Innehållsförteckning för December 2015 från SARIE

Feesmooi SARIE vier Kersfees in woudgroen, warmgoud, swart-en-wit, en ’n tikkie hartsrooi. Die natuur is ons inspirasie en klassieke styl is ons stempel. Heike le Cordeur van Fleur le Cordeur in die Paarl toor met blomme, en haar fabelagtige blomskeppings, soos dié kopstuk, is ook ons inspirasie! Sien meer by www.fleurlecordeur.co.za KOOK SOOS ’N STER Haar naam is sinoniem met Hollywood se goue era. Maar sy het ook graag gekook. In Audrey at Home: Memories of My Mother’s Kitchen sê haar seun, Luca Dotti: “Sy’t gekook soos sy aangetrek het. Op stel was dit Valentino en Givenchy, maar tuis jeans en ’n T-hemp, en pasta en tamatiesous was haar ewige gunsteling.” Vir aanhangers is dié outobiografie met 50 van haar resepte, briewe, vertellinge en 250 foto’s wat nog nie gesien…

Bloedrooi lippe, rooibruin krulle en perfekte ballerina-bene (met die fynste kniekoppe!). Dit is die eerste indrukke van aktrise Jana Strydom as sy indwarrel by die besige Olympia Café & Deli in Kalkbaai naby Kaapstad, waar dit hemels ruik na koffie, spek en eiers. Sy is 40 minute laat. Haar bruin oë is groot. “Die padwerke is iets verskrikliks.” Maar jy kom gou agter die “nuwe” Jana laat haar nie sommer uit rat gooi deur wilde verkeer, onbeskofte mense of té veel werk wat in ’n té kort tydjie afgehandel moet word nie. “Die Kaap pas nou by ons behoeftes. Ons het moeg geraak vir die brutale energie van Johannesburg. Ek het sedert ons trek na Simonstad in April nie eens ’n agent gekry nie. Nou fokus ek op my gesin:…

“Dankbaarheid is ’n leefwyse, nie ’n pleister om jou beter te laat voel nie. Dis juis omdat ons dit as ‘pleister’ gebruik dat dit nie sommer werk nie. Dan dink jy jy moet meer dankbaar wees sodat jy beter kan voel. Maar jy mis die punt. “Onthou Jabes se gebed (1 Kron. 4:10) wat ’n paar jaar gelede op almal se lippe was? Net so met die fliek (en later selfhelpboek) The Secret . Mense het dit toegepas omdat hulle meer wou hê, in oorvloed wou leef. Daar is dus met ’n onderbewuste ‘gulsigheid’ gebid. Dus ’n middel tot ’n doel. Mense het dit gebruik as reddingsboei, in plaas van om dit te leef. “‘Dankbaarheid in aksie’ is om bewus te wees van dinge wat geld nie…

Hoe het jy in Suid-Afrika beland? In 1992 het my ma, Boryana, ewe dapper beter weivelde in Afrika kom soek. Sy het na Harare in Zimbabwe gevlieg en die bus na Johannesburg geneem. Nadat sy ’n jaar lank in ’n kitskos-winkel vis verkoop het in Johannesburg se middestad, het ek op twintig by haar aangesluit. Ons hoofdoel was om Engels te leer praat. Ek het grootgeword in die 1 200 jaar oue akademiese stad Ruse, bekend as klein Wene, in Bulgarye, en is in my kinderdae baie blootgestel aan die opera en teater. Die drama en skouspel daarvan het my gefassineer en ek het toe al geweet ek wou eendag klere maak. Ná sowat ’n jaar in Suid-Afrika het ek in my mooiste Engels ’n kans gewaag en vir Spero…

