Innehållsförteckning för September 2015 från SARIE

Lente ontplof. Wat kort tevore nog wintervoos was, is meteens, soos in ’n vingerklap, nuut en vol lewe. As jy weer kyk, kyk jy sowaar vas in ’n wêreld van kleur. En dan wonder jy: Hoe’t dít nou gebeur? Maar dis die ding van lente – dis ’n gewaarborgde verrassing, elke keer. In Gauteng kan jy maar weet, as ’n onverwagte donderstorm so midde-in die winterkoue losbars, dat heerlike lente begin regmaak vir haar verskyning. Dat die jasmyn en die yesterday-today-and-tomorrow gou in tuine gaan blom en die lug soet sal geur. In die Kaap is dit altyd die walvisse. Wanneer die koerante aankondig dat die eerste ou grotes langs ons kus baljaar, dat hul lang reis van Antarktika na ons warmer waters vir eers verby is, kan jy maar…

Angelique Faul Ek dink nie dis verkeerd nie en dis vir elkeen om self te besluit, maar ek sien nie ’n probleem met grimering van ’n jong ouderdom af nie. Inteendeel, dogtertjies is mal oor grimering! Naomi van der Merwe Beslis nie so klein nie, eerder eers van 15 jaar af. Irma Theunissen-Oelofse Sy lyk pragtig en alles, maar ’n groot NEE! Dis soos Toddlers & Tiaras. Ook ’n groot NEE. Daar’s baaaie tyd vir hulle om te powder en puff! WAT IS DIE EEN PRODUK IN JOU GRIMEERSAKKIE WAARSONDER JY NIE KAN LEWE NIE? Lipstiffie – 30% Oogomlyner – 28% Maskara – 22% Onderlaag – 17% Blosser – 3%…

KAALKOP Oukei, die storie loop so: Daar is ’n ding wat my krap, al lank, jare en jare, en dit raak net erger, nie net die gekrap nie, die ding ook. En as ek tydens elke praatjie of vertoning of artikel of onderhoud of liedjie vir mense vertel dat hulle ’n verskil kan maak, dat elke mens ’n stem het, dat individue die wêreld kan verander, dan moet ek dit seker self op ’n stadium begin glo. Só besluit ek dat die ding wat my krap, vasgevat moet word. Ek gaan ’n veldtog begin, ’n projek van stapel stuur, elke nommer in my boek gaan geskakel word, elke geslote deur gaan oopgeskop word, ek gaan iéts doen. Ek gryp my foon en bel ’n vriend, dis wat ek altyd doen…

Jy is sedert April saam met Ettienne Ludick op Middag op RSG – ’n nuwe formaat vir dié uitsending met nuwe aanbieders. Was jy senuweeagtig? Dit was intimiderend, maar ek was eerder opgewonde. Ons vervaardiger, Veronique Pieterse, het vir my gesê ek moenie daaraan dink as groot skoene wat ek moet volstaan nie – ek moet eerder my eie spore trap. Ons kom goed oor die weg. Ettienne bring koffie en ek bring koekies, dan kuier ons saam in die ateljee. Die grootste aanpassing was eerder om van Kaapstad na Johannesburg te trek vir dié pos, want ek het niemand hier geken nie. Ek is ’n regte plattelandse meisie van George, en alles hier gebeur so vinnig! Was jy al ooit sonder woorde op die lug?…

“My vrou, jy’s ’n beaut.” Die nuwe Mev. Coetzee, Tertia Moolman, lag ingenome. En jy kan sien Deon is trots op sy mooi donkerkop. Hy wil spog. Op Valentynsdag vanjaar in Port Elizabeth, waar sy oorspronklik gewoon het, het die huwelikseremonie stil-stil plaasgevind. “Dit is my derde huwelik, maar die eerste keer ken ek ware liefde,” sê Deon. Tertia het ook al “’n paar” huwelike oorleef. Maar sy weet hy is “reg”. “Deon laat my dink aan my pa in wie se oë ek ook niks verkeerds kan doen nie.” Haar pa, Pieter-Lafras, ’n sakeman, is mal oor sy skoonseun. “Deon behandel my soos ’n prinses. Ek kry soggens koffie in die bed en word verseker ek lyk soos ’n Vogue- model wanneer ek wakker word. Ek is bly die…

Conran on Colour TERENCE CONRAN (OCTOPUS, R465) As jy iets wil lewe gee, gee dit kleur! Dís die boodskap van Terence Conran se nuutste boek. Veral as die “iets” ’n dooie ruimte is wat kan doen met ’n bietjie woema. In dié pragboek wei die Britse ontwerper uit oor alle aspekte van kleur, van die sielkunde daaragter, hoe lig kleur beïnvloed en hoe jy dit moet gebruik om visuele fokuspunte, agtergronde en aksente te skep. Hy bespreek ook die spektrums van blou, oranje, groen, rooi, geel, natuurlike en neutrale kleure op ’n eenvoudige en verstaanbare manier en wys hoe dit in huise en ontwerp gebruik kan word. Dis ’n nuttige en inspirerende handleiding met die mooiste foto’s. Phyllis Green SO SÊ HULLE OP SARIE.COM Deborah Kirsten praat in haar boek,…

