorming, ’n voorstel van Agri SA aanvaar het dat boere vir die volgende vier jaar vrywillig…

DIE ondersoek na ’n bedrogsindikaat wat vermoedelik uit die Sentraal-gevangenis in Pretoria beheer word en wat verskeie boere met derduisende rande ingeloop het, sloer tot groot frustrasie van die klaers. In een van die jongste gevalle is mnr. Stefan Weydeman, ’n boer van Bultfontein in die Vrystaat, R21 000 kwyt nadat hy lusern wou koop. Weydeman boer in die distrik Bultfontein, waar sy weiding nou soos sandduine lyk. “Ons voer ons vee al die afgelope ses maande omdat dit in Februarie verlede jaar laas hier gereën het. Ek het op advertensies vir veevoer op Facebook, OLX en in die koerante gereageer.” Nog ’n boer, mnr. Jurgens (Tolla) van Vuuren, van die plaas Damspruit naby Theunissen, is R52 500 in vermoedelik dieselfde bedrogspul kwyt. Weydeman is gefrustreerd omdat die polisie-ondersoek sloer.…

Sogenaamde superkieme wat teen meer as een soort antibiotika bestand is, is alte algemeen in die vleis wat op Amerikaanse supermarkrakke te koop is. Só wys ’n ondersoek wat die gesaghebbende, nie-winsgewende tydskrif Consumer Reports oor drie jaar gedoen het. Die tydskrif, wat deur die land se verbruikersunie uitgegee word, het in dié tyd honderde pakkies rooivleis, pluimveevleis en garnale op supermarkrakke vir bakteriebesmetting laat toets. “Bakterieë wat teen antibiotika bestand is, is maar net te algemeen in ons vleisvoorraad,” sê dr. Urvashi Rangan, uitvoerende direkteur van Consumer Reports. Vleis van diere wat nie met antibiotika behandel is nie, was minder besmet, maar ook nie altyd veel minder as dié van diere wat wel met antibiotika behandel is nie. Die uitslag was: Beesvleis, 300 pakkies getoets, 14% met superkieme besmet.…

PLAASINLIGTING LIGGING: Durbanville,Wes-Kaap   KORTOM Sedert mnr. Phil Roux as hoof van Pioneer oorgeneem het, het die wins verdubbel. Een van die maniere waarop hy dit reggekry het, is om handelsmerke die hart van die besigheid te maak. Bly doeltreffend, maar bestuur arbeid beter, sê Phil. As jy twee en ’n half jaar gelede vir Pioneer Foods wou koop, sou jy ’n tjek van R13 miljard moes uitmaak. Vandag is die maatskappy R47 miljard werd. Baie mense meen dié allemintige groei van R34 miljard in markwaarde is grootliks te danke aan die uitvoerende hoof, mnr. Phil Roux (49), voorheen van Tiger Brands en Coca-Cola. Maar hy skram weg van dié kompliment. Dis sommer nonsens dat Pioneer ’n omkeerstrategie nodig gehad het, sê hy. Dit was eerder ’n geval van ratser…

1. CLAAS CROP TIGER 40: STROOP VAN KORING TOT RYS Hierdie reeks Claas-stropers vir die kleiner boer word in Indië gebou en hoofsaaklik daar versprei. Die nuwe Crop Tiger 40-model word met ’n Tata-enjin van 56 kW toegerus en het ’n 1 700 l-graantenk wat teen 30 l/sekonde afgelaai kan word. Die enkelrotor-ontwerp maak die oes van allerlei gewasse, soos koring, rys en mielies, moontlik. Die uitgestalde model het ’n koringtafel wat 3,2 m wyd is en is toegerus met Claas se opsionele TerraTrack-rusperbandstelsel. Modelle met wiele is ook beskikbaar 2. KUHN SPW: SENTRALE REKENAAR BEHEER ALLE FUNKSIES Die reeks selfaangedrewe SPW-voermengers deur Kuhn is in drie modelle beskikbaar wat onderskeidelik 19 m3, 22 m3 en 25 m3 hou. Die mengers word almal met ’n kuilvoerrasper toegerus, het twee vertikale…

BOER MET BYE KLIM OP DIE BYEBOERWA Die volledige byekorf ( FOTO 1 ) van dennehout, bestaan uit ’n vloerbord (R112,42), broeikas (R180,84) koningin-uitsluiter (R59,84), super (R128,81), superraam met wasvel ( FOTO 2 , R27,86) en sinkdeksel (R190,61). Byeboere wat net swerms vir bestuiwing aanhou, benodig nie die koningin-uitsluiter, super en superrame nie. Saam met dié stel kan dié wat in die produksie van heuning spesialiseer, ook ’n vlekvryestaalroker (R309,45) en vlekvryestaal-dubbelheuningsif (R481,01) aanskaf. Gebruik eerder ’n goiingsak in die roker, aangesien dit koue-rook verskaf wat die bye verwar, maar nie sal beseer nie. Prys: Die pryse verskaf sluit BTW in. NAVRAE: Mnr. Ruan Schreiber, Die Koöperasie, tel. 041 007 0580, sel 082 609 8282; e-pos: ruans@humkoop.co.za. KABELBINDERS HERWIN IS IN As jy moeg is vir kabelbinders wat net een…