1 uit 4 vroue wêreldwyd kan nie lees nie. Die internasionale skoonheidshuis Dermalogica beskou die opvoeding van jong meisies as een van die doeltreffendste maniere om armoede te beveg. Daarom fokus die Dermalogica-stigting se FITEprogram (Financial Independence Through Entrepreneurship) op die ontginning van vroue en jong meisies se potensiaal. Hulle word ondersteun om hul drome te verwesenlik, onder meer deur die ontwikkeling van beroepsvaardighede en leierskap-kursusse. FITE span ook saam met die nie-regeringsorganisasie These Numbers Have Faces ( thesenumbers.org ) om uitblinker-studente in Afrika geldelik te ondersteun om verder te studeer. Daar word onder meer gekyk na jou vermoë om terug te bons ná terugslae, jou gemeenskapsbewussyn en leierskapseienskappe. En dan moet jy op jou beurt weer iets terugploeg in die gemeenskap. In 2015 het vyf en in…

Waar woon jy en waarom? In Lagos op Victoria Island. Die versekeringsmaatskappy vir wie ek werk, het sowat drie jaar gelede in Nigerië begin sake doen en het my hierheen verplaas om met die vestiging te help. Ek is ongetroud, wat die ja-sê vir dié avontuur ’n bietjie makliker gemaak het. Hoewel Abuja sedert 1991 die amptelike hoofstad van Nigerië is, is Lagos verreweg die grootste stad met die meeste ekonomiese aktiwiteite. Dis ’n kusstad in ’n moerasagtige gebied met talle strandmere, en dit bestaan uit verskeie eilande wat met brûe met mekaar en die vasteland verbind is. Daar’s baie debatte oor presies hoe groot die bevolking van Lagos is, maar die algemene siening is dat hier ongeveer 20 miljoen mense woon; dis ’n “megacity” en die grootste stad in…

JOU MOET-HÊ ITEM DEFTIGE TEEPARTY  Lyk soos ’n koninklike met ’n sonhoed by jou partytjie-rok SKEMERKELKIE  Skitter wanneer die son sak met ’n palmhandsak van glinsterstof en ander goue bykomstighede EDGARS BIED JOU ’N HEERLIKE VERSKEIDENHEID VAN PARTYTJIE-ROKKE Vir meer inligting, skakel 0860 692 of besoek www.edgars.co.za “Die perfekte skoen om enige partytjie-voorkoms af te rond is ’n sexy hoëhaksandaal met bandjies” Amaria Carstens…

Parfuummeester Alberto Morillas beskryf sy skepping onder meer as ’n goue waterval van muskus, en as ’n simfonie van Oosterse blomgeure en muskus: “Muskus is een van die geheime van Bulgari se parfuums. Net soos goud ’n basis vir ons juweliersware is, is muskus (sien kassie “Het jy geweet?”) ’n grondslag vir ons parfuums. “As die geur ’n kleur was, sou dit dié van ’n goue bal wees wat die helderheid van lig weerkaats. Soos ’n sonsondergang. Maar Goldea verteenwoordig ook die weelde en ewigheid wat goud simboliseer.” Morillas het in twee jaar 109 weergawes van hierdie parfuum geskep voordat hy by die perfekte een uitgekom het. Hy sê lemoenbloeisels is vir hom die mooiste blom, want dis vroulik en sexy. Dié eienskappe wou hy ook vir die parfuum hê,…

Sy is nie net die gesig van Dior se parfuum J’adore nie, maar sy was ook ’n ruk lank die gesig van Dior se horlosies. Nou kan jy soos Charlize Theron voel dié feestyd met die Dior VIII Montaigne, ’n horlosie van vlekvrye staal (R56 250) met diamante op die wyserplaat en ’n pruimkleurige kalfsleerbandjie. Dior-horlosies word versprei deur Architects of Time. Die Londense geurhuis Jo Malone vier die feesseisoen met ’n reeks produkte wat herinner aan die geure en kleure van ’n tradisionele Kersfees. Die kerse en sproei vir jou huis ruik na geroosterde akkers of dennebome en bloekomolie, en al die produkte, ook parfuums en lyf- en badprodukte, is beskikbaar in die mooiste groen verpakking. Jo Malone Roasted Chestnut Deluxe Scented Candle (R2 600). Besoek www.jomalone.co.za Gesigolies is…

