Innehållsförteckning för April/May 2015 från SARIE KOS

Michélle van Breda redakteur SARIE Dit het als begin met Portugal jare gelede. My eerste vlug oorsee het my Lissabon toe geneem, met die destydse lugdiens TAP. Toe het ons gespot en gesê dit staan eintlik vir take another plane! Maar ek was op die régte vliegtuig, want daardie reis het my aptyt vir swerf en ’n wêreld van smake aangewakker. Sonder uitdagings was dié reis nie. Dag een “verloor” ek die bus wat my na die oudste deel van die stad, die Alfama, geneem het. Uit pure verwondering stap ek ’n verkeerde draai. En daar staan ek, met sonsondergang, in ’n doolhof van ou geboue, benoud-nou straatjies en ’n swetterjoel eetplekkies, die mekka van melancholiese Fado-sangers. Met g’n benul hoe om weer by my hotel uit te…

Drink na hartelus! Ietsie anders vir jou volgende onthaal: nuwe leiklip-etikette van Entrepo. Giet jou wyn oor in ’n kraffie en hang ’n klipbordjie om die nek. Skryf jou eie aanwysings in kryt daarop, soos “drink my stadig”. Die kryt word maklik met ’n nat lappie afgevee. Beskikbaar by Entrepo-winkels of aanlyn by www.entrepo.co.za teen R199,95 vir 4. CHARDONNAY MARGARITA Wie het gesê Chardonnay kan net op een manier geniet word? Sekerlik nie die wynliefhebbers van Leopard’s Leapfamiliewingerde nie. Nee wat, hulle stel voor jy maak Chardonnay Margaritas! • 100 ml Leopard’s Leap Chardonnay • 25 ml Cinzano Bianco • 10 ml lemmetjiesap • 25 ml appelkaneelstroop (resep volg) • fyn ys APPELKANEELSTROOP • 500 ml kookwater • 1 Granny Smith-appel, in skywe gesny • 2 kaneelstokkies • 100 ml suiker Maak eers die appelkaneelstroop: Bring water in kastrol…

EIERS GEBAK IN ERTJIES EN CHORIZO Die chorizowors met sy sterk paprikageur werk lekker saam met die soet smaak van die ertjies. • sowat 40 ml olyfolie• 1 ui, fyngekap• 2 knoffelhuisies, fyngekap• 2 groot tamaties, in blokke gesny• sout en varsgemaalde swartpeper• 250 ml groente-aftreksel• 500 ml klein bevrore ertjies (petit pois)• 225 g chorizowors, in skywe gesny• 2 eiers Verhit oond tot 180 °C. Verhit olie in ’n groot pan en braai ui en knoffel tot sag en deurskynend. Voeg tamaties by en geur met sout en peper. Braai tot tamaties sag is. Voeg aftreksel en ertjies by en braai sowat 1 minuut. Verdeel ertjiemengsel tussen twee pannetjies van sowat 15 cm in deursnee. Rangskik chorizo bo-op en maak holte in middel van elke pan. Breek ’n eier in elke holte en plaas in oond. Oondbak sowat…

1 GEROOKTE SNOEK MET HARDGEKOOKTE EIER GENOEG VIR 4 Halveer 1 uien sny in skywe. Verhit 60 ml olyfolie in ’n diep pan en braai ui en 2 fyngekapte knoffelhuisies tot ui sag en deurskynend is. Sny 4 tamaties in blokke en voeg by ui. Braai sowat 5 minute. Voeg 250 ml langkorrel-witrys by en braai 1 minuut. Voeg 750 ml groenteaftreksel by en maak pan toe met deksel. Laat prut tot byna al die vloeistof afgekook het en roer nou en dan. Maak oop en geur met sout en peper. Vlok 200 g gerookte snoek en roer deur rys. Kap ’n hand vol pietersielie fyn en roer deur rys. Sit voor met 4 hardgekookte eiers en vars suurlemoen. 2 CHORIZO EN ERTJIES GENOEG VIR 4 Kap 1 uifyn. Verhit…