Die Wieg van die Mensdom naby die Sterkfontein-grotte in die omgewing van Kromdraai is in 2000 as ’n Wêrelderfenisgebied verklaar ná die ontdekking van oeroue menslike beendere en fossiele. Die plaaspaaie in die “Cradle”, soos die meeste mense die roete noem, het agt jaar gelede ’n laag goeie, growwe teer en later ’n gladder teeroppervlak gekry, wat dit ’n paradys vir padfietsryers gemaak het. In dié tyd het die bergfiets-rewolusie egter oor Suid-Afrika heen ontplof en meer informele enkelbaan-paadjies het reg langs die teerroete begin ontstaan. Namate bergfiets-geesdriftiges ál meer die informele paadjies begin ry het, is daar besluit om dit “amptelik” te maak deur die roetes reg rondom die “Cradle” wyer te maak (en sommer in die proses ook werk te skep). Die enkelbaan is nou sowat 1,5 m…

’N VRYE handelsooreenkoms wat tussen Australië en China gesluit is, sal meebring dat daar oor vier jaar geen invoertariewe op Australiese makadamianeute na China gehef word nie. Dít terwyl Suid-Afrikaanse boere ’n tarief van 24% sal moet opdok. “As die Chinese nie Suid-Afrikaanse tariewe aanpas nie, gaan ons boere daardeur benadeel word,” waarsku mnr. Derek Donkin, hoof van Subtrop, die sambreelliggaam vir subtropiese vrugte en neute. Hy het op dié organisasie se onlangse simposium op Witrivier gesê die Suid-Afrikaanse Regering moet kennis neem van sulke ontwikkelinge. Hy meen die Regering moet vroegtydig optree om met ander regerings vir bedrywe se mededingendheid te beding. Hy sê makadamias het ’n belangrike kommoditeit in provinsies, soos Mpumalanga, geword waar dit naas steenkool die grootste bydrae tot die provinsie se inkomste lewer. Ongeveer 40%…

62 Die plaasmoordsyfer het vir die vyfde agtereenvolgende jaar toegeneem, aldus AfriForum. In 2014 is 61 plaasmoorde bevestig en teen Kersfees laas jaar het die plaasmoordsyfer vir die jaar al op 62 gestaan. Daar was wél minder plaasaanvalle, maar meer moorde. In 2014 is 279 aanvalle aangeteken en verlede jaar is 270 aanvalle tot voor Kersfees aangemeld. Die meeste moorde was in Gauteng (13), gevolg deur Limpopo (11) en KwaZulu-Natal (8). – AfriForum 33,3% Die rand het verlede jaar bykans ’n derde van sy waarde teenoor die dollar verloor en aansienlik bygedra tot die styging in brandstofpryse. Op 29 Desember 2014 het die rand teen R11,60 teenoor die dollar verhandel en op 29 Desember verlede jaar was dit R15,30. Weens pres. Jacob Zuma se optrede verlede maand het die rand…

‘Jou saak met jou Skepper moet reg wees wanneer jy op ’n moordenaar se spoor begin loop.’ Mnr. Sakkie Louwrens, misdaadbestryder van die Heritage Protection Group in Limpopo. Bl. 22 ‘Baie boere het besluit om die kans te waag om in droë grond te plant met die verwagting dat dit sal kom reën. Dit het egter nie gebeur nie.’ Me. Petru Fourie van Graan SA. Bl. 14 ‘Ek meen pres. Bill Clinton se visie met Agoa het verlore geraak, en eng kommersiële belange tree na vore.’ Mnr. Kevin Lovell, uitvoerende hoof van die SA Pluimveebedryf. Bl. 18 ‘Dit het nou die boere se heeltydse werk geword om die myne op te pas.’ Mnr. Piet Schutte, boer van Delmas, wat langs ’n Gupta-steenkoolmyn boer. Bl. 20 ‘Ons is gewoond aan hittegolwe,…

