Innehållsförteckning för Oct/Dec 2020 från SARIE KOS

Die vraag, waar kom jou liefde vir kosmaak vandaan, is een wat dikwels oor my pad kom. Om dit akkuraat te beantwoord moet ek seker begin by die begin. Ek het grootgeword op Upington in die Kalahari. My vakansies het meestal gewissel tussen die see by Hartenbos, winters op die plaas in Namibië en die tuisbly-tye wanneer my ma se kombuis my uitspanplek was. Deel van my kinderjare was tipiese Suid-Afrikaanse kos: mosbolletjies, bredies, lamsrib oor die kole, soetmosterd (soms met kondensmelk gemaak!), trifles wat net netjies lyk totdat iemand skep, en samesyn. Wat my bybly uit daardie dae, is die tye wat die Engelse familie kom kuier het. Hulle was grênd mense wat T-hemde met slagspreuke gedra het en jeans vol gate. Nou dra ek dit self, maar toe…

KAMPIOEN Amorim Cork, die Portugese kurkmaatskappy met noue bande in die SA wynbedryf, kondig jaarliks die land se beste natuurlik gefermenteerde vonkelwyn, oftewel Méthode Cap Classique-wyn, tydens hul Amorim Cap Classique-uitdaging aan. Verlede jaar het die kroon gegaan aan die Boschendal Jean le Long Prestige Cuvée 2008, ’n uitmuntende MCC met ’n klassieke brioche-karakter en ragfyn borrels. R699 beskikbaar by Takealot FRANS VAN FRANSCHHOEK Die Colmant-wynlandgoed buite Franschhoek is ten volle gewy aan die produksie van vonkelwyn, ’n kenmerk van ons beste Cap Classiquewyne. Die Colmant-reeks het ’n kenmerkende verfyndheid en delikate karakter byna soos dié van Franse sjampanje. Die voortreflike Colmant Cap Classiques kos vanaf R179 per bottel direk van die landgoed BESSIES, DAN BLOEISELS Vonkelwyn leen hom tot mooi verpakking en dié van die Spier Secret Sparkling Wine…

Kaaswafels met sagte eiers en chorizo Jy kan ook die kaas in die wafels vervang met pitmielies. genoeg vir 6 280 g (500 ml) meel 3 ml sout 20 g (30 ml) suiker 20 ml bakpoeier 2 ekstragroot Nulaid-eiers 440 ml melk 60 ml botter, gesmelt 250 ml gerasperde beleë cheddarkaas 15 ml olyfolie 1 x 225 g-chorizowors, in skywe gesny 45 ml witwynasyn 12 ekstragroot Nulaid-eiers 250 ml-houer gladde maaskaas gerasperde parmesaankaas vir voorsit Sif meel, sout, suiker en bakpoeier saam. Klits 2 eiers, melk en botter saam. Meng droë bestanddele by eiermengsel in. Voeg cheddarkaas by en meng deur. Laat rus beslag vir 15 minute in yskas. Verhit ’n wafelpan. Skep so 100 ml van die beslag in middel van pan en braai tot bros en gaar. Hou…

1 Vertel my meer van jouself en wat jy doen. Ek het by die ICA studeer en vir lank as ’n sjef gewerk. Die druk was erg, maar ek het gehou van die adrenalien. Mettertyd het ek moeg geword vir die lang ure, en toe kry ek die geleentheid om by SARIE as Herman Lensing se kosassistent te werk. Ek was aanvanklik net vier maande daar. Toe het ek en die vorige assistent, Melissa Pecoraro, Frankryk toe gegaan om ’n kursus in fyngebak te doen. Ek was op die ou einde vir ’n jaar in Frankryk en het ook ’n internskap in die Alpe gedoen. Terug in Suid-Afrika het ek by ’n restaurant gaan werk en toe nog twee jaar by SARIE. Daar is nou ’n nuwe geleentheid in Frankryk…

DIS KOUE KOS, SKAT! Wanneer jy koue kos voorsit, is daar ’n paar wenke om te onthou. 1 Koue kos is nie so geurig soos warm kos nie, daarom moet jy seker maak jy voeg genoeg geurmiddels by. 2 As jy brood vermy, kan jy ook rou groente in dun skywe sny en saam met die patees voorsit. Wortels, radyse, babamielies en komkommer werk goed. 3 Moet nooit koue kos direk uit die yskas voorsit nie, laat dit eers vir 10 minute buite die yskas staan; nader aan kamertemperatuur is beter as yskoud. (Dit geld natuurlik nie vir roomys en stolpoedings nie.) 4 Die botterlagie bo-op patee het twee rolle: Dit beskerm die patee sodat dit langer in die yskas kan staan, maar dra ook by tot die geur. In…