LEMOENGEGEURDE VLATERTJIES GENOEG VIR 4 • 300 ml melk• 30 ml strooisuiker• 30 ml vlapoeier• gerasperde skil van 1 lemoen• 1 x 250 g-vel vierkantige blaardeeg• 1 eier, geklits• versiersuiker om oor te sif Verhit oond tot 180 °C. Verhit melk en strooisuiker in ’n kastrol. Gooi vlapoeier in bakkie. Voeg bietjie van warm melk by en meng tot gladde pasta. Voeg vlapasta by res van melk en suiker in kastrol. Roer goed met ’n houtlepel om klonte te vermy tot ’n dik vla vorm. Skep vla uit in bakkie en plaas stuk GLAD Cling Wrap direk bo-op – dit sal keer dat ’n vel op die vla vorm. Laat afkoel. Voer ’n bakplaat uit met GLAD-bakpapier. Plaas blaardeeg op werkvlak en sny op in 4 groot vierkante. Meng lemoenskil met afgekoelde vla en skep 1 groot…

Ons beoordelaar en haar man, Amaro Luiz, ken hul storie wanneer dit by Portugese kos kom: Hulle besit al 21 jaar die Villa Portuguese Restaurant & Pizzeria in Bo-Buitenkantstraat in Vredehoek, Kaapstad. “Ons is dol oor pikante tradisionele Portugese kos soos periperi-hoender, en ons klante klaarblyklik ook, want hulle kom gereeld terug om dit te eet. Jy kan maar sê dis verslawend – al is daar geen kafeïen in nie!” Ander geregte soos sardientjies, garnale, calamari en Portugese biefstuk is ook baie gewild en word berei met geurige speserye en souse. Die pizza is ewe voortreflik. Villa is ‘n regte Portugese belewenis, vertel Lina. Maak nie saak watter dag van die week jy soontoe kom nie, daar’s altyd ‘n gesellige atmosfeer, en as jy in Buitenkantstraat daar verbyry, ruik jy…

GEBAKTE VIS VAN JOU KEUSE 1.  tamaties2.  rooi-uie3.  vars vis4.  olyfolie5.  groen olywe MOSSELS EN ROOI SOETRISSIES 1.  olyfolie2.  rooi soetrissies3.  knoffelhuisies4.  mossels5.  witwyn STEURGARNALE EN CHORIZO 1.  olyfolie2.  chorizowors3.  steurgarnale4.  knoffelhuisies5.  suurlemoen SARDIENTJIES MET KRUMMELBOLAAG 1.  broodkrummels2.  pietersielie3.  botter4.  olyfolie5.  sardientjies OONDGEROOSTERDE CALAMARI-RINGE 1.  koekmeel2.  eiers3.  broodkrummels4.  olyfolie5.  calamari-ringe GEBAKTE VIS (bl. 77) As jy vis op uie en tamaties gaarmaak, kry dit ’n buitengewoon lekker geur. Die gereg kan met enige soort vars vis gemaak word. GENOEG VIR 2 1.  2 groot tamaties2.  2 rooi-uie3.  1 x 450 g heel vis van jou keuse4.  80 – 100 ml olyfolie5.  100 g ontpitte groen olywe sout en varsgemaalde swartpeper Verhit oond tot 200 °C. Voer ’n groot bakplaat uit met tinfoelie. Sny tamaties en uie in ringe. Pak eers…

PORTUGESE PASTÉIS GENOEG VIR SOWAT 12 • 1 x 400 g-rol gekoopte blaardeeg VULSEL • 45 ml koekmeel• 6 eiergele• 5 ml vanielje-ekstrak• 310 ml melk• 265 g (330 ml) suiker• 1 stuk pypkaneel• 160 ml water Verhit oond tot 200 °C. Klits meel, eiergele, vanielje en ¼ van die melk saam tot gladde mengsel en hou eenkant. Bring suiker, kaneel en water tot kookpunt in pot. Kook tot dit met die helfte verminder het. Terwyl suiker kook, bring res van melk tot kookpunt in ’n ander pot. Roer die warm melk by meelmengsel in. Haal kaneelstokkie uit suikerstroop en gooi warm stroop in ’n dun straal by meelmengsel terwyl jy roer om vlavulsel te maak. Gebruik ’n skerp mes en sny sirkels van 1 cm breed af van die rol koue blaardeeg. Rol sirkels op meelbestrooide werkvlak…

