Innehållsförteckning för April 2016 från SARIE

My oom drink koffie en my tannie tee . . . Dis woorde uit “Stuur groete aan Mannetjies Roux” wat ons spontaan saamsing net wanneer ons die geleentheid kry. ’n Liedjie van swaarkry en onthou wat elke keer die hartsnare roer. I love coffee, I love tea … hoor ek ook nou die dag The Ink Spots se 1940’s-liedjie, “Java Jive”, as klingel op ’n selfoon. ’n Guitige ode aan koffie – die “java” – en tee. En ek dink: Nét so! Koffie. Tee. Reg vir douvoordag se opstaan en daardie gróót gesels. Albei getrou vir elke dag se lafenis en ’n nodige skoot troos. Jy kry teemense en jy kry koffiemense, en hulle verskil soos die vroue van Venus versus die manne van Mars, sê dié wat weet. Teedrinkers…

MA & DOGTER STAL UIT Vanjaar se KKNK is ’n spesiale een vir feeskunstenaar Hanneke Benadé. Nie net is dit 20 jaar sedert sy haar eerste solo-uitstalling in Johannesburg gehou het nie, maar haar ma, Ada Liefbroer-Benadé, hou boonop op 72 háár eerste uitstalling. Die Poeries: ’n versameling karika ture, met 170 hout- en kleifigure, is uit honderde aansoeke gekeur. Ada het geen tersiêre kunsopleiding nie. Haar reaksie: “Om op dié ouderdom myself te kan ontdek en uit te leef is wonderlik!” Hanneke beskryf Ada as ’n inspirasie. “Ek is bly ander kan nou my ma se reuse-talent sien.” Lees hul storie in ons Mei-uitgawe. LANK LEWE DIE BOEK! Goeie nuus vir almal wat lief is om in ’n regte boekwinkel deur regte boeke te blaai: Die aanlyn groep…

Ons kan nie ons verlede wegwens nie. Ons ís waar ons vandaan komStian 1901, Deadwood-kamp, St. Helena-eiland Die spreilig sny deur die misvlae. Soutdruppeltjies verander kortstondig in spikkels goud en dwarrel weer weg. Branders plof iewers ver teen die rotse. In die ligkol steun ’n bondel menselywe op ’n platgetrapte sandveld. Ledemate verstrengel in nat kakie, stewels woel om ’n primitiewe bal van lap en tou. Dan haak een hom, en hy het hom, en daar gaan hy . . . ’n Gejuig. Kliek. Donkerte. Net die gehyg van asems. Dan laat val ’n klein Ier in gevangenedrag: “Who said you could stop?” “Maar die ligte . . .?” “ You can still feel the ball, can’t you?!” Die bal swaai uit. Tande flits wit in die nag. In die…

Is dit moeilik om as enkellopende die rol van ’n geskeide vrou in My briljante egskeiding te vertolk? Nee, die meeste vroue sal met Engela kan identifiseer, want selfs as jy net in ’n lang verhouding was en julle breek op, worstel jy met dieselfde kwessies. Die titel is ’n paradoks – wie dink ’n egskeiding is briljant? Ná haar man, Manie, se terugkeer van ’n sakereis ontdek Engela hy het haar verneuk. Sy bly alleen in die grote huis agter, maar is bang vir alleenwees. ’n Getroude vrou het immers ’n sekere “status” en Engela wonder waar sy nou inpas nadat sy in al die jare van getroude lewe haar identiteit vir hom opgeoffer het. Ek verstaan dit. My pa, Francis, soek steeds man vir…

Waar woon julle en waarom daar? André se groot droom van jongs af was om ’n motorontwerper te wees. Aangesien daar in SA nie veel moontlikhede vir so ’n beroep is nie, het hy ingenieurswese by Maties gestudeer, waar ons ontmoet het. Ná ons studies het ons begin werk, hy in ingenieurswese en ek in menslike hulpbronbestuur. André het bly droom oor motorontwerp en ons het begin navorsing doen en ’n skool in Turyn ontdek wat die kursus aanbied. Ons is in September 2014 getroud en het op ons wittebrood gehoor André kry ’n volle beurs van die skool om gratis te begin studeer vanaf Oktober 2014. Dit was nie maklik om ons land te verlaat nie, maar ons het dit as ons nuwe avontuur saam beskou. Ons het oë…

