Innehållsförteckning för July 2020 från SARIE

Elke maand wanneer ons ’n nuwe SARIE bymekaarsit, begin ons met honderd en meer skoonwit bladsye. Bladsye in afwagting, dink ek altyd. In “normale” tye word die leë blaaie in rye teen ’n spesiale muur in die kantoor opgesit. Van die voorblad tot die laaste blad. Sodat ons almal, dag vir dag, die vordering kan dophou. Aanpassings kan maak. Kan sien hoe die uitgawe soos ’n legkaart voltooi word. Soms is die proses seepglad, ander kere struikelstruikel totdat ons tevrede is en net betyds die stuurknoppie druk. Dan neem die drukkers en verspreiders oor om te sorg dat tienduisende nuwe uitgawes van SARIE landwyd op die rakke verskyn. Dis ’n wonderlike proses om te sien hoe ’n nuwe tydskrif vorm aanneem. Hoe daar uit niks iets moois geskep word. Wit…

Drie weke in ’n elegante, ouwêreldse woning met ’n lowergroen tuin op Somerset-Oos in die Oos-Kaap, waar jy onverstoord kan skryf . . . Die Jakes Gerwel Stigting en die Suidoosterfees bied belowende jong dramaturge dié kans om hul talente in prof. Gerwel, beskermheer van die kunste, se geliefde Paulet Huis te slyp. Abduragman Adams, akteur, regisseur, dramaturg en dosent, sal as mentor optree. Ná sy dood in 2012 het prof. Gerwel se weduwee, Phoebé, die huis aan die stigting geskenk om dit as skrywershuis in te rig. Stuur teen 26 Junie jou CV, nuwe dramateks of ’n uittreksel daarvan aan Theo Kemp by theo@jgf.org.za. Suksesvolle kandidate se reis-en verblyfkoste word gedek, en hul finale tekste sal vir die fees oorweeg word.…

Toe aktrise Nicole Holm en die akteur Francois Toerien in 2007 geskei is nadat hy besef het hy is gay, was sy platgeslaan. “Daardie eerste paar weke het ek net ’n gevoel van geweldige verlies gehad. Ek was konstant bewus daarvan. Ek het my sekerheid en my vreesloosheid verloor. Maar ek onthou ook ek het vroeg in die proses al ’n besluit geneem om heel daaruit te kom. Wanneer ek dan oorweldig gevoel het, kon ek myself daaraan herinner – daardie besluit was reeds geneem, onveranderlik. Ek het myself ook herinner ek is nie alleen nie en ook dat ek nie die eerste mens is wat so ’n trauma ervaar nie. Vir my was die antwoord om myself met vriende te omring, mense wat my hier kon vang en daar…

Klik met jou muis en sien die wêreld – hoe lekker is dit nie om in van die bekendste museums, soos die Louvre in Parys, of die natuur rond te loop nie. Virtuele reise is groot. (Klik op refinery29. com/en-us/2020/03/9576127/free-virtual-tours-online vir ’n toer.) Lindsay Hendricks, opvoedkundige koördineerder van die Norval-stigting in die Kaap, sê tydens die inperking het hulle heelparty inisiatiewe vir kinders en volwassenes aangebied, soos die #60SecondsArt – ’n reeks digitale kunsstories met vertellings oor kunstenaars en kunswerke. Jy kon selfs jou kinders en jouself besig hou deur aanlyn by norvalfoundation.org/ virtual-tour/ rond te loop. Kunsliefhebbers is ook genooi om ’n glasie te klink op die 25ste verjaardagviering van die Rossouw Modernkunsgalery (rossouwmodern. com) op Hermanus en hulle op Facebook en Instagram te volg. By die Fugardteater in Kaapstad is…

Humor is sedert die begin van die geskiedenis ’n sielkundige salf in die donkerste tye. Só het Emily Hobhouse ná die Anglo-Boereoorlog dikwels verwys na die Boere se “perfect good humor”, sê Elsabé Brits, skrywer van Emily Hobhouse, geliefde verraaier (Tafelberg, 2016). Emily het byvoorbeeld by geleentheid by genl. Christiaan de Wet en sy gesin gekuier. Al wat hy ná die oorlog oorgehad het, was sy geweer en getroue wit perd, Fleur. Die gesin se huis is deur die Engelse afgebrand en daarna met dinamiet opgeblaas. “De Wet lag steeds, soos al die burgers,” skryf Emily. “Indien nie, sal hy doodgaan. Dit maak hom groot pret.” Die Engelse regering en soldate is weer die ewige teikens van sy vrou, Cornelia, se gevatte sêgoed. Emily verwys ook na die manier waarop…