DIE mielie-aanplantingstyd is nou vir alle doeleindes verby en slegs 22% van Suid-Afrika se vernaamste westelike mielieproduserende gebiede is beplant. Vrese bestaan dat nie eens al hierdie aanplantings tot oeste sal lei nie. Me. Petru Fourie, landbou-ekonoom by Graan Suid-Afrika, sê luidens die jongste opname onder boere is slegs sowat 25% van Noordwes en 20% van die noordwestelike en sentrale Vrystaat se mielieproduksiegebied beplant, vergeleke met die Nasionale Oesskattingskomitee se syfers vir mielie-aanplantings gedurende 2014-’15, wat dui op gemiddelde hektare wat beplant is. “Boonop toon die syfers net die persentasie van aanplantings wat gedoen is, maar die ander belangrike faktor wat in ag geneem moet word, is die oespotensiaal van dit wat in die grond is. Baie boere het besluit om die kans te waag om in droë grond te…

WYNMAKERS wat gedink het hulle gaan nog in Januarie vakansie hou, se planne is kortgeknip deur ’n vroeë parstyd weens uitermatige hitte en droë toestande. Veral die droëlandboere in die Swartland en Darling trek swaar. Mnr. Adi Badenhorst van Kalmoesfontein naby Malmesbury sê sy damme is dolleeg. “Ons is gewoond aan hittegolwe, maar verlede jaar was daar darem nog ’n bietjie vog in die grond wat die stokke kon help om die hitte te weerstaan.”Hy skat sy oes gaan vanjaar 20% tot 30% ligter wees omdat die korrels kleiner is as gevolg van droogtestres. “Ons sal versigtig moet wees in die kelder, want daar sal bietjie meer tannien in die druiwe wees.” Mnr. Henning Burger van Oranjerivier-wynkelders sê die streek het sowat ’n week lank temperature van ongeveer 45 °C…

1 ZIMBABWE|Hongersnood dreigweensminmielies Meulenaars in Zimbabwe het op 31 Desember gewaarsku dat nog net agt weke se mielievoorrade in Zimbabwe oor is en dat erge hongersnood die bevolking bedreig. Zimbabwe het die afgelope jare mielies van sy buurlande ingevoer, maar met die huidige droogte het selfs Zambië se agentskap vir ’n voedselreserwe (FRA) enige uitvoer verbied. Die meulenaars kla dat hulle verskeie versoeke tot mnr. Joseph Made, minister van landbou, gerig het vir permitte om mielies van Suid-Afrika en Suid-Amerika te kan invoer, maar dat dit nog nie toegestaan is nie. Die meulenaars sê voedsel is ’n grondwetlike reg en hulle eis dat invoerpermitte toegestaan word andersins sal hulle die howe vra om die regering te dwing om permitte toe te staan.- ANA 2 KENIA | Besluit oor uitvoersubsidies In…

WAT SPOOR JOU AS WYNMAKER AAN? Ek maak wyn wat ander mense kan geniet. Ek probeer verstaan wat verbruikers se verbeelding of palet aangryp. Ek bestudeer dinge tot in die fynste besonderhede en probeer elke jaar voortbou op dit wat ek geleer het. HOE KRY DIE KWV DIT REG OM SÓ TE PRESTEER IN KOMPETISIES? Ek voel ek is nou, ná amper sewe jaar by die KWV, op die punt waar ek die wingerde verstaan. Niks kan kennis en ervaring van jou wingerd klop nie. Ek is ook obsessief oor gehalte. Ek kyk altyd eerste na die wyn wat ’n brons medalje of glad nie ’n medalje gekry het nie, want dis waar die werk lê. Niks kan ook ’n span vervang wat ’n passie het vir wat hulle doen…

Omdat witborskraaie sulke opportunistiese vreters is, pas hulle maklik by ’n veranderende omgewing aan, sê me. Ronelle Visagie van die Trust vir Bedreigde Natuurlewe (EWT) se Platberg-Karooroofvoëlprojek op Strydenburg. Hulle aas wyd, onder meer op vullishope, plekke waar slagplase afval uitgooi, asblikke langs paaie, dooie diere in die veld en die klein kuikens van ander voëls. Hulle eet selfs mielies en grondboontjies, en pekanneutboere het al gesien dat die kraaie neute vreet. Hulle pas maklik in dorpe aan en skeur sommer vullissakke oop op soek na kos. Groot arende word van hul neste verjaag en die eiers of klein kuikens word dan gevreet. Ronelle sê alle inheemse diere, wat die kraaie insluit, word in die Noord-Kaap beskerm en mag nie sonder ’n permit gejag word nie. Sy waarsku ook dat…

My pa het altyd gesê jy moenie klem op jou inkomste lê nie, maar eerder op jou uitgawes. Hy het geredeneer dat as jy nie jou uitgawes beheer nie, geen salaris ooit genoeg sal wees nie. En hy was reg: Ek het nog nooit ’n probleem met my salaris gehad nie; net met my uitgawes. Dit is eintlik ’n baie algemene verskynsel wanneer werknemers bevordering en ’n salarisverhoging kry. Vir die eerste paar maande daarna het hulle ekstra geld en gaan alles voor die wind. Maar daarna het hul leefstyl permanent verander en is hulle skielik terug in dieselfde skuldspiraal waarin hulle voor die verhoging was. In die afgelope 11 jaar by PSG het die woorde van my pa ietwat in my lewe verander. Nou is dit: Ten einde welvaart…

