Innehållsförteckning för February 2019 från SARIE

Februarie, so ’n effe parmantige maand, die kortste van die jaar. Maar met ’n láng, intense verbintenis tot die liefde. Byna soos ’n tango. Reeds van die 14de eeu word Februarie met sy Valentynsdag op die 14de met romantiese liefde geassosieer. Teen die 18de eeu het #verliefdes blomme, mooi kaartjies en soetgoed vir mekaar gegee. En beloftes gemaak en trou gesweer. Vandag lê die waarde van Valentynsdag grootliks in die kommersiële, lyk dit . . . ’n ontploffing van pienk en rose en sagte speelgoed in al wat ’n winkel is. Die liefdesboodskappe is maar oppervlakkig en stylloos; die blomme en sjokolade dikwels te duur. So ja, ek’s verdeeld oor dié dag. ’n Deel van my sê dis goed dat daar ’n spesiale dag is wat jy toegewyd aan ’n…

TJOEF-TJAF INGEPAK Die onafwendbare breek aan: aftree, en af see toe! Ook die besluit om af te skaal. Om gemaklik te lewe het ’n mens immers net sóveel lepels, lappe en lakens nodig. Nou is dit die perfekte tyd om van goeters ontslae te raak en lig te reis op die pad wat oor is. Ek moes destyds my oorlede ma se huis oppak en besittings wegmaak. Net daar het ek besluit: Dít gaan ek my kinders nie aandoen nie, dis ’n emosionele en fisieke nagmerrie. Ek gee self sommer nou al die goed weg wat ek nie meer gebruik nie. Dit is verblydend bevrydend. ’n Mens kom uitstekend met baie minder aardse besittings oor die weg. Nou, in ons minimalistiese en perfekte seehuisie, welgesteld met my tien teelepels, ses…

Die baardman voor my is die sanger van die oomblik in Suid-Afrika. Noem maar op, hy is daar. Dis Jo Black – 1,83 m lank, gemaklik in ’n blou hemp en kenmerkende swart denimbroek. En hy’s honger. Jo eet geesdriftig aan ’n mezzebord in die Zevenwacht-restaurant. Olywe, brood en ander happies vul die groot man nie juis voor sy optrede by die Piekniek-en-Musiek-konsert nie. Die vorige nag het hy ’n skamele vier uur in sy huis in Pretoria geslaap. Dit was nadat hy ’n week lank saam met Caroline Grace van The Voice-faam op die luukse MSC Musica deurgebring het – die “matriekboot”, met 2 900 jongelinge wat pas met matriek klaargemaak het. Vroegoggend moes hy weer Kaap toe vlieg, waar hy en Elvis Blue by die Zevenwacht-landgoed buite Stellenbosch…

Versigtig seil sy op haar rug deur die ruwe grotgangetjie. Haar kopliggie af om nie die dierelewe te versteur nie. Die enigste lig, so ’n armlengte ver, honderde vlermuisogies. Soos die hemelruim op ’n Bosveldse nag. Tjoepstil, sonder om te beweeg, kýk hulle net. Die reuk, nat en muf, ’n herinnering dis hul en baie ander “gediertetjies” se blyplek. Eers moes die span, tou om die lyf, in ’n loodreg tonnel af. Toe die nuwe uitdaging, die enigste manier vorentoe op hul rug deur die beknopte ruimte. Die vervaardiger van die 50/50-insetsel het besluit sy draai om. “Gaan jy en die kameraman maar voort.” “En ons hét,” vertel Bonné de Bod, veelvuldig bekroonde natuurlewe-TV-aanbieder en vervaardiger van dokumentêre films. Die adrenalien por jou aan. Jou hart klop ’n bietjie vinniger,…

Buiten gebaretaal, moes Tarryn Wyngaard ook leer rolskaats vir haar rol as Gina in die kykNETdrama Dwaalster . Dis lekker om voortdurend nuwe goed te ontdek, sê dié aktrise, wie se dowe karakter ’n sesde sintuig ontwikkel wat haar die onsienlike laat sien. “Dis belangrik om jou kreatiwiteit aanmekaar te voed en jou nuuskierigheid in die lewe te behou. Jou kop moet skerp bly en jou hart oop.” Sy het tussen Seepunt en Mouillepunt in Kaapstad met haar rolskaatse geoefen en ja, ook maar lekker geval. Soos altyd was sy egter gefokus, met die wete wat haar doelwit is. “Ek is lief vir navorsing en as ek in ’n nuwe karakter se skoene klim, gee ek alles.”…