2016 Sikelela Dibela staan en koester ’n americano in wat snags sy ma se motorhuis is. Bedags heet dit Siki’s Koffee Kafe – Khayelitsha se eerste koffiewinkel waar jy kan gaan sit. Hy brand om vir ’n klant ’n flat white te skink, maar tans is hy en sy ambisie alleen in die plek. Verbygangers waai vriendelik, hou dan aan met loop. Dalk dink hulle by hulself Olga se seun het ’n lekker mal idee uit Londen saamgebring. Want koffie, regte boeretroos soos Siki maak, is ’n luukse in dié wyd-strekkende stratenet. 2020 Die gemor van die koffiemeule loop saam met die geur van koffie straataf. Siki’s is ’n bymekaarkomplek vir kunstenaars, entrepreneurs . . . Terwyl ons zoom, is daar ’n fotosessie aan die gang, reklame vir ’n township-fietswinkel.…

Hier is die onderwerpe van die 13 klasse KLAS 1 JOU MES Die beginpunt van lekker kosmaak – die regte mes, reg gebruik, reg opgepas. KLAS 2 EIERS Die beginsels en baie maniere om skrophoenders se eiers, sjefs se lieflingbestanddeel, te benut. KLAS 3 AFTREKSELS EN SOUSE Bemeester die basis van ’n goeie sous, jou sleutel tot diep, ryk geure. KLAS 4 SEEKOS EN VIS Kies volhoubaar by die vistoonbank en berei dit soos ’n gesoute sjef. KLAS 5 HOENDER Skrop- of hokhoender? Kies, sny, ontbeen en rooster die trots van die Sondagtafel só. KLAS 6 LAMSVLEIS Blad of boud, aan die been of gerol, Karoo of Kalahari, lamsvleis is weelde van die veld. KLAS 7 SPESERYE EN KERRIE Leer ken jou “innerlike” spesery, meng self masala en ontdek die…

As jy wyn koop vir iemand wat nie drink nie vanweë swangerskap of om ander persoonlike redes, maak seker jy ken die verskil tussen die nie-alkoholiese soorte. Alkoholvry, of 0% alkohol Druiwe wat nooit gefermenteer het nie en jou beste keuse as jy twyfel. (Hoewel dit debatteerbaar is. In Duitsland het ’n analise tot 0,77 g/liter etanol [alkohol] in lemoen-, appel- en druiwesap gevind. Jare gelede was daar plaaslik ’n herrie toe vrugtesappe wat lukraak getoets is, ook beduidende hoeveelhede etanol bevat het. Vrugtesappe met ’n hoë suikerinhoud kan soms voor pasteurisasie fermenteer.) Nie-alkoholiese wyn, of minder as 0,05% alkohol In teorie is dit alkoholvry, maar dis nie noodwendig die geval nie. Dit word op presies dieselfde manier as alkoholiese wyn gemaak. Wanneer fermentasie voltooi is, word die alkohol verwyder…

VIR JOU HOENDER Marokkaanse hoendermarinade Ek maak graag hierdie marinade as ek tyd het. Hoe langer die hoender in die sous lê, hoe meer smaak het hy. Dis op sy beste ná 48 uur in die marinade. genoeg vir 12 stukke Meng in ’n groot mengbak 30 ml fyngerasperde vars gemmer, 3 fyngekapte knoffelhuisies, sap en gerasperde skil van 2 suurlemoene en 20 ml fyn komyn. Voeg by 30 ml gerookte paprika, 100 ml avokadoolie, 1 kg-houer Griekse-styl jogurt en 15 ml fyn kaneel. Meng goed. Gooi helfte van marinade in vlak glasbak om hoender te marineer. Pak 12 hoenderstukke bo-op en gooi oorblywende marinade oor. Laat marineer vir minstens 24 uur in yskas. Skud ekstra marinade af, maar moenie weggooi nie. Braai hoender oor warm kole tot goudbruin. Plaas…

