Innehållsförteckning för December 2016 från SARIE

Jy hóéf nie almal te please nie, maar dankbaarheid is verpligtend. En vir jou, vir Kersfees, wens ek nuutheid, stil plekke en die bril van verwondering. Só lees ek in Nataniël se Kaalkop (bl. 26) en Koos se Laaste sê (bl. 130) in hierdie uitgawe. Nataniël deel sy tien lesse van 2016 met ons; Koos spreek sy sestien wense vir elk van ons uit soos die feestyd aanbreek. Maar so tussen die lyne deur lees ek dít raak: 2016 was allesbehalwe ’n lied. Dit was soos Nataniël eenvoudig sê: Sjoe, rof, erg . . . ’n Vriend spot onlangs en sê wanneer iemand in die toekoms vra, in watter jaar het dit gebeur?, kan jy maar met veiligheid antwoord, in 2016. Maak ’n bietjie jou oë…

Kersfeesmakietie se onthou Robbie Wessels sing “Pinocchio se dam” (oor ’n Kersfees by sy grootouers) en my gedagtes dwaal saam met die lirieke . . . Moeder was stil, ’n tipiese huishen. Doodgelukkig met ’n storieboek of handwerkie, met ons poedeltjie as haar skaduwee. Een jaar besluit sy: Ons gaan Kersfeesmakietie hou. Sy nooi die héle familie, en ons is baie! Op die agterstoep gaan ’n markiestent op. In die voortuin twee tente as slaapplek vir die kinders, met tant Cieliehulle se woonwa tussenin. Binnekant die huis kan jy skaars beweeg. Die vroue is heeldag doenig in die kombuis en gesels land en sand. Die manne sit in die markiestent. Wanneer die grootmense staaltjies uit hul kinderdae vertel, skuif almal nader en word luidkeels gelag. Ons het daai Kersfees gespéél!…

Die lekkerste lekker was die verligting dat al sy harde werk en swaarkry die moeite werd was. “Dit is wat deur my kop geflits het toe ek op die podium staan met my silwermedalje – sekerlik my beste oomblik van die Olimpiese Spele in Rio,” sê Cameron, wat die 100 m-borsslag in 58,69 sekondes afgelê en Suid-Afrika se eerste medalje by vanjaar se Spele verower het. Die Engelsman Adam Peaty het goud gewen in 57,13 sekondes en die Amerikaner Cody Miller het brons losgewem in ’n tyd van 58,87 sekondes. “Geen geld kan jou gevoel op daardie oomblik koop nie. ’n Olimpiese medalje is die toppunt van jou sportloopbaan, maar dit is altyd ’n dobbelspel. Jy oefen vier jaar hard – fisiek en geestelik. En op die dag van die…

Danksy nav›› Home kan jy deur duisende huise regoor Suid-Afrika soek in die gemak van jou rusbank, die gemakstoel langs die swembad, die trapmeul by die gim; basies enige plek waar jou slimfoon ’n sein kan opvang. Sien jy iets waarvan jy hou, kan jy die ligging op ’n kaart kry, asook roete-aanwysings. Wat meer is, jy kan ook na ander gelyste eiendomme in die omgewing naby jou kyk – briljant as jy ’n huis nodig het naby ’n spesifieke bestemming soos ’n skool of jou werk. ’n Kliek en ’n paar veë, en jy kan jouself tuis bevind. Wanneer jy klaar pret gehad het deur op die internet te snuffel en dis tyd om ernstig te raak, maak nav›› Home dit maklik met ’n onmiddellike voorafgoedkeuring vir ’n huislening…

 Uit: Vroue na aan my hart, Hannes van Wyk, Human & Rousseau, R250 Ingrid is ’n reguit go big or go home-vrou wat opstaan vir dit waarin sy glo en geen nonsens van kabouters duld nie Hannes oor Ingrid Die skryf van hierdie boek was ’n hartsprojek. Ek is bevoorreg om gereeld as spreker by vroueoggende op te tree omdat ek so ’n respek vir vroue het. Dit het ek natuurlik by my ma, Mariet van Wyk, geleer. Ek dink vroue is die sterkere geslag wat alles bymekaarhou. Julle sal dalk wonder hoe ek op die 40 vroue (in my boek) besluit het. Die boek sluit vroue in vir wie ek ontsettend lief is, vroue wat my lewe aangeraak het, vriendinne asook vroue met wie ek al verskeie onderhoude gevoer…

