Innehållsförteckning för July 2018 från SARIE

Okkasie-inspirasie. Ja, dit ís die titel van SARIE se kosprogram op VIA wat Herman Lensing aangebied het, maar dit som ook netjies die gees elke Juliemaand by SARIE op. Want ons verjaar! Jy kan maar sê dit is óns mooiste, mooiste maand. Op 6 Julie word SARIE 69 – een jaar weg van daardie tower-sewentig. En ná soveel jare en al die oppe en affe en veranderinge, is SARIE steeds die voorste vrouetydskrif in SA en ’n vriendin en moderne influencer vir derduisende vroue. Of dit nou deur die maandelikse SARIE en haar talle handelsmerkuitbreidings is, digitaal deur ons webtuiste, SARIE.com, en ons daaglikse teenwoordigheid op Netwerk24 en sosialemediaplatforms, ons TV-programme op VIA en kykNET of die talle geleenthede en projekte waarby ons landwyd betrokke is en ook self inisieer.…

AS KAAP EN PRETORIA TROU Dis ek, Plain Jane van Pretoria, plat op die aarde, alewig gejaagd weens die verkeer. Bets. So noem my liewe, nuwe skoonfamilie uit die Kaap my. Soveel liefde vir hierdie mense. Hulle het flair. Kaapse kuns is darem bitter mooi, hulle pas snaakse kleure bymekaar wat in Pretoria nie sin maak nie, hulle dek nog tafel en heg soveel waarde aan fyn detail – suiwer Afrikaans, puik wyn, kerslig en Anton Goosen. In September trou ek met ’n sjarmante Kaapse man. Ek is “tjap” met ’n diskolig, sjiek braaivleis, opgejazzde roosterkoek en tuinblomme, Eden en stofpad, alles met styl natuurlik. Hoëveldse styl. Skoonma egter nie. Hierdie troue het elegansie, elke detail haarfyn beplan . . . drie maal, vier maal oor. Van tafeldoeke tot kousband.…

‘Ek voel met die wegspring of ek wil ontplof ’ Suid-Afrika se goue held, Akani Simbine, skuif in sy stoel in by ’n restaurant langs die Hoëprestasiesentrum in Pretoria waar hy oefen – die ene bultende spiere. Ten tyde van die onderhoud is dit skaars drie weke ná die Statebondspele in April waar hy die goue medalje in die 100 m-naelloop in ’n tyd van 10.03 sekondes verower het – die eerste Suid-Afrikaanse man ooit wat by die byeenkoms goud in dié prestige-item kon kry. Hy bestel ’n sjokolademelkskommel. Hy het dalk oornag ’n held vir ’n nuwe generasie geword, maar hy is steeds net ’n gewone 24-jarige wat vertel hoe hy tuis Xbox speel en Netflix kyk – al is dit in die jongste Adidas-modes wat hy deesdae van…

ONS TOP-40! + TV vir ons 10 finaliste Geluk aan ons Top-40! Vir dae het die SARIE-span deur duisende inskrywings gewerk en op SARIE.com het lesers hul gunstelinge gekies. Aan elke vrou in dié groep van 40 was daar net iets. Soms die oë, ander kere die mond of ’n mooi bos hare, dikwels die lyftaal –iets wat net sê, ek glo ek kán. 2018 is ’n groot jaar vir SARIE Voorbladgesig. Ons kies ons 10de wenner. En soos verlede jaar, is dit weer ’n televisieprogram op kykNET oor sewe episodes. Jy, die leser, en ons, die SARIE-span, gaan die kans kry om elk van die 10 finaliste beter te leer ken en hul reis tot by SARIE se glansvoorblad in Oktober mee te maak. Weke van opwinding wat op…

Dag, Dalene Matthee, ná twee dekades. My jongste is siek en ek lees vir hom uit Kringe in ’n bos . Twee-en-twintig jaar ná ek Kringe gelees het, beleef ek dit nou op veel meer vlakke. Toe het ek gedink dis alles goed en wel en die vrou kán skryf, maar waarom neuk met olifante en bosse terwyl die land bloei? Intussen het ek groter geword. Bietjie olifant-wysheid ingekry. En ek weet ons skryf almal maar net onderafdelings van een groter storie. Hoe ook al, nadat die jongste vroeër vanjaar Fiela se kind gelees het, sê hy: “Weet jy, Mamma, J.K. Rowling se karakters is asof hulle in ’n Chinese fabriek gemaak is, maar Dalene Matthee se mense is…

Watter rol speel persoonlikheidsteurings (nie ’n siekte nie) soos psigopatie of narsisme? Een van die eienskappe van ’n narsis is dat hy hom dinge aanmatig ( sense of entitlement ), sê André le Roux, skrywer van Narsiste, psigopate, stalkers en sadiste . “Hy dink hy is geregtig op dinge, mense skuld hom iets. Hy beheer sy gesin en as hulle skeeftrap, raak hy kwaad. Jy durf hom nie teëgaan nie. Hy’s belangriker as jy. Dan los jy hom. Hy wil die een wees wat jóú los, nie andersom nie. Hy redeneer: ‘As ek jou nie kan kry nie, kan niemand nie.’ En hy pleeg moord.” As jy te doen kry met so ’n “gevaarlike” man, moet daar rooi ligte flikker. Want hy’s onvoorspelbaar, sê André.…