Selfsorg is baie belangrik terwyl jy ’n verbreekte verlowing verwerk, sê drs. De Beer en Burger. Hul raad: Sien om na jou fisieke welstand. Probeer genoeg en gesond eet en slaap, en versorg jouself. Omring jou met mense wat vir jou omgee. Probeer om so vinnig moontlik enige troureëlings te kanselleer, al is dit moeilik. Moet jou ook nie kwel oor wat mense daarvan dink nie – dié wat regtig belangrik is, sal verstaan en jou ondersteun. Verbreek dadelik kontak met jou eksverloofde, ook op sosiale media. Dit neem langer om ’n verbreekte verhouding te verwerk as jy gedurig gebombardeer word met inligting oor jou eks se lewe. Doen dinge wat vir jou vreugde verskaf.…

miskien is ons alles net soos ons niks is Uit die gedig “19. someroggend in Ortignato – vir my gasheer, my medereisiger” in Breyten Breytenbach se bundel Vyf-en-veertig skemeraandsange uit die eenbeendanser se werkruimte (Human & Rousseau, R180) Islanders/Ilhéus ILHA DE MOÇAMBIQUE, MOIRA FORJAZ (FANELE, R650) Fotojoernalis Moira Forjaz se foto’s beeld die lewe van die eilandbewoners van Ilha de Moçambique in al sy glorie (of gebrek daaraan) uit, sodat jy nie anders kan as om geroer te word nie. In die meegaande teks vertel sy dié mense se stories en hul uitdagings om op die eiland te oorleef. Insiggewend, inspirerend en deernisvol. Phyllis Green…

Jo Nel oor wat die vonk was vir sy debuutriller, Die hond wat ophou blaf het (Penguin, R250) Die vonk was my en die hoofkarakter (ook ’n tandarts) se verwante frustrasie op die eerste bladsy. Ek het dié bladsy by die werk geskryf. Het jy uit jou eie lewe as tandarts geput om dit te skryf? Ja, maar ek sal liewer nie sê wat alles nie. Ek het ruimtes gebruik wat ek goed ken. Ek is baie lief vir die Oos-Kaap. Hoe skep jy jou karakters? Ek is self nie seker nie. Van die karakters is in ’n mindere of meerdere mate deur mense geïnspireer, party deur meer as een mens. Ek kry gewoonlik taamlik vinnig ’n idee van hoe ’n karakter lyk en praat. Dis asof die karakters, veral…

ROMANTIESE PRET Speel met patrone en teksture vir ’n stylvolle, vroeë aand uit. ’n Tikkie blink vir haar is perfek om in die strale van die ondergaande son te skitter. Tinarie: Blinker-kamisool (R399), RE by Woolworths. Wyepyplangbroek (R629), H&M. Ligblou insteekhakskoene (R599), Cotton On. Hoed (R499), Witchery. Oorbelle oorgeblaas met 22 kar.-goud, versier met tou, kristalle, krale en groenkwarts (R1 100), Pichulik. GROOTTES Kamisool: 6 – 18 Broek: 34 – 44 Jacques: Vlootblou-en-wit geruite hemp (R299), Old Khaki. Potloodstreep-langbroek (R499), Cotton On. Weermagstyl formele stewels (prys op aanvraag), Dune London. GROOTTES Hemp: XS – XXL Broek: XS – XXL PASMAATS Kies lospassende baadjies met detail soos pêrels vir haar en weefdetail vir hom. Tinarie: Eenstuk met vlootblou-en-wit strepe (R1 199), Poetry. Wit denimbaadjie versier met kunspêrels (R899), H&M. Hakskoene (R599),…

Mode is meer as klere. Dis ’n wêreld van stories – elke voorkoms en elke mode-item vertel ’n verhaal. Dit praat ook van vreugde; net om dáárdie stuk vir jou klerekas te ontdek wat so rég is vir jou. Wat jou mooi, selfversekerd en bemagtig laat voel. Nimmereindigende versoeke om te weet hoe SARIE se mode-afdeling werk, het gelei tot die ontstaan van SARIE Modeskool so twee jaar gelede. Met elke modeskool in SARIE se Kaapse kantoor deel moderedakteur Amaria Carstens haar A-Z-kennis. Jy kry selfs kans om saam met ’n professionele fotograaf, topmodel, grimeerkunstenaar en haarstileerder te werk. In November het ons ons 7de Modeskool aangebied en hier wys ons die resultaat van ons 14 ‘studente’ se ateljee-fotosessie. Sommige het bloot ’n lewendige belangstelling in mode, ander wil mode…

SUBTIEL Die sangeres Taylor Swift het by die Amerikaanse Musiektoekennings in Oktober verlede jaar ’n dubbele katoogvoorkoms gehad. Gebruik ’n swart vloeibare oogomlyner en trek ’n lyntjie met ’n klein vlerkie teenaan jou boonste wimperlyn. Gebruik dan ’n oogpotlood en trek teenaan jou onderste wimperlyn ’n sagte lyntjie en vlerkie wat parallel met die boonste een loop. KLEURRYK Trek met ’n swart vloeibare oogomlyner ’n netjiese lyntjie met ’n vlerkie teenaan jou boonste wimperlyn. Gebruik sodra die swart oogomlyner droog is, ’n vloeibare oogomlyner in ’n kleurryke skakering soos blou of pienk en trek ’n tweede lyntjie al langs die bokant van die swart lyntjie. Die swart lyntjie help dat die kleur behoorlik uitstaan. WAAGHALSIG Skep ’n “deconstructed eyeliner”- voorkoms deur met ’n fyn gekleurde oogpotlood ’n kort lyntjie in…

