Innehållsförteckning för August - September 2016 från SARIE KOS

Abigail Donnelly, redakteur van Eat Outtydskrif, vertel vir ons van The Leopard in Melville, haar keuse as sy lus is vir geurige kos sonder fieterjasies Die kos by The Leopard is geurig en speels. Die plaaslike eetplek is heelweek oop vir aandete, en net party dae in die middag (bel voor die tyd). Daar is brosgebraaide pappadoms op die tafel pleks van brood, maar jy kan ook die platbrood probeer wat voorgesit word met baba ganoush (eiervrugpatee) en ’n baie Moorse beet-en-gemmer-doopsous. Vir middagete ontwerp sjef en eienaar Andrea Burgener eenvoudige geregte soos frikkadelle op ’n 50’s-styl bord saam met ’n skep botterboonpuree en uiebruinsous. ’n Ander hoogtepunt is die kombinasie van suur en soet in die diepvetgebraaide kwartel met Oosterse slaai. Die wynlys is karig maar keurig, en die…

Hamburger met guacamole genoeg vir 4 BURGER 1 ciabatta-broodrolletjie 500 g bees-maalvleis 1 eier 1 knoffelhuisie, fyngekap 30 ml TABASCO® GREEN PEPPER SAUCE sout en varsgemaalde swartpeper 4 ciabatta-broodrolletjies 40 g bronkors 4 snye wit cheddarkaas 2 tamaties, in skywe gesny GUACAMOLE 2 avokado’s 6 kort rooi sprietuie, fyngekap sout en varsgemaalde swartpeper 6 – 8 druppels TABASCO® GARLIC PEPPER SAUCE sap van 1 lemmetjie BURGER Kap die broodrolletjie fyn in voedselverwerker tot krummels vorm. Plaas maalvleis, eier, knoffel en TABASCO® GREEN PEPPER SAUCE saam in mengbak. Geur met sout en peper. Vorm 4 patties. Plaas in yskas vir 30 minute. Verhit ’n riffelpan. Braai patties weerskante tot so gaar as wat jy dit verkies. Sny rolletjies oop en plaas in dieselfde riffelpan met gesnyde kant na onder. Braai tot…

Mart-Mari raak liries oor die mossels en die oesters wat uitbundig aan die toue swaai in die baai van Saldanha As dogtertjie al het Mart-Mari op die strand by Saldanha se Blouwaterbaai gespeel, daar waar haar oupa lank gelede pienk gekartelde seegras (Gracilaria) opgetel, gedroog en gebaal en na die Ooste uitgevoer het vir die maak van gelatien (agar). Party mense noem Saldanhabaai die Aspoester van die Weskus, maar vir Mart-Mari is dit die plek waar haar eie sprokie waar geword het. Op 28 jaar bestuur sy saam met pa André die Blue Bay Lodge, die oorspronklike woonhuis van die Wicht-familie. Intussen het sy sommer ook ’n opgeleide sjef, Engelsman Kyle Dods (30), in haar net gevang. Hy’s nie onbekend in die koswêreld nie. As eienaar van die kitskosonderneming My…

   Kruie-kandelaar Maak bosse kruie uit jou tuin bymekaar, vleg dit om ’n raam en hang dit aan lang toue bo jou tafel. Die geur sal die vertrek vul en insekte weghou. Potbrood vol kruie Bak brood in groot koffieblikke met gekoopte winkeldeeg. Hol brode uit en gebruik as blompotte op jou kuiertafel. Koekroller-spyskaart Koop goedkoop koekrollers, druk die spyskaart uit op waspapier en bind dit om die rollers vas. ’n Lekker geskenk vir die gaste. Groenslaai soos nog nooit gesien nie! Die slaai lyk baie fênsie, maar dis verspot maklik om te maak. genoeg vir 8 SOUS 45 ml heuning 30 ml korrelmosterd sap en gerasperde skil van 1 suurlemoen 100 ml olyfolie 100 ml jogurt SLAAI 6 baba-gem-slaaikoppe, in kwarte gesny 24 vars aspersies, in kookwater gedompel 12…