Dié aktrise se deurbraak was in 1998 as die rebelse tiener Dusty da Silva in die Engelse sepie Isidingo. Vele TV- en teaterrolle het hierna gevolg. En vanjaar is Milan vir die eerste keer vir haar verhoogwerk benoem – as beste aktrise vir haar rol in Amper, Vrystaat* by die Fiësta-toekennings. Sy’s boonop die medeskrywer van dié stuk, waarin drie vervreemde susters vir hul ma se begrafnis op die fiktiewe dorpie Amper bymekaarkom. Laas jaar was dit die beste debuutproduksie by die Vrystaatse Kunstefees en vanjaar het dit die Fiësta gewen vir beste teaterontwerp. Hieroor sê sy: “Ek is baie trots en dankbaar oor die gewildheid van die stuk. Wanneer jy iets nuuts skep, hou jy maar asem op vir die reaksie.” Milan skryf ook kinderboeke. Haar eerste, Pieter Kokkewieter…

“Ons is ’n industrie wat uitreik en letterlik die wêreld met ons kaal hande verander”Jane Wurwand Met hul doeltreffende formules en kenmerkende velsorgfilosofie het Dermalogica al vir 30 jaar die skoonheidswêreld aan hul voete. Dié suksesverhaal het begin toe die Britse velsorgterapeut en stigter, Jane Wurwand, in die vroeë 1980’s besluit het die produkte op die mark is nie sag genoeg vir haar sensitiewe vel wat soms simptome van ekseem toon nie. Haar oplossing: Om haar eie reeks te ontwikkel met bestanddele wat nie jou vel irriteer nie. In 1986 is Dermalogica gebore en agt jaar later ook in Suid-Afrika bekend gestel. Vandag is dié velsorgprodukte in meer as 80 lande beskikbaar, terwyl Jane se onwrikbare entrepreneursgees boonop ’n inspirasie vir vroue wêreldwyd is. UNIEKE VELSORG Dermalogica glo jou vel…

KARAMEL-PERE Plaas 420 g (500 ml) suiker, 50 ml room en 250 ml glukose-stroop in middelslagpot. Voeg 115 g (125 ml) botter by en bring tot kookpunt terwyl jy aanhoudend roer. Hou aan kook tot mengsel ’n goudbruin karamelkleur kry en suikertermometer tot 140 °C styg, sowat 15 – 20 minute. Steek stokkies in die bokant van 8 pere. Voer bakplaat uit met bakpapier en spuit baie goed met kleefwerende kossproei. Doop ’n peer versigtig in warm karamel en laat ekstra karamel afloop. Plaas regop op bakplaat. Herhaal met res van pere. Laat afkoel tot hard en sit voor. PAASHAAS VAN OORSEE Die Switsers is bekend vir hul sjokolade. Maak die innerlike kind in jou bly met dié oulike Paashase van die sjokoladevervaardiger Frey. Vanaf R39,99, landwyd MOOI PATRONE Maak…

Almal het die reg op ’n opvoedingNicolette Sy wou nog altyd ander help. Nadat Nicolette van der Merwe in 2005 as skoonheidsterapeut in die Paarl gekwalifiseer het, wou sy vroue beter laat lyk en voel. Maar haar planne het noodgedwonge verander toe sy trou met ’n boer op ’n afgesonderde plaas in die Tankwa-Karoo. Gou het sy ’n nuwe uitdaging gesien. “Ek en Francois is in 2008 getroud. Die naaste groot dorp aan ons is Calvinia, sowat 120 km van die plaas. Die eenmanskooltjie, die Laerskool Elandsvlei op die buurplaas, het vir my gelyk na ’n gulde geleentheid om die plaaskinders in die omgewing te help en my in my werk uit te leef. Ek wou nie net huisvrou wees nie,” sê Nicolette, wat ook ma van ’n tweejarige tweeling,…

