Innehållsförteckning för November 2015 från SARIE

Waag met rooi! Drama. Aksie. Rooi. Dit gaan als oor houding, sê Estée Lauder se parfumeur, Karyn Khoury, oor die skoonheidshuis se opwindende nuwe parfuum, Modern Muse Le Rouge. Kontrasterende geursamestellings – een ryk met Bulgaarse roos en framboos; die ander romerig met Madagaskar-vanielje, jasmyn en magnolia – skep ’n vrugtigblommerige Oosterse geur. “Dis ’n parfuum vir die vrou wat gesien wil word en elke bestanddeel is gekies om dít te weerspieël. Sy’s magneties, ’n inspirasie vir ander, juis omdat sy waag . . .” *Sien ook bl. 86 DIGITALE KUNS Stoffeermateriaal + digitale drukwerk = ’n ontploffing van kreatiewe idees! Hertex se Digiflorareeks word gekenmerk deur vars, sterk ontwerpe in skakerings en patrone wat eers onmoontlik was. Helder motiewe van tropies en geblom tot geverf en abstrak maak…

T eater is vir Tinarie van Wyk-Loots soos ’n mooi blom: “Die verganklikheid, soos met blomme, is die wonder daarvan. Elke aand word dieselfde storie vertel, maar dit klink ‘anders’. Die persoonlike verhouding met die gehoor is kosbaar en laat my nuwe dinge in myself en die teks ontdek.” Dié bekroonde aktrise woon deesdae op Riebeek-Kasteel met haar katte Ethel, Evette, Snoop en Mia. Tinarie meen jy kan eers werklik goed toneelspeel wanneer jy weerloos is. “Akteurs is storievertellers. ’n Kanaal waardeur die regisseur die storie stuur. Jy moet probeer om gestroop van jou ego te wees om die storie te laat praat.” En voeg dan by: “Die moderne samelewing raak al hoe banger om hul weerloosheid te wys.” Maar op die verhoog kan jy nie wegkruip nie. “Dáárdie intense…

Grahamstad, Maandag 18-11-63 My liefling, my Kokon, Ek moes al geskryf het, en ek wou en tog was alles nog eintlik onsegbaar, té tenger om met woorde aan te raak. Veral omdat die terugkom hier so ’n terugtuimel was in banale realiteite van eksamenskrifte nasien, opgehoopte werk organiseer en – swaar – leer aanpas by ’n lewe-sonderkommunikasie. Liefling, van ons laaste, amper surrealistiese, nag is alles eintlik ’n eienaardige, ongeloofbare en vaag skrikwekkende dwarreling. Was dit ons wat daarin betrokke was? Het ons dit gesê? Waar – en hoekom het alles dan skielik op ons afgekom? En tog as ek die week in ’n geheel sien, dan bly dit een van openbaring; dan het ons deur en ten spyte van al die opwellings op ’n dieper manier by mekaar uitgekom…

Die Beatles Paul McCartney en John Lennon het mekaar met hul eerste ontmoeting “soos katte gesirkel”, sou ’n lid van John se orkes die chemie tussen hulle later beskryf. Facebook se uitvoerende hoof, Mark Zuckerberg, en Sheryl Sandberg, die bedryfshoof, het op ’n Kerspartytjie ’n uur lank gesels – sommer net daar in die voorportaal. Die energie wat sulke pare se samewerking opwek, kan ’n huis verlig, skryf Joshua Wolf Shenk in Powers of Two: Finding the Essence of Innovation in Creative Pairs (Houghton Mifflin Harcourt, 2014). Ons romantiseer die kreatiewe krag van die alleenloper. Van die wetenskaplike wat stoksielalleen deurnag in ’n laboratorium werk, tot die afgesonderde skrywer wat in sy eie êreld lewe. Maar dis kreatiewe pare, eerder as die individu, wat vir die verbeeldingrykste werk in die…

Waar woon jy en waarom? Ek’s oorspronklik van Klerksdorp in Noordwes, hoewel ek Glentana, naby George in die Suid-Kaap, as my tuisdorp beskou. Nou woon ek op die dorpie Tangmere, wat val onder Chichester, Wes-Sussex, in die suide van Engeland. Van hier duur dit ’n uur en ’n half per trein om na Londen te reis. Dis ook naby Brighton, Portsmouth en Southampton, wat dit gerieflik maak om die Engelse kanaal te kruis vir reis na Frankryk en die res van Europa. Hoewel Chichester as ’n stad geklassifiseer word, is dit eintlik maar in die platteland. Ek voel geseënd om hier in my eie Engelse huisie te woon met ’n pers wisteria wat oor die voordeur kronkel en ’n kothuistuin vol outydse Engelse rose met hul ryk geur. In die…

