Innehållsförteckning för Jul/Sept 2018 från SARIE KOS

Mense vra my gereeld hoekom ek so baie oor die platteland praat, en oor my grootwordjare daar. Die waarheid is dat alles wat jy eendag word, gevorm word deur die dinge wat jy in jou kinderhuis ervaar. Die platteland is diep in my hart geëts, en elke keer as ek daar is vir ’n fees, ’n boekgesprek of ’n gesellige kuier, besef ek opnuut waarom ek so lief is daarvoor. Dis die ongemaskerde eerlikheid en oorgawe waarmee alles aangepak word. Dis die warmte waarmee jy verwelkom word en die vriendelike groet waarmee jy vertrek. Toe ek klein was, was wintertye vir my die heel beste, want dan het ek geweet goeie kos wat heeldag al prut, wag vir my vanaand as die son sak. Vuurwarm lamsbredie wat saggies weggekook het…

Dié motorvervaardiger het deesdae ’n wenresep met sy nuwe reeks voertuie, met basiese bestanddele wat bestaan uit pragtige ontwerp, topgehalte-afwerking, moderne tegnologie en die beste veiligheidskenmerke. Dié resep is ook gebruik vir die opdis van die Sweedse vervaardiger se nuwe XC40, wat ’n kompakte sportnutsvoertuig is wat soos soetkoek verkoop en reeds talle ontwerppryse ingepalm het. Dit is ’n toonbeeld van styl en ongelooflike vakmanskap, beskikbaar met ’n verskeidenheid turbo-enjins wat petrol- of diesel-aangedrewe is. Die XC40 sal enigiemand dadelik tuis agter die stuur laat voel en ten spyte daarvan dat dit Volvo se kleinste sportnuts is, bied dit oorgenoeg pakplek. Pryse begin by R489 500.…

genoeg vir 6-8 Verhit 45 ml olyfolie tot warm in groot pot en braai 200 g gekapte spek tot goudbruin en bros. Voeg 750 ml melk en 100 g botter by en bring tot kookpunt oor matige hitte. Voeg 250 ml semolina geleidelik by en hou aan klits tot dik. Roer nog sowat 5 minute oor hitte of tot gaar. Meng 100 g (250 ml) gerasperde parmesaan-kaas by tot gesmelt. Geur goed met sout en varsgemaalde swartpeper. Verhit nog bietjie olyfolie in braaipan en roerbraai 180 g klein groenbone tot sag en gaar, 3-5 minute. Geur goed met sout en peper. Skep gaar pap in opdienbak en skep warm bone bo-op. Pak 80 g baba-spinasie bo-op. Sprinkel 100 g amandels of dennepitte oor. Sit warm voor. POT VIR JOU PAP…

“Met my internskap het die hoofsjef vir my gesê my hande is gemaak om ’n patisseriesjef te wees. Tot vandag motiveer dit my Yolani” 10 vrae vir Yolani 1. Waar kom die naam Kole&Deeg vandaan? Dis ’n eg Afrikaanse naam wat ’n verbintenis of interaksie tussen vuur en die roosterkoeke verteenwoordig. My oudste broer, Etienne, het die naam uitgedink. Roosterkoek was die inspirasie. Deeg oor die Kole. 2. Hoekom roosterkoek? Dis veelsydig, gesellig saam met die tradisionele Suid-Afrikaners se liefde vir braaivleis en kuier. Kinders kan hul eie stokbrood braai. Dis ideaal vir burgers met ’n verskil en dit kan in repies gesny word as ’n doop-broodjie. 3. Wat is die grootste geheim van goeie roosterkoek? Die sukses van brood begin by die deeg. Jy moet seker maak jy laat…

