Innehållsförteckning för February/March 2014 från SARIE KOS

Nektariensnipperkonfyt met tiemie Genoeg vir 500 g 10 SPAR Freshline-nektariens, met skil aan gesnipper 350 g SPAR-bruinsuiker 3 takkies SPAR Freshlinetiemie sap en gerasperde skil van 2 SPAR Freshline-suurlemoene Plaas al die bestanddele in ’n groot kastrol en bring tot kookpunt. Verlaag hitte en laat 25 – 30 minute stadig prut of tot dikkerige konfyt vorm. Om te toets of dit reg is, drup bietjie van die stroop op ’n koue bord en trek jou vinger deur die mengsel; as dit stadig in die opening terugvloei, is dit reg. Verwyder tiemietakkies en sit voor met warm brood en botter. Sien ook die wenk hierby. WENK Skep die warm konfyt in gesteriliseerde flesse as jy dit in jou spens wil bêre. Verseël die bottels met deksels en plaas bottels onderstebo tot…

Switserse muesli Dit staan tradisioneel bekend as Bircher-muesli, en is basies rou hawermout wat geweek word in vrugtesap en jogurt. Smaaklik en baie gesond! Genoeg vir 6 2 groenappels 210 g hawermout ( rolled oats) 250 ml lemoensap 80 ml heuning 500 ml Bulgaarse-styl jogurt 100 g pistasieneute, gekap vars vrugte vir voorsit 1. Rasper die appel met skil en al op growwe kant van rasper. 2. Plaas hawermout in mengbak en voeg appel en lemoensap by. Meng deur en laat staan 20 minute. 3. Voeg heuning by en meng deur. 4. Voeg jogurt by en meng goed. Skep in opdienbakkies. Sprinkel neute oor en sit voor met vars vrugte. Basiliekruidrolletjies Heerlik, al verg dit ’n bietjie tyd. Genoeg vir 9 500 g (890 ml) koekmeel 50 g (60 ml)…

My liefde vir kook het ontstaan uit storietyd met my ma, Inez. Terwyl sy my gesus het, het sy my besig gehou met gediggies en kleurryke vertellings van prinse en pampoene, gemmerbroodhuisies en pannekoekstapels hoër as die hemelruim. Die wonderlike gevoel wat ek ervaar het wanneer ek deur ’n goeie storie meegevoer is, het mettertyd kombuis toe verskuif. Elke resep het ’n storie, en dis ons as kokke se taak om hierdie stories te vertel. Elke keer as ek opskep en die kos tafel toe dra, gebeur daar iets toweragtigs. Die tafel, die skottels, die mense aan tafel en hul eie stories raak deel van die verhaal. Soms hou ek die storie kort en ander kere gaan haal ek dit ver. En elke keer dat ek die gereg weer maak,…

‘Dié doughnut het pers in die middel, pers is ’n vrug Homer Simpson’ Basiese doughnut-resep Gebruik dit om verskillende soorte van die bekende lekkerte te maak. Genoeg vir sowat 20 doughnuts 10 g kitssuurdeeg 35 g (40 ml) strooisuiker 190 ml louwarm water 1 eier 5 ml sout 125 ml ingedampte melk 500 g (890 ml) koekmeel 30 ml gesmelte botter Plaas suurdeeg en suiker in ’n mengbak. Voeg water by en laat staan 10 minute. Klits eier, sout en ingedampte melk saam in ’n ander mengbak. Voeg eiermengsel by suurdeegmengsel en meng goed. Voeg helfte van meel by en meng goed. Voeg gesmelte botter by en meng deur. Voeg res van meel by en meng goed deur. Die deeg is taamlik klam. Plaas op meelbestrooide werkvlak en knie so…

Slaai met spek, artisjokke, bokmelkkaas en crostini Die bros broodjies of crostini is heerlik saam met die vars blaarslaai. Genoeg vir 6 – 8 Verhit oond se rooster-element. Plaas 13 snye Franse brood op ’n bakplaat en rooster aan weerskante. Sny 200 g chevin-bokmelkkaas in skywe en plaas ’n skyf bokmelkkaas op elke sny brood. Druk ’n basiliekruidblaar bo-op. Geur met sout en peper. Sprinkel 40 ml olyfolie oor en plaas vir sowat 2 minute terug onder die rooster. Halveer 250 g strepiespek (streaky) en sit op ’n bakplaat. Rooster in oond tot bros. Rangskik 3 koppe baba-gem-blaarslaai op ’n groot opdienbord. Plaas spek, 1 x 285 g-bottel gemarineerde artisjokke en geroosterde crostini bo-op en sprinkel ’n bietjie olyfolie oor. IN MY MANDJIE SAG EN ROMERIG Fairview se chevin-bokmelkkaas is…