Ham-en-kaas-broodjie  genoeg vir 6 Dis altyd ’n wenner en smaak nog beter as jy oorskietsoetmosterd het. 12 snye brood van jou keuse 100 g sagte botter 12 skywe tamatie 12 skywe beleë cheddarkaas 12 skywe gerookte ham (sowat 300 g) Smeer snye brood met botter aan een kant. Maak toebroodjies met tamatie, kaas en ham. Verhit braaipan of toeklap-broodrooster tot warm. Braai broodjies aan weerskante tot goudbruin en bros en tot kaas gesmelt is. Sit warm voor met mosterd en groenslaai. Romerige aartappelslaai  genoeg vir 6 Gebruik mayonnaise wat ekstra romerig is vir ekstra lekkerte. 45 ml olyfolie 6 skywe gerookte ham (sowat 150 g), fyngekap 700 g aartappels met skil, saggekook 1 rooi-ui, fyngekap 2 knoffelhuisies, fyngekap 6 radyse, in dun skyfies gesny SOUS 30 ml korrelmosterd 1 x…

Elke keer as ons die langpad aandurf, van ons huis in die suide van Frankryk tot by die skoonfamilie in die noordelikste uithoek van die land, besluit ons volgende keer gaan ons dit rustiger doen. Volgende keer gaan ons nie heelpad op die breë weg hou om so gou moontlik anderkant uit te kom nie. Volgende keer gaan ons afswenk na smaller kronkelpaadjies, stilhou en piekniek hou en, wie weet, dalk selfs oorslaap op skilderagtige dorpies. Al daardie plekke wat ons gewoonlik net as ’n kerktoring of ’n kasteelmuur sien verbyflits wanneer ons so verbete op die snelweg voortjaag. Dis immers die reis wat saak maak, nie die bestemming nie, of hoe? En volgende keer vind ons natuurlik weer ’n verskoning om die reis so gou moontlik agter die rug…

Die eerste ding wat Alta sien toe sy wakker word, is die Kersboom in die hoek van die sitkamer. Maar hoekom is sy in die sitkamer? Hoekom het sy nie wakker geword in haar bed nie? ’n Los kombers lê oor haar. Die TV-afstandbeheer is op haar bors en val af toe sy regop sit. Dit beland langs die bank op die mat, teen ’n leë bakkie met pofkoring-reste in. Skielik onthou sy. Sy wou nie gisteraand alleen slaapkamer toe gaan nie. Sy sou nie alleen gaan slaap in die bed wat sy nog tot so onlangs met Dewald gedeel het nie. Toe het sy ’n hartseer fliek gekyk, tot wanneer? Tot ná middernag? Sy moes so voor die TV aan die slaap geraak het, nog in dieselfde sweetpak waarin…

A @home 0860 576 576 www.home.co.za Accessorize 021 447 7718 www.accessorize.co.za Aldo 011 884 4141, 021 421 5674 www.aldoshoessa.co.za American Swiss 021 938 1943 www.americanswiss.co.za Andrea’s Topiary Creations 021 300 0943 www.topiary.co.za Architects of Time 011 669 0790 www.picotandmoss.co.za/architects-of-time C CJR Gift Sales 011 257 6000 www.cjr.co.za Country Road 0860 022 002 www.woolworths.co.za E Ebony & Ivory 021 713 2964 www.ebonyandivoryribbons.co.za Exact 0860 576 576 www.exact.co.za F Footwork 011 345 8000 Forever New 011 465 1829, 012 997 0575, 021 419 4552 G Green Cross 0860 473 369 www.green-cross.co.za Gucci 021 421 8800, 011 326 7928 www.gucci.com H H&M 021 826 7451 www.hm.com/za Hertex Fabrics 0860 437 839 www.hertex.co.za J Jeep 031 313 1400 www.jeepsa.co.za Jo Borkett 011 442 8362 www.joborkett.co.za L Loft Living 021 422 0088 www.loftliving.co.za Louis Vuitton…