Die wêreld is vol stressors, maar ons kan ons kinders leer om soms stil te wordTheresa van den Berg, opvoedkundige sielkundige Die wêreld vandag is een groot geraas. Ons haas ons van die een plek na die volgende, op pad is daar duisende dinge wat ons aandag aftrek, en as ons ’n paar minute moet wag, word die slimfoon dadelik uitgepluk. Maar wat van dít wat binne ons aangaan? En wat van ons kinders wat dié gewoontes reeds vroeg aanleer? “Kinders het meer stres as ooit tevore weens aanhoudende stimuli soos slimfone, TV’s en videospeletjies. Hulle ontsnap nie meer en wees net bloot kind nie,” sê Claire Breen van Kaapstad, ’n opvoedkundige sielkundige wat daarin spesialiseer om bewustelik (mindful) te leef. Sy en verskeie kenners meen om bewustelik te leef…

92% Die persentasie maaltye by ’n tipiese restaurant met meer energie (kJ) as wat jy die hele dag behoort te eet, volgens ’n studie in die Journal of the American Academy of Nutrition and Dietetics. Dus: Maak kos tuis, dis beter vir jou sak ook! Bron: Time.com JIGGIE! 5 sekondes. Dis hoe lank kos wat op die grond geval het, steeds veilig is om te eet. Só was die riglyn altyd. Nie so nie, wys ’n Amerikaanse studie. Hoe langer die kos daar lê, hoe meer kieme klou uiteraard daaraan vas. Dit hang ook af van die kos-vloer-kombinasie. Klam kos op teëls lok veral baie “goggas”. Maar ’n beduidende aantal kieme soos salmonella klou byna oombliklik daaraan. Bron: clemson.edu ‘MANLIKE’ GRIEP BESTAAN WEL! Estrogeen speel moontlik…

117 On Long 021 839 2103 A a.y.k 083 256 7890Accessorize 021 447 7718 www.accessorize.co.zaAmerican Swiss 021 938 1966 www.americanswiss.co.za C Chandler House 021 424 4810 www.chandlerhouse.co.zacolette by colette hayman 021 937 5465Cotton On 011 268 3700 www.cottonon.co.zaCross Trainer 011 883 5132, 021 551 6687, 031 5663 128 www.xtrainer.co.za D Design Mate 072 111 1117 www.designmate.coDulux 0860 330 111 www.dulux.co.zaDune 021 529 1970, 011 685 7055 E Ebony Interiors 021 424 9985 www.ebonydesign.co.za F Feature 072 325 8440 www.featuresa.co.zaFootwear Trading 011 630 4000Forever 21 021 555 3324Foschini 021 938 1911 www.foschini.co.zaFossil 021 418 0045 www.watchrepublic.co.za G Green Cross 021 507 9700 www.green-cross.com H H&M 021 826 7300 www.hm.com/za J Jeep 031 313 1400 www.jeepsa.co.za L Louis Vuitton 011 784 9854, 021 405 9700 www.louisvuitton.comLuxco Importers 011 448 2210 www.luxco.co.za M…

Nuwe gesig Chanel het SARIE ’n kykie gegee in hul nuwe advertensieveldtog met aktrise Kristen Stewart, veral bekend vir haar rol as Bella Swan in die Twilight-flieks. Haar eerste foto’s deur die internasionale fotograaf Mario Testino is onlangs bekend gestel. Mario het destyds ikoniese foto’s van prinses Diana geneem. Kristen is die gesig van die skoonheidshuis se grimering. Die eerste grimeerreeks (vir oë) is vanaf Mei beskikbaar. AFRIKA in jou kombuis ’n Kombuislap so mooi en trots SA jy wil dit hê! Afrika-tonele en tradisionele patrone en kleure is die inspirasie agter die nuwe Bomalap van die tekstielmaatskappy Mungo by Plettenbergbaai. Hulle herinner aan skadu’s oor dorre, gekraakte grond, soms aan ’n windverwaaide kus of net ’n glinstering van pienk in onweerswolke. Die reeks in 100% katoen is deel van…

