Innehållsförteckning för Oct/Dec 2018 från SARIE KOS

Ek het nog altyd geglo elke verjaardag is iets om te vier. Maar, SARIE KOS se 11de verjaardag? Toe stap ek Mari-Louis Guy se kombuis binne om te leer van choux (bl. 26) en wat haal sy uit? ’n SARIE Marais van 23 Oktober 1968. Dieselfde maand dat SARIE KOS gebore is. Dit was vir my die teken dat 11 jaar tog belangrik is. En toe sien ek boonop die choux-deeg-trend wat nou weer opslae maak, was toe al gewild. Soos die klassieke Franse Gâteau St. Honoré op die voorblad. Net daar raak ek verlief, want vir my is dit ’n bevestiging dat sulke klassieke resepte nooit oud word nie. So, hoekom nie ons verjaardag vier met iets klassieks met ’n hedendaagse geur nie? Ons klink saam ’n glas op…

Smag jy na ’n idilliese naweek op die platteland om jou batterye te herlaai? Magoebaskloof Hotel is die perfekte plek. Daar’s pragtige staproetes in die weelderige subtropiese bos wat jou verby asemrowende watervalle lei. Of neem deel aan ’n verskeidenheid buitelug-aktiwiteite soos visvang, bergfietsry en boomtoptoere. Ná ’n lang dag vol aksie kan jy ontspan by die swembad of op jou stoep ’n glasie wyn geniet en die skoonheid van die natuur indrink. Omring van ongerepte inheemse bosse en bome, is Magoebaskloof die ideale plek om rustig te raak. SMS EN NEEM DEEL SMS ORION HOTELS, gevolg deur die antwoord op die vraag (geen leestekens), jou naam, van en telefoonnommer na die nommer 35409. (’n Tarief van R1,50 per SMS geld.) SLUITINGSDATUM VIR WEDSTRYD: 6 JANUARIE 2019 MOONTLIK GEMAAK DEUR:…

Ons sê huis proe soos: biltongbrood Min dinge is so lekker soos suurdeegbrood, maar dit verg tyd om te maak. Gelukkig is daar ’n kortpad. Met ’n hand vol biltong daarby, gaan dié brood enige hart laat vermurwe. genoeg vir 1 brood GISMENGSEL: Meng 140 g (250 ml) koekmeel, 250 ml lou water en 1 x 10 g-sakkie kitsgis in groot mengbak tot glad. Bedek met kleefplastiek en laat oornag in yskas rys – dis dié proses wat al die geur aan die brood gaan gee. BROOD: Plaas gismengsel in elektriese menger se bak. Voeg 500 g (875 ml) koekmeel, 200 ml louwarm water, 10 g sout en 45 ml heuning by. Meng met mengspaan (K-beater) tot ’n sagte deeg vorm. Hou aan meng vir sowat 8 minute –…

French toast van suurdeegbrood met eier, spek en sampioenroom ’n Super-ontbyt vir ’n super-dag! genoeg vir 6 Verhit bietjie olyfolie in pot en braai 250 g gesnyde bruin sampioene tot goudbruin, sowat 5 minute. Voeg 350 ml room by en laat kook tot romerige sous vorm. Geur goed met sout en peper. Hou eenkant terwyl jy eiers posjeer: Bring pot met 750 ml water en 45 ml wit asyn tot kookpunt. Breek 6 ekstra-groot Nulaid-eiers een-een in water en laat posjeer 3-5 minute vir sag of langer as jy dit verkies. Haal uit en hou eenkant terwyl jy 18 repies gerookte spek in warm braaipan met bietjie olie braai tot bros. Haal spek uit pan, maar moenie pan skoonmaak nie. Klits 200 ml melk en 6 groot Nulaideiers saam…