Sjokoladebrownie-rolkoek met karamelvulsel Die koek is lekker klam en kompak soos ’n brownie. Vul dit met soet karamelroom. genoeg vir 12 3 groot eiers 125 g (155 ml) strooisuiker 15 ml kookwater 100 g (180 ml) koekmeel 25 g kakao VULSEL 250 ml room 1 x 365 g-blik karamel-kondensmelk 125 g vars bloubessies 100 g sjokolade, fyngekap Verhit oond tot 180 °C. Plaas eiers, suiker en water in bak van elektriese menger met ballonklitser. Klits by hoë spoed tot dik en skuimerig – so 10 minute. Voer ’n rolkoekpan van 27 x 20 cm uit met GLAD-bakpapier (foto 1). Sif meel en kakao saam en gooi by eierskuim. Vou in met groot metaallepel. Gooi mengsel in uitgevoerde pan en smeer gelyk. Bak 12-15 minute of tot opgepof en gaar. Keer…

Die olyf is al so lank met die mens dat dit al beskryf is as ’n smaak ouer as wyn. ’n Smaak so oud soos koue water. In die Griekse mitologie het Zeus vir sy dogter Athena en sy broer Poseidon ’n skeppende uitdaging gegee: “Die een van julle wat met die mees bruikbare gawe vir die mensdom vorendag kom, kroon ek as beskermer van ’n splinternuwe stad.” Arme Poseidon dink nog hy't Greece's Got Talent gewen met sy kliefende bliksemstraal. Maar nee, die dapper Athena – ook bekend as godin van wysheid en oorlog – steek haar houtstaf in die grond, en dit word terstond ’n olyfboom. “Mag die vog van sy vrug altyd vrede, voorspoed en goeie gesondheid na jul tafels bring,” verklaar sy en word só hoofgodin…

“Maalvleis is my noodplan as ek min tyd het - van bobotie tot frikkadelle kan jy baie vinnig maak”AMARIA CARSTENS SARIE-moderedakteur “Vir iemand wat alleen woon, is koeskoes die goue staatmaker. Jy hoef nie eens ’n stoof te hê nie! As jy water kan kook, kan jy koeskoes maak”ANNEMIE LOMBARD SARIE.com-redakteur “Ek is mal oor kekerertjies, maar nie juis die geblikte soort nie. Ek week dit oornag, kook dit gaar en vries dit dan in porsies. Dis net so goed soos uit die blik, maar dit smaak beter.”PHYLLIS GREEN SARIE-fotograaf en -boekeredakteur “Elke Maandag vries ek ’n klomp rou groente in porsies. Ek ontvries dit dan soos nodig en rooster dit in die oond vir gebruik in geregte soos sop of ’n vinnige groenteslaai”CARMEN BOTMA SARIE-bemarkingsbestuurder “Ek maak in die…

genoeg vir 6-8 Meng 100 g (200 ml) koekmeel, 5 ml bakpoeier, knippie sout en 75 ml wit mieliemeel (mieliepap) in ’n mengbak. Klits 1 eier, 350 ml karringmelk en 100 ml water saam. Voeg eiermengsel by droë bestanddele en klits tot gladde beslag vorm. Voeg 1 x 400 g-blik pitmielies wat gedreineer is by en meng. Smeer ’n braaipan met bietjie olyfolie en verhit oor hoë hitte. Skep eetlepels vol beslag in die pan en braai sowat 2 minute aan elke kant. Sit voor met heuning of stroop. PAN VIR JOU PAP Hier’s ’n oondbraaipan wat ewe goed binne as bo-op die stoof werk vir braai en bak. Dis veral lekker as jy ’n klomp gaste onthaal, want jy kan baie plaatkoekies op ’n slag braai. Koop Scanpan se…