SLIM KEUSE Plastiekstrooitjies behoort eintlik nie meer ’n opsie te wees nie. Bring jou kant vir die omgewing met dié metaalstrooitjies van Nicolson Russell wat jy oor en oor kan gebruik. Daarmee saam kom ’n spesiale borseltjie waarmee jy die strooitjies skoonmaak. R170 vir 4 by kombuiswinkels landwyd EIERHOUER Hou eiers vars in hierdie oulike porseleinhoender van Mason Cash, met plek vir 6 eiers. R499 by www.yuppiechef.com PATROONMOOI Laat beproefde resepte nuut en opwindend lyk met ’n patroonpan van Zenker. Dis kleefvry aan die binnekant en kom in ’n mooi pienk. Sowat R299 by kombuiswinkels landwyd SARIE KOS SOMER In dié jongste uitgawe van SARIE KOS wat nou landwyd te koop is, wys vroue hulle kán braai en deel heerlike braairesepte vir die somer. Daar is ook 5 van ons…

Skep ’n wegbreek-hoekie in jou tuin waar jy skemerkelkies kan geniet. Dié huisie van hout is deur die landskapontwerper Tone Alexander (www.tonealexander.co.za) gebou en hy het slegs herwonne materiale gebruik, soos ou deure, boogvensters en planke wat sy span gesaag het van afgekapte bome. Die spasie is trendy ingerig met ’n ronde spieël, tweeling-kroonkandelare, ’n toonbank en ekstra tafel en stoele. Net reg vir jou en jou Valentyn. Sien die jenewerkroegie en die res van die huis op bl. 114.…

Soos die meeste van ons het dr. Kevin Hall gedink die rede hoekom mense vet word, is eenvoudig. Jy eet te veel en oefen te min. Kilojoules (kJ) in vs. kilojoules uit: Dié sommetjie het sin gemaak. As jy meer kJ eet as wat jy verbrand, gaan jy mos gewig aansit. Nè? Sy eie navorsing – en die deelnemers aan The Biggest Loser, ’n Amerikaanse TV-werklikheidsreeks – het hom verkeerd bewys, volgens ’n artikel op Time.com, “The Weight Loss Trap: Why Your Diet Isn’t Working”. “Van die deelnemers het meer as 9 kg ’n week verloor,” volgens dr. Hall, ’n metabolismekenner en navorser van die Amerikaanse National Institutes of Health (NIH). “Die oefenprogramme en diëte was moordend, natuurlik sou hulle gewig afskud. Maar so baie gewig?” Hy het besluit om…

5 gelukkige SARIE-lesers kan elk die boek Bos deur Jaco Wolmarans (Tafelberg, R280) wen. Carlos Viyera, die veteraan met ’n duister, gewelddadige verlede, en Tex Texeira, sy talentvolle protégé, is bloedbroers. Hul vriendskap en totale vertroue gesmee in Angolese pseudo-operasies. En toe is die oorlog verby. Of is dit? Hoekom, ná jare van donker geheime, het Carlos nou die grens oorgesteek as renosterstroper in Mosambiek? Die gevreesde, onaantasbare Kalingono, dood verklaar ná ’n duister operasie . . . nou moordend terug? Militêre Inligting soek antwoorde. En Tex is die enigste operateur wat dit naby hom kan waag. As hy die skietdood van sy eie vrou kan verwerk. En die gevoel van ’n lokval wat hy net nie kan afskud nie . . . Nog 5 gelukkige…

3 redes waarom jy hierdie kans moet aangryp. Jou SARIEintekening beteken Jy weet jy sal nie ’n uitgawe misloop nie Jy kan kies: jy betaal maandeliks of eenmalig Dis ’n kans om jouself – of iemand vir wie jy omgee – te bederf 087 353 1300 subs@media24.com EN ONS KONTAK JOU SUBS SARIE na 32361 (geen leestekens) EN ONS KONTAK JOU (’n Tarief van R1 per SMS geld) Besoek SARIE.com vir gewone en digitale intekening Bepalings en voorwaardes is van toepassing: Jou intekening word voorsien op ’n vooruitbetaalde basis. Om ononderbroke diens te verseker sal jou intekenaarskap outomaties hernu word en die koste maandeliks verhaal word. Van tyd tot tyd kan die tariewe aangepas word om voorsiening te maak vir omslagprysverhogings. Ons kan ook die betaalinstruksies wysig om ooreen te…

