Innehållsförteckning för January 2018 från SARIE

Wanneer jy hierdie lees, is ons óp Hartenbos, daar langs die Tuinroete. Vanjaar gaan SARIE die nuwe jaar in tussen ons lesers en als wat Afrikaans is: musiek, kos, stories en goeie ou plesierigheid. Sulke op-dienippertjie-kuiers bly die beste. Wanneer daar op die ingewing van die oomblik besluit word, hier’s ’n ding, nou’s die tyd! Eintlik is ek nie mal oor verrassings nie, ook nie so goed met op die nippertjie nie. Ek hou van planne. Orde. Vooruitdink. Ek is die een met die notaboekie sodat ek lysies kan maak. Sommer met ’n skets by. Ek wil weet wat kom en hoe ons moet maak om dit rég te kry, of wraggies so na aan in die kol as moontlik. Maar oor die jare het die SARIE-span (en my familie!)…

NET ’N KLEIN BIETJIE AANDAG Ons stap in die Drakensberg, waar ons taamlik hoog in die berg op ’n familiebegraafplaas afkom. Binne ’n witgekalkte ringmuur met ’n ysterhek lê ’n paar generasies rustig oor die omliggende berge en uitkyk. Tussen die grafte staan ou roosbome wat eens deur die tuinier versorg was, maar nou is hy ook begrawe tussen al die huismense vir wie hy so getrou gewerk het. Daar is selfs ’n waterpyp wat ’n kilometer ver water na die rose in die begraafplaas bring . . . So dit moet mos net kan pragtig lyk! Ek kry toestemming om die rose te snoei sodat al die ouhout kan plek maak vir nuwe groei, en gee almal water. Terug by my huis druk ek drie snoeilote in die grond.…

Dis ongelooflik, die mag van liefde. Van gesonde liefdeTherese Sprokies is vir kinders? Gebeur net in flieks en op TV? In haar eerste TV-reeks, Song vir Katryn, was sy ’n kelnerin wat nie altyd goed deur die manne behandel is nie. Toe word Katryn gekies vir ’n advertensieveldtog, Rags to Riches. En als verander in ’n ommesientjie. “Dit is presies hoe ek nou voel, dis soos ’n fliek-draaiboek,” sê Therese Benade en beduie om haar. Met die intrapslag het sy haar hoëhakke uitgeskop en ’n glas rooiwyn ingeskink. As Kwêla-inhoudsvervaardiger werk sy van nege tot vyf, ’n ritme waaraan sy gewoond moes raak. Die praghuis bo-op Llandudno se koppe bied ’n onbelemmerde uitsig op die see. Dis mistige reënweer, maar gewoonlik gaan die son dié tyd in al…

Die lewe het mooi en lekker, werk daaraan om dit raak te sien, is Kwêla se hunk , Hannes van Wyk, se wenk vir 2018. Hyself ? Dié jaar gaan hy dinge geniet. Meer waag, nuwe goed probeer, interessante projekte aanpak. “Ek wil my groot liefdes, aanbieding en toneelspel, kombineer. Dalk is daar ’n rol in ’n TV-dramareeks vir kykNET. En hopelik sal ek ook my ding op die verhoog kan doen. Daar is sprake dat ek en Amanda Strydom weer ons toneelstuk Voor ek vergeet opvoer.” Hannes wil ook probeer om meer huistyd te hê. “Dit sluit tyd saam met my hondekinders, Toto en Mariet, in, asook lekker tye saam met my ma, Mariet, familie en goeie vriende.…

WEES OPGEWONDE OOR DIE LEWE LYK NETJIES GEE ’N STEWIGE HANDDRUK PRAAT DUIDELIK KYK IEMAND IN DIE OË RUIK LEKKER MOENIE VLOEK EN SKINDER NIE LUISTER NA MENSE ’n Sterk persoonlike handelsmerk – of brand – waarborg deesdae sukses. Almal ken Nike, Coke en Levi, groot internasionale rolspelers – en almal groot sakeondernemings. Plaaslik is van die tophandelsmerke Mrs Ball’s-blatjang, SARIE en Klipdrift-brandewyn. Maar het dit nie tyd geword om jou eie, persoonlike handelsmerk uit te bou nie? Vandag word jong gegradueerdes aangeraai om hul persoonlike handelsmerk te vestig voor hulle vir werksonderhoude gaan (https://sproutsocial.com/insights/personal-branding/). Maar dit is ook nooit te laat om hiermee te begin nie. Sake- en leefstylafrigter Julia Fourie van Durbanville sê: “Bepaal wat jou langtermynvisie is. En wat die doel van jou handelsmerk is. As jy…

