Innehållsförteckning för November 2018 från SARIE

Wenners, wenners, wenners, Wenners wil ons wees . . . So sê daardie Afrikaanse liedjie van die 80’s. Die een wat ons ná al die jare tog onthou. ’n Paar jaar gelede maak Charlie Sheen, eens Hollywood se hoogs betaalde TV-akteur en ster van Two and a Half Men, “winning” sy persoonlike mantra. “Winning!” twiet hy daagliks, in ’n tyd dat sy lewe duidelik aan’t uitmekaar val was. Onlangs het Suid-Afrikaners emosioneel toegekyk hoe Pieter-Steph du Toit trane wegvee op die rugbyveld nadat die Bokke gewen het. Nie ’n sommerso wen nie – die Groen-en-goud het die All Blacks goed op hul eie voorstoep geklop. Ekself het net ’n paar weke gelede weer die emosie van wen, en die ongeloof en dankbaarheid daarmee saam, ervaar toe ek SARIE se 10de…

. . . dis hoeveel plastiekstrooitjies jaarliks gebruik word. En daar is nóg skrikwekkende jaarlikse syfers: 300 miljoen ton nuwe plastiek word vervaardig, 8 miljoen ton beland in die oseaan, en soveel plastiek word weggegooi dat dit vier keer om die aarde sou strek . . . Wanneer jy Turning the Tide on Plastic deur die Britse joernalis Lucy Siegle lees, besef jy hoe noodsaaklik dit is dat die plastiekpandemie gestop word. Dis ’n praktiese en inspirerende boek met raad oor hoe jy self elke dag iets daaraan kan doen. (Orion, UK, R280)…

Die Engelse sê so mooi, Oh, thank you! What a thoughtful gift! Ons sê, Baie dankie, dis lieflik! Net wat ek wou gehad het! Dis so oorspronklik! Waar kom jy aan al jou idees? Ek wil baie graag “thoughtful” gebruik op die regte oomblik, maar om te sê: Wat ’n deurdenkte geskenk! herinner my te veel aan dronk studentedae. Wat ’n deurdrenkte trui! Kom in, ek kry ’n handdoek. Maar deurdenk is wel my plan. En ek skryf nou daaroor, oor ’n maand is dit te laat. ’n Feestyd sonder geskenke is ondenkbaar, die lewe is te kort. Ons kaste is vol van lieflike duur geskenke waarvoor ons geen gebruik het nie, daar is nie lank genoeg gedink nie. Die geheim van ’n perfekte geskenk is nie geld of…

Wat die oorsaak ook al is, ’n gebrek aan selfvertroue het dieselfde gevolge, sê Sandi en Judith. As jy “ja” antwoord op baie van dié vrae, hou ’n swak selfbeeld jou moontlik terug: Is jy baie krities oor jouself en ander mense? Is jy ’n people-pleaser wat ander mense se behoeftes voor jou eie plaas? Bekommer jy jou gereeld, veral oor dít wat ander van jou dink? Sukkel jy om besluite te neem of jou eie oordeel te vertrou? Laat jy ander mense gereeld toe om besluite te neem wat jou beïnvloed? Is jou baas, man of familie se goedkeuring vir jou uitermate belangrik? Sukkel jy om eenvoudig dankie te sê vir komplimente of antwoord jy met iets soos “Ag, dis sommer niks”? Vra jy gereeld…

Avoiding Burnout: The Seven Principles of Self-Preservation , K.A. Mann (Reach Publishers, R295) Stres en uitbranding is die grootste siekte van die tyd waarin ons leef. In die relevante boek bespreek Kathy Mann hoe uitbranding haar persoonlik geaffekteer het en wat dit geverg het om gesond te word. Die ma van twee het op die oog af ’n suksesvolle lewe gelei. Sy het haar eie florerende onderneming gehad en was ’n ultramarathonatleet. Toe stort haar wêreld in duie weens stres. Haar werk het nie by haar gepas nie, die werkomgewing was giftig. Nadat sy met ’n outo-immuunsiekte gediagnoseer is, het sy ophou werk. Dis waar haar lang pad na herstel begin het. Hierdie boek is die uitvloeisel van wat sy alles geleer het. Die nuttige werkboek gee riglyne oor…