1874 Die Londense bakkery Peek Freans skep die eerste Marie-beskuitjie om die huwelik van die groothertogin MARIA ALEXANDROVNA van Rusland met die Hertog van Edinburgh te vier. 1851 John Frederick Baumann land in Durban en stig BAUMANN & CO met die plan om SUID-AFRIKAANSE SKEEPSKOEKIES (hardtack) op groot skaal te vervaardig. 1883 DIE EERSTE MASJIEN-VERVAARDIGDE skeepskoekies word deur Baumann & Co geproduseer. 1885 Baumann & Co VOER DIE EERSTE FYNGEBAKKOEKIEMASJIEN UIT ENGELAND IN. Die eerste weergawes van die ikoniese Blue Label Marie-beskuitjie verskyn. 1915 Tydens die Eerste Wêreldoorlog lei anti-Duitse gevoelens in Natal daartoe dat die naam BAUMANN & CO na BAKERS BISCUITS VERANDER word. Bakers Biscuits gaan sedertdien van krag tot krag.…

1. Hoekom het julle juis Knysna gekies vir Île de Païn? Ek het as kind saam met my familie op Groot-Brakrivier vakansie gehou, en ons het gereeld vir die dag Knysna toe gery om te kom eet en “shop”. Ek het toe al besluit as ek ooit ’n restaurant begin, sal dit op Knysna wees. Toe ek en Markus in Desember 2002 ons eie plek oopgemaak het, was daar nog net drie huise op Thesen-eiland. En kyk hoe lyk dit nou! 2. Jy en Markus het lank in Amerika gewoon. Dis ook waar julle mekaar ontmoet het. Hoe het die verblyf in Amerika jul manie vir kook beïnvloed? Vir my was dit geweldig stimulerend, ek kon nie genoeg kry nie en het as student aan soveel ekstra aktiwiteite deelgeneem as…

TIME ANCHOR RUM word in die hartjie van Johannesburg gedistilleer deur Warrick Brown en Shanna-Rae Wilby. Hul unieke manier van rum maak sorg vir Time Anchor se kenmerkende klapper-envanieljesmaak, wat dit nommerpas maak vir somerdrankies. Besoek www.timeanchor.co.za . WHISTLER DARK RUM is Vrystaats van oorsprong, waar dit gedistilleer, verouder en gebottel word. As jy meer daaroor oplees, sal jy gou agterkom die mense wat dit maak, glo jy moet die gehalte en geure van die produk geniet: smake van sjokolade, toffie en neute. Besoek whistlerrum.co.za . COPELAND RUM word in klein hoeveelhede in die Kaap gedistilleer deur James Copeland. Hy gebruik melasse en giskulture wat die rum ’n baie soet geur en tropiese smake gee. Elke bottel word met die hand verpak om seker…

SARIE KOS is ryk in geure en kleure, en die smaaklikste Afrikaanse koswoorde. In elke uitgawe bring ons hulde aan ons taal met lekker-sê-woorde soos #wintertroos. As die koue kom kuier, is dit juis die tyd om ’n bietjie wintertroos te soek. Maak jou warm met die liefde van jou hond of jou kat se sagte pels. Wat is dan lekkerder as ’n vuurtjie in die kaggel, ’n glas vol rooiwyn en ’n pot stomende kaasfondue op die stoof (kyk bl. 79). Want, soos F.A. Fagan in sy gedig Huisie by die See sê, hier binne is dit veilig, warm en dig. En in Breyten Breytenbach se gedig Wintertroos gee hy ook raad: Verknies jou nie oor die winterreën nie. Gaan ook na Afrikaans.com…

Ja, daar’s inderdaad nou roomys vir jou hond! Ons gesels met Linda van der Walt, eienaar van die onderneming wat Cool Dogs Ice Cream uitgedink het. 1. Waar kom die idee vandaan? Ons werk al sedert 2017 aan die gedagte om ’n unieke bederf vir honde te maak. Ons wou graag roomys ontwikkel wat terselfdertyd lekker is én ’n gesonde alternatief bied. 2. Hoekom is dit gesond? Ons gebruik net die beste A-graadbestanddele: biltong, vryloopeendborsies sonder vel en vars aarbeie. Die jogurtbasis bevat slegs 0,1% laktose (laktose is nie goed vir honde se spysvertering nie). Pleks van witsuiker, word natuurlike versoeters gebruik om die bitterheid van die jogurt teen te werk en te sorg vir ’n heerlike smaak. Ons werk saam met ’n geregistreerde dieredieetkundige om seker te maak die…

