Innehållsförteckning för 2020/2021 från SARIE

Soms beset ’n plek jou hart en dis huis, vir altyd. Dis die Overberg en sy wêreld vir my. Caledon my grootwordplek, Hermanus waar ek vele somer-en wintervakansies deurgebring het. Dikwels ook naweke, want met Hemel-en-Aarde se ou kronkelstofpad tussen plase deur (nog lank voordat dit wynland was) was die see net om die draai. En net toe ek begin werk, het ek soms die bus van Kaapstad gehaal huis toe. Waar die hoofpad splits vir seelangs verby Kleinmond na Hermanus en verder Stanford se kant toe, of tussen graanlande deur Caledon toe, daar by die Botrivier-kafeetjie, ons enigste stop. Dán het ek geweet dis nog net ’n halfuur tot by my dorp en kon ek terugsit en die wêreld aanskou – aaneen-heuwels en Babilonstoringpiek in die verte. Jare later…

Oorspronklik van Switserland, het die Michel-egpaar sewe jaar gelede na Suid-Afrika verhuis. Hulle wou graag hul twee kinders (toe nog nie drie jaar oud nie) aan ’n ander kultuur en tale blootstel en hul harte klop warm vir Afrika. Markus is ’n ortopediese chirurg wat hoofsaaklik in sy geboorteland praktiseer, en Christine het haar regsberoep vaarwel toegeroep om haar eie besigheid, Little Gipsy Boutique, op Franschhoek (hul tuisdorp) te begin. Hierdie wêreldburgers reis gereeld na ver en eksotiese plekke en dit kan jy sien aan die verskeidenheid artefakte en ongewone meubels in hul huis. Nadat hulle al huise van Switserland tot Majorka gerestoureer en herbou het, was die twee lus vir ’n nuwe uitdaging. Albei het nog altyd gedroom van ’n huis by die see. Soek-soek het hulle die Overstrand-streek…

Genestel in die pragtige Hemel-en-Aardevallei lê die wynlandgoed Creation Wines (creationwines.com). Die eienaar van dié besonderse huis, wat hulle die Voormanshuis gedoop het, is goed bevriend met die eienaars van die plaas, en toe die geleentheid hom voordoen om ’n stuk grond by hulle te koop, het hy dit aangegryp. Hy wou uit die staanspoor graag deel in die opheffing van die plaaswerkers in die vallei. Op ’n meer persoonlike vlak wou hy ook die gebied van indringerbome help bevry en die vleiland herstel. Die argitek, Andrew Finlayson van FVDM Architects (fvdm.co.za), vertel dat hy en die eienaar heelwat tyd op die perseel deurgebring het totdat hulle die perfekte rusplek vir die indrukwekkende struktuur gevind het. Dit moes ’n intieme en romantiese huis net vir hom en sy sielsgenoot wees,…

Wie onthou Ouma se mooi teekoppies van fyn porselein wat in die uitstalkas in die voorhuis gebêre is? SARIEmooi gee daardie trend ’n eietydse kinkel met hierdie besonderse teekoppie-enkoekbordjiestel Dis asof die wêreld ná die Covid-inperking weer die belangrikheid besef van spesiale oomblikke saam met vriendinne, of ’n oomblik se wegkom van die kantoor – al is die kantoor dalk nou drie tree in die gang af. SARIEmooi meng die romantiek van elegante teekoppies uit ’n fyn teestel, met parmantige, trendy ontwerpe wat die hedendaagse vrou se oë sal laat vonkel. Die SARIEmooi-teetydstel is deur Linette Coetzee van Kempton Park ontwerp en word deur Lavish’d, die aanlyn winkel van die Suid-Afrikaanse maatskappy Inter Table Top, vervaardig. Linette skets haar unieke ontwerpe met ’n gewone balpuntpen. Die eindproduk het kleurelemente wat…

Lekkerwater Beach Lodge kyk uit oor ’n ongeskonde strand, omring deur fynbos, ’n ryk natuurlewe en vleilande, met die Potberg wat oor alles waak. Die argitek, Jonathan Hill (@jonathan_hill_architechts), se taak was om die lodge so volhoubaar moontlik te bou en dit moes sensitief inskakel by die omgewing. Daar is onder meer so min moontlik sement gebruik en die geboue is hoofsaaklik van glas en hout. Gas en sonkrag vervang elektrisiteit, reënwater word opgevang, hul brandhout is van indringerbome en plastiekgebruik word tot die minimum beperk. Die natuur en omgewing was ook die inspirasie vir die binne-argitekte, Heather Bell en Karin Lategan van Formist (formist.co.za). Waar dit kon, is plaaslike verskaffers en kunstenaars gebruik om hierdie lodge so besonders te maak. In die walvisseisoen tussen Julie en November wemel dit…