BLINKERS Laat jou ster met ’n blinkerrok vonkel van dag tot aand. Gebruik bykomstighede om jou voorkoms van informeel na deftig te verander. Blinker-slooprok (R899), Poetry. Handsak met tossel-afwerking (R429), H&M. GROOTTE Rok: 6 – 18 POLKAKOLLE Jy sien dit oral, op elke kledingstuk en bykomstigheid. As jy graag waag, meng twee verskillende polkakol-patrone. Asimmetriese polkakol-rok (R4 500), Karen Millen. Polkakol-hemp met kaal skouers (R279), Free2BU by Edgars. Groen fluweelhakskoene (R829), Charles & Keith. GROOTTES Rok: 34 – 44 Hemp: 6 – 16 VALLE Klein valle, groot valle, net solank jy ’n val het. Dit is vleiend en vroulik, perfek vir enige ouderdom en enige figuur. Pienk vallerok met strik op rug (R4 100), Karen Millen. Strooihoed (R220), Foschini. GROOTTES Rok: 34 – 44 BLOMME & SKOENLAPPERS Laat die natuur…

JOU LIPPE Bevog jou lippe en gee dit ’n tikkie rooskleur in ’n kits met die lipbalsem Kalahari Soothing Lips in Desert Rose (R109). By uitsoeksalonne en -spa’s JOU TOPBEHANDELING Hoe gemaak vir ’n stralende vel ná ’n lang jaar? Ek het onlangs die Isa Carstens Akademie se Wellness Sanctuary-salon in Pretoria besoek vir ’n indieptevelanalise en velbehandeling. ’n Reeks foto’s word met ’n spesiale masjien van jou gesig geneem waarmee die grootte van jou porieë, lyntjies en plooie, pigmentasie, droogheid, rooiheid en sensitiwiteit op verskillende dele van jou vel geïdentifiseer en geanaliseer word. Hierna gaan die terapeut saam met jou deur die resultate om jou ’n goeie idee van jou vel se algehele gesondheid te gee. Die analise het getoon dat my vel effe gedehidreer is, en pigmentasievlekke is…

Jou reuksin is jou kragtigste sintuig. Dis dus geen wonder dat geur en emosie so nou verbind is nie. Deur jou gunsteling-parfuum aan te wend versterk jy jou gemoed en verklap jy iets van jouself sonder om ’n woord te sê. Die meeste vroue kies daarom parfuums wat by hul styl, persoonlikheid of ’n spesifieke geleentheid pas. Blomgeure soos roos en jasmyn laat jou voel of jy pas ’n vars bos blomme as geskenk gekry het. Sitrus is verfrissend en laat jou sonnig en optimisties voel. Kosgeure soos gemmer, swartpeper en tonkaboontjie (coumarou) laat jou mond water.…

UITSIG VAN DIE STOEP ’n Lae houtheining skei die eiendom van die veld en strand. BESKUTTE BUITE-KUIERPLEK Die stoep met sy uitsig op die strandmeer is gemeubileer met ’n lang bonkige tafel en eetbankies, gemakstoele en ’n lang ingeboude bank. Dis soos ’n verlenging van die leefarea en het hortjies wat kan toeskuif en die eiendom beveilig. WENK Beskut jou stoep met hortjies of seile sodat jy dit heeljaar kan gebruik. GESONKE KOMBUIS Die kombuisvloer is gesink sodat die hoofslaapkamer en ’n terras op die boonste vlak gebou kon word. Pleks van rye kaste, het Carla diep laaie gekies. Die kas in die hoek huisves die yskas en kruideniersware. Die sweefrakke wat aan ’n staalstruktuur hang, maak die pakplek interessant en prakties. WENK Diep laaie wat jy kan uittrek pleks…

’n Voorportaal is die een area in jou huis waar jy kan waag met kleur. Skep diepte met ’n donkerder kleur op die agterste muur en teen die sykant van ’n trap. Verf die ander mure in skakerings wat heelwat ligter is, maar in harmonie met die donker kleur. Kies Dulux verfkleure soos: Maraschino Mocha 3 (90RR/095) en Pictured Rocks (10YR28/072).…

