Innehållsförteckning för Jul/Sep 2020 från SARIE KOS

Wie onthou nog daardie televisie-advertensie van die dogtertjie wat by haar ouma sit en klets oor haar lewe as kind? Só peper sy haar ouma met die een vraag ná die ander . . . Ouma, wat het julle gedoen vir ontspanning? “Ons het gekook, my kind,” kom die geduldige antwoord. En Ouma, wat het julle gedoen vir pret? “Hmmmm . . . ons het gebak, my kind, ons het gebak!” Terwyl ek dié brief sit en skryf, bevind almal van ons ons middein ’n lewensveranderende gebeurtenis – een wat ons nog nie in ons leeftyd beleef het nie. En elke keer as ek my voete in die kombuis sit, kom daardie advertensie by my op. Vir my sal hierdie jaar die tyd van groot bak en groot kook wees.…

Dit is heerlik as bykos tot tussenin-happie en selfs ontbyt. genoeg vir 4 2 sagte avokado’s, geskil en ontpit 15 ml witpeper 1 groen brandrissie, fyngekap sap en gerasperde skil van 2 suurlemoene sout 45 ml wit asyn 4 heel eiers 100 g (110 ml) botter 1 groot ciabatta, in die lengte gehalveer Plaas avokado’s, peper, brandrissie, suurlemoensap en -skil in groot mengbak. Druk mengsel met ’n vurk tot dit soos ’n growwe patee lyk. Geur goed met sout. Vul pot met water so 2 cm diep. Voeg asyn by en verhit tot water prut. Breek eiers in water en posjeer 2-3 minute vir sagte eiers, of langer vir harder eiers. Lig uit water en hou eenkant. Verhit botter in groot braaipan. Braai gesnyde kante van brood 3-5 minute tot…

EIERS MOET KAMERTEMPERATUUR WEES. Laat jou eiers eers staan wanneer jy dit uit die yskas haal sodat dit kamertemperatuur kan bereik. Eierwitte by kamertemperatuur klits tot ’n beter volume as koue eiers. GEBRUIK ’N SKOON BAK. Die geringste vetterigheid of oorblyfsel van eiergeel sal voorkom dat die eierwitte stywe punte vorm. Gebruik ook altyd ’n skoon klitser. EEN EKSTRA BESTANDDEEL. Vir die styfste en mees stabiele meringue, voeg ’n knippie kremetart by die eierwitte voor jy die suiker daarby klits. Die suur in die kremetart help om die eierwitte te stabiliseer. As jy nie kremetart het nie, sal sout ook werk. Of gebruik ’n kombinasie van kremetart en sout. VAT JOU TYD. Moenie die suiker te haastig by die eierwitte voeg soos jy klits nie. Hoe stadiger jy die suiker…

BRUIN HOENDER MET AARTAPPELS Dit bly my gunstelingmanier van hoender geniet, soos my ma dit gemaak het! Eenvoudig en sonder tierlantyntjies. genoeg vir 4 1 groot hoender 30 ml olyfolie 60 ml botter 1 ui, fyngekap 2 takkies roosmaryn, fyngekap 600 g-sak baba-aartappels, gehalveer 500 ml beesaftreksel sout en varsgemaalde swartpeper Verhit oond tot 180 °C. Gebruik kombuisskêr en knip rugbeen van hoender los. Draai hoender om en druk plat met handpalms. Verhit groot oondvaste braaipan oor hoë hitte tot warm. Voeg olyfolie, botter, uie en roosmaryn by. Plaas hoender met velkant na onder in pan en braai vir paar minute tot die vel goudbruin is. Haal hoender uit pan en gooi aartappels in pan. Plaas hoender met velkant na bo bo-op aartappels. Voeg aftreksel by. Geur goed met sout…

VIR JOU SKONS Hoe lekker klink perskekonfyt wat met rooibos gegeur is by jou oggendskons? R59 vir ’n 260 mlpotjie by Yuppiechef ROOIBOS-JENEWER 021 on Victoria van die Woodstock Gin Company is ’n komplekse jenewer met ’n ondertoon van rooibos en heuningbos. Vanaf R380 by drankwinkels EKOVRIENDELIKE TEEKAPSULES Probeer Coco Safar se heerlike groen Stellenbosch-rooibostee in kapsules van bio-plastiek. R159 vir 15 by Coco Safar in Seepunt TOFFIE-BEDERF Rooibos en chai trou in dié botterkaramel-toffie van Darling. Vanaf R70 vir ’n 150 g-pak by uitsoekdeli’s of aanlyn by swartlanddeli.co.za…

