Innehållsförteckning för March 2019 från SARIE

Mense vra my gereeld wat is mý inspirasie. Wat is die dinge wat my laat dink soos ek dink, en skryf soos ek skryf. Wel, vandeesmaand kom my inspirasie sommer uit hierdie einste uitgawe. Ek lees Nataniël se Kaalkop voordat die tydskrif finaal drukkery toe gaan, en hy verras my. Want wie sou kon dink dat Nataniël, met sy voorliefde vir perfekte wit, vir skoon lyne en als wat stylvol is, ook in “verweerd” waarde sou vind en dit dan met soveel omgee en begrip verwoord. Toe lees ek Riana Scheepers se Laaste sê en ek’s verwonderd oor die onderwerp. Haar inspirasie ’n tydskrifartikel wat sê elke mens word gedefinieer deur ’n handvol bepalende artikels. Dit raak vir haar ’n speletjie en sy identifiseer haar eie items. Maar o nee,…

WEET WAT JULLE HET Ek maak die agterdeur vinnig toe, ’n yskoue winterswind waai my hart deurmekaar. Ná twee weke in Suid-Afrika se sonskyn, is die Engelse Januarieweer ’n yskoue emmer water in my gesig. Die grou lug en triestige koue het ons verruil vir Suid-Afrika se helderblou lug, sonskyn en sorgelose geselse met vreemdelinge op straat. Mense wat sommer met jou praat en grappies maak, mense wat jy van geen kant af ken nie. Jou mense, in jou land. Maande voor ons vlieg, droom ons hele gesin van daardie oomblik wat ons ons voete op Kaapstad se lughawe neersit. Ons praat oor geelperskes, gedroog en vars, skilferkorsmelktert nog warm uit die oond, wat ons sommer op pad van die lughawe af by die Smiling Oven in Somerset-Wes optel. Die…

Ek sit nou en skryf hier by die tafel in die eetkamer, ek het hierdie vertrek ontwerp nadat ek The Garden Room 18 jaar terug gelees het, 5 baie groot glasvensters sorg dat jy in enige rigting kan kyk na my groen woud. Rustiger was daar nog nooit. Die tafel self is 17 jaar oud, ek het dit laat maak net nadat ek hier ingetrek het. ’n Witgrys raam met vier pote. Binne die raam is ’n glasblad en onder die glasblad is ’n vel wit papier. Om só ’n groot stuk papier van die regte dikte op te spoor, was ’n gesukkel, maar die oorspronklike idee was dat ek na willekeur die papier met lap of kunswerke (nee, nie legkaarte nie) kon vervang vir spesiale geleenthede. Dan sou ons letterlik…

Hannon Bothma kan dit nie verhelp nie. As hy hom weer kom kry, analiseer hy mense in sy kop. In ’n koffiewinkel sal hy dikwels sit en dink: As sy net haar hare in ’n kantpaadjie sny. Of: as dáárdie ene nou helderpienk sou dra . . . Al wat hy nog altyd wou doen, is om mense mooi te maak, sê Hannon. Op die kykNET-program Glam Guru leef hy hierdie begeerte nou al in die vyftiende reeks uit: om “aspoestertjies in feëprinsesse te omskep”. Hy lyk dikwels self of hy tuis by ’n bal sal wees, maar vanoggend is hy vir ’n dag op kantoor aangetrek: in ’n noupassende swart T-hemp en ’n swart broek “wat so styf sit dat my stem drie oktawe hoër is”. Hannon het 32…

Vriendelikheid kos mos niks! Dis Sorina Erasmus, sangeres en aktrise, se motto as haar bewonderaars ’n stukkie van haar eis. Maar as sy ongemaklik voel, verskans sy haar in die denkbeeldige blieng-blieng-baadjie van haar alter ego, die Flooze. “Haar skerpsinnigheid en pittige humor het al baie dinge op ligte noot ontlont, sodat niemand aanstoot neem nie,” sê Sorina. Balans is die sleutelwoord. Om te besluit watter deel van jou persoonlike lewe jy wil deel en met wie. Braam Riekert, haar man, bestuur haar loopbaan. As ’n span besluit en hanteer hulle dinge saam, ook in hul persoonlike lewe. Die belangrikste vir hulle is dat hul kinders, die 4-jarige Braam jr. – of Braambossie soos hulle hom noem – en Miana (2), “gelukkige, normale mensies in gewone omstandighede is”. Sorina is…

EMARI GIESELBACH “Doen dit deur fantasie. Ons Sprinkel, ’n wit plastiekfeetjie, hang in ’n boom. Ek skryf briefies vir my twee dogtertjies, Leah (6) en Andria (8), waarin ek hulle byvoorbeeld herinner om hul kamer op te ruim. Soms stuur ek hulle na haar in die tuin waar dié briefies wag. Die kleintjies skryf ook graag stories met illustrasies van meerminne – die nuutste ding. En hulle glo nog in die tandemuis. Saans sprinkel ek poeier op ’n uitveër (die tandemuis), wat ‘voetspore’ langs die bed laat as hy die tand die nag verwyder.” MARGIT MEYER-RÖDENBECK (DOWWE DOLLA) “Erken kinders se kreatiwiteit, want hulle floreer daarop en dit inspireer hulle tot meer. My dogter, Luca (10), het byvoorbeeld vir haar een kat ’n verjaardagpartytjie – met ’n tunakoek – gehou.…

Wat het julle laat besluit op Texas? Texas is een van die sogenaamde “Southern States” en die mense baie meer ontspanne, gasvry, oop en vriendelik as diegene meer noord. Die leefstyl in hierdie omgewing is seker die naaste aan wat jy in Suid-Afrika sal kry. Die klimaat is baie dieselfde, hoewel die winters en somers ’n bietjie meer ekstreem is! Texas is ook een van die min state wat nie ’n staatsbelasting het nie (die staat kry groot inkomste uit brandstof ). Ons betaal wel steeds federale belasting, maar dit is baie min. State soos Kalifornië is nie so gelukkig nie, hulle betaal twee belastings. Bly julle al lank daar? Ons het ons groenkaarte in 2014 gekry, via ’n EB-5-werkskeppingsgeoriënteerde beleggingsprogram, maar is permanent hier sedert middel 2015. Is alles…