Koop eerder heel speserye en maal dit self, dit sorg vir meer geurHERMAN LENSING Voorbladresep van Bloemfontein! Groen Thaise kerrie Retha Joubert het dié resep vir my gegee toe ek onlangs in die Rosestad gekuier het. Sy vertel my sy het baie probeerslae gehad voor sy by die perfekte weergawe uitgekom het. Hier is hy en dis heeeeerlik! genoeg vir 6 5 knoffelhuisies 2 uie, grofgekap 1 x 5 cm-stuk gemmer, geskil en grofgekap 4 groen brandrissies (of na smaak), grofgesny 15 ml fyn komyn hand vol vars koljander 30 ml vissous 45 ml olyfolie 12 hoenderborsies sonder vel (of ontbeende dye), in blokke gesny 1 x 410 g-blik klappermelk 250 ml hoenderaftreksel sout en varsgemaalde swartpeper sap en gerasperde skil van 2 suurlemoene (of na smaak) Plaas knoffel, uie,…

“My naam is Pedro Kruger en ek is ’n chocoholic”PEDRO KRUGER Grondboontjiebottersjokoladekoek As ek die dag hierdie koek bak, weet my hele huis ek is in ’n goeie luim. Hy is ryk en hy is heerlik! genoeg vir een 22 cm-koek 400 g (500 ml) suiker 250 g (450 ml) koekmeel 75 g (200 ml) kakao 7,5 ml bakpoeier 7,5 ml koeksoda 5 ml sout 2 eiers 250 ml karringmelk 15 ml vanieljegeursel 250 ml warm koffie 60 ml gladde grondboontjiebotter 115g (125 ml) ongesoute botter, gesmelt VERSIERSEL 125 ml gladde grondboontjiebotter 115 g (125 ml) ongesoute botter, by kamertemperatuur 325 g (625 ml) versiersuiker, gesif 75 g (200 ml) kakao, gesif 5 ml vanieljegeursel 135 ml room Verhit oond tot 180 °C. Spuit 2 koekpanne van 22 cm met…

genoeg vir 6 Plaas 250 ml rou hawermout, 250 ml melk, 250 ml water, 100 g (110 ml) botter, 1 kaneelstok en 5 ml vanieljegeursel in ’n middelslag-kastrol. Bring tot kookpunt oor lae hitte. Hou aan roer met houtlepel tot romerige mengsel vorm en hawermout gaar is, 8-10 minute. Verwyder van hitte en roer 50 ml heuning deur. Skep in opdienbak. Sprinkel 100 g pekanneute en 140 g vars bessies en/of vye oor en sit voor met ekstra fyn kaneel. POT VIR JOU PAP Elke kombuis sal spog met so ’n pers gietysterpot van Le Creuset. Dis stylvol en duursaam. Koop dit landwyd by Le Creusetwinkels vanaf R2 100.…

DIE UITDAGING Maak warm, huislike kos, troos teen die winterkoue BESTANDDELE Botterbone en maalvleis ’n Knypie van haar Zoeloe-kultuur. Skeutjie van die Indiër-kookkuns afkomstig van haar heimat, Durban. Twee jaar as sjef in ’n brasserie in Cheshire, Brittanje. Dís Zola Nene se kos in ’n neutedop. Zola, wat sewe jaar lank die vaste sjef op SABC3 se Expresso Morning Show was (tans is sy net as vryskut betrokke), maak vandag frikkadel-en-botterboon-bredie. Herman noem sy gereg basaar-kerrie, soet, “soos jy dit op die platteland maak. Afrikaanse mense sit mos suiker by als.” Aan Zola: “Jy sal sien as jy na ’n plattelandse troue toe gaan.” (As een van die “bashers” op M-Net se tweede seisoen van Wedding Bashers*, het sy ’n vry sê oor die kos by elke onthaal.) ZOLA “Ek…