Jou reuksin is jou kragtigste sintuig. Dis dus geen wonder dat geur en emosie so nou verbind is nie. Deur jou gunsteling-parfuum aan te wend, versterk jy jou gemoed en verklap jy iets van jouself sonder om ’n woord te sê. Die meeste vroue kies daarom parfuums wat by hul styl, persoonlikheid of ’n spesifieke geleentheid pas. Blomgeure soos roos en jasmyn laat jou voel of jy pas ’n vars bos blomme as geskenk gekry het. Sitrus is verfrissend en laat jou sonnig en optimisties voel. Kosgeure soos gemmer, swartpeper en tonkaboontjie (coumarou) laat jou mond water.…

Ons sê huis proe soos: baguette-braaibrode Ek maak deesdae hierdie lang braaibrode en sit dit voor as voorgereg. Dit lyk dalk anders as braaibroodjies, maar smaak nes die ware Jakob. genoeg vir 6 Kry kole medium-warm en verhit oond tot 150 °C. Verdeel 3 baguettes in 3 stukke elk en halveer oorlangs. Gebruik 100 g (110 ml) botter en smeer op die onderste helfte van elke stuk. Smeer op ander helfte ’n bietjie perskeblatjang. Sny 200 g beleë cheddarkaas, 1 rooi-ui en 3 tamaties in skywe en pak bo-op die stukke wat met botter gesmeer is. Geur met sout en peper en pak nog ’n sny kaas bo-op elke stuk. Maak toe met res van baguette-helftes. Pak op bakplaat en plaas vir 10 minute in warm oond sodat kaas lekker…

SUIWEL EN JOU GESONDHEID Is daar ’n moontlike verband tussen melk en chroniese gesondheidstoestande soos aknee, insulienweerstandigheid en diabetes? Die debat duur voort. Eintlik wil die meeste mense maar net weet: Gaan ek gewig verloor, my risiko vir diabetes verminder, of my kind se aknee opklaar met ’n melkvrye dieet? skryf Mariza van Zyl* in Dik vir Dieet (Naledi). Melk is ’n belangrike bron van voedingstowwe, maar dis nie noodsaaklik dat jy dit drink nie. “Die beste benadering om ’n besluit oor melk (en ander suiwelprodukte) te neem: Doen dit met jouself in gedagte. Is daar ’n voor die hand liggende rede om ’n melkvrye dieet te volg? As jy byvoorbeeld ’n laktose-intoleransie of melk-allergie het, is die besluit makliker,” sê Mariza. Los jy melk, onthou: Voedingstowwe soos kalsium wat…

Peperkorrel, met jou krag om ’n mens se geheime uit te sweet; waar is jy in my tyd van nood? Enige kok wat instinktief na die pepermeul uitreik, verstaan dié hulpkreet van Tilo, die immigranteienaar van ’n speserywinkel in die verfilmde roman The Mistress of Spices. Peper en sout is die Jin-en-Jangpaar van die geurwêreld, toegewyd om die beste uit die ander te bring. Uit die sout- en peperpotjies (deesdae meule) wat ons uit gewoonte op tafel plaas, vloei die hoeksteen van die menslike beskawing. Sout gebruik ons omdat ons móét; peper omdat ons wíl. Peper se storie is een van begeerte en gierigheid vir geure, geld, weelde-vertoon en heerskappy. Nuwe kontinente en handelsroetes is ontdek op soek na die uitgedroogde bessies wat ongekende rykdom en mag aan handelaars en…

Dié limonade maak jy deur die vrugte in suiker te marineer – die suiker breek die vrugteselle en in die proses kom meer sap los. genoeg vir 2 liter 24 lemoene, gehalveer 2 vanieljepeule, oopgesny en sade uitgekrap 200 g (250 ml) suiker gebreekte ys 1,5 liter sodawater Plaas die lemoene, vanieljepeule en -sade in ’n groot bak en gooi die suiker oor. Laat staan 30 minute. Gebruik jou hande en “masseer” die lemoene met die suiker tot al die sap en pulp uit die skil is – die growwe suikerkristalle help dat die selle in die lemoene oopbars. Gooi die mengsel deur ’n sif en gooi die skille weg. Giet die limonade oor in ’n glasbeker met gebreekte ys en voeg die sodawater by net voor jy dit…