A Keeper , Graham Norton (Hodder & Stoughton, R330) Ná die dood van haar ma gaan Elizabeth Keane terug Ierland toe. Sy het die familiehuis geërf en moet sake gaan uitsorteer vir die verkoop daarvan. Haar lewe in New York is ver verwyderd van haar kinderjare onder ’n oorbeskermende, klouerige enkelma. Sy ontdek ’n pakkie briewe wat haar hele lewe omverwerp. Dit onthul gebeure van 40 jaar gelede en plaas die kollig op haar herkoms en familiebande. Norton se boeiende roman sleur jou mee in Elizabeth se soeke na die waarheid. Die strak en onverbiddelike landskapbeskrywing reflekteer die waarheid wat stelselmatig onthul word. Die dubbelsinnige titel dui op iemand wat iets veilig hou, of iemand wat iets gevange hou. Of dalk is dit iets wat Elizabeth nie wou hê…

KOEL IN WIT Denim en wit is klassiek. Diamanté-detail daarmee saam sal jou laat uitstaan. > Organza-kimono versier met vere en diamanté (prys op aanvraag), KLûK CGDT. Skouerlose denim-eenstuk (R499), Forever 21. Belt van goue blinkerstof (R249), Charles & Keith. Goudkleurige oorbelle (R149), H&M. < Noupassende jeans met diamanté-detail op synate (R1 499), Levi’s. Wit oorvoubloes (R1 199), Witchery. Laehakskoene met ’n luiperdmotief (R1 299), Witchery. Diamanté-halssnoer (R420), Lovisa. ELEGANTE DRAMA Wit denim – van jeans tot baadjies – gee ’n vars aanslag aan enige uitrusting. Dra ’n wit denimbaadjie soos ’n mantel oor jou skouers vir die aand. Wit denimbaadjie (R729), Forever 21. Beige maasstofrok versier met goue krale bo-oor ’n satyn-halternekrok (prys op aanvraag), KLûK CGDT. Diamanté-oorbelle (R149), H&M. Goudkleurige jakkelsring versier met diamanté (R200), Lovisa. ROCK-SJIEK Geskeurde…

Tien jaar se navorsing deur Guerlain het gewys dat heuning en byemelk – ’n spesiale jellie wat bye vervaardig om die koninginby mee te voer – kragtige vernuwingsvoordele vir die vel inhou. Sedertdien gebruik dié skoonheidshuis spesiale heuning afkomstig van ’n Franse spesie van swartbye en byemelk wat self deur Guerlain vervaardig word in hul luukse Abeille Royalevelsorgreeks. ’n Nuwe serum in die reeks, Guerlain Abeille Royale Double R Renew & Repair Serum (R3 275 vir 50 ml), bevat twee formules: Een met alfahidroksisure wat die vel liggies afskilfer en verhelder, en die ander met heuning en byemelk om die vervaardiging van kollageen en hialuronsuur aan te wakker. By uitsoektakke van Edgars en Edgars Beauty Dié horlosie met sy twee tydsones is ideaal vir reisigers wat wil weet hoe laat…

Spoggerige glase Soms kan pons nogal soet wees. Maar jy kan die soet breek met bietjie sout op die glase se rande deur dit eers in water te doop en dan in sout. Alternatiewelik kan jy ook suiker gebruik. Gerasperde suurlemoenskil by die sout, of vanieljesade by jou suiker, is ook lekker en anders. Feestelike ys! Blomgeure en eetbare blomme is steeds van die grootste tendense in kos vanjaar. Maak jou ponsbak onvergeetlik deur eetbare blomme, vrugte en bessies in ysbakkies te vries vir jou ysblokkies. Kies kruie en vrugte met geure wat by jou pons pas. Soos die ys smelt, sal die pons ekstra geur kry. Vir mooi deursigtige ysblokkies: kook eers die water, laat afkoel, kook weer en laat afkoel voor jy dit vries.…

’n Ongewone kombinasie van koel kleure, wat wissel van ligblou tot turkoois en heldergroen, maak dié uitstalling van vintage-porselein iets besonders. Freda Theron, wie se huis op bl. 106 te sien is, versamel graag mideeuse porselein en meubels wat sy met moderne items meng.…

Dit het alles met ’n droom begin. ’n Régte ene. ‘Mense boots ons na, maar daar is nét een T&T-produk!’ Berné Theron en Simoné Theron Augustyn van Theron & Theron Designs Berné Theron het halfdrie in die nag wakker geword, opgespring en dadelik die handsak begin maak waarvan sy pas gedroom het – sommer uit oorskietleer van ’n modekursus. Toe haar suster Simoné die palmsakkie (met riempies aanmekaargewerk, ronde afwerking bo en strikkie in die middel) die volgende oggend sien, wou sy summier weet waar sy dit gekoop het . . . Daardie dag het dié twee besluit om hul eie reeks leerhandsakke te begin, net daar, in hul ouerhuis in Kempton Park. Vandag is Theron & Theron Designs reeds vier jaar aan die gang, hulle huur deesdae ’n perseel…

Of jy nuwe mense by ’n partytjie ontmoet, by ’n oggendtee die voorsitter aan die woord stel, of ’n belangrike voorlegging moet doen, dit kan intimiderend wees om nuwe mense te ontmoet en voor hulle te praat – want jy wéét hulle takseer jou. En jy verbeel jou dit nie. Onlangse navorsing wys mense vorm binne so min as drie sekondes ’n opinie van iemand wat hulle die eerste keer ontmoet. “Tot net vyf jaar gelede het jy nog sewe sekondes gehad om iemand te beïndruk,” sê Marina Prinsloo, ’n voorkomskonsultant van Midrand. “Maar as gevolg van die invloed van tegnologie het jy ál minder tyd om iemand se aandag te behou – of om ’n goeie indruk te maak in die kort tydjie wat jy wel hul aandag het.…