Bone-en-frikkadelkerrie As jou bone eers geweek is, maak jy die gereg blitsvinnig. genoeg vir 4 1 x 500 g-sak IMBO Kidney Beans 30 ml olyfolie 1 ui, fyngekap 2 knoffelhuisies, fyngekap 1 x 1 cm-stuk vars gemmer, fyngerasper 30 ml geroosterde masala 100 ml water 1 x 410 g-blik klappermelk 16 lamsvleis-frikkadelle (sien bl. 58 vir ’n resep) sout en varsgemaalde swartpeper 400 g gestoomde ertjies hand vol vars koljander, fyngekap Plaas bone in pot met koue water en bring tot kookpunt. Maak pot toe, sit plaat af en laat staan vir 1 uur (dis belangrik om geen sout by die water te gooi voor jy dit kook nie, dit kan die bone laat taai raak). Dreineer en bedek met skoon kookwater. Bring weer tot kookpunt en kook vir…

MIELIEPAP Dis vullend en lekker en jy kan dit saam met ’n verskeidenheid geregte eet. Maak joune van Iwisa se tradisionele mieliemeel – landwyd te koop teen R12,99 vir 1 kg. EIERS IS TOPS Wat is die kombuis sonder eiers? Jy kan omtrent geen gebak daarsonder aanpak nie. Sorg dat jy altyd Nulaid se ektra-groot eiers in jou yskas het. R16,99 vir 6. GEEL PITTE Kry jou mieliepitte sommer in ’n blik, want Rhodes s’n smaak soos ’n vars produk, net reg vir jou plaatkoekies. Sowat R13 vir ’n 410 g-blik.…

Gebraaide María’s met vlavulsel ’n Tradisionele Spaanse resep – dis heerlik! genoeg vir 8-10 VLAVULSEL 400 ml melk 4 eetlepels suiker 1 pakkie vlapoeier MARÍA’S sonneblomolie 2 pakkies Marie-beskuitjies 100 ml melk (om beskuitjies te doop) 2 eiers 5-6 eetlepels suiker kaneel Vulsel Verhit 400 ml melk in ’n kastrol saam met 4 eetlepels suiker. Hou ’n bietjie melk oor om die vlapoeier aan te maak. Meng die melk met die vlapoeier en sodra die melk begin kook, voeg die poeiermengsel by en roer tot dit verdik. Haal af van hitte en laat afkoel. Roer af en toe, sodat die bokant nie stol en ’n vel vorm nie. María’s Wanneer die vulsel byna koud is, verhit ’n braaipan met sonneblomolie oor matige hitte. Plaas Marie-beskuitjies op kombuispapier en skep ’n…

BROCCOLI ’n Groot hulpmiddel in die stryd teen verkoue, soos ook ander kruisblommige groente (Brusselse spruite, pak choy of Chinese kool, kool, blomkool, boerkool) – want dit versterk jou immuniteit, volgens Amerikaanse navorsing. Dit bevat ’n stof, sulforafaan, wat antioksidant-gene en ensieme in sekere immuunselle aanskakel om vry radikale (molekules wat selle beskadig) te beveg. SOETRISSIES Ook ’n goeie bron van vitamien C. Dit help onder meer om jou vel gesond te hou en om wonde te laat genees. Soos rissies, bevat dit kapsaïsien, ’n stof bekend daarvoor dat dit inflammasie en moontlik ook pyn verminder. Kap op en sit voor met hoemoes of besprinkel met bietjie rooi asyn, sout en peper. SPINASIE Selfs gestoomde spinasie is een van die beste bronne van folaat, wat noodsaaklik is om inflammasie in…