Blootstelling aan elke individuele kleur het ’n effek op jou lyf, sê Claire Bond, kleur- en verfkenner van BondThruColour. Jou liggaam het sewe energiepunte van die onderpunt van jou ruggraat tot by jou kroontjie. Elkeen word met ’n kleur verbind en beheer ’n deel van jou lyf. Rooi is gekoppel aan oorlewing, oranje kreatiwiteit en seksualiteit, geel selfvertroue, blou kommunikasie, groen emosies en indigo en pers selfbewussyn en spiritualiteit. “Let op watter kleure jy elke dag deel van jou lewe maak,” sê sy. “Soos die kleure wat jy graag eet, by jou dekor insluit. Dit sal jou ’n goeie idee gee waarvoor jy ’n voorliefde het en belangriker, waarvan jy nie hou nie.” Gebruik jy bv. dikwels nie rooi nie, moet jy meer aktief raak. Oranje: Leer iets nuuts. Groen:…

Sowat 1 300 leerders by die Laerskool Chivirikani in Katlehong, suidoos van Johannesburg, spog met splinternuwe skoolskoene – gemaak van herbenutte PVCgesondheidsorgafvalprodukte, nie-besmette PVC-drupsakke en suurstofmaskers. Dit word net een keer gebruik en het in die verlede op die vullishoop beland. Nog 25 000 leerders landwyd gaan binnekort elk ’n paar van dié skoene ryker wees danksy die My Walk-inisiatief, ’n vennootskap tussen Netcare en die farmaseutiese maatskappy Adcock Ingram. Die skoene is heeltemal herwinbaar, behalwe die veters. ’n Voorloper daarvan is verlede jaar by drie skole (onder meer Chivirikani) getoets en leerders kon terugvoering gee oor die ontwerp en gemak daarvan. “Skoene is veel meer as iets wat ’n uniform afrond,” volgens Christopher Maluleke, die skoolhoof. “Kinders sonder skoene se waardigheid en selfrespek kan in die slag bly. Wat…

Toe dié Franse aktrise vroeër vanjaar as die nuwe gesig van die parfuum Chanel N°5 aangewys is, was dit geen verrassing nie. Met haar donker hare en blou oë is sy klassiek, tydloos . . . die perfekte pasmaat vir dié immergewilde geur wat reeds die afgelope 99 jaar vroue se gunsteling is. Vir Chanel is sy die verpersoonliking van natuurlike Franse skoonheid met ’n onweerstaanbare je ne sais quoi. “Sy bring haar elegansie na die beeld van die ikoniese N°5,” lui die mediaverklaring. Die nuwe advertensieveldtog met Marion verskyn later vanjaar. Tot dan inspireer sy in dié swart-en-wit lokfoto.…

‘Monochromatiese uitrustings is ’n wenner vir vroue wat hulself slanker en langer wil laat vertoon. Die konstante vloei van verskillende skakerings van een kleur – veral neutrale kleure soos grys, swart, vlootblou, beige en bruin – laat jou oog van bo tot onder in ’n ononderbroke lyn vloei. Nou, in die hartjie van winter, is dit ook die perfekte geleentheid om lae klere oor mekaar te dra en te speel met verskillende teksture.’ WENK VAN Schané Belê in ’n rolnektrui en ’n lang jas van goeie gehalte. Dit is tydloos en jy kan dit meer as een seisoen lank benut. Kry soortgelyke items by Superbalist.com…

’n Veeg lipstiffie en ’n spuitjie parfuum . . . Staatmakers in jou skoonheidskas wat dadelik jou gemoed kan lig, waarmee jy die wêreld in die oë kan kyk en sê: Ek is gereed, ek is genoeg. “Elke vrou kan lipstiffie dra. Dis bekostigbaar en net een veeg maak reeds ’n verskil aan jou voorkoms. Maar lipstiffie práát ook,” reken Diana Rankin, parfuumkenner en eienaar van Perfume Power op Somerset-Wes wat ook ’n voorliefde vir lipstiffie het. “Dit skep ’n eerste indruk en los ’n blywende boodskap, dit sê iets oor jou bui en persoonlikheid,” sê sy. Alicia Buckle, grimeerkunstenaar en haarstileerder van Kaapstad, stem saam. “Ek sit altyd as ek ’n praatjie moet lewer ’n rooi lipstiffie aan. Dit gee my onmiddellik selfvertroue en help om my sterker te…

SPEKRISOTTO MET GEPOSJEERDE EIERS (bl. 84) Kyk verder as ontbyt. Dié twee pasmaats is heerlik in ’n risotto wat jy as voorgereg of hoofmaal kan voorsit. genoeg vir 6 45 ml olyfolie 1 ui, fyngekap 2 knoffelhuisies, fyngekap 1 cm vars gemmer, geskil en fyngerasper 250 g spekblokkies 380 g (500 ml) arboriorys 125 ml droë witwyn 1,5 liter hoenderaftreksel 100 g (110 ml) botter 50 g parmesaankaas, fyngerasper, plus ekstra vir voorsit sout en varsgemaalde swartpeper 6 eiers 30 ml wit asyn Verhit olyfolie tot warm in groot pot. Voeg ui, knoffel, gemmer, spek en rys by. Roerbraai so 1-2 minute of tot uie begin verbruin. Gooi wyn by en roer tot wyn weggekook het. Voeg 500 ml aftreksel by en meng deur. Maak pot toe en laat kook…