SOKKIE-STEWELS Op die loopplanke, in die straat, op die rooi tapyt . . . dié stewels is oral. ’n Sokkie-stewel sit letterlik so styf soos ’n sokkie teen jou been en is ook die lengte van ’n sokkie. Jy kan dit saam met broeke, rompe en rokke dra WEERMAGSTEWELS Militêre stewels maak ’n welkome terugkeer. Dis veral gerieflik op koue, reënerige dae wanneer jy op ’n drafstap is BLINK STEWELS Maak ’n eenvoudige uitrusting treffend met blink stewels LANG STEWELS Stewels wat tot by jou bobeen strek, is steeds hoogmode. Dis ideaal by korter rompe en rokke Kikker JOU STEWELS op Interessante sokkies en kouse op – gekleur, blink, met patrone en visnet – is ’n groot winter-tendens. Skaf vir jou dié seisoen ’n paar aan wat dadelik jou stewels…

Nes jy aan die begin van die koue seisoen jou somerklerekas vir ’n winter-een verruil, moet jy jou vel- en haarsorgroetines aanpas om die bibberende maande se strawwe aanslag teen te staan. In Suid-Afrika is die minder vog in die lug die grootste sondaar wat jou vel se glans steel, veral in die binneland waar die winters droog en koud is. Weens wind, koue, die hitte van kaggels en verwarmers en temperatuurskommelinge soos wat jy van buite na binne beweeg, vorm fyn krakies op jou vel en haarkutikels (die buitenste deel van jou hare). Vog ontsnap dan makliker uit jou hare en vel. Selfs in die dele van die land waar dit meer humied is in die winter, soos langs die kusgebiede en in ’n winterreënvalstreek soos die Wes-Kaap, is…

CHARIS HOU VAN Dit was eers die geheime wapen by internasionale modeweke. Maar nou is miselwater ’n gunsteling onder vroue wêreldwyd. Dié reiniger bestaan uit klein oliemolekules (miselle) in water en verwyder grimering of vuiligheid in ’n japtrap. Ek gebruik dit al jare en is veral gaande oor Bioderma se Sensibio H2O Make-up Removing Micelle Solution. Geen water is nodig vir ’n miselreiniger nie. Jy drup dit net op watte en vee dit oor jou gesig. Dis gemaklik om saans jou grimering só te verwyder, veral in die winter wanneer jy nie lus is om jou gesig met water in die bibberende koue te was nie. KRY DIE J-LO GLOW ’n Sonbruin, glansende vel is sinoniem met Jennifer Lopez. Daar is selfs ’n naam vir haar staatmaker-voorkoms: die J-Lo Glow.…

SMAAK SOOS MELKKOSBESKUIT As jy van wintergeure soos kaneel en anys hou, is dié resep met tintelende skerp en soet speserysmake op jou tong vir jou. genoeg vir 60 stukke 1,5 kg bruismeel 400 g (500 ml) strooisuiker 10 ml fyn kaneel 10 ml anyssaad 5 ml wonderpeper ( allspice ) 100 g donkersjokoladesplinters 6 eiers 500 ml karringmelk 250 g (270 ml) botter, gesmelt Verhit oond tot 180 C. Plaas meel, suiker, speserye en sjokolade in groot mengbak en meng. Meng eiers, karringmelk en botter saam. Maak holte in middel van droë bestanddele. Gooi vloeistof in…

In ’n stil straat in ’n ou Paarlse buurt het die Louw-gesin hulle kom tuismaak in ’n kompakte dorpshuis. Heloïse is ’n mode- en dekorstilis en haar man, Martin, ’n boutegnoloog. Met twee klein kinders, Lilia (4) en James (10 maande), verstaan die kreatiewe egpaar die kuns om ’n kindervriendelike dog stylvolle huis te skep. Elke spasie op die twee vlakke is benut. Onder is die motorhuis en portaal, met ’n versteekte kantoor. Op die leefvlak bo nooi die vensters met blindings die Bolandse berge in. Die oopplanleefvertrek is slim in vier verdeel: TVhoek, kombuis, eet-area en sitkamer. In die slaapvleuel is die hoofslaapkamer met sy en suite-badkamer en Lilia se droommooi kamer. Die derde kamer bly eers gastekamer tot James groter is. Heloïse is ’n vennoot in ’n aanlyn…

Toe Estée van der Walt met ’n skaapboer in die Lückhoff-distrik trou, het die droogte haar vinnig kreatief laat begin dink. Met handgespinde merinowol het sy die onderneming Mooo Wool begin. Sy beskryf hoe om ’n kniekombers te brei met een bol wol Besoek Mooo Wool by @mooowool op Facebook en mooo_wool op Instagram of kontak order.mooo@gmail.com…

Die grootste broeiplek ooit vir ontrouheid. Niks, nie swingers- klubs en sleutel-partytjies, kletskamers, versoekings in die werkplek, Ashley Madison, Tinder of Grindr; nie eens pornografie kom naby nie. Facebook. Had hy maar ’n dollar vir elke egskeiding veroorsaak deur ontrouheid wat dáár ontkiem het, sê James J. Sexton, ’n Amerikaanse egskeidingsprokureur, in sy boek If You’re in My Office, It’s Already Too Late: A Divorce Lawyer’s Guide to Staying Together (Henry Holt and Company, 2018). “Facebook is vóórspel. Dit fasiliteer oor die algemeen owerspel en ontrouheid. Gee jou die middele, verskoning en dekmantel om met mense te kommunikeer met wie jy geen rede het om te praat nie.” Vra maar enige egskeidingsprokureur in ons era van sosiale media. Ontrouheid wat aanlyn begin, gewoonlik op Facebook, is die enkele mees algemene…