ONTBYT EN BRUNCH 26 Switserse muesli 26 Langstingel-broccoli met pomelo-hollandaise 26 Toebroodjiekoek 27 Kaaswafels met sagte eiers en chorizo (p) 28 Sjokolade-en-anys-brioche 29 Ontbytterrien (p) HOENDER 88 Hoenderlewerpatee 108Plathoender in rooisous 110 25-minuut-hoenderkerrie LAMS- EN BEESVLEIS 108Bolognese-pizza 109Frikkadelle in kruiesous 133Griekse lamstjops VARKVLEIS 59 Kerrievarksosaties 59 Warm varkslaai 59 Ertjie-en-hamsop 60 Mango-en-pekanneutterrien 60 Varkwangpasta 60 Oor-die-kole ribbetjies met lemoenglaseersel 61 Kersfeesvarknek 61 Bros varklies (pork belly) 62 Oondgebraaide varkblad (pork shoulder) (p) 63 Chinese rolletjies vir die feeskuier (p) 88 Eiervrug-en-chorizopatee VIS EN SEEKOS 26 Snoekkoekies met groensous 76 Seekos-paella 76 Mossels in knoffelroomsous en pangritata 76 Mossel-en-spekpasta 77 Klassieke oesters 77 Oesters oor die kole 86 Tuna-en-knoffelpatee 108Viskoekiegebak met groenslaai BYKOS 76 Radyssalsa 77 Nartjiesalsa 77 Grenadellasalsa 77 Mieliesalsa 77 Komkommersalsa 140 Gebraaide gebarste aartappels met knoffel en roosmaryn…

12 dinge wat jy nie van mossels en oesters geweet het nie 1 VEGANISTIES Mossels en oesters word as veganisties beskou om twee redes: Dit het nie ’n definitiewe ma of pa nie en ook nie ’n definitiewe senuweestelsel nie. Maar dis ’n debat wat aanhou! 2 BERGING Mossels en oesters is geneig om uit te droog in die yskas. Gooi daarom ’n nat doek oor om te keer dat dit gebeur. 3 GEWILD IN DIE OOSTE Die smaakprofiel van die oesters en mossels wat by Saldanha gekweek word, is baie gewild in veral Oosterse lande. Die ietwat soet geur in die planktonspesies wat hier voorkom, word oorgedra na die mossels en oesters. 4 SPAANSE MOSSEL Die Spaanse mossel wat ook by Saldanha voorkom, het hom al op vyf kontinente…

BESTANDDELE • 2 eetlepels olyfolie • 12 SPAR Selecthoenderstukke (dye en boudjies) met vel aan • sout en varsgemaalde swartpeper na smaak • 1 SPAR Freshline-ui, fyngekap • 1 SPAR Freshlineknoffelhuisie, fyngedruk • 250 g SPAR Freshlinesampioene, gesny • 250 ml Olive Brook Chenin Blanc-wyn • 250 ml warm hoenderaftreksel • 250 ml room • SPAR Freshline- Italiaanse (platblaar) pietersielie, gekap, vir voorsit METODE Verhit 1 eetlepel olyfolie in ’n groot pan, geur hoenderstukke met sout en peper en verbruin alkant in die warm olie. Skep hoender uit pan en plaas in skoon bak. Hou eenkant. Verhit res van olyfolie in dieselfde pan. Voeg uie by en braai oor lae hitte tot deurskynend, sowat 7 minute. Voeg knoffel by en kook vir 1 minuut. Plaas in dieselfde bak as die…

Tradisioneel word dié koekies aanmekaar geplak met ’n vulsel van suiker en koffie. Ek vervang dit met gesmelte sjokolade, wat minder moeite is. genoeg vir 50-60 500 g (540 ml) botter 200 g (250 ml) suiker 5 ml vanieljegeursel 350 g (250 ml) gouestroop 2 eiers 5 ml koeksoda 5 ml sout 30 ml koffiegeursel 1 kg koekmeel 100 g donkersjokolade, gesmelt Klits botter, suiker, vanieljegeursel en gouestroop saam tot lig en donsig. Terwyl jy klits, voeg eiers een vir een by en klits goed ná elke byvoeging. Los koeksoda en sout in koffiegeursel op en voeg by bottermengsel. Meng goed. Sif meel by en meng tot ’n sagte koekiedeeg vorm. Maak bak toe met kleefplastiek en laat rus vir 20 minute by kamertemperatuur. Verhit oond tot 180 °C. Rol…