Die Springbok-loskopstut Steven Kitshoff se gróótste uur het aangebreek. In sy vlootblou pak het hy op die Ashantilandgoed buite die Paarl om halfvyf die middag teen die agtergrond van ’n pragtige meer trou aan Aimee Steenkamp, sy blondekop met die vietse lyf, gesweer. “Die troue was veel meer as waarvoor ek ooit kon hoop,” het hy ná die tyd laat weet. “Dit was ’n droom wat waar geword het.” Vir hom was die hoogtepunt toe hy sy bruid aan die arm van haar pa, Eddie, na hom toe sien aangestap kom. “Ek is geseënd om haar man te wees.” Volgens Aimee het die weer nie saam gespeel nie en vir ’n bietjie stres gesorg, “maar op die ou einde was alles perfek. Ek wou gehad het almal moes gelukkig wees…

Op 46 is die Britse akteur Idris Elba ’n man van vele talente. Hy speel toneel, hy behartig regie, hy vervaardig, hy skryf musiek, hy hou sy lyf platejoggie en is ook ’n professionele skopbokser wat in 2016 by York Hall, Londen, die Glorytoernooi (die wêreld se top-skopboksliga) gewen het. En danksy daai six-pack, sjarmante glimlag, pepergrys baard en ’n propperse swag is Idris verlede jaar as die Amerikaanse tydskrif People se Sexiest Man Alive aangewys. Met Hollywood aan sy kant vertolk Idris gereeld gesogte rolle – een van hulle oudpresident Nelson Mandela in die 2013-rolprent Long Walk to Freedom. Maar die afgelope nege jaar moes hy sy siel en psige met die komplekse karakter John Luther van die gewilde BBC-reeks Luther* deel. ’n Emosionele speurder, met ’n vurige humeur,…

Van haar ontmoeting met meneer Haas Botha onthou Natasha Schutte-Hayes net een ding: die kaastjippies wat sy daai tyd gekoop het. “Dit het nog ’n rand gekos,” lag sy. In 1986 reik komediant Leon Schuster sy poetsbak-fliek You Must Be Joking uit. Dit sou ’n treffer wees. Een van die sterre in die fliek is ’n donkerkop-dogtertjie met twee kuiltjies in haar bolwange wat ’n wit haas by haar kleuterskool kaastjippies voer. Die twee gesels alte lekker, onder andere oor haar pa, Barry, se werk, hoewel sy sukkel om die r-klank uit te spreek. Die stem van meneer Haas was natuurlik niemand anders as Leon Schuster s’n nie. Hy het die driejarige Natasha oorreed om haar tjippies met “hom”, die haas, te deel. Elke nou en dan gooi sy ’n…

NEEM SÓ BETER FOTO’S Drie kenners gee elk hul topwenk: Koos Rossouw , ’n trust-adviseur van Kaapstad, neem natuurtonele met sy slimfoon af en het al twee uitstallings gehou. Hy sê hy vermy helderblou lug en son soos die pes. “Goor weer sorg vir dramatiese foto’s. Mistige weer is uitstekend, veral mis wat ooptrek, en wolkformasies gee diepte en drama aan foto’s.” Johann Hattingh is ’n professionele fotograaf van Johannesburg, en het ook al slimfoonfoto’s by sy uitstallings ingesluit. “Slimfoonkameras het ongelooflik verbeter en jy kan maklik dié foto’s deesdae al A3-grootte druk. Maar dit sukkel nog om donker toestande en skerp kontras te hanteer. Maak dus seker die voorwerp wat jy afneem, is nie half in die son en half in die skadu nie.” Brandon Ryan , ’n grafiese…

Die Nuwe Afrikaanse Makrogids deur Isabel Uys is ’n gebruikersvriendelike bron waarin inligting eenvoudig en duidelik weergegee word vir vinnige naslaan. In die eerste deel leer jy oor die alfabet, syfers, Romeinse syfers, meervoude, sinonieme, antonieme, verkleinwoorde, idiome, voorsetsels, afkortings, trappe van vergelyking, versamelname, dieregeluide, woordsoorte, direkte en indirekte rede, leestekens, woordverdeling en ander taalreëls. In die tweede deel gaan dit oor algemene kennis soos die presidente van die belangrikste lande, hoofstede, vastelande en die grootste stede van die wêreld. Ouers én onderwysers sal ook baat vind by die gids. Bestel die PDF of Mobi teen R120 elk direk by die skrywer by isabeluys@mweb.co.za . Accessing Post-School Studies deur Venicia McGhie en Madge du Preez (Sun Press, R325 en e-boek, R260) verduidelik vir…

HORLOSIES RINGE ARMBANDE OORBELLE…

Velesca Fawell (21) JOHANNESBURG Vryskut-kostuum-assistent Reandi Sandenbergh (33) DURBANVILLE Prokureur, aktebesorger en notaris Melinda Cloete (23) PRETORIA Graad in verbruikerswetenskap: kleding, ’n au pair Marí Borstlap (33) KAAPSTAD Teater- en filmregisseur Marietha Bosch (64) KAAPSTAD Mode-entrepreneur Gené du Plessis (22) PAARL Finalejaarstudent in joernalistiek en mediastudies Eleonore Basson (18) MALMESBURY Studeer BA geesteswetenskappe met Afrikaans en sielkunde Lené van den Berg (26) BALLITO, KZN Internasionale model en BCom-gegradueerde Anjulie Kruger (23) KURUMAN Entrepreneur Marike van der Vyver (29) KAAPSTAD Kultuurbestuurder, tans met sabbatsverlof Melanie Bosch (38) JOHANNESBURG Nasionale verkoopsbestuurder Lauren Haasbroek (19) JOHANNESBURG Studeer BCom Beleggingsbestuur Helen-Anne Roux (26) DURBANVILLE Onderwyseres Inge Zulch (18) PORT ELIZABETH Oorbruggingsjaar…