LAERUGPYN Moontlike oorsaak Hoëhakskoene: Dit verplaas jou liggaam se swaartepunt vorentoe. Jy moet jou gewrigte en spiere dan meer inspan as jy beweeg. Staan/loop jy met hoëhakskoene, vergroot die kurwe in jou laerug (dit word meer hol). Jou bene word ook meer reguit om vir die kleiner oppervlakte waarop jy staan te kompenseer. Jy tel swaar voorwerpe verkeerd op. Jou liggaamshouding (postuur) is verkeerd. Jy sit bv. gebukkend voor ’n lessenaar of staan met hangskouers en ’n krom rug. Krul jou in ’n sagte gemakstoel op. Sit-lê in ’n gemaklike posisie op die bed en werk op jou skootrekenaar. Jy slaap op jou maag. Koester dit Bêre hoëhakskoene vir spesiale okkasies. En wanneer jy nie ver hoef te stap nie. Hoe sit en staan jy? Sit twee vingers op jou…

Moontlike oorsaak Jou handsak is te swaar en die gewig trek jou skouer af. Jy is geneig om jou skouers en bo-rug rond te maak om te keer dat die handsak se band afglip. Jy werk lank met jou arms bo jou skouervlak, soos wanneer jy bv. verf. Koester dit Haal alles wat onnodig is uit jou handsak. Of koop ’n kleiner een. Verwissel dit gereeld van skouer. (En mans hul beursie.) Hoe wyer die skouerband, hoe beter word die gewig versprei. Neem ’n blaaskans as jy jou spiere lank ononderbroke gebruik (jy verf bv. ’n muur). Of doen dit in sarsies: Werk ’n halfuur, doen iets waar jy ander spiere gebruik en hervat dan die oorspronklike taak. Hetsy in die kombuis of op kantoor, maak seker die werkruimte is…

A @home 0860 576 576 www.home.co.za Accessorize 021 552 8793, 011 884 4644 www.accessorize.co.za Aldo 011 884 4141, 021 421 5674 www.aldoshoes.com/za B Block & Chisel 011 442 0809, 010 593 9308, 021 712 5193 www.blockandchisel.co.za C Caesarstone 083 608 5810 www.caesarstone.co.za Charles & Keith 021 552 4912, 011 729 5023 Cotton On 011 268 3700 www.cottonon.co.za Country Road Home 0860 022 002 www.woolworths.co.za E Edgars 0800 203 925 www.edgars.co.za F Forever New 021 419 4552, 011 883 4585 www.forevernew.co.za Foschini 021 938 1911 www.foschini.co.za G Green Cross 0860 009 855 www.green-cross.com H H&M 0860 690 707 www.hm.com/za K Karen Millen 011 784 2937 M Mango www.shop.mango.com/za Mr Price 0800 212 535 www.mrp.com Mrphome 0800 212 535 www.mrphome.com N NM Design www.nmdesign.co.za Novella Design www.novella.co.za P Poetry 0860 555 529…

5 gelukkige SARIElesers kan elk die boek ’n Brief vir Reina deur Elsa Winckler (Lux Verbi, R180) wen. Wanneer Reina Sauer se ouma sterf, hoor sy dat sy haar huis op McGregor erf. Maar ’n ontwikkelaar, die ontnugterde en siniese Derek Retief, wil graag die huis deel van ’n sekuriteitskompleks maak. Al wat Derek kort, is Reina se handtekening. Maar dinge is nie heeltemal so eenvoudig nie. Wat op aarde maak Reina met haar ouma se vriende wat afhanklik was van haar? En wanneer Reina die huis begin opruim, kom sy op ’n boks vol briewe op die solder af. Met verstomming lees sy hoe haar ouma dit reggekry het om ’n onmoontlike besluit te neem wat uiteindelik haar kleindogter se lewe moontlik gemaak het. Nog…

’n Uur voor dagbreek hoor ek dit, net hier buite my kamervenster: Die weemoedige, deurdringende roep van ’n uil. Dit is nie die groot Kaapse ooruil se diep hoe-hoe nie, dis die helder klokroep van ’n kleiner uilsoort wat uit die donker bome opklink. Onmiskenbaar. Dit is sekerlik een van die mooiste geluide van die nag, die melancholiese roep van ’n uil. Dit is ’n geluid van beskutting en vrede, ’n geluid wat bevestig dat die woud hier buite my raam groots en misterieus en ewig is. Ek lê in die koestering van my winterbed en glimlag, want ’n ander herinnering skiet my te binne. Ek het ’n klein wolfneus-gewelhuisie op die plaas, en dié is as vakansiehuis beskikbaar vir gaste. Ek kry besoekers van oor die hele wêreld. ’n…

SARIE VERJAAR En vir dié okkasie bak Herman Lensing ’n driedubbele lekker sjokoladekoek. Dis g’n sommerso-koek nie! Wel ’n Brooklyn Blackout wat in die oorlogsjare in 1942 ontstaan het. Die eerste Sarie Marais het ook in die veertigs – 6 Julie 1949 om presies te wees – op die rak verskyn. Bak hierdie koek en vier 69 kleurryke jare saam met ons! Sien bl. 93 en 123. Reënmooi Nog nooit was ons so bewus van die reën, ook dit wat nié val nie. Pichulik se nuwe reeks, Talisman for Rain, sluit dié hoepeloorbelle met ’n varswaterpêrel in. Dit spreek van “waardigheid”. Prys: R1 000 (in 2 groottes) Vir meer: www.pichulik.com 40 GOUE JARE Vier dekades gelede het ’n vrou ’n droom gehad. Vandag is…