Ek het nie eens gedink ek gaan 40 haal nie, nou is ek 12 jaar in remissie dr. Elna Ek voel soos ’n millenniër, hulle het mos almal tattoos Sy sou die Oscar-wenner Meryl Streep, wat vanjaar 70 word, kies om haar lewensverhaal in ’n fliek te vertolk. Vir dr. Elna McIntosh, bekende Gautengse seksterapeut, gaan die wêreld vanjaar op sestig opnuut oop. Sy het einde 2018 afgetree nadat sy 33 jaar aan die stuur was van die Disa-gesondheidsorgkliniek in Johannesburg. Die kliniek help vroue met seksprobleme – en sy was die stigter daarvan. “Sestig is nie meer oud nie. Al dink mense op sestig sit jou kop op jou ken en al jou hare val uit,” lag sy. “Bog.” Elna het op 5 Julie 2018 die groot…

As jy nie in die natuur kan wees nie, kan jy steeds die voordele daarvan benut. Kyk net na ’n prentjie van ’n natuurtoneel, het Nederlandse navorsers bevind. Die studie in die International Journal of Environmental Research and Public Health suggereer dis dalk nie ’n slegte plan om ’n paar sulke prentjies in jou lessenaarlaai te bêre nie. Potplante kan ook help, is in ’n Australiese studie bevind. Dit maak werknemers gelukkiger en kan produktiwiteit met tot 15% verhoog. Bron: www.sciencealert.com…

Dit het koerant-opskrifte gehaal: ’n Eierstok-sist van sowat 60 kg is verlede jaar by ’n Amerikaanse vrou verwyder. Die 38-jarige vrou van Connecticut het glo vinnig gewig aangesit, sowat 4,5 kg per week. Toe sy gediagnoseer is, het dit al haar buik vol gelê. Hoewel niekwaadaardig, het haar bene so geswel dat sy nie kon loop nie, volgens die nuustydskrif Time se webblad, Time.com. Sommige eierstok-siste kan so groot soos ’n waatlemoen (of selfs groter) word, maar dit is seldsaam. Meestal is dit kleiner as 5 cm en nie rede tot kommer nie, sê dr. Miempie Esterhuizen, ginekoloog van Kaapstad. “Siste is sakkies met weefsel of vloeistof wat tydens ovulasie kan vorm (wanneer jou eierstok ’n eiertjie vrystel). Dit kan kom en gaan met jou menstruele siklus en geen behandeling…

A @home 0860 834 834 www.home.co.za Aldo 011 884 4141, 021 421 5674 www.aldoshoes.co.za American Swiss 021 938 1966 www.americanswiss.co.za B Bacher & Co. 011 372 6000 www.bacherco.co.za Block & Chisel 010 442 0809, 010 593 9308, 021 712 5193 www.blockandchisel.co.za Brand New World Visual Communication & Interior Design 021 462 7454 www.brandnewworld.co.za C Charles & Keith 011 729 5023, 021 552 4912 Contempo 011 402 5513 www.contemposhop.co.za Coricraft www.coricraft.co.za Cotton On 011 268 3700 www.cotton.com D Diesel 021 555 2582, 011 783 0882 E Edgars 0800 203 925 www.edgars.co.za Eurolux 021 528 8400, 011 608 2970 www.eurolux.co.za F Forever 21 021 555 3324 Forever New 011 883 4585, 021 419 4552 www.forevernew.co.za G Green Cross 0860 009 855 www.green-cross.com H Haus by Hertex 0860 437 839 www.hertex.co.za H&M 0860…

GEUR IN DIE kollig Penélope Cruz en parfuum is ’n glanskombinasie. Sy was die eerste Spaanse aktrise om ’n Oscar – vir haar rol in die 2008-rolprent Vicky Cristina Barcelona – te wen. Sy is ook die gesig van Lancôme se nuwe geur La Nuit Trésor. Met note van swart roos, vanielje, pralien en karamel is dit perfek vir jou rooitapytaande. JAAR VIR KORAAL Elke jaar het sy kleur. Vanjaar is dit Pantone se Living Coral – ’n warm, lewendige skakering. Party kenners sê dit is ongevoelig in ’n tyd dat ons koraalriwwe weens aardverwarming vernietig word, maar ons glo hoe meer ons daaraan herinner word, hoe beter. DIE KAAP paartie! “Vuka Ukhanye: Arise and Shine!” is die op en-wakker tema van vanjaar se Kaapstad Karnaval,…

29% JA 71% NEE Yolanda Steyn Nee, ons wys mekaar heeljaar dat ons lief is vir mekaar. Marilette Walter Dinkel Ons vier dit net so ’n dag of wat later wanneer alles 75% goedkoper is. ONS IS ALMAL LIEF VIR AFRIKAANS! MAAR IS DAAR DINGE WAT JY VERKIES OM IN ENGELS TE LEES OF GEBRUIK? A. Resepte 13% B. Hekel- en breipatrone 51% C. Kliëntedienssentrum 13% D. OTM of bankdienste 23% Nog voorbeelde wat mense genoem het: Musiekboeke, Facebook, die Bybel en oorspronklike Engelse fiksie…

Sy het gedink om in Desember 2017 as Mej. Heelal gekroon te word was ’n absolute hoogtepunt in haar lewe, maar nadat daardie kroon op Demi-Leigh Nel-Peters se kop gesit is, was daar net meer en beter oomblikke. “Die vorige Mej. Heelal [Iris Mittenaere van Frankryk] het vir my gesê die jaar gaan vreeslik vinnig omgaan, en dit het ook. Ek het probeer om in die oomblik te leef en dit net te geniet, maar het ’n punt daarvan gemaak om gereeld dagboekinskrywings te doen omdat alles net só vinnig gebeur het. Nou lees ek lekker daaraan en kan ek alles uiteindelik rustig herleef,” vertel Demi-Leigh in ’n WhatsApp-oproep vanuit Los Angeles, waar sy met vakansie was ná haar warrelwind-jaar. Nadat sy die kroon in Desember 2018 aan haar opvolger…

