Innehållsförteckning för September 2019 från SARIE

Sy klink soos lente. Hoe mooi skets dié vier woorde haar nie. Jy sién haar, wil haar ken. Want sekerlik borrel sy oor van lewenslus, haar oë blink en haar lag is helder. Van al die kleurryke titels vir Afrikaanse rolprente is hierdie by verre my gunsteling. ’n Romantiese komedie wat drie jaar gelede in September bekend gestel is. Met lente kan jy nie ’n fout maak nie. Net die woord bring ’n gevoel van positiwiteit en hoop. Inspireer nuwe energie en ’n ligter tred. Dis die seisoen waar selfs lipstiffies spog met bekoorlike name soos magnolia bloom, petal pink en juiced berry, en jasmyn en roos parfuums laat sprankel. Hoe kouer die winter, hoe soeter die lente, glo ek. Vir die eerste keer in jare het ons vanjaar weer…

WIE’S JOU TANNIE? Kry toe ’n pap wiel op pad Swakop toe. Nie dat mens gewoonlik krag het vir so iets nie, maar die wind het veral erg gewaai, so almal was half suur toe ons uitklim. Kat ook nog in tou, maar hy moet bly sit en betoog halflyf by die venster uit. Boetie staan en paai terwyl Grootboet halfhartig assisteer dat ons die nodige gereedskap uitkry. Met die bottel-jackie in die hand wurm ek myself onder die bakkie in. Die skouersand is dik en Suzi is laag, so ek smeer omtrent my windverwaaide kapsel dwarsoor die kar se onderstel om ’n geskikte jack-plek te kry. Met min wriemelspasie onder die kar, is dit net die knieë en voete wat kan stoot en druk. Dis tydens dié gebeure dat…

Die Wêreldbeker-rugbytoernooi vanaf 20 September in Japan “Pfft . . .” Trek ’n gesig. “My ou is baie erg oor rugby, krieket . . . sport op TV. Ek word groot daarmee, my pa love dit. Ek voel tuis met dit op die agtergrond, wit geraas, maar gaan nie noodwendig kyk nie.” Ons land “Ons moet meer fokus op ubuntu. Ek wil deel wees van die oplossing. Ek is besig om Zoeloe te leer, stadig maar seker, die meisies by die werk leer my. As jy iemand in Zoeloe groet, kyk maar, hy maak dadelik oogkontak: ‘Sy probeer, jis!’” Alleentyd “My pa het altyd gesê hy kan sy vriende op een hand tel en ek het gedink hy is ’n nerd, want ek het duisende vriende. Nou kan ék my…

Jou karakter Esti Fouché in 7de Laan is ’n enkelma wat eers ’n ontkleedanseres was. Was jy huiwerig om die rol te vertolk? Nee, daar was iets diepers aan haar. Sy was, ten spyte van haar omstandighede, altyd positief. My man, Dewald, het my wel daaroor gespot; hy het gedink dis skreeusnaaks dat ek ’n stripper speel. Watter impak het Esti op jou lewe gehad? Sy is sterk, staan vir niks terug nie en het geen bang haar op haar kop nie. Dis danksy haar dat ék selfvertroue het. Sy het my geleer om in myself te glo. Jou dogtertjie, Heidi, is op 22 Mei gebore . . . Daar is ’n ongelooflike vergenoegdheid en vreugde in my lewe. Dis asof ek nou ’n nuwe kleur sien. Nie ek of…

KLOKSGEWYS OP DIÉ BLAD  ’n Japannese esdoring lewer sy asembenemende herfsblaarvertoning in Nara-park in die stad Nara, in antieke tye Japan se hoofstad. Sobanoedels met tofoe, ’n heerlike tradisionele gereg wat met groentee geniet word. Die oneindige spieëlkamer in Tokio se teamLab Borderlessdigitale kunsmuseum, die eerste in sy soort ter wêreld. Hier word rooi lampe volgens ’n algoritme verlig soos jy deur die vertrek beweeg. Binnekant die antieke Todaijitempel in Nara. Dit is in die vroeë agste eeu volledig uit hout gebou. KLOKSGEWYS OP DIÉ BLAD  ’n Groep jong vroue in tradisionele kimono’s poseer vir ’n foto voor die Jasaka-tempel in Kioto. Die foto is in Gion – Japan se “geisjadistrik” – geneem. Tinarie se eerste blik op Japan se berge vanuit die vliegtuig. Die Arasjijama-bamboeswoud in Kioto se blaredak.…

