Innehållsförteckning för December/January 2015 från SARIE KOS

2014 • MEDIA24 Beste Spesialis-joernalis 2013 • PICA Beste Tydskrif: Dekor, Handwerk, Kos of Tuin • GALLIOVA-MERIETEPRYS 2012 • GALLIOVA-MERIETEPRYS • MEDIA24 TYDSKRIFTE PRYSE VIR UITNEMENDHEID Trots SA 2011 • PICA Spesiale Toekenning As ek terugdink aan die jaar wat verby is, besef ek ons het hier by SARIE KOS ’n vlaag van nostalgie beleef, veral in die uitgawe van April/Mei 2014. Bredies het nuwe lewe gekry en selfs ’n sjokolademelktert het te voorskyn gekom. Die 30-reeks het groot byval gevind – dis so lekker om te hoor hoe baie julle daarvan hou. In hierdie uitgawe maak ek 30 sjokoladelekkernye (bl. 38). Die resepte is maklik en die eindresultaat is sonder uitsondering heerlik. Spring sommer nou in en maak dit vir die vakansietyd, jy sal baie punte kry by die familie. In 2006 het my eerste…

1659  is die eerste keer dat druiwe in Suid-Afrika geoes en gepars is om wyn te maak, 7 jaar nadat Jan van Riebeeck in die Kaap aangekom het. ORGANIESE TEE As rooibos jou gunsteling is, sal ’n versamelblik van BOS op jou kombuisrak jou dors ’n lang ruk les. Dit bevat 50 sakkies organiese rooibos-tee (R69). Beskikbaar by koswinkels landwyd of besoek www.bosicetea.com. ROOIBOS-YSTEE Noem dié een maar anderste ystee. Dit bevat al rooibos en grenadella se gesonde eienskappe. genoeg vir 8 Plaas 1 liter water, 200 g (250 ml) suiker en die pulp van 8 grenadellas in ’n middelslag-pot en bring tot kookpunt. Laat prut 5 – 8 minute of tot vloeistof1/ minder is. Haal af van hitte en voeg 3 6 rooibosteesakkies by. Laat trek 5 – 8…

ONTHOU-SPYSKAART genoeg vir 6 – 8 Blini’s met gerookte salm, suurroom en kammakaviaar Varklies gestop met appels en salie Mosbolletjie- Franse roosterbrood Tamatie-en-gruyèrekaastarte tatin Oop omelet met ham en aartappels TOEKOMS-SPYSKAART genoeg vir 6 – 8 Salm-confit met aartappel-blini’s Oornag geroosterde varklies met sojasous en heuning Fransebroodvingers met esdoringspek Tamatie-en-ricottakaastert Opgerolde omelet met serranoham VARKLIES GESTOP MET APPELS EN SALIE Vra die slagter om die varklies te ontbeen en kepe in die velgedeelte te sny. • 3 kg ontbeende varklies, met vel• sout en varsgemaalde swartpeper• 10 g vars salieblare• 3 rooi appels• 2 knoffelhuisies, fyngekap• sowat 120 ml olyfolie Verhit oond tot 200 °C. Plaas varklies met vel na onder op ’n werkvlak. Geur met sout en peper. Bedek plat vleisstuk met salieblare. Ontklok appels en sny in dik skywe. Rangskik appelskywe bo-op salie. Rol…

genoeg vir 10 pitapakkies verhit oond tot 180 °C. plaas 10 mini-winkelpitas op ’n bakplaat. plaas in oond en bak 2 – 5 minute tot opgepof. sny die bokant van die pita af en maak effens oop sodat jy dit met die vulsel kan stop. Halveer 120 g kersietamaties. voeg 2 fyngekapte rooi-sprietuie, 2 baba-komkommers, in klein blokkies gesny, en 1 gerookte hoenderborsie, in klein blokkies gesny, by tamaties. voeg 60 ml mayonnaise en 10 gekapte basiliekruidblare by. geur met sout en varsgemaalde swartpeper. Meng goed. skep vulsel in pitas. versier met vars basiliekruidblaartjies.…