Ek was nog nooit mal oor die woord “lekker” nie , ek vermoed dis nie oor die woord self nie, maar omdat dit mettertyd so goedkoop gemaak is in Engelse gesegdes soos “Local is lekker” of deur Engelse gebruik word wat glo ons sê ook heeltyd goed soos “skattie”, “lekka” of “sweetie”. Selfs as kind het ek nie daarvan gehou as iemand ’n soetding ’n “lekker” genoem het nie, vir my was ’n lekker ’n taai ding, brandsoet en sonder geur. Dieselfde ding het beter gesmaak as hy ’n naam gehad het, meelvis, borrelgom, niekerbol of klapperbal, die l-woord was smaakloos. Maar kommin of nie, “lekker” is besig om my lewe te red. Elke mens het een of meer dinge wat nie noodwendig aaklig of verkeerd is nie, meestal iets…

Sy het modelwerk gedoen om vir haar dramastudies te betaal en as aktrise onder meer ’n draai in die sepie 7de Laan gemaak. Maar dis as bekroonde omgewingsjoernalis dat Bonné de Bod naam maak, veral as kampvegter vir die renoster. Later vanjaar word haar dokumentêre rolprent Stroop uitgereik. Dit kyk sonder skroom na die mens se gulsige aptyt vir dié dier se besonderse horing. Wat ’n projek van ses maande moes wees, het vier jaar geword. “Ek het vinnig besef dis ’n komplekse probleem wat diepgaande ondersoek moet word.” In die proses moes sy oor die karkasse van honderde afgemaaide renosters buk. Maar afgestomp raak, nee! Net kwaad. “‘Hulle’ vat iets van elkeen van ons af weg. Ons erfenis.”…

Dalene: “Eintlik moet ons die storie andersom draai. Ek wil hóm so graag ondervra. Dalene Matthee praat met Izak.” “Ek gee nie om nie, ons kan so maak,” sê ek en eet ’n happie koek. Daar dans duiweltjies in Dalene se donker oë. “Is die koek nie vir jou lekker nie?” “Nee, dis baie lekker,” verseker ek, “maar ons het so pas geëet.” Sy kyk my ondeund aan: “Ek het jou al op TV gesien en gedink: Nie te sleg nie. Nou weet ek hoe jy regtig lyk.” “Hoe lyk ek?” “Soos ’n Jood,” sê Dalene. “Soos ’n ryk, welvarende Jood.” “Ag asseblief,” sug ek, “nie jy ook nie.” “Toemaar,” stel sy gerus, “ek hou nogal van Jode. Maar preek jy nog?” “Ja, so hier en daar.” “En preek jy…

“What Happens Before An Intimate Partner Homicide”, ’n praatjie op YouTube deur Neil Websdale, gee ’n oorsig van die tekens waarvoor vroue in hul pasoppens moet wees, wanneer mishandeling moord kan raak. Gebruik hy ’n wapen soos ’n mes of vuurwapen as deel van die mishandeling? Selfs al doen hy dit nie, is die gevaar groter as daar ’n vuurwapen in die huis is. Wurg hy jou gereeld? ’n Man wat sy vrou vermoor, het haar waarskynlik al gewurg as deel van die mishandeling. Dwing hy jou om seks te hê of verkrag hy jou? Sy metode hoef nie gewelddadig te wees nie. Dreig hy om jou te vermoor en word die dreigement dringender en gereelder? Het die aanranding die afgelope ses maande vererger of toegeneem? Monitor hy jou obsessief?…

‘Ek was nog altyd onafhanklik’ Carlize Earle, eienaar van Earle Design op George, Suid-Kaap Tyd staan nie stil nie en sy wou voor dertig haar eie besigheid hê. Einde 2014 het Carlize Earle haar binneversierwinkel, Earle Design, op George oopgemaak. Sy sal 2015 nooit vergeet nie. “My besigheid het goed afgeskop, en ek het SARIE se Voorbladgesigwedstryd gewen.” Sy is steeds verstom dat sy op die laaste nippertjie besluit het om in te skryf en toe wél gewen het. Carlize was nog altyd onafhanklik. Op laerskool al het sy ou klere, speelgoed en kombuisware uit die motorhuis verkoop. “Met markdag by die skool was daar geen keer aan my nie.” Des te meer nadat sy as SARIE Voorbladgesig aangewys is. Dit het haar nuwe moed gegee. Mense het skielik…

Madiba Magic: 100th Birthday Edition (TAFELBERG, R295) Hierdie spesiale uitgawe gedenk die 100ste viering van Madiba se geboorte op 18 Julie. Stories vertel is al eeue deel van Afrika en in hierdie pragboek word jy deel van dié tradisie. In die Khoi-fabel lees jy hoe diere hul horings en sterte gekry het. Maar ander stories leer jou ’n les: dat al is jy die “underdog”, kan jy ook wen. Universele waardes en ’n diep menslikheid word weerspieël teen ’n Afrika-agtergrond. Phyllis Green RESENSIES Tot die dood ons skei: Mans wat hul vroue vermoor, Schalk Schoombie (Human & Rousseau, R250) Intieme-vrouemoord (IVM) vind plaas wanneer ’n vrou deur ’n intieme of lewensmaat vermoor word. In Tot die dood ons skei probeer Schoombie die vraag beantwoord waarom sulke moorde steeds…

