Innehållsförteckning för Jul - Sep 2023 från SARIE KOS

E k wonder altyd hoe gaan die hemel lyk. Ek is oortuig daar gaan baie vrieskaste vol netjies gemerkte pakkies en bakkies kos wees, net soos my ma s’n altyd was. Wanneer jy die geur van my ma se bone-en-benesop begin ruik het, het jy altyd geweet die winter is op pad – al was dit nog maande weg. Min dinge op aarde kan my soveel vreugde verskaf in die winter soos die gedagte aan sop. Ná ure se kook het my ma die sop in porsies gevries. Dan kon jy as daai Noord-Kaapse koue in jou kom sit het, net die sop warm maak. Daar was nooit ’n rede waarom jy nie sop kon geniet nie, want my ma se vrieskas het altyd reggestaan met ’n bak of twee…

KAAPS-MALEISE REIS Kaap, kerrie en koesisters se Fatima Sydow is terug met ’n nuwe kookboek. In My story, my heritage (Human & Rousseau, R395) onthou sy haar grootwordjare op die Kaapse Vlakte en die feeste van die Kaaps-Maleise kultuur. Met tussendeur stories van Ramadaan, Labarang en troues, gul geregte soos dhalkerrie, bruin bredie, splitertjiesop, daltjies en boeber. BEGIN JOU DAG SO Geniet 100 resepte om jou dag goed te begin in 100 Morning Treats (Chronicle Books, R600) deur Sarah Kieffer. Soet of sout, van muffins tot skons, vinnige brode, quiche en soetgebak soos doughnuts, dié boek is vir elke soort bakker. Dit het lieflike foto’s, met wenke oor hoe jy met deeg werk tot jou voorbereiding die vorige aand sodat jy jou ontbyt- of teebederf die volgende oggend vars kan…

Tydens Covid se skrikbewind het ons gesien mense sal na net mooi enigiets gryp om hulself uit die virus se kake te hou. In die 18de-eeuse Frankryk was dit net so: Toe builepes, of die Swart Dood, in die 1720’s deur Marseille se strate swiep en mense soos vlieë omkap, het ’n straatsmous – en slim entrepreneur – sy konkoksie aan desperate burgers verkwansel. Antoine-Claude Maille, ’n distilleerder, se “Asyn van die Vier Diewe” was ’n aftreksel van asyn gemeng met kruie, speserye en knoffel. Mense is aangeraai om ’n teelepel in ’n glas water te drink, of dit aan hul slape of handpalms te tik. Só flink was sake, dat monsieur Maille en sy seun, ook Antoine-Claude, kort voor lank verskillende soorte asyn en mosterd gemaak het. Antoine-Claude jr.…

LENSIEKERRIE Dis ons plig om so en nou dan minder vleis te eet, maar dit hoef nie minder lekker te wees nie. genoeg vir 4-6 1. 1 ui, fyngekap2. 2 knoffelhuisies, fyngekap3. 10 ml komynsaad, fyngemaal4. 10 ml fyngerasperde vars gemmer5. 45 ml garam masala6. 400 g (500 ml) droë bruin lensies7. 2 x 400 ml-blikke klappermelk + olyfolie, sout en varsgemaalde swartpeper, naanbrode en dubbeldik jogurt vir voorsit Verhit oor hoë hitte ’n skeut olyfolie tot warm in ’n groot pot. Voeg uie, knoffel, komyn, gemmer en masala by. Roerbraai 1-2 minute of tot geurig. Voeg lensies by en braai nog 1 minuut. Voeg klappermelk by en meng deur. Verlaag hitte en laat prut tot lensies sag en gaar is, sowat 15-20 minute – roer elke nou en dan…