KLASSIEKE PAVLOVA met vars vye (bl. 56) Jy hoef nie vye te gebruik nie, enige vars vrugte is goed. genoeg vir 8 • 8 eierwitte• 250 g (300 ml) strooisuiker• 10 ml witwyn-asyn• 200 g (385 ml) versiersuiker• 25 g (50 ml) mielieblom• 250 ml room• 8 vars vye• sowat 30 ml heuning Verhit oond tot 120 °C. Voer ’n bakplaat uit met bakpapier en spuit goed met kleefwerende kossproei. Plaas eierwitte in die mengbak van ’n elektriese menger. Klits tot stywe punte vorm. Terwyl menger loop, voeg strooisuiker lepelsgewys by. Klits goed ná elke byvoeging. Voeg asyn by sodra al die strooisuiker bygevoeg is en klits weer goed. Sif versiersuiker en mielieblom saam. Vou dié droë mengsel versigtig met ’n metaallepel by die eierwitte in. Skep die meringue-mengsel in die middel van die uitgevoerde bakplaat en vorm…

KAMMOSSELS en steurgarnale (bl. 69) Jy kry hierdie soort mossels (scallops) net bevrore in ons land. Maak seker dit is heeltemal ontdooi voor jy dit gaarmaak. genoeg vir 4 1.  14 kammossels2.  100 g (110 ml) botter3.  10 steurgarnale – in dop, maar skoongemaak4.  sap van 1 suurlemoen5.  105 g kappertjiesaad, gedreineer sout en varsgemaalde swartpeper Sny die kammossels los van die skulp. Sny so 15 ml af van die botter. Smelt botter in ’n pan en pak kammossels in pan. Wanneer jy die laaste een in die pan sit, draai jy die eerstes om – dit braai baie vinnig, so 30 sekondes aan ’n kant. Hou kammossels eenkant warm. Braai steurgarnale in dieselfde pan tot gaar en geur met sout en peper. Haal steurgarnale uit pan en hou warm…

resepte nagegaan deur dieetkundige sally-ann Creed – mede-skrywer van Die Kos Revolusie/The Real Meal Revolution (Quivertree Publications, r320) EET SONDER KOOLHIDRATE - 8 BEGINSELS VAN BANTING Onthou, dis nie ’n hoë-proteïen-dieet nie (moenie meer as 80 g proteïen by enige maaltyd eet nie). Dis ’n eetplan wat baie vet, ’n matige hoeveelheid proteïen en min koolhidrate bevat. 2 Moenie vergeet om groente te eet nie – groen groente en ander groente wat bo die grond groei . 3 Vermy alle vrugte (of eet baie min daarvan) – dink aan vrugte as lekkergoed vol suiker. 4 Graan in enige vorm is verbode – dit sluit rys, meel en pasta in. 5 Eet net wanneer jy honger is en luister na jou liggaam. Hou op eet sodra jy versadig voel.…

DIE WYN Hartenberg Alchemy Syrah, Mourvedre, Grenache 2013. Vanaf R70 per bottel by Hartenberg se kelder of landwyd by uitsoek-wynhandelaars. Cluver & Jack-appelwyn. Beskikbaar vanaf R19 per bottel vanaf Makrowinkels landwyd. Barista Chardonnay. Beskikbaar vanaf R70 per bottel by vooraanstaande wynhandelaars landwyd. Durbanville Hills Bastion Cabernet Sauvignon Shiraz 2011. Vanaf R59 per bottel direk by Durbanville Hills se kelder of landwyd by uitsoek-handelaars. OP DIE NEUS OP DIE TONG Die marinade in dié gereg werk lekker saam met ‘n rooiwyn met ryp rooivruggeure, omdat dit die soet en sout smake van die blatjang en sojasous onderskeidelik ondersteun. Kies ‘n rooiwynversnit met Grenache, want dié druifsoort het ‘n tipiese sterk aarbei-en-rooibessie-karakter. Vark en appel is ‘n klassieke smaakkombinasie wat jy eintlik maklik met jou keuse van drank kan naboots, soos hierdie…