Handelsmerke, soos Sasko, Bokomo en Ceres-vrugtesap, kan eintlik as ikonies beskou word, sê mnr. Martin Neethling, Pioneer Foods se hoofbemarkingsbestuurder. “Hulle verteenwoordig op ’n manier ons Suid-Afrikaansheid. Daar is baie min huise in Suid-Afrika wat nie op die een of ander manier deur die handelsmerke geraak word of met hulle grootgeword het nie.” Dit is handelsmerke met ’n spesiale plek in verbruikers se hart – iets waarna elke maatskappy streef. “Handelsmerke behoort aan die verbruikers wat hulle koop. Ons is net die voogde daarvan, en dis nogal vir my ’n mooi gedagte. Ons verstaan handelsmerke is soos gereedskap vir besigheid, maar hierdie handelsmerke sal bly voortleef, lank ná ons. Dit is dus belangrik dat ons die handelsmerke sterker maak. Ons moet dus baie versigtig daaroor dink.” Hy sê die meeste…

Sitrusboere maak net met een ding geld, en dit is deur die aantal kartonhouers wat hulle per hektaar oes, sê mnr. Jannie Toerien, bedryfsdirekteur van Patrysberg, net noord van Citrusdal. “Minder as 2 000 kartonhouers per hektaar is nie lewensvatbaar nie,” verduidelik hy. Hy en mnr. Corlie Junius, die bestuurder van Patrysberg, beywer hulle egter nie net vir opbrengs nie, maar ook vir interne gehalte en goeie vruggrootte. Patrysberg spog met van die hoogste uitpakpersentasies in die vallei. Verlede jaar was dit 79% en die jaar vantevore 85%. Hulle plant sowat 265 ha sitrus op drie plase en lê hoofsaaklik klem op sagtesitrus (wat wêreldwyd meer gewild raak), suurlemoene en nawels. Die boerdery het ook sy eie pakhuis, Patrysberg Verpakking, en ’n werkerstrust met 35 begunstigdes. “Die wisselkoers het die…

VOER HENDRIK VAN PLETZEN DROOGTEVOEDING SONDER RUVOER VIR SKAPE Ek boer met Dorpers. Die weiding is klaar en die boere rondom my het ook nie meer gras nie. Wat sal gebeur as ek my skape slegs kragvoer gee, soos mielies en Maxiwol of mielies gemeng met SS200, maar daar is geen ruvoer vir hulle om te vreet nie? In buitengewoon strawwe droogtetoestande kan skape uitsluitlik kragvoer sonder ruvoer gevoer word om te oorleef. Mielies is die beste energiebron in droogtetoestande. Hoewel mielies duur is, is die koste per eenheid energie in die meeste gevalle laer as ander voerbronne. Die grootste risiko met mielievoeding is suurpens. Daarom is dit noodsaaklik om mielies te meng met ’n konsentraat wat die nodige buffers, proteïene, minerale en spoorminerale bevat. Meng 800 kg mieliemeel met…

lbotha@landbou.com LIGGING Robertson,Wes-Kaap Dis nie altyd maklik om ’n skip om te draai nie. Daarom het hulle besluit om eerder ’n nuwe, moderner skip te bou, gesels mnr. Danie de Wet van die De Wetshof-wynlandgoed buite Robertson. Tydens die bekendstelling van De Wetshof se nuwe wynetikette wat die terrein van oorsprong van elke wyn weerspieël, asook die eerste keer met die CVC-halsnoer verfraai word, het Danie ’n bietjie lig gewerp op die visie en werking van die skip genaamd CVC (lees die kassie “De Wetshof se nuwe voorkoms spog ook met CVC-das”). CVC is in 2013 aan die media en ander rolspelers in die spoggerige Ellerman-huis in Kaapstad onthul. Dit is ’n organisasie wat daarna strewe om groter bewustheid van Suid-Afrikaanse premie- en superpremiewyne te skep en status daaraan te…

A History of the Jersey Breed in South Africa deur James Paterson, 2015. Prys: R400. Bestellings: Tessa Opperman by Jersey SA, tel. 051 430 8020 of tessa@jerseysa.co.za. Die boek, met pragtige volkleuren swart-en-wit-foto’s, gee ’n blik op die geskiedenis van die Jersey-ras in Suid-Afrika. Dit bou voort op dr. G.D Nel se boek Jerseys in Southern Africa, wat tot die middel 1960’s strek. Die geskiedenis word egter gedurig herskryf en sommige van die idees wat destyds gegeld het, het intussen plek gemaak vir nuwe interpretasies. Dit word alles in die boek ondersoek. Die boek kyk onder meer na die beeste op Jersey-eiland, hul aankoms in Suid-Afrika en onvergeetlike bulle en koeie wat ’n onuitwisbare invloed op die ras op eie bodem gehad het. Die legendariese families wat die ras help…