Brigadeiro’s (sjokoladefudge-balle) Dié tradisionele lekkergoed uit Brasilië is kleurryke balletjies wat smaak soos ’n mengsel van sjokoladefudge en toffie. Njam! sowat 40 balletjies Plaas 2 x 380 g-blikke kondensmelk, 60 g (150 ml) kakao en 25 g (30 ml) gesmelte botter in ’n groot glasmengbak. Verpulp met staafmenger tot mengsel glad en al die klonte weg is. Plaas vir 2 minute by hoë hitte in mikrogolfoond en meng dan goed deur met draadklitser. Herhaal die proses 4 keer. Laat afkoel. Vorm klein balletjies (bietjie groter as ’n R5-muntstuk) en rol in jou keuse van kleurstrooisels ( hundreds and thousands) of sjokolade-vermicelli – die hele idee agter die lekkerny is die bont verskeidenheid kleure. IN JOU MANDJIE KONDENSMELK Nestlé se kondensmelk kan jy landwyd by supermarkte koop teen R26,99 vir 380…

Tikka masala- geroosterde hoender Hierdie klassieke gereg kry ’n Indiese baadjie van komplekse geure. Die jogurt help hou die hoender lekker klam en die natuurlike suiker in die tamatiepasta sorg dat die vel mooi goudbruin en bros bak. Sit die gereg voor met geroomde spinasie en gebakte blomkoolkerrie (kry resepte in Gwyneth se boek). genoeg vir 4 2 knoffelhuisies, baie fyn gerasper stuk vars gemmer so groot soos duim, geskil en fyngerasper 15 ml tamatiepasta 80 ml jogurt 5 ml garam masala 5 ml tandoori-speserymengsel (kyk by spesery-afdeling) 7,5 ml sout 30 ml olyfolie 1 groot hoender, rugbeen uitgesny en platgedruk (spatchcocked) Verhit oond tot 200 °C. Meng knoffel, gemmer, tamatiepasta, jogurt, garam masala, tandoori-speserye, sout en olyfolie in ’n middelslag-bak. Smeer die marinade met jou vingerpunte oor die hoender,…

D it was ’n foutjie met ’n desimale punt wat spinasie in 1870 haar ystervrou-status gegee het. Duitse wetenskaplikes het wel die ysterinhoud van die lowergroen blare reg bereken, maar toe per ongeluk in ’n mediese tydskrif verkondig dat spinasie tien keer meer yster bevat as wat dit in werklikheid het. ’n Paar dekades later het slim be-markers van die strokiesprentkarakter Popeye besef hulle kan ’n pot goud uit die kragkos kook. Wanneer die nood druk, het Popeye bloot ’n blik spinasie afgesluk. Dan het sy bo-armspiere gebult en hy kon selfs die grootste boelie ondersit. Popeye het die inname van spinasie in die Depressiejare in die 1930’s in Amerika met 33% laat styg. Spinasie was glo selfs, naas kalkoen en roomys, derde op kinders se gewildheidslys. Die “foutjie” met…

Sjokolade-neutballe Lekker krakerige balletjies vol tekstuur danksy die bros beskuitjies, neute en soet melksjokolade. sowat 40 balletjies Breek 100 g melksjokolade in blokkies en plaas in ’n kastrol. Sny 125 g (135 ml) botter in blokkies en voeg by sjokolade. Smelt oor lae hitte. Kap 1 x 200 g-pakkie Tennis-beskuitjies en 100 g pakkie pekanneute grof in voedselverwerker. Voeg by gesmelte sjokolade. Voeg 250 g (480 ml) versiersuiker en 5 ml vanieljegeursel by. Meng goed. Skep eetlepels vol vulsel in jou hand en rol in klein balletjies. Herhaal tot sjokolademengsel op is. Rol helfte van die balle in 30 ml kakaopoeier en die res in 30 ml versiersuiker. Sit voor met warm sterk koffie of soet wyn as nagereg. IN JOU MANDJIE SWITSERSE SJOKOLADE Perfeksie, noem hulle dit – Frey…

maandag Swartboon-enspekslaai Die inspirasie vir dié gereg kom van die tradisionele Portugese swartboontjiebredie feijoada. Ek gebruik dieselfde bestanddele om ’n ligte somerslaai te maak. genoeg vir 4 2 x 400 g-blikke swartboontjies (of boontjies van jou keuse) 1 rooi-ui, fyngekap 1 rooi soetrissie, in klein blokkies gesny 2 wortels, geskil en fyngekap 2 knoffelhuisies, fyngekap 4 repe gerookte varklies (pork belly), in repies gesny 100 ml olyfolie 50 ml witwyn-asyn 30 ml heuning sout en varsgemaalde swartpeper Dreineer boontjies in vergiettes en spoel goed af onder lopende koue water. Meng bone met rooi-ui, soetrissie, wortel en knoffel. Verhit ’n pan en braai varklies sowat 2 minute tot bros en goudbruin. Dreineer op kombuispapier. Laat afkoel. Meng olyfolie, asyn en heuning saam en gooi oor bonemengsel. Meng goed deur. Voeg gebraaide…