Racheal Johnston sê vra jouself af: Is ons verhouding opbouend? Kan ek haar vertrou met die inligting wat ek haar gee? Voel ek meer energiek nadat ons tyd saam deurgebring het? Is sy opreg teenoor my? Gee sy net so baie soos wat ek gee, of kom alles net van een kant? Ondersteun sy my wanneer ek dit nodig het? Luister sy werklik na my? Heske Sangster meen laat jul vriendskap gaan as: Sy nie ’n goeie invloed op bv. jou huwelik of werk het nie. Sy jou heeltyd beïnvloed om swak keuses te maak, soos om dinge te doen wat teen jou waardes is. Sy jou emosioneel dreineer of afkraak.…

OM BETER TE PROE As ons sê ons kan nie kos proe nie, bedoel ons eintlik ons kan dit nie ruik nie. Ja, jou tong het smaakknoppies – reseptore van soet, suur, bitter, sout en umami. Al die kompleksiteit, nuanses en lekkerte van smaak kom egter van die reseptore aan die agterkant van die neusholte. Dis daar waar ’n soort alchemie plaasvind wanneer jy die ligte aroma van gekoude kos in- en uitadem. ’N REUKSIN SOOS WAGTER Bloedhonde gaan nie gou sonder werk sit nie. Die mens kan wel (met oefening) reuke soos ’n hond naspeur, wys navorsing. Ons het nie die voordeel van die optimale lugvloei deur hul snoet nie. Maar as ons ’n bietjie oefen – en so laag soos ’n hond sak – kan ons die spoor…

“Ek was maer op skool, met sulke groot borste. Sportief, maar daardie jare was daar nie bra’s wat jou behoorlik ondersteun nie. Die trane het geloop elke keer wat ek ’n bra moes gaan koop. Hoe groter die nommer, hoe leliker was dit. (Dit het darem intussen verander.) Ná my twee kinders se geboorte was my borsmaat ’n 38E. Agt jaar gelede, op 42, het ek ’n borsverkleining laat doen waarvoor die mediese fonds betaal het. Ek het vir die chirurg gesê: ‘So klein as moontlik.’ Hy het gewaarsku hy kan dit nie van ’n E-keël na ’n B-keël verklein nie, dit sou die bloedtoevoer na my tepels belemmer. Nadat hy 1,5 kg aan albei kante verwyder het, is ek ’n keël kleiner. Toe ek ná die operasie wakker word,…

Changing a Leopard’s Spots , Alex van den Heever en Renias Mhlongo (Macmillan, R285) ’n Boeiende vertelling deur twee meesterspoorsnyers oor onder meer hul ervarings op die spore van luiperds en leeus in die Londolozinatuurreservaat in Mpumalanga. Vyf-entwintig jaar gelede het Alex van den Heever as jong gids kennis gemaak met Renias Mhlongo, by wie hy soveel sou leer. Hul stories vertel van verdraagsaamheid, vertroue en geduld. Hulle moes leer om in die veld op mekaar staat te maak om gevaarlike situasies te oorleef; dit het ’n betekenisvolle verhouding tussen hulle tot stand gebring. Ons almal kan baat vind by die lesse wat hulle by mekaar geleer het. Op bl. 250 skryf Alex: “Renias and I believe that South Africans need to actively and purposefully engage each other to…

D is maar halfses op die grou, grys Europese middag, maar Larissa draai ’n serp om haar nek en klim in die bed met ’n beker warmsjokolade en haar rekenaar. Dis die eerste week in Desember, dis koud en al sedert halfvyf donker soos dit dié tyd van die jaar in Maastricht is. Dié hoofstuk van haar tesis wil sy klaarmaak voordat sy vanaand gaan slaap. Haar oog val op haar Bybel wat op haar bedkassie lê. Sy tel dit op en sit dit bo-op haar rekenaar neer. Deesdae is dit vir haar moeilik om hierdie boek oop te maak. Vir só lank was die woorde hierin haar kompas, haar anker, haar vaste hoop dat dinge tog uiteindelik ten goede uitwerk solank ’n mens net aan die Here vashou. En…

Benjamin Disraeli het gesê: Like all great travellers, I have seen more than I remember, and remember more than I have seen. Ná baie jare vervaag herinneringe, en dié wat jy het, maak jy interessanter, of skrikwekkender, of vreemder. Jy verander die gegewe totdat dit die perfekte storie word. Maar nie dié een nie. Die dag toe ek en my vriendin Rita – mooi, voortreflike Rita – en die man met die onweerstaanbare snor saam op die trein na Brussel gereis het. Net só het dit gebeur. Dit was in die vroeë jare negentig, kort nadat Europese bestemmings vir Suid-Afrikaners toegankliker geword het, ons meer begin reis het. Dit was ook die tyd toe ’n Afrikaanse sinsnede in ’n vreemde stad jou in die spore gestuit het. Ek weet van…