Hoender-en-eierbroodjie Gebruik gisteraand se oorskiethoender vir die lekkerte. Die kroon is die sagte eier bo-op! genoeg vir 4 Vlok 1 gaar hoender se vleis van die been af. Meng gevlokte hoender, 125 ml mayonnaise, 1 hand vol gekapte vars koljander en sap en skil van 1 suurlemoen saam. Geur goed met sout en varsgemaalde swartpeper. Halveer 1 ciabattabrood en smeer elke helfte met 45 ml sagte botter. Verhit braaipan tot warm en braai brood met botterkant na onder tot goudbruin en bros. Haal uit en hou eenkant. Bring pot met water van so 3 cm diep tot kookpunt en voeg 45 ml wit asyn by. Breek 6 eiers in die water en posjeer vir 3-4 minute. Lig uit water met gaatjieslepel. Skep hoender op gebraaide brood en smeer gelyk. Plaas…

SEBRA-PASTA Ons is gaande oor dié swart-en-wit gestreepte farfallepasta, beter bekend as strikkiepasta, wat met groot sorg en liefde deur Antonio Marella in die hartjie van Apulië, Italië, met die hand gemaak word. Hy maak ook reënboogpasta, wat gekleur word met natuurlike kleursel soos spinasie, tamatie, beet, borrie en rooipeper. Vanaf R119 vir 250 g by Yuppiechef, uitsoektakke van Spar en party deli’s WAT OM TE DRINK Seedlip is die wêreld se eerste niealkoholiese gedistilleerde spiritus. Dit bevat geen kalorieë nie, is suikervry én vry van kunsmatige versoeters. Seedlip is op sy lekkerste met tonikum of gemeng as ’n koggelkelkie (mocktail). Spice 94 is een van drie in die reeks en beskikbaar vanaf R429 vir ’n 700 ml-bottel by uitsoek-drankwinkels soos Spar Tops en Norman Goodfellows. VEELSYDIG & GEURIG Of…

PIONIER SE PINOTAGE Die Lanzerac Pionier Pinotage is ’n huldeblyk aan die wêreld se eerste gebottelde pinotage, die Lanzerac Pinotage 1959. Baie ander Suid-Afrikaanse wynlandgoedere maak sedertdien hul eie weergawe, maar Lanzerac spog dat hy die eerste was wat die naam “pinotage” op sy etikette gedruk het. Die variëteit het diep wortels op dié Stellenbosse landgoed en het van Lanzerac ’n befaamde naam gemaak. Hul Pionier Pinotage is ’n fris wyn met ’n lieflike diep en donker kleur, met aanloklike pruim-, neutmuskaat- en bloubessiegeure. ’n Beperkte hoeveelheid van die wyn is gebottel, en teen R1 095 per bottel direk van die plaas is hierdie iets vir die wynversamelaar. STEM ‘JA’ VIR DIÉ SHIRAZ In 2004 het die Robertsonwynmakery ’n spesiale shiraz bekend gestel ter viering van Suid-Afrika se eerste dekade…

Kort nadat ons hokgeslaan is, doen ’n video die ronde met ’n Britse dogtertjie wat vreeslik huil omdat haar geliefde kitskosrestaurante gesluit is. Krokodiltrane rol oor Nando’s en KFC, sy snik dramaties omdat sy nie meer McDonald’s kan eet nie, en vra met ’n bewerige stemmetjie: “En Chinees?” Ook nie, kom die antwoord. Sy sluk die trane terug en met ’n laaste straaltjie van hoop in haar oë vra sy: “En aflewerings?” Haar ma se “ook nie” ontketen wat ek gedink het die kind se grootste wanhoop moes wees, totdat haar ma Die Ergste Nuus breek: “Layla, ek is so jammer. Jy gaan Mamma se kos moet eet.” Die kind huil so hard, sy hoor nie eens toe die laaste spyker in die kis van haar kitskosdieet geslaan word nie:…