Van waar in SA is jy en jou man? Ons het in Northcliff, Johannesburg, gewoon. Jou man is ’n pos by ’n internasionale bank aangebied? Ek was byna tien jaar ’n forensiese ouditeur by die SAUK. Toe my man, Serhane, die aanbod ontvang, was ek met kraamverlof. Al wou ons nog altyd graag vir ’n rukkie oorsee woon, het die geboorte van ons seun die besluit baie moeilik gemaak. Almal was so opgewonde oor ons klein wonderwerkbaba en dit het wreed gevoel om hom weg te neem van sy grootouers. Dit was egter die beste besluit vir my man se loopbaan. Boonop sou dit vir my moontlik wees om ’n paar jaar huisma te word. Mis jy ’n ondersteuningsnetwerk? Matthew het in November twee jaar oud geword en ons mis…

WENK Dra dit oor ’n hemp vir die kantoor WENK Jy kan dit ook as ’n moulose jas oor ’n ander rok of jou jeans dra ONTWERPER VAN DIE MAAND MICHELLE LUDEK 3 VRAE Wie is jou muse? Al die vroue wat ma-wees, vrouwees, ’n beroep en huis balanseer. My klere moet betroubaar en ongekompliseerd wees. Die inspirasie vir jou Somer 2018-reeks? Ek noem die reeks “Fierce”. Dit verwys na die treffende, sterk patrone en die ingesteldheid van die vroue wat dit dra. Wat is jou ontwerpfilosofie? Ek wil klere ontwerp waarin vroue wonderlik en terselfdertyd gemaklik voel, ongeag hul grootte. Ek probeer ook opsies bied sodat van my kledingstukke op meer as een manier gedra kan word. AMARIA HOU VAN “As iemand wat baie op my voete is, is…

Nivea Sun Protect & Moisture With Clothing Protection Very High SPF 50+ (R175) Baie sonskerms kan jou klere geel vlek. Dikwels is dit ook moeilik om dié vlekke uit te kry. Bestanddele in dié formule sorg dat sonskermvlekke maklik uitgewas kan word sodat geen van die produk op jou klere agterbly nie. Australian Gold X-Treme Sport Spray Gel Sunscreen SPF 50 (R250). By Clicks Sonneblomsaaden olyfolie in dié nuwe sonskerm bevog jou vel. Die ligte, waterige formule absorbeer ook maklik. Boonop ruik dit na heerlike klapper, vanielje en lemoen. Filorga UV-Bronze Mist SPF 50 (R515). Besoek www. filorgasouthafrica . co.za  vir verskaffers Drie nuwe produkte – ’n gesig- en lyfroom en ’n lyfsproei – in Filorga se UV-Bronze-sonskermreeks beskerm jou vel teen die son…

Volgens die legendariese Coco Chanel behoort ’n vrou “stringe en stringe” pêrels te hê. Pêrels is tans weer ’n gewilde modebykomstigheid, maar pleks van ’n hele string sien ons dit nou in van uitsonderlike juweliersware tot detail op klere. Met hierdie ontwerp fokus Van Deijl op die skoonheid van klassieke eenvoud. Die ring is handgemaak van 18 kar.-witgoud met ’n goue Suidsee-pêrel en 28 klein diamante (prys op aanvraag). Vir meer: 021 914 2197, www.vandeijl.co.za Is Chanel No. 5 jou gunsteling-parfuum (sien bl. 8)? Dan kan jy vir ’n beperkte tyd ’n lyfjel met dieselfde verleidelike jasmyn- en roosnote koop. Chanel No. 5 Fragments d’Or (R1 530) bevat ook fyn goue deeltjies wat ’n tikkie glans aan jou vel gee. ’n Slim manier om jou lippe voller te laat lyk…

Doen dit self JY BENODIG Resbietjies breidraad, karton, skerp skêrtjie, strooimandjie. MAAK SÓ Neem ’n glas en trek twee identiese sirkels na. Trek ’n kleiner sirkel binne elkeen. Knip groter sirkels en kleiner sirkels binne-in uit. Plaas twee uitgeknipte sirkels opmekaar. Rol klein bolletjies breidraad wat deur die opening sal gaan. Draai sirkel toe met breidraad totdat middelste gaatjie byna toe is. Druk skêr se punt tussen twee lae karton in en knip breidraad buite-om oop. Neem ’n lang stuk breidraad, wikkel tussen die kartonsirkels in en bind styf vas. Trek kartonne af. Gebruik die ekstra lengte van dié breidraad om pompon aan jou mandjie vas te werk.…

