Innehållsförteckning för June 2019 från SARIE

Ons weet almal hoe dit is om te trek. Om die oud en bekende agter te laat en die nuwe tegemoet te gaan. Net verlede maand het ek oor SARIE se trek gepraat. Straat-af, tot aan die onderpunt van Adderleystraat in Kaapstad. Ná meer as ’n dekade terug in “ons gebou”. Altyd, met so ’n trekkery, word dinge ontbloot en gevind wat vir lank verdoesel was. In ’n vergete laai, ’n stowwerige kas, ’n donker hoekie, in ’n ou lêer. Die oppak van SARIE se biblioteek, wat grootliks gesluit is omdat ons nie meer iemand het wat heeltyds daarna omsien nie, was méér as bokse volmaak, met moeite toeplak en duidelik merk. Vir ons wat gepak het, was dit ’n rits van emosies. Ons kon onsself net nie help nie:…

MA SE LAASTE LEESWENS Ons bure verkoop hul plaas en die groot trek stad toe begin. Ek erf kratte vol SARIE-tydskrifte en ’n SARIE KOS of drie ook tussenin. SARIE’s van 2004 tot 2017 alles netjies intakt. Die groter uitgawes, later kleiner, maar ’n hemelse plesier om weer deur almal te blaai. En met heimwee en verlange dink ek aan my ma. Die kanker (borskanker) het haar vier jaar gelede kom haal. Al my SARIE’s het ek so twee keer ’n jaar aan haar gepos of saamgevat wanneer ek gaan kuier het. Sy was ver van my, 900 km. Met een van my laaste besoeke het sy spesifiek vir ’n SARIE gevra, wat ek wel vir haar gaan koop het. Hoewel sy in daardie stadium feitlik nie meer kon loop…

Met die uitsondering van my ma, ken ek niemand wat rugby kyk nie. Ek ken net twee groepe, dié wat tennis kyk en dié wat dit nie kyk nie. ’n Sosiaal-aktiewe vriendin beskryf altyd haar kuiers met een van twee sinne: O, hulle het die mooiste boeke in die huis! of O, daar is nie ’n boek in sig nie! Ek is deeglik bewus van hierdie onderskeid, ’n gesprek met ’n leser verskil totaal van dié met ’n nie-leser. My vriendekring kan in twee verdeel word, dié wat nog televisies in die huis het en dié wat glo dis uitgedien. Die eerste groep gesels gereeld oor ’n nuwe reeks of iets wat op die nuus gesê is, die tweede groep kyk jou verdwaas aan as jy oor ’n akteur praat,…

Om negentien jaar lank elke weeksaand derduisende Suid-Afrikaners tussen 18:00 en 18:30 met die “Hillsiders” se manewales op hul stoele vasgenael te hou, wil gedoen wees. Die SABC2-sepie 7de Laan kry dit reg. Onlangse syfers dui op sowat 2,9 miljoen kykers per aand. Sedert 2015 was Hanli Rolfes die sepie se hoof van storie-ontwikkeling en van 2017 hoofskrywer. “Ons is ’n goed geoliede masjien,” sê sy, “spanwerk gee die deurslag. Thandi Ramathesele, die vervaardiger, is baie betrokke by elke besluit wat die produksie beïnvloed.” Hanli vertel vinnig sy is trots op haar span: storielynskrywers Piet Matipa, Martina Theunissen en Lian van der Westhuizen, storielynredigeerder Jo-Ann Scholtz, teksredigeerder Linda Scheepers en tekskoördineerder Luke Matthews. Maar dis Hánli wat nuwe energie in die sepie geblaas het met die opwindende stories wat sy…

Aktiewe bemarking, gereelde kortkursusse om haar vaardigheid in tegniese musiekvervaardiging te verbeter, maar so buigsaam soos ’n riet in die wind en oop vir kreatiewe avonture. Dít is hoe Emma van Heyn – wat by die afgelope US Woordfees op Stellenbosch met haar kragballades in die vertoning Met slenterslag na Sjanghai bekoor het – haar loopbaan aanpak. Dié sangeres is pas terug van China, waar sy 315 uit die 365 dae van die jaar tot agt uur per dag in ’n “grênd” sakehotel gesing het. Dikwels jazz, in Mandaryns. Sy stel vanjaar haar eerste album met Afrikaanse, Engelse sowel as Mandarynse liedjies bekend. Haar eerste Afrikaanse liedjie, “Skitterkind”, is in April uitgereik.…

As jy jou huiswerk goed gedoen en ’n plan gevolg het, soos die 7-punt-proses op bl. 48, kom jy dalk steeds op die punt waar jy besef ál uitweg is om ’n ander werk te kry. Voorbeelde hiervan is: Jy besef dis nie die werk wat jy wil doen nie. Dit tap jou energie. Jy gaan elke dag ’n bietjie dood. Jou waardes klop nie met jou direkte senior se waardes nie. En veral: Jou waardes klop nie met die kultuur (hoe hulle dinge doen) binne die onderneming nie. Jou fisieke en emosionele gesondheid word bedreig. Daar is geen moontlikheid vir bevordering, groei of vordering nie – en dis iets wat vir jou belangrik is. Bron: Marlene Booyens…