DS. KOBUS VAN DER WESTHUYZEN As jy beton meng om ’n gebou se fondamente te vestig, moet jy seker maak die verskillende elemente word volgens die verhouding in ’n kundige voorskrif aangemaak. Te min of te veel van enige bestanddeel kan groot probleme veroorsaak, wat selfs die gebou kan laat intuimel. Dit geld ook ’n ander ‘gebou’, naamlik die Kerk van Christus. Die apostel Paulus praat juis in sy eerste brief aan die Korinthiërs daaroor. Die gebou se fondament is stewig gelê, maar hy vermaan die gelowiges om met groot verantwoordelikheid daarop te bou. “Christus is die fondament en elkeen moet oppas hoe hy daarop bou” (vgl. 1 Kor. 3:9-16). As dit gaan oor die suiwerheid van die kerk, duld Paulus geen kompromis nie. ’n Mens moet sy brief aan…

SUID-AFRIKA se beroepsjagtersvereniging Phasa het ’n nuwe maatskaplike verantwoordelikheidsprojek, Hunters Care, van stapel gestuur. Dit is gedoen as teenvoeter vir die vele media-aanslae wat die trofeejagbedryf die afgelope tyd beleef het. Mnr. Johann Combrink, lid van Phasa se uitvoerende komitee, sê dié projek is nodig om die maatskaplike bydraes wat beroepsjagters lewer, duidelik te bepaal en bekend te maak. Phasa se fonds vir bemagtiging en bewaring het byvoorbeeld al meer as R15 miljoen bestee aan die opleiding van wildbewaarders en gidse uit voorheen benadeelde gemeenskappe en onder meer ook aan wildnavorsing en teenstropingsprojekte. “Terugvoer van lede wys dat Phasa se gemiddelde lid nagenoeg R100 000 per jaar aan humanitêre inisiatiewe bestee,” sê Combrink. “Die beroepjaggemeenskap se bydraes tot gemeenskapsontwikkeling word nie na waarde geskat nie en is boonop moeilik om…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, e-pos: lbw@landbou.com. ALGEMEEN 1 SEPTEMBER-29 FEBRUARIE 2016: Gabriëlskloof se kosblikervaring. Gabriëlskloof-landgoed, Botrivier. Tel. 028 284 9865 of e-pos: restaurant@gabrielskloof. co.za. 11-13 FEBRUARIE: Heidelberglandbouskou: Skaap-, bees- en perdeskou, e-pos: bwonder mail@gmail.com, Lindie Giliomee, sel 084 575 9984. 16 MAART: Bonsmara-genootskap SA se Rooi Geleentheid om 08h00 en jaarlikse veiling om 14h00. Afridome, Parys. Tel. 051 448 6084, of e-pos: marketing@bonsmara.co.za. 18-19 MAART: Plaaskultuurfees, demonstrasies van antieke landboutoerusting, bees- en skaapstoetery-uitstalling, Valencia, sel 082 775 1675, e-pos: vpieter se@vodamail.co.za. BOEREDAE 8 MAART: MPO Wes-Kaap. George, Tramonto. Chanelle Steenekamp; sel 076 774 1284; faks 086 607 4800; e-pos: chanelle@mpo.co.za. 9 MAART: MPO Wes-Kaap. Swellendam, Chris & Ella.…

Dit is nie veronderstel om so te lyk nie. Die Kraairivier, wat die water uit al Barkly-Oos se honderde kilometers riviere en bergstroompies ontvang en dit dan naby Aliwal-Noord in die Oranjerivier stort, is nou niks meer as ’n paar poele onder in die vallei nie. Dit is die eerste keer in 43 jaar se besoeke aan die distrik dat ek dit só sien. ’n Paar dae tevore raak Aliwal-Noord se dorpswater op: Die eerste keer in die geskiedenis van ’n dorp wat op die oewers van een van ons grootste riviere staan. Die bietjie water in die winkels hou ook nie lank nie. Daar word darem water uit die Katse-dam in Lesotho gelaat. Terwyl almal wag daarop, spring die plaaslike Shoprite/Checkers in met skenkings van gebottelde water. Dis nie…