3 redes waarom jy hierdie kans moet aangryp. Jou SARIEintekening beteken Jy weet jy sal nie ’n uitgawe misloop nie Jy kan kies: jy betaal maandeliks of eenmalig Dis ’n kans om jouself – of iemand vir wie jy omgee – te bederf TEKEN IN of HERNU BEPALINGS EN VOORWAARDES IS VAN TOEPASSING. *DIE AANBOD GELD NET VIR INTEKENING OP DIE GEDRUKTE SARIE EN IS GELDIG TOT 13 DESEMBER 2015 (NET IN RSA). DAAR IS GEEN AFSLAG OP POSGELD EN BTW NIE. SKAKEL 087 740 1020 E-POS sarie_inteken@media24.com EN ONS KONTAK JOU SMS SUBS SARIE na 32361 (geen leestekens) EN ONS KONTAK JOU (’n tarief van R1 per SMS geld) WWW Besoek SARIE.com vir gewone en digitale intekening…

Gertjie was ’n stil outjie. In die plaasskooltjie diep in die Karoo was hy altyd eenkant. En skaam. Gaandeweg het selfs die kinders verveeld geraak en Gertjie al hoe minder begin spot. En so het hy al hoe meer sy alleen paadjie begin loop. Alles in Gertjie se lewe het van eenkantwees gespreek. Sy ouers was heelwat ouer as sy klasmaats s’n. Hulle het aan die einde van ’n baie stil straatjie in die baie klein dorpie gebly. Die meeste van die ander kinders was plaaskinders. Koshuiskinders wat alles saam gedoen het. Die seuns het saam met hul pa’s gaan jag. Maar Gertjie was lief vir boeke. En hy het nie van bloed gehou nie. Die ander kinders het mekaar genooi na verjaardagpartytjies. Gertjie was een keer op ’n partytjie,…

Ons was dadelik verlief. Daar waar sy lewensgroot met ’n groot rooi strik om die nek in ons voorportaal staan en wag het vir SARIE se fotosessies waarin sy ’n ster sou wees. Natuurlik praat ek van ons fees-takbok, die een wat met liefde en skeppende hande uit gedroogde takke aanmekaargevleg is. Want dis Kersfees. Die geur van dennenaalde dwarrel seker reeds deur jou huis en kranse met linte hang teen jou mure en deure. Op Oukersaand en Kersdag sal jy saam met geliefdes aansit by ’n mooi tafel met kerse en blomme en feesgeregte. Of dalk lyk jou Kersfees dié jaar heel anders. Kleiner, eenvoudiger, nietradisioneel, maar nie minder spesiaal nie. Of miskien is jy êrens in die vreemde, weg van jou land en jou mense, en sal Kerstyd…

CARLIZE EARLE van George, SARIE Voorbladgesig 2015 “Binne die eerste vyf sekondes moet jy weet wát ’n foto probeer sê,” glo Carlize Earle, SARIE Voorbladgesig en eienaar van die binneversiermaatskappy Earle Design, wat sy vanjaar op George begin het. Volgens Carlize is haar grootste inspirasie haar kinders, Zack (4) en Clara (1), en haar man, Imeul (met wie sy volgende jaar tien jaar getroud sal wees). “Ek is ook mal daaroor om my kliënte se drome waar te maak. Dit is lekker om te weet mý kennis gee gestalte aan hul ‘prentjies’.” “Ek neem graag foto’s en deel dit op sosiale media soos Facebook. Veral Instagram is ’n groot gunsteling. Ook om na foto’s daarop te kyk. “Ek besit min kuns, maar baie foto’s. In mooi rame, uitgestal in die…