Sy het ’n Oscar vir haar rol in Shakespeare in Love gewen en is wyd bekend vir haar werk as filantroop. Pas het Frédérique Constant aangekondig dat Gwyneth vir die derde jaar agtereenvolgens die gesig van dié luuksehorlosiehuis is. DonorsChoose, ’n organisasie wat help met die opvoeding van kinders, is deur haar benoem om ’n deel van die opbrengs uit die verkope van hul nuwe Horological Smartwatch-vrouereeks te ontvang. Gwyneth is ook ’n ambassadeur vir die organisasie Save the Children en dien in die raad van die Robin Hoodstigting, wat armoede in New York takel. Boonop is sy bekend vir haar leefstylwebtuiste Goop en sy is die skrywer van twee kookboeke. Sy was voorheen getroud met die hoofsanger van Coldplay, Chris Martin. Hulle het ’n dogter,…

MaXhosa by Laduma is al sedert 2010 op die plaaslike modevoorgrond, maar deesdae kry jy die ontwerpe tot in Japan, Amerika en Brittanje. Jy kan sien hoekom dit so gewild is. Ontwerper Laduma Ngxokolo, wat by sy ma geleer het om ’n breimasjien te gebruik, verander sybokhaar en wol in ontwerper-items met kleurryke Xhosa-geïnspireerde patrone, kralewerk en simboliek. Besoek www.maxhosa.co.za  of www.merchantsonlong.com vir aanlyn kopies…

Klei is ’n staatmaker-bestanddeel as jy ’n probleemvel het. Dit absorbeer oortollige olierigheid en maak jou porieë mooi skoon. Hierdie reiniger se mousse-tekstuur verander ná sowat ’n minuut in ’n klei-tekstuur wat vuiligheid en grimering van jou vel verwyder sonder om dit uit te droog. Wend op ’n droë vel aan, los vir ’n minuut en masseer dan met warm water oor jou gesig voor jy dit afwas. ’n Gitswart maskara beklemtoon jou oë en laat die wit van jou oë helderder lyk. Dié nuwe maskara van Urban Decay bevat twee tipes swart pigment wat sorg vir ’n diepswart formule. Met net ’n paar hale lyk jou wimpers voller, langer en meer gekrul. Die Franse velsorghuis Eau Thermale Avène het hul D-Pigment-reeks, ontwikkel om pigmentasie te behandel, uitgebrei. Die D-Pigment…

Magz Eleonora Bella BLOEMFONTEIN Jare terug op my ouma se plaas het sy altyd dadelik beskuit uit die spens gaan haal wanneer ons daar aankom. Ons kon kies tussen mosbeskuit en volgraan. Dan het sy koffie gemaak en al die dinge wat pla, was vir daardie oomblik weg. Haar beskuit was soos haar persoonlikheid: vol liefde en kwaliteit! Ian Watts VEREENIGING Kyk, ek is ’n Engelsman, maar as ek beskuit hoor, dan dink ek dadelik: Waar is my “Boeretroos”? Sanette Henning KROONSTAD Kinderdae wanneer ons uitnaweke Vrydae by die huis gekom het, het Ouma klaar panne beskuit op die blommetjiestafeldoek uitgekeer. Groot, lang, boepens anysbeskuit. Al ons kinders het dadelik om die tafel gaan sit met ’n glas melk en warm beskuit. Die geur van vars gebakte anysbeskuit laat my…

“Toe ek 50 word, besef ek die lewe is kort. Ek’s besiger as ooit – vanjaar is ek 37 jaar in die bedryf met 2 000 produksies op my kerfstok.” Nou vertolk immergroen Lizz Meiring die rol van Christine in die toneelstuk 3 Susters , einde Junie die eerste keer by die Innibos Laeveld Nasionale Kunstefees in Nelspruit op die planke. Margit Meyer-Rödenbeck en Nicole Holm, haar jonger tweelingsusters in die stuk, reël ’n vakansie na Thailand om haar halfeeu te vier. “Louis Pretorius se draaiboek gaan oor die verskillende fases in die susters se lewe. Hulle het lief, ondersteun, baklei. Christine, ’n ma, waag deur vir die eerste keer te reis.” Lizz is egter lewenslank avontuurlik. “Ek stam uit ’n generasie vroue wat hulle nog nooit…

Moenie iemand op sosiale media “bevriend” en “volg” met wie jy uitgegaan het, of in wie jy belanggestel (of wat in jou belanggestel) het nie. Of enigeen wat ’n versoeking vir jou kan wees nie. G’n geheime nie. Jou Facebook- en ander sosialemedia-blaaie moet ’n oop boek vir jou maat wees. Moenie vriendskap-versoeke op Facebook aanvaar van mense wat jy nie ken nie. Moenie in die openbaar rusie maak nie. Dis nie ’n goeie idee om jul vuil wasgoed in die openbaar te was nie. As jy dit boonop in die kuberruim doen, is dit ’n permanente herinnering aan wat gesê is. Evalueer gereeld jul verhouding en die emosionele nabyheid/afstand tussen julle. Bestee julle genoeg tyd en energie om van aangesig tot aangesig intiem met mekaar te gesels? As jy…