KOFFIEKULTUUR In so ’n mooi pot van Le Creuset kan koffie mos net nog lekkerder smaak! Die potte is gemaak van keramiek en in ’n reeks kleure te kry, soos al die ander produkte van die luukse handelsmerk. Vanaf R740. Besoek www.lecreuset.co.za. SALIG SOET As jy dalk ’n paar kilo’s moet afskud, kan jy die suiker in jou gunsteling-gereg met Canderel spoon for spoon vervang. Dis net so soet, maar bevat minder kilojoules, slegs 2 kJ per teelepel. Landwyd te koop teen R52,50 vir 75 g. VIR GLAS EN POT Lus vir ’n lekker wyn vol sitrusgeure? Probeer Orange river Cellars se Chenin Blanc. Drink dit yskoud, of kook daarmee – van risotto tot wynsous vir vis. Die wyn is landwyd te koop teen sowat R26,45 vir 750 ml. BOTTER…

My geskenk Kers- en verjaardagpresente is iets wat ek min kry, want daar is nooit eintlik geld nie. Maar vanmiddag toe ek op my bed lê en rus voor ek moet begin kook, ná heeldag se gebak, spring ek skielik op en dink: “Wie het Kersfees nodig as Kersfees ses keer per jaar op die winkelrak verskyn?” Elke twee maande loop ek die winkel in, reguit na die tydskrifterak om te sien of my Kersgeskenk al gekom het. Vandag was die dag. Nie toegedraai met strikkies of mooi papier nie: Hy lê net so op die rak en wag om gekoop te word. Vanaand is een van daardie aande … vroeg bed toe met my SARIE KOS. Dis hoekom ek besluit het Kersfees kan maar wegbly, want ek kry my…

PoPPie wys haar slag In die eerste Kokkedoor-reeks het Poppie Coetzer almal se hart gesteel. Nou kan ons saam met haar onthoukos maak uit Tannie Poppie Kook (Human & Rousseau, R250), haar debuutkookboek, wat pas verskyn het. Kyk uit vir eierlose pannekoek, skep-skons, frikkadelpastei en nog baie meer. weskus-kos Snoek is nie ál Weskus-kos nie, soos Kobus van der Merwe en Jac de Villiers in hul nuwe boek, Strandveldfood (Jonathan Ball, R350), wys. Kobus is veral bekend vir sy leef-van-die-aarde-filosofie – hy pluk en oes om hom wat eetbaar is. Geregte soos bobotie kry ’n Weskuskinkel met mossels en strandkool. FamilieFees Die blonde wenner van die vyfde Australiese MasterChef-reeks, voormalige fietsryer Emma Dean, se eerste kookboek – A Homegrown Table (Struik, R330) – is propvol maklike resepte en kos wat…

DIE WYN The Wolftrap White 2013. Beskikbaar vanaf R40 per bottel by toonaangewende wynhandelaars landwyd. Winters Drift Pinot Noir 2013. Beskikbaar vanaf R120 per bottel by Winters Drift se kelder of landwyd by toonaangewende wynhandelaars. Villiera Jasmine 2014. Beskikbaar vanaf R49,95 per bottel by Villiera se kelder of by vooraanstaande wynhandelaars landwyd. Simonsig Kaapse Vonkel Brut 2012. Beskikbaar vanaf R105 per bottel by Simonsig se kelder of landwyd by toonaangewende wynhandelaars. OP DIE NEUS OP DIE TONG ‘n Grenache Blanc werk goed saam met ryker visgeregte omdat dit ‘n meer soliede tannienstruktuur het as ander witwyne. Dié Wolftrap White is ‘n versnit van viognier-, chenin blanc- en grenache-druiwe en het ‘n vars mineraalagtigheid wat goed by die souterige smaak van die gereg pas. Umami, die aangename vyfde smaak wat geure…