Kook in 'n vuuroond Deesdae is die krag so onvoorspelbaar dat ons ander maniere moet kry om kos gaar te maak. Met hierdie vuuroond van Fornetto (R16 000) kan jy die temperatuur beheer soos met ’n konvensionele oond. Jy kan brood bak, vleis rooster en self kos rook. Besoek www.stingray.co.za vir meer inligting en om te bestel (hulle lewer oral in SA af). DIG TOE Seël die bottels met die melkskommels op bl. 108 met hierdie toestel wat vir bierbottels gebruik word. Koop dit teen R565 aanlyn by www.beerlab.co.za . AFGEMEET Dié stel koper maatkoppies van @home is die perfekte geskenk vir jou gaste. Koop dit landwyd teen R196. BLOMPOT Moenie dink Consol se elegante glasbottels kan net vir drankies gebruik word nie. Sit dit op tafel…

A Agurkie – gherkin Artisjok – artichoke Amandel – almond Aspersie – asparagus B Baba-spinasieblare – baby spinach leaves Bakpoeier – baking powder Balsemasyn – balsamic vinegar Basiliekruidblare – basil leaves Beet – beetroot Bestanddeel – ingredient Bevrore – frozen Bloukaas – blue cheese Boon – bean Botter – butter Botterboon – butter bean Borrie – turmeric Brandrissie – chili Bronkors – watercress Bros – brittle/crisp Broodrolletjie – bread roll Bruinrys – brown rice D Dille – dill Dreineer – drain Droë broodkrummels – dry bread crumbs E Eend – duck Eiers – eggs Eierwitte – egg whites Elektriese menger – electric mixer Ertjie – pea F Foelie – tin foil Forel – trout Fyngerasper – finely grated G Garneer – garnish Gekaramelliseer – caramelised Gesnipper – shredded Gemmer –…

Rig jou brief aan SARIE KOS, Posbus 1802, Kaapstad 8000, faks dit na 021 408-3099 of e-pos na sariekos@sarie.com . Oorspronklike briewe, ook e-posbriewe, moet ’n volledige posadres en kontaknommer insluit. Dit mag nie aan ander tydskrifte voorgelê word nie. Die redakteur behou die reg om briewe te verkort. Kookkuns en daai tert verlei Ek was so besig einde verlede jaar dat my man menigmaal Braaikos, gebakte eiers en roosterbrood is byna al wat hy kan maak. Vandag pak ek tydskrifte reg en kom op SARIE KOS van Augustus/ September 2014 af. Neem dit TV-kamer toe waar hy krieket kyk. So begin ek na die resepte kyk en my mond begin water. Ek lees vir hom van die resepte en sê dié een wil ek vandag maak…

Orange River Cellars se Muskadel-wyne is nie net op plaaslike bodem besonder gewild nie, maar is al in die voorste wynkompetisies ter wêreld vereer vir die verstommende gehalte daarvan. Wyndruiwe wat soet en ryp raak onder die son van die Oranjerivier-wynvallei. ’n Span wynmakers wat dekades lank spesialiseer in die magiese proses wat die maak van Muskadel behels. Dit is een mond vol heerlikheid om nie te vergeet nie. Orange River Cellars Muscadel. Sag. Soet. Bekoorlik. Nie te Verkoop aan Persone Jonger as 18 Jaar nie.…

Maandag – Sondag van 11.30 tot 23.00 011 614 3041 robert.adega@yahoo.com  www.adegadomonge.co.za ’n Eetplek met ’n warm atmosfeer en ’n unieke Portugese styl. Die eienaar, Robert Lacic, is gewoonlik aan die werskaf in die kombuis, terwyl sy vrou, Lara, sorg vir goeie diens. Die spyskaart bestaan uit hoëgehalte-seekosgeregte (onder meer Mosambiekse steurgarnale), 'n verskeidenheid steaks, seekosborde, pluimvee en nog baie meer. Daar’s ook ’n spesiale spyskaart wat deur Robert en Lara saamgestel word – “A Lacic Carte” – wat seisoenaal verander en tradisionele Portugese geregte soos kabeljoukoekies met boontjierys en beespote met kekerertjies insluit. Gewilde voorgeregte is mossels, seekatrys en kwartels (ook beskikbaar as hoofgereg). Die varkfilet-trinchado word sterk aanbeveel en vir nagereg die romerige ryspoeding. Die wynlys sluit ’n wye keuse Suid-Afrikaanse en Portugese wyne in.…