RYS-FETA-EN-BOSBESSIESLAAI Daar is altyd oorskietrys in my huis, waarmee ek dan ’n slaai maak. Maar dié slaai het nou al so ’n gunsteling onder my vriende geword dat ek dit moet maak met nuwe rys. genoeg vir 6 250 ml witrys 250 ml bruinrys 1,5 liter hoenderaftreksel 125 ml olyfolie 30 ml heuning 45 ml korrelmosterd 45 ml witwynasyn hand vol koljanderblare, gekap 6 wiele fetakaas, in blokkies gesny 2 sprietuie (spring onions), gekap 1 rooi-ui, fyngesny 100 g bosbessies (cranberries) 80 g babaslaaiblare sout en varsgemaalde swartpeper Kook twee soorte rys saam in aftreksel tot sag en gaar, sowat 15-20 minute. Laat afkoel. Meng olyfolie, heuning, mosterd, asyn en gekapte koljander vir slaaisous en hou eenkant. Plaas gaar rys in groot mengbak en voeg fetakaas, sprietuie, ui, bosbessies en…

DonKersjolade EET HOM DIK! Soos alle marsjerende soldate, moet jou immuunstelsel lekker dik geëet wees. En vra dus goeie, gereelde en gebalanseerde voeding. Wetenskaplikes weet lankal mense wat in armoede leef en ondervoed is, is meer blootgestel aan aansteeklike siektes. ’n Sterk immuunstelsel kan dus help om jou gesond te hou. Kan sekere kosse die immuunstelsel ekstra skop gee? Die antwoord is: Ja! Hier is ’n paar. Ja, jy mag maar – solank dit goeie sjokolade van die donkerder soort is. Donkersjokolade is ryk aan minerale soos yster, magnesium en sink. Die kakao daarin bevat ook flavonoïede, polifenole en teobromien in hoeveelhede hoër as in melksjokolade. Dié verbindings kan (skadelike) LDL-cholesterolvlakke verlaag en HDL (die goeies) verhoog. Hoe donkerder die sjokolade, hoe hoër die kakao en dus flavonoïed-inhoud. Dit bevat…

VARS EIERS Gebruik Nulaid se ekstragroot eiers vir posjeer. Hoe varser die eier, hoe makliker posjeer dit. Vanaf R18,99 vir 6 eiers PLAASHOENDERS Vir ’n lekker sappige oondbraaihoender, gebruik Grain Field se plaashoenders, ’n 100% plaaslike produk uit die Vrystaat. Vanaf R80 by supermarkte landwyd KNIPPIE GEUR Vir die perfekte hoendermayobroodjie, geur dit met ’n draai of twee Royal Kalahari-sout. Koop die groot meul met 450 g sout landwyd vanaf R45 SMULLEKKER Westfalia se reeks klaargemaakte guacamoles is gerieflik, met 4 geure in die reeks. Elke 200 g-bakkie bevat sowat 2 avokado’s. Vanaf R29,99 landwyd EKSTRA ROMERIG Lancewood® se aangesuurde room word nes die Franse crème fraîche gemaak. Die effens suur smaak gaan goed met soet of sout. Sowat R32 vir ’n 250 g-bakkie KAMPIOENGEUR Sampioene is soos sponse wat…

Ons nuwe webtuiste Gesonder met SARIE is ’n platform wat jou nie net sal help om die kilo’s af te skud nie, maar jou ook inspireer om gesonde laekoolhidraateetgewoontes ’n langtermynkeuse te maak. Ons wil die manier hoe jy kos koop en jou maaltye beplan, verander. Die aanlyn program bevat heerlike resepte, inkopielyste, weeklikse eetplanne en als wat jy moet weet oor ’n laekoolhidraat-leefstyl. Die oomblik wat jy inteken, kry jy toegang tot die hele Gesonder met SARIE-plan, wat jy van jou rekenaar of enige mobiele toestel met internettoegang af kan oopmaak. Dis nie nodig om ’n app af te laai nie. Begin eenvoudig by Week 1, Dag 1 en volg die plan daagliks – vir ’n gesonder jy in net 6 weke! TEEN R499 KRY JY DIE VOLGENDE ’n…