1 SJOKOLADEMUFFINTRIFLE GENOEG VIR 6 Meng 250 g roomkaas, 1 x 385 g-blik kondensmelk en sap van 1 suurlemoen in ’n mengbak en laat staan sowat 30 minute. Halveer 6 winkel-sjokolademuffins in die breedte en plaas die onderste helftes in glase waarin die muffins sal pas. Gooi sowat 5 ml brandewyn op die onderste helfte van elke muffin. Dreineer 1 x 425 g-blik ontpitte swart kersies. Plaas ’n paar kersies op die halwe muffin in elke glas. Skep van die roomkaasmengsel bo-op. Plaas die ander helfte van die muffin bo-op en skep nog ’n dun lagie roomkaasmengsel bo-op. Klits 250 ml room styf en skep in elke glas. Versier bo-op met orige kersies. 2 MAKLIKSTE SJOKOLADEKOEK GENOEG VIR 4 KlEIN KOEKE VAN SO 10 CM Verhit oond tot 150 °c.…

genoeg vir 12 wiele verhit oond tot 180 °C. verhit 10 ml olyfolie in ’n pan. voeg 1 fyngekapte ui en 2 fyngekapte knoffelhuisies by en braai tot sag en deurskynend. Haal af van hitte en laat afkoel. voeg 5 ml fyngekapte vars tiemieblare by afgekoelde uie. Dreineer 1 x 170 g-blik gevlokte tuna en voeg by. voeg 200 g gerasperde sterk cheddarkaas by. geur met sout en peper. Meng deur. Plaas 1 x 400 g-vel blaardeeg op werkvlak en smeer tuna-en-kaasvulsel eweredig oor die deeg. rol vel in die lengte op en plaas in yskas vir sowat 10 minute. Sny deegrol in 12 eweredige skywe. Spuit ’n bakplaat met kleefwerende kossproei en pak skywe daarop. Bak 15 – 20 min tot goudbruin.…

Dele van hierdie artikel het in die Februarie 2013-uitgawe van SARIE verskyn. WIE WAS ANNA PAVLOVA? Sy was een van die wêreld se betowerendste ballerinas. Anna is in 1881 in St. Petersburg, Rusland, gebore. Haar ma was ’n wasvrou, maar dis onbekend wie haar pa was. Op agt het sy en haar ma ’n balletuitvoering van Die slapende skone in die Mariinski-teater in St. Petersburg gaan kyk. Van toe af wou sy ’n ballerina word. Sy is aanvanklik nie gekeur as lid van die beroemde en eksklusiewe St. Petersburg- Koninklike Balletskool nie (dis vandag as die Vaganowa-akademie van Russiese Ballet bekend), maar is twee jaar later, in 1891, aanvaar. Op 25 word sy die prima ballerina van dié geselskap en die choreograaf Mikhail Fokine skep spesiaal vir haar die kort…

genoeg vir sowat 12 koekies verhit oond tot 180 °C. Plaas 400 g ontpitte dadels in ’n klein kastrolletjie en bedek met water. kook tot sag en dreineer. verpulp dadels met ’n staafmenger tot glad. voeg 100 g grofgekapte gemengde neute (bv. amandels, kasjoeneute en makadamias), 250 g hawermout en 250 g gemengde sade (sonneblom, papawer en sesam) by dadels en meng goed deur. spuit ’n plat muffinpannetjie met kleefwerende kossproei. skep mengsel in pannetjie se holtes en druk effens plat. Plaas in oond en bak 20 – 25 minute. Haal uit en laat afkoel. sit voor met vars vrugte van jou keuse.…