DIE WYN Robertson Winery Lightly Sparkling Sauvignon Blanc 2014. Van R50 per bottel van Robertson-kelder of supermarkte/drankwinkels. Shannon Vineyards Sanctuary Peak Sauvignon Blanc 2014. Van R105 per bottel by Shannon Wingerde se kelder of uitsoek-drankwinkels landwyd. Neethlingshof Malbec 2012. Beskikbaar van R70 per bottel van Neethlingshof se kelder of by uitsoek-wynhandelaars landwyd. Nederburg 56Hundred Sauvignon Blanc 2014. Landwyd beskikbaar van R42 per bottel in supermarkte en drankwinkels. OP DIE NEUS Groenappel Appelliefie Pruime Grenadella OP DIE TONG Skink ‘n soeterige wyn of wyn met ‘n bietjie sprankel om die prego-broodrolletjies se branderigheid te temper, soos dié nuwe wyn van Robertson Wynkelder. Die Sauvignon Blanc het ’n bietjie bruis in die glas en mond, met vars appelgeure en ’n ligte vonkel wat dit ‘n verfrissende teenvoeter vir die brandrissie in die…

1 Waar is jy gebore? In Engeland. Ons het na Suid-Afrika getrek toe ek vier jaar oud was en daarna op ’n hele paar plekke gewoon – Port Elizabeth, Somerset-Wes, Pretoria en Kaapstad. Ná universiteit is ek Johannesburg toe. Deesdae woon ek en my man en ons twee kinders in Kalkbaai. 2 Waar kom jou liefde vir kos, en veral vir seekos, vandaan? Ek weet regtig nie! My ma se oupa (my oupagrootjie) het ’n vis-en-tjipswinkel in Engeland gehad en sy het self gereeld vis soos gerookte stokvis en snoekpatee gemaak. Sedert ek Kalkbaai toe getrek het, het ek meer begin belangstel in vis wat in die suidelike Skiereiland se waters gevang word en wat die beste manier is om dit te kook. 3 Hoe het jy by seekos en…

CREMA CATALANA ’n Makliker alternatief vir die gewilde crème brûlée – geen waterbak of ure se gewag voor die oond nie. GENOEG VIR 4 • 475 ml melk• lang stuk skil van 1 lemoen• 4 eiergele• 85 g (105 ml) suiker• 12 g (25 ml) mielieblom• 15 ml lemoengeursel• 30 ml ligte bruinsuiker vir bolaag 1 Verhit melk en lemoenskil tot kookpunt in ’n kastrol. 2 Klits eiergele, suiker en mielieblom goed saam met ’n ballonklitser. Verwyder lemoenskil uit warm melk en voeg melk by eiermengsel. Gooi terug in die kastrol. Verhit oor lae hitte en laat prut sowat 10 minute tot dik vla vorm en voeg geursel by. 3 Verdeel mengsel in 4 ramekinbakkies. Plaas kleefplastiek direk op vla om vel te voorkom. Laat afkoel. Plaas in yskas vir minstens 2 uur of tot afgekoel. 4…

VARKBOUD-FEIJOADA GENOEG VIR 6 • 1x 2 kg-varkboud (in vleisnet)• sowat 80 ml olyfolie• 2knoffelhuisies, fyngekap• sout en varsgemaalde swartpeper• 1x 400 g-blik gekapte tamaties• 500 ml rooiwyn• 2x 400 g-blikke cannellinibone, gedreineer• vars louriertakkie met 4 – 5 blaartjies• 225 g chorizo, in skywe gesny Verhit oond tot 180 °C. Plaas varkboud in oondbak en gooi olyfolie oor. Smeer knoffel oor boud en geur met sout en peper. Maak bak toe met foelie en plaas in oond. Oondbak 3 uur. Haal bak uit oond en voeg tamaties, rooiwyn, bone, louriertakkie met blare en chorizo by. Maak bak weer toe met foelie en plaas terug in oond vir 30 minute. Haal uit, verwyder foelie en oondbak nog 30 minute. Haal uit oond en verwyder vleisnet. Plaas boud op opdienbord en skep die sous in die bak bo-oor. GEVULDE EIERVRUG…