Inspireer met Rooi lippe Volmaak vir die sterk, selfversekerde vrou. Probeer Estée Lauder Pure Color Envy Sculpting Lipstick in Envious. Sien bl. 86. Moderne katoogsonbril met rooi raam (R5 300), Balenciaga by SDM Eyewear. Maasstofeenstuk met kralewerk (R3 800), KLûK CGDT. GROOTTES Eenstuk: 32 Inspireer met ’n Modieuse  eenstuk (regs) Dié mode-item van bekendes! Rond af met iets Oosters soos ’n kimono. Rooi eenstuk (R579), Forever 21. Formele oorgroot kimono in rooi-en-goud (R5 000), Habits. Rooi hoëhakskoene van kunssuède (R550), Inwear by TRUWORTHS. GROOTTES Eenstuk: XS – L Kimono: Een grootte pas almal Inspireer met ’n Sexy broekpak Steel by die manne. Maak seker dat jou broek en baadjie uitstekend pas. Rooi snyersbaadjie (R2 499,95) en bypassende broek (R1 299,95), Pringle by Stuttafords. GROOTTES Baadjie: XXS – XXL Langbroek: XXS…

Gehalte is altyd ’n belegging. Die 18 kar.-witgoud-horlosie (prys op aanvraag) met diamante en bandjie van wynrooi krokodilleer sal vir seker die koppe laat draai, maar wat die Chopardhorlosie nog meer spesiaal maak, is die vyf los diamante wat oor die wyserplaat rondbeweeg. Jou oomblik van welvaart. Dra die 18 kar.-wit-enroosgoud-ring met rooi toermalynsteen en diamante as gelukbringer vir dapperheid, beskerming en rykdom. Ring (prys op aanvraag), Van Deijl. Vier aktiewe bestanddele in ’n reeks produkte van die Duitse velsorghuis Babor help om jou vel jeugdiger te laat lyk. Die 4 produkte in hul Reversive-reeks – ’n serum, ’n ligte én ryker vogroom en oogroom – werk saam om die lewensiklus van jou selle te verleng sodat jy vir langer jonger lyk, die beskadiging van kollageen te voorkom vir ’n…

Mediese voetkuur Soms het jou voete net ’n bietjie ekstra hulp nodig. ’n Mediese voetbehandeling is wonderlik om harde, gebarste hakke en growwe dele op jou voete te versag en te verwyder. Die DMK MediPedi No Paint-behandeling (R320, by Sorbet-salonne landwyd) is doeltreffend én bekostigbaar. Die terapeut gebruik ’n spesiale afskilferingsroom met bestanddele wat die harde dele van jou hakke en voetsole diep binnedring om enige dooie selle op te los en die vel te versag. Ná die room verwyder is, word twee tipes olie in jou voete masseer om dit te voed en te bevog. Die terapeut smeer dan ’n dik vogroom, ryk aan vitamiene en minerale, aan jou voete en seël dit vir sowat tien minute met kleefplastiek sodat die room goed absorbeer om te keer dat enige…

RIG NOG ’N VERTREK IN Tanya Mans, ’n van The Workshop op Knysna, stoep ekstra diep gebou sodat haar meubels teen die elemente beskerm is. Hier het sy nog ’n sitkamer ingerig, kompleet met ’n ou koperbed waar jy ’n middagslapie in die buitelug kan geniet. Die koffietafel se blad het sy met swartbordverf geverf. As daar kinders (of grootmense) kom kuier, kan hulle na hartelus daarop teken. Afvallappe en mooi vadoeke (voor regs en die geel kussing heel agter) is gebruik om kussings te maak. Die ou olieverfskildery het sy êrens uitgesnuffel en dit het ’n ereplek op die stoep. Daar is ook genoeg hake (regs van bed) om swemhanddoeke op te hang. SKEP ’N VERTIKALE TUIN Versag die voorkoms van ’n kaal muur met ’n vertikale tuin. Dié…

Feta-en-spinasie-hoenderrol genoeg vir 4 Sit voor saam met slaai. 1 ontbeende hoender (vra jou slagter om dit te doen) sout en varsgemaalde swartpeper 4 feta-wiele 200 g-sak spinasie 250 ml rooiwyn 500 ml hoenderaftreksel 1 hand vol tiemie Verhit oond tot 180 °C. Plaas hoender velkant onder op ’n houtbord en geur goed met sout en peper. Breek feta in groot stukke en pak in lang ry in middel van hoender. Gooi kookwater oor spinasie en dreineer. Druk ekstra water uit. Pak dit bo-op feta. Rol hoender van die kant af op in ’n lang wors en bind vas met kombuistou. Plaas in oondvaste pot met ’n deksel. Gooi wyn en aftreksel oor. Sprinkel tiemie oor en maak pot toe. Plaas in oond en rooster vir 40 minute. Rooster verder…