Suid-Afrikaanse boere word geken aan harde werk, deursettingsvermoë, sakevernuf en ’n immergroen positiwiteit en passie as dit by die landbou kom. Tog is Jan Publiek se prentjie van die mense wat sorg dat ons kos op ons tafel het, soms effens skeefgetrek en tree die beeld van boere in tradisionele plaasklere onwillekeurig na vore. Hierdie prentjie is nie akkuraat nie, sê GWK, Agri SA en Shell Downstream SA, drie maatskappye vir wie die regte persepsie van ons land se boere belangrik is. Omdat hulle daagliks met ons voedselverskaffers werk, weet hulle dis ’n ander storie. Vandaar die idee om SARIE te betrek by hul projek om boere in ’n ander lig te stel. Natuurlik dra boere duursame, praktiese drag in veeldoelige kleurskemas omdat hulle ’n groot deel van die dag…

Teken in & wen (bl. 49), Wen ’n wegbreekbederf (bl. 62) 1. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en sy/haar naam sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Coverderm en Meerendal as ’n diens vir haar lesers aan. Coverderm en Meerendal voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Coverderm, Meerendal en hul reklamemaatskappye mag nie aan die wedstryd deelneem nie. 6.…

5 gelukkige SARIE-lesers kan elk die boek Sondag deur Irma Venter (Human & Rousseau, R275) wen. Sondag. Oukersaand. Ná ’n inbraak by die Stables Estate in Pretoria-Oos word bekende sakeman Lafras van Zyl vir dood agtergelaat. Die res van die Van Zyl-gesin verdwyn spoorloos: Katerien van Zyl, vryduiker met ’n Amerikaanse paspoort, en ook haar kinders Willem en Cath. Ná ses weke is daar nog geen leidrade nie, en kaptein AJ Williams van die Brooklynspeurtak moet inspring om te help. Joernalis Alex Derksen en fotograaf Ranna Abramson is op die spoor van die 17-jarige Martina Buitendag van Stilfontein. Sy het in Johannesburg vermis geraak en die enigste leidrade oor waar sy haar bevind, is ’n verslete tas met R20 000 kontant en ’n hand vol foto’s.…

Die droogte wat ons die afgelope jare geteister het, het almal van ons geraak. Intens het ons bewus geword van die voorreg, die vreugde van water. En as jy in die Suid-Kaap bly, het jy ook bewus geword van vuur, die verskrikking van vlamme wat deur ’n oerbos vreet en alles in sy pad verswelg: bome, huise, diere, mense. Water en vuur, die genadelose tweeling. Ek het die droogte én die vuur as’t ware op my voorstoep beleef. Ek het gesien hoe die oerwoud om my verdroog, het agtergekom dat die woud stadig begin sterf. En tydens die brande in die Suid-Kaap het vriende van my alles wat hulle besit, in die vlamme verloor: huis, meubels, klere, álles. Genadiglik nié hul lewens nie. Ons het bewus geraak van vuur en…

SAAM IN MY BOKS VAN HERINNERINGE Ek en SARIE kom al jare lank saam (te danke aan my ma). My maandelikse ritueel is om die tydskrif te koop en dan gaan lê ek in die bad en lees. Dit was toe ons nog water gehad het. Deesdae gaan lê ons op die bed in die spaarkamer of gaan sit op die stoep met ’n glas wyn of ’n pot tee. En elke woord, selfs die advertensies, word noukeurig gelees. Augustus se uitgawe het baie emosies gewek. Ek was geïnspireer, trots dat ons in Suid-Afrika so ’n gehaltetydskrif het, gevul met hoop. Want met soveel fenomenale vroue – en dis slegs die paar wat in die tydskrif verskyn, dink net hoeveel duisende ander is daar – kan die toekoms net wondere…

Facebook, Twitter, Instagram, ’n blog . . . Sportkommentator Elma Smit laat haar stem gereeld op sosiale media hoor. Maar een ding het sy uit dure ondervinding geleer: Om nie sommer die plek waar sy is bekend te maak terwyl sy nog daar is nie. “Op Facebook en Instagram deel ek meestal eers ná die tyd waar ek was. Dis erg genoeg dat ’n man my eenkeer ná die ontbytprogram op Jacaranda FM in die ontvangslokaal voorgekeer het. Hy het op foto’s saam met my aangedring – waarin my voete (van alle dinge) duidelik sigbaar moes wees! “In dié era van sosiale media en alomteenwoordige kameras neem ek ook my vriende en geliefdes se wense oor hul privaatheid ernstig op. Ek vra wat hulle van die foto dink en sê…