9/10 Dis hoeveel SA vroue hul hare kleur om meer selfversekerd te voel, volgens ’n peiling onder sowat 800 vroue tussen 18 en 60 jaar landwyd. Uit die peiling deur die plaaslike aanlyn skoonheidsnetwerk Beauty Bulletin, in samewerking met die haarsorgreeks Plantur 39, blyk ook een uit drie SA vroue is bekommerd oor haarverlies en dat 100% van die deelnemers ’n “goeie haredag” as belangrik ag. KITSGLANS VIR JOU VEL Ek begin al hoe meer fyn lyntjies om my oë opmerk. Hoewel dit my nog nie pla nie, wil ek graag voorkomend optree en ek het die kans aangegryp om ’n CooLifting-behandeling uit te toets. Dit behels ’n spesiale toestel wat gebruik word om hoë konsentrasies hialuronsuur en botaniese bestanddele met behulp van koolstofdioksied tot diep binne jou vel te…

10 dinge oor sjokolade wat jy dalk nie geweet het nie . . . 1 Die woord sjokolade is afgelei van die Asteekse woord “xocolatl”, wat “bitter water” beteken. 2 Jy het sowat 100 kakaobone nodig om 100 g sjokolade te maak. 3 Die saadpeul van die kakaoboom was inspirasie vir die vorm van die Coca-Cola-bottel. 4 Wetenskaplikes het al probeer uitvind waarom dit lyk asof die mensdom se sjokoladelus onblusbaar is. Dr. Bankole Johnson, ’n kenner op die gebied van verslawing aan die Universiteit van Texas in die VSA, sê sjokolade is ’n natuurlike antidepressant en bevat verskeie verbindings wat die brein se plesiersentrum stimuleer. Maar, bygesê, dit kom in bitter klein dosisse voor. Annmarie Kostyk, ’n Kanadese sjokoladekenner, glo weer ons “verslawing” is daarin geleë dat sjokolade deur…

VIR JOU ROOMYS Wil jy ook jou roomys soos op bl. 105 versier met happiegrootte meringues? Dis maklik om te maak! maak 35 8 eierwitte 250 g (300 ml) strooisuiker 200 g (380 ml) versiersuiker, gesif 100 g fyn amandels 25 g (50 ml) mielieblom, gesif 100 g fyn amandels kakaopoeier vir oorsif Verhit oond tot 120 °C. Klits eierwitte tot sagte punte vorm en klits strooisuiker bietjiesbietjies by tot die mengsel styf is. Klits verder terwyl jy versiersuiker bietjies-bietjies bygooi. Vou amandels en mielieblom versigtig in. Voer ’n bakplaat met bakpapier uit en spuit goed met kleefwerende kossproei. Skep of spuit meringues (besluit self hoe groot – ek stel voor so 5 mm) op die bakplaat. Sif kakao oor. Plaas in oond en bak 1 uur of tot bros.…

As klein dogtertjie het sy al “vliegtuigvliegtuig” gespeel. En saam met haar suster, Yente, serpe gedra na “Frankryk” en hoede na “Florida”. Dié reisgogga het Pascal Pienaar, die snip Karli du Preez in die kykNET-sepie Binnelanders , by haar ouers opgetel. “Dít en lees laat my groter droom,” vertel sy. Deesdae rits sy gereeld oor die waters. Onlangs was sy drie maande lank in onder meer die suide van Italië, Kroasië, Libanon, Egipte, Jordanië, Spanje en Amerika. “Soos die landskappe, mense en klimaat van een landstreek na ’n volgende verander, daag dit jou siel uit om aan te pas. Elke land het sy eie energie. Dit hang van jou af hoe jy dit hanteer. Reis het my geleer alle mense is dieselfde. Ons smag net na aanvaarding,”…

Slaggate waarin beginnergroentetuinmakers trap? Saai of plant die verkeerde tyd. Plant te veel plante te naby aan mekaar in een pot. Gee te veel of te min water (of sonlig). Verryk nie die grond met kompos nie. Ignoreer peste en plae. Die beste deklaag vir groente in potte? Enige organiese deklaag – ou, droë blare, goed verrotte strooi, kompos (nie tot teen die stam nie) en onbehandelde houtsplinters – kan werk solank dit help om die grond koel te hou en water help bewaar. Ons sou nie gruis of klippies vir groente in potte gebruik nie – dit werk beter vir vetplante en verryk ook nie die grond soos ’n organiese deklaag nie. Vul die deklaag aan as dit op plekke yl raak. Hoe weet ek wanneer ek te veel/te…