Steve Jobs, Bonang Matheba, Trevor Noah en Charlize Theron het beroemd geword en sukses behaal sonder dat hulle ná matriek universiteit toe is. En jy kan ook. Nie almal het die geld om aan ’n universiteit te studeer nie. Baie skoolverlaters reken ook dit is nie meer nodig om ná skool ’n graad te verwerf nie omrede dit nie noodwendig werk waarborg nie. “Twintig jaar gelede het die roete na die meeste professionele loopbane byna eksklusief ’n formele universiteitsreis van minstens drie jaar behels, waarna gegradueerdes nie noodwendig prakties toegerus was vir hul werk nie,” sê Hannelore Olivier, akademiese hoof van die Friends of Design – Academy of Digital Arts in Kaapstad. “Onlangse statistieke wys dat ’n baie klein persentasie van Suid-Afrikaanse kinders wat skool vandag begin, hul matriek verwerf…

Die gewildheid van ’n veganistiese leefstyl spoel oor na die skoonheidswêreld soos verbruikers meer bewus raak van die impak wat die vervaardiging van hul velsorg- en grimeerprodukte op diere en die omgewing het, sê Monica Pienaar, SARIE se skoonheidsredakteur. Veganis-skoonheidsprodukte (dus met geen bestanddele/neweprodukte van diere afkomstig nie) was een van die skoonheidsoektogte wat in 2016 die meeste toegeneem het, volgens ’n tendensverslag van Google. Sedertdien is daar ’n ontploffing van internasionale en plaaslike handelsmerke op SA winkelrakke wat spog met veganis-produkte, met frases soos “skoonheid met ’n gewete” en “sonder wreedheid” (cruelty-free). “Dit dryf selfs die groot skoonheidshuise, soos Urban Decay en INGLOT, om veganisweergawes van top-produkte bekend te stel,” sê sy. GOSH Copenhagen se skoonheidsprodukte het nog altyd veganis-keuses ingesluit. Maar in 2017 het hulle begin om alle…

Ek is altyd effens hartseer wanneer ek my tas op die lughaweband gooi, of dit nou vir die vlug na Frankryk óf SA is Marlene van der Westhuizen Elke jaar wanneer die herfsblare by haar huis in Groenpunt, Kaapstad, begin val, pak Marlene van der Westhuizen haar tasse en volg sy die somer na Frankryk. Dan gooi sy die hortjies van haar huis op die dorpie Charroux in die landelike Auvergne-streek oop en verwelkom die groepe wat haar kookklasse daar bywoon. Dié opgeleide sjef, skrywer van agt kookboeke en aanbieder van Via se Van skaapstert tot camembert het in 2003 al só tussen Suid-Afrika en Frankryk begin pendel toe sy daar in vriende se “klein kasteeltjie” klasse begin aanbied het. “Toe ek die eerste keer in hul château gekuier het,…

POFBAADJIE Tot onlangs was dié baadjie sinoniem met kamp en die buitelewe, maar vanjaar is dit stylvol met die gewilde luiperdpatroon. Jy kan dit selfs kombineer met iets blinks. Luiperdvelpatroon-pofbaadjie (R499), Free2BU by Edgars. Vallerok van lurex-breistof (R1 199), Zara. Roomkleurige kniestewels van leer (R2 199), Zara. GROOTTES Baadjie: 6 – 18 Rok: S – L KUNSPELS Pelsbaadjies was eens net koninklikes en welgesteldes beskore. Met kunspelsbaadjies kan ons almal verantwoordelik dié luukse, sysagte voorkoms geniet. Roomkleurige kunspelsbaadjie (R1 899), Zara. Roomkleurige geplooide romp (R629), H&M. GROOTTES Baadjie: S – L Romp: 34 – 44 RUITPATRONE Wees op die uitkyk vir klassieke snyersbaadjies tot vlieënierstyl baadjies en kies ’n snit wat jou die beste pas met dié moet-hê-patroon. Vlieënierstyl baadjie (bomber jacket) met ’n ruitpatroon (R949), Forever 21. Trui met…

Dis ’n wonderlike manier om my voorkoms vir rolle aan te pas. Van blond na rooi en brunet in ’n baie kort tydSimoné Pretorius (Nortmann), aktrise Ná die geboorte van my dogter het my hare baie dun en yl geword. Nadat ek als denkbaar probeer het, het ek verlengings gekry . . . Nou is ek mal oor my lang, dik hare!Carli Wagenaar, mediese verteenwoordiger van Pretoria My natuurlike hare is nou gesonder omdat ek dit minder hoef te kleur, met hitte stileer en wasDoney Janse van Rensburg, verbruikerservaring-analis van Pretoria Op die rooi tapyt verskyn aktrises en sangeresse gereeld met ’n bos glansende hare. Maar dit is dikwels nie die lokke waarmee hulle van nature geseën is nie. Hul geheim? Haarverlengings en pruike. Dink maar aan die Kardashian/ Jenner-werklikheidsterre…

Nuxe Crème Prodigieuse Boost-reeks (pryse vanaf R425) In jou 20’s en 30’s word die meeste velveroudering veroorsaak deur eksterne faktore wat verband hou met jou leefstyl, soos min slaap, stres en besoedeling. ’n Nuwe velsorgreeks van Nuxe is ontwikkel met antioksidante van jasmyn- en gousblom om die skade van dié aanslae teen te werk en ’n moeë gelaat te verfris. Die reeks bevat ’n voedende essens, ’n oogroom en twee bevogtigers met onderskeidelik ’n jel- en roomtekstuur wat jy maklik by jou bestaande roetine kan voeg. pHformula Mela Concentrated Corrective Serum (R1 072) Hormoonveranderinge in jou lyf wanneer jy oormatige stres ervaar, die Pil gebruik of swanger is, veroorsaak pigmentasie bekend as melasma. Dit kom gewoonlik voor as groot, oneweredige vlekke op jou gesig en is van die moeilikste tipes…