’N GOEIE BEGIN IS HALF GEWIN … en watter beter begin is daar vir jou dag as goeie geselskap en jou gunsteling-ontbyt? Koffie, ’n smoothie, graankos, pannekoek, vars gebak – wat ook al jou mond laat water, jy kan Almond Breeze-amandelmelk gebruik. Verwelkom dit soos ’n vars bries in jou lewe en kry maklike resepte by www.almondbreeze.co.za Almond Breeze is ’n heerlike alternatief vir melk en het boonop die talle gesondheidsvoordele van amandel, ’n natuurlike superkos. Die twee soorte, Original en Unsweetened, is geskik vir mense wat allergies vir suiwel of gluten is of ’n veganistiese dieet volg. Vir meer oor Almond Breeze, besoek www.almondbreeze.co.za, volg hulle op Twitter by @AlmondBreezeSA of Facebook by AlmondBreezeSouthAfrica…

Sy nuwe boek, Bambaduze*, het in Maart verskyn en gaan oor ’n skoolseun wie se ouer broer selfdood pleeg. Soos al Derick van der Walt se boeke, is sy jongste een goed nagevors, en skryf hy asof hy self in die skoene van so ’n tienerkind staan. Hy is immers die bekroonde jeugliteratuur-skrywer wat onder meer Lien se lankstaanskoene neergepen het. Maar dié keer was die storie vir Derick besonder persoonlik, want kort nadat hy die idee gekry het vir die boek, het sy suster Súnel selfdood gepleeg. Hy onthou nog soos gister toe hy die oproep gekry het, een Maandagoggend in Julie 2013. Toe hy die nommer as dié van sy susterskind, Naudé (toe 16), herken, het hy dadelik onraad vermoed. Hy moes die slegste nuus van sy lewe…

Marietjie het nie besef sy is so honger nie. Dit moet die vars lug wees, en dis ook al laat in die middag, maar daardie reuk van vis wat braai sal enigiemand se mond laat water! Dis laaggety en die groep het die boot verlaat. Île aux Aigrettes is die plek se naam as sy dit reg onthou, ’n klein eiland in een van die lagunes. Die ses van hulle wat saam op die vliegtuig was, sit met hulle voete in die sand en Sylvan sorg dat die vis gaar kom. Die vuurtjie het vinnig gees gevang en dit behoort nie so lank te wees voor hulle eet nie. As dit net nie vir die ongemak was nie. Sy kan skaars beweeg, so gevoelig is haar bene en veral haar…

Vriende het ons vertel dat sy mense hom nie meer kon versorg nie. Ek het lank gedink. Miskien moes ek gaan kyk. Toe ek hom sien, was ek effens teleurgesteld. Dit was duidelik dat daar vir ’n paar jaar nie aandag aan hom gegee is nie. Maar my seun was oortuig: hy is vir ons bedoel. En so het ons ons eerste en enigste bootjie gekoop by ’n ou oom wat nie meer die viswaters kon aandurf nie. Die rooi verf was nie meer heeltemal so rooi nie en die enjin effe rokerig. Die stokke en katrolle wat saam met die bootjie gekom het, was van ’n vorige generasie. Die soort waarvan ek as klein seuntjie gedroom het. My hart het uitgegaan na die ou oom toe ons wegry met…

’n Blóú blou wat sommer met die eerste kykslag respek afdwing. ’n Diep see-blou. Dis dié skakering vir 2016, voorspel die kleurkenners. Die prentjie klop, so saam met die Olimpiese Spele volgende jaar in Rio de Janeiro. Die karnavalstad wat juis teenaan ’n oseaan lê en beeldskoon weef om bekende strande – Copacabana, Ipanema, Leblon. Die stad met woema waar Chad le Clos en Cameron van der Burgh en Roland Schoeman hopelik ’n barshou vir SA sal swem en ’n nasie sal trots maak. Betroubare blou, die see, die Olimpiese Spele. Als pas netjies, nè? Mooi in ’n boksie. Hoe spontaan doen ons dít nie? Ons plaas graag mense en dinge in kassies. Ons orden uit tweede natuur: gewoon, ongewoon; lank, kort; reg, verkeerd; lekker, sleg; in, uit; wit, swart.…