Die Studio Collection is sowat twee jaar gelede by die Paryse Modeweek bekendgestel. Wat het dié groep laat besluit om een van hul eie reekse saam met die voorste ontwerpers in Parys te wys? Maart 2015 was die derde keer dat ons Studio Collection in Parys te sien was. Ons wou die kollig op ons modes en ons talentvolle ontwerpspan plaas, en daar is geen beter plek as die modehoofstad om dit te doen nie. Toe ek die maanlandskap sien waarin die Grand Palais vir die vertoning omskep is, kompleet met ruimtetuie en Caroline de Maigret (model en musiekvervaardiger) wat die vertoning in ’n silwer eenpak en helmet open, was my eerste gedagte Jane Fonda in die 1968-wetenskapfiksie-fliek Barbarella . Die Herfs/Winter 2015 Studio Collection is geïnspireer…

Wat sien jy in jou geestesoog wanneer jy die woord “vullers” hoor? Lippe wat lyk of dit wil ontplof, ’n styfgetrekte vel, Hollywood-sterre se “oordoende” gesigte? Hoewel sowat 23 miljoen mense wêreldwyd in 2013 estetiese behandelings soos vullers gekies het om die jare te help terugdraai, is dit steeds iets waarvoor baie vroue (en mans) skrikkerig is, deels oor die skokbeelde wat jy dikwels op TV en die internet sien. Tog is vullers een van die doeltreffendste en vinnigste maniere om diep plooie te versag, volume in jou gesig te herstel en jou veltekstuur te verbeter. En as ’n bedrewe dokter die naald in die hand het, behoort die resultate so subtiel te wees dat jou vriende en familie nie sal vra “wat gaan met jou gesig aan” nie, maar…

PARMAHAM & SPANSPEK Sny 1 klein geel en 1 groen spanspek in skywe, ontpit en verwyder skil. Draai elke stuk toe met ’n sny parmaham. Ryg spanspek om die beurt met sagte mozzarellaballe – 3 spanspekstukkies en 2 mozzarellaballe – per stokkie. GEMARINEERDE SAMPIOENE Verhit 45 ml olyfolie in braaipan. Voeg 652 g sampioene by. Braai vir 8 – 10 minute of tot goudbruin en skep oor in mengbak. Bring 100 ml witwynasyn, 15 ml suiker en 2 takkies tiemie tot kookpunt in pan waarin sampioene gebraai is. Gooi oor sampioene. Geur met sout en peper. Laat afkoel. Ryg 3 sampioene per stokkie. GEBAKTE VYE Verhit oond tot 200 °C. Halveer 18 vye en ryg 3 helftes elk op 6 stokkies. Pak op kleefvrye bakplaat gesnyde kante na bo. Krummel…

UIT PROVENCE Elke keer dat ek oor enigiets in Provence kla – van die wrede wind tot die prys van pampoene – “troos” ’n paar Suid-Afrikaners my met die versekering dat alles erger is in my geboorteland. Nou kyk, ek wéét jy kla nie met ’n witbrood onder die arm nie. En Frankryk is hoeka die land met die beste, witste brode in die wêreld. Maar ek het ook uit ervaring geleer dat álles nie altyd slegter en swakker is in Suid-Afrika nie. Glo dit of nie, maar die mistral waai (baie) kwaaier as die Kaapse suidoos, daar is (baie) meer stakings in Provence as in Pretoria, en alles van pampoene tot petrol is duurder op die Franse platteland. Plus ons sukkel met elektrisiteit en kragonderbrekings. Nee, ons het nie…

Die Pil is sedert sy ontstaan in 1960 revolusionêr, bevrydend en lewensveranderend genoem. Dit het vroue die mag gegee om self te besluit wanneer hulle kinders wil hê. En daarmee saam het ongekende vryhede gekom. Verdere opleiding, ’n loopbaan. Dis egter nie vir alle vroue beskore nie. Op die voubiljet saam met die verpakking word ’n lang lys moontlike risiko’s genoem. Een wat baie duidelik uitgestippel word, is trombose. (Daar is nie bewyse dat Liezl – sien haar verhaal in die kassie links – se ervaring aan die Pil toe te skryf is nie. Dit dien eerder as waarskuwing hoe vinnig so iets kan gebeur.) Dis reeds sedert die jare negentig bekend dat die gekombineerde Pil (dus die hormone estrogeen en progestogeen, die sintetiese vorm van progesteroon) bloedklonte kan veroorsaak.…