INVERROCHE CAPE POTSTILL RUM word drie keer uit Afrika-melasse gedistilleer voor dit vir sewe jaar in eikehoutvate verouder word. Die eindproduk, wat op sy eie geniet moet word, het ’n diep, donker kleur en rokerige karakter met geure van soet sitrus, vanielje en botterkaramel. Net drie reekse, van 1 000 bottels elk, word per jaar gemaak. www.inverroche.com COPELAND RUM word in klein hoeveelhede deur James Copeland in die Kaap gedistilleer. Hy gebruik melasse en giskulture, wat die rum ’n baie soet geur en tropiese smaak gee. Elke etiket word met die hand aangebring om seker te maak dit bly uniek. Heerlik met vrugtesap en in mengeldrankies. www.copelandrum.com AGUA ZULU CACHAÇA van Distillery 031 in Durban is SA se eerste rum in die Brasiliaanse styl. Cachaça (’n wit rum) word van…

Wen grimeerprodukte (bl. 85) Intekenaanbod (bl. 125) 1. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Wenners sal telefonies verwittig word en sy/haar naam sal in ’n latere stadium op die webtuiste SARIE.com verskyn. 3. ’n Prys is nie vir kontant omruilbaar nie en kan nie oorgedra word sonder vooraf kennisgewing nie. 4. SARIE bied hierdie wedstryd namens Catrice en TheraVine™ as ’n diens vir haar lesers aan. Catrice en TheraVine™ voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Catrice, TheraVine™ en hul reklamemaatskappye mag nie aan wedstryde deelneem nie. 6. Media24, Catrice…

Ouer word, is ’n natuurlike deel van die lewe, en hoewel ons die proses nie kan keer nie, kan ons dit vertraag met TheraVine™. Dit is ’n wetenskaplik geformuleerde velsorgreeks wat van gevorderde tegnologie gebruik maak, met antioksidante wat van druiwe afkomstig is en 50 keer kragtiger as vitamien E en 20 keer kragtiger as vitamien C is. Jou gesonde, stralende vel begin by hul HydraVine Cleanser, ’n roomreiniger, wat saam met die Grapeseed Facial Exfoliator gebruik kan word. Laasgenoemde bevat fyn pitte van pinotage-druiwe wat vel liggies afskilfer en van dooie selle ontslae raak. Ooggrimering kan vooraf verwyder word met die Ultimate Eye Make-Up Remover, wat perfek is vir delikate areas en terselfdertyd jou ooglede hidreer. Dit word opgevolg met die HydraVine Toner, ’n verfrissende mengsel van medisinale botaniese…

Die skilpad se laaste traan , Carol Campbell (Umuzi, R240) Carol Campbell plaas in dié roman, nes in haar eerste twee boeke, die kollig op die karretjiemense van die Karoo. Dit draai om drie karretjiekinders, Siena, Boetie en Kriekie, met harde lewens vol uitdagings. Hul paaie kruis by Seekoegat Primêre Skool wanneer hulle weens verskillende tragiese omstandighede daar land. Dan loop elkeen in sy eie rigting volgens die keuses wat hulle maak. Tog het hulle ’n blywende invloed op mekaar en is hul vriendskap die een ding van waarde in hul lewens, die een plek waar hulle aanvaarding kry. Die karretjiemense is aangewese op die onherbergsame Karoo vir hul voortbestaan, en uit die landskap kry hulle ’n oerwysheid. Die simboliek tref regdeur die verhaal en die idiomatiese taalgebruik is onvergeetlik.…

Van kleins af het vroue se krag my beïndruk. Ek vind hulle baie interessanter as mansJan van Tonder, skrywer van Die Verevrou WAT IS IN JUNIE SE BEDERFBOKS? Die Verevrou geskryf deur Jan van Tonder (sien uittreksel op bl. 142) SARIE Junie 2019 om ook ’n vriendin se dag te maak en haar te bederf SARIE KOS Herfs 2019 SARIE Notaboek ’n Bottel Robertson Winery Merlot Naellak van L.O.V ’n Sagte karameltoffielekker van Sweet Temptations (60 g) Alles word pragtig verpak deur To Be Gift Boxes en sal by jou gekose adres afgelewer word. KOSTE R399, aflewering ingesluit (waarde van boks meer as R700) HOE BESTEL EK MY BOEKBEDERF-BOKS? Besoek www.tobegiftboxes.com Klik op die SARIE-ikoon op die tuisblad. Daar sal jy jou keuse van bokse sien. Vir hierdie bederf kies…