Melktert-jaffels genoeg vir 8 VULSEL             KORS         Vulsel Bring melk tot kookpunt in ’n middelslagpot. Klits eiergele, kaneel, suiker, mielieblom en koekmeel saam tot gladde mengsel. Gooi helfte van warm melk by eiermengsel en roer tot glad. Gooi eiermengsel deur ’n sif by melk in pot. Roer oor matige hitte met ’n draadklitser tot dik, romerige mengsel (soos jy witsous sal maak). Hou aan met roer en laat kook vir sowat 5 minute of tot mengsel ’n blink voorkoms het. Verwyder van hitte en plaas GLAD-kleefplastiek (sien inlasfoto) direk op mengsel. Laat afkoel. Maak jaffels só Smeer een kant van elke sny brood met botter en sprinkel bietjie strooisuiker oor. Plaas een sny op ’n slag met die gesmeerde kant na…

’n Studie (International Journal of Clothing Science and Technology) het inderdaad gevind die regterbors is effens groter as die linkerkantste een. Geen spiere nie Jou borste sit op die borsspiere, maar het self geen spiere nie. Hulle bestaan uit weefsel, vet en kliere. Jy kan dus opstote doen tot jy blou is, dit gaan nie mooier word nie. Hulle bons nie, maar dans As jy draf, kan jou borste tot 21 cm bons – in verskillende rigtings. Op en af, van kant tot kant en in en uit, in die vorm van ’n 8 op sy kant, volgens ’n Britse studie. Sowat 50% van vroue se borste pyn as hulle draf. Dit kan geld selfs al is joune piepklein appelkosies. Hulle trek die oog – ook vroue s’n Jy gaan…

Eers moet Jaap soebat voor Ansa inwillig. “Nou goed, maar dis die laaste keer dat ek die kind op mý naweek afstaan, vorentoe hou ons streng by die bepalings.” (Die kind. Afstaan. Bepalings.) Jaap trek krabbels op sy notaboek, woorde klap soos klippe op sink, sy’s nog nie klaar nie. “En jy voer hom nie weer gemorskos nie!” (Voer. Gemorskos.) Hy teken ’n stokman met ’n yslike roomys, onderdruk ’n sug, krap die roomys dood. Verkeerd! skryf hy bo-oor, en: Moenie! “Dankie, Ansa.” Maar sy’t reeds afgelui. Laas keer was ’n fout (spookasem, tjips én roomys). Boonop met ’n meisie saam fliek toe (Despicable Me 3). Gróót fout. Dié keer hou hy dinge eenvoudig – net hy en Bennie en die skoolbasaar. Bennie wag op die sypaadjie. Die kind groei…

TEKEN IN of HERNU 3 redes waarom jy hierdie kans moet aangryp. Jou SARIEintekening beteken Jy weet jy sal nie ’n uitgawe misloop nie Jy kan kies: jy betaal maandeliks of eenmalig Dis ’n kans om jouself – of iemand vir wie jy omgee – te bederf SKAKEL 087 740 1020 SMS SUBS SARIE na 32361 (geen leestekens) EN ONS KONTAK JOU (’n Tarief van R1 per SMS geld) E-POS sarie_inteken@ media24.com EN ONS KONTAK JOU WWW Besoek SARIE.com vir gewone en digitale intekening * BEPALINGS EN VOORWAARDES IS VAN TOEPASSING. DIE AANBOD GELD NET VIR INTEKENING OP DIE GEDRUKTE SARIE EN IS GELDIG TOT 21 JANUARIE 2018 (NET IN RSA) 50% afslag* op die gedrukte SARIE…

Soms, as jy ’n goeie ma is, is jy nie so goed in jou werk nie. En as jy weer goed in jou werk is, is jy nie ’n goeie ma of lewensmaat nie. Dit is ’n pragtige dans wat nooit ophou nie. Dié woorde van topmodel en ma van twee Gisele Bündchen som straks ma-wees in ’n neutedop op. Een van die grootste uitdagings van vrouwees en ma-wees is om balans te vind tussen al jou rolle. Van die vroegste tyd was ma-wees uitdagend, en vandag is die eise nóg groter. Die wêreld is ’n vreesaanjaende plek. Terreuraanvalle gedy. Werksgeleenthede is minder. Ons hou ons harte vas oor die aarde se voortbestaan – kyk maar hoe sukkel die Wes-Kaap met ’n reuse-watertekort. Kan die aarde die bevolkingsontploffing hanteer? Die…