Jy het ’n kafeïen-skop nodig om soggens aan die gang te kom en vergryp jou aan suiker, stysel. Dalk baklei jy met kollegas, familie, ander motorryers. Of jy wil net op jou bed lê en sepies kyk, heeldag, aldag. Miserabel, depressief en moedeloos, bevraagteken jy moontlik elke lewenskeuse wat jy ooit gemaak het. Of jy is net so moeg – liggaam en siel. Die vele gesigte van uitbranding. In Mei is bekend gemaak dat dit nou as ’n diagnose erken word, volgens die internasionale klassifikasie van siektes (ICD-11), die Wêreldgesondheidsorganisasie (WGO) se handboek vir dokters. Dit word geklassifiseer as ’n “sindroom wat ontwikkel weens chroniese stres by die werkplek wat nie suksesvol beheer word nie”. Dus word die diagnose tot die werksomgewing beperk. Die tentakels daarvan reik egter verder en…

< SLANGVELMOTIEF Rond dié gewilde patroon af met ’n kristalarmband of twee. Slangvelmotief-midirok met bypassende belt (vanaf R1 699), Habits. Groen suède-armband met Swarovskikristalle (vanaf R1 190), Swarovski. GROOTTES Rok: S – L > SERPPATRONE Trek die aandag in dié treffende motief vir ’n deftiger geleentheid. Maksirok met serppatroon (R1 600), Desray. Blinkerbaadjie (R1 800), Desray. Luiperdvelmotiefoorbelle (R200), Lovisa. Luiperdvelmotiefhakskoene met enkelbandjie (R1 499), Aldo. GROOTTES Rok: S – XXL Baadjie: S – XL PLOOIE Met plooie kan jy nooit ’n fout maak nie. Dink net aan Marilyn Monroe in haar ikoniese geplooide halternek. Geplooide oorvourok met blompatroon (R1 199), Poetry. Dun luiperdvelmotief-belt (R299), Poetry. Geel leerinsteekskoene (R1 599), Poetry. Geel tosseloorbelle (R125), Poetry. GROOTTES Rok: 6 – 20 MIDI-LENGTE Die elegansie van Lente 2019 se moet-hêmidirok is in die…

CHAR SIU Dié Chinese braaisous het ’n soet smaak met skerp spesery-ondertone. Die bestanddele sluit in heuning, sojasous, Chinese kookwyn en die Chinese se klassieke vyfspeserymengsel (kaneel, naeltjies, vinkel, steranys en Sichuan-peper). GEBRUIK DIT SÓ Die sous is heerlik in marinades of enige kos wat gebraai word. Gebruik dit net so uit die bottel of verdun effens met kookwater. ’n Lepel of twee by tamatiesmoor is ook heerlik. STERANYS Dit is beslis die mooiste spesery op die speseryrak. Die peule met hul sade het ’n soethout- (liquorice-)smaak en word in die suide van China en Japan gekweek. Dis een van die geure in die vyfspeserymengsel. GEBRUIK DIT SÓ Gebruik die heel steranys in geregte wat stadig kook. Die sade en fyngemaalde anys is weer lekker in gebakte geregte en nageregte.…

Hy het jou van jou voete afgeswiep – soos ’n ridder van ouds. Jy is verlief, tot oor jou ore toe. Maar soos die weke en maande aanstap, begin dinge krap. Aanvanklik het jy daarvan gehou dat hy sommer van dag een af die leiding neem, trouens, dit was lekker om net agteroor te sit terwyl hy al die besluite neem. Nou begin jy wonder of hy jou nie wil beheer nie. Moet hy boonop ook oor álles die laaste sê hê? En skielik lyk die man wat jy net nou die dag nog vir jou vriende as “jou trouman” beskryf het, glad nie meer so “perfek” nie. Daar bestaan natuurlik nie iets soos ’n perfekte verhouding of maat nie – ons is almal maar net mens, en foute, krapperigheid,…