Dis hý, HY INSPIREER ONS Jare gelede het sanger en liedjieskrywer Mathys Roets in ons hart gekruip. En in 2011 het hy ’n spesiale liedjie vir SARIE geskryf waarin hy sing “Dis jy, jy inspireer my . . .” Wel, hy inspireer ons! Met sy lewenslus en die feit dat hy nooit ophou droom nie. Onlangs is hy getroud met sy droomvrou, Jané van Litsenborgh, op die Rietvallei-wynlandgoed tussen die mooie berge by Robertson. – MvB FOTO LIZELLE LÖTTER Sien meer troufoto’s op SARIE.com KALAHARI VIR JAN Hy is SA se eerste Michelin-sjef met sy bekende restaurant, JAN, in Nice, Frankryk. Nou kom Jan Hendrik van der Westhuizen ook Kalahari toe. KLEIN JAN maak sy deure oop in die private wildreservaat Tswalu Kalahari. Dis Jan se droom om dié kontrei…

25% agter die rug 75% voor en draai dan na agter Watter eksotiese reisbestemming wil jy graag nog besoek? GEWILDSTE KEUSES Maledive Marleen van den Berg Die water, die verblyf, cocktails . . . sagte sand tussen my tone. Een van my bucket list-drome. Griekeland Michelle Snyman Santorini is ’n groot droom van my . . . dis beeldskoon daar, die klomp wit geboue met die mooi seeuitsig! Israel Heidi Enslin Redelinghuys Israel oor Paasfees. Bora Bora Nina Venter de Villiers Ek is glad nie ’n seemens nie, maar daai plek lyk superidillies.…

Die aktrise Lika Berning het haar die lewe op 38 meer romanties voorgestel . . . Dalk met ’n groter huis, meer geld, ’n standvastiger loopbaan. “’n Lady of leisure wat in die tuin rondwandel, rolprentdraaiboeke skryf, movies maak, skilder, met die kinders speel.” Maar die lewe is ’n geswoeg en gejaag. Voor my is ’n onopgesmukte, stylvolle vrou met ’n kort, moderne Franse haarstyl, nie bang om haar emosies op die tafel te gooi nie. Sy wéét haar idealisme spruit uit ’n bevoorregte opvoeding. Ook haar rol in die kykNET-reeks Die Byl, wat pas klaargemaak het (reeks twee is reeds verfilm), is so anders as die romantiese hoofrolle waarmee sy bekend is. Polisiekaptein Lena Evans is ’n tawwe koekie in dié reeks wat losweg gegrond is op baasspeurder Piet…

Jy kan met vier vroue om ’n tafel sit en gesels. Wie sal dit wees? Advokaat Thuli Madonsela: Sy is ’n wyse vrou en ek dink haar insigte strek wyer as die politiek. Die kletskoningin Oprah Winfrey: Ek het grootgeword met haar. Sy is ’n uitstekende onderhoudvoerder en ek droom om ook eendag, soos sy, my eie geselsprogram te hê. Die Duitse kanselier Angela Merkel: Ek dink sy het baie reggekry en sal iets anders na die tafel kan bring. En natuurlik gewese Mej. Heelal Demi-Leigh Nel-Peters. Nie net is sy ’n oud-Puk nie, maar sy het ons land mooi verteenwoordig. Sy is vreeslik oulik. Jy het as joernalis jou tande by Beeld geslyp. Wat het jou laat besluit om die sprong van koerante na eNuus te neem? Ek het…

Egskeidings en enkelma’s Die egskeidingsyfer styg, soos Statistieke Suid-Afrika se nuutste syfers pas weer wys.* Enkelgesinne is ’n werklikheid, so ook ma’s wat dikwels die verantwoordelikheid alleen moet dra. Dis dikwels harde bene kou, maar vroue glo ons kán. Ons het daardie innerlike krag en kan die mas alleen opkom. Ivan Botha, akteur, regisseur, draaiboekskrywer en filmvervaardiger, sê liefde kan baie gapings vul “Ek weet van baie suksesstories waar kinders by net hul ma grootword. Vroue is baie sterker as wat baie mans dikwels dink. Ons dink vroue kan nie sonder mans nie, dis glad nie so nie. Ek en Donnalee [Roberts, aktrise, draaiboekskrywer, vervaardiger en sy verloofde] kom uitstekend oor die weg met my gewese vrou, Ciske, en haar man, Kristof Kruger. Ons het twee gelukkige huise vir my…

Jou werklading is so groot dat jy oorweldig voel; jy glo jy kom nie by alles uit nie. Soms kan jy selfs uitbrand en bedank, net om later spyt te kry. Jy leef van een krisis na die volgende, met geen ruimte vir kreatiwiteit, innovasie of groei nie. Dit voel asof jy konstant vure doodslaan. Jy doen nie meer waaroor jy passievol voel nie. Jy is onseker oor jou werksekerheid, jou werkplek se voortbestaan is byvoorbeeld in gedrang. Jou bestuurder is ’n boelie en jy word geteister – dis gewoonlik versteekte gedrag en moeilik om te bewys. Jy verwag ander mense moet jou werk vir jou lekker maak en al jou probleme aanroer en oplos. Jy dink ander “weet” jy is ongelukkig en aanvaar hulle sien dit en doen niks…

Jack Dorsey – Amerikaanse programmeerder, internet-entrepreneur en stigterslid van Twitter. David Geffen – Amerikaanse rolprent- en musiekentrepreneur, medestigter van die animasie-ateljee DreamWorks en eienaar van die musiekmaatskappy Geffen Records. Cassper Nyovest – Suid-Afrikaanse kletsrymer, liedjieskrywer en musiekentrepreneur. Michael Dell – Amerikaanse stigter van Dell Technologies, die wêreld se grootste tegnologieinfrastruktuur-maatskappy, en op Forbes se 2018-lys van rykste mense nommer 39. Boity Thulo – Suid-Afrikaanse aktrise, televisieaanbieder en suksesvolle sakevrou. INLIGTING: prof. Zak Nel…