12 kebabs Verhit oond tot 180 °C. Verhit 10 ml olyfolie in ’n pan. Voeg 1 fyngekapte ui en 2 fyngekapte knoffelhuisies by en braai tot sag. Haal af van hitte en laat afkoel. Voeg 500 g maalvleis, 60 ml rooisoetrissiepesto, 2 geklitste eiers, 100 g gedroogde broodkrummels en 15 ml fyngekapte pietersielie by. Geur met sout en peper en meng. Plaas vir 30 minute in yskas. Vorm 22 gholfbal- grootte frikkadelle en rol dit in 50 g gedroogde broodkrummels. Plaas frikkadelle op bakplaat en bak 20 – 30 minute in warm oond. sny 1 rooi soetrissie en 1 geel soetrissie in blokkies van sowat 3 cm. Verhit 15 ml olyfolie in ’n pan en braai soetrissies tot sag. Ryg 2 frikkadelle en 3 soetrissieblokkies op elk van 12 kebabstokkies.…

DIE KAAP SE EERSTE HAPPIE Hetta van Deventer-Terblanche, koshistorikus en Kokkedoor-beoordelaar, vertel meer oor die geskiedenis van ons nederige ‘oliebol’ Vetkoek het al menige leë maag se versugting na ’n vinnige, vullende en veelsydige happie gevoed. En dit gebeur al van die voortyd af, weet ons wanneer Egiptoloë op die grafkeldermure van Ramses III sien hoe deegkoekies in vet gebraai word vir die Farao se hiernamaals. Hierdie deegpoffertjies was moontlik versoet met heuning, nes die Antieke Grieke se klein gebraaide deegballetjies wat in heuning gedoop voorgesit is. Teen die tyd dat Jan van Riebeeck en sy gevolg voet aan wal gesit het in die Kaap, was die Hollanders versot op oliekoeke. Dis gemaak van poffertjiedeeg met gis, speserye, gemmer, kaneel en naeltjies en vrugte soos rosyne en gekerfde appel. Die…

In die Bybelse verhaal, die een in Genesis van Josef en die Farao se skinker en bakker, word die skinker gered en die bakker boet met sy lewe ... Nou hoekom sou mense dan kosmaak? “Wat ’n onsinnige vraag,” sou iemand miskien dink. Dis mos voor die hand liggend: “Om te eet,” sou die antwoord wees. Miskien moet ek eerder vra, wát maak dat mense kosmaak? “Dis die versorger – gewoonlik die ma – se plig,” sou iemand sê. Dis soos die gee van moedersmelk – belangrik vir die welsyn van haar welpies – sy’s só geskape. Maar het jy al daaraan gedink of sy dit doen omdat dit van haar verwag word, of omdat dit vir haar lekker is? En wat van die vrygesel wat vir hom/haarself kosmaak pleks…

genoeg vir 8 rolletjies verhit oond tot 200 °C. smelt 50 g (60 ml) botter. Bedek 8 velle fillodeeg met ’n klam lap. Plaas 1 vel fillodeeg op werkvlak en verf liggies met gesmelte botter. Plaas nog ’n vel deeg op eerste vel en verf weer met botter. Hou gesmelte botter en res van fillodeeg eenkant. Halveer fillodeeg in die breedte en draai dit sodat die lang sye links en regs is. Plaas 1 sny ham (van 8 snye) sowat 3 cm van die bokant van die fillodeeg. sprinkel 25 g gerasperde cheddarkaas (van 200 g) in middel van ham en plaas 3 basiliekruidblare (van 24 blare) bo-op. vou die twee lang sye na binne. rol die deeg op sodat dit soos ’n lang sigaar lyk. Plaas die rolletjies op…