NET Elana Radio, televisie, wyn, gesellighede, ’n SARIE-voorblad, entrepreneur . . . Elana Afrika-Bredenkamp is oral en doen alles. Nou koppel dié natuurlike fashionista haar naam aan ’n klerereeks. Saam met modeontwerper Izet Changuion is ELANA by Glare ’n pasmaat-reeks vir ma’s en dogters. Die reeks is stylvol, kleurryk en vintage-geïnspireer. Dis klere wat sy graag wil dra en waarin sy haar twee dogtertjies wil aantrek. “Elke ma was ’n dogtertjie, en ek hoor myself wanneer my dogters sê: ‘Ek wil soos mamma wees.’” Vir eers konsentreer die reeks op rompe voordat dit later vanjaar uitgebrei word. Nou te kry: glare.co.za ANNA SE PLANNE Soveel uitdagings, soveel idees. Anna Davel het soos baie in die land nie op haar laat wag nie en die verfkwas opgetel en begin skilder. “Kuns…

Op ’n pragtige dag so aan die begin van herfs en midde-in die grendeltydperk word ek wreed ontnugter deur die aanname dat ek blykbaar nou as OUD gereken word! Eers deur my jongste seun: “Ma moet liewers nie winkels toe gaan nie; Ma is mos nou al 60.” Ma verstaan baie goed die konsep en Ma gaan net as dit nodig is. En toe vanoggend op RSG moet ek weer hoor dat ’n bekende spreker verklaar dat die “oumense, almal van 60 plus, liewers by die huis moet bly”! Ek het geen probleem met Jan Tuisbly se karretjie nie, maar wel met die feit dat 60 nou as oud gereken word. Nee, my magties . . . vir diegene wat nog in die oertyd dink, het ek ’n boodskap: 60…

Elke oggend wanneer sy opstaan, dink sy aan die “nagmerrie”. Die virus wat die wêreld in sy greep en baie mense kwaad en op hul knieë het. Iets wat sy verstaan, want dit is sekerlik die vreemdste uitdaging wat die mensdom nog getref het. Maar dán besef Getroud met rugby-aktrise Marlee van der Merwe haar eintlike vrees is vir haar twee jong kinders – dat sy hulle met alles wat sy het, wil beskerm. Dis moeilik, maar sy probeer elke dag betekenisvol leef en wil nie energie mors deur oor die toekoms te tob nie. “Ek kyk na my kinders en my man asof ek hulle vir die eerste keer sien en besef ons het nét die oomblik, en daaroor is ek dankbaar. Dié emosie dra ek in my siel.…

Vir Carin Smith, ’n enkelloper van Seepunt en inhoudsvervaardiger by Fin24, was een van haar hoogtepunte ’n aanlyn kuier een Sondag by Nataniël (teen R50 by optog.co.za). “Hy het ’n uur lank vrae beantwoord wat vooraf deur mense soos die sangers Patricia Lewis, Jak de Priester en SARIEredakteur Michélle van Breda op video ingestuur is. Daar was selfs ’n vrou wat gevra het of sy eendag by hom kan kom eet. Hy is so vermaaklik en inspirerend. Dit was soos om in sy huis te sit en kuier.” Haar sus, Annien Smith, van Durbanville, ook ’n enkelloper, vertel sy het in dié tye op Zoom lagklasse met haar lagfasiliteerder Charmaine Sparrow bygewoon. “Dit is groot pret en verminder stres.” Sy het ook na SA Michelinsjef Jan Hendrik van der Westhuizen…

Die coronapandemie laat ons onrustig voel. Bang en onseker. Ons smag na kos wat ons terugneem na ons kinderdae, na Ma en Ouma se kombuis, na veiligheid. Moet net nie nou vir my ’n pikante, krakerige slaaitjie, laag in kilojoules, voorsit nie. Trooskos – dit is mos wat ons nou nodig het. Ek stem honderd persent saam met dié woorde van Andrea Burgener , selfopgeleide sjef en kosskrywer van Johannesburg: “Trooskos is waarskynlik die doeltreffendste manier om van stres ontslae te raak. Dit stel goedvoelhormone vry en verlaag die streshormone. En selfs al duur dit net terwyl jy kook en eet, is dit ’n goeie ding.” (BusinessLIVE) Ingeperk. Ingegrendel. Ingegord. Dis hoe ons nou leef. Maar dit is asof daar ’n bakontploffing in ons kombuise plaasgevind het. Oral sien jy…

Tshepo Mazibuko van Katlehong was vier jaar lank werkloos. Om kos in sy gesin se mae te sit het hy herwinbare vullis begin optel. “Ek was trots op my eerste sak vullis. Maar dit was waardeloos: Ek moes leer onderskei tussen nuttelose rommel en herwinbare goed.” Tshepo het gou besef een van die grootste uitdagings is die vervoer van afval na die herwinningsentrums wat dit terugkoop. Dis gewoonlik ver van die townships af en die vullisoptellers moet ’n groot deel van hul dag daaraan bestee. Ná 18 maande het sy vrou, Thando, ’n lening gekry en ’n tweedehandse bakkie aangeskaf. Hulle het die ander se optelgoed teen ’n verminderde prys gekoop en na die herwinningsentrum geneem. Dit was die einde niet. Met ’n twee weke lange entrepreneurs-program van die Suid-Afrikaanse…