Oondgebaktetamaties-eier-engroentenoedel-slaai Koop klaargemaakte murgpampoentjie-noedels, dis baie gesonder as pasta. Genoeg vir 4 24 klein ranktamaties 30 ml kanola-olie 2 knoffelhuisies, fyngekap sout en varsgemaalde swartpeper hand vol kruie soos tiemie, roosmaryn en origanum, gekap 1 x 400 g-sak murgpampoentjie-noedels 60 ml witwyn-asyn 6 eiers 50 g parmesaankaas, fyngerasper 100 g pekanneute, fyngekap 1 Verhit oond tot 180 °C. Pak tamaties in oondbraaibak. Sprinkel olie en knoffel oor. Geur goed met sout en peper. Sprinkel kruie oor. Rooster 15 minute in oond of tot tamaties oopbars. 2 Plaas noedels in groot bak en gooi kookwater oor. Laat staan ’n minuut en dreineer. Hou eenkant. 3 Bring pot met water tot kookpunt en gooi asyn in. Verlaag hitte tot water stadig prut. Breek eiers een-een in maatkoppie en gooi versigtig in kookwater.…

Hoekom moet ek by Waterkloof kom eet? Kom geniet ’n glas yskoue vonkelwyn op ons stoep. Kom geniet die sonsondergang en laat ons toe om jou te bederf met goeie kos en diens. As jy ’n bestanddeel was, wat sou jy wees? Foie gras (ganslewers). As jy dink aan jou ouma, onthou jy … Die ongelooflike kok wat sy was, en ’n bakkie vol goudgeel soet vanieljesemolina op ’n Sondagaand ná ’n familiekuier. Daarna het ek gewoonlik op haar bank aan die slaap geraak, net om die volgende oggend veilig in my eie bed wakker te word. As ek aan jou tafel sit, mag ek nooit … Met een hand eet nie en moenie met jou kos speel nie. Besoek SARIE.com  vir SA se toptien-restaurante.…

Vrugte KYK UIT VIR Spanspek, waatlemoen, perskes, granaat, appelkoos, grenadella, pere, pruime, aarbeie, swartbessies en appels Eiervrug Ondanks die naam, dink die meeste mense dis groente, seker omdat dit gewoonlik in sout geregte voorkom. Die vrug is in ’n verskeidenheid kleure soos wit, groen, pers en gestreep beskikbaar. Druiwe Aan die etenstafel kry ons druiwe meestal in die vorm van wyn. Maak hierdie somer ysblokkies van vars druiwekorrels. Dit sal nie jou wyn verwater nie, en is heerlik verfrissend as dit eers effens gesmelt het. Groente KYK UIT VIR Spinasie, mielies, soetrissies, seldery, artisjokke, mangetout en groenboontjies. En tamaties (maar dis mos ook eintlik ’n vrug) Beet Die blare van die beetplant is ook eetbaar – die vars blare proe byna soos spinasie. Het jy geweet: In die 19de eeu…

Aartappel-en-forelslaai Gewoonlik word aartappelslaai as bygereg voorgesit, maar met forel daarby is dit ’n smaaklike ete op sy eie. Genoeg vir 4 Kook 10 Mediterreense aartappels tot sag. Laat afkoel en trek skille af. Sny aartappels in skywe. Verhit 30 ml olyfolie in ’n pan. Plaas 300 g forelfilette velkant onder in die pan. Braai sowat 5 minute aan elke kant. Haal uit en verwyder vel. Plaas aartappels en vis in ’n mengbak en geur met sout en peper. Meng 250 g crème fraîche en 30 ml mayonnaise en meng versigtig deur. Sprinkel 2 gekapte sprietuie, 20 ml kappertjiesaad en 3 takkies fyngekapte dille oor. IN MY MANDJIE MEDITERREENS Die kleur van die aartappels is baie geler as diė van ’n gewone aartappel. Woolworths se Mediterreense aartappels kos sowat R30…