1 Kook en onthaal jy graag? Ja, dis een van my grootste vreugdes om mense om my tafel te hê. Die klank van lag en gesels terwyl hulle stories vertel en nuus uitruil maak my salig gelukkig. Ek glo kos is soos ’n warm vuur in ’n yskoue winterstorm, dit laat ons veilig voel en ontspan. 2 In Dis Koue Kos, Skat speel jy Clara Brand, wie se man haar verkul met een van haar beste vriendinne. Wat was die grootste uitdaging om Clara te wees? Die wonderlike (menslike) ekstreme wat skrywer Marita van der Vyver vir die karakter gegee het. Sy het lief met oormaat, sy haat met oormaat, sy raak depressief en onseker met oormaat en begeer balans met oormaat! Emosioneel is so ’n karakter uitputtend, maar dit…

As jy aan die Olimpiese Spele kon deelneem, wat sou jy doen en hoekom? Ritmiese gimnastiek. Ek is mal oor enige vorm van dans en dis die naaste aan dans wat jy op die Spele kry. Watter Olimpiese sportsoort is jou gunsteling? Ook gimnastiek, want gimnaste is supertalentvol en dis mooi om te kyk. Ek hou ook baie van hokkie, wat ek op skool gespeel het. Is daar iets uit jou kombuis wat ’n goue medalje kon wen op die “Olimpiese kosspele”? Ek is ’n avontuurlustige kok, en my geregte proe selde twee keer ná mekaar dieselfde – ek dink ek sou gediskwalifiseer word! In watter item op die Olimpiese Spele sien jy jouself as deelnemer? Die swem, en in die besonder rugslag – die blou van die water, die…

Caipirinha Tradisioneel word die drank cachaça as basis gebruik, maar vervang dit met rietsnaps ( cane ) – dis makliker verkrygbaar en heelwat goedkoper maak een drankie 2 eetlepels muscovadosuiker (of enige suiker met ’n karamelgeur) 1 lemmetjie, gesny in agtstes (sny eers in kwarte en halveer dan horisontaal) hand vol ysblokkies 1 of 2 sopiemates cachaça of rietsnaps (cane) sodawater Sit 4 van die 8 lemmetjieskywe en die suiker in ’n glas en stamp tot gekneus en goed vermeng. Voeg nou die ysblokkies by, en daarna die cachaça of rietsnaps. Vul die glas met sodawater. (Gebruik res van lemmetjieskywe om nog ’n drankie te maak.) JEANINE ROUX van Stellenbosch ‘Dit smaak soos somer – beslis meer gepas vir die strand as vir Stellenbosch se winter. Volgende…

Vrugte KYK UIT VIR Piesangs, lemoene, suurlemoene, pomelo’s, nartjies, lemmetjies, koemkwats, koejawels, lukwarte, papajas, appelliefies, grenadellas, kiwi’s, moerbeie (mulberries), rabarber Avokado’s Draai die groen vrug toe in koerantpapier om dit vinniger ryp te maak. Pynappels Pynappels word nie veel ryper nadat dit geoes is nie. Groente KYK OOK UIT VIR Aspersies, beet, broccoli, boerboontjies, spruitkool, blomkool, kool, wortels, seldery, komkommer, andyvie, peperwortel, krulkool ( kale), blaarslaai, sampioene, jong aartappels, tamaties, uie, pampoen, skorsies, pak choi, rape, spinasiebeet ( Swiss chard), sprietuie, aartappels, witwortel ( parsnip), artisjokke, waterblommetjies Radyse Dit word meestal rou geëet in slaaie. Dit het ’n baie sterk geur en kan soms branderig smaak. Preie Familie van die ui, maar die smaak is baie meer subtiel. Ertjies Die beste manier om vars ertjies te bêre is om dit…