Ons moet mode weer geniet vir die kreatiwiteit en vakmanskap daaragter – sonder die vermorsing en oordaadAnna Wintour (dailymail.co.uk) TRENCH-JAS + NEUTRALE HAK Van koninklikes tot stylvolle aktrises weet hierdie kombinasie is ’n wenner en dat jy dit saam met enige ander mode-item ook kan dra. TWEED + DIAMANTÉ Saam vorm dié twee ’n gedugte span. Juweliersware met diamanté staan dié seisoen terug vir diamanté-haarbykomstighede wat baie gewild is. SWART + WIT Dié kombinasie is altyd ’n treffer! Dink maar aan al die kere wat bekendes soos Charlize Theron en Reese Witherspoon die kollig op die rooi tapyt gesteel het. WIT HEMP + BLOU JEANS ’n Sensuele voorkoms vir oud en jonk sonder dat jy enigsins hard hoef te probeer. Belangrik is dat al twee items jou perfek pas. MIDIROMP…

Reeds in antieke tye het vroue instinktief geweet daar lê krag in rooi lippe. Hulle het selfs nie geskroom nie om ’n kombinasie van giftige bestanddele te gebruik vir ’n bietjie kleur op hul lippe. Tydens die Tweede Wêreldoorlog het vroue wat in fabrieke moes werk, rooi lipstiffie gekry om hul gemoed te lig en produktiwiteit te verhoog. Die dra van lipstiffie is gesien as ’n patriotiese plig. Ná die 9/11-terreur-aanvalle het lipstiffieverkope in Amerika die hoogte in geskiet. Dié verskynsel, ook tydens die Groot Depressie van die 1930’s gesien, is die lipstiffie-effek gedoop. Kortom: In ekonomiese krisistye daal die verkope van byna alle verbruikersgoedere, maar dié van skoonheidsprodukte styg.…

Ons is in die gemeenskap, vir die gemeenskap Anneke van Vuuren, deli-eienaar Toe die grendeltyd aangekondig is, het Anneke van Vuuren, eienaar van die 42 on Sonneblom Deli in Stellenridge, Kaapstad, dadelik plan gemaak. Haar man en mede-eienaar, Franco, wat ’n ITkenner is, het die Calendly-app ingespan sodat hul klante daarmee ’n 10-minuut-afspraak kan maak om alleen saam met haar in hul huiswinkel inkopies te doen. Maskers en handreiniger word verskaf. Op Maandae saai Anneke regstreeks op Facebook Live uit en wys hul klante watter produkte en spesiale aanbiedinge beskikbaar is. “Ek stap sommer deur die tuin ook en wys vir hulle watter plante blom – mense mis ons koffietuin en wil so graag weer kom kuier op die stoep,” vertel sy. Die Van Vuurens lewer ook tussen vyf- en…

Al het jy glad nie lus om haar in die oë te kyk nie, moenie net geleidelik uit jou vriendin se lewe verdwyn nie, sê Racheal. Dis wreed, en jy maak jou skuldig aan wat tieners ghosting noem, waar iemand glad nie meer kontak met jou maak nie en jou blokkeer en unfriend. Ilanie voeg by: Jou vriendin gaan seergemaak, verward en selfs verwerp voel as jy haar vermy. Sy kan dalk ook dink sy het jou teleurgestel en nie weet waarom nie. Moenie kwaad uitmekaar gaan nie, sê Racheal. Jy gaan jouself nie vergewe as sy iets oorkom nie (worst case scenario). Moenie verskonings maak of jok nie. Moenie op mekaar skree of aanvallend wees nie. Soos met die beëindiging van enige verhouding, sal daar ’n gevoel van verlies…

Billie Eilish het vanjaar met vyf pryse feitlik skoonskip gemaak by die Grammy-musiektoekennings. Maar haar voorliefde vir sakkerige klere is amper net so ’n gewilde onderwerp as haar stem. “My borste was die nommereen-besprekingspunt op Twitter,” het sy al in ’n Elle-onderhoud gesê. Sy is gebore met grotes, dis in haar gene, mintag! Daarom dra sy los klere, want niemand kan dan kommentaar op haar lyf lewer nie, verklaar sy in ’n Calvin Klein-advertensie. En plaaslik vertel Mari*, ’n ma van twee, sy het om dieselfde rede ’n voorliefde vir klere wat alles wegsteek. Al is haar borste ná ’n borsverkleining ’n skaflike 36C. Vandat sy op 13 begin ontwikkel het, en vandag steeds, loop sy vooroor om hare minder opsigtelik te maak. (Lees haar storie op bl. 114.) Plastiese…