10 boeke vir ontspan SPRINGGETY Chanette Paul (Lapa Uitgewers, R260) Dis die eerste boek in die heruitgawe van die Gys Niemand-reeks op versoek van talle lesers. Gys Niemand, ’n bleskop speurder met ’n boep, moet ’n sterfte by Springklip op Kruisbaai gaan ondersoek. Daar staan reeds vier kruise van ander slagoffers. Was dit selfmoord of was dit moord? Die plek en sy inwoners gee Gys koue rillings, maar hy moet die raaisel uitpluis. ZIP! Nataniël (Human & Rousseau, R260) Volgens Nataniël is ZIP! skreeusnaaks en hartseer en hopelik vermaaklik, maar beslis nie ’n poging tot literatuur nie. Wel plesier en inspirasie. Al Nataniël se ongepubliseerde verhoogstories van die afgelope vyf jaar verskyn hierin. GOUDDUIWEL Duane Aslett (Queillerie, R250) Agent Rex Reynecke lei ’n ondersoek vir die Valke. Dit gaan baie…

Nog resepte Hoender-baklava (bl. 83) Kersfees-ham met lemoen en mosterd (bl. 94) Croquembouche-trifle (bl. 70) Oondgebakte kaas (bl. 89) Stylvolle T-hemp GEE ’N T-HEMP GLANS MET ’N BLINK SWART ROMP EN TREFFENDE BELT. GROOTTE T-hemp: XS – XL Romp: Een grootte pas almal #Glinster vir oë ’n Fyn goue lyntjie teenaan jou boonste wimperlyn is mooi en sexy. Dit lyk veral goed by blou oë en ’n songlans vel. Skakeer verbronser op die dele van jou gesig waar die son dit natuurlik tref en rond jou voorkoms af met ’n neutrale lipstiffieskakering. Vir ’n meer dramatiese voorkoms kan jy eers swart of bruin oogomlyner teenaan jou boonste wimperlyn aanwend en ’n goue oogomlyner bo-oor trek. Maak ’n geurige krans Gebruik ’n hoelahoepel as basis. Pluk of koop geurige blare en…

Die L’Absolu Rouge-reeks lipstiffies van Lancôme spog nou met 25 nuwe skakerings van pienk en rooi. Daar is ook 3 verskillende afwerkings beskikbaar: deursigtig, romerig en mat. L’Absolu Rouge in Cream 132 (R399) is die perfekte rooi! Hoewel dié lipstiffie ’n mat-afwerking het, is die formule romerig sodat jou lippe nie droog voel nie – Maybelline Color Sensational Creamy Matte Lip Color in All Fired Up (R125) Ink vir jou lippe. Dít is hoe die skoonheidshuis Chanel na hul nuwe lipreeks, Rouge Allure Ink (R610 elk), verwys. Die vloeibare formule het ’n mat-afwerking sodra dit droog is Vir intense kleur met báie glans probeer Estée Lauder Pure Color Envy Vinyl Lip Color in Controversial (R345) Vee Max Factor Creme Puff Pressed Powder in Translucent (R136) oor jou gesig om jou…

MODEBEDERF ’N GEUR VIR HOM ITEMS VIR JOU HUIS VIR JOU KOMBUIS *Die produkpryse is voorgestelde pryse en kan verskil van winkel tot winkel…

‘Mense wil graag help, maar weet net nie hoe’Tania Smith As jy op ’n Saterdag saam wiegies afskuur en verf, besef jy hoeveel jy het om voor dankbaar te weesTania Smith A is jy ’n uur lank gelukkig wil wees, knip ’n uiltjie. As jy ’n dag lank gelukkig wil wees, vang vis. As jy ’n jaar lank gelukkig wil wees, erf ’n fortuin. Maar om iemand te help waarborg lewenslange geluk. Dit is nie net ’n geykte Chinese wysheid nie . . . navorsing het bevind wanneer jy gee, word dieselfde dele in jou brein geaktiveer as wanneer jy eet of seks het. Goedvoel-hormone word afgeskei. Ja, sowaar. Soos aktrise Goldie Hawn dit stel: “Om terug te gee is so goed vir die gewer as die ontvanger – dit…