Rum baba met sjokoladesplinters Dié gisgebak is die plakkaatmeisie van rumnageregte (saam met rum&rosyntjie-roomys). Die deeg lyk min, maar dit rys lekker hoog en sal die pan vul. genoeg vir 1 koek 125 ml rosyntjies 350 g (625 ml) koekmeel 1 x 10 g-sakkie kitsgis 5 ml sout 50 g (60 ml) suiker 125 ml louwarm melk 4 eiers 115 g (125 ml) botter 100 g sjokolade- splinters SOUS 310 ml water 100 g (125 ml) suiker 100 ml wit rum 125 ml lemoensap sjokoladevla vir voorsit Plaas al die bestanddele vir die koek in elektriese menger se bak en klits by hoë spoed met mengspaan tot alles in een bal saamkom. Plaas in skoon mengbak wat gesmeer is met olie. Laat rys op warm plek tot dubbel die volume,…

SPESERYE Chai is ’n warm drankie van swart tee en melk wat gegeur word met ’n verskeidenheid speserye, elkeen met soet note. Tradisioneel bevat die tee ster-anys, kardemom, vanielje, neutmuskaat, kaneel, gemmer en naeltjie. Kry Île de Païn se resep op bl. 89. WAT BETEKEN DIE NAAM? Chai is Hindi vir tee. Dis afgelei van “cha”, die Chinese woord vir tee. Om Chai te drink is so deel van die lewe in Indië dat die meeste Indiërs verstom is oor die Westerlinge so ’n ophef daarvan maak. VERSIGTIG VIR BITTER Tee raak gou bitter as jy dit kook, en daarom is dit belangrik om nie jou mengsel te kook nadat jy die tee bygegooi het nie. Kook eerder die melk en speserye saam en gooi dan die mengsel oor jou…

WYN VIR DIE WINTER Maak die lang winteraande warm met goeie kos op jou bord en lekker wyn in jou glas, soos dié Wolfkloof Shiraz van Robertson Winery. Die druiwe vir die wyn is in Maart 2013 geoes en daarna 17 maande lank in 225 liter-vaatjies verouder. Die wyn se diep bessiesmake en volronde mondgevoel maak dit die perfekte pasmaat vir wintergeregte soos bredies en vleissop. Besoek www.robertsonwinery.co.za vir meer inligting. DEUR DIE TOE DEUR Hierdie nuwe yskas van LG is ’n móét vir dié van ons wat heeltyd die deur van die yskas wil oopmaak op soek na kos! Met die tegnologie wat in die InstaView Door-in-Door™ benut word, kan jy twee keer liggies op die deur klop om die lig in die yskas aan te skakel. Loer dan…

DIE KERN VAN JENEWER Internasionale jenewerkundiges meen liefhebbers van die drankie stel al hoe meer belang in waar dit vandaan kom: Hulle soek outentieke geure en ’n sterk plaaslike verhaal. Dit is dus geen wonder nie dat KWV se Cruxland-jenewer – wat ’n infusie van die seldsame Kalahari-truffels bevat – onlangs in die jaarlikse World Gin Awards in Londen deur internasionale kundiges as die SA droë jenewer met die beste smaak (Best South African Dry Gin for Taste) aangewys is. AANLYN WYNWENNERS Vivino is ’n aanlyn wyngemeenskap, wynlys en selfoon-toep waarop gebruikers wyn kan koop, evalueer en beoordeel. Jaarliks beloon dié virtuele wyngemeenskap die beste en mees geliefde wyne van regoor die wêreld in die Vivino Wine Style Awards. Die meriete word deur Vivino se 26 miljoen gebruikers bepaal, en…