’n Advertensieveldtog vir ’n nuwe reeks Gucci-lipstiffies het onlangs Twitter laat gons. ’n Nabyskoot van model en sangeres Dani Miller se tande het die meeste aandag getrek. Sy het gapings waar die laterale snytande (langs die voortande) moet wees. Die boodskap: outentieke skoonheid lê in imperfeksie. Nè? Die gebruik van chirurgiese en nie-chirurgiese metodes om aan ons voorkoms te karring, het verlede jaar met 9% gestyg. Dít terwyl die wêreld tans ’n ekonomiese resessie beleef, volgens dr. Zak Schabort van The Cosmetic and Dental Emporium se Kaapse Waterfront-tak, en medeskepper van Via se mooimaakprogram Wraak my mooi. Derduisende vroue soek inspirasie op sosiale media oor die nuutste voorkoms-trends. Hul rolmodelle is die Kardashians, Bella en Gigi Hadid . . . Só wil almal oënskynlik nou plomper lippe hê, ter navolging…

The Son of the House , Cheluchi Onyemelukwe-Onuobia (Penguin, R270) Vroueregte, gedwonge huwelike en hedendaagse slawehandel. Hierdie is enkele van die gewigtige onderwerpe wat die skrywer met sensitiwiteit, deernis en insig aanpak terwyl sy jou op ’n visueelryke reis deur twee vroue se lewe neem. Nwabulu en Julie word in Enugu, Nigerië, ontvoer, maar hul ontvoering is bloot die laaste hoofstuk wat ’n samekoms van gebeure oor vier dekades heen afsluit. Hul omstandighede en die geleenthede wat hulle gebied is, verskil, maar tog het hulle meer gemeen as wat met die eerste oogopslag blyk. The Son of the House beklemtoon dat vroue steeds in groot dele van die wêreld as eiendom beskou word, sonder regte of vooruitsigte. Deur Nwabulu en Julie se vertellings word dit egter duidelik hoe sterk…

ONS ‘1949’ ’N WENNER! Bestellings is selfs uit New York ontvang, vertel Casper Bosman van die 1949-bloes wat hy vir SARIE se 70ste verjaardag ontwerp het. Rolene Strauss het op albei Julievoorblaaie die bloes gedra: in swart en met pienk-en-wit strepe. Die inspirasie was die bloes op Sarie Marais se eerste uitgawe op 6 Julie 1949. Sy nuwe ontwerp is ook in ander kleure te kry. Bestel die “1949” by Casper teen R1 500. Stuur e-pos na info@casperdesignerwear.co.za of skakel 083 390 1610. BLOMTYD . . . en Sera Holland is geïnspireer. Dié ontwerp is geskep met behulp van foto’s wat sy van fynbos in en om die berge van die Wes-Kaap neem. Vir meer oor produkte met dié collage, Fynbos Flower Fields, stuur e-pos na sera@ handmadebyme.co.za of besoek www. handmadebyme.co.za.…

Moenie oordeel nie, só is ek van kleins af geleer. Dit bly ’n lewenslange stryd, nie net om jou medemens te laat begaan nie, maar ook om die kultuur van voltydse, volgehoue oordeel nie jou eie te maak nie. Soveel hedendaagse vermaak word as kompetisies aangebied, van wellustiges wat op eilande in spanne moet vry tot sjefs wat beoordeel word, van sangers wat beloon of beledig word tot ontwerpers wat swoeg in een of ander dekorwedstryd, as daar iewers ’n lang plank of ’n paar los stoele beskikbaar is, sal ’n ry beoordelaars hulle sit kry. Ons kan nie ontsnap nie, neutraal is uit, jy’s ’n lover of ’n hater. Ek loooove lang stewels! Ek haaaat vrugtekoek! Niks word uitgelos nie, jy luister na Maria Callas op die internet, ’n…

Die ernstige man met sy diep, bruin oë was op skool eintlik die class clown. Maar as volwassene kom akteur James Alexander meer soos ’n filosoof as ’n grapjas voor. Soos hy daar sit by die M-Net-gebou in Johannesburg, buk hy elke nou en dan vooroor, hand gevou om sy ken met die grysgespikkelde rooi baard terwyl hy nadink oor ’n antwoord. Wanneer hy klaar is, sit hy agteroor, die “werk” nou afgehandel. ’n Sagte groen trui, jeans en die gevlegte leerbandjies om sy een gewrig pas by dié prentjie. Maar die grapmaker? “Ja,” lag hy. “Ek dink ook soms té veel oor dinge na. Dis juis hoekom ek met tye ’n bietjie uithaak – vra maar op stel rond, as iemand iets simpels tydens ’n verposing aanvang, is dit…