Dit blyk dat ons in die begin en aan die einde van aardse bestaan leef van uitsien tot uitsien, geleentheid tot geleentheid, baken tot baken. Vir ’n jong kind, voltyds besig om sy eerste herinneringe te skep en te stoor, is daar buiten roomys geen beter ding as afwagting nie, opgewondenheid, nuuskierigheid, skoenlappers in die gestel, wakker lê en die ure omwens, só word daar gereik na die groot oomblikke. Tydens my kleintyd het ’n jaar net uit vier geleenthede bestaan, verjaardae (my eie sowel as dié in die dorpshuise waar daar groot gebak is), Kersfees, kerkbasaar en kuier by my Ouma. Die res van die tyd is omgewens. Somtyds was die wag só groot en uitputtend dat dit geleentheid heeltemal oorskadu het, ek het só uitgesien na Kersfees dat…

Haar grootste nuutjie: Sy is weer swanger en die baba maak in Julie sy (of haar) opwagting Sy hou nie van verandering nie . . . Hou nié van verandering nie. Desiré Gardner sê dit soos ’n mantra. Want 2016 is haar rondomtalie-jaar. Verandering het haar drievoudig getref. Daar was haar en haar gesin se verhuising Kaap toe. Sy het Daleen, haar karakter die afgelope sewe jaar in Binnelanders, se verpleegstersuniform vir altyd uitgetrek. Wanneer dié artikel verskyn, het Desiré reeds by Suidooster, die nuwe Kaapse sepie, ingeval. ’n Gepaste woord, want die flambojante Carmen (op Afrikaans uitgespreek) met haar bottelblonde hare à la Marilyn Monroe gaan sekerlik die poppe op die kassie laat dans. Die nuwe haarkleur is die een verandering wat Desiré met ’n glimlag omhels. “Bruin hare…

ELMI Gaan oor tot aksie. Doen wat jy kan. As jy byvoorbeeld bang is iemand breek by jou huis in, rus dit toe met diefwering en ’n goeie alarmstelsel. Kies om in die hede te leef. Dan sal jy nie heeltyd dink aan wat dálk kan skeefloop nie. Dus: as jou gedagtes op die toekoms fokus, leer jouself om te konsentreer op wat jy nou doen, soos wanneer jy ’n koppie tee maak of iemand bel. Besef jou enigste realiteit is die “nou”. Dít bekamp angs. MARLIZE Moenie ’n slagoffer-mentaliteit ontwikkel weens die misdaadsituasie in die land nie. Reik uit. Tree pro-aktief op – help byvoorbeeld ander slagoffers. By alle maatskaplike kantore word daagliks hulp verleen aan onder andere vroue wat aan gesinsgeweld blootgestel is. Dalk kan jy help met…

“Ek is eerder spyt oor die dinge wat ek gedoen het as oor die dinge wat ek nie gedoen het nie”Lucille Ball, Amerikaanse aktrise Kruger Self-Drive: Routes, Roads and Ratings HEINRICH, PHILIP EN INGRID VAN DEN BERG (HPH PUBLISHING, R490) Die Wildtuin is my gunsteling-bestemming. Maar om die beste ervaring daar te hê, verg deeglike beplanning. As jy in verskillende kampe oorbly, moet jy weet hoe lank die reistyd tussen hulle is sodat jy saans die kamp betyds kan haal voor die hekke sluit. Dis ook goed om te weet waar jy watter diere kan sien, want so beplan jy watter gebiede jy wil besoek. Hierdie nuttige handleiding wys al die grootpaaie in die Wildtuin, bespreek diere wat op die roetes te siene is en gee ook kaarte van die…