SARIE-kosredakteur Herman Lensing delf in dié splinternuwe aanlyn kookkursus saam met ’n span kenners in 13 onderwerpe. Hy deel jare se ervaring en rus tuiskokke toe met vaardighede wat die genot van kosmaak na ’n nuwe vlak neem. Die kursus op slimmermetsarie.co.za bestaan uit 13 klasse, elk met 3 of meer videolesse: 1. Leer by die beste met ’n kenner wat elke onderwerp inlei en raad vrylik deel. 2. Herman neem jou stap vir stap deur die beginsels en tegnieke nodig om die onderwerp te bemeester en heerlike kos te maak soos hy. 3. Herman wys hoe om jou nuwe vaardighede in te span, ’n geliefde huiskosresep sy flair te gee en ’n uithalergereg by jou repertoire te voeg. Ná elke klas kry jy ’n bondige handleiding om af te…

Ons wroeg van nature met ons identiteit – selfs wanneer ons nog te jonk of naïef is om te weet wat om dit te noem. In ’n plattelandse vakuum stel jy, voor jy besef, sekere vereistes aan jouself, ’n checklist – om te probeer keer dat jy die één vis in die dam is wat in die “verkeerde” rigting swem. En as daar nou één ding is wat jou “reg” kon klap in die dam waar ek grootgeword het, is dit sport. Soos die dag toe tydens saal aangekondig is dat sport voortaan verpligtend sal wees. Terwyl die meeste ander kinders die nuus vier, het ek en my twee beste vriende, Rossouw (’n swaar, maar sagte model) en Leonard (’n Hyundai i10 – sonder power steering), benoude kyke gedeel. “Martin…

ROLENE STRAUSS Mej. Wêreld 2014 Spreker, skrywer en sakevrou. Tans is sy besig met haar meestersgraad in filosofie en lewensafrigting, én sy het ’n splinternuwe aanlyn kursus, Rediscover Your Self-Confidence, begin om vroue te help om hul selfvertroue te bou en hul drome vreesloos na te jaag Jy is ’n ma van twee klein seuntjies. Geniet jy hulle? Ag, verskriklik baie. Ek dink ek het twee harte, want al twee is my hart se punt. Ek is dolverlief op hulle en hulle is so goed vir my siel. ’n Deel van my selfvertroue-reis is juis my kinders wat lief is vir my net soos ek is. Ek is hul alles en hulle is my alles. Jy is besig met jou meestersgraad in filosofie en lewensafrigting . . . Ja, dis…

TAAL, TUISGEBAK & DIE TEETAFEL Skuimpies [ uitspr. skuim-pies ] s.nw. Dié soet eetdingetjie op die Afrikaanse teetafel proe soos dit klink – iets eteries wat soos seeskuim met die ligste briesie weggewaai kan word. Die maak van meringue is al vir eeue deel van ons bakkuns. Volgens kenners van ons kosgeskiedenis is dit waarskynlik ’n bydrae van die Franse Hugenote, hoewel ons skuimpies se naam net so tuis op die tong voel soos die Nederlandse snoepgebak “schuimpjes”. Ons bakkers kleur die soet skuim in sagte pastelle, maak dit modern met helder borssuikerstrepe of hou by die klassieke pêrelwit. Of die hopies spoggerig met ’n spuitsak gevorm word, of behendig met ’n lepel, die metamorfose van eenvoudige eierwit en suiker tot skuimpies bly ’n wonderwerk. Bokkepootjies…

LBBI EBn DHN OAIEKniMMB deur NADIA MEYER FILET Die varkfilet, ook genoem tenderloin of die gentleman’s cut, is ’n lang, maer snit varkvleis. Die filet is die sagste deel van die vark omdat dit eerder vir postuur gebruik word as vir beweging. Aangesien die snit min vet bevat, moet jy gereeld vloeistof byvoeg sodat dit nie droogkook nie. LIES (BELLY) Om die perfekte sagte en krakerige lies voor te sit moet jy ’n paar kepe in die vel sny. Sit die vleis, velkant na bo, op die draadrak van ’n oondroosterpan. Só braai die vet uit die vel, wat weer die onderste liesvleis sappig hou. Die eintlike geheim van varklies gaarmaak, is ’n kombinasie van sagte hitte om die vleis sag te maak, en hoë temperature vir kort…

MET GEMAK Maak oesters en ander skulpvis maklik oop met hierdie spesiale sakmes (6,5 cm) van Opinel. R339 by Yuppiechef YZERFONTEIN TOT DORINGBAAI West Coast Wander kombineer die eenvoud van die Mediterreense met ’n tikkie nostalgie van dorpies soos Yzerfontein en Doringbaai. Dié kookboek is ’n goeie aanvulling vir enige seeliefhebber se kombuis. Vanaf R319 by boekwinkels POT VIR SKULPVIS Hierdie emaljepot (3,4 liter) van Le Creuset is ideaal om mossels en oesters in te stoom en voor te sit. R1 999 by Le Creuset-winkels PASMAATS Plaas oesters op fyn ys en drup ’n paar druppels Tabasco-sous oor. Sit voor met suurlemoenskywe vir ’n uithanggeleentheid. Vanaf R53 vir 60 ml by kruidenierswinkels…