A aarbei – strawberry amandels – almonds appelbier – apple cider appelkooskonfyt – apricot jam aspersie – asparagus B Bakpoeier – baking powder Basiliekruidblare – basil Beet – beetroot Bessies – berries Blaardeeg – puff pastry Blomkool – cauliflower Bloubessies – blueberries Bokmelkkaas – goat’s cheese Botter – butter Boudoirkoekies – Boudoir biscuits Brandewyn – brandy Brandrissies – chillies Broodkrummels – breadcrumbs Bronkors – watercress Brosbrood – shortbread Brusselse spruite – Brussels sprouts C Cheddarkaas – cheddar cheese D Dadels – dates E eiers – eggs eiergeel – egg yolk eierwit – egg white esdoringstroop – maple syrup F Fillodeeg – phyllo pastry Forel – trout Frambose – raspberries Fransebroodvingers – French bread fingers G Garnering – garnish Gelatien – gelatin Gemmer – ginger Gevlokte – flocked Geroosterde – roasted…

GROENTE-EN-Bokmelkkaasterrien genoeg vir 4 – 6 • 200 g spinasie• 300 g sagte bokmelkkaas (chevin)• 250 ml room• 1 knoffelhuisie, fyngekap• 30 ml olyfolie• 200 g vars groen aspersies• 5 murgpampoentjies, in repe gesny• 2rooi soetrissies, ontpit en elk in 4 gesny• sout en varsgemaalde swartpeper 1 Voer terrienbak met volume van 1,4 liter met kleefplastiek uit. Plaas spinasie in mengbak en bedek met kookwater. Laat staan 5 minute tot sag. Voer terrienbak uit met spinasie. 2 Klits kaas, room en knoffel in ’n mengbak en geur met sout en peper – hou eenkant. Verhit 10 ml olie in ’n braaipan en braai aspersies tot sag maar ferm. Geur goed met sout en peper. Laat afkoel. Skep1/ van kaasmengsel in 3 uitgevoerde vorm en smeer gelyk. Pak aspersies bo-op. Skep nog ’n1/ van 3 kaasmengsel bo-op en smeer gelyk.…

Roos-pavlova-koek met someRvRugte Probeer hierdie anderste manier van pavlova maak, dit smaak nes die een wat jy ken. genoeg vir 1 • 8 eierwitte• 630 g (750 ml) strooisuiker• 20 ml witasyn• 30 ml mielieblom• 30 ml rooswater• 250 ml room• 100 g pistasieneute, gekap• 400 g bessies van jou keuse Verhit oond tot 140 °C. Gooi eierwitte in ’n elektriese menger se mengbak. Klits by hoë spoed tot sagte punte vorm wanneer klitser opgelig word. Voeg suiker stadig by terwyl jy klits. Hou aan klits tot mengsel ’n blink voorkoms het en stywe punte vorm wanneer klitser opgelig word. Vou asyn, mielieblom en rooswater in. Voer 2 bakplate uit met bakpapier. Merk 4 sirkels van 20 cm in deursnee met potlood op bakpapier. Skep meringuemengsel in spuitsak met 1 cm-stertuit. Vul gemerkte sirkels met meringue. Bak 30…

maak jou keuse: resepte nagegaan deur dieetkundige mariza van Zyl rD van BeTer eeT Voeding en Voedsel Konsult, www.betereet.co.za 10 DINGE WAT JY MOET WEET WANNEER JY DIÉ TERTE BAK 1 Vervang die helfte van die botter in ’n tertdeegresep met kanola-olie. Die botter verbeter die geur en die kanola-olie maak dit gesonder. Kanola-olie se smaak is ook meer neutraal as ander olies, wat beteken die kors gaan nie vreemd smaak nie. Laat rus die deeg altyd 15 – 20 minute in die yskas voor jy dit uitrol. DIe gluten in die deeg verslap, wat sorg dat die kors se tekstuur fyner en brosser is. (Gluten is ’n proteïen wat deeg elasties maak, sodat dit kan rys en vorm behou en ’n taai tekstuur kry.) 3 Wanneer jy deeg soos…