Riaan Manser glimlag van oor tot oor terwyl hy sy stewige bulletjie, James, vashou. “Die outjie weeg 11 kg,” sê hy trots. James is byna ’n jaar oud en sy ogies is ondeund – ’n mengsel van pa se groen kykers en ma Vasti se blou oë. Advokaat Vasti het die dag af en met haar avonturier-man en haar seun aan haar sy geniet sy ’n glasie Tokara Merlot in ’n gesellige eetplek op Stellenbosch waar ons saam kuier. James glimlag asof hy als verstaan. Riaan en Vasti lyk asof hulle in die wieg gelê is vir ouerskap. Vasti ruil behendig doeke om, Riaan gesels met James op die skoot. Hulle is pas terug van ’n rustige gesinsvakansie op die Seychelle, wat heeltemal verskil van sy “gekke” avonture oor die…

Jy het al in verskeie teaterproduksies, reekse en flieks gespeel – meer onlangs in kykNET se Elke skewe pot , Suidooster en die fliek Stroomop . Dit lyk asof jy deesdae selektief is met jou keuse van rolle. Ek kies nou eerder rolle wat met my praat. Vir elf jaar was ek deel van die sepie Isidingo as akteur en regisseur. Voor my motorfietsongeluk in 2015 het ek alles as vanselfsprekend aanvaar, elke rol . . . ek was “lewend”, maar het nie gelewe nie. Vertel meer. Daardie motorfietsongeluk het my byna my linkerbeen en lewe gekos. Ek was in ’n bed vasgevang, moes leer om met krukke te loop. Maar dit het my “wakker” gemaak. Nou wil ek alles…

“hoe verder mens vorentoe beweeg hoe krommer lyk die pad agter jou”Uit die gedig “in praise of protest” in die bundel Asof geen berge ooit hier gewoon het nie deur Pieter Odendaal (Tafelberg, R200) Begin jou eie groentetuin JOHAN VAN ZYL EN PETER VAN NOORD (HUMAN & ROUSSEAU, R325) Droom jy nog altyd daarvan om jou eie groentetuin te hê, is hierdie boek die perfekte handleiding. Die skrywers neem jou deur al die stappe in die aanlê van ’n organiese groentetuin: hoe om die beddings voor te berei, die kompos, hoe om peste en plae weg te hou, die verskillende groentes. Die plesier wat jy daaruit gaan put, gaan alles die moeite werd maak, al bestaan jou tuin net uit ’n paar potte op die patio. Iets wat jy in…

Maya Fowler oor haar jongste roman, Patagonië (Umuzi, R220)  Wat was jou inspirasie vir die verhaal? Toe ek baie klein was, het ons by ’n goeie familievriend van my pa in die Vrystaat gekuier. Daar het my pa vertel die oom se vrou, haar naam was Annette, is in Argentinië gebore, en dat sy Afrikaans was maar Spaans kon praat. My mond het oopgehang, en die vonk het my al die jare bygebly. Was jy in Patagonië om navorsing te doen? Ek was, ja. Dis ’n ongenaakbare stuk aarde daar. Baie soos die Karoo, waarvoor ek so lief is, maar droër, en die wind tier byna onophoudelik. Die foto van my op die agterflap is in dié wind geneem; daarom is my oë toe! Interessant genoeg is Patagonië ’n enorme…

TYDLOOS Loopplankmodes is vir idees – vir elke ouderdom, persoonlikheid en styl! 40's Groot geruite patrone in Fendi se Lente/Somer 2018-reeks by die Milaanse Modeweek. 50's Blompatrone in Erdem se Lente/ Somer 2018-reeks by die Londense Modeweek. 60's Swart rok in Victoria Beckham se Lente/Somer 2018-reeks by die New Yorkse Modeweek. 70's Lang wit rok in Ralph Lauren se Lente/Somer 2018-reeks by die New Yorkse Modeweek. AMARIA HOU VAN Ek het so ’n effense sonbril-obsessie. My man lag en sê ek kan al my eie sonbrilwinkel oopmaak. Groot sonbrille met interessante detail trek veral my aandag. En rond is nou mode!…