VEGANIS Streng vegetariër wat geen diereprodukte eet nie, insluitend suiwel, eiers, melk, pluimvee, vis en ander seekosse PESKETARIËR Eet wel vis en ander seekos LAKTO-OVO-VEGETARIËR Eet eiers en suiwel MAKROBIOTIESE DIEET Vermy meeste diereprodukte en eet onverwerkte, organiese kosse (sommige variasies sluit wildsvleis en vis in) FLEKSIETARIËR Eet nou en dan vleis, vis, eiers en suiwel VRUGTE-ETER ’n Dieet wat 75% uit vrugte, sade en neute bestaan. Steve Jobs, stigter van Apple, het op ’n stadium daarmee flankeer…

Hoe het julle in die Bahamas beland? Ná my honneurs in logistieke bestuur aan die Universiteit Stellenbosch het ek in 2014 saam met Christiaan, ’n voltydse vlieghengelgids en toe nog my kêrel, vir die Alphonse Fishing Company in die Seychelle gaan werk en toe vir Atlantic Salmon Reserve in Rusland. Christiaan, ook ’n reisambassadeur vir The Fly Shop in Redding, Kalifornië, het dit al vir ’n klompie jare gedoen toe ek by hom aangesluit het. Een van ons gaste destyds in die Seychelle en Rusland, Oliver White, het gedink ons is “lekker” mense en vir ons werk by sy Abaco Lodge op die Groot Abaco-eiland in die Bahamas aangebied. Ons het in 2016 hier begin as deel van ’n “driejaarplan” voordat ons terugkeer huis toe. Wat beteken die naam Bahamas?…

LUIPERDVELMOTIEF COWBOY-STYL GESPE-DETAIL SLANGVELMOTIEF…

In 1930 het die luukse modehuis Louis Vuitton, wat toe nog net bagasie ontwerp het, hul heel eerste handsak bekend gestel. Die oorspronklike ontwerp was ’n kleiner weergawe van hul naweeksak, die Keepall. Eens een van die legendariese Audrey Hepburn (foto) se gunstelinge, word aktrises soos Diane Kruger, Hilary Duff en Jennifer Love Hewitt deesdae gereeld met ’n Speedy-handsak gesien. In 2019 het die handsak ’n nuwe aanslag. Die bekende LV-monogram verskyn oorgroot op die seilmateriaal en die handvatsels en band is van verouderde koeileer. Vir meer inligting skakel 011 784 9854, 021 405 9700 of besoek www.louisvuitton.com. Die term tech neck verwys na nek- en skouerprobleme wanneer ons te veel op ons foon of tablet doenig is. Dit laat ook ’n vreemde vou vorm wanneer jy jou nek teen…

Die nuut ingerigte kombuis van Chris Viljoen en Christan Boshoff bied allerhande slim en kontemporêre ontwerp-idees (sien die res van hul woonstel op bl. 108). Pype vir elektriese koorde is op die muuroppervlak geïnstalleer, wat ’n industriële voorkoms gee. Dit is ’n goeie oplossing by die restourasie van ’n historiese gebou waar nie onnodig aan mure getimmer moet word nie. ’n Metaalring wat dien as hangplek vir vadoeke, pas by die voorkoms.…

“Alles is net genade,” sê Riana Nel, sangeres en The Voice-mentor, oor haar loopbaan van sowat twee dekades. “Ek wou met my hele hart van bekendheid af weghardloop en het vir seker nie ’n begeerte gehad om famous te wees nie. Maar ek is geroep om ’n stem in Suid-Afrika te wees. Ek het geen ander plan gehad as om liedjies te skryf wat hopelik mense sou aanraak nie. En uiteindelik sou kon vertel van die hoop wat ek in Jesus het. Soos die jare aangestap het, met elke album en soos my platform vergroot het, het ek gesien dis presies waar ek moes wees. Ten spyte daarvan dat dit nie altyd ’n gemaklike plek was nie. My leuse som ek in een sin op. Of jy jou doodwerk of…

Dié gevoelens kan dit laat lyk of die verhouding kan werk, maar is ook in gewone vriendskappe teenwoordig: Aangetrokkenheid. Ja, vriende is ook aangetrokke tot mekaar, al is dit nie seksueel nie, en hulle mis mekaar. Intimiteit. Enige verhouding word meer intiem soos iemand hul gevoelens deel en voel hulle kan die ander een daarmee vertrou. Respek. Om iemand te bewonder en te respekteer is ook belangrik in ’n vriendskap. Ondersteuning. Wedersydse ondersteuning is ’n kenmerk van vriendskappe én huwelike. Pret. Om iemand se geselskap te geniet, of hul sin vir humor te waardeer, is ook belangrik in vriendskappe. Invloed. Vriende beïnvloed ook mekaar se doelwitte, voorkeure en uitkyk – maar in ’n mindere mate as paartjies.…