Die gekombineerde Pil Voordele Maklik om te neem, bestendige maandstondes en siklus, kan aknee en menstruele simptome verbeter, en verminder risiko vir kanker van die baarmoeder en eierstokke. Jy kan ook jou siklus manipuleer: Jy kan ’n maandstonde heeltemal oorslaan of met ’n week vervroeg/vertraag deur die manipulasie van die 7 “onaktiewe” suikerpille. As jy die suikerpille begin neem, is dit jou liggaam se aanduiding dis tyd om te menstrueer. Prof. Leon Snyman sê dis veilig om die “onaktiewe” pille oor te slaan en nooit te menstrueer nie. Moontlike nadele Vergeet om dit te neem, vogretensie, gewig fluktueer, libido verminder, hiperpigmentasie, groter risiko vir kroonslagaarsiektes en bloedklonte. Ook hoofpyne, buikopsetting (opgeblaasde maag), teer borste. Prys Sowat R100 – 200 per maand. NuvaRing Word in die vagina (rondom die serviks-mond) gesit,…

Geur vir jou Lente in ’n bottel – dís Estée Lauder se nuwe pleasures Florals. 20 jaar ná die bekendstelling van die oorspronklike ikoniese pleasures met lelie, pioenroos en jasmyn, is die nuwe geur ’n ontploffing van vars nartjie-mandaryn, ’n hart van waterlelie en jasmyn en ’n ná-geur van sederhout en delikate muskus. In kort: Die wondergeure van ’n moderne bos blomme. KOMBERS, JOU WONDERLIKE DING Ons nasie het ’n passie vir komberse – om mee te koester, te versier, te verwelkom, te bederf. Blankets and Weaves maak ons opgewonde met hul gehalte-komberse wat almal in SA vervaardig is. Dalk net die ding om Erfenisdag op 24 September te vier! Aanlyn te koop by www.blanketsandweaves.co.za VIR ONS KINDERS Ons ken almal Madiba se outobiografie, Long Walk to Freedom…

Miemie Holtz Scheepers ALTYD . . . Dis my Land en my Mense! SO PROUD TO BE SOUTH AFRICAN . . . GO BOKKE! Hannetjie Jordaan Hulle is vir my soos jou eie stoute kind. Jy raas en word kwaad maar bly lief vir hulle! GO BOKKE! Elsie du Plessis Natuurlik, wie kan dan ’n draadsitter wees as jou land se eer op die spel is? Ek glo in die Bokke, die suurknolle gaan nog op hul neuse kyk, wag maar vir daardie hoendervel-vertonings van ons elite-spelers! HOE GEREELD OEFEN JY? 5-6 keer per week – 25% Wanneer ek kan – 18,75% Ek oefen nie werklik nie – 18,75% Daagliks – 12,5% 3-4 keer per week – 12,5% 1-2 keer per week – 12,5% Skryf aan SARIE, My sê tel,…

Marita van der Vyver het Anna-Mart van der Merwe byna drie dekades gelede in een van haar heel eerste professionele rolle op die verhoog gesien – as ’n arm plaasmeisie wat in die Depressiejare kaalvoet Johannesburg toe stap – en sedertdien het die skrywer en die aktrise ’n lang pad saam afgelê. “Darem nie kaalvoet nie,” spot Marita, “maar Anna-Mart voel deesdae vir my soos ’n soort glamorous alter ego.” In 2008 het hulle saam ’n promosietoer aangepak waartydens Anna-Mart voorgelees het uit Marita se bundel SARIE-rubrieke, Franse briewe; in 2010 het Anna-Mart een van die hoofrolle vertolk in die rolprentweergawe van Marita se jeugroman Die ongelooflike avonture van Hanna Hoekom; in 2013 het Anna-Mart Marita se jongste roman, Die blou van onthou, daagliks op RSG voorgelees. En nou lê…

OP DIE VROU AF Soos almal weet: ’n Vrou dra haar hele lewe met haar saam in haar handsak. Maar kyk mooi, sy het ’n tweede lewe … In haar beursie. Lê maar ’n man se beursie langs ’n vrou se beursie neer en jy sal dadelik die verskil sien: Haar beursie is dikker en ook heelwat groter, ’n mens moet dit eintlik ’n beurs noem. Nie dat daar noodwendig meer geld in is nie. As ’n vrou se handsak ’n geheimenis is, is haar beursie ’n enigma. Wat’s nie alles daarin nie! Natuurlik al haar kaarte, om mee te begin. ’n Vrou het baie meer kaarte as ’n man, as ’t ware ’n kaart vir elke geleentheid: Naas die gewone bankkaarte, ook winkelkaarte en afslagkaarte en boekwinkelkaarte en geskenkkaarte,…