Toe ek ’n kind was, was daar ’n liedjie waaroor ons almal mal was, ons het daarna geluister en dit ook gesing. Die woorde: Hondjies is hondjies wat net aanhou blaf, aanhou blaf, aanhou blaf . . . Dié liedjie was vrolik en het ’n oulike wysie gehad. Ek sou nooit weet dat dit ’n voorspelling was van die hel wat op my wag nie. Jare later sou ek as jong volwassene vir die eerste keer alleen in ’n huis woon, nie ’n woonstel nie, ’n regte huis met ’n voortuin en ’n agterplaas met ’n vrugteboord. En bure. Dié bure was geheimsinnig en eenkant. En daar was allerhande stories oor ’n verneukspul, depressie en drank. Wanneer ’n mens jonk is, bou jy aan jou loopbaan, maak nuwe vriende, leer…

Supersjiek en slank sit sy voor my en drink fyntjies haar koppie rooibostee met suurlemoen. Penelope Jane Dunlop, beter bekend as PJ Powers, die bekroonde rockster van die jare tagtig, tóé met big hair, uitgewaste denims en pikswart oogomlyner, lyk nou eerder asof sy in ’n modetydskrif hoort. Met haar funky blonde haarstyl, swart mini en kouse, groen snyersbaadjie, parmantige rooi tekkies en keurige Afrika-bykomstighede laat sy ’n paar koppe in die koffieplek in Melville draai. Haar oë blink, sy praat rustig en beskryf haarself as ’n oorwinnaar. “Weens my drankverslawing het ek voor my ommeswaai alles verloor: my romantiese verhouding, vriende, huis, motor, werk – maar ek het intussen soveel bygekry.” Sy is nou al ses jaar “skoon”. Op 9 Januarie 2009 het sy haar laaste drankie gedrink. “Moenie…

Castella Saterdagaand 23 Nov. ’63 My liefste André ’n Mal dag gister mal vandag, sand son see, en ek en Simone heerlik verbrand; ek het haar nou net in haar bedjie geval. Liefste man, eerstens, geluk en weereens geluk met Die ambassadeur, wat toe eers vandag verskyn het; en waarvoor jy al die pad P.E. toe moes ry; en nou hou jy partytjie; wie almal is daar? Aangesien Guy [Butler] in die Kaap is, hy nié, maar Rob [Antonissen]- hulle en Freda [Frieda la Grange] . . . ek hoop jy het my telegram gister gekry; die stofomslag het ek nog nie gesien nie – definitief Maandag; wanneer ons verlore pakkie seker ook sal kom. W.E.G. Louw se resensie is natuurlik báie gunstig; maar as resensie nie hélder en goed…

Jy het maatskaplike werk studeer, maar op die verhoog beland . . . Toneelspeel was altyd ’n passie. Maar ’n bruin vrou in die jare sewentig met ’n dramagraad? Onderwys, verpleeg, maatskaplike werk was mos praktiese keuses. Ek het altyd by die destydse Space-teater in Langstraat rondgehang en al die opvoerings gesien. Maar Tennessee Williams se The Glass Menagerie (met Yvonne Bryceland, Wilson Dunster, Bill Flynn en Hilary Gasson) was ’n beslissende oomblik. Ek het net daar gesit en huil – en geweet dís wat ek móét doen. As verhoogbestuurder by die einste teater het jy alles gedoen: vloere gevee, kostuums gewas. Het dit jou as aktrise meer diepte gegee? Ek het geleer om mense fyn dop te hou. Dat die lewe nie swart of wit is nie, niemand is…

Epic Land AMY SCHOEMAN (PROTEA BOEKHUIS, R495) 35 jaar – dis hoe lank dit Amy Schoeman geneem het om die foto’s vir dié pragboek bymekaar te maak. Saamgestel uit sewe portefeuljes van haar fotografiese werk, reflekteer dit die skoonheid, misterie en diversiteit wat te vinde is in die Namibiese landskap. Meesterlike gebruik van kleur, treffende komposisies en verrassende invalshoeke laat jou keer op keer deur die boek blaai om net weer te kyk na die foto’s. Schoeman is onteenseglik deel van die geskiedenis van Namibië en die dokumentering van dié land in haar unieke visuele taal. Hierdie boek is suiwer inspirasie. Phyllis Green Besoek SARIE.com vir ’n keuse van reisboeke SO SÊ HULLE OP SARIE.COM Schalk Schoombie oor sy debuutroman, Boomkastele: ’n Sprokie vir ’n stadsmens…