TAXI-TEKENING Kyk uit vir ’n beperkte reeks Marmite-bottels met ’n tekening van ’n taxi op die etiket. Die publiek het dit uit ’n paar sulke ontwerpe gekies. Koop landwyd teen sowat R45 vir ’n 250 g-bottel. BROS EN LEKKER Hierdie bros ryskoekies is gelaai met die geur van Marmite. Dis die perfekte peuselhappie vir jou laai by die werk of inpakkos vir die langpad. Koop 30 g-pakkies by deli’s landwyd teen sowat R15. Hou jou baba warm in hierdie knus groeipakkie van Krag Drag. Koop dit aanlyn by www. zando.co.za teen R199. DIE DING SPRING Jou fliek gaan sommer nog interessanter wees as jy dit kyk met so ’n pakkie Marmitegegeurde springmielies van Guzzle and Wolf in die hand. Koop joune aanlyn by www.yuppiechef.comteen R25 vir 90 g.…

SARIE KOS DIGITAAL Enige plek, enige tyd Slegs R10 per maand of R110 eenmalig vir 4 uitgawes 3 REDES WAAROM jy hierdie kans moet aangryp. Jou SARIE KOS-intekening beteken Jy weet jy sal nie ’n uitgawe misloop nie Jy betaal eenmalig vir 4 uitgawes Dis ’n kans om jouself – of iemand vir wie jy omgee – te bederf GEDRUKTE WEERGAWE SLEGS R110 EENMALIG VIR 4…

French toast-rolletjies In 2017 het ek New York besoek en ek wou die lekkerste French toast in Amerika proe. Toe vind ek hierdie verrassing by ’n klein bistro naby Times Square – heerlik! genoeg vir 16 1 x 300 g-bottel sjokoladesmeer (Nutella) 250 ml grondboontjiebotter 16 snye brood, korsies verwyder 4 eiers 200 ml melk 5 ml vanieljegeursel 200 g graanvlokkies, fyner gedruk 75 g (80 ml) botter vir braai 100 g (125 ml) kaneelsuiker heuning vir voorsit Meng sjokoladesmeer en grondboontjiebotter. Pak broodsnye op werkvlak en rol met koekroller oor brood om snye effens platter en langer te maak. Smeer gerolde brood ruim met sjokolademengsel. Rol broodsnye op in stywe rolletjies. Meng eiers, melk en vanielje in plat bak. Week broodrolletjies 2 minute in eiermengsel en rol dan in…

DIE UITDAGING Bak met amandels, kersies en sjokolade AKTEUR ARMAND: Laekoolhidraatdonkersjokolade-brownies met amandels en kersies. Die resep is sy woonstelmaat s’n, met baie suiker. Hy pas dit sommerso in die bakproses aan. Geen suiker vir hom nie, hy volg die Keto-eetplan om daardie spiere definisie te gee. KOSREDAKTEUR HERMAN: Amandelsjokoladetert. Met die “kommin” Marie-beskuitjie-kors (“crimplene”) as inspirasie vir sy amandelmeel en eierwit-kors. “Dit klink gesond.” Geesdrif en testosteroon. Daar is Armand, silwer ringetjie in die oor, stywe jeans aan die lenige lyf, hare bietjie langer as gewoonlik vir sy rol in die toneelstuk Shakespeare in Love. En onse Herman, altyd gereed met ’n kwinkslag. Keto? vra hy nou. Is dit ’n sportsoort? Nee, ’n dwelm, spot Armand. Verduidelik dan: “Dis baie soos banting, met net nog minder koolhidrate. Die gemiddelde…

Als oor avo's 1 ’n Harde avokado beteken nie die vrug is groen nie. Dit word ryp aan die boom, maar dit versag eers nadat dit geoes is. 2 Die vrug bevat baie olie, wat weens ’n hoë rookpunt een van die gesonder olies is om mee te kook. 3 As jy die versagtingsproses wil aanhelp wanneer jy ’n harde avokado koop, plaas dit in ’n donker kas saam met iets soos piesangs. 4 Piesangs wat ryp word, skei ’n soort gas genaamd etileen af wat help om ander soorte vrugte sag te maak. 5 Wanneer ’n avokado sag is, sal die knoppie waar die vrug aan die stingel vassit, swart word en maklik loskom as jy daaraan druk. 6 Voorkom dat ’n avokado swart raak nadat dit geskil is…