Was hulle gespanne? Ja, want die oomblik was groot. Het hulle mooi gevoel en gelyk? Vir seker. ’n Een-keer-in-’n-leeftyd-ervaring? Ja! beaam almal in ’n koor. Is daar ’n foto mooi genoeg om SARIE se gesogte Oktober-voorblad te wen? Ongetwyfeld! Leer ken hulle nou een vir een. Wat vir hulle #vreugde bring, wat hulle bang maak, inspireer en laat droom. Wanneer jy hulle weer sien, is die wenner op SARIE se Oktober-voorblad: SARIE Voorbladgesig 2019! Michélle van Breda Schané Venter Jy kan net vervuld leef as jy weet hoe en waar jy die grootste impak maak Gebore en woon Alberton 27 Bedryfs- en logistieke bestuurder Droomwerk Eie aanlyn klerewinkel Droomplek Griekeland, “dit skree romanse” Verloof aan Marion, ’n beleggingspesialis, “my beste vriend” Beste geur Koffie Kledingstuk “Go-to”-leerbaadjie Gunstelingceleb Suzette…

Toeval het meer as ses jaar gelede ’n Japannese avontuur vir die bekende predikantspaar Johann en Hennie Symington ontsluit. Twee dinge het byna gelyktydig gebeur om dit te bewerkstellig. Eerstens het Johann se aftrede vir hom begin loer met ’n gepaardgaande benoudheid oor “rustig by die see aftree” en om elke dag te kyk hoe dieselfde brander op dieselfde rots breek. Gelukkig beland daar onverwags ’n boodskap uit Japan so te sê op hul voorstoep in die Kaap. ’n Gemeente is op soek na ’n dominee vir “expats” in Tokio. “En voordat jy kan sê ichi, ni, san [een, twee, drie], bevind ons ons in Tokio vir ’n onderhoud met die kerkraad, wat hoofsaaklik uit Amerikaners bestaan,” vertel Hennie. Niemand wat die innemende egpaar al ontmoet het, sal verbaas wees…

Dr. Sulette Ferreira en SARIE-lesers gee ook dié wenke vir ouers: Stel twee horlosies in jou huis: een op Suid-Afrikaanse tyd, en die ander vir die land waar jou kind woon. So kan jy gedurig sien hoe laat dit by hulle is en jy weet byvoorbeeld wanneer hulle opstaan of aandete eet. Teken in op ’n koerant of tydskrif in jou kind se land. Hulle verstaan hul geboorteland se kultuur en weet van belangrike gebeure en datums, maar jy ken waarskynlik nie hul omstandighede nie. So kan jy ook uitvra as iets interessants daar gebeur, soos Wimbledon in Engeland, of kersiebloeiseltyd in Japan. Vind nuwe uitdagings. Maak daardie leemte voller met nuwe vriende, stokperdjies en gebeure in jou gemeenskap. Maak notas van die gebeure in jou kind se lewe. As…

Judy het ’n 7-punt-plan om jou lewenskrag ná uitbranding terug te kry en te handhaaf, die SPANNER. S = Self Vind en koester jouself met selfsorg, selfliefde, selfdeernis, selfgesentreerdheid (teenoor ander-gesentreerdheid) en selfverwesenliking. P = Peace , of vrede en stilte Ons het almal stiltetyd nodig: om te rus, ontspan, mediteer. A = Ask, Accept, Allow Of vra, aanvaar en laat toe. Jy kan jou lewe soveel makliker maak as jy jouself toelaat om te vra (en dit te aanvaar): hulp, liefde, raad, terugvoering en enigiets positiefs wat aangebied word. N = Nourish , of voed Voed jou liggaam, kop en siel met voedsame/heilsame kos, gedagtes en dinge. N = Nee! Jy voel oorweldig as jy te veel dinge op jou program…