1 Verdeel deeg in 12 balle. Gebruik jou vingerpunte en druk een bal op ’n slag effens platter – begin in die middel van die deegbal en werk na buite. 2 Gooi ruim meel op werkvlak en rol elke stuk deeg so dun moontlik uit met ’n rolstok – Anant gebruik ’n spesiale plank en roller wat hy van Indië af bring, maar jy kan dit met jou eie koekroller op jou werkvlak rol. Hoe dunner, hoe beter. 3 Verhit kleefvrye pan tot warm en gooi deeg droog in die warm pan. Gebruik houtlepel en skuif deeg heen en weer in die pan tot die roti begin oppof soos op die foto. Hou aan tot hele stuk deeg opgepof het. Draai om en braai nog ’n paar minute tot albei…

My naam is Pedro Kruger en ek is ’n chocoholic. Ek dink ek was so vier jaar oud toe ek dit besef het. Toe my ma my vra wat ek vir Kersfees wil hê, was my grootste wens om onder een van die sjokoladefabriek se krane te gaan lê terwyl strome sjokolade in my mond invloei à la Willy Wonka. Daai wens het nie waar geword nie, maar die hoeveelheid sjokolade wat ek van toe af verorber het, is meer as wat ek ooit uit die sjokoladetenk sou gekry het. Ek moet vertel: My ma het altyd in groot maat by Makro gekoop. Só het sy dit goedgedink om ’n reuse-houer van 100 chocolate éclair-toffiestokkielekkers te koop. Nou, as jy sjokolade wil ruïneer, moet jy dit met ’n homp harde…

Alle olywe is groen voor hulle swart word aan die boom Kort lamskenkels met olyf-en-tamatieslaai Jy kan die gereg seker maar ’n bredie noem. Die slaai sorg vir ekstra tekstuur. genoeg vir 6 45 ml olyfolie 2 uie, grofgekap 2 knoffelhuisies, gekap 30 ml komynsaad 20 ml karwysaad 100 g ingemaakte suurlemoenskil, fyngekap (kyk by bakrak) 6 groot tamaties, grofgekap 1 x 410 g-blik tamatiepuree 500 ml beesaftreksel 24 kort lamskenkels ( lamb shin ) sout en varsgemaalde swartpeper 200 g ontpitte groen olywe, gehalveer 400 g kersietamaties, gehalveer hand vol vars koljander, grofgekap Verhit oond tot 120…

Toe ek ’n paar jaar gelede in Spanje gewoon het, was supermarkte vir my net so interessant soos museums. Op ’n dag, omring deur rakke vol eksotiese bestanddele en vreemde produkte, tref iets bekends my oog. La Buena María (die goeie Maria). Maar dis mos Marie daai, dog ek. En wat maak ons Marie hiér? Met dieselfde sirkelvorm en kenmerkende patroonrandjie, is Marie tot María herdoop. Ek het dit as vanselfsprekend aanvaar dat Marie so eg Suid-Afrikaans is soos Mrs Ball’s-blatjang en Ouma-beskuit, en was salig onbewus dat sy deur adellikes geïnspireer is, dat sy al byna honderd en vyftig jaar oud is, en dat sy in omtrent elke uithoek van die aarde geniet word. Marie-beskuitjies is in 1874 deur die Londense bakkery Peek Freans geskep om die huwelik van…

Trekuitmekaar-brood Die Amerikaners het ’n soet weergawe van dié brood wat hulle monkey bread noem. Ek maak dit sout met lekker kaas, botter en knoffel. Sit dit voor by jou volgende braai, die gaste gaan dit verslind. genoeg vir 8 2 knoffelhuisies, fyngekap 115 g (125 ml) botter 45 ml uiesaad (kyk by speseryrak) 200 g beleë cheddar-kaas 1 kg gekoopte winkeldeeg koekmeel vir uitrol Verhit knoffel, botter en uiesaad in middelslag-pot en hou eenkant. Sny kaas op in blokkies van 1 x 1 cm groot. Verdeel deeg in 40 klein stukkies. Druk ’n kaasblokkie in elke stukkie deeg en rol in ronde bal. Spuit patroonpan (Bundt) met volume van 2 liter goed met kleefwerende kossproei. Doop deegballetjies in bottermengsel en pak in pan – hou…