Innehållsförteckning för Jul - Sep 2024 från SARIE KOS

Op 6 Julie 1949 het Afrikaanssprekende vroue van oor die land heen, selfs van die ou Suidwes en Rhodesië, vir die eerste keer kennisgemaak met die glansblad Sarie Marais. Nasionale Pers (vandag Media24) se eerste volwaardige vrouetydskrif. Genoem na die alombekende volksliedjie, ja, en ’n “mooi ding”, soos die redakteur toe, Fred le Roux, gesê het. Só het derduisende vroue in Suid-Afrika ook gedink, want sommer teen twaalfuur op daardie eerste dag het dit heeltemal uitverkoop, en in die weke en maande daarna is die tydskrif glo “vurig” deur lesers ingewag. Die Burger skryf: “Sarie Marais verower almal se hart.” Ek’t lank gewonder waarom SARIE so vinnig harte gewen het. Die argiewe vertel ’n storie, talle tesisse het hul teorieë. Maar ’n paar jaar gelede met SARIE se 70ste kry…

Nog ’n sny Suikertand-superster Natalie Paull is terug met ’n splinternuwe boek ná die sukses van haar topverkoper Beatrix Bakes. Beatrix Bakes: Another Slice (Hardie Grant Books, R625) is propvol onweerstaanbare nageregte (dink haselneut-laagkoek met geroosterde kersies en heuningkoek) wat sy graag tuis bak sedert sy in 2022 haar kultus-koffiewinkel in Melbourne, Australië, gesluit het. Duitse wyn Geniet ’n yskoue glas gewürztraminer van Robertson Winery saam met jou soetgebak. Die wyn met soet note van heuning en sagte speserygeure is ook ’n pasmaat vir kerrie en ander speserykos. Sowat R80 vir ’n 750 ml-bottel by die meeste drankwinkels, of besoek robertsonwinery.co.za Proe skaars die verskil Ontdek ’n nuwe bakwêreld met The South African Guide to Gluten-Free Baking (Penguin, R380), die eerste SA kookboek net vir glutenvrye gebak. Fyngebaksjef Zorah Booley…

LEES MEER OOR • ’n Reënboog van koskulture• Snoek, lekker ou Kaap• Resepte wat sê ons is van hier Koue lamsboud Afrika is my huis, dis waar ek wil wees en waar my hart op sy beste klop. Ek gebruik harissasmeer uit Noord-Afrika op lamsvleis uit die suide van Afrika om die beste van ons kontinent op die bord te sit! GENOEG VIR 6-8 • 1 groot lamsboud met skenkel aan (easy carve)• 6 knoffelhuisies• 100 ml harissasmeer• gerasperde skil van 3 suurlemoene• 10 ml fyn komyn• 10 ml fyn koljander• 600 ml beesvleisaftreksel• 410 g-blik gekapte tamaties• sout en varsgemaalde swartpeper vir geur Verhit oond tot 160 °C. Gebruik ’n skerp mes se punt en steek 6 gate in lamsboud. Druk ’n knoffelhuisie in elke gaatjie. Meng nou res…

Hoekom die Isle of Wight? Hoeveel van ons het nie al die begeerte uitgespreek om op ’n eiland af te tree nie? My droom is bewaarheid toe ek 21 jaar gelede uit Pretoria hier aangekom het. Nie dat ek dit ooit beplan het nie. My pad het net hiernatoe gelei toe ek by vriende kom kuier het. My man, Paul (wat onlangs oorlede is), het hier kom skoolhou en ek het as bestuurder by ’n aftree-tehuis ingeval. In 2009 het ons afgetree. Ek was dadelik verlief op die plek. Die eiland is besonders, kleurvol, met ’n groot verskeidenheid dinge om te doen. Dit is basies ’n bastion vir die ou Britse kultuur en gewoontes. Soos die Engelse sê: “A place of outstanding beauty and pride.” Die eiland is klein –…

LEES MEER OOR • 7 stappe tot baksukses• Lekkerste roomys sonder moeite• Verlei met 3-bestanddeel-mousse Bak met ’n plan Die meeste mense raak dadelik angsbevange as ek hulle vertel van ’n heerlike seslaag-sjokoladekoek of Franse brioche met tuisgemaakte karamelsous. Hulle bewe nie oor die kilojoules en suiker nie, wel oor die blote gedagte aan bak en om ’n resep gram vir gram te volg. Dis onnodig – ontspan en geniet die lekker! HIER IS MY 7 STAPPE WAT VAN JOU ’N MEESTERBAKKER SAL MAAK 1 Lees die resep een of twee keer deur voor jy enigiets doen om seker te maak jy weet wat aangaan. 2 Meet bestanddele met ’n skaal af eerder as met koppies. Dis meer akkuraat. 3 Gebruik vars bestanddele. Moet rysmiddels soos bakpoeier nooit langer as…