Sy ken nie net jou smake nie. Ook ander mense s’n. “Dit het my dadelik aan jou laat dink, toe koop ek dit vir jou,” sal sy vir iemand sê. Dis soos vroue geskenke kies, hulle weet presies wat pas by wie en wie het wat nodig. En in watter kleur. “A is mal oor blou, sy gaan van hierdie lappie hou.” (Die rym is toevallig. Wat A met die lappie gaan maak, is ’n ander saak.) “Party vroue is eenvoudig net mal oor lap. Ek weet.” Hetsy pot, pan of deksel, sy weet wat om vir almal te koop. So mal soos A oor ’n lap is, so oor-af is B op ’n mooi koppie. Sy versamel mos ou koppies en pierings. Kyk net die fyn blompatroontjie van dié…

GROEN GENE Vir Andrea Semple en haar dogter Kate was tuinwerk nog altyd een van hul gunsteling-tydverdrywe. Vandag maak hulle boonop ’n bestaan uit dié belangstelling. “Ek en my ma het deur die jare baie tyd saam in die tuin by ons huis in die Elgin-vallei in die Kaap bestee,” vertel Kate. “Ons het albei groen vingers en nadat my ma in 1997 ’n sierplant-kursus bygewoon het, het sy dit ook as ’n stokperdjie begin doen.” Op dié kursus het Andrea geleer hoe om plante te snoei om sierplante te vorm, en sy het in haar tuin begin oefen. Later het sy ook plante begin droog en skeppings vir haar huis begin maak. Van Andrea se vriendinne was so beïndruk met haar groen skeppings dat hulle bestellings begin plaas het,…

10 lekkerleesboeke IMMER WES Irma Joubert (Lapa Uitgewers, R239,99) Hierdie nuwe trilogie strek oor die twee Wêreldoorloë en eindig uiteindelik in die destydse Suidwes-Afrika (nou Namibië), via Suid-Afrika. Dié eerste boek draai om die Von Plötzke-gesin, spesifiek Hildegard, die dogter, wie se wel en wee gedurende die oorloë en daarna die kern vorm. Joubert se boeiende verhaal is stewig gerugsteun deur uitmuntende geskiedkundige navorsing. ANNA PETERS’ YEAR OF COOKING DANGEROUSLY Kathryn White (Umuzi, R200) Anna wil haar ekskêrel terugwen deur hom te oorweldig met die geregte wat sy in die kombuis optower. Die groot probleem is: Anna kan nie kook nie! ’n Heerlike verhaal, geskryf met eg Suid-Afrikaanse humor, wat fokus op verhoudings, en veral die probleme. Die resepte is verweef met die verhaal. VLAKWATER Ingrid Winterbach (Human & Rousseau,…

Het jy geweet? Tom Ford is as argitek opgelei. Voordat hy sy eie modehuis op die been gebring het, was hy byna tien jaar die kreatiewe direkteur van die Italiaanse modehuis Gucci, waar hy verkope in dié tyd van R3 miljard tot R40 miljard verhoog het. Hy was ook die regisseur van die bekroonde fliek A Single Man . AFRIKA OP JOU OË Op safari in Suid-Afrika en Botswana in 2013 het die natuurskoon die Amerikaanse grimeerkunstenaar Bobbi Brown só aangeraak dat sy spesiaal ’n grimeerreeks ontwikkel het om die inspirerende kleure van ons sonsondergange en sterrehemel vas te vang. Met dié reeks is die fokus op jou oë: ’n Rokerige voorkoms in ryk kleure, sê Bobbi. En daarmee saam net ’n tikkie glans op jou wange,…