* BEPALINGS EN VOORWAARDES IS VAN TOEPASSING. DIE AANBOD GELD NET VIR INTEKENING OP DIE GEDRUKTE SARIE EN IS GELDIG TOT 23 JUNIE 2019 (NET IN RSA). WEDSTRYDREËLS OP BL. 116 Vir enige verdere navrae of probleme, stuur e-pos na carmen.botma@sarie.com of anene.deklerk@sarie.com SKAKEL ons by 087 353 1300 (tolvry), of 021 065 0033 vir internasionale intekenpryse (08:00 tot 16:30) subs@media24.com EN ONS KONTAK JOU SUBS SARIE met jou besonderhede na 32361 (geen leestekens) EN ONS KONTAK JOU (’n Tarief van R1,50 per SMS geld. Gratis minute is n.v.t.) Besoek SARIE.com, Netwerk24.com, Zinio.com of Magzter.com vir jou digitale intekening…

In die dertigs het EKT na die enigste doeltreffende behandeling vir depressie gelyk, maar dit kan geheueprobleme en ander newe-effekte veroorsaak. In die vyftigs het die idee van sekere chemiese “mengeldrankies” vir depressie posgevat. Die eerste, iproniasied, is per abuis ontdek toe dit as behandeling vir tuberkulose (TB) getoets is. “Hulle dans in die gange met gate in hul longe,” het koerante die effek op TB-pasiënte aangekondig. In die sestigs is egter bevind dit veroorsaak lewerskade en dis van die mark onttrek. Nog ’n eksperimentele middel, imipramien, vir psigose, het beter vir depressie geblyk te wees. Dit was die eerste van die sogenaamde trisikliese antidepressante, so genoem vanweë die chemiese struktuur, wat uit drie atoomringe bestaan. Wetenskaplikes het bestudeer hoe dit werk en ’n nuwe teorie oor depressie se oorsaak…

Liora Papalato in Die verevrou is losweg gegrond op die lewe van Luisa Pappalardo, die meesterpluimbereider van Oudtshoorn. Die verhaal begin in 1948 met die sesjarige Liora wat saam met haar gesin op ’n plaas in Algerië woon, en word afwisselend vertel met dié van Candice Amat van De Rust. Die twee ontmoet as volwassenes in die Klein-Karoo wanneer Liora na haar instaan-pa, Moshe, kom soek om deur sy oë na die bekoring van die verewêreld in die kontrei te kyk. Haar lewe was traumaties nadat sy as jong vrou weens die oorlog uit Algerië na Frankryk moes vlug. Net so het Candice ingrypende gebeure ervaar. Dis ’n emosionele roman waarin verskeie kwessies opgehaal word en sterk vrouekarakters die verhaal dryf. ’n Móét-lees, sê SARIE-boekeredakteur Phyllis Green Jy noem ene…

Naby ’n berg wat van ver af blou gelyk het, word die saaiheid van die reguit Karoopad deur kronkels onderbreek. Die wye vlaktes en yl bossies en klip en harde grond maak plek vir doringbome. Die pad verdwyn in ’n kloof. Meiringspoort, volgens die kaart. Die kloof vernou steeds, met bruin en geel en blou en oranje kranse weerskante van die pad. Liora wens die bestuurder wil êrens stilhou sodat sy kan afklim en asemskep. Dán sal sy die poort se skoonheid kan geniet, wanneer sy nie so hoog bo die grond en na aan die kranse voortspoed nie. Daar is jou droom om my te laat vlieg nou ook na die maan, Moshe Habib, dink sy en glimlag. Maar dis ’n wrang laggie, want die draaie in hierdie diep…

5 gelukkige SARIElesers kan elk die boek Sondes van die vaders deur Lerina Erasmus en François Bloemhof (Human & Rousseau, R300) wen. Soos in Die Leliemoordenaar is Danny Hector en haar ondersoekspan weer warm op die spoor van ’n moordverdagte. Die weeskind Hansie Roodt, wat in die 1980’s as tienerseun galgdiens moes doen, het begin om die nasate te laat boet van diegene wat hom destyds te na gekom het. Hansie, nou bekend as Gabriël, is ’n reeksmoordenaar met ’n slinkse modus operandi wat aanhou uitdaag en verras, en kreatiewe maniere moet gevind word om hom te vang. Nog 5 gelukkige SARIElesers kan elk Helene de Kock se omnibus Keur 4 (Human & Rousseau, R255) wen. Digby Grootgewaag is die verhaal van drie susters se liefdes en ook hul leed.…

Maryke Nolte My mamma se pastei, my skoonmamma se groenboontjies en my skoonsus se Peppermint Crisp-tert. Janet Malherbe Lekker moussaka met koue chenin! Yvonne Kolesky James se boontjiesop, vars brood en botter, dankie. Mara van Zyl Pizza soos ek verkies met ansjovis, olywe en fetakaas. Alzette Gerber Oxtail wat van die been afval, potjie met kaboemmielies en soet pampoen.…

Daar’s nie die spreekwoordelike skoenlappers op sy maag nie. Nee, dis sommer helikopters! Hannes van Wyk beduie hoe die groot naaldekokers bokant sy kop duik en draai. Onse Hannes het min bekendstelling nodig. Dáár is hy weekliks op Kwêla se konsertina-bank, sy byna twee meter lange lyf in ’n snyerspak en mooi das. Dáár is hy ’n grillerige reeksmoordenaar in die kykNET-reeks Spoorloos, sy konserwatiewe hempie tot byna by sy gorrel toegeknoop. Nou die dag was hy sommer homself in nog ’n kykNET-reeks, Dwaalspoor. “Hannes is op die dorp!” seg een tannie. “Hannes van Kwêla?” hyg die ander een. Nou ja, nes Madonna, Beyoncé en Elvis, het hy skynbaar nie ’n van nodig nie. Reeds byna dertig jaar in die bedryf, het hy by die bestes geleer, ou hande soos…