Kersfees is veronderstel om die gelukkigste tyd van die jaar te wees, dink Tertia by haarself. “Nou hoekom is ek dan so ON-gelukkig? Hoekom voel ek so leeg?” Met ’n swaar hart stoot sy haar winkeltrollie haastig tussen die menigte verveelde vakansiegangers, leepoog-tieners en skarrelende winskopiejagters deur. In haar ore lawaai die geblikte Kersmusiek. Soos elke jaar is dit weer Boney M wat so terugverlang na daai rivier in Babilon. “Nog net een present om te koop,” dink sy iesegrimmig. In haar gedagtes tik sy die name af van almal vir wie sy reeds iets gekry het . . . Vir haar suster, Marli, wat so lief is vir diere: ’n groot koffietafelboek met foto’s van perde. Vir Marli se man, Anton, die kranige stapper: ’n kampeerstel, kompleet met veeldoelige…

A @home 0860 576 576 www.home.co.za Afraid of Mice 021 423 7353 Arthur Kaplan 011 783 4637 www.arthurkaplan.co.za B Beach Cult 078 430 7929 www.beachcult.co.za D David Tlale 011 783 7424 www.davidtlale.com Dune 011 685 7055, 011 214 7782, 021 529 1970 E EB Group 083 442 1751 www.elsjeburger.co.za Elsje Designs 021 882 8010, 083 253 5556 www.elsje.co.za F Forever 21 021 555 3324 Forever New 011 465 1829, 012 997 0575, 021 419 4552 www.forevernew.co.za Fossil 021 418 0045 www.watchgroup.co.za G Gert-Johan Coetzee 011 782 4856 www.gertjohancoetzee.com H H&M 0860 690 707 www.hm.com/za Havaianas 021 511 1182 www.havaianas-store.com Hertex Fabrics 0860 437 839 www.hertex.co.za I Ida-Elsjé 021 424 1101 www.idaelsje.com K KLûK CGDT 083 377 7760 www.klukcgdt.com M Max Mara 011 325 5760, 021 418 9447 Missibaba 021 424…

Intekenaanbod (bl. 128) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens TheraVine™ as ’n diens vir haar lesers aan. TheraVine™ voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy) en TheraVine™ en hul reklamemaatskappye mag nie aan die wedstryde deelneem nie. 6. Media24 en…

Kersfees is naby. Kindertjies dink aan geskenke, en die meeste grootmense word tog maar in hierdie tyd weer kinders. Ons dilemma is dat dit al hoe moeiliker word om te dink wat ons as geskenk sou wou hê. Die meeste van ons het eintlik klaar alles wat ons regtig nodig het. Of het ons dit regtig? Ek wens met hierdie laaste SARIE van 2016 vir jou 16 geskenke vir Kersfees 2016. Al 16 is geskenke waarvoor ek self ook wens, en al is ek nie een vir lysies nie, hier is my Kerslysie vir jou: 1. Eerder as dat jy iets nuuts ontvang of koop, wens ek vir jou dat jy dit wat jy reeds besit, sal geniet. Elke rok en elke paar skoene, elke ring en boek, alles wat…

Feesdae Kersfees is waar jou hart is. Om ’n langtafel soos saam met SARIE se 10 Voorbladfinaliste op bl. 66, of romanties op ’n strand met ’n koue glas wyn. Dis die betowering van dié tyd van die jaar in SA – daar’s sonskyndae en mooi aande om fees te vier. Love Milo doen dit in styl met piekniekkomberse in mooi Afrika-patrone. Elke kombers is van katoenseil en is boonop waterdig. Leerhandvatsels weerskante maak die dra ook maklik. Prys: R900 Op jou, en jou, en jou! Die kleur sê rose, die geur rooi bessies. En in ’n glas is dit pure goud! Pongrácz Rosé MCC het onlangs nog ’n Veritas- goue medalje verower. Gemaak van handgeplukte pinot noir- en chardonnaydruiwe uit wingerde wat deur koel seebriese gelawe word, is dit…