SARDIENTJIEPATEE MET EIERVRUGTJIPS Die patee word oral in Portugal voorgesit, gewoonlik voor ete saam met brood, maar eiervrugtjips is ’n Bantingvriendelike opsie. GENOEG VIR 4 – 6 • 2 eiervrugte• 80 ml olyfolie• 60 ml komyn• sout en varsgemaalde swartpeper• 120 g-blik sardientjies in olyfolie, grate verwyder en gedreineer• sap en gerasperde skil van 1 suurlemoen• 1 brandrissie, fyngekap• 250 g-houer roomkaas• 2 takkies vars tiemie, fyngekap Verhit oond tot 140 ºC. Sny eiervrugte in papierdun skywe met skerp mes of mandolien – die mandolien werk beter. Voer bakplaat uit met bakpapier en spuit goed met kleefwerende kossproei. Pak skywe eiervrug op bakplaat. Sprinkel olie en komyn oor. Geur met sout en peper. Plaas in warm oond en bak 25 – 30 minute of tot goudbruin en bros. Hou eenkant. Plaas res van bestanddele in voedselverwerker se bak en…

C Consol Glass Osbornestraat Wadeville Johannesburg 011 874 0000 Information@consol.co.za D Downings Hiring Supply Victoriastraat 81 Somerset-Wes 021 852 5405 F Family Farmstall Hoofstraat 506 Noorder-Paarl 021 872 4854 G Game 031 302 8991 www.game.co.za Gister Brightstraat 6 Chelsea House Somerset-Wes 021 852 4827 M Memory Lane Hoofstraat 155 Audas Estate Somerset-Wes 021 852 3550 Mr Price Home 0800 212 535 www.mrpricehome.com Mervyn Gers Ceramics Dorsetshirestraat 4 Paardeneiland Kaapstad 021 510 2385 Moroccan Warehouse Commercial-straat Kaapstad 021 461 8318 N Nerf-Af De Villierslaan Durbanville-gholfbaan Durbanville 084 946 6326 T Typo Takke landwyd 021 552 2635 011 784 2485 Two Birds at the Dairy Shed Verhuringsonderneming Kaapstad 092 656 9869 https://www.facebook.com/thedairyshed P Pick & Pay Allumweg 2 Kensington Johannesburg 011 856 7000 Plascon 0860 204 060 www.plascon.co.za W Woolworths 0860 022…

ANDERSTE MELKTERT Pastel de nata (pastéis in die meervoud) is ’n melktertjie wat in die 18de eeu deur Portugese monnike uitgedink is. Warm suikerstroop word by die eiervla-basis gemeng, waarna dit in blaardeeg gebak word. Koop dit landwyd by Vida e Caffè teen R13 vir ’n tertjie. AB SE TJIPS Die nuwe reeks aartappelskyfies van Lay’s smaak nes die bekende pregobroodjie. Dis ook krieketheld AB de Villiers se gunsteling! Koop dit landwyd teen sowat R14,95 vir 125 g. VUURWARM Gee jou braaihoender lekker geur met Cape Herb & Spice se blikkies Portuguese Peri Peri Rub – dis ’n mengsel van droë kruie en speserye wat jy met jou vingers in die vleis invryf. Koop dit landwyd by supermarkte teen R25,99 vir ’n 100 g-blik. JA, DIS SJOKOLADE! Dis vissies, maar…

SOOS OUMA S’N Vintage-borde vertel hul eie stories. Snuffel by markte, of koop iets soortgelyks by Memory Lane in Somerset- Wes. Vanaf R100. PLEKMATJIE Dek jou tafel met oorgroot perspexborde in blou patrone. Hierdie een van Game werk perfek as plekmatjie of as opdienbord. Koop landwyd teen R65,99. EENVOUD As jy hou van blou, maar dit nie wil oordoen nie, kies hierdie bord van Mr Price Home. Kleinbordjies ook beskikbaar. Landwyd te koop vanf R45. VOL DETAIL Kan jy glo hierdie turkooisblou bord van Woolworths is met die hand gemaak! Die reeks bevat koppies, borde en bakkies. Landwyd te koop vanaf R30. STYLVOL OP SONDAE Sit die lamsboud of heel gebakte vis voor in ovaal opdienborde wat jy by tweedehandswinkels koop, of besoek Nerf-Af in Durbanville vir ’n hele reeks.…