Rugpyn is die grootste oorsaak van ongeskiktheid wêreldwyd. En die meeste van ons sal in ons leeftyd minstens een nare voorval hê. Sowat 540 miljoen mense oor die wêreld heen het laerugpyn. In Afrika sukkel 1:3 mense daarmee. Maar die behandeling daarvoor is dikwels verkeerd en tydmors, volgens ’n reeks artikels in die gesaghebbende mediese joernaal The Lancet. Sowat 30 kundiges het insette gelewer. Duur ingrepe help nie regtig nie. Die oormatige gebruik van onnodige toetse en behandelings soos skanderings, opioïede en chirurgie beteken pasiënte kry nie die regte behandeling nie en hulpmiddels word verkwis. In plaas daarvan dat jy aangeraai word om aktief te bly en steeds te werk, gebeur net die teenoorgestelde: Jy word rus voorgeskryf en om op jou stêre by die huis te gaan sit. In…

Moontlike oorsaak ’n Swak liggaamshouding. Jou selfoongewoontes kan sleg vir jou nek wees. As jy afkyk na jou selfoon, is dit soos om 27 kg se gewig op jou nek te sit, volgens ’n studie in die joernaal Surgical Technology International. Nes ’n klein kindjie wat op jou kop sit terwyl jy jou teksboodskappe lees. Daardie gewig op jou nek en ruggraat is uiteraard nie goed vir jou gesondheid nie. En ons bestee gemiddeld twee tot vier uur per dag in dié posisie. Vir ’n goeie postuur moet jy jou ore in lyn met jou skouers hou en jou skouerblaaie terugtrek, volgens die navorser. Nog wenke Hou jou foon reguit voor jou in plaas daarvan dat jy jou kop afbuig; hou dit teen ’n 30°-hoek wanneer jy tik (die hoek…

Intekenaanbod 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Coverderm as ’n diens vir haar lesers aan. Coverderm voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Coverderm en hul reklamemaatskappye mag nie aan wedstryde deelneem nie. 6. Media24 en Coverderm word gevrywaar teen…

Soos die kilometers onder die wiele verdwyn, raak elke vrou geleidelik dieper in haar eie wêreld weg. Adrie is op die punt om aan die slaap te raak, toe sy ’n WhatsApp van Judy op die matriekreünie-groepie ontvang: ’n meme van ’n slanke blonde vrou met ’n verwarde uitdrukking op haar gesig. Onder die prentjie is die vraag: Can fat people go skinny-dipping? ’n Oomblik later kry sy nog ’n boodskap. Judy: Jammer, verkeerde groep. Adrie voel hoe haar wange begin brand. Verkeerde groep? Waarom? Omdat dikke ou Adrie deel is van dié een? Sy sal hulle wys: Hoeveel gewig kan sy realisties gesproke verloor voor die reünie? Tien kilogram? Vyftien? Sy het al gelees van mense wat op die Master Cleanse binne tien dae ’n volle tien kilo’s verloor…

Nataniël sê haar stem is soos ’n kokende vulkaan wat ontplof. Tog sê Corlea haar lewe het ook ’n paar melancholiese ‘mineur-akkoorde’ getref. Maar die verhoog en musiek bly haar anker . . . * OOR DIE KONTRAK SÊ CORLEA . . . “Ek wil jong kunstenaars in die nuwe VIA-program bemagtig om nie in die ‘wippe’ van die musiekbedryf vas te val nie. Dikwels het jy talent, maar nie sakekennis nie. Ek praat uit ondervinding.” In dié program bied die grootbaas van Coleske Artists, Arnold Coleske, ’n platekontrak aan vir die wenner wat op vanjaar se eerste Afrikaans is Groot-konsert (30 November tot 2 Desember by die Sun Arena, Time Square, Menlyn Maine in Pretoria) bekend gemaak word. Corlea is een van drie kenners in…

Met ’n oog op die temperatuur in die vroeë lente op Windsor het ek wyslik besluit om liefs donkeroggend by die Long Walk op te daag en nie te oornag nie. Alles danksy vriendin Dale von Zeuner, oorspronklik van Stellenbosch, maar al vir meer as ’n dekade tuis in Londen. Ons vertrek reeds tweeuur die oggend na Windsor met ’n pienk plakker teen haar motor se voorruit – parkering vir Dale se (pienk) motor. Donkeroggend is dit klappertandkoud. Dit is vyf grade Celsius. Wanneer die son uiteindelik kop lig oor die kasteel, blink die doudruppels soos diamante in die lowergroen gras. Die belangrikste reël as jy jouself na ’n koninklike troue nooi, is om ’n plek reg teen ’n versperring te kry. Die troue was sommer ’n driedubbele viering: die…

Wat gaan jy doen noudat Edik van Nantes Winter , die laaste seisoen, opgeneem is? Dit was van die begin af ’n familieprojek, en daarmee bedoel ek ’n Nataniël-projek. Ek was bevoorreg om iets saam met hom in die openbare oog te kon doen, maar dit was nooit ’n skuiwergat om ’n nuwe loopbaan te begin nie. As jy eers saam met hom gewerk het, is enigiets anders ’n baie troebel afspoeling. Ek gaan beslis ’n groentetuin begin . . . Wie se plan was Edik van Nantes ? Dit was ’n natuurlike sprong vir Nataniël ná sy TV-reeks Die Nataniël Tafel. ’n Nuwe uitdaging om die begroting deur vyftien te deel, 41 mense na sewe te verminder en steeds ’n beter TV-program op…