My ma het my geleer om te werk vir wat ek wil hêSalomé Klein dogtertjies loop in winkelsentrums agter my aanSalomé Dit was ’n troue in Pretoria. Die omie het ongeskik na haar sit en staar – seker vyftien minute lank. Toe opgestaan en na haar toe gekom. “Hoor hier, dogter, is jy siek?” Nee, sê Salomé de Wet toe maar. “Dalk bietjie in my kop!” Nie so nie. Haar psigedeliese haarkleur herinner miskien aan ’n madeliefie op speed. Maar daai einste kop is stewig aan haar lyf vasgeskroef. Speels is sy. Kreatief ook. Jy loop nie andersins met ’n sonneblom op jou kop rond nie. Voeg dáárby mededingend, gedrewe, gedissiplineerd – en jy het ’n meer volronde prentjie van wat dié 26-jarige laat tiek. Agt maande nadat sy by…

Sy is die kreatiefste kos-mens wat ek kenCallie oor Mari-Louis Kleintyd op Lutzville aan die Weskus het hulle hul eie “restaurant” besit. “Callie-Mari”. “En ons het toe nog nie eens geweet daar bestaan iets soos calamari nie,” skaterlag bakkoningin Mari-Louis Guy, een van Suid-Afrika se bekendste kosstiliste en -bloggers. As beoordelaar op kykNET se koswerklikheidsprogram Koekedoor (reeks 1 en 2) het sy al ’n huishoudelike gesig geword. Sy was ook betrokke by die kinder-kookprogram Kokkedoortjie en is binnekort in Koekedoortjie* te sien. Haar broer, Callie, is soos sy ook ’n kosstilis en -skrywer. Maar die twee is veel meer as dit! Hul produksiemaatskappy Cakebread bied ’n eenstop-oplossing vir maatskappye in hul ruim ateljee, huis en tuin in Vredehoek, Kaapstad. “Produksiemaatskappye huur dit gereeld vir die vervaardiging van televisieprogramme, advertensies en…

“ek het nog altyd gedink dat alles ’n kleur ’n ouderdom en dalk selfs geslag aan hulle het”Uit die gedig “die kleur wat vanmiddag was” deur Elodi Troskie, uit die bundel Nuwe Stemme 6 (Tafelberg, R240) SO SÊ Dana Snyman OP SARIE.COM  oor sy boek Op pad: ’n reisjoernaal (Tafelberg, R250) Hoe hanteer jy dit om in die openbaar herken te word? Dis lekker, maar ek probeer nie te veel daaraan dink nie. Een van die temas in my boek gaan juis oor die reis vir die eerste TV-reeks (Op pad met Dana op Via) wat ons gemaak het en wat voorverlede jaar uitgesaai is. Dit gaan oor die spanning van die televisiewêreld wat eintlik ’n kunsmatige een is, die wêreld van die kamera en die ou agter die…

As daar een jong meisie is met supermodel-DNS, dan is dit Kaia Gerber. Met haar donker oë en lang bruin hare het haar ma, Cindy Crawford, die loopplanke in die 1990’s oorheers; nóú is dit haar 16-jarige ewebeeld se beurt. Op 10 was Kaia in ’n advertensie vir Versace Junior en in 2016 op haar eerste Vogue-voorblad saam met haar ma, maar vanjaar was haar eerste draai op die loopplank. In die groot modestede het sy betower vir name soos Calvin Klein, Marc Jacobs, Burberry, Alexander Wang, Prada, Chanel en Versace. Ná die Lente/Somer 2017-seisoen is sy benoem as Model van die Jaar* by die Britse Modetoekennings. Saam met haar sakeman-pa Rande Gerber, ouer broer, Presley – wat albei ook al model gespeel het – en natuurlik superster-ma is sy…

In jou skoonheidswêreld dié maand… Jennifer Lopez het dit al gedoen. So ook die aktrises Gwyneth Paltrow en Jennifer Aniston. En op eie bodem? Sangeres Karlien van Jaarsveld en aktrise Leandie du Randt-Bosch. Jy kan maar sê dis een van die gewildste giere op sosiale media: Om ’n foto van jouself sonder ’n druppel grimering te neem en dit op platforms soos Instagram te deel. Andersins bekend as die no-makeup selfie . Vir die Amerikaanse sangeres Alicia Keys het dit nie daar gebly nie. Sy’t verlede jaar ’n opskudding veroorsaak toe sy besluit het om glad nie meer grimering te dra nie, ook nie op die rooi tapyt nie. Dít nadat sy grimeerloos afgeneem is vir een van die liedjies op haar nuwe CD. Dit was die “sterkste, mees bemagtigende,…