’n Nuwe unieke velsorgreeks, AgeWell, is ontwikkel om aan jou vel se veranderende behoeftes in elke dekade te voldoen. In jou 20’s wil jy jou vel teen toekomstige skade beskerm, in jou 30’s die vorming van lyntjies en plooie vertraag en van jou 40’s af is die verbetering van fermheid prioriteit. Die reeks se reiniger, verfrisser, serum en oogroom is geskik vir alle ouderdomme, terwyl die dag- en nagrome geformuleer is in drie kategorieë: Proactive, Pause en Restore vir vroue in hul 20’s, 30’s en 40’s+. By Foschini, uitsoeksalonne en aanlyn by www.agewellskin.com Die Switserse naellakreeks Mavala se nuwe Blush Collection spog met ses skakerings in variasies van pienk – perfek vir die somer. Die kleiner bottels is gerieflik om in jou handsak te hou en gee jou kans om…

Jy kan ook meringue bo-op kaaskoek skep en bruin brand met ’n kombuisblaasvlam. Maak so: Plaas 2 eierwitte saam met 100 g (125 ml) strooisuiker en 45 ml glukosepoeier (kyk by apteek) in ’n glasmengbak. Klits met elektriese handklitser oor ’n pot met water wat liggies prut (die bak moenie aan die water raak nie). Klits tot mengsel blink en styf is, sowat 8-10 minute. Verwyder van hitte en hou aan klits tot koel. Skep mengsel in ’n spuitsak met 1 cm-skerprandtuit en spuit rosette bo-op koue kaaskoek. Brand bruin met kombuisvlam, of sit onder warm oondroosterelement vir ’n paar sekondes.…

’n Stoep kan maklik as ’n ekstra vertrek gebruik word. Beskut dit teen die elemente met hortjies of sonseile. ’n Ingeboude bank met sagte kussings is prakties en net reg vir ’n middagslapie in die buitelug. Versier met iets soos hierdie houtvoëls en glasboei wat ook die elemente sal deurstaan.…

Aktrise Lea Vivier van die kykNET-sepie Binnelanders gebruik verskeie sosialemedia-platforms soos Facebook en Instagram, waar sy onder meer inspirerende skrywers soos Bibi Slippers volg. “Dit maak ook verskeie kunsvorme soos fotografie, poësie en ontwerp meer toeganklik vir die gewone mens,” sê sy . Selfies maak haar wel effens ongemaklik, want dit het soms narsistiese ondertone. “Maar dalk neem ek myself net te ernstig op. Van my vriende neem skreeusnaakse selfies wat ’n groot glimlag op my bakkies laat. “Jy het immers altyd ’n keuse hóé jy sosiale media gebruik,” sê sy oopkop. Soms soek sy tog stilte en detoks dan ’n ruk lank van die internet.…

Dis die dag voor Ramadaan begin en die hemele het so pas oopgemaak. Dit sous in die woestyn. Nie vir die eerste keer nie, skud ek my kop en dink, waddedinges. Cloud seeding (kunsmatige reën) is maar een van vele eienaardighede waaraan jy vinnig moet gewoond raak hier in “die sandput”, soos ons Suid-Afrikaanse expats die Verenigde Arabiese Emirate (VAE) noem. Ek woon in Doebai, een van die sewe emirate wat die land uitmaak. Die ander is Aboe Dhabi (ook die hoofstad), Ajman, Sjarjah, Foejairah, Ras al-Chaimah en Umm al-Qoewain. Dit werk byna soos provinsies, behalwe dat elke emiraat deur ’n sjeik in ’n absolute monargie regeer word. Die sjeik van Aboe Dhabi is die president van die VAE, terwyl Doebai se sjeik die adjunkpresident en eerste minister is. Elke…

Jy probeer gereeld oefen, maar slaan ’n oefensessie oor. Dalk word dit drie dae . . . en voor jy mooi weet, drie weke. Jy wonder: “Is ek nou minder fiks?” Of: “Hoe lank voor ek ’n sofapokkel is?” Daar kan baie redes wees waarom jy jou oefenroetine verbreek. Vakansie, slegte weer, werkverpligtinge, beserings, of dis net nie meer ’n uitdaging nie. Om dan weer terug te gaan gimnasium toe kan jou laat voel asof jy die heel eerste keer gewigte moet optel. En as jy ooit ná ’n rustydjie probeer draf het, wéét jy watter straf dit kan wees. Maar hoeveel ontspoor jou fiksheidsdoelwit werklik? En hoe lank duur dit voor al jou harde werk tot niet is? Ná net twee weke sonder oefening is daar ’n klomp fisiologiese…