Omkeerkoeke & stroopsukses DEUR ERRIEDA DU TOIT Dis suiwer towerkuns, ’n onderstebokoek. Keer die koek om, glip dit uit op die bord en voilà!, dit onthul die mooiste laag vrugtejuwele geset in botterige karamelstroop. Die indrukwekkende gebak vra nie eens enige koekversiervaardighede van ’n pâtissier nie, net swaartekrag. Die idee om onderstebokoeke te bak kom uit ’n tyd voor kombuise oonde gehad het, toe koeke nog in ysterpanne in die vuurherd gebak is. Vrugte en suiker is op die bodem van die ysterpan gepak, die beslag bo-oor geskep en die pan op die vuur gesit. Dis dan omgekeer om ’n stroperige bolaag te onthul. Net soos die landelike vrugte-frummels (fruit crumbles), was die topsy-turvy ysterpankoeke ’n vlytige manier om die seisoen se oortollige vrugte te gebruik. Hoewel die omkeer-variasie heelwat…

DIS APPELTYD Koop so Appels is deesdae heeljaar lank in die winkels te kry danksy koelbergingstegnieke. Ek verkies om appeltert met vars appels te maak, maar vir iets soos die appelpastei met krummelkors kan jy maar geblikte tertappels gebruik. Koop altyd appels met ’n mooi blink skil en sonder kneusplekke. Maak so Geskilde appels word gou bruin. Druk suurlemoensap daaroor uit om te keer dat dit verkleur. Jy kan ook so drie suurlemoene se sap by ’n bak met koue water voeg en die geskilde appels daarin sit. Eet so Sit altyd appeltert louwarm voor. Appeltert vra ook iets ekstra om die bederf af te rond, soos aangesuurde room (crème fraîche). As jy sukkel om appels te kry, vervang dit met pere. Pastei vs. tert ’n Pastei het twee korse,…

VOORGEREG OF LIGTE ETE 52 Bak-hom-twee-keer-soufflé52 3-kaas-soufflé53 Soufflé-omelet111 Posjeer-eiers met rooiwynsous (B)112 Bone-en-rooiwyn-risotto (B) SOP 67 Pasta-groentesop (B)72 Spek-en-botterskorsiesop (B)81 Benesop (B)83 Ertjie-en-varkskenkelsop (B)85 Hoender-en-gortsop (B) HOENDER 41 Oondgebraaide hoender in mosterdroom65 Pesto-gnocchi met hoender (B)66 Eenpanhoender (B)68 Afrika-hoender met patats (B)69 Rooi kerrienoedels (B)71 Vaal hoender (B)112 Hoender in rooiwyn (B)125 Gestoomde klapperhoender (B) VARKVLEIS 26 Varkwors met soetmosterd (B)42 Varklies met biermosterd42 Varkworsies met mosterd-uiesous (B)75 Roomaartappels met varkworsies (P, B)112 Oondbraai-rooiwynvark met pasta LAMSVLEIS 28 Lamsnek-kerriepot (B) BEESVLEIS 40 Steak met mosterdbotter en patattjips41 Oondgebraaide dikrib met mosterdsous41 Bitterballen met mosterd-mayonnaise (B)70 Soetrissie-frikkadelle (B)73 Frikkadel-“subs” (B) VIS EN SEEKOS 126 Gestoomde wintermossels (B)126 Heel gestoomde vis met hollandaisesous (B) BYKOS 27 Aspatat met heuning-mayonnaise (B)28 Spekgebraaide wortels (B)125 Gestoomde wortelslaai (B)144 Blomkoolrys met broccoli, babaspinasie en ertjies…

Soufflé-wenke 01 Kamertemperatuur Gebruik altyd eiers by kamertemperatuur, hulle klits beter en gouer tot ’n sagte skuimwolk. 02 Moenie oorklits Moenie jou eierwitte oorklits nie, sagte punte is wat jy soek. Klits jy dit te styf, gaan die borrels te groot wees en bars voor die soufflé gerys het. 03 Jou basis Jou soufflé-basis moet altyd kamertemperatuur wees. As dit te warm is, sal die lug van die eierwitskuim wat jy invou gewoon uit die soufflé verdwyn sodat dit nie rys nie. 04 Groot metaallepel Vou altyd die eierwitte met ’n groot metaallepel in. Die skerp rand van die lepel sny deur die lugborrels en dit word nie platgedruk deur iets soos ’n plastiek-slaplemmes met ’n dikker rand nie. 05 Voer die bakkie uit Voer…