IS COVID-19 ROOI? In illustrasies is die coronavirus meestal bolvormig met “slurpies”, soos ’n ruimtewese. Die kleure verskil egter: rooi, oranje, blou, geel, sagte groen, wit met rooi slurpies, rooi met blou slurpies en baie kleure tussenin. Nie so nie. Selfs al gebruik jy die sterkste mikroskoop waarvan jy kan droom, sal Covid-19 steeds geen kleur hê nie. Dit was eers met die ontwikkeling van die elektronmikroskoop in die 1930’s dat navorsers ’n virus kon “sien”. Met die gebruik van elektrone kan die vorms, strukture en teksture van virusse nou geïdentifiseer word. Ons persepsie van kleur is egter afhanklik van lig se teenwoordigheid. En aangesien daar nie op dié manier van “sien” lig aanwesig is nie, bestaan virusse in ’n monochroom wêreld van grys. Bron: theconversation.com NEEM WYN KOP TOE…

SO SÊ CHANETTE PAUL OOR EMOSIONELE MISHANDELING AS TEMA IN HAAR VYWERVROUTRILOGIE (LAPA UITGEWERS) SARIE.COM Dis ’n deurlopende tema in my boeke. Dit is maklik om te sien as ’n vrou fisiek mishandel word en vir ’n vrou om te besef hierdie blou oog, hierdie gebreekte arm of hierdie kolle is tekens dat ek mishandel word. Ek kan polisie toe gaan hiermee en vir mense sê dis die rede waarom ek wil skei, want ek word aangerand. Maar emosionele mishandeling is heeltemal anders. Jy kom dit nie self agter nie. Ek het ’n boek gelees, Men Who Hate Women and the Women Who Love Them, wat my insig hieroor gegee het. Ek was self min of meer in ’n situasie waar ek in ’n web toegespin was, waar ek nie…

Ná haar aftrede op Bettysbaai was ’n liefdesverhaalwedstryd in ’n tydskrif wat sy in 2008 gewen het, die aansporing wat sy nodig gehad het om voltyds te begin stories skryf. Natuurlik liefdesverhale. Die derde boek in haar McGregor-reeks, Vreugde vir Larissa (Lux Verbi, R200), het onlangs verskyn. Ná Larissa se ontnugtering oor die uitgooi van ’n saak waarby sy as advokaat betrokke was, vlug sy na Nederland om verder te studeer en aan die geweld in haar geboorteland te ontsnap. Afstand gee helderheid en ná baie wroeging keer sy terug. By die lughawe loop sy vas in Gideon Retief, die aantreklike broer van haar vriendin Reina se man. Onvermydelik loop hulle mekaar gereeld raak. Voor haar vertrek het die vonke al tussen hulle gespat. Gaan die twee se verhaal ’n…

5 gelukkige lesers kan elk Johannes de Villiers se boek Blydskap: Mindfulness-wenke vir ’n vreugdevolle lewe (Human & Rousseau, R275) wen. Lewensvreugde is moontlik vir elkeen. Met praktiese wenke – van meditasie tot stappies in die buitelug – en raad deur kenners wys hierdie boek hoe dinge soos leefstyl, ouderdom, huwelikstatus, inkomste en selfs jou hond jou luim beïnvloed. Johannes de Villiers, ’n kenner van meditasie en mindfulness, het vreugdevolle mense op onverwagte plekke gaan opsoek – in kloosters, in ’n voormalige oorlogsone, in ’n SA tronk – en dié mense gevra hoe hulle dit regkry om gelukkig te wees. Elkeen kon ’n blyer blik op die lewe aanleer: Jy kan ook. Nog 5 gelukkige lesers kan elk die digbundel Vers & vrou saamgestel deur Karen de Wet (Human & Rousseau,…

Daar is veel te skryf oor enige situasie waarin ’n groep hulself vir ’n eerste keer bevind. Maak die situasie lewensgevaarlik, voeg die menslike ego, alle politiese aakligheid, ’n gebrek aan inligting en ’n diepe behoefte aan drama daarby, meng dit met heelwat hartseer en jy vind genoeg onderwerpe vir ’n paar dekades se debatte. Op die eerste dag van die afsondering het ek gedoen wat ek altyd doen wanneer ek skrik, ek het ’n lys gemaak, ’n lys van al my verantwoordelikhede, wie versorg moet word, hoeveel alles my gaan kos, hoeveel ek moet doen om dit te verhaal en wát ek onder omstandighede kan doen. Daar sal later oorgenoeg tyd wees vir ’n snik en ’n uitbarsting, nóú moet ek werk. Ek het my kop laat sak en…