40's ’n Broekpak was een van die groen items in Roberta Einer se Lente/ Somer 2019-reeks by die Londense Modeweek. 50's Treffende blou stewels by ’n groen rok in Andrew GN se Lente/Somer 2019-reeks by die Paryse Modeweek. 60's ’n Sjiek groen patroonrok in Act n°1 se Lente/Somer 2019-reeks by die Milaanse Modeweek. 70's ’n Groen handsak rond ’n uitrusting in Marc Cain se Lente/ Somer 2020-reeks by die Berlynse Modeweek af. AMARIA HOU VAN Dis lente en ná al die donker kleure waarin ek myself toegevou het, is ek gaande oor dié geel laehakskoen met sy strikdetail. Dit gaan perfek saam met jeans, rompe en rokke.…

1978 Isa Carstens open die eerste Cidescogeakkrediteerde skool vir skoonheidsterapeute in SA op Stellenbosch. 1984 Die aanvanklike eenjaarkursus in skoonheidsterapie word verleng tot twee jaar. 1994 Isa Carstens ontvang die gesogte Médaille d’Esthétique van Cidesco vir haar bydrae tot opleiding. Sy is die eerste Suid-Afrikaner om dié medalje, wat nog net aan ’n handvol mense toegeken is, te ontvang. 2007 Die Isa Carstens Akademie word as ’n private hoëronderwys-verskaffer by die nasionale departement van hoër onderwys en opleiding geregistreer. Die akademie word ook deur die Raad vir Hoër Onderwys geakkrediteer. 2007 Isabel Carstens-Roos ontvang die Médaille du Mérite vir hoë standaarde en professionaliteit van Cidesco. 2011 ’n Tweede Isa Carstens Akademie-kampus word in Lynnwood, Pretoria, geopen. 2012 Die akademie gooi hul gewig agter die Suider-Afrikaanse Stigting vir die Bewaring van…

Een van die uniekste onderlae wat die SARIEskoonheidspan nog gesien het! Die Chanel Les Beiges Water-Fresh Tint (R1 110) spog met mikrodruppels pigment vasgevang in ’n waterformule. Sodra jy die formule met die ingeslote borsel op jou vel begin “meng”, bars die druppels oop en skakeer die pigment foutloos op jou gesig. Dit sorg vir ’n veerligte, douerige, byna deursigtige afwerking wat ook jou vel bevog. Dié onderlaag steek nie vlekkies of knoppies weg nie, maar jy kan “foute” vooraf met ’n bietjie verbloemer verdoesel. Of wend dit as ’n stralende basis aan onder ’n onderlaag wat meer bedekking bied. Sinoniem met luuks is Rolex. Suid-Afrika se bekendste gholfspeler, Gary Player, wat arm grootgeword het, sê die volgende oor die eerste Rolex-horlosie wat hy gekoop het: “’n Horlosie is ’n…

’N ERFSTUK Die eetkamertafel, wat groter kan uitskuif, kom uit Jo se man, Anthony, se familie. Om die vertrek te moderniseer is die ou stoele wit geverf, maar almal het “houtsokkies” aan. Die oop rak met boeke en plante gee ’n warm atmosfeer, woudgroen hangligte trek die hele voorkoms saam, en die terracottapienk muur (Plascon se Party Time) kombineer mooi met die groen in die vertrek. OP WAG Huxley, een van hul pragtige honde, het kort-kort kom kyk wat ons in sy huis doen. Jo en haar man, Anthony, het hierdie juweel in Observatory, ’n voorstad van Kaapstad, in 2011 gevind: ’n ruim drieslaapkamerhuis, met plek vir honde en kinders. Dit was eers ’n tuiste vir weeskinders en elke vertrek ’n ander kleur. Die tuin was verwaarloos, maar die struktuur…

LENTETYD, FAMILIETYD Wanneer Liesl Laurie van Jacaranda FM en Mej. Suid-Afrika 2015 van die winter se lae klere ontslae raak, is haar lyf kitsklaar vir die son . . . en ’n baaikostuum. Sy het veertig, in alle kleure en snitte, wat haar lyf ten beste vertoon. Swem? Uhm . . . nee! “Ek het krulhare en swem maak dit onregeerbaar. Ek maak net my voete en bene nat. Maar dis lekker om langs die swembad of op die strand uit te hang.” Vir Liesl en haar gesin is die warmer weer van die lente ’n tyd om familiebande te versterk: Haar ma, Karen, jonger suster, Michaela, en ouma Lorrain (alombekend as ouma Laurie) geniet die buitelug, om vleis te braai en in die park te stap. Daar word bordspeletjies…