Na ’n kunsgalery Kom in die stemming met ’n kunswerk aan jou ore deur die plaaslike ontwerper Pichulik. Blou tou-oorbelle versier met swart kristalle en goue en swart gare (R750), Pichulik Drankies ná werk Dié gemaklike hakskoen is perfek vir heeldag op kantoor en daarna ’n aandjie uit. Swart leerhakskoene (R999), Green Cross Middagete met vriende Voeg vir ’n prettiger voorkoms geometriese patrone by jou uitrusting. Skouersak (R2 399), Fossil versprei deur S. Keren Watch Group Vir ’n troue Interessante hakskoene gee vinnig glans aan dié klassieke rok vir ’n meer moderne voorkoms. Slangvelmotief-hakskoene van leer (R1 495), Tosoni by Spitz Piekniek Dra ’n hoed vir beskerming teen die son as jy weet jy gaan lank buite wees. Oorgroot hoed (R140), EXACT Op kantoor Wees betyds vir elke afspraak met…

Skep ’n beskutte area op jou stoep of patio met rolblindings vir buite. Die nuwe reeks van Decorland, eksklusief by Gamewinkels, is van materiaal wat water-, muf- en sonbestand is. Dis te kry in twee neutrale kleure. Die blindings is maklik om self te installeer en ’n blinding van 1 200 x 2 500 mm kos sowat R999. Nou te koop! SARIE WOON is vanaf 9 November weer op straat met hope nuwe inspirasie – hierdie keer uit die Suid-Kaap. Prys: R45 SIEN KOOPGIDS OP BL. 152…

NET 4 BESTANDDELE Dié brownie-resep het ek die eerste keer op Twitter gedeel, so kort is dit! Verhit oond tot 180 °C. Meng 600 g (500 ml) sjokoladesmeer (Nutella), 4 eiers en 120 g (215 ml) koekmeel tot gladde mengsel. Voer ’n losboomkoekpan van 12 x 30 cm uit met bakpapier en spuit met kleefwerende kossproei. Gooi mengsel in pan en sprinkel 125 g frambose oor. Bak 25 – 30 minute of tot gestol. Laat afkoel en haal uit pan. Sny in skywe en sit voor. 1ste prys Goud is hoogmode – ook in die kombuis! Dié goue toestel vir meng, klits en knie is pas in SA bekend gestel. Van KitchenAid, sowat R7 990 landwyd. Dié topgehalteproduk kan ’n erfstuk word! GLUTENVRYE MEEL Al ooit…

My Franse skoonpa is onlangs oorlede. Victor was ’n eenvoudige man, seun van landbouers en mynwerkers op die noordelike grens van Frankryk, ’n arm streek wat swaar getref is deur albei wêreldoorloë van die laaste eeu. Hy was ’n ware werkersklasheld wat dikwels dwarsdeur die nag geswoeg en gesweet het om agt kinders ordentlik groot te maak. Tog was hy allermins somber en swyend. Hy het graag gesels en grappe vertel, lekker geëet en gelag en gedans, en selfs teen die einde toe hy al maande lank bedlêend was, kon die lyding nie die ondeunde vonkel in sy blou oë uitvee nie. Hy was die outydse soort pa wat nooit vir sy kinders sou vertel hy’s lief vir hulle nie, maar hy het sy liefde op vele maniere bewys. Hy…

Nagenoeg 70% van mense wat selfdood pleeg, het die volgende simptome gehad. Hul naastes kon dit ook dikwels vooraf raaksien, maar het dalk eers ná die tyd die konneksie gemaak: ’n Aanhoudende gevoel van angstigheid, leegheid of hartseerGevoelens van skuld, hulpeloosheid en hopeloosheidStel nie belang in stokperdjies en aktiwiteite wat tevore lekker was nieWord soggens vroeg wakker of slaap te veelGewigsverlies of -toename weens ’n verandering in eetlusMinder energie of gedurige moegheidGedagtes oor die dood of selfdood, of selfs selfdoodpogingsRusteloosheid, prikkelbaarheid of woedeProbleme met konsentrasie, geheue en besluitnemingFisieke simptome soos hoof-, maag-, rug- of borspyn, wat nie reageerop behandeling nie BRON: SA Depressie-en-Angsgroep ( www.sadag.org )…

Op die etiket van baie kommersiële kosprodukte staan “glutenvry”, maar van hulle is nie werklik glutenvry nie. Dis hoekom dit belangrik is dat jy etikette deeglik lees. Onthou ook dat “koringvry” nie noodwendig “glutenvry” beteken nie. “Wees byvoorbeeld bedag op meel-bymiddels in souse en verdikmiddels, en raadpleeg ’n vervaardiger as jy nie seker is van die inhoud van ’n produk nie,” is die raad van Minnie Kaplan, stigter van die Seliakie-vereniging van Suid-Afrika en self ’n lyer van die siekte. “Ek is 90 jaar oud en baie gesond.” Dis maklik om glutenvry te leef, sê sy, veral met die oorvloed produkte op die mark.…