A @home 0860 834 834 www.home.co.zaAccessorize 021 552 8793, 011 884 4644 www.accessorize.co.zaAmerican Swiss 021 938 1943 www.americanswiss.co.zaArchitects of Time 011 669 0790 www.picotandmoss.co.za B by CARA www.bycara.co.za C Charles & Keith 011 729 5023, 021 552 4912 colette by colette hayman 021 937 5143Contempo 011 402 5513 www.contemposhop.co.zaCotton On 011 268 3700 www.cottonon.co.zaCountry Road 0860 022 002 www.woolworths.co.za D Diesel 021 555 2582, 011 783 0882 D Dune London 011 685 7055, 021 529 1972 E Edgars 0800 203 925 www.edgars.co.za F Forever 21 021 555 3324 G Green Cross 0860 009 855 www.green-cross.comGucci 011 326 7928, 021 418 2793 www.gucci.com H Haus by Hertex 0860 437 839 www.hertex.co.zaH&M 0860 690 707 www.hm.com/za I Ilan 084 386 5350 www.ilanclothing.com K K. Light 011 312 1247, 021 552 4370 www.klight.co.za…

Die lewe is rof en kort en hoe ander dit regkry, weet ek nie, maar in my werksjaar is selde tyd om ’n goeie televisiereeks op te spoor en te volg. Daar is wel jaarliks ’n tydjie van stilte, vanaf 26 Desember tot net ná Nuwejaar, dis wanneer my stad sterf en my vriendekring leegloop, dis wanneer daar dae is vir rondsnuffel. ’n Goeie boek is soveel beter as ’n flikkerende skerm, maar tydens my pas afgelope sleglê, ontdek ek ’n nuwe reeks op Netflix, Raiders of the Lost Art. Die titel is duidelik iemand se eerste probeerslag, maar daar is foto’s van Gustav Klimt, Edvard Munch en El Greco, ek druk die knoppie. Die titel maak my gek, die musiek is eintlik bedoel vir ’n riller en die stemkunstenaar…

Trouplek: Ashanti-landgoed, 021 001 3198 (Kristin), events@ashantiestate.co.za, www.ashantiestate.co.za Fotograaf: Ryan Graham Photography, 071 444 7716, ryangrahamphotography@gmail.com, www.ryangrahamphotography.com Videograaf: Dawid Botha, 076 173 0203, www.dawidbotha.co.za Bruid en strooimeisies se rokke: Galluzzi e Gini, Cristian en Claudio, Cristian 079 428 7942, www.galluzziegini.com Bruid en strooimeisies se grimering: Corné Visser, 079 765 1789, crnvisser@gmail.com Bruidegom en strooijonker se pakke: T.M. Lewin, Gayle Pullen, 021 447 7718, www.tmlewin.com Trouringe: Prins & Prins, Riana Courtis, 021 422 1091, www.prinsandprins.com Aimee se verloofring: Pura, www.pura.co.za Wyn: Zorgvliet www.zorgvliet.com, Simonsig www.simonsig.co.za, Graham Beck www.grahambeck.com Troukoek: Emma’s Cakes, Jenny Mielacher, 083 986 5894, www.emmascakes.co.za Trougeskenke vir gaste: Fragrance Boutique, Anabela Killin, 081 336 1044, www.fragranceboutique.co.za Dekor: Baie Goeters, Nicola Kaden, 072 671 5919, www.baiegoeters.co.za Blomme: Blomstories, Ilse Louw, 082 095 9222, www.blomstories.co.za Bestuurspan: KDT Comms, Kerryn du Toit, 082 888 2369, www.kdtcomms.com Sokkies: Toe Porn www.toeporn.co.za Mansjetknope: Silvery www.silvery.co.za…

Hy is die enigste kind. Sy volle name is Idrissa Akuna. Op skool het hy sokker, rugby, krieket en basketbal vir die A-span gespeel. Hy het die regie behartig van Mumford & Sons se musiekvideo “Lover of the Light” en ook self daarin gespeel. In 2014 reik hy ’n album, mi Mandela , uit ter ere van Madiba. Hy is die pa van twee kinders uit vorige verhoudings: ’n 16-jarige dogter, Isan, en seun, Winston (4). Hy was vir ’n aand in Madiba se sel op Robbeneiland toegesluit ter voorbereiding van sy rol. Hy het al die voorvertoning by een van pop-ikoon Madonna se konserte gedoen.…

1,2 biljoen  Dís hoeveel digitale foto’s in 2017 geneem is – 160 vir elkeen van die 7,5 miljard mense op aarde, sê die datagroep Statista. Meer as 85% daarvan is met slimfone geneem. 25 miljoen  Die aantal digitale kameras wat in 2017 verkoop is. In 2010, daarenteen, is 121,5 miljoen verkoop, sê die internasionale Camera and Imaging Products Association, waarvan handelsname soos Kodak, Canon en Nikon lede is. 70 miljoen  Die aantal foto’s wat daagliks in 2017 op die sosiale netwerk Instagram gelaai is. 1000  Dís hoeveel selfies elke 10 sekondes op Instagram gelaai is in 2015, sê die internasionale bemarkings- en advertensienuusagentskap AdWeek. 5%  Die persentasie vroue wat net een selfie neem voor hulle dit op sosiale media laai. Die meeste (48%) neem twee tot vyf, en 28% neem…