Dié 31-jarige Amerikaanse aktrise is gebore as Olivia Jane Cockburn, maar op hoërskool het sy haar van verander ná ’n rol in Oscar Wilde se The Importance of Being Earnest uit pure bewondering vir dié beroemde Ierse skrywer en dramaturg. Sedertdien het sy naam gemaak in TV-reekse soos The O.C. en House, terwyl van die bekendste flieks waarin sy al gespeel het Her en The Lazarus Effect is. Sy is ook ’n handelsmerkambassadeur vir REVLON. Maar haar groot passie is mense en ons planeet. Sy is wêreldwyd betrokke by filantropiese projekte en is onder meer in 2010 aangewys as die diereregte-organisasie PETA se sexyste vegetariese celeb. Saam bedryf sy en ’n vriendin, Babs Burchfield, die webtuiste Conscious Commerce (consciousco.co) om elkeen van ons te oorreed om só te eet, koop…

Klassieke blou Betroubaar en altyd reg! Geen wonder nie dat denim in al sy vorms, van kêrelsnit-jeans, noupassende jeans, hemde, baadjies en selfs oorpakke met skouerbande (dungarees) gróót is in 2015. Denimhemp (R549), JEEP. Kêrelsnit-jeans (R1 499), Guess. Koningsblou luiperdmotiefhakskoene (R1 999,95), Ted Baker by Stuttafords. GROOTTES Hemp: S – XXLJeans: XS – L Nartjie Die lentekleur met die meeste energie! Die perfekte aksent om warmte te gee aan enige uitrusting. Hempsrok van mengelstof (R499), Mango. Oranje volromp van mengelstof (R399), Woolworths. Mengelstof-kimono met grafiese patroon in oranje skakerings (R799), River Island. Halssnoere van tou, halfedelstene, koraal en goue krale (R670 – R780 elk), Pichulik. GROOTTES Hempsrok: XS – LRomp: 6 – 17Kimono: 6 – 18 Marsala Dra dié sterk, sensuele kleur met selfvertroue van kop tot toon vir ’n…

Charis vertel Dié ryk, aardse kleur met sy rooiwyn ondertoon het vanjaar behoorlik vlamgevat. Dit was veral gewild vir naels en lippe. Geniet die skakering vir oulaas tydens die laaste koue weke, want grimeerkenners voorspel sagter, uitgewaste pastelkleure gaan die somer se sterkleure wees. VURIGE KROON Rooi hare is opwindend en vir die laaste paar maande van 2015 is dit een van die grootste haarkleurtrends, volgens die haarsorghuis Schwarzkopf. Kies rooiblond ( strawberry blonde ) as jy ’n ligte gelaat het. Bruinrooi helder brunette se hare op en ’n helder donkerrooi is perfek vir vrygeeste. Jy kan ook met rooi strepies eksperimenteer vir ’n subtiele rooi glans. DIE GEHEIM LÊ IN ROOIWYN Die kragtige antioksidant in rooiwyn speel nou ’n ál groter rol in skoonheidsprodukte. Resveratrol kom in…

Ballerina -pienk Dié sagte, byna deursigtige pienk skakering herinner aan die kleur van ’n balletskoen en is die laaste tyd gereeld op die loopplank gesien, sê Michelle-Lee Collins, senior grimeerkunstenaar van M.A.C. “Dit pas by lente se sagte en vroulike pastelgrimeertendense. Dit komplementeer ook die meeste velkleure en kan saam met verskillende grimeervoorkomste gedra word – van natuurlik en subtiel tot glansryk en dramaties.” HOERA VIR POTLOODBLOSSERS Grimeerpotlode vir jou oë en lippe is nou al ’n ruk lank gewild. Dis gerieflik om te gebruik – jy het nie enige grimeerborsels nodig nie: jy tik dit net op jou lippe en oë en skakeer dit sommer met jou vingers – en is ideaal om in jou grimeersakkie te gooi wanneer jy reis. Nou maak die een ná die ander blosser…

Hoewel sy altyd baie kunstig was en al van kleins af blommerangskikkings gedoen het, het Heike le Cordeur ná haar studies eers die korporatiewe pad gestap. Jonk-jonk het sy reeds ’n hoëprofiel-pos in die rekenaarbedryf gehad. Toe, op ’n dag, het sy net besef dis nie meer wat sy wou doen nie, en bedank. Nadat sy ’n vriendin ’n keer of wat met rangskikkings gehelp het, het sy geweet dís wat sy wil doen. In daardie stadium het sy en haar man in ’n klein plekkie in die stad gewoon. Arme Andrew het party aande nie eens plek gehad om sy bord kos neer te sit soos die blomme hulle verswelg het nie. Dit was tyd vir ’n groter plek. Heike het in die Paarl skoolgegaan en baie gelukkige ure…