SÊ NET JA! Met die heerlike somerdae wys ons bietjie meer lyf. Giorgio Armani se gewilde parfuum Sì (Italiaans vir “ja!”) is vir ’n beperkte tyd gevul met fyn pêrelagtige deeltjies wat ’n spoor van sprankel op jou vel agterlaat wanneer jy dit aanspuit. Die geur is ’n romantiese mengsel van sitroen, roos en jasmyn. Giorgio Armani Sì Nacre Sparkling Limited Edition (R1 485 vir 50 ml EDP) MOOI MET MASKERS Maskers in die vorm van ’n gesiglappie is ’n groot gier. Die meeste bevat aktiewe bestanddele soos vitamien E en C en hialuronsuur wat velkwessies soos droogheid en vaalheid takel. Jy gebruik dié tipe masker nadat jy jou gesig gewas het en hou dit vir sowat 20 minute aan: 1 Garnier SkinActive Moisture Bomb Tissue Mask Super-Hydrating Rebalancing Mask…

Die broers Richard en Bernard van Rooyen is ’n gedugte paar met ’n passie vir die Weskus. Een ’n mediese advokaat, die ander ’n sakeman. Toe die geleentheid opduik, het hulle ’n stuk grond gekoop met besigheidsregte en ’n klein winkelsentrum in die hoofstraat gebou – met die idee om ook twee dakwoonstelle op die boonste verdieping in te rig. Dié eenvertrekwoonstelle (Sea Castle 1 en 2) is ruim met ’n kombuis, ’n badkamer (een met ’n stort en een met ’n bad), ’n lekker oorgroot bed en ’n sithoek. Daar is ook ’n groot balkon waar gekuier kan word. Bernard se raad is dat jy nie so ’n plek net funksioneel moet inrig nie, maar dit moet mooi wees ook. Kies gehaltemeubels en moenie te veel los goed hê…

Sjokolade en wyn, albei lekker op hul eie, maar saam verruklik! Buiten dat hulle goeie pasmaats is, deel dié twee lekkertes ook ’n baie belangrike invloed: terroir. Hierdie Franse term verwys na die omgewing waarin druiwe groei en die impak daarvan op die druiwe, en op die kenmerkende smake van ’n wyn. Net soos druiwe deur topografie, klimaatstoestande, seisoenale veranderinge en ander omgewingsfaktore beïnvloed word, proe kakaobone ook na die plek waar hulle verbou word. Dit is ’n unieke komponent wat net ’n handjievol sjokolademakers verstaan omdat die tendens van sjokolade-massaproduksie kakaobone van hul genetiese erfenis ontneem, en die produk se suiwerheid beïnvloed. Pieter de Villiers, eienaar en sjokoladevervaardiger van De Villiers Sjokolade, sê mense soek produkte wat van natuurlike, minimaal verwerkte, organiese en nie-geneties gemodifiseerde bestanddele gemaak word. Met…

Ouma se emalje Hierdie Lumela Afrikaversameling met onder meer borde, bekers, teepot, melk- en waterbeker, alles van emalje, gaan jou hart steel. Vanaf R89 by www.yuppiechef.com Jaffelyster Dié maand bak ons jaffels soos van ouds, maar waar kry jy so ’n jaffelvorm? Danksy LK’s kan jy nou om elke hoek en draai een koop wat gemaak word van gietyster en jou vir jare gaan hou. Vanaf R220 by winkels soos Builders en kampwinkels. Besoek ook www.lks.co.za SMELT IN DIE MOND Bederf jou vriende en gaste ná ete met MaMère se Turkse lekkers of gee dit as geskenk. Dit word met die hand gemaak en het ’n roosgeur. R69 by Poetry-winkels landwyd Ons drink MELKTERT IN ’N GLAS Pleks van jou maaltyd met ’n stukkie melktert afsluit, drink dit sommer uit…

1967 Die deursnee-vrou is ’n 34B. Nes Jane Fonda , ster van die fliek Barbarella en ander 60’s-treffers. 1970’S Die gemiddeld is 34C, effens groter, omdat gesondheid verbeter. Soos Barbra Streisand s’n, op die toppunt van haar loopbaan met treffers soos die flieks A Star Is Born en The Way We Were. 1980’S Borsvergrotings se babadae. Die deursnee-vrou is groter en so ook haar borste, ’n 34D. Dieselfde as Daryl Hannah , wie se 1984-treffer, Splash , die grootste van haar loopbaan sou wees. 1990’S Plastiese chirurgie ontplof danksy ikone soos Pamela Anderson van Baywatch . Die gemiddelde bragrootte is 34DD, nes Halle Berry s’n (destyds in The Flintstones ). 2000’S…