‘Ek voel ek wil byna niks meer doen nie, dit sal net afdraand wees...’ Die internet het ontplof. Die dag toe daardie eerste foto die ronde begin doen van akteur Rami Malek wat Freddie Mercury van die legendariese rockgroep Queen in die rolprent Bohemian Rhapsody speel. Die beeld was skokkend bekend, ingegrawe in die geheue van Mercury-aanhangers die wêreld oor: gitswart hare en sterk snor, die prominente tande, wit frokkie, ligte jeans. Selfs die klinknaelarmband. Die houding regop, fier en seksueel-uitdagend. Musiekliefhebbers wat 1985 se Live Aid-konsert by die Wembley-stadion buite Londen aanskou en die briljantheid van Queen en Mercury se 22 minute op die verhoog ervaar het, sou stomgeslaan gewees het. Dit was onmiskenbaar Freddie Mercury. Dié charismatiese musieklegende was sy grootste uitdaging nog, erken die Egipties-Amerikaanse akteur wat…

Charlene Engels, perfeksionis, georganiseerd, het haar troue met krieketlegende Jacques Kallis tot in die fynste besonderhede beplan. Toe gaan al die reëlings in vlamme op. En dié vrou, fyn soos ’n porseleinpop, wys haar staal. Die verwoestende brand wat vroeg in die nuwe jaar groot dele van die Overberg in puin gelaat het, het ook deur hul trouvenue, Bona Dea, geswiep. Vrydag, die dag voor die troue, moes die landgoed inderhaas ontruim word. Alles rondom die onthaalplek het deurgeloop, maar die gebou self was “deur die genade” ongeskonde, volgens haar. Die bruid en bruidegom het besluit kom wat wil, dáár gaan hulle Saterdagmiddag trou. “Ons het besluit om alles te embrace. Dis ’n storie wat ons eendag vir ons kinders kan vertel.” En wat ’n storie! Uiteindelik sou Charlene ook…

Jy kan met enigiemand oor ’n koppie koffie gesels. Wie sou dit wees? Die digter Ingrid Jonker, ek sou haar storie wou hoor. Sedert hoërskool het ek ’n fassinasie met haar. Sy’t ’n soort eensaamheid gehad, tog het sy goed met passie aangepak. Daar is iets moois en menslik aan haar gedigte, wat dit vandag nog relevant maak. Jy het groot lof vir jou spel as die eksentrieke Ludolf in die bekroonde Kanarie gekry. Watter uitdagings het dié rol gehad? Die feit dat Ludolf op iemand gebaseer is wat nou nog leef, was die grootste uitdaging. Ek moes outentiek wees. Die tweede grootste uitdaging was natuurlik die fisieke aspekte – die drawwery, die push-ups. Goeie hel, dit was maar moeilik! Daai was nie toneelspel nie, my…

’n Ongeleefde lewe, onvervuld laat onvermydelik ’n merk Uit Joan Hambidge se gedig “Ikarus” in die bundel Indeks (Human & Rousseau, R175) The Big Seven FOTOGRAFIE DEUR GERALD HINDE & TEKS DEUR WILL TAYLOR (HPH PUBLISHING, R650) Gerald Hinde se liefde vir die natuur kan jy in sy asemrowende foto’s sien. Dis tyd en toewyding wat sorg vir sulke foto’s. Dit kry ekstra betekenis wanneer jy Will Taylor se teks lees. Dis nie droë feite nie, maar eerder ’n weergawe van hul ervarings in die veld op soek na die materiaal in dié pragboek. Sy woorde leer jou meer oor die lot van leeus, olifante, luiperds, buffels, renosters, jagluiperds en wildehonde. Hy voer jou mee na die wonderwêreld van die natuur. ’n Boek vir weer en…

Sophia Kapp oor haar jongste roman, Kantelpunt (Lapa Uitgewers, R315) Wat was die vonk vir die verhaal? Daar was ’n paar, maar ek was op ’n kol in ’n gesprek betrokke waaraan ’n jong, swart meisie ook deelgeneem het. Oulik, woordvaardig, gesofistikeerd, welsprekend. Iewers deur die loop van die gesprek, toe ek my sê wou sê, sê sy vir my ek moet stilbly en luister, my beurt om te praat is verby. Ek het my bloedig vererg, maar dadelik besef ek is nie kwaad vir haar nie, maar oor iets anders. En toe ek behoorlik daaroor nagedink het, besef ek die meisie dink ek het ’n stem gehad omdat ek wit en Afrikaans en ’n produk van apartheid is. Intussen moes ek heeltyd my mond hou omdat ek wit en…

DENIM-MOET-HÊ’S OORBELLE RINGE…

VOORKOM In dié stadium van jou lewe word die meeste velveroudering veroorsaak deur eksterne faktore wat verband hou met jou leefstyl, soos min slaap, sonblootstelling, besoedeling en dieet, sê Yolandé Swanepoel, programhoof van estetiese dermatologie by die Isa Carstens Akademie. Tree voorkomend op deur jou vel teen buite-aggressors te beskerm en probleme vroegtydig te takel voor dit later ál moeiliker raak om te behandel. JOU AKSIEPLAN 1 KWEEK DIE GEWOONTE OM DAAGLIKS SONSKERM TE DRA Tot 90% van eksterne veroudering is as gevolg van die son, sê Sonette. Daarom bly sonskerm die beste wapen teen fyn lyntjies en pigmentasie. “Die sonskade wat jy vroeër in jou lewe opdoen, wys dikwels eers later op jou vel. Deur reeds vroeg in jou lewe in die gewoonte te kom om daagliks ’n sonskerm…