LAMSKEBABS genoeg vir 4 1 rooi soetrissie, in blokke gesny 1 geel soetrissie, in blokke gesny 500 g lamsboud, in blokke gesny 250 ml Bulgaarse jogurt 2 knoffelhuisies, fyngekap sap van ½ suurlemoen 15 ml olyfolie hand vol vars basiliekruidblare, grofgekap sout en varsgemaalde swartpeper 4 sosatiestokkies, in water geweek Plaas soetrissieblokke in mengbak en gooi kookwater oor. Laat staan in water tot benodig. Plaas vleis, jogurt, knoffel, suurlemoensap, olyfolie en basiliekruid in ’n groot GLAD Zip Seal Freezer Bag. Meng al die bestanddele goed saam in sak en maak styf toe. Plaas in yskas en laat marineer 2 uur. Haal uit yskas en ryg vleis om die beurt met soetrissies op sosatiestokkies. Geur goed met sout en peper. Hou van die marinade eenkant om vleis mee te bedruip terwyl…

Kleipot-buffet Pak 8 klein klei-tuinpotjies onderstebo in die middel van jou tafel. Spasieer dit só dat dit as pote kan dien vir ’n plank wat so lank is soos die tafel (jy kan self besluit hoe breed). Plaas die brood-blompotte (sien bl. 36) bo-op om ’n baie treffende versiering te skep. Spyskaart op ’n stokkie Jy hoef nie ver te soek vir goedkoop rolstokke om jou spyskaart op vas te bind nie (sien bl. 37). Besoek die naaste Checkers-tak en koop dit vanaf R60 elk. Karamel-#springmielies Bederf jouself met hierdie tuisgemaakte karamel-#springmielies van Sweet Temptations. Bestel dit aanlyn by www.yuppiechef.com teen R19,99 vir 100 g (ook beskikbaar by uitsoek-supermarkte landwyd). Waterbeker ’n Feesmaal is nie ’n fees sonder water op tafel nie. Vul hierdie handgemaakte bekers van Mervyn Gers met…

Spyskaart Sit jou geregte voor in bakkies van verskillende groottes – dis die nuwe gier. Hou die porsies klein, sodat die gaste heelaand aan verskillende disse kan peusel. Dis ’n lekker manier om die 31ste Olimpiese Spele in Rio de Janeiro te vier genoeg vir 6 Japan Steurgarnaal-tempura Amerika Varkribbetjie met koolslaai Jamaika Usain Bolt se hoender-nuggets met mango-enpynappelsous Suid-Afrika Kaaskoekies met wen-kase Duitsland Maklike appeltert Frankryk Gebakte sjokoladepoedings met sjokoladesous Japan Steurgarnaal-tempura ( bl. 47 ) ’n Gereg wat maklik met die hand geëet kan word. Heerlik saam met die basiliekruidblare wat ook in die tempura-beslag gebraai word. Koop die soet brandrissiesous in die winkel. genoeg vir 6 TEMPURA-BESLAG 1 eier 250 ml yskoue water 140 g (250 ml) koekmeel, gesif 500 ml sonneblomolie 600 g skoongemaakte steurgarnale met…

Hierdie boek is die derde kookboek uit Gwyneth se pen. Haar eerste twee boeke, My Father’s Daughter en It’s All Good, was albei top-verkopers en albei was op die New York Times se lys van top-kookboeke. Sy het 20 jaar gelede ophou rooivleis eet. Sy eet wel vis en hoender. Gwyneth het ’n dogter, Apple (12), en ’n seun, Moses (10), by Coldplaysanger Chris Martin. Sy bestuur al sedert 2008 die webwerf www.goop.com. Dis ’n leefstyl-webwerf vir vroue wat in mode, kos, gesondheidsake en reis belang stel. Op 15 was Gwyneth ’n uitruilstudent in Talavera de la Reina in Spanje. Vandaar haar voorliefde vir Spaanse geure in haar kos. Sy het in 1999 ’n Golden Globe en ’n Oscar gewen vir haar rol in Shakespeare in Love. Gwyneth probeer ’n…

Spinasie is vol antioksidante, wat onder meer sorg vir ’n mooi vel en ook jou sig verbeter. Spinasie bevat baie yster, wat bydra tot gesonde bloeddruk. Spinasie se oorsprong is glo antieke Persië, vandag Iran. Teen die 7de eeu was dit reeds in China en teen die 12de eeu in Spanje, waarna dit oor die volgende twee eeue in Duitsland, Engeland en Frankryk bekend geraak het.…