Ek kom agter dat ek aan die einde van elke jaar dinge sê soos: Sjoe! Dit was rof ! Hierdie was erg! En hier is ons aan die einde van nog een. En ek wil dieselfde sê, maar dit sal sonde wees, daar was ook baie om oor dankbaar te wees. Ek lewe nog, ek staan regop en sing kliphard. Professioneel was dit ’n uitstekende jaar, alles het volgens plan verloop, selfs verwagtinge oortref. Maar daar was dinge wat soos rukwinde, plofstof en vloede gekom het, onkeerbaar en onverwags. En elke keer as ek opstaan van nog ’n dwarsklap, dwing ek myself om eers te herstel en dan terug te kyk, ek noem dit ’N JAAR VAN LESSE. En ek deel ’n paar. EK HET GELEER  dat dit waaroor ek…

Jy het vroeër vanjaar saam met die Kanadese ster Josh Groban opgetree. Hoe was dit? Dit was een van die lekkerste oomblikke in my lewe toe Attie van Wyk van Big Concerts my bel om te vra of ek saam met Josh in Johannesburg voor sowat 12 000 mense kan sing. Ons het slegs sowat twintig minute vooraf saam geoefen. Ek het dadelik besef hy is spontaan en warm en ’n baie vrygewige kunstenaar, sonder ego. “All I Ask of You” was my gunsteling van die vier liedjies wat ons saam gesing het. Hoekom sien ons jou altyd in ontwerpersrokke op die verhoog? Ek het kleintyd al in my ma, Enla, se ou klere en hoëhakskoene gespeel. As ek ’n ander werk moes kies, sou dit stilis wees. Met my…

Gee jou wimpers volume én lengte met Wet n Wild Max Fanatic Cat Eye Mascara (R130). Beskikbaar by uitsoektakke van Clicks Vir ’n meer subtiele metaalglans-voorkoms kan jy Smashbox Photo Op Eye Shadow Singles in Cinnamon (R250), ’n brons skakering, oor jou ooglede skakeer Dié oogskadu gee ’n byna deursigtige goue glans aan jou oë – Bourjois Eyeshadow in Extra-Or-Dinaire (R126). Beskikbaar by Clicks Vir goud met glans is Nyx Liquid Crystal Liner in Crystal Silk (R90) perfek. Dié vloeibare oogomlyner bevat superfyn goue blinkers. Beskikbaar by Clicks Dié verbronser hou lank op jou vel en is olievry – Clinique True Bronze Pressed Powder Bronzer (R385) Die kurweborsel van L’Oréal Paris Volume Million Lashes Feline Mascara (R200) help om al jou wimperhaartjies met maskara te bedek Goud op jou oë…

Tooi jou naels in koper blinkers met LCN Nail Polish in Oh My! Sea Treasure Ahead (R150 vir 16 ml). Beskikbaar by uitsoeksalonne of besoek shop.lcn.co.za Die allerfynste goue deeltjies in Dior Diorific Vernis in Splendor (R440) gee subtiele glans. Beskikbaar vir ’n beperkte tyd As jy van ’n soliede goue kleur op jou naels hou, probeer Wet n Wild Wildshine Nail Color in Ready to Propose (R25). Beskikbaar by uitsoektakke van Clicks Dié mooi silwer skakering is deel van die skoonheidshuis Chanel se Kersgrimeerreeks – Chanel Le Vernis Longwear in Liquid Mirror (R450). Beskikbaar vir ’n beperkte tyd Dié goue skakering lyk mooi by die meeste velkleure – Ice Box Colors in Topaz Ice (R110). Beskikbaar by Dis-Chem Die formule van Sally Hansen Hard As Nails Xtreme…

Kerskrans-rysslaai genoeg vir 4 – 6 Verhit die botter en olyfolie in ’n groot pot. Voeg die ui en mosterdsaad by en roerbraai 5 minute. Voeg die bruin- en witrys by en roerbraai nog 3 minute. Gooi die aftreksel by en geur goed met sout en peper. Verlaag die hitte en laat kook vir 20 – 25 minute of tot die rys gaar en al die vloeistof geabsorbeer is. Gooi nog aftreksel by as dit lyk of die pot gaan droogkook voor die rys gaar is. Voeg die res van die bestanddele, behalwe die koljander en ertjies, by en meng deur. Skep in ’n ronde Kerskransvorm op ’n groot opdienbord. Sprinkel vars koljander en repies sneeu-ertjies…