Makrielslaai Ek het met dié gereg grootgeword. Dit was veral ’n gunsteling vir Saterdag se middagete. Maak net seker jy eet dit saam met mayonnaise met ’n lekker skerp geur. Genoeg vir 4 – 6 Plaas 6 eiers in ’n kastrol en vul met koue water. Bring tot kookpunt en laat kook 5 – 6 minute. Dreineer en bedek onmiddellik met koue water. Laat afkoel en verwyder doppe. Halveer elke eier. Dreineer 2 x 425 g-blikke makriel en verwyder grate. Breek in groot stukke. Plaas blare van 1 kop baba-gem-blaarslaai in ’n bak en rangskik 4 gesnyde tamaties, 1 ui, in ringe gesny, en 100 g swart olywe boop. Geur met sout en peper. Sit voor saam met pikante mayonnaise. IN MY MANDJIE VIS IN ’N BLIK Die geblikte makriel…

DOUGHNUTS MET VA NIELJEVLA Genoeg vir 8 1 x 10 g-pakkie kitsgis 35 g (40 ml) strooisuiker 190 ml louwarm melk 1 eier 5 ml sout 125 ml ingedampte melk 490 g (875 ml) koekmeel 30 ml gesmelte botter 750 ml sonneblomolie VULSEL 500 ml melk 80 g (100 ml) suiker 6 eiergele 20 g (35 ml) koekmeel 5 ml vanieljepoeier Plaas gis en suiker in mengbak. Voeg melk by en laat staan 10 minute. Klits eier, sout en ingedampte melk saam in ’n ander mengbak. Voeg eiermengsel by gismengsel en meng. Voeg helfte van meel by en meng goed. Voeg gesmelte botter by en meng deur. Voeg res van meel by en meng goed deur. Die deeg is taamlik klam. Plaas op meelbestrooide werkvlak en knie so 10 minute.…

Draai jou eie roomys Plaas 1 liter vanieljeroomys in ’n elektriese menger se bak. Klits by mediumspoed met die mengspaan (K-beater) tot glad. Voeg 3 snye gekoopte gebakte kaaskoek (Woolworths, R134 vir 1 koek) by en meng weer saam tot glad. Skep mengsel terug in roomysbak en vries tot gestol, maar steeds sag – sowat 2 uur. Skep mengsel in spuitsak met 1 cm-tuit en spuit in opdienbekers of roomyshorinkies. Sit voor met karamelsous van jou keuse. *Kry die Februarie- SARIE vir nog idees. Vlymskerp Elke kombuis kort ’n goeie mes, maar as hy so mooi en nuttig is soos dié een van Weylandts, gaan jy dalk heeltyd net wil kook. Koop die Santoku-mes van 16 cm lank aanlyn by www.weylandts.co.za  teen R595. MOOI WYN Dis ’n…

PIENK PLESIER Dié delikate kleur is al jare ’n wenner onder die slanke skoonhede by die Oscars. Dit sal vanjaar beslis weer die bes geklede lys haal. STYLVOL IN SWART By elke groot geleentheid sien jy hulle, ’n klomp bekendes in hierdie klassieke kleur. Jy kan maar seker wees vanjaar sal geen uitsondering wees nie. SAG OP DIE OOG Naaswit (buttermilk) is lank nie meer net vir bruide nie. Dis ewe gewild wanneer die goue beeldjies uitgedeel word, want dit spreek van sofistikasie en plaas die klem op die ontwerp van die uitrustings. BLINK KANT BO Hoe blinker hoe beter, glo sommige sterre, en hoekom dan nou nie – die Oscars is immers die toppunt van glans en in ’n metaalkleur kan jy nie anders as skitter nie. Die Oscar-wenners…

Framboos-enmentstroop 800 g gevriesde frambose 15 kruisementblare 2 takkies tiemie 700 ml water 5 00 g suiker 10 ml lemmetjiesap (of suurlemoensap) Plaas frambose, blare, tiemie en water in ‘n kastrol en bring tot kookpunt. Verminder hitte en laat prut 40 minute. Skep skuim af en roer aanhoudend om te voorkom dat dit aanbrand. Verwyder van hitte en laat effens afkoel. Gooi mengsel deur ‘n fyn sif, maar moenie deur sif forseer met lepel nie – jou stroop sal dan nie mooi helder wees nie. Jy behoort 2 koppies vol te hê. Plaas weer in ‘n kastrol en voeg suiker en sap by. Roer tot al die suiker opgelos en mengsel effens dikker geword het – sowat 10 minute. Verwyder van hitte en skink in gesteriliseerde bottels. Verseël en bêre…