VERHOUDINGS GAAN DEUR FASES: Ná die ontmoeting volg die verliefde fase. Die hormone wat jou so dolverlief laat voel, is dan oorvloedig in jou brein en dit maak jou soms blind vir die ander persoon se tekortkominge of vir die gevaartekens in die verhouding. In dié fase is dit ook maklik om sy optrede of gedrag te regverdig en verskonings vir hom te soek as daar iets is wat jou hinder. Soos julle mekaar beter leer ken, beweeg julle na die fase waar die “ware kleure” begin wys en julle veral begin bewus word van haakplekke en verskille. Soms begin paartjies ook die verskille en die “foute” uitwys. Dikwels sal die een die ander probeer verander om by sy/haar verwagtinge aan te pas en dus begin konflik ’n rol speel.…

“Dalk begin dit kleintyd al, met jou ‘bersie’. My oorle’ ma het my vertel ek kon skaars loop toe het ek hierdie kombersie, hierdie bersie, wat ek oral saamgedra het. Gaan ons iewers heen, moet die bersie saam. Later het die bersie ’n opgestopte apie geword, so ’n groene, wat ek jare later in ’n trekkery verloor het. Soms verbeel ek my ek mis daardie apie, om hom sommer net vas te hou en by my te hê. Ek is nie juis ’n ou vir baie besittings en blink motors en sulke goeters nie. Maar rondom my het ek enkele aardse dingetjies waaraan ek vasklou: ’n klein, goue slotjie wat oorle’ Ma my gegee het, ’n blokkruis wat outa Lappies van Prins Albert vir my gegee het . . .…

Periodontale siekte (of tandvleissiekte) tas die weefsel, soos tandvleis, aan wat jou tande steun en vasheg. Dit word onder meer veroorsaak deur bakteriële plaak. Swak mondhigiëne is ’n bydraende faktor, maar dit kan oorerflik wees. Kos met baie sure kan ook jou tandvleis irriteer. Dalk borsel jy selfs te oorywerig. Die been om jou tand vorm saam met jou tandvleis ’n seël sodat skadelike bakterieë nie in jou bloedstroom kan beland nie. Tandvleissiekte vernietig dié seël. Meer bakterieë beland nou in jou bloedstroom en dit vergroot jou kans op onder meer hartsiektes en diabetes drasties. (Tandvleissiekte is ’n bron van chroniese inflammasie en die verband tussen laasgenoemde en ouderdomsverwante siektes – selfs Alzheimer – is sterk, wys studies.) Tot 90% van pasiënte in hospitale se kardiovaskulêre sale het een of…

In Die dekonstruksie van Retta Blom (Kwela, R270) lees ons hoe die mat onder Lauretta Blom se voete uitgeruk word. Alles begin wanneer sy oplet hoe haar man sy tas in die motor se kattebak laai. So asof hy ruimte laat vir ’n veel groter koffer wat nog moet bykom. Stelselmatig onthul haar speurwerk nóg goed wat nie sin maak in hul pendelhuwelik van 26 jaar nie. Tog is sy lief vir Tobias en wil nie soos ’n agterdogtige vrou optree nie. Maar wat het van háár geword? Is die somtotaal van haar wese dat sy Tobias se vrou en die ma van haar twee seuns is? Sy begin ’n lewensreis na selfontdekking, en as die ergste gebeur, besef sy sy is sterker as wat sy ooit kon droom. Diep…

“Vliegkaartjie, charger . . . sakdoeke?” Lauretta Blom se afskeidsrympie het oor die jare presies dieselfde gebly, al reis haar man lankal nie meer met sy vlugbesonderhede op papier gedruk nie. “Check, check en . . . check,” sê Tobias met ’n sweem van ’n glimlag. Sy weet dat die reëlmaat waarmee hierdie toneeltjie week na week afspeel, hom geborge laat voel. Asof alles presies is soos dit moet wees. En eintlik is dit. Want dis Donderdagoggend en elke Donderdagoggend neem Tobias ’n vroeë vlug Kaapstad toe. Laat elke Saterdagmiddag vlieg hy terug. Hy druk ’n stapel dokumente met sy een arm teen sy lyf vas en gebruik die ander arm om haar nader te trek vir ’n soen. Die subtiele dag oue geur van haar parfuum talm tussen hulle.…