TRENCH- JAS Dié jas pas elke figuur. Belê in ’n donker kleur soos swart of vlootblou. GROOTTES Jas: 32 – 38 T-hemp: S – L Langbroek: 8 – 16 TEKKIES (enkelhoogte) Die bekendste kleure is swart en wit, maar wys gerus jou speelse kant met ’n gekleurde paar. GROOTTES Rok: 34 – 42 LEERBAADJIE Dis die item wat jy gryp wanneer jy laat is en by byna enigiets kan dra. Swart bly die gunstelingkleur vir die leerbaadjie (ook van kunsleer). Hou jou oë oop vir kwilt-detail. GROOTTES Leerbaadjie: 6 – 18 Bloes: XS – L Langbroek: 26 – 40 WIT T-HEMP Altyd vars en sexy. Dra jou lospassende wit T-hemp met ’n diep gesnyde ronde neklyn en moue met ’n omvou-soom. GROOTTES T-hemp: XS – XL Midiromp: 8 – 16…

Hou jou oë vars, dag en nag. Dié ligte oogroom verhelder en verferm die fyn vel onder jou oë en help om pofferigheid en donker kringe teen te werk. Wanneer jy die unieke proppie draai, word presies die regte hoeveelheid oogroom uitgespuit vir een keer se gebruik. Gebruik dit soggens en saans. Swart is die veiligste kleur wanneer jy ’n oogomlyner kies, maar dit is nie noodwendig die skakering wat die mooiste by jou oogkleur lyk nie. Die grimeerhuis Almay het ’n nuwe reeks oogpotlode ontwikkel met verskillende oogkleure in gedagte. Kies vlootblou vir blou oë, steenkool vir bruingroen oë, espresso (bruin) vir groen oë en swart vir bruin oë. Die jel-formule gly maklik aan en lyk soos vloeibare oogomlyner wanneer jy dit aanwend. Die meeste van ons volg ’n…

Kotie se liefde vir dit wat sy doen, is so aansteeklik, jy kan nie anders as om van die sampioene te hou en dadelik daarmee te wil kook nie: eksoties in die middel van Darling!Herman Sampioene Darling Mushrooms KOTIE VAN TONDER Wanneer jy deur die Swartland op pad na Darling met sy lappe en lappe koring ry, verwag jy allermins eksotiese sampioene. Kotie van Tonder, ’n oud-onderwyseres, vertel jou gou sy kan glad nie kook nie, maar toe sy sien hoeveel tydskrif-resepte eksotiese sampioene as bestanddeel het, het sy geweet dis haar kans om ’n onderneming te begin. In 2009 het sy besluit om ’n leë ou huis op haar plaas te gebruik om sampioene te kweek. Donker vertrekke met nat vloere is die ideale omstandighede vir oestersampioene, en tans…

SUIKERBLOKKIES Dis gewone bruin- of witsuiker in blokkies saamgepers. 1 blokkie = 1 teelepel suiker (5 ml) BRUINSUIKER Onverfynde bruinsuiker is die eerste kristalle wat vorm nadat die sap uit die suikerriet gehaal is. Stroop word gekook en toegelaat om te kristalliseer. Bruinsuiker bevat klein hoeveelhede melasse. MUSCOVADO Dis onverfynde bruinsuiker met ’n hoër konsentrasie melasse. Dis nie so donker soos melasse-suiker nie. Muscovado-suiker is klam en word meestal gebruik vir die vervaardiging van rum. MELASSE-SUIKER (TREACLE) Dié onverfynde bruinsuiker het die hoogste konsentrasie melasse. Dit het ’n baie donker voorkoms en ’n taai, klewerige tekstuur, wat ideaal is om vrugtekoeke klam te hou.…