Skryf aan SARIE, My sê tel, Posbus 1802, Kaapstad 8000, of stuur e-pos na: mysetel@sarie.com . Nie meer as 300 woorde nie, maar ons behou die reg voor om briewe te verkort. Menings uitgespreek in lesersbriewe is nie noodwendig dié van SARIE nie. Ons plaas nie gedigte, briewe oor reünies of vermiste mense nie. REËLS: Briewe (ook e-posbriewe) moet ’n volledige posadres, kontaknommer en volledige doopnaam bevat. Dit moet ook oorspronklik wees en mag nie aan ander tydskrifte voorgelê word nie. En jy moet onderaan jou brief aandui: NET AAN SARIE GERIG.…

Haar Moslem-buurvrou het die aktrise Jill Levenberg die oggend help aantrek vir haar oudisie as Mymoena Samsodien, die Moslem-matriarg in die kykNET-sepie Suidooster. Met ’n kopdoek en groot bag op die skoot is sy met ’n taxi uit Kensington weg Kaapstad toe. Jill wou soos sy vóél. Toe sy daar by die ateljee uitklim, wás sy antie Moena. Sy het die rol gekry. Dis meer as drie jaar later en Jill sit nou al lekker in haar karakter se lyf. “Ek doen dinge wat ek nooit sal doen nie, dis Moena wat oorvat voor die kamera,” lag sy. Jill gesels in haar aantrekkamer by die ateljee waar Suidooster opgeneem word, haar hare in los krulle tot op haar skouers en in gemaklike jeans – net die innemende glimlag is onmiskenbaar…

‘Ek wou nie ’n slagoffer word’ Thulisa Keyi, Mej. Wêreld SA 2018, wie se pa voor haar vermoor is Dis steeds vir haar te moeilik om te praat oor daardie dag, nege jaar gelede, toe haar pa voor haar beroof en doodgesteek is. Juis om dié rede het Thulisa Keyi, wat vroeër vanjaar as Mej. Wêreld SA aangewys is, vir die Mej. SA-kompetisie ingeskryf: “Ek wou my stem vind, my storie deel en bevry word van dit wat my so lank gyselaar gehou het.” Thulisa, wat oorspronklik van Oos-Londen in die Oos-Kaap kom, was maar 17 toe “die grootste tragedie in haar lewe” haar getref het. “Noudat ek terugkyk, besef ek wanneer jy sulke trauma ervaar, is die pyn so ondraaglik en die emosie so oorweldigend dat jy dikwels ’n…

Kinders doen nie wat jy sê nie, maar wat jy self doen. Die beste manier om dus ’n selfversekerde dogter groot te maak, is deur self só op te tree, sê Sandi. Sy en Judith gee ook dié praktiese wenke: Wees versigtig om stereotipiese verwagtinge van jou dogter te hê. Sy hoef nie met poppe te speel nie en kan saam met pa en broer leer hoe om ’n kraan reg te maak as sy wil. Moenie jou dogter net aan boeke en flieks blootstel waar die prinses deur die prins gered word, of waar vroue altyd net wil trou en kinders kry nie. Kyk saam flieks met vroue as die held, en koop boeke oor vroue in die wetenskap. Moenie jou dogter altyd net oor haar voorkoms komplimenteer nie.…

Dié gesinsvakansie na die Seychelle was die uitvloeisel van ’n episode wat Riaan gemaak het vir die avontuur-televisiereeks How to Adventure , wat verlede jaar op Discovery (DStv-kanaal 121) uitgesaai is. “Hierdie program het gegaan oor gewone mense wat saam met my buitengewone avonture beleef soos snorkel saam met robbe en afspring van hoë kranse. Hierin het ek probeer wys jy hoef nie ’n avonturier te wees om te waag nie.” Vir How to Adventure is hy onder meer na die Alphonse-ringeiland, aan die buitenste rand van die Seychelle, ’n koraal-eilandgroep wat uit 115 eilande bestaan. “Alphonse is so groot soos Robbeneiland, sowat 400 km suidwes van Mahé. Ek en ’n deelnemer moes vir een van die episodes ’n dag lank daar sonder…

Vir Carlyle Labuschagne en Kristin Ping het ’n droom waar geword. Hulle is die eerste SA skrywers wat die Amerikaanse koerant USA Today se gesogte weeklikse lys van 150 topverkoper-boeke in Amerika haal. Labuschagne se boek, Tethered , asook dié van Ping, The Curse , is uitgegee as deel van ’n sogenaamde box set met die naam The Shadow Files . Op 15 Augustus vanjaar was dié stel boeke nr. 123 op daardie week se lys. Labuschagne en Ping is gevestigde skrywers in die bonatuurlike en spanningsgenre. Hulle is deur ’n groep Amerikaanse skrywers genooi om betrokke te raak by The Shadow Files-projek. Daarna het hulle net ’n jaar…