REDAKSIONELE SPAN REDAKTEUR Michélle van Breda PROJEKBESTUURDER Pieter Hugo DEKORREDAKTEURS Lounette Fourie & Anita Rossouw Ifourie@sarie.com, arossouw@sarie.com ONTWERPDIREKTEUR Hanri Gerischer TEKSREDAKTEURS Liesl Roodt & Natasja Lochner REPRODUKSIE Noorieyah Fakier & Dewald Spies KANTOORBESTUURDER Amina Essop 021 406 2205 REDAKSIONELE ASSISTENT Liesel Pienaar 073 272 0707 INHOUDSBESTUURDER Liani Jansen van Rensburg Liani.jvRensburg@sarie.com 021 406 4146 ADVERTENSIEVERKOPE HOOF: ADVERTENSIEVERKOPE Sarah Curtis Bowles Sarah.CurtisBowles@media24.com SLEUTELKLIËNTBESTUURDERS Susan Pienaar spienaar@media24.com Charlene Meyer Charlene.Meyer@media24.com Daniela Di Giovanni Daniela.DiGiovanni@media24.com HANDELSBESTUURDER Lise Coetsee lise.coetsee@media24.com MEDIA24 LIVE GELEENTHEIDSHOOF 021 406 2376 Francois Malan HOOF VAN BORGSKAPPE 011 713 9147 Nikki Ruttimann BEMARKINGSBESTUURDER 021 406 2257 Andile Nkosi GELEENTHEIDSDIREKTEUR 082 820 1454 Carmen Botma GELEENTHEIDSASSISTENT 021 406 4546 Anéne de Klerk MEDIA24 LIFESTYLE CREATE STUDIO KREATIEWE DIREKTEUR 021 406 3512 Michael de Beer HANDELSREDAKTEUR 021 406 2217 Gerda Engelbrecht KORPORATIEF…

"Ek is gelukkig omdat ek gek is oor wat ek doen – ek beskou dit nie as werk nie en kan dus al my energie in ons vier hotelle stort. Ek sien iets in my geestesoog wat dalk kan werk, en wat daarna gebeur, gebeur amper vanself. Niks is doelbewus nie, niks word beplan nie. Ek is nie ’n opgeleide binneversierder nie. My styl is my eie. Ek volg nie reëls nie en steur my nie aan tendense nie. My uitgangspunt is dat elke vertrek anders moet wees, dus kan iets arbitrêrs – soos ’n mooi stuk lap, die hoekie van ’n tapyt of selfs ’n skildery – die ontwerpproses aan die gang sit. Al is dit nie die mees praktiese tekstielstof nie, gebruik ek graag sy, want dis die…

HOE LANK BESTAAN PERFECT HIDEAWAYS AL? Die onderneming het heeltemal organies so elf jaar gelede ontstaan. WAAR HET JYAAN DIE IDEE GEKOM? Dit was nooit my plan om ’n vakansieverhuringsbesigheid te begin nie. Dit het ontstaan nadat ek verlief geraak het op die skoonheid, rustigheid en afsondering van Churchhaven, ’n klein plekkie aan die strandmeer van die Weskus Nasionale Park. Ek het net besluit ek móét ’n huis daar hê, maar op daardie stadium kon ons as jong gesin dit nie bekostig nie. As ek egter my hart op iets verloor, maak ek ’n plan. Ek en my man, David, het eers ’n erf gekoop en met die hulp van Salome Gunter, ’n binneversierder, eenvoudige maar mooi inspirasieborde (mood boards) saamgestel. Ons het dit Whaler’s Way gedoop, wat verwys na…

Almal op Kleinmond weet waar hierdie statige grasdakhuis is. Dit is immers die oudste huis op die dorp en in 1860 deur dominee Pieter Kuypers Albertyn by die mond van die Botrivier gebou. Deesdae behoort die huis aan ’n familie wie se voorsate al sedert die draai van die vorige eeu in die Kleinmond-omgewing kom vakansie hou het. Oliver, ’n lid van die jonger geslag, vertel dat hul grootjies met die stoomtrein tot op Botrivier gekom en dan met die ossewa na die Palmietrivier gery het om vir weke lank daar uit te span. Sewentien jaar gelede het die familie die huis gekoop, want dit het net sin gemaak omdat hulle so ’n mooi en betekenisvolle band met die Overstrand het. Elke Desembervakansie kom soveel as moontlik van die groot,…