Was dit nie vir die skip nie, weet ek nie wat van my sou geword het nieCharlotte Dis reg langs mekaar, maar wêrelde uiteen. Die bemanning se vertreksaal, koud, onpersoonlik, funksioneel. Daarnaas die betalende passasiers s’n, verwelkomend met sagte stoele en verversings. Albei se uitsig is egter dieselfde. Die luukse passasierskip, vaartbelyn, manjifiek, ’n paar verdiepings hoog. Dit laat Charlotte du Toit nog kleiner voel. Sy voel so verwese, alleen, dis so hittete of sy bars in trane uit. Wéér in trane uit. Dit was ’n impulsiewe besluit om vir werk op die skip aansoek te doen. Agter haar lê twee mislukte huwelike, by die laaste een het sy uitgestap en heeltemal waardeloos gevoel. Dis ure later toe sy uiteindelik in haar piepklein kajuit kom en die trane vrylik kan…

5 gelukkige SARIElesers kan elk die boek Op ’n dag, ’n hond deur John Miles (Human & Rousseau, R290) wen. In dié nuwe roman deur die bekroonde Miles geld dieselfde temas as in sy vroeëre werk: ’n besinning oor die vervlietendheid van die menslike bestaan en die onontkombaarheid van die dood, deurgaans gekenmerk deur Miles se herkenbare, byna moedswillige, humor. Die verhaal begin in ’n klein tuinwoonstelletjie waar ’n oud-onderwyser een stormagtige aand musiek sit en luister, min wetende dat daar die volgende dag ’n lewensveranderende insident met ’n hond op hom wag. Algaande bring terugflitse die onderwyser se hele geskiedenis tot stand, en word dit eindelik ’n roman waar die hoofkarakter ’n bestekopname van sy lewe maak, word sy hart as’t ware geweeg, om sy…

Ek voel tuis. Ek kan die paaie hier in Johannesburg toe oë ry, alles is bekendQuinne Sy lyk nog nes die Connie van ouds. Dalk ouer en wyser, maar die dik bruin hare en breë glimlag wat 7de Laan- kykers in die vroeë jare van die gewilde sepie al bekoor het, glinster steeds. Quinne Brown Huffman is terug – in die land én die Laan – ná byna tien jaar in Amerika. Sy is reeds sedert einde Oktober weer as Connie op die kassie te sien. “My hele lyf kry lekker,” lag Quinne en wikkel haar skouers soos iemand wat hulle in ’n gunsteling-kombers toewoel. “Ek voel tuis. Ek kan die paaie hier in Johannesburg toe oë ry, alles is bekend.” Dinge is natuurlik nie presiés soos sy dit tien…

Nou weet jy nie meer nie. Jy koop vir haar haar gunstelingparfuum – mmm – toe trek sy haar neus subtiel op. “Wat?” vra jy. “Dit was nog altyd jou gunsteling!” “Dit was verlede jaar,” sê sy. Dit help ook nie meer jy koop iets omdat dit jou aan haar laat dink het nie. Of dat jy gedink het jy ken haar smake nie. Want smaak verskil nie net nie, dit verander ook. Dis immers persoonlik. Selfs sjokolade. Jy’t gedink met sjokolade kan jy nooit ’n fout maak nie, só persoonlik is dit nou nie. Enige soort wat nie té goedkoop is nie en so donker soos kan kom, dit laat haar altyd so lig voel. Blykbaar nie meer nie. Van dáárdie soort het sy, onverklaarbaar, moeg geraak. Sy toets…

 Dis die liefde van ’n ma vir haar twee seuns wat my 2016 sal laat onthou soos die eerste paar note van Beethoven se “Silencio”. ’n Ma se liefde ‘Fyn, stil note oor die brose, kosbare liefdesverhouding . . .’ Hanlie Retief, Rapport Een oomblik op ’n grondpad naby Ellisras het die lewe vir die Boshoffgesin onherroeplik verander. Elena, jonk, lewenslustig met ’n allermooiste glimlag, was in 1983 met haar seuns, Matthys en Willem, en hul sussie, Lisa, op pad na hul Bosveldplaas toe ’n motorongeluk Lisa se lewe beëindig en Elena ’n kwadrupleeg gelaat het. Die Boshoff-gesin se verhaal is vol fyn, stil note oor die brose, kosbare liefdesverhouding tussen Elena en haar man, Bossie. Van jare se oppe en affe, die uitdagings van ’n rolstoel-lewe, die opofferings wat…