Patatkoekies met eiers en pesto-mayonnaise Geurig en heerlik – sonder enige vleis! genoeg vir 8 4 soetpatats (300 g), gerasper met skil 2 eiers 70 g (125 ml) bruinbroodmeel sout en varsgemaalde swartpeper hand vol basiliekruidblare 125 ml kanola-olie 3 eiergele 1 knoffelhuisie, gekap 45 ml korrelmosterd sap en gerasperde skil van 2 suurlemoene 30 ml witwyn-asyn 8 eiers 120 g baba-spinasieblare 1 Meng patats, 2 eiers en meel. Geur met sout en peper. Verhit wafelpan. Skep laag patatmengsel op bodem. Maak toe en braai 8 – 10 minute of tot goudbruin. Herhaal tot mengsel op is. Hou gaar wafels warm. 2 Verpulp basiliekruid met olie in voedselverwerker tot glad. Verwerk eiergele, knoffel en mosterd met staafmenger in mengbak. Voeg verpulpte basiliekruid geleidelik by. Voeg sap en skil van suurlemoen…

Vars kruie Maak jou vaal kos onweerstaanbaar lekker met vars kruie in jou kombuis. Besoek die naaste Woolworths-winkel en koop kruieplante soos basiliekruid, koljander en pietersielie. Hou dit lewend met water en ’n bietjie son. #Springmieliebrood! As jy gedink het gewone winkelwitbrood is vervelig, kan jy maar weer dink. Albany het pas ’n nuwe reeks gegeurde brood bekend gestel. Ons hou veral van die #springmielie-enkaneelbrood! Kyk ook uit vir die brood met die bottergeur en die rosyntjie-en-kaneelbrood. Sowat R17,99 vir ’n brood van 500 g. ’n Meester se panne Hou jy net so baie van die Australiese MasterChef soos ons hier by SARIE KOS? Nou kan jy nes beoordelaar George Calombaris kook in sy eie reeks potte en panne. Die reeks is beskikbaar by @home en gemaak in samewerking met…

60 ml olyfolie 800 g beesbors (brisket) 1. Verhit oond tot 180 °C. Verhit olyfolie in ’n diep kastrol en braai vleissnit weerskante tot effens bruin. 1 rooi-ui, fyngekap 2 knoffelhuisies, fyngekap 250 ml rooiwyn 250 ml beesaftreksel 700 ml tamatiepuree 3 lourierblare sout en varsgemaalde swartpeper 2. Voeg ui by en braai nog sowat 2 minute. Voeg knoffel, rooiwyn, aftreksel, tamatiepuree en lourierblare by. Geur met sout en peper en maak kastrol toe met deksel. Plaas in oond en bak 3½ uur. Draai vleis so elke halfuur om in die sous. 3. Wanneer vleis murgsag is, haal uit oond en gebruik twee vurke om die vleis uitmekaar te trek. 6 ciabatta-rolletjies vars roketblare 1 rooi-ui, in skywe gesny 6 snye gerookte provolone-kaas 2 tamaties, in skywe gesny 4. Sny…

Dadelballetjies Dis al jare lank almal se pêl op die soethappie-tafel. Ek rooster die klapper vir ekstra geur. sowat 60 klein balletjies Plaas 115 g (125 ml) botter, in blokke gesny, en 100 g (125 ml) bruinsuiker in ’n kastrol. Smelt oor lae hitte tot suiker opgelos het. Voeg 250 g fyngesnyde dadels by en kook oor lae hitte tot dadels gesmelt het. Roer nou en dan. Voeg 1 x 200 g-pakkie fyngemaakte Marie-beskuitjies en 10 ml vanieljegeursel by. Roer goed. Skep eetleppels vol vulsel in jou hand en vorm klein balletjies. Rol in 100 g geroosterde fyn klapper. Herhaal tot dadelmengsel op is. Sit voor as soet happie met vars bessies. IN JOU MANDJIE KLEUR EN GEUR Huletts se bruinsuiker gee die balletjies ’n lekker karamelgeur – R7,49 vir…