Spyskaart Voorgereg Roosterkoek- Kersboom met kaas & konfyt Hoofgereg 8-uur-lam-rafelvleis-terrien Gerookte ham met framboos-en- mosterd-glasuursel Bykos Die nuwe beetslaai Blomkool-enpatat-Kerskrans Nagereg Dubbelsjokolade- moussekoek lets soets Kersfeesmalvalekkers Dek ’n lowergroen tafel Bord (vanaf R85) van Mervyn Gers, goudkleurige messegoed te huur by Two Birds Celebration Planning. Rangskik ’n ry klein sipres- en standaard-roosmarynbome (te kry by kwekerye) in die middel van jou tafel. Versier die bakke van die roosmarynbome met Kersballe en maak slopies van materiaal vir die bakke van die sipresbome. Koop gekleurde kardoesies en sit ’n klein geskenkie daarin op elke bord. Hang ’n pleknaam en ’n klein klokkie om die bokkie se nek (R150), Andrea’s Topiary Creations. Groen glas (R59) van @home. Maak geskenksakke van natuurlike katoen met afstrykpatrone daarop. Die patrone kos sowat R200 vir ’n pak…

Tamatie-roosterkoeke Die tamatiesous gee die deeg nie net mooi kleur nie, maar maak dit ook lekker soet. genoeg vir 12 Plaas tamatiesous, water, sout, gis, heuning of suiker en olyfolie in ’n mediumgroot mengbak en meng goed. Voeg meel geleidelik by terwyl jy met ’n houtlepel roer totdat ’n stywe, kniebare deeg vorm. Voeg ekstra meel by as deeg te klam is. Knie sowat 10 minute op ’n meelbestrooide oppervlak tot ’n gladde, elastiese deeg. Sit in ’n bak wat met olie gesmeer is en draai toe in kleefplastiek. Laat rus op ’n warm plek tot dubbel die volume, sowat 30 – 45 minute. Kry intussen die kole reg. Dit moenie te warm wees nie – jy moet jou hand…

Tammy se wenke Vind uit wat die bestanddele is in parfuums wat jy geniet, sodat jy ander produkte met dié bestanddele kan uitsoek. Moenie parfuum dra wat langer as agt uur aan jou en jou klere vasklou nie. Dis dan té sterk vir jou vel en skep die indruk dat jy te hard probeer. Eksperimenteer ’n bietjie met geure wat jy nog nooit gedra het nie. Dra verskillende parfuums by verskillende geleenthede. ’n Swaar aand-geur is byvoorbeeld te oorweldigend vir ’n besigheidsafspraak. Wat is die geure van jou kinderdae? Dalk is dit die aroma van kaneel en gekneusde naeltjies in jou ouma se huis, of die reuk van jou skoolboeke wanneer jy dit uit jou tas gehaal het, of van somerdonderstorms wat in die lug hang. Reuke is met ons…

Ek kan sien daai sak is stowwerig. Dit word versigtig van die hoogste kas in die huis afgehaal. Nog voor dit die grond raak, duik ek in. Van ’n goeie afstand om meer spoed op te bou. Maar glyend tussen blink balletjies word ek opgeraap. En kry raas. “A-tiesjoe!” nies ek terwyl my boudjies balkon toe wikkel. Dis time out. ’n Gekap dwing my om om te kyk. Hulle spyker ’n krans teen die voordeur vas. ’n Verlore wolk druk sy lyf in voor die son. Die son gee nie om nie. Die volgende dag sleep ouma Dusty ’n vars groen denneboom by die voordeur in. So, terloops, dis die kleinkind wat haar ouma Dusty noem. Nie omdat sy oud en grys is nie. Mmm ... dalk ’n bietjie oud,…

Wen ’n diamantring (bl. 136) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryde namens NWJ as ’n diens vir haar lesers aan. NWJ voorsien en is verantwoordelik vir die pryse. 5. Werknemers en hul gesinne van Media24 (SARIE se moedermaatskappy), NWJ en hul reklamemaatskappye mag nie aan die wedstryde deelneem nie. 6. Media24 en NWJ word gevrywaar teen alle eise en/of laste wat ’n wenner kan hê weens skade/beserings vanweë sy/haar deelname…