Varkvleis-koftas-worsrol Tradisioneel word koftas net so op die stokkie voorgesit met iets soos koeskoes. Ons maak dit vulsel vir ’n broodjie. Heerlik. genoeg vir 6 Meng 400 g varkmaalvleis, 250 g gekapte vet varkspek, 20 ml fyn koljander, 10 ml fyn komyn, 1 gekapte rooi brandrissie, hand vol vars gekapte koljander en 1 eier. Geur met sout en swartpeper. Gebruik jou hande en vorm lepels vol van die maalvleis om 6 sosatiestokkies se punte. Druk stewig vas. Kry kole medium-warm – jy moet jou hande 10 sekondes bo die kole kan hou. Smeer koftas met bietjie olyfolie en braai stadig oor warm kole, 5-8 minute per kant of tot gaar. Meng 250 ml volroomjogurt, 1 fyngerasperde komkommer en 3 fyngekapte kruisement-takkies. Sny 6 worsrol-broodjies bo-op oop en smeer lepels vol…

deur LIANI JANSEN VAN RENSBURG 1. Wat het jy heel eerste geëet nadat jy van die Filippyne af teruggekom het? Ek het ’n jenewer en tonikum gedrink én drie snye koek geëet: suurlemoentert, kaaskoek en sjokoladekoek. En elke krummel verorber. 2. Jy het ’n suikertand? Beslis! Dis ál wat ek op die eiland gemis het … en ’n G&T. 3. Jy besit die spysenieringsmaatskappy Escoffier Catering, wat verversings vir glansgeleenthede soos die J&B Met-perderesies verskaf en wat al beroemde mense soos Morgan Freeman en David Beckham as gaste gehad het. Waar kom jou liefde vir kos vandaan? As dogtertjie het ek altyd modderkoekies in die tuin gemaak, wat ek dan met ’n papierblom of iets versier het … dit moes altyd mooi lyk. Nou nog versier ek elke gereg…

1 Wat is die grootste geheim van gebak? Bak met ál jou sintuie! 2 Waarom is dit vir jou so lekker om te bak? Natuurlik om iets te gee, om mense te bederf en herinneringe te skep. Dit skep ook ruimte en tyd om te ontlaai en om kreatief te wees. 3 By wie het jy leer bak? My ma en albei my oumas was lief vir bak en hulle het my van bak geleer, maar my liefste ma het my die vryheid gegee om die kombuis my eie te maak. Ek kon resepte toets en opmaak nes ek wou. Dit het my bakkennis verbreed en my vaardighede ingeskerp. Sonder haar sou ek beslis nie die bakker gewees het wat ek vandag is nie. 4 Waarom is mense soms bang…

LANG SWARTPEPER Dit word ook Indiese peper (pipli) genoem. Die geur van die korrels stem baie ooreen met dié van tradisionele swartpeper; dit brand net meer. Gebruik die korrels heel in piekels en Indiese geregte. WITPEPER Hierdie nostalgiese geur van die boerekoskombuis is die binnekant van swartpeperkorrels (die sade van die pepervrug). Gebruik dit in witsouse, bredies en op gebakte eiers. Sagte skerp smaak. GROENPEPER Niks anders as swartpeper wat nog nie ryp geword het nie. Dit word tradisioneel in pekel of asynwater verkoop, want die geur hou nie lank as dit gedroog word nie. Gebruik in souse vir ’n skerper smaak. PIENK PEPER Met sy mooi kleur is dit nie eintlik peper nie, maar eerder ryp bessies van die Brasiliaanse peperboom. Die geur is lig en effens soet. Dit…