TIEMIE-EN-JOGURT-KAASKOEK Sit die kaaskoek teen kamertemperatuur voor saam met yskoue soetwyn vir ’n anderste kaasbord. genoeg vir 6 Verhit oond tot 140 °C. KORS Voer ’n broodpan van 15 x 20 cm uit met bakpapier en spuit goed met kleefwerende kossproei. Kap 200 g soutkoekies met roosmaryngeur fyn in jou voedselverwerker en meng dit met 100 g gesmelte botter. Skep mengsel in broodpan en druk stewig vas. VULSEL Meng die volgende in voedselverwerker: 500 ml GERO ongegeurde jogurt, 250 g gladde roomkaas, 4 eiergele, 15 ml swartpeper, 1 fyngekapte rooi brandrissie en 30 ml fyngekapte vars tiemie. Gooi in pan en bak vir 90 minute of tot gestol soos jellie. Laat afkoel tot koud. Keer uit op opdienbord – jy kan dit omdraai sodat die kors onder is, maar…

WÊRELD VOL SMAKE! Soos elke land sy eie vlag het, het byna elke land ook sy eie ikoniese kaas. Een plek waar jy van gerookte mozzarella tot Britse stilton en ook van ons eie plaaslike kase soos boerenkaas kan kry, is Checkers se kaasafdeling. Met meer as 300 soorte kaas van regoor die wêreld is daar byna alles wat jou hart begeer. Hout-en- marmer Gebruik so ’n veeldoelige bord van hout-en-marmer vir alles van brood sny tot ’n bord vir kaas. Jy kan selfs warm bakke daarop neersit. Daar is ook ’n marmer-koekroller in dié reeks van Woolworths. Vanaf R375 ROMERIGE TEKSTUUR Ja, jogurt is ook kaas – dit vorm deel van die varskaas-kategorie. GERO se produk word plaaslik gemaak met kulture van Abkhasië naby die Swartsee. Dit proe ekstra…

Sangeres Gwen Stefani het dit op 44 gedoen. Die aktrise Uma Thurman op 42. En Bond-meisie Halle Berry was reeds 47 toe haar jongste gebore is … Swangerskap ná 40 is vandag nie so ongewoon soos dit ’n paar jaar gelede was nie. Hoewel daar baie meer gesondheidsrisiko’s aan later swangerskappe gekoppel word, is daar ook heelparty voordele wat jy nie in ’n mediese handleiding gaan kry nie. Jody Bunkell (43), die groepkommunikasiebestuurder van Clarins in Johannesburg, se eersteling, Tom, is vroeër vanjaar gebore. Sy reken sy is ’n baie beter ma as wat sy jare gelede sou wees: “My lewe is baie meer georden en ek weet watter waardes vir my belangrik is.” Jody is oornag ook ’n kitsgesin ryker – haar man se kinders, die 8-jarige Morgan en…

Shang Du, hul seiljag se naam, beteken “plesierpaleis”, het die vorige eienaar vertel. Dit het hulle ’n oomblik laat dink. Wie reis met vier dogters om die wêreld in ’n boot met só ’n naam? Karin verduidelik ’n Google-soektog wys toe dis genoem na die somerpaleis, ook bekend as Xanadu, van Kublai Khan, 13de-eeuse heerser van die Mongoolse Ryk. “Ons klein rubberboot word toe Sjampoe genoem, om te rym met Shang Du, en die groter een Conditioner. Die stuuroutomaat gee probleme en word Dom Gert. Maar hy blyk onmisbaar te wees en is nou Sterk Gert.”…

Vier jaar gelede. Aanvanklik was dit ’n gewone deurmekaar oggend, soos vir talle werkende ma’s met kleuters. Binne ’n oogwink sou dit vir Liezl Fourie van Kaapstad verander. Sy is inderhaas in die hospitaal opgeneem met simptome van ’n bloedklont. Liezl (40) onthou die oomblik duidelik: Sy trap op die eenjarige Monique se speelding. Kyk agtertoe. En toe sy haar kop terugdraai, is sy opeens duiselig. Niks vreemds nie en sy staan ’n oomblik stil, wag dat dit wyk. Dit gebeur nie en sy roep haar (nou gewese) man, Jeän. Sy gaan sit kop onderstebo, haar kop op haar knieë. “Ken jy daardie gevoel as jy onder narkose wegglip? Ek het net so gevoel, net dieper en dieper weggesink. Maar nie my bewussyn verloor nie. Ek het vir Jeän my…

25% Die persentasie van mense in ’n plaaslike opname onder sowat 1 300 mense wat sê hul allergiesimptome is erger by die werkplek. Byna die helfte (42%) sê hulle neem weens allergieë siekteverlof, volgens die farmaseutiese maatskappy Pharma Dynamics. Vra jou apteker vir ’n oor-dietoonbank-anti-histamien. BESKERM JOU LEWER Sonskyndae met lekker kos en ’n glasie wyn wink. Of dalk het jy die winter-blues met ryk kos probeer verdryf. ’n Beskadigde lewer kan bydra tot hartsiektes, diabetes en gewigstoename. Jy kan joune beskerm met melkdissel, lank reeds bekend as die lewer se vriend, en te kry in SOLAL se Milk Thistle Extract. Dit verlig ook slegte spysvertering en sooibrand. Voorgestelde prys: R145 vir ’n maand se voorraad VESEL WEER IN KOLLIG Dit raak ál duideliker dat die samestelling van die bakterieë…