LEER EERSTE Fondasie-tegnieke VLEISAFTREKSEL Natuurlik kan jy dit koop, maar tuisgemaak smaak soveel beter! maak sowat 1½ liter ● 900 g vleisbene, soos beesskenkel, opgesny● 900 g murgbene● skeut olyfolie● 2 wortels, in ringe gesny● 2 selderystingels, gekap● 2 uie, in skywe gesny● 2 sprietuie, gekap● 2 lourierblare● 2 takkies roosmaryn● 6 swartpeperkorrels● hand vol tiemie● hand vol vars pietersielie● melkdoek van 30 x 30 cm● 1 m kombuistou 1 Verhit oond tot 230 °C. Plaas vleis- en murgbene in ’n oondbak. Oondbraai vir 30 minute tot mooi bruin – roer bene elke nou en dan deur. 2 Verhit ’n groot pot tot warm en voeg ’n skeut olyfolie by. Voeg wortels, seldery, uie en sprietuie by. Braai tot alles mooi bruin is – roer so nou en dan.…

GESONDHEID! OP DIE LEWE EN LEKKER ROOIWYN . . . Johan Calitz is sedert 2019 ’n wynmaker by Mischa Wyne op Wellington. Ons het by hom gaan aanklop om meer oor sy passie vir wynbou uit te vind en te hoor wat dit behels om goeie rooiwyn te maak 1 Waar het jou liefde vir die wynbedryf begin? Ek het aanvanklik ingenieurswese op Stellenbosch begin studeer, totdat ek in my eerste jaar agtergekom het wyn is baie lekkerder en die skuif na ’n BSc-graad in wynbou en wingerdkunde gemaak het. 2 Wat is tot dusver vir jou die hoogtepunt as wynmaker? Daar is ’n paar oomblikke wat uitstaan, soos die drie onvergeetlike maande toe ek in die Napa-vallei in Kalifornië gaan werk het ná ek my graad in…

’n Wonderwerk is ’n wonderlike ding. Dis iets waarvoor ons almal wag, hoop of bid. Dit is ook relatief: die Titanic, byvoorbeeld, was ’n ramp vir al die mense aan boord, maar vir die krewe in die kombuis was dit ’n wonderwerk. Hulle praat seker vandag nog daaroor. En vir party mense – soos ek – is dit iets wat gesien moet word om geglo te word. Op laerskool is ons vriendelik geforseer om elke Lentedag by die naaste ouetehuis te gaan aanklop. Elke leerder is aangesê om ’n kaartjie te maak wat versier is met lenteblare en -takkies; binne-in was ’n Psalm. “Hoekom?” wou my vriend Muller weet terwyl hy ’n homp mos met Pritt op sy kaartjie probeer plak. “Want dis nice,” sê Juffrou sonder om van haar…

AROMA VAN KOFFIE Voeg met die slanke en kompakte ontwerp van Nespresso se nuwe Vertuo Pop-koffiemasjien ’n tikkie helder kleur by jou kombuis. Dis beskikbaar in mango-geel tot vuurwarm rooi en seeblou, maar ook meer stemmige wit en swart. Dié slim masjien lees die strepieskode in elke kapsule en pas die brou-tyd aan volgens die koffie wat jy kies: espresso (40 ml), dubbelespresso (80 ml), gran lungo (150 ml), beker (230 ml) of alto (590 ml). R3 399 by Nespressoof uitsoek-kombuiswinkels BETER EN HOËR Pak dit in werk toe of geniet een voor ’n strawwe oefening. Better Bar se stafies is ’n gesonde peuselhappie propvol proteïen en vesel en laag in suiker. Tans te kry in 2 geure: grondboontjiebotter asook vanielje met sjokoladesplinters. R42 vir ’n stafie by Vida e…