KORTVERHAAL: BLAAI EN LEES Lees saam aan ons blaai-enlees-kortverhaal deur Nataniël bl. 7-145 Meneer Buys het op die stoep uit die stoel verrys, die twee mans het die stoel opgevou, in die ambulans geklim en weggery, Meneer Buys het binne die huis verdwyn en die skare het bly staan. Daarna het ’n jongerige bleek vrou op die stoep verskyn, haar naam was Anla en ten spyte van twee gewilde tydskrifte se aankondigings dat die moderne vrou nou haar hare weens mode, onafhanklikheid en higiëne korter dra, het sy die dorp se enigste volwasse vlegsel besit. In haar hand was ’n papier en sy het feitlik onhoorbaar ’n paar name gelees. Die eienaars van dié name het reeds geweet dat hulle gekies was en het onmiddellik – en stigtelik – na…

Op 6 Julie 1949 het SARIE se eerste uitgawe die winkels gesien, dit was ’n wegholsukses. ’n Tydskrif vir Afrikaanse vroue. Een wat vanjaar 75 jaar vier. En ons vier dit saam op die beste manier wat jy kan kry: met kos! Kom sit aan vir ’n Italiaanse fees, laat die pannekoeke rol, proe ons eie ikoonbestanddele, van biltong tot snoek en lekker mieliepap. Skuif jou stoel nader vir ’n kuier op Mauritius saam met die macaronmeester Pierre Hermé. Ons bak verjaardagkoeke om van te droom en ontdek die wonders van karamel. Laat jou weeksdagetes nooit vervelig wees nie met 7 hoenderresepte. Herman en ’n handvol kosskrywers sê dankie vir Peter Veldsman se ryk nalatenskap. Lig jou glas hoog en sê saam met ons: Lekker verjaar, SARIE!…

LEES MEER OOR • Wie is Pierre Hermé?• Hoe word jy ’n fyngebak-maestro?• Mauritius se Festival de Culinaire 1 Wat was jou kindertyd-ambisie? Ek het altyd geweet ek wil ’n fyngebaksjef word. My pa het my daardie begeerte gegee, want hy was self ’n passievolle bakker. Om die waarheid te sê, ek is die vierde generasie van fyngebaksjefs in my familie. As ek enige ander loopbaan moes kies, sou ek ’n argitek geword het. My liefde vir ontwerp is iets wat jy in my werk kan sien. 2 Vertel meer oor jou reis om ’n fyngebaksjef te word. Ek het na ’n privaatskool op die Franse platteland gegaan. Toe, op die ouderdom van veertien, is ek Parys toe om as vakleerling vir die fyngebakmeester Gaston Lenôtre te werk. Ek het…

LEES MEER OOR • Hoender in elke geur• Oondbraai tot bak in jou lugbraaier• Min bestanddele, baie smaak Hoender met parmesaankaas Die geur van songedroogde tamatie en parmesaankaas werk eenvoudig net saam. Neem tyd met die braaiproses om seker te maak die hoender is regdeur gaar. GENOEG VIR 4 • 115 g (125 ml) sagte botter• 3 knoffelhuisies, fyngekap• 50 g parmesaankaas, fyngerasper• hand vol vars pietersielie, fyngekap• gerasperde skil van 2 suurlemoene• 175 g-sakkie songedroogde tamaties in olie, gedreineer en fyngekap• sout en varsgemaalde swartpeper• 1 groot hoender• 500 ml hoenderaftreksel Verhit oond tot 180 °C. Meng botter, knoffel, die helfte van die parmesaan, pietersielie, suurlemoenskil en songedroogde tamaties in ’n middelslag-mengbak. Geur met sout en peper. Maak hoender se vel op die bors, dye en boude los. Skep…

LEES MEER OOR • Só onthou ons ’n kosheld• Peter se smoorsnoek• Crème brûlée wat maklik beïndruk KOSSKRYWERS EN VRIENDE ONTHOU Peter die Grote ERRIEDA DU TOIT VERTEL VAN HAAR PAD MET HAAR GROOTSTE KOSHELD Peter Veldsman was vir soveel van ons kosmalletjies ’n spirituele vader, ’n gemoedelike gourmetgrootvader, ’n sielsprofeet oor die fyner dinge van die lewe. My band met Peter het diep geloop. Toe ek as kleuter in die stofstrate van Touwsrivier gespeel het, was Peter in ’n klaskamer skaars ’n kluitgooi weg by die einste skool waar my pa skoolhoof en sy taalonderwyser was. Peter het toe al ’n groot indruk gemaak op my pa, wat vir die res van sy lewe staaltjies van die uitsonderlike Klein-Karooseun vertel het, van hoe Peter musiekkonsert gehou het met al…