Kom ons praat yskaspoeding WILLEM POOL Boer soek ’n vrou 2019 Toe ek ’n kind was, het my ma altyd ’n pynappelpoeding gemaak wat sy in die yskas gesit het. Ek en my susters het dit die “pynappellekkerny” of “pynappelpoeding” genoem, want dit het eintlik nie ’n naam gehad nie. Saterdagoggende sou my ma dit aanmekaar geslaan het – die Ideal-melk lekker koud gemaak, sulke gekapte blokkies pynappel, en natuurlik het Tennis-beskuitjies die basis gevorm. Daar was ’n paar geheime bestanddele ook! Maar dit was so lekker en sy het dit met geklopte room bo-op voorgesit. RÉAN CLASEN Boer soek ’n vrou 2018 Ek het goeie herinneringe van yskaspoedings. Só onthou ek hoe my ma altyd die heerlikste flambé-karamelpoedings gemaak het, waarvan ek as kind nie genoeg kon kry nie.…

Bolognesepizza (bl. 102) Ek gebruik gekoopte winkeldeeg en bolognesesous om die pizza gou-gou aanmekaar te slaan. genoeg vir 4 1 kg-sak winkeldeeg meel vir uitrol 600 g gekoopte bolognesesous 250 g-houer roomkaas Verhit oond tot 220 °C. Verdeel deeg in vier dele en rol in sirkels van sowat 5 mm dik op meelbestrooide werkvlak uit. Plaas vier oondvaste bakkies onderstebo op ’n bakplaat. Spuit bakkies en bakplaat goed met kleefwerende kossproei. Plaas deegsirkels bo-oor bakkies sodat die deeg wat oorhang, eweredig op die bakplaat rus. Bak vir 15-20 minute of tot goudbruin. Laat afkoel en haal broodbakkies versigtig af. Verhit bolognesesous in middelslagpot. Plaas broodbakkies op dienbord en skep roomkaas in elkeen. Verdeel warm sous tussen bakkies en sit voor. DIE KORTPAD 1 AILIGHBLBLINL Vir Italiaanse lekkerte wat jou lewe…

Daar is (nog) ’n gapende kloof in ons samelewing. Fuifdrinkery en alkohol-afhanklikheid is groter as ooit. Daarteenoor drink ’n groeiende aantal mense minder, wel, soms. Aan-en-af-drinkers kan alkoholvrye geleenthede op hul kalender aanteken: Soos Daybreaker (daybreaker.com), ’n vroegoggenddansgemeenskap van meer as ’n halfmiljoen mense in sowat 44 stede wêreldwyd. En Sober Grid (sobergrid.com), ’n sosiale app met sowat 108 000 gebruikers as jy nugter wil bly. Ander mense gebruik mindfulness, ’n fokus op die hier en nou. Dit help swaar drinkers inderdaad om die elmboog minder te lig, volgens ’n studie in die International Journal of Neuropsychopharmacology. En te oordeel na verlede jaar se geesdriftige meelopers, gaan sowat 5 miljoen mense wêreldwyd binnekort 2021 afskop met Droë Januarie – ’n maand waar die drankkabinet toebly. Dis ’n tendens oral: Sowat…

1 Wie is Ilse en waar kom sy vandaan? Ek is op Stellenbosch gebore, het hier skoolgegaan en ook graad gekry in verbruikerswetenskap (kleding en tekstiele). My pa het by die universiteit se stigting gewerk en my ma was ’n musiekonderwyseres en entrepreneur. Ek is die tweede oudste van vier kinders, so ons was altyd ’n groot gesin wat hou van eet en kosmaak! My ma het vir ’n tuisnywerheid gebak toe ons jonger was; sy is steeds bekend vir haar veerligte mosbolletjies. 2 Jy is alombekend vir jou blog, The Food Fox. Waar kom jy aan die naam en wat beteken dit? Voor ek begin blog het, was ek vir byna 10 jaar in die musiekbedryf as ’n besprekingsagent en feesorganiseerder. My agentskap se naam was Red Fox, so…