5 gelukkige SARIE-lesers kan elk Ena Murray se omnibus Keur 7 (Jasmyn, sowat R220) wen. In “As die lied verstil” verlaat Chrissie Erasmus haar ouma se huisie in Dennedal en word Christine van Johannesburg. Maar sal Chrissie terugvlug na die rustige vallei van Dennedal wanneer die hoë hoogtes van die vermaaklikheidswêreld vir haar te veel word? In “Die despoot van Duiwelskloof” ontvlug Marina Minnaar haar ongelukkige verlede as mannekyn deur vir die broers Michael en Johan de Beer te gaan huisbou. Michael is ’n moeilike man, maar sy broer, vasgekluister aan ’n rolstoel, word Marina se bondgenoot en vertroueling. In “Regters oor gister” het Fred en Anita Preller twintig jaar tevore ’n verkeerde besluit omtrent hul dogter, Mignon, en haar tweelingbroer, Steve, geneem – ’n fout…

Kyk met nuwe oë na veldwagters Maart 2013 arriveer ek opgewonde in Skukuza waar my man toe pas aangestel is as bevelvoerder van Spesiale Projekte in die Kruger Nasionale Park. Sy taak: om die renosterstropery in die onder beheer te . Jy begin besef dis ’n byna bomenslike taak. Een dag het jy groot sukses, net om die volgende dag weer renosters te vind wat wreed vir hul horings doodgemaak is. Baba-renostertjies word in ’n renosterweeshuis geplaas. Die veldwagters word skielik soldate in ’n oorlogsituasie. Gesinne leef in onsekerheid omdat hulle nie weet of hul mans of vroue lewend gaan terugkom ná konflik met gewapende stropers nie. Laat ons nooit ophou om vir hierdie mense te bid nie. Besoekers aan die park, kyk tog met nuwe oë na veldwagters. Hulle…

SY IS OPGERUIMD, TOEGEWYD EN HET WONDERLIKE TALENTSandra oor Tinarie  ’n Paar jaar gelede vra dramaturg Hennie van SY IS ’N ONGELOOFLIK VRYGEWIGE AKTRISE ÉN MENSTinarie oor Sandra Greunen my om met die kostuums vir drie van sy produksies te help – twee dramas en een tienermusiekblyspel. Met die aanpassery is een van die tieners minder as vriendelik met my. “Die broek is te klein,” sê sy kortaf. “Jy gaan ’n groter een moet kry.” ’n Paar dae later pas ons die kostuums vir die toneelstuk Janneman. Sandra Prinsloo, wat een van die drie rolle daarin gespeel het, stap na my toe. “Ek weet ek het gevra vir ’n nommer 6-skoen, maar wil jy nie asseblief kyk of jy vir my ’n nommer 5 kan kry nie? Jammer vir die…

Sy kondig met groot stelligheid aan: “Ek het vir jou ’n merkie gemaak.” Terwyl jy sit, kyk jy haar, uiteraard, vraend aan. Vroue praat partykeer so: Hulle sê goed wat g’n man verstaan nie. Dalk is dit omdat hulle meer praat en vinniger dink as mans. Hulle spring as ’t ware oor hul eie gedagtes. “Stadiger,” sê jy. “Waarvan praat jy?” “Die muur?” verduidelik sy. “Gaatjie? Met ’n skroefie? Vir die skildery wat ek wil ophang?” O, nou verstaan jy. “Wat ek al vir weke vra jy moet doen?” gaan sy voort. “Weke? Ek het ’n merkie gemaak waar jy die gaatjie moet boor.” (Sy vergeet dit het haar ook weke gevat om die merkie te maak ...) Maar nee, niks kom mos ooit gedoen in hierdie huis nie. Jy…

Julle is jare lank getroud, maar jy weet nie wat jou maat se gunstelingvakansieplek, -geur of -eetding is nie. Ontspan. Volgens Marlize Heppell, kliniese sielkundige van Klerksdorp in Noordwes, dui dit nie op ’n swak verhouding nie. Ook nie dat jul verhouding in die moeilikheid is nie. Dis baie belangriker dat julle oor kernwaardes soos geloof, respek en eerlikheid saamstem. Moet dus nie slaap verloor as jy nie seker is of jou geliefde eerder op Mauritius of op Hermanus vakansie wil hou nie. Maar as jy wonder of hy/sy jou gaan verneuk, wag daar dalk in die toekoms probleme vir julle, sê sy. Ons het vier pare getoets. Hoe sou jy en jou ander helfte gevaar het? JOHRNÉ VAN HUYSSTEEN is bekend as aanbieder van die radiostasie GROOTfm se ontbytprogram…