Waar woon julle en waarom juis daar? Ek en my Britse man, Charlie, woon op die mensgemaakte Jas-eiland in Aboe Dhabi. Hy is ’n projekbestuurder vir ’n oliemaatskappy en ek is ’n mode- en stylkonsultant. Ek besit my eie agentskap, Glamour On the Go, en bied maandeliks werksessies hier en in Doebai aan. Daar is ook ’n weeklikse modeblog uit my pen. Was dit moeilik om aan te pas? Ons woon albei al sedert 2000 in die Midde-Ooste en het in 2006 in Doebai ontmoet, waar ek as lugwaardin gewerk het. In die begin was dit ’n aanpassing om aan die kultuur gewoond te raak, maar vir ons is dit nou al huis. Ons het ’n seuntjie, Aiden (5), en ons dogtertjie, Ashleigh, is drie jaar oud. Hulle is gevestig…

PERFEK VIR DIE KANTOOR EN 'N AAND VIT Met dié uitrusting beweeg jy naatloos van dag tot aand. Eksperimenteer met iets blinks vir die dag soos jou skoene KYK-NA-MY-HAKSKOENE VIR JOU PARTYTJIEVOORKOMS Vir meer inligting, SIEN KOOPGIDS OP BL. 129 *Beskikbaar terwyl voorraad hou…

Pinotage is Suid-Afrikaans in murg en been. Ja, dié wyn is in ons eie land geskep deur twee bekende Franse druifsoorte – pinot noir en cinsaut, ook bekend as hermitage – byeen te bring in een eiesoortige kultivar. En só is pinotage gebore, die rooiwyn wat met sy unieke geure en lieflike smaak genot na enige kostafel bring. Du Toitskloof Wyne van Rawsonville kén van pinotage. Hier in die Breederiviervallei, met sy sondeurdrenkte dae en koel nagte, raak die druiwe perfek ryp in ideale natuurtoestande. In die wynkelder word hierdie pragtige persrooi pinotage-druiwe omskep in ’n wyn met die heerlike geure wat jy van ’n wêreldgehalte-rooiwyn verwag: sappige bessies, donker vrugte en ’n mondgevoel wat fluweelsag en verleidelik is. Trouens, nadat die wynkelder se Pinotage 2015 vanjaar ’n gesogte dubbelgoud-medalje…

My liewe ma het my geleer jy moet altyd ’n partytjie verlaat voordat die ander gaste wens jy wil loop. Dis waarom ek nou, ná ’n dekade as SARIE se rubriekskrywer, besluit het om hierdie besonder lekker partytjie te verlaat. Boonop is die einde van die jaar mos ’n geskikte oomblik om terug te kyk, selfs ’n traan weg te pink, sonder dat mense dink jy’s ’n tjankbalie. Toe ek vroeg in 2006 my maandelikse “brief uit Provence” begin skryf het, het ons in ’n kliphuis in Kerkstraat gewoon. Ek en my Fransman was die uitgeputte en oorwerkte ouers van ’n oulike sesjarige dogtertjie wat briefies vir feetjies onder die roosstruike in die tuin gelos het en bitter bang was vir die donker; twee slordige tienerseuns in ’n kamer wat…

Moenie op ’n leë maag so ’n avontuur aanpak nie – lae bloedsuikervlakke maak jou meer jittery Lizma ’n Goeie vriendin WhatsApp so ’n paar dae gelede en vra of sy my nommer vir ’n ‘baie gawe’ kollega kan gee. Dit vat so ’n sekonde of twee om te registreer. Sjoe, ek was einde 2005 laas op ’n blind date, wat hoeka ook deur ’n vriendin gereël is. Hoewel dit ’n baie suksesvolle een was en ons minder as ’n jaar later die Vir Altyd-belofte gemaak het, was dit nie lank voordat ek weer my nooiensvan begin gebruik het nie . . . Ek staan so duskant die groot 50, is nou al sewe jaar single en gelukkig met die stand van sake. Regtig. Daar is goeie…