5 gelukkige SARIElesers kan elk die boek Skarlaken deur Irma Venter (Human & Rousseau, R230) wen. Kuberkraker Sarah Fourie moet die afgetrede polisieman Jaap Reynecke help om die raaiselagtige dood van sy peetdogter op te los. Die moordtoneel herinner aan landskapskuns: ’n voornemende bruid, gerangskik in haar trourok op ’n fiets, met ’n vliegbril en rooi lap in ’n bevrore pan. Janien Steyn was ’n suksesvolle kunstenaar, goeie sakevrou en op die punt om met haar universiteitsliefde te trou. Maar waarom het sy haar rekenaar se geheue net voor haar dood skoongevee? Nog 5 gelukkige SARIE-lesers kan elk Nog ’n voorskoot deur Herman Lensing (Human & Rousseau, R295) wen. Hierdie lekkerleeskookboek is die tweede uit die pen van dié geliefde kosredakteur van…

Wen ’n luukse bederf-naweek (bl. 129) Intekenaanbod (bl. 152) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens ClassicSA Media & Events, The Table Bay Hotel en GetSmarter as ’n diens vir haar lesers aan. ClassicSA Media & Events, The Table Bay Hotel en GetSmarter voorsien en is verantwoordelik vir die pryse. 5. Werknemers en hul gesinne van Media24 (SARIE se moedermaatskappy), ClassicSA Media & Events, The Table Bay Hotel en GetSmarter…

Die twee groot uitdagings wanneer jy besluit daar is sewentien kilogram te veel aan jou lyf is: Een – om, wanneer jy die sewentien kilogram afgeskud het, dit afgeskud te hou. Twee – klere. Om afskeid te neem van ou gunstelinge en nie te spandabelrig met die vervangproses te wees nie. Agtien jaar gelede (ek is nie die weggooi-soort nie – bly lojaal tot aan die bitter einde) het my donker pak perfek gepas. Die laaste paar jaar hang hy net in my kas, vir ingeval die kilogramme weer terugkeer. Eindelik besluit ek, dis tyd, ’n man moet ’n donker pak hê. En deur die vensters van elke klerewinkel waar ’n donker pak hang, begin ek begeer. Drie jaar lank. En dan die vierletter-woord wat in rooi van agter die…

’n Ander Namakwaland Koerante is die laaste tyd vol van Namakwaland se blommeprag. Maar hier is ’n ander Namakwaland wat net sy bewoners ken … ’n dorre wêreld met honger diere en soms moedelose mense. Dis hier in die Sandveld waar jy hoopvol soek na tekens van reën, waar skape ronddwaal vir ’n groenigheidjie en aangehardloop kom na die bakkie met voer. Dis hier waar vroue die mans in die veld help om honger hanslammers aan te dra en te voed. Wanneer hulle vergeet van mooi klere velsorg en grimering. Dis hier waar jy alleen huil, en saggies in die kamer inglip en vra vir seëninge. Wanneer jy met deernis na jou man kyk. Hy wat nie nou net vir sy gesin moet sorg nie, maar ook vir sy diere…

Sing vir ’n veiliger SA “Smile”, sing musiekgrotes soos Johnny Clegg, Lira en Hugh Masekela op ’n nuwe musiekvideo wat in September uitgereik word. En ons neurie saam, nes met “You’re the Voice” in 2012 en “Shout” in 2007, ’n inisiatief deur die nie-winsgewende organisasie SHOUT vir ’n veiliger Suid-Afrika. Soos met die ander twee liedjies, word die opbrengs gebruik om biblioteke by agtergeblewe laerskole te bou. Want opvoeding is die kragtigste wapen teen geweld en misdaad, sê medestigter musikant Danny K. *Besoek SHOUT se Facebook-blad of volg hulle op Twitter by @SHOUTSA PRETORIA-PLANTJIE HELP MOOI ’n Ekstrak van die plant Myrothamnus flabellifolia , wat in die omgewing van Pretoria voorkom, is die nuwe wonderbestanddeel in die Illuminéreeks van die SA skoonheidshuis Placecol. Die plant verdor heeltemal…

Hy sit rustig in my sitkamer met ’n beker rooibostee, my pofkat op sy skoot. Dié het Pieter-Dirk Uys net een kyk gegee, en homself kom tuismaak. ’n Kat is mos uiters kieskeurig oor wie hy as menskussing gaan gebruik. Pla Pietie min dat sy swart T-hemp en broek nou vol kathare gaan wees. Hy het hom nog nooit aan onnodige nonsens gesteur nie. Ek noem hom “Pietie”, want my kollega en kreatiewe mentor is ook my hartsvriend vir meer as 30 jaar. Kan ek objektief oor hom skryf ? Ek twyfel. Maar ek gaan probeer. Vanjaar, op 28 September, word hy 70. Sy bekendste alter ego, Evita Bezuidenhout, word 80. ’n Program oor Evita se 80ste verjaardag, Kyk Net vir Tannie, word in September op kykNET uitgesaai. En ’n…