ONTHOU Moenie meet wanneer jy menstrueer nie, jou borste kan dan groter as normaalweg wees. 1. Kies ’n bra met ’n onderdraad en sonder ingeboude kussinkies . Nie ’n sportbra nie. 2. Staan voor ’n spieël en hou ’n maatband gereed. 3. Meet jou bra se bandgrootte in duim (34, 36, 38, ens.). Plaas die maatband op die band van jou bra. Maak seker dis reguit en nie gedraai nie. Neem die mate reg om jou lyf. Bra-groottes word internasionaal in duim gemeet (1 duim = 2,54 cm). As jy 33 duim meet, rond dit af na 34 (die hoogste ewegetal). Moenie dit afrond na die kleiner ewegetal nie, tensy die desimaal kleiner is as 0,2 (32,1 word dus 32). 4. Meet nou jou borsgrootte , ook in duim. Rond…

A @home 0860 576 576 www.home.co.za Ashanti Design 021 461 0367 www.ashantidesign.com C Cotton On 011 268 3700 www.cottonon.co.za Country Road 0860 022 002 www.woolworths.co.za E Eclipse Group 0861 325 4773 www.eclipsegroup.co.za, enquiries@eclipsegroup.co.za F Forever 21 021 555 3324 Foschini 021 938 7666 www.foschini.co.za G Game 0861 4263 2273 www.game.co.za H H&M 0860 690 707 www.hm.com/za L Lekkeslaap www.lekkeslaap.co.za M Madison 021 510 4510 www.madisonheartofnewyork.com Mango www.shop.mango.com/za Mareth.Colleen 083 548 5321 www.marethcolleen.com Michelle Ludek 076 941 5045 www.michelleludek.co.za Mr Price Home 0800 212 535 www.mrphome.com Mungo 021 201 2374 www.mungo.co.za P Pezula Interiors 021 424 2661 www.pezulainteriors.co.za Poetry 0860 555 529 www.poetrystores.co.za R Ruff Tung 082 872 0263 www.rufftung.com S SDM EYEWEAR 011 334 7020 www.sdmeyewear.co.za Spitz 0860 109 321 www.spitz.co.za T That Shoe Lady 021 671 3624 www.thatshoelady.com Topshop…

Agtien is ’n jaar wat tel , ja, én 21, wanneer jy die grootmenswêreld betree. Of is dit 30? ’n Mooi ronde getal . . . dalk het jy dan jou sielsgenoot gevind, droom jy groot, verken jy die wêreld. Vir my is dit 38! ’n Bekoorlike, vreemde getal. Ek is vir die eerste keer in my lewe 38, dink ek. Dit voel en klink soos ’n jaar van transformasie. Dis asof ek meteens die wêreld om my sién. Die oggendmaan het nog nooit so mooi gelyk nie, en al het ek ’n duisend keer deur die laning bloupers jakarandas gery om die kabouters by die skool af te laai, sien ek dit vir die eerste keer raak. Soos al die jare voor dié een, staan ek weer aan die…

DRIE KEER KAMPIOEN Sy was opgewonde, senuweeagtig, báng . . . maar uiteindelik was dit mind over matter. Só sê Karo van Tonder van Langebaan, wat onlangs in Namibië die eerste amptelike Afrika-spoedrekord vir vroue-seilplankryers opgestel het: gemiddeld 38,9 knope (72,04 km/h) oor 500 m. Dit het ál haar emosionele en fisieke krag geverg, vertel sy oor die Lüderitz Speed Challenge, waar die beste seil- en vlieërplankryers van oor die wêreld byeenkom. (Jy jaag op jou seilplank af in ’n smal, vlak kanaal.) In September het Karo ook op Mauritius die eerste vrou geword wat ’n 80 kmresies op ’n seilplank aflê. En sy is daar as Afrika se vrouekampioen aangewys in slalom, waar jy teen tyd om boeie op die water vleg. * Volg Karo by www.facebook.com/karovantonderSA89/ OEPS! 12345…

Dis hierdie tyd van die jaar, daar is verligting en afwagting, ’n ou jaar ontmoet ’n nuwe een, daar is die uitsien en terugdink aan Kersfees, daar is die wete dat Nuwejaar lankal nie meer ’n tyd van groepsdruk, geraas en alkohol is nie, daar is ’n huis met die reuk van tuisgemaakte kosse waarvoor daar nie die res van die jaar tyd is nie. Ook is daar Gautengse donderstorms wat verligting en koelte bring en die tuin skoon en blink agterlaat. Miljoene blare, in ontelbare skakerings van groen, hang laag op laag, geheimsinnige skerms wat jou nooi na ’n lafenis wat niemand menslik kan voortbring nie. Ek staan in ’n lapwinkel, voor my is ’n rol stewige materiaal, duidelik vir die maak van gordyne of die oortrek van ’n…