“Ek het skielik baie kinders en dis wonderlik, al meen ek ek het nou genoeg!”Jamie Oliver Met ’n stem wat bewe en ’n hart wat vinnig klop, sit ek met my selfoon in die hand. Om 11:45 kom die oproep deur en ek kan skaars glo wat ek hoor aan die ander kant. Die kenmerkende lispel en Britse aksent groet my warm. Onmiskenbaar Jamie Oliver. Dadelik begin ons klets asof ons gewoon om ’n braaivleisvuur staan en kuier. Binne sekondes is ons albei op ons gemak, en ek besef weer: Dis waar dat kos ’n internasionale taal is. Ons gesels oor Jamie se liefde vir kosmaak, sy lewe as restaurantbaas en sy vrou en kinders. ’n Tak van jou restaurantgroep Jamie’s Italian het pas in SA oopgemaak. Hoekom het jy…

Basiese macaron-resep Genoeg vir 40 makrolletjies 190 g versiersuiker 190 g amandelmeel twee bakkies met 70 g eierwit elk, by kamertemperatuur ½ vanieljepeul, saadjies uitgeskraap jel-voedselkleursel van jou keuse, kyk by bakwinkels 55 g water 190 g strooisuiker VOOR JY BEGIN Daar is vier dinge wat jy in die kombuis moet hê om perfekte macarons te maak: 1. ’n Elektriese menger en voedselverwerker. 2. ’n Digitale skaal – jy moet alles 100% akkuraat afmeet as jy mooi macarons wil maak. 3. ’n Suikertermometer – akkuraatheid is weer eens jou beste vriend. 4. ’n Sif – sif al die bestanddele deeglik om sukses te verseker. BEGIN HIER 1. Voer twee bakplate uit met bakpapier. Sny die papier sodat dit presies op die bakplate pas – geen rande teen die kante van…

Haar lyf is bedek met ’n magdom tatoes, (in kleur, sommige simbolies), en haar hare is borselkop gesny. “Ek doen nie die tradisionele ding nie,” verklaar Ash Heeger, 27-jarige mede-eienaar van ASH*, ’n restaurant in Kaapstad. En sy pen jou vas met haar blou oë terwyl sy praat oor haar “verslawing” – haar liefde vir kosmaak. Haar houtskool-oond is haar trots. Die neiging in kookkuns om houtskool te gebruik het van Amerika oorgewaai en dis splinternuut in Suid-Afrika. “Voorheen het ek tegnies, effens verfynd, gekook,” vertel Ash, “maar houtskool is beter, dit sorg vir eerlike, rustieke geregte.” Dis die soort kos wat jy kry in ASH, wat sy op 18 Junie verlede jaar begin het. As student aan die Silwoodkookskool in Rondebosch, het sy as deel van haar opleiding van…

Framboos-sorbeten-pistasieroomysterrien Verras met dié liggroen pistasieterrien met sy rooi framboos-hart en basis van madeira-koek. Genoeg vir 10 1 liter vanieljeroomys 100 g pistasieneute, fyngemaal 2 ml groen koskleursel 500 ml framboos-sorbet 100 g sjokolade-splinters 280 g sjokolade-madeira-koek Plaas vanieljeroomys in groot mengbak en maak sag met groot metaallepel – dit moenie heeltemal gesmelt wees nie, maar eerder soos sag geklopte botter lyk. Voeg neute en kleursel by. Meng deur. Skep mengsel in 25 cm-broodpan wat met kleefplastiek uitgevoer is. Plaas vir 2 uur in vrieskas of tot buitenste laag van roomys gestol het. Skep middelste sagte deel uit. Maak sorbet sag in mengbak en vou sjokoladesplinters in. Skep sorbet in die holte waar jy vanieljeroomys uitgeskep het. Plaas vir 2 – 4 uur of oornag in vrieskas. Sny madeirakoek in…