Prinses Diana het die wêreld met haar styl en grasie bekoor. Iets waaraan lady Kitty Eleanor Spencer, dogter van die ontslape prinses se jonger broer, Charles Spencer, nie ontbreek nie. Nou is Kitty, wat in SA grootgeword en aan die Universiteit van Kaapstad gestudeer het, aangewys as ambassadeur en beïnvloeder vir die luukse Italiaanse juweliershuis Bulgari se nuwe Divas’ Dream-reeks. Dié 27-jarige het reeds as eenjarige in 1992 saam met haar modelma, Victoria Aitken, op die voorblad van Harper’s Bazaar UK verskyn, maar dis eers nadat dié slimkop haar meestersgraad in die bestuur van luukse handelsmerke voltooi het, dat sy in 2015 volstoom met haar eie modelloopbaan begin het. Sedertdien was sy al op die loopplank vir Dolce & Gabbana by die Milaanse Modeweek en in…

In ’n wêreld waar ons smag na kitsbevrediging, is dit geen verrassing dat estetiese skoonheid ’n florerende bedryf in Suid-Afrika is nie. “Die grootste aantrekkingskrag is die vinnige, sigbare resultate wat meer gevorderde estetiese behandelings lewer, sonder dat dit nodig is om onder die mes te gaan,” sê Yolandé Swanepoel, programhoof van estetiese dermatologie by die Isa Carstens Akademie, SA se voorste opleier van skoonheidsterapeute. Vroue van alle ouderdomme klop by die Isa Carstens Wellness Sanctuary-salonne in Stellenbosch en Pretoria aan vir enigiets van chemiese afskilfering om van akneemerke en pigmentasie ontslae te raak tot radiofrekwensie vir ’n fermer vel. Waar goeie velsorgprodukte nodig is om ’n gesonde vel te onderhou, werk estetiese behandelings dieper en meer omvattend om jou vel se bloedsirkulasie te bevorder, selvernuwing aan te help…

Spyskaart Vir jou glas Witperske-en-lietsjie-sangria Eerste proe Slaai met tuintamaties en roosmalva-asyn Langkuier-kos Lamsblad met lemoenbloeisel-bruinsous Aspersies met ’n pienkpomelo-hollandaise-sous Sagte, soet smaak Kaaskoek met pynappel in rum en speserye gebraai WITPERSKE-ENLIETSJIE-SANGRIA Op ’n onlangse besoek aan Spanje het ek van voor af verlief geraak op die veerligte drankie perfek vir somerkuiers. genoeg vir 10 8 perskes met wit vleis, gehalveer en ontpit 1 x 410 g-blik lietsjies 2 x 750 ml rosé-wyn 300 ml gemmerbier 80 ml vlierblomstroop ( elderflower cordial ) 4 lemmetjies, in skywe gesny 4 perskes, ontpit en in skywe gesny vars bessies, soos…

KERSIE-BEDERF Jy kan dié witsjokoladekoek met kersies in ’n hartvormige pan bak. genoeg vir een 30 cm-koek (of 6-8 porsies) 200 g (220 ml) sagte botter 200 g (250 ml) suiker 4 eiers 200 g (260 ml) bruismeel 100 g witsjokolade, fyngekap 250 ml room, geklits tot sagte punte vorm 250 g vars kersies 100 g donkersjokolade, gesmelt en effens afgekoel Verhit oond tot 180 °C. Room botter en suiker met elektriese menger tot lig en romerig. Voeg eiers by en meng goed. Voeg bruismeel en witsjokolade by en meng goed. Gooi beslag in ’n 30 cm-pan wat met kleefwerende kossproei gespuit is. Bak vir 20-25 minute of tot goudbruin en gaar. Keer uit en laat afkoel. Skep room bo-op en strooi kersies oor. Skep gesmelte donkersjokolade oor en sit…