ETE SAAM MET VRIENDE OP KANTOOR Vir meer inligting, skakel 0860 692 274 of besoek www.edgars.co.za ‘Lyk glansryk dié seisoen met baie goue bykomstighede saam met safari-items’ Amaria…

Waar woon jy en waarom? Ek het nooit gedink dit sal met my gebeur nie, maar ná 36 jaar van getroude lewe is ek in 2005 geskei. ’n Jaar later was ek op ’n vliegtuig op pad na Taiwan. Versterk deur Ps. 139, “Vlieg ek na die Ooste ... en daar lei U hand my, hou U regterhand my vas”, beland ek toe op Donggang in die suide van die land. Dis ’n kleinerige vissersdorpie met ’n hawe vir baie vissersbote, waar ek kinders leer Engels lees, skryf en praat by ’n “bushiban”, ’n naskoolse private taalskool. Die Taiwannese werk baie hard, lang ure en speel min. Dieselfde geld ook hul kinders: Leer hard, speel glad nie. Ek’s die enigste uitlander op die dorp en moes Mandaryns leer praat om…

Gehalte teen die beste prys – én volhoubaar. Dís wat die Sweedse klerewinkelgroep H&M na SA bring wanneer hulle in Oktober hul deure vir ons modebewustes oopgooi. Vyf jaar lank het die maatskappy ons land se sakesektor dopgehou vir die regte tyd en plek voordat hulle besluit het om SA hul 61ste mark te maak. Met somer op ons voorstoep sê hul ontwerpers kan ons modern-boheems verwag: paisley-sonrokke, lang vloeiende rompe, selfs die wit kanttuniek. En hulle herinner ons dat ons modekeuses ’n groter invloed op die wêreld het as wat ons dink. Lees bietjie hier . . . DIE DING MET KATOEN . . . Katoen is een van die tekstielstowwe wat van plantvorm tot die eindproduk die meeste water en chemiese stowwe gebruik. WAT IS VOLHOUBAARHEID? Dit beteken…

Van New York tot Parys was akwamaryn die gewildste kleur op die loopplank tydens die vertoning van Lente/Somer 2015-reekse. Dié koel en kalm skakering was op sy eie te sien, asook saam met die seisoen se ander nuwe kleure en patrone. Gebruik Nimue Moisturiser Plus (R455) in die nag vóór jy gaan slaap om selvernuwing aan te wakker en droogheid te voorkom. By uitsoeksalonne Wend 2 – 3 keer ’n week ’n dik laag aan jou vel vir hope vog en klad enige oortollige produk ná 15 minute af – Gatineau Aquamemory High Hydration Cream-Mask (R440) Die jelformule van Nivea Aqua Sensation Refreshing Cleansing Gel (R66) reinig jou vel sonder om dit van vog te stroop Spuit dié suiwer mineraalwater deur die dag aan om jou vel te verfris –…

Wat sê die kenner “Is jou gunsteling-onderlaag skielik te lig of te donker vir jou vel? Jou gelaatskleur is geneig om te verskil van seisoen tot seisoen as gevolg van eksterne faktore soos sonblootstelling, wind en koue. Kry vir jou twee onderlaagskakerings wat jy tussen die winter- en somermaande kan afwissel. Kies ’n warmer skakering met ’n mat-afwerking vir die somer. Dit komplementeer jou sonbruin gelaat en sorg dat jou onderlaag op warm, vogtige dae hou. In die kouer maande kan jy ’n ligter skakering kies in ’n formule wat jou vel ekstra bevog.” Jody Bunkell, plaaslike groep-kommunikasiebestuurder van Clarins Fout loos! KIES JOU FORMULE Hoë definisie (HD) HD-onderlae is tans een van die skoonheidswêreld se nuutste gunstelinge. Mikroskopiese ligweerkaatsende deeltjies in die formule sorg dat lig in alle rigtings…

Swart-en-wit strepe bly ’n klassieke kombinasie. Dra ’n gemakstoel uit en skep ’n knus kuierhoek op ’n beskutte stoep soos dié van blomkunstenaar Heike le Cordeur. Armani die kat geniet ook ’n sonkol. Besoek www.fleurlecordeur.co.za…