Die wêreldpandemie het een ding gewys: Die mensdom is kreatief ! Met ons rug teen die muur maak ons ’n plan, dan nog een en nóg een. Soos ’n dief in die nag het Covid-19 toegeslaan. Oral probeer mense sin maak van die “nuwe normaal” – wel, minstens totdat ’n entstof teen die virus gevind word. Dit laat ons by tye moedeloos, selfs reddeloos voel. Maar ook verstom oor mense se vindingrykheid om in ongekarteerde water aan te pas. By die werkplek, as ouers, hoe ons onsself vermaak en weer ’n pad vorentoe vind. Aanlyn vergaderings oor Skype en die Zoom-platform gedy. Ons corona-voos emosies word getroos deur virtuele kore soos dié van die Roedean-meisieskool wat “Hallelujah” sing onder leiding van Ralf Schmitt, ook koorleier van die bekende Ndlovujeugkoor. En…

’n Wêreldwye pandemie wat reeds derduisende mense doodgemaak het, klink nie na ’n bron vir humor nie. Tog kan die internet nie ophou om die draak te steek met die coronavirus nie. Sedert dit verlede jaar in China kop uitgesteek het, het grappies, meme en woordspelings vinniger as die virus self versprei. En soos meer mense siek raak en ons angs toeneem, so ook die pogings tot humor. In die grendeltyd was grappies oor Covid-19 ’n draadjie na die buitewêreld – om broodnodige menslike kontak te maak. Nie teen die mure uit te klim nie. Hoewel ons deure stadig (te stadig) besig is om oop te swaai, bekyk ons steeds enige vreemdeling wat dit binne 2 meter van ons af waag met agterdog. Dinge is lank nog nie normaal nie.…

Watter effek gaan Covid-19 op tendense hê? In ’n potgooi van die aanlyn tendensbiblioteek WGSN, word drie neigings uitgestippel, sê Jackie. 1. MINDFUL PALES: Ons is meer by die huis, ’n sagter, knusser omgewing. Jy gaan nie nou ronddans in uitbundige skeppings nie, maar gemaklike klere met “kalm” kleure dra. Style gaan dus losser wees, kleure sagte pastelle. 2. KOESTERENDE (NOURISHING), AARDSE SKAKERINGS: Jy sit tuis in jou mindful pastel klere, hunker daarna om buite, deel van die seisoensverandering te wees. Buite is alles wat jou inspireer, maar jy kan nie fisiek daar wees nie. Dit inspireer aardse kleure, soos bruine, mosgroen. En gemaklike klere wat jy buite sal dra. 3. HELDER, HEDONISTIES: Terwyl jy deur mindful pastelle omring sit en na die natuur verlang, is die tegnologie ’n fokuspunt.…

Weekliks het Ivan, Carol en Optel, die hond, by ons voorhek aangedoen vir ’n hoop koerante en tydskrifte – dit was in die dae voor digitale media en die oes was groot. Soms het hulle ’n geskenkie uit iemand anders se vullisdrom met groot gebaar oorhandig: ’n blou botteltjie met ’n skraap, pienk lawalamp waarvan die gloeilampie geblaas het. Vir Ivan en Optel het ek dikwels op die grootpad gewaar, met ’n swaar gelaaide trollie op pad na ’n herwinningsentrum ver buite die grense van ons woonbuurt. Oral is dit ’n bekende gesig, dikwels loop dié ridders van die vullisdrom so half in die pad en jy moet uitswaai om nie lompe trollie én man ’n stamp te gee nie. Oor die radio is daar debatte: Sommige mense noem hulle…

Elize Cawood Wat is die beste manier om iemand se aandag te trek? Waai jou arms in die lug soos ’n drenkeling. Watter rol wou jy graag gehad het, maar iemand anders het dit gekry? En wie was dit? Daar was al baie, maar ek aanvaar dit baie vinnig, anders sal jy jou polse afknaag. Watter rol sou jy sê het jou bekend gemaak? Pop le Roux in Verspeelde Lente. As jy iets aan jouself kon verander, wat sou dit wees? Ek is so ’n loskop, ek maak lysies en vergeet dan om daarna te kyk. So ek sou meer georganiseerd wou wees. Watter dorp is vir jou die mooiste in ons land? Graaff-Reinet. Watter karaktereienskap in iemand anders beïndruk jou? As iemand georganiseerd is. Wat bestel jy gewoonlik as…

Watter klere en kleure is fotogenies en hoe moet jy poseer vir ’n goeie foto of voorblad? Vir gewone mense! Kyk veral na kleure en patrone wat nie die aandag van jou gesig of persoonlikheid aftrek nie. Sorg dat detail in die tekstuur en silhoeët na vore kom – klere van breistof, sterk katoen en geweefde materiaal werk goed. Party kledingstukke is geneig om vormloos op ’n foto te lyk. Sagte kleure by formele klere werk goed, maar dit lyk soms te “plat” en eenvoudig saam met ’n informele voorkoms, waar donkerder kleure beter werk. Werk met jou liggaamsvorm en beste bate. ’n Mooi lang nek kan byvoorbeeld in die winter beklemtoon word met ’n rolnek. Nog ’n wenk is dat jou T-hemp of trui by die kleur van jou…