TWAALF VRAE 1 Wat laat Kobus Botha se hart vinniger klop en laat hom glimlag? Mooi, slim, interessant en bevoeg in alle vorms en dieptes maak my gelukkig. Ek omring myself met mooi kos, toerusting, vure en fassinerende mense wanneer ek werk. En daardie mense verryk my lewe en laat my glimlag. 2 Waarom juis braai in Frankryk? Die Franse noem dit partage. Ek deel ons unieke kulturele lewensgenot en braai saam met mense vir wie kook en kos lewensbloed is. En hulle put baie plesier daaruit. 3 Hoekom dink jy maak vuur en vlam en die idee van braai mense so opgewonde? Vuur is mooi, gevaarlik, vertroostend, beskermend, veranderend, binne of buite beheer. En jy sien en ruik die kos terwyl dit kook op ’n vuur. Jy…

KUBERKUIER Hoekom Hongkong? Ek wou nog altyd oor die waters gewerk en gereis het. In Oktober 2020 het ek die geleentheid gekry om hier te kom skoolhou. Baie mense het gevra hoekom, jy vlieg dan nou na die virus toe. Om eerlik te wees, ek het self nie geweet wat op my wag nie. Ek het nie eens geweet Hongkong was voorheen ’n Britse kolonie en as spesiale administratiewe streek van China amper ’n land op sy eie nie, totdat ek navorsing gedoen het. Ek het saam met ’n vriend oorgevlieg, wat dit darem minder vreemd gemaak het. Dit was stresvol, want jy het net drie dae gehad om in Hongkong uit te kom voor jou Covid-toets verval. Ons het in Addis Abeba geland om Bangkok en dan Hongkong toe…

Tussen al die dieetrate daar buite is een blywende voorstel: Eet meer groente. Spinasie tot tamatie, groente is volgeprop met vitamiene, minerale en antioksidante. Veral rou. Maar wie wil nou soos ’n haas aan rou kool knaag? Stoom jy egter die groente, gee dit die tekstuur en geur ’n hupstoot. Dis ook sagter en makliker om te kou en te verteer. Groente is boonop nie al wat jy kan stoom nie. Leanie Huxham, geregistreerde dieetkundige by Vergelegen Dietitians, Somerset-Wes, gee agt redes waarom stoom jou voorkeur-kookmetode behoort te wees 1 BEHOU DIE GOEIE Wateroplosbare voedingstowwe soos vitamien C en folaat (’n B-vitamien) kom in groot hoeveelhede in baie groente voor – maar hitte en water kan dit beskadig. Stoom jy dit, bly die groente en warm water apart en…

1 Wie is Inè, wat laat haar hart stadiger klop en waar kom sy vandaan? In ’n wêreld sonder boksies is ek ’n agter-die-kap-van-diebyl-kommer, waarheidsoeker, potensiaalontginner, dromer en rabbedoe in die vreemdste kombinasie ooit. Dit leef ek uit in my roeping as vrou, ma van vier, outeur, gesondheidspraktisyn en spreker. 2 Waarom reken jy is ’n laekoolhidraatdieet so ’n goeie keuse? Binne die gróót prentjie help ’n lae- of slim-koolhidraat-leefstyl om ’n magdom onnodige gemorskos van die tafel af te haal. Net dit maak reeds ’n groot verskil, omdat die fokus op bruikbare nutriënte is. Ek sien so baie in my praktyk tydens DNS-terugvoersessies hoe mense nie buffers het teen die kombinasie van hoë geprosesseerde koolhidrate en hoë vette nie. Dit lei tot vetberging en baiekeer erge inflammasie…