’n Studie in ’n tronk in Israel het drie soorte intieme vrouemoordenaars aan die hand van persoonlike, interpersoonlike en omgewingsfaktore geïdentifiseer, skryf Schalk in Tot die dood ons skei . HY VOEL VERRAAI Sy het by ’n ander man geslaap en hy neem haar kwalik dat die huwelik daarom verbrokkel het. Hy’t as kind nie ’n beskermende ouerhuis gehad nie en sy wêreld draai om sy gesin. Sowat ’n derde van die mans in die studie het in dié groep geval. Nie een het sy vrou voorheen mishandel nie. HY VOEL VERWERP Hy vermoor haar omdat sy hom wil verlaat. Hy is uit die staanspoor obsessief, maar nie juis gewelddadig nie. Sy obsessiewe gedrag ontaard later in teistering, gevolg deur dreigemente as sy die verhouding wil verbreek. Die moord…

oor haar kortverhaalbundel Die ou vrou en die priester en ander verhale (Human & Rousseau, R195) Was dit vir jou ’n aanpassing om oor te skakel van rubriekskrywer na kortverhaalskrywer? Moes jy jou aanslag verander? Die proses was min of meer dieselfde. Ek het ’n literêre agtergrond, so ek weet wat die verskil tussen ’n rubriek en ’n kortverhaal is. Ek het op dieselfde manier na mense gekyk en dan kom die stories maar weer. Maar mens trek baie op jou eie ervaring. Daar is ’n gevoel van menslikheid en medemenslikheid wat in jou skryfwerk uitkom. Medemenslikheid is vir my verskriklik belangrik. Die naasteliefde is die eerste opdrag, jy moet jou naaste so lief hê soos jouself. Ek glo regtig. Mens het ’n spirituele tuiste nodig.…

Die nuwe seisoen se truie is meer as net #snoesig . . . dis ook veelsydig, modern en sexy. Kies uit ’n verskeidenheid style OOPSKOUER-TRUI Gee die winter die koue skouer met ’n trui wat die mees sensuele deel van ’n vrou se lyf wys. Heerlik vir dae wat jy in die winterson kan bak. Roomkleurige oopskouer-trui (R599), Poetry. Kameelkleurige wyerand-fedorahoed (R299), Woolworths. GROOTTES Trui: 6 – 18 Broek: 4 – 20 LIGTE SOMERTRUI ’n Dun, somerse trui werk net so goed in die winter. Dra dit onder jou trench-jas – dié seisoen se moethê-item en ’n klassieke belegging. Liggewig-trui met kantuitsnydetail in strikvorm (R2 200), Ted Baker. Trench-jas met oranje streepdetail op die mou (R1 299), Zara. Wyepyplangbroek (R2 500), Ruff Tung – Private Edition.…

Daar was iewers ’n oomblik tydens ons onthaal, tussen bosse blomme en blare en die gesigte van ’n handjievol geliefdes, dat ons na mekaar gekyk het in ontsag – was hierdie regtig óns troue?! Dis onmoontlik om die vreugde, afwagting, geluk en dankbaarheid te beskryf wat ons op ons troudag ervaar het. Teenoor kosbare familie en vriende wat onmeetbaar baie werk ingesit het en alles in hul vermoë gedoen het om ons droomtroue ’n realiteit te maak. En wás die troue (met sy Italiaanse tema deur Dolce & Gabbana geïnspireer) ’n droomtroue. Een wat ons wildste fantasieë oortref het! Al was dit ’n klein middagete-troue met 20 gaste, was dit ’n Mediterreense fees. ’n Lang tafel het gekreun onder juweelkleurige blomme en tafeldoeke van goue brokaat. Die spyskaart en dankie-sê-geskenkies…

VIR JOU VEL Die slimste grimeerbesluit wat jy kan neem, is om die regte onderlaag te kies. Kry jy die tekstuur reg, lyk jou vel natuurlik en foutloos. ’n Matonderlaag is gewild onder dié van ons wat hou van voller bedekking en sommer ook imperfeksies wil wegsteek. En die nuutste formules lyk glad nie dik of aangeplak nie. Dis ook die ideale keuse as jy ’n olierige vel het omdat dié onderlae oortollige olie absorbeer en blinkheid laat verdwyn. ’n Glansonderlaag is ’n staatmaker as jy van ’n natuurlike gelaat hou. Dit sorg vir ’n veerligte, douerige (dewy), byna deursigtige afwerking en is perfek as jy met ’n droë vel sukkel omdat dit ook jou vel bevog. Dié tipe onderlaag gaan nie enige vlekke of knoppies wegsteek soos ’n matonderlaag…

Sprankelend en sag danksy groen note soos moederhars en rangoen-rankplant. Die ligpienk bottel herinner aan die fynste porselein – Gucci Bloom Acqua di Fiori (R1 540 vir 75 ml EDT) Die Oscar-bekroonde aktrise Jennifer Connelly het al oor Nicolas Ghesquière, artistieke direkteur van die modehuis Louis Vuitton, gesê: “Die manier hoe sy werk teenoorgesteldes in konsep, vorm en tekstuur ondersoek, als binne die raamwerk van noukeurigheid, afronding en perfekte balans, is vir my treffend. Dit versinnebeeld vir my visie vir die toekoms en begrip van die verlede.” ’n Visie wat duidelik sigbaar is in dié vintage-geïnspireerde vierkantige sonbril met sy monogramgegraveerde brug en V-handtekening langs die slape (prys op aanvraag). Vir meer: 021 405 9700 of 011 784 9854; www.louisvuitton.com Verlede jaar het Dior hul unieke Addict Lacquer Stick bekend…