1 Skryf al jou gedagtes neer: In jou kop maal baie dinge – lys almal (selfs die nare gedagtes), al jou hoekom-vrae, jou eie idees en oortuigings oor die situasie by die werk wat jou dalk terughou. Moenie orden nie, kry dit net op papier. 2 Voor jy planne maak, erken jou emosies. Hou dagboek van wat jy voel, dink en ervaar. Moenie wegskram daarvan nie – woede, hartseer, vrees . . . erken dit. Gesels met iemand wat jy kan vertrou oor jou gevoelens. 3 Maak ’n lys van die feite: Staan terug van die situasie. Wat is die feite? Wat verloor jy en wat wen jy uit die situasie? (Ja, daar is altyd iets wat jy kan wen ook.) 4 Lys wat jy nie kan verander nie. Soos…

Nie so lank gelede nie sou mense jou skeef aankyk as jy sê jy is ’n veganis. Dit was iets wat net hippies doen, soos om ure na jou naeltjie te staar en aaptwak te rook. Nou tel dié tendens, om alle diereprodukte uit jou dieet te sny, wêreldwyd spoed op. Ook plaaslik. Die getal mense wat by hul praktyk aanklop vir ’n veganistiese (en ook vegetariese) dieet, het in drie maande verdubbel, sê Anneen Middel, geregistreerde dieetkundige by Amanda Kuit-dieetkundiges in Pretoria. Dit terwyl net drie mense tussen 2014 en 2016 daarna gevra het. Daar is ook ’n groter belangstelling in vleis net so nou en dan (fleksietaries), sê sy. Nie alleen was dit in Januarie vanjaar ’n top-tendens op Twitter nie. Vegan-kosse staan vanjaar voor in die koor…

Haar naam is dalk minder bekend, maar dié 27-jarige Britse aktrise is vinnig op pad boontoe. Kaya is in Wes-Sussex, Engeland, gebore, die enigste kind van haar Britse pa en Brasiliaanse ma, wat haar vanaf eenjarige ouderdom alleen grootgemaak het. In 2007, op 14, het Kaya haar eerste groot rol gekry in die Britse tiener-TV-reeks Skins, as die karakter Effy Stonem. Vir haar spel is sy tussen 2008 en 2010 vier keer as beste aktrise benoem, onder meer by die internasionale Festival de Télévision de Monte-Carlo. Haar groot deurbraak het gekom in 2013, toe sy die rol van Teresa in die wetenskapfiksietrilogie The Maze Runner losgeslaan het. Tans is sy teenoor Zac Effron in die fliek Extremely Wicked, Shockingly Evil and Vile te sien as Ted Bundy se vrou, Carole…

40’s  ’n Skaapwolbaadjie uit Chloé se Herfs/Winter 2018-’19-reeks by die Paryse Modeweek. 50’s ’n Manteljas uit Alberta Ferretti se Herfs/Winter 2018-’19-reeks by die Milaanse Modeweek. 60’s ’n Militêre baadjie uit Temperley London se Herfs/Winter 2018-’19-reeks by die Londense Modeweek. 70’s ’n Leerbaadjie was deel van Isabel Marant se Herfs/ Winter 2018-’19-reeks by die Paryse Modeweek.…

GHOEROE VAN HOLLYWOOD SKEP REEKS VIR SA VROUE Hy is een van die bekendste grimeerkunstenaars in Hollywood en spog met kliënte soos Naomi Campbell en Beyoncé, om maar ’n paar te noem. Nou span Sir John (foto) met Woolworths se grimeerhuis, WBeauty, saam vir ’n reeks produkte wat die verskeidenheid velkleure van SA vroue komplementeer. Wees op die uitkyk vir elegante grimeerborsels, asook lipstiffies, verligters, glinsterende oogskadu’s en naellakke in skakerings geïnspireer deur dié van herfs en winter. Sir John X WBeauty Volume 1 is vir ’n beperkte tyd beskikbaar by uitsoektakke van Woolworths en aanlyn. Pryse vanaf R150 VELSORGMITE ONTMASKER MITE: HOE RYKER DIE ROOM, HOE BETER BEVOG DIT Sodra ons vel droog en styf begin voel, reik ons na ’n dik, ryk vogroom om droogheid te streel. Dit…

HOE WORD RUM GEMAAK? Die neweprodukte van suiker soos melasse, of die sap van suikerriet, gaan deur ’n proses van fermentasie en distillering. Die distillaat, met die kleur van water, word dan gewoonlik in eikehoutvate verouder. Daar is 7 basiese rum-style: donker rum, gegeurde rum, goue rum, ligte rum, rum met speserye, fynproewerrum en oorproefde rum (overproof). Laasgenoemde is rum met ’n alkoholinhoud van 75% en selfs 80%, pleks van die tradisionele 40%. Donker rum is die lekkerste en mees geskikte om mee te kook, omdat daar soveel geure en smaak gedurende die verouderingsproses vasgevang word. HOE DRINK JY RUM? As rum die nuwe jenewer is, wonder jy seker ook hoe om dit in jou glas te geniet wanneer jy nie daarmee kook nie. Maak heel eerste seker jy koop…