Baie mense kry dit reg om hulself te herskep. Maar dit is eers moontlik om ’n keerpunt te bereik as jy bereid is om buite jou gemaksone te beweeg, meen Tanya du Toit van Pretoria. Sy is ’n lewensafrigter wat neurolinguistiese programmering gebruik om nuwe denkpatrone by mense te vestig. Sy help mense gereeld só om hulself te herskep. Sy verduidelik: “Ons word groot met ’n klomp moets en moenies, maar dit is nie noodwendig óns waardes nie. Jy leer dalk dit is kortsigtig om te bedank – hoe kán jy ’n pensioenskema of mediese fonds en die sekuriteit van ’n maandelikse salaris prysgee? Maar moenie die fluistering van jou siel ignoreer nie. Mense besef al hoe meer dat die samelewing se waardes dikwels plastiek is en dat hulle innerlike…

Desperaat om met jou eks versoen te raak? Besef jy het hom nie nodig nie. Die kans is goed dat jy iets buite jouself soek wat jy in jou binneste moet vind. Die oorsprong van jou obsessie spruit uit dinge binne jouself waaraan jy moet werk. Miskien is jy bang om alleen of enkellopend te wees. Die probleem is nie dat jy hom moet terugkry nie. Wel dat jy moet leer om tevrede met jouself te wees, of daar nou ’n liefde in jou lewe is of nie. Miskien soek jy bloot na liefde. Delf daarvoor binne jouself. Dit sal jou die selfagting gee om te besef jy het nie die liefde nodig van iemand wat jou nie wil hê nie. Raak ontslae van alles wat jou aan hom herinner.…

5 gelukkige SARIE-lesers kan elk die boek Amraal deur Marinda van Zyl (Tafelberg, R260) wen. Amraal Lambert, gebore in 1774 in die distrik Clanwilliam, streef daarna om sy kinders buite bereik van die inboekstelsel te hou. Die storie van Amraal en sy mense strek van die Hantam tot in Namaland (vandag se Namibië), waar hy ’n kaptein van die Gobabis-Oorlams word. ’n Oorrompelende historiese roman wat ’n versweë geskiedenis oopskryf, ook die geskiedenis van Afrikaans. Gegrond op ware gebeure. Die skrywer was in 2011 die naaswenner in Lapa se romanwedstryd met haar manuskrip Vrypas na Vergenoeg, wat as Wilhelmina Radebe kom tuis gepubliseer is. Amraal was verlede jaar op die kortlys van NB-Uitgewers se Groot Afrikaanse Romanwedstryd. Nog 5 gelukkige SARIElesers kan die boek…

Wen Louis en Hardy se boek (bl. 48) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Quivertree as ’n diens vir haar lesers aan. Quivertree voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy) en Quivertree en hul reklamemaatskappye mag nie aan die wedstryde…

Bernhard Verwey ken nie die einde van sy skatte nie. Hy beweeg nie in hoë kringe nie, hoë kringe beweeg na hom toe. Of dit Londen is of New York, Beijing, Rome of Kaapstad, as Bernhard arriveer, is daar lewe. Sy huise is die speelplek van rykes, magtiges en bekendes. Bernhard vlieg hoog. Op sy eie vliegtuie. Gewone mense soos ons sien mense soos Bernhard net in flieks. Ons lees van hulle in saketydskrifte. Ons droom hoe dit moet wees as alleen iemand se voertuigversekering meer is as wat ons in vyf jaar verdien. Bernhard Verwey bekommer hom nie oor hoe die rand presteer nie. Sy geld is oral. Alle nuus is vir Bernhard goeie nuus. Sommige rykes het hul tyd en liggaam verkoop vir hul bankrekenings. Nie Bernhard nie.…

Outisme – monster of wonder? Ek staan weer in ’n winkel en voel die afkeurende blikke in my rug brand. Ek hoor die messteek-opmerkings, hard genoeg om die kol te tref. My hart sink terwyl ek die magstryd tussen my en my kind aanknoop, wat ek weet ek gaan verloor, want “outisme” dikteer dat normale reëls nie vir ons huisgesin geld nie. Ek kyk in die diepblou ogies en sien die liefde en lag wat ek weet agter die “eie wil” skuil. Ek weet hierdie is net ’n terugbring-aarde-toe-oomblik wat my herinner dat die monster (en wonder) deel van ons is. Dit is ons paadjie wat uitgekap is in stene waarop niemand anders sal loop nie. Ons vreugdes lê nie in die alledaagse nie, maar in oorwinnings oor die alledaagse.…