Om sonder ’n ma vrou te moes word, was ’n aanpassing Cindy Daar is ’n wonderlike toneel in Fluitfluit, die bekroonde kortfliek met Cindy Swanepoel as die fluitende predikantsvrou, Ryne de Beer. Cindy roep soos ’n hadida, waarop ’n regte een, iewers in die omgewing, antwoord. Nié deel van die oorspronklike draaiboek nie. “Jis, ons het gelag. Ons het dit uiteindelik in die fliek gebruik want dit het net so perfek gepas.” Cindy se party trick daai, om die gillende voël na te maak. “Dis my spirit animal,” beduie sy. “Ek lag mos nes een. Hulle is luid en soms net ’n bietjie te veel.” Nes sy op skool gevoel het, “altyd die loud, silly een”. Eers toe sy drama aan die Universiteit Stellenbosch gaan swot het, het sy tot…

Sy verwonder haar aan die bloeisels, diere wat uit hul wintergate kruip, boere en tuiniers wat met nuwe ywer begin tuinmaak . . . In die lente wil Nazia Wadee, Mej. Aarde Suid-Afrika 2019, ook nuwe drome omhels. “Die natuur is ’n wonderlike leermeester. Digters soos Wordsworth en Keats het byvoorbeeld inspirasie uit God, die liefde en skoonheid in die lente geput.” Dié seisoen lyk soos ’n vrou wat in ’n groen rok in die son dans, meen Nazia. Sy het as kind graag saam met haar ma en oupa lenteblomme in die tuin geplant en dít is hoekom sy vandag nog so lief is vir die aarde. “As swemonderwyseres leer ek ook kinders om water te bespaar en nie rommel op strande te strooi nie.”…

Jy was al verskeie kere op Marion-eiland. Wat doen jy daar? Ná my voorgraadse studie aan die Universiteit van Johannesburg het ek in 2011 my honneurs in plantkunde aan die Universiteit Stellenbosch gedoen. Ek het gesukkel om ’n navorsingsprojek te kry wat my prikkel. Goeie studente kies eers die projek en dan kyk hulle maar waar die veldwerk gedoen gaan word. Ek sal nie sê ek was ’n slegte student nie, maar wat my heel eerste aangetrek het, was die ligging van die projek – Marion-eiland, sowat 2 000 km vanaf Suid-Afrika in die Suidelike Oseaan, wat aan Suid-Afrika behoort. Eers het ek gedink, sjoe, eiland . . . dit klink lekker, maar toe eers leeswerk gaan doen. Dié vulkaniese eiland van 270 km² is koud en nat, met rowwe…

Ons ken hom as aksieheld in Speed, die Matrix-trilogie en nou die derde John Wick-fliek. Maar op 54 staan Keanu Reeves ook as een van die gaafste akteurs in Hollywood bekend. Hy verkies ’n eenvoudige lewe, sê hy. En gee al jare lank in die geheim miljoene aan kinderhospitale en kankernavorsing. Hy ken hartseer: Hy het sonder ’n pa grootgeword en op skool gesukkel weens disleksie. Sy enigste kind is in 1999 doodgebore en die ma het kort daarna in ’n motorongeluk gesterf. Tog som Keanu se eie woorde sy karakter die beste op: “As jy gebroke is en steeds die moed het om sag te werk met ander wesens, is jy ’n engel.” In 2019 is daar twee eerstes vir hom: Hy is ’n stem in die animasiefliek Toy…

VELSORGMITE ONTMASKER MITE: DAAR’S GEEN VERSKIL TUSSEN ’N LASER-EN IPL-BEHANDELING NIE Laser- en ligbehandelings, soos Pulsed Dye Laser en Intense Pulsed Light (IPL), bly van die doeltreffendste maniere om van ongewenste hare ontslae te raak. Maar dié twee tegnologieë werk nie op dieselfde manier nie, volgens die Isa Carstens Akademie. By albei behandelings word ligstrale deur die kleurpigmente in ’n groeiende haarwortel aangetrek, waar dit die wortel binnedring en vernietig. ’n Laser gebruik egter net ’n enkele kleur ligstraal, terwyl ’n IPL-behandeling verskillende kleure inspan. Kies ’n laserbehandeling as jy ’n donkerder gelaat het omdat dit meer gefokus is en minder geneig om omliggende vel te beskadig. ’n IPL-behandeling is meer bekostigbaar, maar meer sessies is dikwels nodig. Vra vooraf jou terapeut om die regte behandeling vir jóú voor te…