Hamburger-kebabs genoeg vir 6 Verhit oond tot 180 °C. Sny 1 ciabatta-broodstokkie in 12 stukkies. Ryg 6 stukkies brood op 6 hout-kebabstokkies. Sny 1 murgpampoentjie met groenteskiller in 12 lang repe en ryg een reep op elke stokkie, in ’n konsertinapatroon. Ryg daarna 6 frikkadelle op die stokkies en nog een reep murgpampoen op elk. Ryg laaste stukkie brood op en plaas op bakplaat. Bak vir 10 – 15 minute en sit voor met mayonnaise. Peri-peri-lam genoeg vir 6 Verhit oond tot 180 °C. Ryg 18 lamsboud-blokkies (vra jou slagter om dit te sny) op 6 hout-kebabstokkies. Plaas op bakplaat. Meng 80 ml olyfolie, 45 ml paprika, 1 gekapte rooi brandrissie en 45 ml bruinasyn. Gooi oor kebabs en vryf in met vingerpunte. Geur goed met sout en swartpeper. Bak…

1 Mense gebruik dikwels te veel kase en te veel smake daarby. 2 Twee of drie kase – een sag, een hard, een blou indien iemand onseker is – is oorgenoeg. Sit dit voor saam met een of twee soorte konserf, ingelegde vrugte of marmelade. 3 Indien dit deel is van ’n maaltyd – m.a.w. net voor nagereg of pleks van nagereg – word dit nié met brood of beskuitjies voorgesit nie. Laasgenoemde kom net by wanneer die kaasbord al is wat die gaste te ete kry, soos by ’n skemerkelkiegeleentheid. 4 Ek verkies ’n kaasbord volgens die Franse manier – een of twee kase word net voor nagereg met vars kruieblare soos roket of bronkors (watercress) en olyfolie voorgesit, die wyn bly dieselfde as tydens die hoofgereg, en daarna…

Vra is vry, sê die ou spreekwoord. Maar gaan dan voort: En die weier daarby. Oor die laaste deel struikel veral vroue dikwels. Want hoe sê jy hoe jy voel sonder om blatant eerlik te wees? En dalk iemand anders se gevoelens seer te maak? Hier is 8 sulke kopkrappers. Probleem Jy dink baie van jou vriendin se mening, maar nie noodwendig elke oomblik van die dag nie. Hoe sê jy dit vir haar, sonder om haar seer te maak. Nataniël, kunstenaar, TVpersoonlikheid en etiket-kenner: “Weet jy, daar is nie altyd ’n reg of verkeerd nie, daar is baie opinies, maar ’n mens hoef nie alles aan te hoor nie. Voel jou kop nie ook of dit al wil bars nie?” Hou dit in die algemeen of die derde persoon,…

Oorgewig, vetsugtig Geskiedenis van klonte of dit kom in jou familie voor Migraine met aura Lewerprobleme Bo 35 en rook Ses maande tevore ’n akute infeksie of chirurgie gehad Swanger, of het onlangs ’n baba gehad Het kanker, of het kankerbehandeling ontvang Gedehidreer Het ’n toestand wat jou bloed makliker klonte laat vorm As jy bekommerd is of jy die Pil moet neem, bespreek dit met jou ginekoloog/ gesondheidswerker. Bron: www.nhs.uk…

Elsa Sterk is sterk. Punt. Sy het die stewige bou van haar ma se mense terwyl die sagte viooltjieblou oë van haar pa se kant dikwels nie raakgesien word nie. Haar pa was sommer ’n liggewig mooierd, maar dalk was die oorspronklike manlike naamdraers wel sterk – die Middelnederlandse Staerkes, die antiek-Britse Styrkes. Niks keer haar om twee keer te trou nie. Die geluk bly weg. Telkens word sy grasweduwee voor sy kluitweduwee was – só verwys sy self klugtig daarna. Die klugtigheid is egter net ’n skild. Van huil word ’n vrou ook moeg. Net so getrou in sy werk soos wat Johnny Geringer as Windhoek se vleisinspekteur was, net so ontrou was hy as eggenoot. Teen die ander liefdes in sy lewe kon Elsa nooit regtig meeding nie,…

A Arthur Kaplan 011 669 5600 @home 086 057 6576 www.home.co.za C Chandler House 083 423 2001 www.chandlerhouse.co.za Country Road Home www.woolworths.co.za D Dune 011 685 7055, 021 529 1970 E Elsje Designs www.elsje.co.za Errol Arendz 021 461 1385 www.errolarendz.co.za F Forever 21 021 555 3324 www.forever21.com G Guess 011 555 2300 www.guess.com Green Cross 0860 473 369 J Jeep 031 313 1400 K Klooftique 021 424 9458 www.klooftique.com L Loads of Living 0861 565 565 www.loadsofliving.co.za Luxco 011 448 2210 www.luxco.co.za M Mango 011 783 7907, 021 418 0916 www.mango.com Mimco 0860 022 002 www.woolworths.co.za Mr Price Home 0800 212 535 www.mrphome.com N Nicci Boutique 011 262 4141, 021 425 0051 O Opus Studio 072 785 6002 www.opusstudio.co.za P PhotoBlox 082 419 6280 www.photoblox.co.za Pichulik 021 286 0032 www.pichulik.com…