Bourbon-vanielje groei op Réunion-eiland (voorheen Île de Bourbon) en is die eerste variëteit waarop handbestuiwing suskesvol toegepas is. Dit groei ook op Madagaskar en het ’n soet, rum-agtige geur. Tahitiaanse vanielje het blomgeure. Indonesiese vanielje se spesifieke droogtegniek verleen rokerige eienskappe. Mexikaanse vanielje, wat vir minder as 5% van wêreldproduksie sorg en steeds uiters gesog is, het speseryagtige houtgeure.…

GOEIE GIS Is jy bang om met gis of suurdeeg te werk? Jy kan maar ontspan as jy Anchor Yeast se sakkies kitsgis gebruik. Gooi dit by louwarm vloeistof en jou gebak sal binne minute begin pof. Koop 10 g-pakkies landwyd teen R5 per pakkie. HOU WARM Hou die hitte binne met Glad se kleefplastiek wanneer jy brooddeeg wil laat rys. Koop landwyd teen R60 vir 50 m. VEERLIG Meel met ’n laer gluteninhoud soos Golden Cloud se koekmeel help om jou brood ’n veerligte tekstuur te gee. Koop landwyd in 1 kg-sakkies teen R14,50.…

Blomgeure in my kos Johnny Hamman was nie net medewenner van kykNET se Kokkedoor 2 nie; hy is ook mede-eienaar van Slippery Spoon Kitchen, wat interessante eetgoed optower vir spesiale geleenthede. Johnny vertel meer oor die blomgier in kos 1 Waarom is blomgeure so uniek in kookkuns? Die mensdom kook al eeue lank met blomme. Die geurprofiel is heeltemal anders as die daaglikse kruie en speserye wat ons gebruik. Daarby is dit ’n baie aantreklike produk – ons eet immers met ons oë ook. Daar is niks wat so lekker is as om jou eie eetbare blomme te gaan soek nie. Die meeste word nie in die winkels verkoop nie. 2 Hoe kan ek blomme deel maak van my spyskaart as ek ’n bietjie bang is om nuwe dinge in…

LEKKER OLIE Goeie olie gee geur aan kos. Gebruik Willowcreek se ekstra-suiwer produk om die rissie-olie by die baguettes te maak. Koop landwyd teen R140 vir 750 ml. PERSKE-BLATJANG Hou jy van blatjang op jou braaibroodjies? Dan moet jy Mrs H.S. Balls se perskeblatjang in jou kas aanhou. Dit rond die broodjies perfek af. R28 vir 470 g. KAASKAMPIOEN Beleë cheddar is vol van die sterk geure en smake wat ’n braaibroodjie nodig het. Kyk uit vir Lancewood se produk in die swart verpakking. Landwyd te koop teen sowat R45 vir 250 g.…

Uit die buiteland Mari-Louis en haar man, Chris, woon deesdae saam met hul drie kinders in die Balkan-land Montenegro, doer in die omgewing van Griekeland. As jy ook wil weet wat die nuutste trends in die koswêreld is, lees elke week Mari-Louis se blog op SARIE.com. Sy en haar broer, Callie Maritz, het al menige bak- en kookboek geskryf, die mees onlangse een net oor melktert! Die koek op ons voorblad is versier met choux-poffers. Gebruik Mari-Louis se wenke om die voorbladresep op bl. 38 te maak. Basiese choux-poffers Jy kan Mari-Louis se resep inspan vir tradisionele éclairs (langer vorm) of kleiner poffers wat jy vul. genoeg vir 24 klein poffers of 12 éclairs 125 g (135 ml) botter 150 ml water 250 ml (140 g) koekmeel, gesif 2,5…