DR. HINNER KÖSTER wat saam met sy broer, Heiko, en skoonsuster, Esté, volhoubaar op 24 ha grond met beeste, skape en hoenders boer. VERTEL ONS VAN JOU GESIN. Ek en my vrou, Annatjie, het ’n seun, Bernhard (10). Saam met my in die boerdery is my broer, Heiko en sy vrou, Esté, wat twee kinders het, ’n dogter, Emma (14), en ’n seun, Leo (10). WAAR HET JULLE GESTUDEER? Ek het ’n doktorsgraad in herkouervoeding aan die Kansas-staatsuniversiteit in Amerika behaal, Heiko het ’n meestersgraad in veekunde aan die Universiteit van Pretoria verwerf en Esté het ’n doktorsgraad in diereteling aan die Universiteit van Pretoria. HET JY ’N STOKPERDJIE? Ek speel graag gholf. WAAR HOU JULLE VAKANSIE EN HOEKOM JUIS DAAR? Op Plettenbergbaai, waar ons ’n vakansiehuis het. Ons probeer…

Suid-Afrika en Amerika kon mekaar nie betyds vind in onderhandelinge oor die invoer van Amerikaanse vleis nie, met die siekteveroorsakende bakterie salmonella die struikelblok. Kort voor druktyd is ’n ooreenkoms glo wel bereik en het die kans beter gelyk dat die Suid-Afrikaanse landbou sy tariefvoordele kragtens die Amerikaanse wet op groei en geleenthede in Afrika (Agoa) sou behou. CARIEN KRUGER het mnr. Kevin Lovell, uitvoerende hoof van die Suid-Afrikaanse Pluimveebedryf (SAPV), uitgevra. Wat was die twispunte rondom salmonella? Amerika wou ’n hoër vlak van toelaatbare teenwoordigheid hê as wat ons toelaat. Hulle was ook onwillig om te bepaal presies watter soort salmonella dit is wanneer daar positiewe monsters is. Nie alle soorte Salmonella is uit ’n diere- of menslike gesondheidsoogpunt ewe sleg nie. Sal baie Amerikaanse hoendervleis ingevolge Suid-Afrikaanse salmonella-standaarde…

KORTOM Na verwagting gaan die prys van beesvleis ná die huidige droogte skerp styg. Dit gaan minstens twee tot drie reënvalsiklusse duur vir die weiveld om te herstel. Etlike duisend ton gesogte snitte word elke maand na die Midde-Ooste en ander Afrikalande uitgevoer. In die jongste drie tot vier jaar het ondernormale reënval in die land se veeweidingsgebiede voorgekom. Dit het daartoe gelei dat die kuddes – veral beeskuddes, maar ook skaapkuddes – gekrimp het. Die beeskuddes het verminder weens droogte, maar veral weens die uitbreiding in die wildbedryf. Verskeie beesboere het na wild oorgeskakel. Dit is makliker om kleiner getalle duur wild deur die droogtesiklus te haal as ’n kudde met 800 koeie. Dan kom besparings aan arbeid en ander aspekte ook ter sprake. Daar is mense wat meen…

Pioneer Foods se produkte is van so ’n aard dat die maatskappy ’n lang pad saam met verbruikers kan stap soos hulle welvarender raak. Volgens mnr. Martin Neethling, hoofbemarkingsbestuurder, beteken groter welvaart dat die inhoud van mense se mandjies deesdae anders lyk. Die maatskappy vervaardig nie net basiese produkte nie, maar ook produkte met toegevoegde waarde, soos graankos. Die veranderende landskap in Suid-Afrika beteken nie dat mense Pioneer se produkkategorieë verlaat nie. Inteendeel, hulle beweeg in beter, winsgewender kategorieë in. “Ons bly op die tafels van middelklashuishoudings, want soos hul behoeftes verander, het ons nuwe produkte vir hulle.” Mnr. Phil Roux, uitvoerende hoof van Pioneer Foods, beskryf dit as ’n gradeplegtigheid op die produkkontinuum. Mnr. Tertius Carstens, uitvoerende hoof vir die kernvoedselbesigheid by Pioneer Foods, glo graankos met koring en…

WATTER TEGNOLOGIE IS ONONTBEERLIK IN JOU BOERDERY? Die internet. Daar is nie meer ’n verskoning om nie inligting oor enigiets te kry nie. HOE HET DIE WINGERD- EN WYNVERTAKKING JOU ANDERS OOR GROND, BOERDERY EN BEMARKING LAAT DINK? Daar bestaan nie meer iets soos ’n swak plaas nie, ’n mens moet net met die regte goed op die regte manier boer. Die era van “boer” en staatmaak op die Regering of ander instellings vir die sukses en bemarking van jou onderneming en produkte, bestaan ook nie meer nie. Hoe gouer weggedoen word met “tradisionele denke” oor grondbesit, produksie, bemarking en die bestuur van boerderye hoe gouer kom sukses. ONDERVIND JY DAT WEER- EN REËNVALPATRONE BESIG IS OM TE VERANDER? Nee, ’n mens vergeet gou van die droogtes en hoë reënvaljare…