Sy begin ’n trend die oomblik dat sy haar voete by die deur uitsit. Noem haar die koningin van hedendaagse straatstyl; die nuwe popkultuur-model. Want, sê Olivier Rousteing van die Franse modehuis Balmain, “sy inspireer jong vroue soos supermodelle Claudia Schiffer en Naomi Campbell destyds gedoen het.” Vogue het onlangs die term Instagirl geskep, en met haar miljoene volgelinge op Instagram en Twitter is die 20-jarige Kendall die Instagirl van die oomblik. Die Somer-modeweek in New York het weer bewys sy is ’n gunsteling vir vele modehuise – op die loopplank en in hul advertensieveldtogte. So pas is Estée Lauder se nuwe parfuum, Modern Muse Le Rouge , bekend gestel: dapper, sterk, sexy. Wie kon ’n beter gesig vir dié nuwe geur gewees het as juis Kendall Jenner! Sien…

ARMBANDE MET GELUKBRINGERS Hierdie armband is gróót. Dit is ’n juweliersitem wat die draer kan verpersoonlik met gelukbringers wat spesiaal is in haar leweAlison Campbell, aankopebestuurder van American Swiss…

Sandaal-seisoen het aangebreek, en dít beteken al die aandag is op jou voete. Omdat jou voete jou lyf se fondasie is, werk dit daagliks hard en verdien om versorg en vertroetel te word, veral in die somer wanneer dit meer aan omgewingsfaktore blootgestel word. Die geheim van mooi, gesonde voete lê in die vel wat sag en soepel lyk, sê Anwin Marlow, bestuurder van die internasionale voetheelkundige Bastien Gonzalez se salon by die One&Only-hotel in Kaapstad. Gelukkig hoef ’n basiese voetsorgroetine nie baie moeite te verg nie. Vir voete wat die hele somer lank mooi lyk, moet jy dit deurlopend goed versorg. Hakke is nou geneig om droër te wees. Smeer elke aand ’n ryk vogroom aan voordat jy gaan slaap, stel Anwin voor. “As jy dit ’n gewoonte maak,…

Somer is hier en daar is geen beter manier om dit te vier as met ’n splinternuwe geur nie. Die warmer maande is die tyd vir ligter parfuums omdat bestanddele makliker verdamp vanweë die hoër temperatuur (dit is dan wanneer jy die geur die sterkste ruik). Probeer gerus die stroopsoet Thierry Mugler Angel Eau Sucrée (R695 vir 50 ml EDT) met note van rooibessie-sorbet en gekaramelliseerde meringue, of bederf die man in jou lewe met Dolce & Gabbana Light Blue Swimming in Lipari Pour Homme (R915 vir 75 ml EDT), vol seesout en pomelo. Albei geure is net vir ’n beperkte tyd beskikbaar. Die son en see word weerspieël in die turkoois, seegroen en roosgoud skakerings van ’n nuwe grimeerreeks. Die tekstuur van die oogskadu’s, verligters en lipbalsems is romerig…

JELLIE VIR GROOTMENSE Jy maak die jellie met soet vonkelwyn! genoeg vir 6 200 g bevrore aarbeie 55 g strooisuiker 300 ml warm water 500 ml pienk vonkelwyn 20 ml gelatien 30 ml koue water 1 rolkoek, in skywe gesny 250 ml room 125 g sjokolade-moutballe (soos Whispers of Chuckles), grofgekap ekstra aarbeie vir voorsit Plaas aarbeie, suiker en water in pot en bring tot kookpunt. Kook vir 5 minute. Pols tot puree met staafmenger en gooi mengsel deur ’n sif – gooi dit wat in die sif agterbly weg. Sprinkel gelatien oor koue water en laat staan tot sponserig. Voeg vonkelwyn en geweekte gelatien by aarbeimengsel. Pak ’n skyf koek onderin elke bakkie van jou keuse (ons het glasflesse gebruik). Gooi vonkelwynmengsel oor koek in elke bakkie. Plaas oornag…

LOSBOOMPAN Dis ’n pan waarvan die bodem loskom sodra die ring se veer losgemaak word. Só kan jy gebak makliker uitkeer. PATROONPAN ( BUNDT ) Hierdie panne kom in verskeie vorms. Kyk uit vir patroonpanne wat kleefvry is. Omdat die pan baie detail het, help dit om die koek makliker uit te keer. CHIFFONPAN Die pan het ’n gladde afwerking met ’n hoë dun tuit. Dit het soms drie pootjies wat bo die rand uitsteek. Jy draai die pan om en laat dit op die pootjies staan sodat die koek kan afkoel voordat jy dit uitkeer. BAKPLAAT Jy kan dit vir byna alles van koekies tot konfytrolle gebruik. Die rand van die pan is nie hoër as 1 cm nie. Voer altyd uit met bakpapier, tensy dit ’n…