Varkworsie-stokkies Maak hierdie stokkies as beginhappies by die braai. Dis vol smaak en baie lekker om so peusel-peusel te eet. genoeg vir 6 250 ml soet sojasous 100 ml suiwer lemoensap 30 ml korrelmosterd 2 rooi brandrissies, fyngekap sap en gerasperde skil van 2 suurlemoene 24 klein varkworsies (chipolatas) 12 kebab-stokkies Kry kole medium-warm. Meng sojasous, lemoensap, mosterd, rissies, en sap en skil van suurlemoene. Ryg worsies op kebab-stokkies soos op die foto (4 per porsie). Pak in plat bak en gooi sojamengsel oor. Braai oor warm kole, 5-8 minute per kant. Verf nou en dan met sojamengsel. Sit warm voor. Varkfilet in roomsous Die inspirasie kom van tikka masala af. genoeg vir 6 45 ml olyfolie 1 ui, fyngekap 2 knoffelhuisies, fyngekap 500 g bruin sampioene, gehalveer 500 ml…

“Ek het soveel herinneringe wanneer ek aan my ma se kos dink. Die mieliepap wat sy gemaak het voor my oefensessies douvoordag, en om dan die middag huis toe te kom en beesstertbredie of potjiekos wag. As ek beesstertbredie ruik, is ek dadelik terug by my ouerhuis. Kaneel laat my weer dink aan koue aande en hoe ek melkkos maak … dis pure nostalgie en beslis my trooskos. En natuurlik pap en wors, met ryspoeding vir nagereg.” Ons sê huis proe soos: beesstert met gremolata genoeg vir 6 Verhit oond tot 180 °C. Rol 16 stukke (sowat 1,7 kg) beesstert in 140 g (250 ml) meel en skud ekstra meel af. Verhit 45 ml olyfolie in groot oondvaste pot en braai beesstert in sarsies tot goudbruin. Haal uit pot en…

Hoenderpeperpastei Kleintyd was ek dol oor pepper steak pies . Die brandsensasie het my laat glo ek eet iets eksoties! Hier is ’n weergawe met hoender. genoeg vir 6 45 ml olyfolie 2 uie, fyngekap 2 knoffelhuisies, fyngekap 200 g bruin sampioene, fyngekap 1 kg ontbeende hoenderdye (sowat 30 stukkies) 60 ml koekmeel 2 takkies tiemie 200 ml bier 500 ml hoenderaftreksel 30 ml groenpeperkorrels sout en varsgemaalde swartpeper 2 x 500 g-rolle broskors ( short crust ), ontdooi roosmaryn vir garnering Verhit olyfolie in groot pot tot warm. Voeg uie, knoffel en sampioene by…

Op slegs één dag per jaar ontvou die delikate Vanilla planifolia-orgidee haar blom vir bestuiwing. Gelukkig het boere wat vanielje oes, ná drie of vier generasies ’n sesde sintuig wat hulle op presies die regte tyd na die liggroen, byna deursigtige blom lei. Dan dartel hulle katvoet deur ruie rankplante om met ’n dun, gepunte stokkie die manlike en vroulike dele van die blom te skei, net om die twee weer met duim en voorvinger in mekaar te druk om die blom te bestuif. Kyk hulle die orgidee mis of as handbestuiwing misluk, verlep die blom binne ure en val grond toe. Ná ’n jaar se gewag, is die druk geweldig. As die bevrugting suksesvol is, swel die blomstam byna onmiddellik en ontwikkel mettertyd groen, vingeragtige saadpeule. Die peule neem…

WAARVAN GEMAAK? Die unieke geur kom uit die liquorice-plant se wortel. Dit word onttrek en dan gekook saam met suiker en ’n paar ander bestanddele om die bekende lekkergoed te maak. Die droë stam word ook soms in tee gebruik. ANDER VORMS In hedendaagse spesialiteitswinkels of deli’s kry jy allerlei liquorice-produkte wat jy kan gebruik om die plant se geur aan jou kos te gee. Kyk uit vir liquorice-poeier, geursel of selfs stroop. SOET HOUT In Nederland kry jy zoute drop, oftewel liquorice-lekkers wat met ’n sprinkel sout gegeur is. Vroeër jare is die droë liquorice-stingels en wortels ook as zoethout verkoop in die strate van Nederland. RAAR MAAR WAAR Vinkel proe so baie na liquorice dat jy sou sweer die twee is familie, maar vinkel is in der waarheid…