SOETE aanloklikheid Carolina Herrera se ikoniese Good Girlparfuumbottel is ’n glansryke simbool van bemagtiging en vroulikheid. Die nuwe Good Girl Légère (R1 900 vir 80 ml EDP) is verslawend met smeulende dog vars note van ilang-ilang, jasmyn, tonkaboon en karamel. BLINK NAELS Bring Hollywood-glans huis toe met een van hierdie naelkleure: 1. Lyk gesofistikeerd met dié swart kleur met fyn silwer deeltjies – essence Brushed Metals Nail Polish in There’s No Place Like Chrome (R45) 2. Juweelskakerings soos die smaraggroen van Morgan Taylor Professional Nail Lacquer in Stop, Shop & Roll (R163) is tans hoogmode. By uitsoeksalonne en -spa’s 3. ’n Chroomsilwer soos Orly Color Blast Polish in Silver Chrome Foil (R63 vir 11 ml) laat klein naels boonop groter lyk. By uitsoeksalonne of aanlyn by www.indiglow.co.za As…

Spyt kom altyd te laat. So het ek besef met my ma se ponsbak. Haar resep vir vrugtebola het ek nog . . . sy het dit met die hand ingeskryf voor in die gemeente-kookboekie – ewe gesofistikeerd vir sy tyd gemaak met die trending bestanddele van die retrojare: geblikte vrugtekelkie, oftewel fruit cocktail , en pynappelmoes. Sy het haar bola voorgesit in ’n enorme ou kammakristalponsbak met aanhaak-koppies en ’n spesiale elegante ponslepel, iewers gekoop by ’n meubelplek of by Grand Bazaars in Voortrekkerweg in die 1960’s. Sy het die kuns bemeester om met daai lepel die grenadella-pitte mis te skep en terselfdertyd ’n neonrooi kersie raak te skep. Ek was lief vir die pons, maar baie skaam oor die…

GESONDHEID! IN DIE RONDHEID As jy hou van ’n yskoue drankie, maar die ys smelt altyd te vinnig, is dié ysvorms van Zoku ideaal. Die grootte en vorm van die ronde ysballe laat drankies gouer koud word en hou dit langer koud, terwyl dit baie stadiger smelt. Vanaf R320 vir ’n stel van 2 by kombuiswinkels landwyd TROLLIES IS TERUG Dranktrollies is weer hoogmode en jy hoef nie ver te soek vir die mooiste een nie. Dié een van @home is in ’n elegante vintage-styl . Sowat R5 599 by @home-winkels landwyd KANEEL IN ’N BOTTEL Gee jou gebak, kookkos, pons, mengeldrankies, rooibostee, cappuccino en caffè latte ’n heerlike kaneelgeur met dié organiese ekstrak van Khoisan Tea. Koud-ekstraksie word gebruik in die vervaardiging en dit bevat geen…

Een studie deur navorsers aan die Universiteit van Brits-Colombië in Kanada (2009) het probeer peil watter indruk bepaalde kleure maak. Mense assosieer blou met intelligensie, pers met kreatiwiteit en groen met goedhartigheid. As jy iemand wil verlei, is rooi die kleur om aan te trek. Wys jou avontuurlus met geel, of jou sagtheid met pienk. Oranje het mense weer in ’n partytjieluim gekry, maar die meeste het saamgestem dat hulle nie iemand sou aanstel wat oranje na ’n werksonderhoud toe aantrek nie.…

Duitse navorsers het ’n sterk verband gevind tussen stedelinge wat sowat ’n kilometer van ’n bos af woon en ’n “gesonder” amigdala, die deel van die brein wat stres en angs beheer. Jy is dan minder geneig tot dié versteurings. Nie só as jou huis naby ’n “groen” stadsgebied soos ’n park is nie. Die navorsers reken dit kan wees omdat digte bosse gewoonlik aan die buitewyke van ’n stad is, waar minder mense, verkeer en dus lugbesoedeling is. Die Verenigde Nasies skat twee derdes van die wêreld se bevolking sal teen 2050 in stede woon (tans is dit ’n bietjie meer as die helfte) en volgens die navorsers is meer studies soos dié dringend nodig. So kan ons immers stede ontwerp wat tot ’n gesonde brein bydra. En navorsers…

Dis die vrouekanker met die laagste oorlewingskoers, weens ’n lae bewustheid en die afwesigheid van vroeë siftingstoetse vir opsporing. Na raming leef sowat 45% van vroue daarmee langer as vyf jaar. (Sowat 89% van borskankerpasiënte oorleef vyf jaar en langer, volgens Kansa.) Die voorkoms van eierstokkanker kan die volgende twee dekades wêreldwyd met sowat 55% styg, sê die World Ovarian Cancer Coalition. Meer vroue word deesdae daarmee gediagnoseer, hoofsaaklik omdat ons langer leef, verduidelik die Britse koerant The Guardian ( www.theguardian.com ). Daar is egter minder deurbrake in die behandeling daarvan. Dis meestal menopousale vroue bo vyftig wat dit kry. Verstedeliking het ook ’n invloed, hoewel dit nie duidelik is waarom nie. Eierstokkanker staan bekend as die “stil doder”, omdat dit nie sulke duidelike…

Sonsondergange bewys dat eindes mooi kan wees Marokkaanse spreekwoord Moenie spyt wees oor enigiets nie – wees eerder dankbaar oor elke les wat jy geleer het.” Ek hou van dié Marokkaanse spreekwoord. Op 16 Oktober verlede jaar skop een van die lekkerste vakansies van my lewe af – sestien dae in Marokko saam met my reismaat, Celeste Grobler van Staden, ’n oud-skoolmaat. Ons het elke dag iets nuuts gesien, beleef, gehoor. Sy het haar 53ste verjaardag daar gevier, maar ons het so sorgeloos soos tieners gevoel. Celeste, wat haarself as ’n “huisgodin van Orlando, Amerika” beskryf, het ’n 20-jarige dogter en twee Italiaanse windhonde, Fiona en Lola. Haar man, Theunis, is ’n sakeman. En hoewel sy al die wêreld platgereis het in haar “vorige lewe” as lugwaardin, was sy nog…