Adriana se wenke Dit maak nie saak waar jy jouself fisiek bevind nie, jou kopruimte bepaal hoe jy die werklikheid ervaar. Moedig kinders aan om vrae te vra. Jy kan by almal iets leer. Skoonheidshuise beloof graag (byna) ewige jeugdigheid en dit is goed so. Wie van ons hoop nié op minder plooie op die voorkop, om die nek en langs die oë as ons saans die vogroom aantik nie? Maar sommige skoonheidshuise gee ook erkenning aan ander, groter drome. Só is dr. Adriana Marais – blond, beeldskoon, briljant en ’n deeltydse dosent aan die Universiteit van KwaZulu-Natal – vanjaar een van 15 vroue wêreldwyd wat deur die skoonheidshuis L’Oréal met sy internasionale L’Oréal-UNESCOtoekenning vir vroue in die wetenskap vereer is. In haar geliefde ontslape ouma Louise se sjiek swart…

Februarie-maand gaan Kos + Dekor op almal se lippe wees. Jy kan kies en keur uit ’n verskeidenheid gebeurtenisse en byeenkomste wat jou gunsteling-tydskrifte in Gauteng en Kaapstad hou. Jy het reg gehoor • 30 dae van kos & drank • 30 dae van idees & inspirasie • 30 dae van makieties & celebs • 30 dae van geskenke & promosies • 30 dae van koop & afslag Die Februarie-fees bou op tot ’n HOOGTEPUNT, die ongelooflike 30 Dae van Kos + Dekor-naweek, waarheen ons jou nooi. Kom ontmoet jou gunsteling-tydskrifspan en sien hoe die blaaie van jou tydskrifte voor jou oë lewe kry! die mense • Bobby & Karlien van Jaarsveld • Suzelle DIY • Marc Lottering • Pete Goffe-Wood • Anele Mdoda • Vuyo Dabula • Cass Abrahams…

10¼ TEELEPELS Die suiker in ’n 330 mlblikkie Fanta teenoor Appletiser se 8 t (1 t = 4 gram suiker), volgens Real Meal Revolution – Raising Superheroes deur Tim Noakes e.a. Die aanbevole daaglikse hoeveelheid volgens die Wêreld-Gesondheidsorganisasie is 6 t suiker vir vroue en 9 t vir mans. ’N GROOT KOPSEER Hoe intenser jou stres, hoe meer gereeld kry jy hoofpyn, volgens dr. Elliot Shevel van The Headache Clinic met takke in Johannesburg, Kaapstad en Durban. Dis volgens nuwe navorsing in Cephalalgia, joernaal van die internasionale hoofpyn-vereniging. Ontspanningstegnieke soos joga kan help om verligting te bring. Besoek www.headachclinic.co.za  vir meer. VLEIS-KUIWE EN PROSTAATKANKER Mans wie se hare op 45 van hul voorkop af padgee en dié met ’n effense bles op hul kroontjie, is meer geneig om…

A Accessorize 021 447 7718 www.accessorize.co.za American Swiss 021 938 1943 www.americanswiss.co.za Architects of Time 011 669 0790 www.picotandmoss.com/architects-of-time Arthur Kaplan 011 669 5600 www.arthurkaplan.co.za B Builders Warehouse 0860 284 533 www.builders.co.za Black Coffee 011 482 9148 www.blackcoffee.co.za C Cotton On 011 268 3700 www.cottonon.co.za D Decorland 0800 002 635 www.decorland.co.za Dulux 0860 330 111 www.dulux.co.za E EXACT 0860 576 576 www.exact.co.za F Forever 21 021 555 3324 www.forever21.com Fossil by S.Keren Watch Group 021 418 0045 www.watchgroup.co.za G Green Cross 0860 009 855 www.green-cross.co.za H Havaianas 021 511 1182 en-za.havaianas.com Hertex Fabrics 0860 437 839 www.hertex.co.za J Jo Borkett 011 442 8362 www.joborkett.co.za K KLûK CGDT 083 377 7780 www.kluk.co.za L Louis Vuitton 011 784 9854, 021 405 9700 www.louisvuitton.com Lovisa 021 551 1051 Lunar 011 726 5558 www.lunarlife.co.za…

Wen dubbele sorg vir ’n mooi vel (bl. 69) Intekenaanbod (bl. 137) Wen die boek Vir Altyd (bl. 149) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryde namens Clarins, NIVEA en 17 FilmStreet Media as ’n diens vir haar lesers aan. Clarins, NIVEA en 17 FilmStreet Media voorsien en is verantwoordelik vir die pryse. 5. Werknemers en hul gesinne van Media24 (SARIE se moedermaatskappy), Clarins, NIVEA en 17 Film-Street Media en hul…