Maandag – Sondag van 11.30 tot 15.00 en van 18.00 tot 22.00 saans. 021 465 7547 https://www.facebook.com/pages/ Dias-Tavern/102373123178366?fref=ts Een van Barbara en Emile Joubert se gunsteling-eetplekke, asook een van die gewildste Portugese restaurante in Kaapstad. Daar’s g’n pretensies nie, die atmosfeer is gemaklik en energiek, en die personeel is hartlik en vriendelik. Die plastiekstoele, vlae wat die dak vol hang en kleurryke mure dra by tot die atmosfeer. Oor naweke is daar musiekvermaak en grootskermtelevisies vir sport, maar rugby kry voorkeur. Die kos is tradisioneel Portugees en daar’s ’n groot verskeidenheid – van seekos tot vleisgeregte, alles met ’n unieke Portugese invloed. Probeer beslis die prego-rolletjie of trinchado-steak. Die trinchado-sous is te koop in ou wynbottels teen R77 vir 750 ml. Die eienaar koester die geheime…

Dit staan vir die South African Sustainable Seafood Initiative, wat in 2004 deur die Wêreld-Natuurfonds (WWF) begin is om die seelewe rondom die Suid-Afrikaanse kus teen oormatige vangste te beskerm. Nou wat kan ek en jy op land doen om te help? Ons kan in ’n winkel of restaurant seekos kies waarvan daar nog genoeg is, m.a.w. die voortbestaan word (nog) nie bedreig nie. Seekos word in groepe verdeel op drie lyste: groen, oranje en rooi. Die seekos op die groen lys kan jy maar koop, want daar is genoeg van die spesie beskikbaar om te oorleef, bv. stokvis, sardientjies, geelstert en snoek. Die seekos op die oranje lys mag verkoop word, maar sommige soorte is steeds bedreig of die omgewing kan beskadig word wanneer dit uit die see gehaal…

VYTERTJIES GENOEG VIR 6 Verhit oond tot 180 °C. Plaas 1 x 250 g-vel vierkantige blaardeeg op ’n werkvlak. Sny deeg op in reghoeke van 11 x 7,5 cm. Sny in elke deegreghoek ’n kleiner reghoek, sowat 1 cm van die rand van deeg – moenie dwarsdeur deeg sny nie. Smeer 10 ml ALL GOLD Connoisseur’s Cape Genoa Fig Extra Fruit Jam op die binneste reghoek. Sny 6 baba-vye op in drie skywe elk en rangskik bo-op konfyt. Smeer die rand van elke tertjie met geklitste eier. Plaas tertjies op bakplaat wat uitgevoer is met bakpapier. Plaas in oond en bak 20 minute. Haal uit en laat afkoel. Sif bietjie versiersuiker bo-op. Klop 250 ml room styf en sit voor met tertjies. LEMOEN-APPELTERTJIES GENOEG VIR 6 Verhit oond tot 180…

BASISRESEP 7 UUR-VARKBOUD In Engels noem hulle dit pulled pork en dis baie maklik om te maak, want die oond doen die werk. Ná 7 uur is die vleis rafelrig en doeksag en jy kan dit in ’n groot verskeidenheid geregte gebruik, of net so met groente geniet. Koop ’n varkboud in ’n vleisnet – dit sal keer dat die boud heeltemal uitmekaar val wanneer dit uit die oond kom. GENOEG VIR 6 • sowat 100 ml olyfolie• 1 x 2 kg-varkboud• sap van 1 suurlemoen• 3 knoffelhuisies, fyngekap• sout en varsgemaalde swartpeper Verhit oond tot 200 °C. Gooi helfte van olyfolie in ’n oondbraaibak. Plaas boud in bak en gooi suurlemoensap oor. Smeer knoffel oor die hele vleissnit. Geur met sout en peper en gooi res van olyfolie oor. Plaas in oond met velkant…

Aan die binnekant van haar regterarm pryk drie fyn, swart seemeeue – want met dié tatoeëermerke het sy haar sukses in die seekosbedryf gevier. Onder seekosliefhebbers en bloggers gons dit oor eienaar Julie Carter se Ocean Jewels Fresh Fish & Seafood in Woodstock, Kaapstad. Haar plek is inderdaad ‘n juweel by The Woodstock Exchange, die sentrum in Albertstraat 66 waar alles gevind kan word, van ’n skoenwinkel waar jy handgemaakte skoene kan bestel tot trendy koffieplekke. En daarby doen sy aflewerings ook. Haar seekoswinkel cum deli is bedrieglik eenvoudig, maar dit ruik soos die see. Tradisionele Japannese visafdrukke deur Liz van den Berg versier die mure, ’n skool keramiekvissies ‘’swem’’ parmantig teen een muur, en eenvoudige wit houtmeubels nooi jou uit om te kom aansit. Drie wit seemeeue uit staal…