Luister ’n bietjie hier . . . Daar’s twee behoeftes in die lewe naas die alledaagse: Mense wil van geweet wees en hulle wil gehóór word. Veral vroue. Vroue vind ’n man wat weet hoe om te luister baie sexy – al is hy nie sexy nie. Sy voel dadelik sy word gehoor. Haar mening tel. Mans behoort hiervan kennis te neem, want dit tel baie punte in enige geselskap. ’n Mens kan dit die romantiese kuns van luister noem. Trouens, jy kan maar sê die pad na ’n vrou se hart loop deur ’n man se ore. Sy vra: “Luister jy of sê jy net mmm?” Mans sê partykeer mmm, maar dit beteken nie hulle luister nie. Hulle het miskien net nie ’n antwoord nie. Maar hy sal moet…

‘Wat sê jy?” groet Simon Witbooi. (Of Hemel, of Besem.) Jou keuse. En “lekker man, lekker”. Sy oë, lewendig, blink, kyk jou vas aan. ’n “Strak” blik, beskryf die geskiedskrywers sy groot-grootoupa, kaptein Hendrik Witbooi, Namakoning en Namibiese volksheld. Jy kry skoon rillings as jy kyk na die Namibiese N$10-, N$50-, N$100- en N$200-banknoot met sy gesig daarop. Daai oë, daai kyk, selfs die bokbaard deel hy met sy nasaat. Simon is die man wat Steve Hofmeyr se “Pampoen” ’n hiphop-straatkleed aangetrek het. Hy stel ook Annelie van Rooyen se “Ek wil jou ken” aan ’n nuwe generasie Afrikaanssprekendes voor. Verwerkings van Karin Hougaard se “Kruietuin” en Carike Keuzenkamp se “Kaalvoet in die reën” kom nog. Simon, Hemel, of Besem: Hy is lief vir Afrikaans en verskuif gereeld die grense…

The Handmaid’s Tale , Margaret Atwood (Jonathan Cape, UK) Die temas van Atwood se verhale is dalk alledaags: dominansie, onderdanigheid, begeerte en liefde, maar haar ironiese begrip en vertelling daarvan is allesbehalwe. In die distopiese The Handmaid’s Tale veg ’n desperate jong vrou om selfbehoud nadat ’n totalitêre regering haar rol as vrou reduseer tot die voortplanter van kinders. Atwood is hier op haar siniese beste. Ons wag op die Kaptein , Elsa Joubert (Tafelberg) Dit was my voorgeskrewe boek in matriek. Behalwe vir die meesleurende storie, die ryk beskrywings van die mense en die tropiese land Angola, is dit veral die slot wat tot vandag toe nog by my spook: “Die oë van die wagtendes word verblind deur die stof, sodat swart en wit, vasklouend aan die…

Leer & chiffon Speel met teksture om ’n uitrusting interessant te hou. Die sensualiteit en vroulikheid van deursigtige materiaal soos chiffon saam met die manlikheid van ’n leerbaadjie is ’n wenner en perfek vir ’n aand uit. DÍS KLASSIEK Die opgewondenheid oor die Sweedse klerewinkelgroep H&M se koms na Suid-Afrika duur voort. Ons gesels met Ann-Sofie Johansson (bo), hoof van ontwerp, oor klassieke mode-items. Wat is jou gunstelingklassieke item? ’n Snyersbaadjie, want my persoonlike styl is rabbedoe-agtig. Hoe dra jy dit? Saam met ’n oorgroot hemp of T-hemp met ’n ronde nek. Wat maak ’n item klassiek? Dis gemaklik, iets wat jy elke dag kan dra en waarin jy steeds stylvol voel. Hoe word klassieke items deel gemaak van H&M se nuwe reekse? ’n Klerekas moet albei hê: klassieke items…