Intekenaanbod (bl. 91) 1. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Wenners sal telefonies verwittig word en sy/haar naam sal in ’n latere stadium op die webtuiste SARIE.com verskyn. 3. Die prys is nie vir kontant omruilbaar nie en kan nie oorgedra word sonder vooraf kennisgewing nie. 4. SARIE bied hierdie wedstryd namens Rayhas as ’n diens vir haar lesers aan. Rayhas voorsien en is verantwoordelik vir die prys. SARIE aanvaar geen verpligting hoegenaamd t.o.v. die ontvangs van die prys of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Rayhas en hul reklamemaatskappye mag nie aan die wedstryd deelneem nie. 6. Media24 en Rayhas word gevrywaar teen alle eise en/of laste…

5 gelukkige SARIE-lesers kan elk die boek Medusa deur Rudie van Rensburg (Queillerie, R275) wen. ’n Ongekende vuur brand in kaptein Kassie Kasselman se binneste. Hy en Rooi Els het nog nooit só ’n saak hanteer nie. Reeds as groentjiespeurder het Kassie geleer dat jy te alle tye afsydig moet staan van ’n saak, anders maak jy oordeelsfoute. Maar hierdie saak laat dit nie toe nie. Boonop voel dit asof elke leidraad soos ’n geelwortel voor hul neuse geswaai word, maar sodra hulle waag om daarna te hap, is daar niks. Die saak seil onder hom en Rooi uit. En die slagoffers gil desperaat om hulp. In Medusa boor Rudie van Rensburg ’n nuwe, donkerder aar oop vir dié geliefde speurder en sy speurmaat. Daar’s mensehandel…

Onlangs lees ek in ’n oorsese tydskrif ’n artikel oor die objekte wat ons lewens bepaal. Die artikel interesseer my nie dadelik nie, maar mettertyd raak ek tóg geboei. Elke mens se bestaan word gedefinieer deur vyf bepalende artikels, sê die skrywer. Die deursnee- moderne mens se bestaan word bepaal deur ’n rekenaar, ’n selfoon, parfuum, gholfstokke en ’n motor. Kennelik is ek nie ’n deursnee- moderne mens nie. Om die dood kan ek nie dink waarom gholfstokke belangrik is nie. My motor, miskien, maar nie so dat dit my lewe bepaal nie. Ook nie parfuum of ’n selfoon nie. Die enigste objek wat vir my van belang is, is die rekenaar. Wat wel skitter in afwesigheid op hierdie bedenklike lysie, is boeke. En stapstewels. Watter ordentlike, beskaafde, moderne mens…

Rami is op 12 Mei 1981 in LA, Kalifornië, gebore. Sy ouers is van Egiptiese afkoms. Hy het ’n identiese tweelingbroer, Sami, ’n onderwyser – vier minute jonger as hy! Hy is tans in ’n verhouding met aktrise Lucy Boynton, wat die rol van Mercury se vroeë meisie, Mary Austin, in Bohemian Rhapsody speel. Mercury het “Love Of My Life” vir haar geskryf. Rami het ’n Emmy gewen vir sy rol as Elliot Alderson in Mr. Robot . Toe hy gekontak is vir die rol van Mercury, het hy nie veel van Queen geweet nie. Maar nou bestempel hy homself as ’n super-Queen-aanhanger en glo Mercury is die beste verhoogkunstenaar van alle tye. Lees meer oor Freddie en Queen op bl. 34.…

Trouplek: Bona Dea-landgoed, office@bonadea.co.za, www.bonadea.co.za Troukoördineerder: Events By Nick, 084 887 7766, @events_bynick Blomme en dekor: Funxion Fusion Events & Décor, 082 414 2419, @funxion_fusion Koek en verpersoonlikte macarons: The Birdcage (Stellenbosch), 021 882 9790, www.birdcageteabar.com Ringe: CH Diamonds, 082 552 0721, @carlohayes Rokke (trourok, partytjierok en ma van bruid): Anel Botha Couture, anel@anelbotha.com, @anelbothac Rokke (strooimeisies, blommemeisie en bruidegom se suster): LENA LISA, 072 501 7612, www.lenalisa.com Bruidegom en strooijonkers se pakke: Fabiani, www.fabiani.co.za Skoonheids- en kosmetiese behandelings: GenPrac, 082 095 5231, www.drjannel.com Hare en grimering op troudag (bruid en gevolg): Lisa Brown International Academy, 079 597 9778, www.lisabrown.co.za Hare (kleur en verlengings): Marios Company Hair Greenpoint, 021 801 0667, www.marioscompanyforhair.com Kroegdienste (kroegstrukture en spesialiteitsmengeldrankies): Thirst Bar Services, www.thirst.co.za Illustreerder by troue: Monja Cloete, monja@monjacloete.com, www.deerlystudio.co.za Foto’s: Hanri Human Troues, hanrihumanweddings@gmail.com, @hanrihumanweddings…

Mense wat kreatief is, het die vermoë om die lewe uit ’n ander hoek waar te neem en die alledaagse in blinkerstof te omtower. Onder dié wat feetjievlokkies oor die mensdom strooi, tel sterre soos Freddie Mercury, destydse hoofsanger van die Britse rockgroep Queen, en die sangeres en aktrise Lady Gaga, wat onlangs haar staal in die rolprent A Star is Born gewys het. Die lys is lank. Dink ook aan Cher, wat op 70-plus nog optree en in die onlangse opvolgfliek Mamma Mia! Here We Go Again te sien was, ontslapenes soos die Russiese komponis Sergei Rachmaninoff, die Britse skrywer Virginia Woolf, sakeman Walt Disney . . . Plaaslik blom die kleurrykes ook: Nataniël, modeontwerper Marianne Fassler, komediant en akteur Schalk Bezuidenhout, dramaturg en draaiboekskrywer Christiaan Olwagen en stilis,…