Sy lys die ellendes een vir een, rustig. Dit was ’n Blou Maandag. Die geiser het opgepak, die motor het gaan staan . . . Maar Suzaan Heyns, veelbekroonde modeontwerper, is gewoond aan bruide wat op die nippertjie hul trourok weer moet aanpas, of groot opdragte waaraan sy deurnag werk. Uit haar kalm stemtoon is dit duidelik sy word nie sommer “gegooi” nie. As kleuter, waar sy aan die voete van ouma Hettie (Coetzee) by die naaimasjien knopies getel het, het sy al besef: kleremaak is haar ding. “Ouma en ek is gereeld na die Oosterse Plaza in Fordsburg [in Johannesburg] en het die mooiste lap gekoop. Naweke het sy my klere gemaak. Ek het besef sy kan enigiets maak wat ek begeer het. Dit is nou nog vir my…

Blonde hare is baie gewild in Suid-Afrika. En spesifiek ysblond, al is daar hope warmer skakerings: koper, rosig, karamel. Blondines hét meer pret, glo Salomé. Dit laat jou anders voel, helder jou op. Emosioneel én fisiek. Terwyl donker kleure jou nogal “hard” kan laat voel, veral as jou hare eers lig was. Die grys tendens, nie een van Salomé se gunstelinge nie, is stadigaan besig om te taan. Jy lyk net regtig goed daarmee as jy baie jonk is, glo sy. Anders beklemtoon dit die donker kringe om jou oë en are op jou vel as jy nie grimering dra nie. “Mense dra dit want dis die normale crazy kleur. Nou nie blou, geel of oranje nie, maar tog weird . Dit laat…

Jy is al meer as 30 jaar aktrise. Is jy nog opgewonde oor die bedryf? Ja, natuurlik! Ek’s nou in die stadium van my lewe waar ek glo alles gebeur met ’n rede. Die rolle wat nou na my toe kom, resoneer met my. Ek het in 2013 die rol van Makiet in Kanna hy kô hystoe op die verhoog vertolk. Dit was vir my ’n hoogtepunt. En nou? Ek wil nie meer groot rolle hê nie. Die bedryf sal sy pad loop . . . solank die mense relevant bly en nie net wil teach nie. Wou jy van kleintyd ’n aktrise word? Nee, ek wou ’n veearts word. Maar my punte was nie goed genoeg nie en daai tyd was dit ongelukkig net “blankes” beskore. Ek wou toe…

STEPHEN J. CARTON-BARBER (THE AFRICAN WILDLIFE SUBSPECIES FOUNDATION, R1 300) In hierdie uitmuntende boek verduidelik die skrywer dat die verlies van subspesies tot gevolg het dat toekomstige spesies ook verlore raak. Selfs al is ons tans nie bewus van die subspesies se bestaan nie. Volgens onlangse DNS-analises is daar vier spesies van kameelperde wat nie blote subspesies is nie. Sommige is hoogs bedreigd en planne moet gemaak word om te keer dat die spesie uitsterf. Die skrywer hoop die boek sal mense bewus maak van die nog groter diversiteit in Afrika se wildlewe.…

BLOMNIMF Dartel deur die somer in ’n geblomde rok met valle. Dra dit saam met enkelstewels en ’n belt met fyn klinknaels. GROOTTES Rok: 4 – 18 TEKSTUURPRAG Van 3D blomme tot geblomde kant – speel met tekstuur om dit interessant te hou. GROOTTES Kanttop: S – L Pajama-styl top: 4 – 16 Jeans: 26 – 36 DROOMVERLORE Kimono’s bly gewild. Belê in een met ’n blompatroon en dra dit bo-oor jou swembroek of by jou gunstelingdenimkortbroek. GROOTTES Kimono: S – M BLOMMEFEES Dra verskillende blompatrone saam. Om dit te laat werk, maak seker dat daar gemene kleure in die verskillende blompatrone is. GROOTTES T-hemp: XS – XL Langbroek: S – L Baadjie: S – L EENDERS G’N VERVELIG Kop tot toon in dieselfde patroon is gróót! Geniet die hitte…