Afskilfering vir gesonde vel Die koeler maande kruip nader en nou is die tyd om ’n reeks chemiese afskilferingsbehandelings (peels) te laat doen. Met dié behandeling word ’n suur of kombinasie van sure gebruik om ’n sekere aantal lae van jou vel te verwyder. Jou vel word hierdeur geprikkel om nuwe, gesonde selle te vervaardig. Na gelang van hoe diep die behandeling werk, kan ’n reeks sessies enigiets van vergrote porieë en ’n veluitslag verbeter tot pigmentasie verminder. Dit is die beste om chemiese afskilferingsbehandelings in die winter te doen omdat dit jou vel meer sonsensitief maak en jy dan minder tyd in die son deurbring. Skrik jy jou boeglam as jy die woord peel hoor? Probeer ’n ligte een wat oppervlakkig werk, soos Placecol se Active Resurfacing 20% Application…

SLAAISOUS Dreineer al die bone en spoel af onder koue water. Plaas saam met die res van die slaaibestanddele in ’n groot slaaibak. Meng die slaaisousbestanddele en gooi oor slaai. Meng deur met twee groot slaailepels. Geur met sout en peper. Sit voor. Kry nog resepte by www.koo.co.za…

Wanneer hierdie woorde in SARIE verskyn, sal David Bowie al omtrent drie maande dood wees. Vanoggend, vars ná die nuus dat hy die verhoog vir oulaas verlaat het, is dit voorwaar ’n vreemde gedagte dat die menslike verkleurmannetjie ons nooit weer sal verras nie. Die frustrasie van ’n maandelikse rubriek is dat jy nie in die hitte van die stryd kan reageer op onverwagte gebeure wat jou raak nie. Terselfdertyd is dit seker ook ’n redding. Die kans is kleiner dat jy jou naam krater kan maak met ’n oorhaastige opinie – soos helaas al hoe meer op Twitter en ander sosiale netwerke gesien word. Jy word tyd gegun om te besin. Sal dit wat jy wil sê, steeds geldig wees oor ’n maand of drie? In hierdie geval wil…

My studentekind is skielik vet! My dogter is vanjaar ’n eerstejaarstudent en het die naweek die eerste keer huis toe gekom. Ek was geskok om te sien hoeveel gewig sy in ’n kort rukkie aangesit het. Wat sou die redes wees? Wat kan ek doen om te help? Ek is bang dit demp haar lewensvreugde. DR. STEFAN KRUGER Skool vir ondernemingsbestuur aan die Noordwes-universiteit se Potchefstroom-kampus Eerstejaars kan van 3,5 tot 7 kg gewig aansit, wys oorsese studies. Onthou: Jou kind moet nou die eerste keer haar eie maaltye beplan. En verkeerde keuses kan die kilogramme laat opstapel. Studies, my eie inkluis, wys veral vroulike studente eet dikwels ongesonde kosse met baie vet en suiker. En suikervlakke wat weens te veel koolhidraatryke kosse op en af bons, kan jou aanmekaar…

“Mense se beheptheid met celebs irriteer my só,” sê die vrou met die lang vaal hare. Sy smyt die tydskrif die tafeltjie langs die haarkapperstoel neer. Antoinette glimlag. Dieselfde vrou wat vyf minute gelede aangedring het dat Carol, die haarkapper, haar hare presies in Taylor Swift se jongste styl moet sny. Ja, en kleur dit ook nes Taylor s’n, toe Carol die foto bekyk en opmerk die styl en die kleur sal die vrou met die vaal hare mooi pas. “Die media onderskat ’n mens se intelligensie,” sê Antoinette droogweg. Die vrou trek ’n gesig in die spieël. Die papperige kleurmengsel wat teen haar voorkop afdrup, lyk soos pampoenmoes waarby wortelpuree ingeklits is. “My man het eenkeer die boerewors gekoop wat Toppie, die oud-Springbokvoorryman, op TV adverteer,” sê die na-aper…