Kruie op die neus Pesto het ’n ryk smaak en hoewel dit nie romerig is nie, werk dit goed saam met wyn met ’n goeie suur wat tradisioneel deur die romerigheid van ’n gereg “sny”. Sauvignon Blanc het tipies ’n kruidagtigheid op die neus, en die wyn se smake pas goed by basiliekruid omdat dit self ook dié smaak op die neus en mond weerspieël. Sout saam met suur As gevolg van die kaas in hierdie happie, moet jy ’n wyn met ’n lekker asiditeit skink. ’n Witwyn met ’n trekkie appel op die neus, soos ’n gehoute Sauvignon Blanc, behoort goed saam met die sout van die spek te werk, terwyl die asiditeit die skerp smake van die kaas sal neutraliseer. Verfrissende witwyn Dit kos kopkrap om vir botterskorsie…

ONTBEENDE VA RKNEK MET PORTSOUS genoeg vir 4 – 6 1,6 kg ontbeende varknek 2 knoffelhuisies, in lang stukkies gesny 20 ml olyfolie 2 groot uie, in kwarte gesny 2 takkies vars roosmaryn 3 takkies vars tiemie sout en varsgemaalde swartpeper 150 ml portwyn 400 ml hoenderaftreksel 15 ml mielieblom 50 ml rooiwyn Verhit oond tot 180 °C. Sny klein kepe in varknek en druk knoffelstukkies in. Verhit olie in oondbestande pan. Braai varknek rondom tot mooi bruin. Voeg uie, roosmaryn en tiemie by. Geur met sout en peper en plaas in oond. Oondbraai 1¼ uur. Haal uit oond en haal varknek, uie, roosmaryn en tiemie uit pan. Laat rus 10 minute. Plaas pan met al die vleissappe op stoofplaat en voeg portwyn by. Laat kook af tot net helfte…

Waar kom jy vandaan? Waar woon jy in Brasilië? Van Potchefstroom (Noord-Wes), maar ek woon nou in São Paulo in Brasilië. Voor ek hierheen gekom het, het ek vier jaar in Polokwane skoolgehou vir graad 3 en 4, maar dit was nie vervullend genoeg nie en ek was lus vir ’n nuwe uitdaging. Een van my vriendinne het iemand gesoek om in haar plek te kom au pair vir ’n gesin hier. Ek het die geleentheid met albei hande aangegryp. Dis nou al twee jaar en ek was nog nie een dag spyt nie! Wat behels jou werk? Hoe lank werk jy elke dag? Hoeveel kinders pas jy op? Ek pas twee meisies (6 en 4 jaar) op. Ek werk van Maandag tot Vrydag 8 uur per dag en het…

Grenadellalimonade sowat 2 liter Bring 200 g (250 ml) suiker en 250 ml water tot kookpunt oor matige hitte en laat prut sowat 8 minute tot suiker gesmelt het. Voeg 250 ml grenadella-pulp (sowat 10 grenadellas) en sap en skil van 4 suurlemoene by. Laat kook nog 2 minute. Verwyder van plaat en laat afkoel tot koud. Draai 500 g ystoe in skoon kombuisvadoek en slaan met ’n koekroller tot fyn stukkies ys. Gooi in groot beker saam met koue stroop. Gooi 2 liter yskoue sodawater by en sit voor. WENK As jy Sprite pleks van sodawater gebruik, is die drankie soeter. Grenadellameringue genoeg vir 20 halwes Sit 250 ml grenadella-pulp (sowat 10 grenadellas – behou doppe), 150 g (190 ml) suiker en 125 ml room in voedselverwerker. Verwerk vir…

A Amandel – almond Appelkooskonfyt – apricot jam Aspersie – asparagus B Basiliekruidblaar – basil leaf Beesaftreksel – beef stock Beet – beetroot Borrie – turmeric Botterbone – butter beans Brandrissie – chilli Broodkrummels – bread crumbs D Dadel – date Dennepitte – pine nuts E Eier – egg Eiergeel – egg yolk Ertjie – pea F Fillodeeg – phyllo pastry Forel – trout G Gemmer – ginger Gerook – smoked Gevlok – flaked Grondboontjiebotter – peanut butter H Hawermout – oats Hawersemels – oat bran Heuning – honey K Kakao – cocoa Kaneel – cinnamon Kerriepoeier – curry powder Kersie – cherry Klapper – coconut Klapperolie – coconut oil Kleefvry – non-stick Knoffelhuisies – garlic clove Koekmeel – cake flour Koljander – coriander Komyn – cumin Kondensmelk – condensed…