CHINESE SOSATIEBRAAI As jy eers een keer ons eie kerriesosatie geproe het (en ja, jy mag iets net ’n sosatie noem as dit ’n kerriemarinade het, anders is dit ’n kebab), eet jy maar langtand aan iets anders. Maar gee die Chinese se char siu-sous ’n kans, die smaak gaan jou oorrompel. genoeg vir 8 500 ml witwynasyn 200 g (250 ml) witsuiker 1 ui, in skywe gesny 200 ml appelkooskonfyt 60 ml matige kerriepoeier 30 ml heel vinkelsaad 150 ml char siu-sous (sien kassie) 60 ml koekmeel 250 ml water 24 ontbeende hoenderdye 8 sosatiestokke sout en varsgemaalde swartpeper 24 uur voor braai: Plaas asyn, suiker, ui, konfyt, kerrie, vinkel en char siu in pot en roer tot gemeng. Bring tot kookpunt en kook vir 5 minute. Meng meel…

In ’n tuiskantoor of studeerkamer werk oop rakke uitstekend. So kan jy met die eerste oogopslag sien waar iets is. Uit dié kantoor bedryf Jo Buckland haar Flourish Plant Studio, www.flourishplantstudio.com (sien res van huis, bl. 110). Die vertrek was eens ’n buitekamer, maar met rakke teen die muur en ’n lessenaar het Jo dit in ’n funksionele kantoor omskep. Met alles wat wit geverf is, lyk dit boonop vars. Sy kan die deur toetrek en ongestoord werk.…

’n Reuse-konferensiesentrum in Nice, Frankryk, 3 000 internasionale mediese spesialiste in die gehoor, en op die verhoog – een ma wat haar dogter se storie vertel. Die storie van ’n merkwaardige jong vrou wat in haar kort lewe die wêreld laat regop sit het. Dis ’n oomblik wat Gabi Lowe altyd sal bybly. En toe haar jonger dogter, Kristi, “I Need More Time” sing terwyl beelde van haar sussie, Jenna, wat in Junie 2015 aan pulmonêre hipertensie (PH) oorlede is, op ’n groot skerm agter haar vertoon word, moes Gabi haar bewende hande vasklem en stadiger asemhaal om haar kloppende hart te beteuel. “Min mense sal begryp watter moed dit van Kristi geverg het om oor ‘meer tyd’ te sing, minder as drie jaar nadat sy haar geliefde sussie verloor…

liewer as die liefste lief het ek jou lief my kind Uit Tania Smit se gedig “My kind” in haar bundel Hekelwoorde van my hart (Kwarts Publishers, R250) Explore! Awesome SA Artists Cobi Labuschagne (Jacana, R195) Hierdie kleurryke gids is daarop gemik om ’n jonger gehoor bekend te stel aan Suid-Afrikaanse kontemporêre kunstenaars soos Banele Khoza, Zander Blom, Billie Zangewa en Mary Sibande. Moet jou nie laat afsit omdat dit vir ’n jong gehoor is nie, want dis selfs vir my baie leersaam. Die skrywer, Cobi Labuschagne, is die afgelope 11 jaar betrokke by die FNB Joburg Art Fair. Daarbenewens is sy die kurator van die Winter Sculpture Fair by Nirox, Krugersdorp, asook die Sanlam Handmade Contemporary Fair by Hyde Park Corner. Die uitleg trek jou dadelik in met kleurryke…

Miskien is ek verkeerd, ek hoop regtig so. Maar dit voel vir my asof daar al hoe meer mense is wat vreugdeloos leef. Toegegee, die inwoners van ons mooi land het dit nie so maklik nie. Daar is ’n lang lys van dinge wat ons kan opnoem wat die vreugde uit ons wurg. Maar ek weet ook dat dit moontlik is om veerkragtig bó hierdie omstandighede uit te styg en ware geluk te beleef. Vra diegene wat konsentrasiekampe oorleef het. Lees gerus die Dalai Lama se insigte oor geluk en deernis, dan weet jy waarvan ek praat. Onlangs lees ek ’n berig oor ’n studie wat bevind het dat die Iere die gelukkigste mense op aarde is. Wat die navorsers se kiteria vir geluk was, word nie gesê nie. Maar…