LEMOENE IN KANEELVLA Die Portugese eet graag vrugte vir nagereg en oral in die strate kry jy lemoenbome. Die eiervla is ook heerlik saam met ander nageregte. GENOEG VIR 10 • 600 ml laevet-melk• 1 vanieljepeul, saadjies uitgekrap• 1 heel kaneelstok• 5 eiergele• 100 g xylitol-versoeter• 6 lemoene Bring melk, vanieljesaadjies en kaneel tot kookpunt in ’n pot. Verwyder van hitte. Klits eiergele en xylitol saam in mengbak. Gooi warm melkmengsel by terwyl jy aanhou klits. Gooi mengsel terug in pot en roer oor lae hitte tot dit verdik en gaar is – 8 – 10 minute. Moenie dat die mengsel kook nie – dit sal skif. Gooi deur ’n sif en laat vla afkoel tot yskoud. Skil lemoene en sny in skywe. Klits koue vla tot lig en skuimerig. Gooi oor lemoene en sit voor.…

SPYSKAART Tamatie-mielieen-spekslaai Chorizomossels 5 uur-lamsbladrol met kruiesous Kruiehoender Oornagbrood Dubbelsjokolademelkskommel BLOU, KOPER & KWEPERS Kruiehoender (bl. 100) Elke mens moet weet hoe om ’n heel hoender goed gaar te maak. Dis soos die swart rokkie wat altyd reg hang in die kas. GENOEG VIR 6 – 8 • 230 g (250 ml) sagte botter• hand vol sagte kruie (tiemie, origanum, pietersielie), fyngekap• 4 knoffelhuisies, fyngekap• 2 ingelegde suurlemoene, baie fyn gekap• 1 brandrissie, fyngekap• hand vol vars koljanderblare, fyngekap• sout en varsgemaalde swartpeper• 1 groot hoender• 200 g vars aspersies• 1 x 250 ml-bottel soetrissiesous of sien resep op bl. 59 Verhit Weber tot warm of verhit oond tot 180 °C. Meng botter, kruie, knoffel, suurlemoene, brandrissie en koljander. Geur kruiebotter goed met sout en peper. Maak vel op borskant van hoender versigtig los met jou vingerpunte. Skep kruiebotter in…

BROODMANDJIE Laat rys brooddeeg in hierdie bamboesmandjie as jy mooi brood op tafel wil sit. Keer die gerysde deeg uit op ’n bakplaat voor jy dit bak. Dié rogbroodmandjie kos R285 by The Baking Tin – aanlyn te koop by www.thebakingtin.co.za. NUWE KLEUR Versier jou kombuisrak met kwaliteit-potte van Le Creuset – in die opwindende nuwe ametis-kleur (Amethyst). Jy kry die tradisionele gietysterpotte sowel as die erdeware in die nuwe kleur. Besoek www.lecreuset.co.za vir meer inligting. RAAR, MAAR WAAR Al ooit sulke wit eiers gesien? Ja, jou oë jok nie! Die eiers se gele is ook buitengewoon geel en romerig. Gebruik die eiers vir gebak, kook daarmee of bak dit net so in botter. Pick n Pay se winkels hou dit landwyd aan teen R13,89 vir 6. SJOKOLADESMEER As jy…

Die Portugese kos wat ek ken, is nie restaurantkos nie. Dis kos wat die mense op die Portugese platteland eet, weg van die kus af. Hier het ek die heerlikste speenvarkie op die spit gekry, oondgebraaide fisant, beespensafval en oondgebraaide bokvleis. Boonop maak hulle potjiekos, net soos ons in ’n driepootpotjie. In Portugal is dit ‘n goeie idee om te loer waar die plaaslike mense gaan eet. Dikwels is daar ‘n eetkamer agter ‘n winkel, sonder kennisgewing. Dit is net ‘n deur wat oopstaan en waardeur mense al geselsend verdwyn, asof hulle by familie kom eet het. Jy doen dieselfde, en as dit ‘n fout was, kan jy jouself altyd ‘n onnosel toeris hou. Praat Afrikaans, want baie Portugese ken of herken dit en sal jou dalk met ekstra gulhartigheid…