My ma het vertel hoe sy een aand as jonggetroude vir my pa gewag het om klaar te werk. Sy’t ’n sousie oor hul steaks gegooi en sommer op haar eie begin Scrabble speel. Uit pure verveeldheid het sy kort-kort ’n knippie van dit en ’n skeutjie van dat by die marinade gevoeg. Toe my pa uiteindelik by die huis kom, is die vleis gebraai. Hy’t vir die res van sy lewe gesweer dit was die lekkerste steak ooit. Sy kon natuurlik nie die hoeveelhede onthou van wat sy alles bygegooi het nie, en die sous is nooit weer met dieselfde sukses herhaal nie. Elke kok weet ’n flop is soms ’n lekker ding. Maar anders as my ma se marinade, is daar glipse wat globale kulinêre ikone geword het.…

Kunstenaar en hondeliefhebber Adrie le Roux het vir haar jonger suster ’n geskenkboekie oor haar hond Farrah gemaak. Dié boek help nou om skuilinghonde en townshipkinders se lewe te verbeter. ’n Deel van die opbrengs uit die verkope van Farrah is nie ’n dalmatiøan nie (Bumble Books, R135) word aan The Underdog Project ( www.underdogproject.org) in Kaapstad geskenk. Tydens weeklikse sessies verkeer die kinders interaktief met die honde en help hulle saam met fasiliteerders oplei en soms net borsel en versorg. “So raak die honde meer aanneembaar, terwyl die kinders empatie en selfvertroue ontwikkel.” Adrie is ook deel van ’n organisasie wat in geknelde gemeenskappe met enkelma’s en kinders werk, en volgens haar is illustrasie ’n belangrike kommunikasiehulpmiddel in ons land met sy baie…

Net 26 en in ’n klas van haar eie. In 2015 knip model Karlie Kloss haar Victoria’s Secret-vlerke, tot groot konsternasie van die modewêreld. Sy was een van net agt Angels, ’n titel met supermodelstatus en miljoene werd. Karlie, wat op 14 in ’n winkelsentrum in St. Louis “ontdek” is, wou verder studeer, fokus op sakegeleenthede. Die vorige jaar het sy uit pure nuuskierigheid leer kodeer. Toe stig sy Kode With Klossy, ’n gratis tweeweekkursus om jong meisies in die tegnowêreld te bemagtig. En begin ’n YouTubekanaal, Klossy, met weeklikse vlogs (sy het reeds meer as 700 000 intekenare). Modelwerk sou sy tussendeur doen. En daar was geen tekort nie: voorblaaie, advertensieveldtogte, loopplankwerk. Sy was in 2016 die gesig van Adidas se Stella McCartney-reeks en tot verlede jaar van die…

40’s Vlootblou denim uit Ulla Johnson se Herfs/Winter 2018-reeks by die New Yorkse Modeweek. 50’s Hoëmiddellyfjeans uit Isabel Marant se Herfs/ Winter 2018-reeks by die Paryse Modeweek. 60's Jeans met korter pype uit Isa Arfen se Herfs/Winter 2018-reeks by die Londense Modeweek. 70's Klassieke blou jeans uit Isa Arfen se Herfs/ Winter 2018-reeks by die Londense Modeweek. AMARIA HOU VAN Omdat ek graag my hare uit my gesig dra, is oorbelle van my gunsteling-juweliersware. Hoe bonkiger, hoe beter, is my leuse.…

VERTRAAG In jou veertigs raak jou vel se natuurlike herstelproses en sy vermoë om kollageen te vervaardig ál traer. Sonskade en pigmentasie raak ook meer opsigtelik. Fokus daarop om selvernuwing aan te wakker met sterker aktiewe bestanddele en gereelde estetiese behandelings. JOU AKSIEPLAN 1 BELÊ IN ’N RETINOL-PRODUK Retinol is ’n suiwer vorm van vitamien A en een van die kragtigste bestanddele teen veroudering. Dit stimuleer kollageenvervaardiging sodat jou vel plomper lyk, skilfer die boonste laag van jou vel onsigbaar af vir ’n gladder gelaat, behandel aknee en donker vlekke én normaliseer jou vel se natuurlike bevogtigingstelsel. Nuwe navorsing en formulerings maak dit boonop makliker as ooit om ’n retinolproduk te kry wat by jou veltipe pas en nie jou vel sal irriteer nie. 2 FOKUS OP VERHELDERING Buiten ’n…

Elizabeth Arden Beautiful Color Liquid Lip Lacquer (R299) Wanneer jy die buisie van dié lipstiffie draai, word ’n spesiale aanwendingsponsie met net genoeg van die vloeibare glansformule deurweek. Dit help dat die kleur maklik en egalig oor jou lippe versprei. Kies uit 6 staatmaker-kleure, soos koraal, prettige pienk en wynrooi. Revlon ColorStay Full Cover Foundation (R179) In Suid-Afrika se warmer klimaat verkies baie vroue ’n onderlaag met ’n matafwerking omdat dit deur die dag olierigheid absorbeer en jou vel goed bedek. Dié formule voel veerlig op jou vel, maar lewer steeds vol bedekking wat heeldag hou. Dit bevat ook ’n ingeboude basislaag sodat jou onderlaag eweredig aanwend. Perfek vir ’n glansaand uit! Environ Focus Care-reeks (pryse vanaf R355) ’n Nuwe reeks produkte van die plaaslike velsorghuis Environ, Focus Care, is…