Hoe het jy in Zambië beland? Ek het in 2002 my werk as ’n nasionale verspreidingsbestuurder aan die Oos-Rand bedank om beroepsjagter in Limpopo te word. Ek wou kop skoonmaak. So blaai ek een Sondag in Oktober 2003 deur Rapport se klein advertensies en sien ’n vakante pos by ’n meubelvervoerder in Kitwe bo in die Koperstreek. My ma het in Zambië grootgeword en dit het my nog altyd geprikkel. Ek was soort van sonder werk en hulle desperaat vir iemand, toe besluit ek om met my motorfiets Zambië toe te ry en te kom kyk wat hier aangaan. En sedertdien woon en werk jy daar? In my tyd hier het ek al ’n paar goed gedoen. Deesdae doen ek olie-analises op enjins met ’n masjien wat ek van Amerika…

Retoer: Pretoria – Provence , Marita van der Vyver (Lapa Uitgewers, R160) In dié bundel rubrieke reis jy saam met Marita deur haar lewe en haar herinneringswêreld. Sy skryf aandoenlik en humoristies oor haar kinder- en jeugjare, haar oumas en student-wees op Stellenbosch. Maar dis haar lewe op die Franse platteland en ma-wees wat vir ’n heerlike leeservaring sorg. Daar’s ’n warmte in hoe sy oor haar lewensmaat en kinders skryf, asook haar kritiese beoordeling van lesers se romantiese beeld van Frankryk. Ten spyte van die goeie, skryf sy, is daar ook probleme – net van ’n ander aard as dié van haar geboorteland. Voorts sal vroue hulle kan vereenselwig met Marita se versugting wanneer sy skryf oor die groot mylpaal wat sy op haar lewenspad bereik het. En…

In 2017 het die Franse skoonheidshuis Guerlain die parfuum Mon Guerlain bekend gestel: ’n geur wat die emosies, drome en vrye keuses van die moderne vrou verpersoonlik. En wie kon dié geur beter verteenwoordig as Angelina Jolie – Oscar-bekroonde aktrise, gerekende regisseur en kampvegter vir vroue- en kinderregte! Vir haar is vroulikheid ’n kombinasie van subtiele elegansie en ’n standvastige karakter. “Jou parfuum verteenwoordig dié vroulikheid deur iets uniek by te dra tot jou bui. Dís wat ek hou van Mon Guerlain,” het sy in ’n onderhoud met die Franse Vogue gesê. Vandeesmaand inspireer Angelina weer in die advertensieveldtog vir die splinternuwe Mon Guerlain Eau de Toilette, ’n varser weergawe wat vroue aanmoedig om die lewe se vreugdevolle verrassings te omarm. – Monica Pienaar * Lees…

40’s Wit op wit in Tod’s se Lente/ Somer-reeks by die Milaanse Modeweek. 50’s Dié ligblou rok met valle was te sien in Luisa Beccaria se Lente/Somer-reeks by die Milaanse Modeweek. 60’s Midirokke was deel van Paul & Joe se Lente/ Somer-reeks by die Paryse Modeweek. 70’s  ’n Lang kaftan in Tory Burch se Lente/Somerreeks by die New Yorkse Modeweek.…

Ná ’n paar modeseisoene waar ’n natuurlike voorkoms – dit lyk asof jy geen grimering dra nie – die toon aangegee het, is helder, treffende oë weer vars en modern. Van die wêreld se voorste modeloopplanke en rooitapyt-geleenthede tot Instagram en Pinterest. Oral kies modelle, bekendes en grimeerliefhebbers om hul oë die ster van hul grimeervoorkoms te maak met helder kleure, grafiese lyne en ongewone teksture. Boonop word daar die laaste tyd ’n magdom interessante ooggrimeringprodukte bekend gestel, soos alles-in-een-palette, los oogskadu-poeiers en vloeibare oogskadu’s met blink metaalafwerkings. “Vroue sal altyd wil pret hê en eksperimenteer met grimering, en daar’s min dinge so veelsydig soos jou oë,” sê Lesley Whitby, grimeerkunstenaar van Johannesburg en eienaar van die wenkbrou-salon Brow Doll. Lucoh Mhlongo, plaaslike grimeerkunstenaar van die skoonheidshuis Elizabeth Arden, stem…