1 Vir jou vel ‘Goggas’ en gis Daar word al ’n tyd lank in die gesondheidswêreld gefokus op die voordele van “vriendelike” bakterieë in ons ingewande. Nou lyk dit asof dié bakterieë ook ’n ál groter rol gaan begin speel in die velsorgwêreld, het dr. Diana Howard, adjunkpresident van Dermalogica se navorsing-enontwikkelingsafdeling, voorspel met haar onlangse besoek aan Suid-Afrika. “Ons het miljoene bakterieë [mikroflora] wat in ons ingewande en op ons vel woon, en wetenskaplikes begin nou verstaan dat baie van ons gesondheidsprobleme moontlik gekoppel kan word aan dié mikroflora wat versteur is [te veel “onvriendelike” en te min “vriendelike” bakterieë].” Soos wat genoeg vriendelike bakterieë in jou ingewande gesondheidsvoordele kan inhou, kan die mikrobes op jou vel moontlik ingespan word vir ’n gesonder vel. “By Dermalogica gebruik ons bv.…

Nuut en uniek vir jou hare Sedert die 1960’s het die ontwerp van die haardroër nie veel verander nie. Verlede jaar, ná meer as vier jaar van navorsing en ontwikkeling, het die Britse maatskappy Dyson die ontwerp van die haardroër op sy kop gekeer met die bekendstelling van hul unieke Dyson Supersonic Hairdryer (R6 499). Dié mooi haardroër is nou ook in SA beskikbaar. Die motor is in die handvatsel ingebou om die toestel meer gebalanseerd en makliker hanteerbaar te maak, terwyl die interessante ontwerp van die kop help om lug vinniger en meer gekontroleerd na jou hare te voer. Daarby verseker ’n spesiale temperatuurmeter dat die temperatuur van die lug wat uitgeblaas word nie meer as 100 °C bereik nie. “Dit keer dat jou hare nie deur hitte beskadig…

SIEN KOOPGIDS OP BL. 120…

Die woord jaffel laat my glimlag. ’n Koddige woord vir ’n koddige kos-implement so deel van ons kospsige soos boerewors en biltong. Die pan is alles. Die tien gebooie van jaffels stipuleer jy mag nie jou buurvrou se jaffelpan begeer nie, ook nie leen nie. As jy ’n ou jaffelpan in ’n goeie toestand op ’n vlooimark sien, skaf dit aan. Ou jaffelpanne is gekuur deur jare se geluk gee en herinneringe van basaars, landbouskoue en gesinsvakansies, wat deur ’n magiese proses van osmose deel van die ysterpan geword het. Vermy ’n dun, blikkerige jaffelpan, en bly weg van foefies. Dis wys om meer as een pan te hê, anders moet die een wag terwyl die ander een eet. Dubbel- en trippeldoor-jaffelpanne kan ingespan word as jy honderde jaffels vir…

Sy kies hoop vir 2018, sê Martelize Brink, bekroonde RSG-omroeper en skrywer van Martelize kook! Jy’s genooi* . “Want wát is die alternatief ? As dinge verkeerd gaan, raak ek prakties. Ek dink dit kom van kleintyd. In graad sewe het ek nog rondgehardloop, in graad agt was ek in ’n rolstoel. Ek moes aanpas. Daar is net een pad en dis vorentoe. Iewers moet ons van wanhoop afstand doen om te kan lééf – al neem jy die besluit elke dag. Ek herinner myself heeltyd om nie perspektief te verloor nie. Kyk om jou, raak positief oor jou voorregte. Tel jou seëninge. “Ons het almal ons veilige kringetjie waar ons herlaai, maar ons moet ook uit ons gemaksone kom. Vra mense uit. Die Uber-bestuurder. Die…

Borsvergrotings is steeds van die gewildste prosedures met die mes. Om die borste te lig (mastopeksie) neem egter met rasse skrede toe – sowat 70% sedert 2000 , volgens die Amerikaanse vereniging vir plastiese chirurge. Dalk omdat vroue ferm, mooi gevormde borste wil hê, ja. Maar dit moet steeds natuurlik lyk , sê dr. Nerina Wilkinson, plastiese chirurg van Kaapstad. Ook met borsvergrotings is die neiging om inplantings te gebruik wat meer natuurlik (anatomies) gevorm is. Jy sit nie daarna met spanspekkies wat lyk asof dit bo-op jou borskas geplak is nie, duidelike verklikkers dis nie die natuur se gawe nie. Dit gesê, baie vroue is gelukkig met die grootte van hul borste. Hulle hou egter nie van die effek van swaartekrag nie. Borsvoeding kan ook die vel laat rek.…

1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Coverderm as ’n diens vir haar lesers aan. Coverderm voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Coverderm en hul reklamemaatskappye mag nie aan wedstryde deelneem nie. 6. Media24 en Coverderm word gevrywaar teen alle…