Drankies 87 Rooibos-vonkelwyntoring (B) Brood 30 Semolinabrood86 Regte roosterkoeke met botter (B)86 Biltongbrood Sop 121 Bakkie lensiesop met brood (B)122 Peter se jong-ertjie-en-rooibosroomsop Ontbyt 87 Regte mieliepap met heuningbotter (B)107 Pannekoek vir ontbyt Bykos en slaai 29 Caprese-slaai (B)122 Aspersies met hollandaise (B)133 Baba-uie en aspersies met pomelo-hollandaise135 Romerige bone (B) Vis 87 Snoek met klappersous122 Peter se smoorsnoek (B) Hoender 32 Baksteenhoender met salsa86 Hoenderkerrie90 Hoender met parmesaankaas91 Tandoori-plathoender92 Plathoender met aartappels93 Hoenderwors en bone (B)94 Soetrissie-en-chorizo-hoender in jou lugbraaier95 Marokkaanse hoenderkoeskoes96 Hoendersop met blaardeegkors134 Hoender-tagine Lam 86 Koue lamsboud135 Lamsribbetjiebredie Pasta 30 Polenta-gnocchi in groensous31 Kortpad-ravioli (dis alles in die sous)134 Gnocchi met ertjies134 Pasta al limone (B) Gebak 32 Rum-baba33 Donkersjokolade-mayonnaisekoek (P)48 Basiese vanieljesponskoek48 Basiese sjokoladesponskoek49 Donkersjokolade-engrenadellakoek49 Vanielje-en-witsjokoladekoek50 Suurlemoen-en-pistasieneutkoek50 Karamelkoek51 Framboos-en-rooskoek52 Springmielie-en-witsjokoladekoek52 Konfettikoek66 Maggie Pepler se oorspronklike…

Mens is mos net so oud soos jy voel, sê “hulle”, maar “hulle” sê ook “pampoen laat jou hare krul”, so ek weet nie eintlik wat om te glo nie. (Terloops, was pampoen op uitverkoping in die 80’s? #perm #neverforget) “Oud-word is beslis nie grappies nie,” sê my vriendin (kom ons noem haar “Anna”) op die vooraand van haar 75ste verjaardag. Meer as dubbeld my ouderdom, het sy steeds meer woema as ’n karwag wat die biep-biep hoor wanneer jy jou kar oopsluit met nie ’n enkele rand kontant op jou nie. “Maar weet jy wat ís?” vra sy en vertel ’n grap wat ’n matroos sou laat bloos. Ouer word is dalk nie grappies nie, maar dit beteken duidelik ook nie dat die grappies hoef op te droog nie.…

LEES MEER OOR • Dek sjiek in swart en wit• Italiaanse feesspyskaart• Hoender onder baksteen gebraai OP DIE SPYSKAART • Caprese-slaai • Semolinabrood • Polenta-gnocchi in groensous • Kortpad-ravioli • Baksteenhoender met salsa • Rum-baba • Affogato 75 Italiaance kosuoorde 01 Ai ferri – Kos wat oor ’n oop vuur gaargemaak word, ons noem dit sommer braai! 02 Al dente – Letterlik “na die tand”, verwysend na die sagte maar ferm tekstuur van gaar pasta 03 Babà – Ringvormige giskoek tipies van Napels; gewoonlik geweek in rum 04 Bere – Om te drink 05 Biga – Brood as voorgereg 06 Bistecca – T-been-steak uit Florence 07 Brodo – Kragsop 08 Buccellato – Toskaanse rosynen-anyskoek 09 Burro – Botter 10 Mascarpone – Italiaanse roomkaas 11 Tartufo nero – Swart truffels 12 Tartufo bianco –…

SA SE NR. 1 Suikerbekkies baljaar in Dave Pepler se ruig tuin, waar ons sit en koffie drink met ’n uitsig oor Simonsberg. Dave is die bekende gesig van Groen, omgewingskundige, raconteur, reisiger en parfumeur. Hy is ook die seun van Maggie Pepler, wat algemeen beskou word as die moeder van malvapoeding. Hoewel die resep vir hierdie heerlikheid nie noodwendig by haar ontstaan het nie, het dit in Maggie se hande tot nasionale ikoon geblom. Sy het die resep glo by haar ma, ouma Lily, leer ken as telefoonpoeding, omdat die distrik se vroue so kranig op die foon sou spring om die resep te kry nadat hulle dit geproe het. Maar Maggie het dit herdoop tot malvapoeding en eers in 1976 by Boschendal en daarna in 1979 by Lanzerac…

LEES MEER OOR • 8 pannekoek-dinge• Leer eerste: basiese resep• 3 nuwe planne met ’n ou staatmaker Pannekoek-dinge 1 Pannekoek soos ons dit hier in Suid-Afrika ken, is gebore uit die Franse crêpe wat dunner as pannekoek is. 2 Crêpes word in Frankryk geniet met strooisuiker en suurlemoensap, konfyt of sjokoladeneutsmeer – laasgenoemde dikwels met skyfies piesang. 3 Pannekoek se vulsels varieer van soet tot sout, insluitend kaas, ham, spinasie en nog vele meer. 4 Die Franse vier ’n spesiale dag, bekend as La Chandeleur, waarop crêpes tradisioneel geëet word met elke gang van die feesmaal. 5 Crêpes word dikwels geassosieer met die Provence-streek in Frankryk, maar word landwyd geniet en is ’n nasionale gereg. 6 Crêpes word in ’n spesiale vlak pan met ’n dun randjie reg rondom gemaak.…