WAT IS DIE BESTE RAAD WAT JY TOT NOG TOE GEKRY HET? Ons het ons eie kundigheid en ondervinding van jare se betrokkenheid in die breë landboubedryf gebruik om die boerdery tot op sy huidige vlak uit te brei en die regte vertakkings en praktyke te vestig. Ons het nie spesifieke raad daarvoor gekry nie. WAT IS DIE GROOTSTE FOUT WAT JY IN DIE BOERDERY GEMAAK HET? Om ook met varke op die hoewe te boer, met ’n eenheid van slegs 50 sôe. Dit is té klein om intensief en winsgewend met varke te boer, maar daar was nie ’n moontlikheid vir uitbreiding nie. Daarom is daardie vertakking gou stopgesit. WIE WAS JOU MENTOR? My ouers, Hans en Heide Köster, mnr. Glenn Klippenstein (bekende in internasionale Hereford- en Amerikaanse landboukringe…

Ons kennis oor die natuurlike wêreld is so gefragmenteer en vol gapings dat ons sukkel om die verband tussen gebeure en dinge te sien. Veral boere staan voor groot uitdagings. Die joernalis Andy Coghlan het in 2008 in die wetenskaptydskrif New Scientist geskryf dat ons nie net op boere staatmaak om genoeg kos vir ’n groeiende wêreldbevolking te verbou nie. “Hulle word ook voogde van die natuur, kampvegters in die stryd teen klimaatsverandering, enjins vir ekonomiese groei en ghoeroes wat tegnologie en opvoeding na die diepste dele van die platteland neem.” Die boeke wat hier bespreek word, kan help om kennisgapings te vul en hopelik perspektief gee. Dis boonop lekker leesstof. Die swak rand maak ongelukkig die boeke baie duur. Gelukkig is hulle teen laer pryse as eboeke beskikbaar. ONDERGRONDS…

Ouma Franken se boerpastei “My ouma aan my ma se kant, Ouma Franken, is in die Stanford-distrik gebore. Haar liefde vir kosmaak kom direk uit die Overberg. Sy het gehou by die kookkuns van haar streek, en sy het ’n hand vol speserye – naeltjies, kaneel, neutmuskaat, wonderpeper, gemmer en anys – gebruik om ’n hele rits geregte te maak. Van heerlike vleispasteie tot die beste soetkoekies onder die son.” – M.E. Vulsel ■ 1 kg beesbinneboud (topside), in blokkies gesny ■ 1 kg varkboud, in blokkies gesny ■ 8 heel naeltjies ■ 3 lourierblare ■ 80 ml sago ■ 60 ml appelasyn ■ 100 ml bruinsuiker ■ Sout en witpeper na smaak Kors ■ 500 g bruismeel ■ 5 ml sout ■ 250 g botter ■ 1 groot vryloopeier…

Die Robertsonse landgoed De Wetshof is een van die eerstes wat spog met ’n Cape Vintners Classification (CVC) -etiket om die bottelnek. Die nuwe etiket is bekend gestel tydens ’n geselligheid in die Mount Nelson-hotel in Kaapstad waar die media ’n eerste kykie gekry het na die landgoed se nuwe verpakking, wat elkeen van die terreinspesifieke Chardonnays ’n eie identiteit gee. Die wyne met die nuwe voorkoms is Bateleur, The Site, Finesse, Limestone Hill en Bon Vallon (sien die foto hierbo). Mnr. Johan de Wet, bemarker, sê die familie is al jare lank besig met die idee van terreinspesifieke wyne. “Elke wingerd het sy eie persoonlikheid en karakter en ons wou iets daarvan in die verpakking vasvang. CVC het boonop die projek na ’n nuwe vlak gedryf.” Sy pa, Danie,…

Raising Superheroes deur Tim Noakes, Jonno Proudfoot en Bridget Surtees. Uitgewer: The Real Meal Revolution. Prys: R330. Eers het Die Kosrevolusie grootmense geleer dat ’n dieet met ’n hoë vet- en medium-proteïeninhoud eintlik baie goed is vir jou en die ekstra vetjies op ’n gesonde manier kan laat wegsmelt. Dié siening het mense se lewens verander. Die boek was só gewild dat bykans 200 000 huishoudings in Suid-Afrika ’n eksemplaar van dié rooi kosbybel in Afrikaans of Engels (The Real Meal Revolution) besit. Nou is daar ’n bloue om langs die rooie uit te stal. Die resepteboek Raising Superheroes (nog nie in Afrikaans te kry nie) bevat dieetriglyne en advies oor voedingswaarde om sterk, gesonde en slim kinders groot te maak. Die outeurs, prof. Tim Noakes, sjef Jonno Proudfoot en…

Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku BLOKKIESRAAISEL DWARS 1. Element P (6) 4. Visvang (6) 8. Radioaktiewe element (5) 9. Hindo-kleed (4) 10. Rosekrans (8) 13. Vir 'n bepaalde doel (5) 15. Kerm en kla (5) 18. Monster (8) 19. Edelgas (4) 22. Vertoon (5) 23. Sangerig (6) 24. Dryfveer (6) AF 1. Bolplant (7) 2. Pakhuis (5) 3. Plig (4) 5. Seevis (7) 6. Bier (5) 7. Nie oordrewe nie (5) 11. Liggaamsholte (4) 12. Baai in…

NEDERLAND en Suid-Afrika het onderneem om hul samewerking ten opsigte van die landbou, wetenskap en tegnologie te verhoog toe ’n regeringsafvaardiging van dié land Suid-Afrika besoek het. ’n Ooreenkoms om byvoorbeeld indringerplante in boumateriaal vir huise te omskep, is deur die Nederlandse maatskappy Eltomation BV en die Suid-Afrikaanse Wood@heart onderteken. Dié ooreenkoms is deel van verskeie samewerkingsooreenkomste tussen die twee lande wat die landbou, wetenskap en tegnologie insluit. Mnr. Bert van Elten, besturende direkteur van Eltomation BV, sê ’n indringerplant, soos die populierboom, sal byvoorbeeld gebruik word om sementplate van hout vir behuising te vervaardig. Pres. Jacob Zuma het gesê Nederland stel veral in Suid-Afrika belang as ’n vennoot vir handel en belegging. Zuma en premier Mark Rutte van Nederland het verdere moontlike beleggingsgeleenthede in Suid-Afrika se oseaan-ekonomie, energiesektor en…

GAUTENG CARLETONVILLE DANKBAAR (640), 562 ha, aan Expectra 272 (Edms.) Bpk., van Eagle’s Nest Inv. 1 BK, R8 550 000. NIGEL DRIEFONTEIN (85), 166 ha, aan Living Africa 2 (Edms.) Bpk., van Business Venture Inv. No. 1103 (Edms.) Bpk. en Business Venture Inv. 1103 (Edms.) Bpk., R25 000 000. GROENFONTEIN (395), 43 ha, aan J.T. Beaurain, van S.S. Selkon, R1 300 000. WITKOPPIE (64), 30 ha, aan Ansha 2-trust, van J.J.A. Labuschagne, R11 000 000. KWAZULU-NATAL BALLITO COTTON LANDS (1575), 173 ha, aan Dube Tradeport Corporation, van Canelandstrust, R135 000 000. LADYSMITH BIDEFORD (8670), 698 ha; PARKSTONE (7955), 456 ha; en ROOD WAL (3768), 90 ha; aan Lonilor (Edms.) Bpk., van Somerset-boerderytrust, R32 644 937. PIETERMARITZBURG MOUNT VERDE (18081), 33 ha, aan The Fettercairnplaas-grondtrust, van Mount Verde (Edms.) Bpk., R3…

2016 FEBRUARIE WILLOWMORE 11-12, Willowmore-skou, (Oos-Kaap: Boerbokke), Dorper, Merino, Angora. Jeugskou. Kobus Lötter, sel 082 432 2393; Amour Strydom (sekretaresse), sel 082 459 6696. VICTORIA-WES 11-13, Victoria-Wes-skou. Kraampies, Ilze, tel. 071 675 8878, of sel 082 940 8231. E-pos: vicweslandbou@gmail.com. HEIDELBERG 11-13, Heidelberg-landbouskou. (Skaap, bees en FNB: Hackney.) Perdeskou en vele vermaak vir besoekers. Lindie Giliomee, sel 084 575 9984. RIVERSDAL 17-20, Riversdal-skou. E-pos:riversdalskou@gmail.com, of skou@riversdaler.co.za. MURRAYSBURG 19, Murraysburg-landbouskou. Veld-Merino, Dorper, steak- en seekosete, VLVmini-skou. Gratis uitstalruimte beskikbaar. Roelou van Heerden, sel 082 413 3929, tel. 049 853 9940. WILLISTON 25-27, Williston-skou. (Perde; Dorper/Wit Dorper; Melkbok; plaaspluimvee en sierduif). Veldskou: Dohne-Merino, Afrino, Afrikaner en vleisbok. Jeugskou. Keith Coetzee, sel 082 825 3889, of Belinda Els, sel 082 613 3137. E-pos: williston skou3@gmail.com. MAART SWELLENDAM 2-5, Swellendam-skou. E-pos: swellendam.skou@gmail.com. ERMELO 3-5,…