Wanneer Moeder Natuur jou sonder aandete bed toe stuur om te gaan dink oor jou sondes, dan praat jy nie teë nie. Dis jou straf en dis dit – of is dit? Want vir elke gehoorsame siel wat tydens lockdown hul daaglikse draf inkry deur om en om en om hul eetkamertafel te hardloop soos ’n yorkie op suiker, voel dit asof daar twee drawwers met eiegeregtige gesigsuitdrukkings is wat hul “daily goals” in die straat voor my huis bereik. (Mý gemiddelde is agt tree per dag en hoewel ek elke pynlike een onthou, was dit beslis die moeite werd om daai sjokoladekoek stuk vir stuk uit die yskas te gaan haal.) Maar selfs meer as die kwessie van mense wat glo reëls geld vir almal behalwe hulself (perspektief, mense),…

Kom ons praat poedinglekkerte KATRYN KRUGER internasionale model en sameroeper van Koffie met Katryn As ek dink aan winterpoeding, is dit aan my ma se souskluitjies (of “sponskluitjies”). Sy het dit met regte botter en báie kaneelsuiker gemaak. Ná ’n Sondagmiddagete van tradisionele kookkos het ons gesin dit geëet met ’n groot pot tee daarby en saam om die tafel gekuier en gelag terwyl die Kaapse weer buite woed. KAREN ZOID musikant en aanbieder van Republiek van Zoid Afrika Malvapoeding laat my dink aan my ouma Elsa, wat altyd kaart en Scrabble saam met my gespeel het. Sy was nie noodwendig ’n goeie kok nie, maar malvapoeding was haar spesialiteit. Ek en sy het altyd tot laat in die aand wakker gebly en swart-en-wit Al Debbo-flieks gekyk terwyl ons tee…

Paspoort in ’n sak aartappels “IN DIE TYD VAN INPERKING HET DIE AARTAPPEL SY STATUS AS BETROIBRARE STAPELSTYSEL UITGEBOU TOT MY GINSTELING-REISMAAT, WANT ELKE SAK KOM MET 'N PASPOORT” In die donkerste hoek van my spens, weg van selfs ’n skrefie lig sodat dit nie begin uitloop nie, staan altyd ’n groot sak aartappels. In die tyd van inperking het die aartappel sy status as betroubare stapelstysel uitgebou tot my gunsteling-reismaat, want elke sak kom met ’n paspoort. Hoe groter die sak, hoe meer stempels om te versamel binne die grense van my eie kombuis. Bros, goudgebraaide frites, vuurwarm voorgesit in papierhorinkies met selfgemaakte mayo, was die uitnodiging aan my huismense om saam met my ’n verbeeldingsvlug te neem na ’n Belgiese straatkafee. Wanneer die afsondering tot irritasie onder ons…

Eg Suid-Afrikaans Rooibos (Aspalathus linearis) maak deel uit van die Kaapse fynbos en word uitsluitlik in die Cederberge rondom Clanwilliam in die Wes-Kaap verbou. Die plant groei op geen ander plek in die wêreld nie, hoewel lande soos Amerika en Australië al probeer het. 50% Dis hoeveel rooibostee uitgevoer word. Duitsland, Japan en die VSA Dié drie lande is die grootste invoerders van rooibostee. Japan, bekend as teedrink-nasie met meer as 26 soorte om uit te kies, was twee jaar gelede die topinvoerder. Skoon Die Japannese verkies hul rooibostee sonder melk of suiker. Dit word hier as ’n teenverouderingsdrankie beskou – net een rede waarom die tee elke jaar net al hoe gewilder word in die land. Van saad tot plant Rooibossaad word in die somer voor die oes versamel…

Lucia – dit beteken ‘grasieuse lig’ – se hande staan vir niks verkeerd nie en haar lig skyn helder as aktrise tot jazzsanger, model, sjef en entrepreneur. Nou het dié vrou met haar passie om mense te help om gesonde eet- en leefstylgewoontes te kweek, ook haar eerste kookboek bekend gestel. Ons het haar ’n paar vrae per e-pos gevra. 1 Waar het jy grootgeword en wie het jou leer kook? Ek het grootgeword in Umlazi, ’n township in KwaZulu-Natal. My ma het op ’n stadium toe ek jonk was, teruggegaan universiteit toe en my susters, Thuli en Ntobeko, het beurte gemaak om kos te maak met my as assistent. 2 Wat is jou gunsteling-kosherinnering as kind? Beslis Sondagmiddagetes met die gereg wat bekend staan as “sewe kleure” en die…