Draai blik weg van onsself Gideon Joubert, ontslape skrywer/joernalis, het in Die groot gedagte geskryf dit voel vir elkeen van ons of ons planeet die middelpunt van die groot heelal is. Dis soos ’n groot ballon met ’n klomp kolletjies op. As iemand op een van die kolletjies sou staan, sou dit vir hom lyk of hy die middelpunt van alles is terwyl die ganse kosmos om hom uitdy. Elke persoon op elke ander kolletjie sou presies dieselfde dink. In die kleine werk dit ook so: Elkeen van ons voel of óns die middelpunt is van alles wat rondom ons afspeel. Dis dié dat ons soggens behoort te bid: “Here, bewaar my van my ekkerigheid.” Hieraan dink ek toe Michélle van Breda die nuwe motto van SARIE op die kykNET-program…

Met ouderdom kom skete en pyne wat weier om weer te verdwyn. Daar kom gemoedsrus en twyfel in ewe sterk dosisse. Wysheid en helderheid kompeteer met simpelheid en hardkoppigheid. Krag en trots word afgewissel met breekbaarheid en vrees. Dit alles weet ek, dit alles het reeds begin. Maar die ergste, my grootste vrees, dit wat ek nog nooit verwoord het nie, dit is nou hier. So vermoed ek. Daar is miljoene mense wat hou van ’n stil verjaardag, selfs ’n geheime een, een wat geïgnoreer word. So ook is daar die hordes wat hou van ’n gedweë, ingetoë Kersfees. Daar verskyn nie rêrig versierings of ’n boom nie, dalk ’n kers en ’n Kerskaart of twee. Daar word nie rêrig beplan aan ’n spyskaart of ’n spesiale uitrusting nie, dalk…

Jy is in elke tweede fliek. Nee, ek wys baie rolle van die hand. En is dalk net in meer prominente films. Ek is dankbaar vir die goeie rolle wat ek kry. Dis belangrik dat ek die regte goed kies, ek wil nie tyd mors nie. En ja, ek het nog nooit vir harde werk geskrik nie. Vroeër vanjaar het ek aan twee rolprente gelyk gewerk – sewe dae van die week: Dis koue kos, skat en Shepherds and Butchers [albei in 2016 uitgereik]. By die KKNK was ek vanjaar in sewe dae in veertien verhoogstukke. Waar kry jy die energie? Dis belangrik om fiks te bly, ek gaan gim toe en ry fiets. Ek het die Argus al tien keer gery. En weet wanneer om myself af te sluit…

’n Bos donker hare, sielvolle bruin oë, fyn beenstruktuur. Vrolike, bont jassie en sorgelose lag wat sê: Dis lente in die Kaap, ek’s jonk en het boonop die wêreld hier, in die holte van my hand. Jaimé-Lee Jacobs is ambisieus, dis nie altemit nie. ’n “Aanhouer-go-getter”, is hoe sy haarself beskryf. “Ek het nie gedink ek sal deur universiteit kom nie; nog minder geglo ek sal ooit ’n prokureur wees. Maar weet jy, ek het dit gedoen. En dis die belangrikste ding. Jou belangrikste beperking is binne jouself.” Inderdaad. Sy het verlede jaar ’n regsgraad aan die Universiteit van Wes-Kaapland behaal, met die geldelike ondersteuning van Dermalogica se FITE-projek, via die organisasie These Numbers Have Faces (sien kassie). En het vanjaar as prokureursklerk by ’n regsfirma in Kaapstad begin werk.…

SARIE bied spesiaal vir lesers ’n eksklusiewe vertoning van die nuwe romantiese film Vir Altyd aan! En jy kan deel wees van die glans. Koop nóú jou kaartjie en kyk op vlug SARIE3101 saam met Donnalee en Ivan, wat albei daar sal wees, na Vir Altyd in eersteklas-styl . . . Datum: Sondag, 31 Januarie 2016, 18:00 Drag: Eersteklas-glans Waar: Atterbury-teater, Lynnwood Bridge, Pretoria Prys: R150 (sluit eersteklas-bederf in) Koop kaartjies by Computicket…