Aktrise Quanita Adams se baba, Alia, is op Vrydag, 1 Mei gebore. Gedurende die grendeltyd. Op ’n wêreldwye vakansiedag. Werkersdag. “Die betekenis daarvan het nie vir my verlore gegaan nie. Haar naam beteken ‘die grootste’ in Arabies. Muhammad Ali het dit ook vanweë die betekenis gekies. Sy is gebore in ’n wêreld waar alles skielik anders is. Sy sal werk. Sy sal veg. Alia! Bomaye!* “Ons lag dat sy eendag geskok sal wees as ons verduidelik hoe ons grootgeword het, hande geskud, mekaar gedruk het. Europeërs wat mekaar op die wang gesoen het, drie keer! Hoe ons bo-op mekaar in inkopietoue gestaan het, aan trollies geraak het. Jy in jou hand gespoeg en dan blad geskud het om te wys jy’s ernstig. “Hoe ons wêreld ook al uiteindelik gaan lyk,…

A @home 0860 834 834 home.co.za Aldo 010 900 1386 aldoshoes.co.za B Block & Chisel 010 593 9308, 021 726 3131, 021 712 5193 blockandchisel.co.za C Country Road 086 002 2002 woolworths.co.za D Daniel Hechter 021 460 2300 truworths.co.za H Haus by Hertex Fabrics 0860 437 839 hertex.co.za H&M 0860 690 707 hm.com/za I Italtile italtile.co.za L LTD Woman 021 460 2300 truworths.co.za Luxco Importers 011 448 2210 luxco.co.za M Missibaba 021 424 8127 missibaba.com MRP Home 0800 212 534 mrphome.com P Poetry poetrystores.co.za S Superbalist superbalist.com Sunglass Hut 086 100 0850 za.sunglasshut.com W Witchery 086 002 2002 woolworths.co.za Woolworths 086 002 2002 woolworths.co.za Z Zara 011 302 1500, 021 446 8700, 031 536 6440 zara.com/za…

Die prosedure word in ’n dagkliniek met behulp van skemernarkose (bewuste sedasie) gedoen en duur 2 tot 4 uur, sê dr. Wilkinson. Oortollige borsweefsel word verwyder vir die verlangde borsgrootte, gewoonlik iets tussen ’n C- en D-keël. Sy beveel aan dat jy ’n nag in die post-operatiewe eenheid deurbring. Jy gaan die volgende 10 dae vir opvolgbesoeke. Jou borste voel ’n paar weke lank ’n bietjie ongemaklik. Spesiale pleisters word vir 6 tot 12 weke daarna voorgeskryf om letsels te verminder. Daar word aanbeveel dat jy vir 2 weke ná die operasie ’n chirurgiese bra dra en daarna ’n sportbra vir nog 2 tot 4 weke. Die swelsel sak ná sowat 4 tot 6 weke en die finale resultaat is ná sowat 3 maande sigbaar. In die meeste gevalle kan…

Met die winterkoue hier en die dae korter, is dit tans moeiliker om uit die bed te klim vir vroegoggendoefening. Jy hunker dalk ook na warm trooskos. Gebruik vanjaar dié seisoen om ’n gesonde laekoolhidraatleefwyse te vestig. Gesonder met SARIE plaas hierdie doelwit binne jou bereik Ons nuwe webtuiste Gesonder met SARIE is ’n platform wat jou nie net sal help om die kilo’s af te skud nie, maar jou ook inspireer om gesonde laekoolhidraat-eetgewoontes ’n langtermynkeuse te maak. Ons wil die manier hoe jy kos koop en jou maaltye beplan, verander. Die aanlyn program bevat heerlike resepte, inkopielyste, weeklikse eetplanne en als wat jy moet weet oor ’n laekoolhidraat-leefstyl. Die oomblik wat jy inteken, kry jy toegang tot die hele Gesonder met SARIE-plan, wat jy van jou rekenaar of…

Hermann Wittenberg het die boek saamgestel uit foto’s wat ná 60 jaar gevind is toe J.M. Coetzee se woonstel in Kaapstad in 2014 ontruim is om verkoop te word. Die foto’s is in 1955-’56 deur die 16-jarige Coetzee geneem. Hy het sy kamera gerig op sy skoolvriende, onderwysers, skoolsport, die gesin se lewe in Kaapstad en op hul Karooplaas. Dis ’n intieme blik op die dinge waarin die jong Coetzee belang gestel het, maar skets ook die politieke situasie rakende rasse-segregasie in die destydse Suid-Afrika. Wittenberg se essay oor die foto’s gee lesers van Coetzee se boeke meer insig in sy skryfwerk. Fassinerend!…

Baie van ons is inperkingsvoos. Dae by die huis was anders en interessant, maar het ons nie altyd spesiaal laat voel nie. Dié boks vol uitsoekbederwe is dalk net wat jy nodig het! Hierdie boks is beskikbaar vir bestelling op To Be Gift Boxes se webtuiste. Dit sal in ooreenstemming met coronavirusregulasies afgelewer word. tobegiftboxes.com SLEGS 50 BOKSE beskikbaar ter waarde van R1 335 – jy betaal R699, aflewering ingesluit…