ROMERIGE SAMPIOENSOP Dié sop is heerlik vir voorgereg of as ’n hele ete op sy eie. genoeg vir 6-8 Verhit 45 ml olyfolie en 45 ml botter tot warm in middelslagpot. Voeg 1 gekapte ui en 2 gekapte knoffelhuisies by. Verlaag hitte en laat mengsel sweet tot lig en deurskynend. Voeg by 250 g grofgekapte bruin sampioene en 2 takkies gekapte origanum en braai stadig tot sampioene sag en gaar is. Voeg 500 ml hoenderaftreksel by en verlaag hitte. Laat stadig oop prut tot vloeistof met helfte verminder het. Voeg 250 ml room by en laat prut tot vloeistof gehalveer het. Geur goed met sout en swartpeper . Puree in voedselverwerker en sit warm voor. AARDSE BORDE Maak seker jou tafel is afgerond met hierdie kleinbordjies van Urchin Art. Elke…

LOUNETTE HOU VAN Kry ’n kopstuk as fokuspunt vir jou bed, dan hoef jou kop ook nie teen die koue muur te rus wanneer jy lees nie. Kies vir ’n #snoesige bed as pantser teen die koue natuurlike materiale wat kan asemhaal, soos dié linneen-katoenmengsel uit die Linara-reeks van Romo (www.romosouthafrica.com). Dit het ’n geborselde voorkoms wat sag soos winterlakens voel. As ruimte min is, laat installeer ook hangligte weerskante van die bed.…

Bepaal eerstens hoeveel tyd julle albei op sosiale media gaan deurbring. Maak seker jou kommunikasie op sosiale media is heeltemal deursigtig. Tree met respek op vir jou maat se behoeftes, sosiale beeld en jul verhouding, wat jy ook al op sosiale media sê of doen. Jy moet altyd respek vir jou maat se gevoelens hê. Dink eers voor jy ’n inskrywing like of kommentaar lewer op iets wat hom dalk aanstoot kan gee. Praat deurlopend met mekaar oor wat geskikte sosialenetwerk-kommunikasie is. Wat vir jou aanvaarbaar is, is dalk nie vir hom nie. Die deel van te veel inligting op Facebook kan byvoorbeeld tot hewige rusies lei as die ander een meer privaat is. Let op jou Facebook-verhoudingstatus. Dis normaal dat getroudes en mense in ’n…

’n Kind se rugsak/skooltas moenie meer as 10% van sy liggaamsgewig wees nie. Maar in ’n studie met 19 Bloemfonteinse skole het die helfte van 380 leerlinge swaarder as dit gedra. Daar was twee groepe uit onderskeidelik gr. 5 en gr. 11. Die gr. 5’s se werwelkolomme was nog betreklik normaal. Die ouer leerlinge s’n het egter afwykings begin toon: veral in die nek, borskas en laag in die rug. Dis moontlik weens hul swaar tasse, volgens Ronette Hough, een van die navorsers aan die Universiteit van die Vrystaat. LET OOK OP ’n Rugsak moenie meer as 10 cm onder die kind se middel hang nie. Afsonderlike kompartemente in die rugsak help om die gewig meer eweredig te versprei. Die kind moet albei skouerbande gebruik. Dit moet wyd wees en…

Moontlike oorsaak ’n Tipiese simptoom van ons moderne leefstyl. Ons sit hopeloos te veel en jou ruggraat is nie daarvoor ontwerp nie, volgens Malte Lenkeit van die Dauphin HumanDesign Group (www.dauphin-group.com). Koester dit Stel jou stoel agter jou lessenaar/rekenaar die regte hoogte. Jou voete op die grond met jou rug wat ondersteun word en jou knieë effens laer as jou heupe (’n hoek van ’n raps meer as 90 grade). Stel jou rekenaarskerm sodat jy nie jou nek moet buig of vorentoe moet leun om op die skerm te kan lees nie. Toets dit só: Maak jou oë toe en weer oop. Jou blik moet op die middel van jou skerm val. Daar moet minstens ’n armlengte tussen jou oë en die middel van die skerm wees. Die ligbron moet…

Mari-Louis Guy van Koekedoor het hierdie resep met my gedeel. Vir nog heerlike koekresepte, wees op die uitkyk vir SARIE Partytjie wat nou landwyd teen R60,60 te koop is. genoeg vir 1 koek 150 g (165 ml) botter 375 g (445 ml) strooisuiker 3 eiers 60 g kakaopoeier 6 ml bakpoeier 6 ml koeksoda knippie sout 275 g (490 ml) koekmeel 250 ml melk STROOP 100 g (125 ml) bruinsuiker 75 ml koffie-ekstrak VULSEL 375 ml water 400 g (500 ml) suiker 15 ml gouestroop 120 g (300 ml) kakao 250 ml melk 80 g (165 ml) mielieblom 100 g donkersjokolade 60 g (65 ml) botter Verhit oond tot 180 °C. Voer 3 x 20 cm-losboomkoekpanne met bakpapier uit en spuit deeglik met kleefwerende kossproei.…