Hulle het lank gewik en geweeg of hulle die stadsgewoel moes verlaat en Hermanus toe trek, vertel Lizanne Olivier. Voorheen het hulle gewoon in woelige Seepunt, waar sy ’n opvoedkundige sielkundige was en haar man, Danie, in die finansiële wêreld gewerk het. Maar albei het bly hunker na ’n rustiger en sinvoller lewe. Haar ouers het reeds op Hermanus gewoon, en haar ma, Sanmarie Swanepoel, bedryf sedert 2007 die bistro en bakkery Oskars. Lizanne is self mal oor kook en bak en vyf jaar gelede het sy besluit om haar gewig by haar ma in te gooi. ’n Huis oorkant Hoy se koppie, wat genoem is na sir William Hoy, een van die vroeë charismatiese figure van Hermanus, was juis te koop, en Danie kon sy werk hier voortsit. Hulle…

In die laat negentigs kuier Ford, ’n Amerikaner, op Franschhoek, waar hy Ronelle, ’n Bloemfonteiner wat in daardie stadium op die dorp gewerk het, ontmoet. Dit was liefde met die eerste oogopslag en nege maande later het hy sak en pak Suid-Afrika toe verhuis om ’n lewe saam met haar te begin. Ronelle vertel dat sy haar lewe lank gereeld op Hermanus kom vakansie hou het. Die Overstrand was nog altyd vir haar van die mooiste streke in die land. So vyf jaar gelede, ná ’n heerlike naweek op Hermanus, besluit sy en Ford om so ’n bietjie te verken en langs minder bekende paaie terug te ry Kaapstad toe. En dis hoe hulle Tesselaarsdal – ongerep, stil en vredig – ontdek het. Toevallig was daar ’n plasie van sewe…

Rudi Oosthuyse was nog ’n student toe hy aan die konsep begin werk het om ekovriendelike oornagplekke te ontwerp en bou. Sy ouers het ’n stuk grond by Botrivier besit en dis hier waar hy gedurende universiteitsvakansies en oor naweke sy eerste houthuis kom bou het. Dit was vyftien jaar gelede. Sedertdien het hulle nog nege houthuise by die KolKol Mountain Lodge gebou. Maar ’n ander idee het in sy kop bly maal en so is die KolKol Fynbos Pods gebore: beton-“kokonne” beklee met hout. Hier wou hy en Karen oornagplekke skep waar jy een met die natuur kan voel; weg van die daaglikse gejaag en ’n lewe oorheers deur tegnologie. Die eenhede is toegerus met sonverhitte warmwatertoestelle, en is so ontwerp dat dit maksimaal son uithou in die somer…

Die huis, knus tussen die asemrowende berge van Hermanus en die ewige see, is een van die eerstes in die Voëlklip-omgewing. Dit is so rondom 1925 as ’n vakansiehuis vir ’n boer van Caledon gebou. Destyds het mense met perdewaens, tesame met ’n koei en hoenders, hierheen gery. Wanneer die vakansie verby was, is mens en dier weer opgelaai en terug plaas toe. As die huis te vol was, moes die kinders sommer op die stoep slaap. Die huis was vir drie geslagte in die familie voordat dit in 1999 verkoop is. Die huidige eienares het die huis in 2008 gekoop en dit was toe reeds baie mooi gerestoureer met die hulp van die argitek Wynand Wilsenach (w2.co.za). Sy het later nog kleiner veranderinge aangebring, weer met Wynand se hulp…

A @home 0860 834 834 home.co.za AMC Cookware 0861 111 262 amcsa.co.za Ashanti Design 021 461 0367 ashantidesign.com Ashley Furniture Homestore 012 749 3100 ashleyfurniturehomestore.co.za B Block & Chisel 011 442 0809, 010 593 9308, 021 712 5193 blockandchisel.co.za BLUM South Africa 0861 325 4773 blum.com C Caesarstone 083 608 5810 caesarstone.co.za Coricraft coricraft.co.za D Design Afrika 021 448 9761 market.designafrika.co.za Dulux 011 861 1000 dulux.co.za E Eurolux 021 528 8400 eurolux.co.za F Flush Bathrooms 021 511 7888 flushbathrooms.co.za Freakalee Ceramics 082 651 7722 @freakaleeceramics G Gonsenhausers Fine Rugs 021 462 4819 finerugs.co.za H Haldane Martin 087 898 4678 haldane.co.za HAUS by Hertex 021 914 3390, 0860 437 839 hertexhaus.co.za Houtlander 010 447 6509 houtlander.co.za I Incanda incanda.co.za Infinity Surfaces 011 822 1350 infinitysurfaces.co.za Italtile 010 271 2272 italtile.co.za K…