Uriage Age Protect-reeks (pryse vanaf R490) Beskerming teen jou foon Dis lank nie meer net UV-strale waarteen jy jou vel moet beskerm nie. Die fokus val ál meer op die skade van blou lig soos dié van jou slimfoon of rekenaarskerm. Studies toon oormatige blootstelling aan dié lig kan, nes UV-strale, bydra tot die abnormale vervaardiging van melanien wat tot donker vlekke kan lei. Die oplossing? Gebruik velsorgprodukte wat die antioksidante vitamien A, C en E bevat, soos die Age Protect-reeks van Uriage. Saam met retinol bevat dit ’n bestanddeel wat spesiaal geformuleer is om jou vel teen blou lig te beskerm. Zadig & Voltaire Girls Can Do Anything (R1 220 vir 50 ml EDP) ’n Fougère-geur bevat woudagtige note soos kruie en hout en word gewoonlik met mansparfuums geassosieer.…

Al gehoor van robynsjokolade? Dis ’n vierde sjokolade (naas donker-, melk- en wit-) wat in 2017 deur die wêreld se grootste sjokolademaker, Barry Callebaut, bekend gestel is. Die sjokolade word van ’n variëteit van die kakaoboon, genaamd Ruby, gemaak, en die kakaobotter wat onttrek word, het ’n natuurlike pienk kleur. Dis nog nie kommersieel in Suid-Afrika beskikbaar nie, maar wel by kleiner sjokoladeboetieks soos My Sugar in Kaapstad en Chocoloza in Johannesburg. Hoe smaak dit? Baie dieselfde as witsjokolade, net ’n bietjie soeter en vrugtiger.…

Tone en Claire het eers in Johannesburg gewoon waar hy ’n suksesvolle landskapontwerp-onderneming gehad het. Op ’n dag het hulle besluit hulle wil terugkeer na hul bekende omgewing. Albei kom van die Kaap en al die grootouers woon boonop op Noordhoek. Dus was dit nie ’n moeilike besluit om op die dorp te kom nesskop en sy besigheid (tonealexander.co.za) hier voort te sit nie. Gou het hulle ’n erf gekoop en maande lank koppe bymekaar gesit oor die ontwerp van die huis. Tone, wat baie ondervinding in ontwerp het en kuns aan Michaelis gestudeer het, het ’n tekenaar se hulp vir die tegniese deel van die planne gekry. Hulle het die huis so ontwerp dat daar geen gange en vermorste spasie is nie: Van die voordeur af tot agter loop…

Op 54 het die liefde Sharon Botha soos ’n weerligstraal getref. Sy kon nie ophou glimlag nie. “Ek was ’n pyn in die nek, drie jaar lank,” skerts Sharon oor die “lighoofdige geluk” wat sy pal ervaar het sedert sy die dag by die Ruth Prowse-kunsskool in Kaapstad ingestap het om na ’n juweliersware-uitstalling van studente te kyk. En net gewéét het: Dís wat sy wil doen. Dit was ’n oorweldigende, emosionele oomblik wat haar gedryf het om daad by die woord te voeg. Van 2011 tot 2013 het Sharon aan dié skool juweliersontwerp studeer; haar enigste vraag aan die departementshoof was hoe die studente ’n ouer mens sal hanteer. “Maar dit was fine, ek het elke dag met ’n reuse-glimlag saam met die klomp ingestap, elke oomblik geniet .…

Wetenskaplikes aan die Universiteit Stellenbosch het met internasionale navorsers saamgespan om ’n eenvoudige bloedtoets te ontwikkel wat kan voorspel wie die hoogste risiko het om TB te ontwikkel. Volgens prof. Walzl kan jy dan voorkomende behandeling ontvang voor die siekte aktief word. Dit het veertien jaar geduur om ’n formule te vind wat werk. Dormante TB word met dieselfde soort antibiotika as aktiewe TB behandel, maar dis minder pille vir ’n korter tyd. (Sowat twaalf weke teenoor aktiewe TB se ses maande.) Die bloedtoets is nog nie gereed vir gebruik nie en ondergaan verdere kliniese toetse. Hulle werk ook aan ’n bloedtoets vir aktiewe TB, sê hy. “Dis in ’n ontwikkelingsfase, maar so ’n strokietoets (soortgelyk aan ’n bloedsuikertoets) kan dalk binne vyf jaar beskikbaar wees.”…

Die liefde, ag nou ja. Rooi harte en rooi rose en al die ander kommersiële uitspattighede wat met Valentynsdag gepaardgaan, irriteer my verskriklik. Nie oor die skaamtelose uitbuiting nie, meer oor die verbeeldinglose stereotipering van iets so misterieus en groots soos die liefde. As jy uitverkore is om ’n misterieuse, grootse liefde te ervaar, dan is ’n ruiker reuklose rooi rose heeltemal, heeltemal onnodig. Ek het vriende, ’n egpaar, beide is dokters. In hul hospitaaljaar, ’n tyd toe hulle hulself te pletter gewerk het, het hulle besef dat hulle ook tyd moet maak om hul jong liefde te vier. Vir Valentynsdag besluit hulle om van hul plattelandse dorp te ry na die naaste filmteater. Ná die fliek sal hulle gaan eet, en dan terugry. Betyds om in te klok by…