BROOS IN WIT Wees sensasioneel by ’n skemerkelkie in ’n kantbloes. Kantbloes (R750), Queenspark. Bonkige goue ringe (R549 vir stel van 3), Country Road. GROOTTES Bloes: 8 – 18 VAN CHIFFON TOT DENIM Speel met verskillende teksture vir ’n interessante, stylvolle voorkoms. Lang chiffontop (R699), Forever New. Wit reguitpypjeans (R674,95), JEEP. Wit knooptrui van mengelstof (R1 999,95), Oscar B versprei deur Slimsuit Distributors. Goue blokhakskoene van leer (R799), Aldo. GROOTTES Top: XS – XL Jeans: 34 – 40 Trui: 32 – 46 VRY EN SPEELS Geniet ’n piekniek in ’n gemaklike volromp van net-maasstof. Kort V-nek-top van rekstof (R549,95), Jorge by South to South. Wit volromp van net-maasstof (R259), Rage. Koper punt-insteekskoene van kuns-blinkleer (R799,95), Ted Baker by Stuttafords. Witen-goud armband van metaal en kunsleer (R549), Country Road. GROOTTES Top:…

Die parfuum Thierry Mugler Alien (Eau de Parfum) Die inspirasie “Toe ek Alien geskep het, het ek gedroom van ’n geur wat die glansrykheid en prag van elke vrou sal onthul. Alien is die essensie van vroulikheid.” – Franse ontwerper Thierry Mugler Die verleidelike geur Amber en kasjmier-hout vorm die basis, maar dit is Sambac-jasmyn wat die aandag trek. Ametis was die inspirasie vir die bottel. Probeer Daar is nog 3 weergawes – Eau de Toilette, Essence Absolue en Eau Extraordinaire – tog bly die oorspronklike Alien (R1 050 vir 60 ml hervulbare EDP, foto) ons gunsteling! Die parfuum Viktor&Rolf Flowerbomb (Eau de Parfum) Die inspirasie “ ’n Oorvloed blomme as ’n wapen om die wêreld te bombardeer met skoonheid en fantasie . . .” – Nederlandse ontwerpers Viktor Horsting…

Varkvleis gerooster met nartjie Rooster varklies ( pork belly ) stadig in die oond en glasuur dit dan soos vir Kersfees-ham. Heerlik! genoeg vir 6 GLASUURSEL Verhit oond tot 160 °C. Plaas uie, knoffel, salie, aftreksel en appelbier in oondroosterbak. Plaas varklies ook in bak. Sprinkel vinkelsade oor en geur goed met sout en peper. Plaas oop in oond en bak vir 2½ uur. Hou heeltyd die vloeistof in die pan dop en as dit minder raak, voeg nog aftreksel of bier by. Terwyl varklies bak, plaas al die bestanddele vir die glasuursel, behalwe die nartjiesegmente, in ’n middelslagpot en bring tot kookpunt. Laat prut vir 1 minuut en verwyder van hitte. Haal varklies uit…

5 gelukkige SARIElesers kan elk Die huis van rye deur Nataniël (Human & Rousseau, R300) wen. Dit bevat meer as 100 resepte vir handhappies en ontbyt tot heerlike gebak en nageregte. Met uiteenlopende en buitengewone geregte soos chorisobrood, biltong-enaarbeislaai, Frans-Italiaans-Meksikaans-Pretoria-panbredie en sprinkaankoek is dit ’n pragboek vol verrassings. Die besonderse ontwerp is in Nataniël se unieke styl, en weerspieël sy passie vir simmetrie, skoonheid – en, ja, rye . . . Nog 5 gelukkige lesers kan elk die boek ’n Ander vrou se rok deur Kristel Loots (Tafelberg, R195) wen. Zia is nie ’n natuurlike blondine nie, maar sy doen haar bes om funky te lyk met tweedehandse ontwerpersklere wat sy by liefdadigheidswinkels koop. Karel is haar kêrel. Maar net op mooiweersdae.…