Ansu le Grange Ek dink aan garagepartytjies in die 1970’s, met lemoensap en geblikte vrugte waarvan helfte deur ’n sif gedruk is (min mense het blenders gehad). Die ander helfte van die vrugte was heel. Sodawater of limonade is bygevoeg om borreltjies te verskaf, en dan sal “iemand” altyd een of ander wit alkohol ( cane ) bygooi. “Niemand” sal weet wie of wat nie, maar almal drink dit en geniet dit hopeloos te veel . . . Cecilia Duvenage ’n Groot glasbak op ’n los glasstaander met hakies waaraan die koppies hang, en ’n lekker pons met fyn pynappel en grenadellamoes in. Ilze Kritzinger Spesiale geleenthede! My ma het vir ons die heerlikste nie-alkoholiese vrugtepons gemaak vir Kersfees, Nuwejaar en verjaardagpartytjies. Sy het…

Jacques en Freda Theron was so gelukkig om ’n vyfslaapkamerhuis met ’n tuin en swembad in die mooi buurt Oranjezicht raak te loop. Nogal met ’n busstop vlak by hul voordeur (almal weet mos van Kaapstad se nagmerrie-verkeer). Die huis het drie vlakke: ’n dakvertrek, met ’n ruim leefarea, kombuis en drie slaapkamers op die middelste vlak, en die onderste vlak wat in daardie stadium ’n doolhof van vertrekke was. Dit was goed opgepas en het net so ’n bietjie “kosmetiese” aandag nodig gehad. So reg in hul kraal, want Freda is ’n grafiese ontwerper met haar eie besigheid (www.brandnewworld.co.za) en Jacques, ’n ingenieur met ’n groot liefde vir houtwerk, se hande staan vir niks verkeerd nie. Die egpaar het op die middelste vlak ingetrek en vir eers net die…

SOMS ‘VANG’ BEKENDHEID HAAR “Ek is dankbaar dat my werk erken word, want ek geniet dit en is passievol daaroor.” So sê Melanie du Bois, wat die rol vertolk van Ronel Foster, ’n ma en onderwyseres wat dolgraag aktrise en toneelspeler wil word, in kykNET & kie se eerste Afrikaanse telenovela, Arendsvlei . “Dit was ’n voorreg om met Arendsvlei op die Kaapse Vlakte te skiet. Ek het die vroue van die Kaap ontmoet. Hulle het teenoor my beken dat hulle deur my persoonlike reis beïnvloed is. Baie van hulle volg dit al jare lank.” Dit roer haar, sê sy, omdat sy as bekende ’n positiewe rolmodel wees. “Maar dit is soms uitdagend as almal jou herken. Ek is met bipolêre gemoedsteurnis en…

Kyk uit vir die drie pragtige ou kombi’s van Vintales wat heeljaar in Optog! gebruik gaan word. Van haar eerste afspraak met Matthys Maree, toe hy haar van Optog! en veral van Nataniël se betrokkenheid vertel het, was Anneli Karsten opgewonde oor die gedagte om betrokke te raak. “Optog! maak teater en kuns toeganklik vir Suid-Afrikaners landwyd. Dis byna soos in ons jongdae toe die sirkus met ’n gejuig in die dorp aangekom het, met waens vol sirkusdiere en narre wat saamstap. So sal almal weet Optog! het gearriveer wanneer ons kombi’s in die strate te sien is. Optog! is eg Suid-Afrikaans en bied iets vir almal. Ons is trots om hiermee geassosieer te word.”…

Let op na jou gedagtes en die negatiewe boodskappe wat jy jouself voer voor jy sosiale geleenthede bywoon, sê Elsabé. Hou op om vir jouself te sê jy “sukkel” om nuwe mense te ontmoet of “kan nie” voor mense praat nie, want dan sal dit so wees. Vervang dié gedagtes met meer realistiese en positiewe boodskappe, soos dat jy nou oefen om ’n beter indruk te maak, en elke keer leer hoe om makliker voor ’n gehoor te praat. Vulgêre taal is ’n groot nee, in enige sosiale konteks, sê Marina. Herinner jouself om daarop te let, want by sommige mense is dit al so ’n gewoonte, hulle besef dit nie eens nie. Moenie vroetel of rondkyk as jy iemand ontmoet nie, sê Marina. Gee hulle jou volle aandag, kyk…

Jeffrey Rink, kliniese sielkundige van Houtbaai, Kaapstad, wat in hipnose spesialiseer, fasiliteer die afgelope twintig jaar ekosielkundige wegbreke ( retreats ), “genesende ervarings in die bos” waar die natuur “terapeuties” ingespan word. “Mense is uit hul gemaksone en voel dalk meer weerloos. Hulle maak makliker teenoor ander ‘oop’ om hul ervarings, ook persoonlik, spontaan te deel,” sê hy. Dié plat-op-die-aarde, “ongeprosesseerde” ervarings is, nes onverwerkte kos, gesond en gee jou iets om aan te kou lank nadat dit verby is. Die bestemmings is wildplase en groepe is nie groter as agt nie. Saam met ’n plaaslike gids word die plant-, dier- en voëllewe asook medisinale gebruike van plante en bome bestudeer. Deurentyd wys Jeffrey simbole uit: ’n leeu, boom, miershoop. “Alles het ’n storie waaruit ons kan leer.”…

Malan jaag oor die plaaspad en gee nie om of sy nuwe bakkie se pens stamp nie, hy moet nóú met haar praat. Hy hou voor die groot plaashuis stil en draf die trappies op na die voordeur. Tipies plaas staan die deur altyd oop en dit help ook nie ’n mens klop nie. Hy’s buitendien ’n gereelde gas. Malan kry vir Vytjie in die leefarea besig om te stofsuig. “Môre, Vy. Waar is Sara?” “Môre, Meneer. Sy slaap nog,” antwoord die trots en rots van die huis. “Saar het eers sesuur vanoggend ingekom. Sy gaan nie wakker word voor middagete nie,” kom dit van Sara se oudste broer wat by die agterdeur instap. “Pieter, môre.” Malan skud sy hand. “Dink jy ek kan haar gaan wakker maak?” Pieter se…