As jy van die Noord-Kaap kom, ken jy dié manier van lamsrib gaarmaak. Die ribbetjies word stadig gebraai tot goudbruin en bros. Eenvoudige kos, maar lekker. genoeg vir 6 24 lamsribbetjies 60 ml bruin asyn varsgemaalde growwe sout varsgemaalde swartpeper 60 ml koljanderkorrels, fyngestamp Verhit kole tot matig warm of verhit oond tot 160 °C. Pak ribbetjies op toeklaprooster of in oondbraaibak. Sprinkel asyn oor en vryf goed in vleis in met vingerpunte. Geur met sout en peper. Sprinkel koljander oor. Braai stadig met vetkant na bo tot vet uitgebraai is – sowat 1 uur. Draai om as jy oor kole braai tot vet goudbruin en bros is of bak goudbruin onder oond se roosterelement. Sit voor met ekstra fyn koljander.…

A  Aldo 010 900 1386 www.aldoshoes.co.za B  Black Betty 071 672 6856 www.blackbettydesign.com Block & Chisel 010 442 0809, 010 593 9308, 021 712 5193, 021 762 313 www.blockandchisel.co.za C  Cotton On 011 268 3700 www.cottonon.co.za D  Due South Escapes 0860 576 576 www.duesouthescapes.co.za E  Edgars 0800 203 925 www.edgars.co.za F  Forever 21 021 555 3324, 076 153 1005 Forever New 011 883 4585, 021 419 4552 www.forevernew.co.za Foschini 0860 576 576 www.foschini.co.za G  Green Cross 0860 009 855 www.green-cross.com H  H&M 0860 690 707 www.hm.com/za M  Makro 0860 600 999 www.makro.co.za Mango.com shop.mango.com/za Mat & May 021 938 1250 www.matandmay.co.za Miladys 0800 310 290, 0800 212 535 www.miladys.com Mr Price Home 0800 212 535 www.mrphome.com O  Old Khaki 0860 444 429 www.oldkhaki.co.za P  Pesso 011 465 1468 www.pesso.co.za Poetry…

As julle buiten jul vriendskap ook dié dinge deel, het die huwelik ’n goeie kans: Seks. Dis afwesig in die meeste vriendskappe. Gedeelde doelwitte. Paartjies pas by mekaar se toekomsplanne en -verwagtinge aan, soos dié oor finansies, kinders en geloof. Tyd en aandag. Paartjies bring baie meer tyd saam deur en doen meer moeite met mekaar as vriende. Verbondenheid. “Ek” en “jy” word “ons”. Positiewe illusies. Gelukkige paartjies is betower deur mekaar. ’n Mens het ’n meer realistiese prentjie van vriende. Toewyding. Gelukkige paartjies kiés om moeite te doen om die verhouding gesond te hou.…

Haar ouma het eerste besef daar skort iets met hul poplap se ogies. “Kyk, dit lyk soos wolkies oor haar pupille.” Wat doen jy as jy hoor jou twee maande oue baba is met katarakte gebore en blind in albei oë? Die oogspesialis moes aan die Pretoriase paartjie Rejeanne Beyers en haar verloofde, Pieter Lombard, verduidelik wat presies dit is. “Maar Dane-Lize se gehoor is baie goed. Sy sou haar handjies uitsteek as sy ons stemme hoor, aan ons gesigte vat en glimlag,” vertel haar jong ma. En die prognose was goed: Vanweë die moderne tegnologie is dit iets wat reggestel kan word. Hulle het nie ’n mediese fonds nie en kon nie die prosedure, bekend as ’n intra-okulêre lens-inplanting (of lens-aspirasie), bekostig nie. Danksy die geldelike bystand van die…

Ons bou ons huise van woorde / met klinkende / en medeklinkende stene Uit “Boubeheer” deur Kobus Lombard in sy digbundel, Tussen toeval en willekeur (Naledi, R175) Duinhuis, Isabella Niehaus (Human & Rousseau, R400) Eers was daar ’n duin. Toe kom daar ’n vrou en sy bou ’n huis op die duin. En nou is daar ’n boek oor die huis op die duin en die vrou wat daar woon. Moenie ’n konvensionele kookboek verwag nie. In dié boek deel Bella (soos sy alombekend staan) staaltjies uit haar lewe, met uitsoekresepte so tussendeur. Dis ’n kykboek wat jou op ’n reis in Bella se leefwêreld van smake en geure neem. Vir haar is kosmaak die lekkerte om te deel “en vir oomblikke magic en joy in ander se lewens te…

Wat laat my aan daardie aand dink? Daardie nag van verdwaal en verwondering? ’n Talentvolle jong sanger skryf vir my en sê: “My vriend, ook ’n musikant, het my gisteraand ’n storie vertel van hoe hy saam met Gertjie op toer was, en in die Karoo verdwaal het. En hoe hulle jou en jou hond raakgeloop het en daar by jou oornag het.” Dit kom alles klokhelder terug. ’n Winteraand in die Tankwa-Karoo. ’n Aand van verlore vriende, musiek en ’n vuur onder ’n yskoue, oop sterrehemel. Ja, skryf ek terug, nooit vergeet ek daardie magiese aand nie! Dis hoe dit gebeur het. Ons het ’n stukkie grond in die Tankwa, ver weg van dorpe en mense en dinge. Die plase is woes en wyd uitmekaar. Daar kom net soms…