1 Baie inbrake gebeur wanneer vensters nie beveilig is nie of oopgelaat word. Al het jy ’n alarm, beskerm jou eiendom ook met diefwering. 2 Installeer veiligheidshekke by elke buitedeur en ook binne by die slaapkamers. 3 Trellidor se hortjies en hul deursigtige veiligheidsdeure (dit lyk soos sifdeure maar is ondeurdringbaar) is geskik vir beweging in en uit die huis. Hul glyhekke is ’n meer bekostigbare opsie en is beskikbaar in staal en aluminium. Vir patio’s en stoepe beveel hulle aluminiumhortjies aan wat op- en afrol. (www.trellidor.co.za)…

‘Vergewensgesind, baie soos die gemoed van ’n vrou Annelize Morkel, bemarker en skepper van spesiale sjokoladeervarings Daar was nie baie luukshede in Annelize Morkel se grootwordjare nie. En sjokolade het beslis onder die sambreel “luuksheid” geval. Sy was byna volwasse toe sy die eerste keer gehaltesjokolade proe. Sy begryp steeds nie waarom dit as ’n bederf beskou word nie. Mintag, dis ’n noodsaaklikheid! “My kinderlewe was moeilik, met onstabiliteit, aanneming . . . die soort dinge wat maak dat jy kanse aangryp en die klein dingetjies in die lewe waardeer. Ek het per toeval by sjokolade betrokke geraak. Maar omdat ek weet van swaarkry, was goeie kos en wyn nog altyd uitermatig belangrik en iets wat ek koester. Ek eksperimenteer graag met geure, resepte en kombinasies en geniet dit…

A Architects of Time 011 669 0790 www.picotandmoss.co.za Arthur Kaplan 011 669 5600 www.arthurkaplan.co.za Ashanti Design 021 461 0367 www.ashantidesign.com B Block & Chisel 010 593 9308, 021 712 5193 www.blockandchisel.co.za C Charles & Keith 011 729 5023, 021 552 4912 Crocs 087 237 6845 www.crocssa.co.za E Edgars 0800 203 925 www.edgars.co.za F Foschini 0860 576 576 www.foschini.co.za G GDF Designs 021 462 6470 www.gdfdesigns.com H H&M 0860 690 707 www.hm.com/za K Karen Millen 021 418 0162, 079 093 2914 M Makro 0860 300 999 www.makro.co.za Mango shop.mango.com Mr Price Home 0800 212 535 www.mrphome.com N Nomination 0861 220 861 www.nomination.com P Perfect Hideaways 0860 888 862 www.perfecthideaways.co.za Picot & Moss 011 669 0500 www.picotandmoss.co.za Poetry 0860 555 529 www.poetrystores.co.za R Replay 021 418 8507, 011 884 6727 S Sterns…

Jy twyfel gedurig oor jou besluite Vra jouself ’n dosyn keer per dag: Is ek te sensitief? Jy voel dikwels verward en bietjie van jou trollie af by die huis/werk Jy vra aanmekaar om verskoning vir jou ma/baas/man/kêrel Jy kan nie verstaan hoekom jy nie gelukkiger is nie, terwyl daar op die oog af so baie goeie dinge in jou lewe is Jy weet iets is verkeerd, maar kan nie jou vinger daarop plaas nie Jy begin leuens vertel om die voortdurende kritiek te vermy Jy sukkel om eenvoudige besluite te neem Dit voel of jy eens ’n ander mens was – een met meer selfvertroue, meer ontspanne, lief vir pret Jy voel hopeloos en sonder vreugde Dit voel of jy niks kan reg doen nie Jy voel of jy…

’N PAAR DAE Dis nie so erg nie. Jou lyf is waarskynlik dankbaar vir die kans om te herstel en jy kan daarna jou oefenprogram weer energiek aanpak. ’N WEEK Jy gaan dalk ’n bietjie “sagter” as gewoonlik voel. Dis omdat jou spiervesels begin kwyn en jou lyf vloeistof terughou. Begin jy nou weer oefen, gaan jy waarskynlik nie beduidende veranderinge sien in hoe vinnig jy hol/ hoeveel kilogram gewig jy optel nie. ’N PAAR WEKE Jou fiksheidsvlak is beslis op die afdraande pad. Die aantal mitochondria, die mikroskopiese “kragstasies” wat brandstof aan jou selle voorsien, verminder en jou kardio-uithouvermoë duik eerste in die hek. Jou bene kan brand as jy trappe klim, of jou asem kan selfs blaas. ’N MAAND Die meeste van jou kardio- en kragwins van die…