Innehållsförteckning för DÉCOR 2022 från SARIE

Ek kyk gereeld op van my skerm na die vaas met bloekomtakke wat voor die oop venster staan. Dis sonder veel finesse in die water gedruk, net so deurmekaar, want dan is dit vir my die heel mooiste. Mooi genoeg dat selfs Gregoire Boonzaier en Pierneef die bome destyds geskilder het. Wanneer ek soggens hier instap, is dit die vars bosgeur wat my begroet. En saans wanneer ek my rekenaar ná ’n lang dag toeklap, haal ek vir oulaas diep asem en koester die reuk wat die hele vertrek vul. Toe die stadswinkels uit die bloute bloekomtakke begin verkoop het – hulle kruip gereeld weg tussen bosse rose, proteas, lelies en sonneblomme – kon ek net my seëninge tel. Want bloekom is my goedvoelgeur. Niks fênsie nie. Net baie onthous…

Dit hou jou koel in die somer en warm in die winter – IsoBoard is inderdaad ’n veelsydige speler. Jy kan verseker dat jou huis knus en beskerm is deur elke seisoen met die reeks termiese isoleerders van IsoBoard wat in verskillende diktes en lengtes beskikbaar is om jou ruimte te pas. Dit stel jou huis in staat om temperatuurskommelinge maklik te hanteer en ’n gerieflike leefruimte, ideale werkspasies en vrede vir jou gemoed te verseker. Hierdie omgewingsvriendelike termiese isoleringsoplossings is so veelsydig as wat hulle doeltreffend is. Termiese isolering vir al jou ruimtes DIE DAK Hitte ontsnap en kom jou huis hoofsaaklik deur die struktuur van die dak binne. Geïsoleerde plafonne vertraag die vloei van hitte na leefruimtes in die somer en behou opgewekte hitte in die winter om…

Organiese vrugte en groente, skrophoenders en vars eiers, plaasmelk en -botter, medisinale kruie, en kontreikos wat die mond laat water – dís wat die modekenner Mari Groenewald deesdae verkoop. Sy en haar vennoot, Louise Bowker van Montagu Cheese, is die eienaars van die Montagu Local-gesondheidswinkel op dié Klein-Karoo-dorp, geleë op die bekende Roete 62. (Montagu Cheese is ’n familiebesigheid wat spesialiteitskase met die hand maak.) Met die afkondiging van die streng inperkingstyd in Maart 2020 wou Mari saam met haar lewensmaat, Alan Alston, en twee dogters, Olivia (9) en Neve (8), na Montagu – sowat twee en ’n half uur se ry (180 km) van Tamboerskloof, Kaapstad, waar hulle eers gebly het – ontsnap. Alan, ’n aanlyn entrepreneur, se ouers het ’n kleinhoewe, Aasvoëlkrans, op die dorp en Mari-hulle bly…

Bernie Diedericks was voorheen die eienaar van die bekende vintage-winkel The Treasury in Woodstock, Kaapstad. In 2016 wou hy ’n verandering maak en ’n stiller, eenvoudiger lewe lei. Een snikwarm dag het hy op Villiersdorp beland om na hierdie verwaarloosde juweel te kom kyk. Bernie beskryf hoe die huis soos iets uit ’n rillerfliek gelyk en ook nie juis lekker geruik het nie. Hy het egter nie vir die uitdaging teruggedeins nie, hy is trouens ’n man wat enigiets kan regmaak, en dit is immers ’n oorspronklike Victoriaanse huis. Die hoë plafonne en onvervangbare argitektoniese karakter soos die stoep met sy gekurfde sinkdak en die gekerfde hout as detail het hom finaal oortuig die plek het sy naam op. Die transformasie was stadig, dit het amper vier jaar gevat, maar…

Kate en Simon Rodger het jare gelede hierdie juweel wat in die sestigs gebou is, ontdek. Die eiendom was verwaarloos en verlate, maar dit het hulle nie afgeskrik nie en hulle het dit gekoop en begin restoureer. Kate sê sy het net geweet hierdie is ’n plek van rustigheid, liefde en onbeperkte sjarme. Terwyl hulle die wilde en oorgroeide tuin probeer tem het, het hulle op ’n rots afgekom met Cowrie Cottage daarop uitgebeitel, en dis toe hoe ook hulle die plek gedoop het. Soms, as jy gelukkig is, kan jy steeds hier kauri-skulpe op die strand optel. Die huis is heeltemal versteek van die strand se kant af, maar het self ’n onbeperkte uitsig oor die oseaan. ’n Direkte paadjie tussen die welige woudplantegroei, met onder meer knoetserige melkhoutbome…

Dit was nodig om van rat te verwissel, sê Lisa Storer, wat vir baie jare as ’n aankoper gewerk het, maar haar uit die gejaagde stadslewe losgewikkel het om ’n interieur-ontwerper en eienaar van die leefstylwinkel The Storer (thestorer.co) te word. Sy erken pront dit was nie maklik om terselfdertyd ’n nuwe loopbaan te begin en ’n groot bouprojek aan te pak nie, maar sy het haar hart en siel in haar nuwe huis gewerp, en die eindresultaat is uniek. Lisa het ’n natuurlike gawe om style te vermeng, wat altyd verras en besonders is. Sy en haar lewensmaat, Brad, sê die landskap het hulle gelei met die ontwerp en interieur, terwyl die argitek Adrian Morris van Morris & Co. waardevolle insette gelewer het op haar interpretasie van ’n moderne…

Sophie’s Rock is ’n ruk gelede deur die Capstone Property Group, wat in kommersiële eiendomme spesialiseer, bekom. Die eienaar van hierdie eiendomsonderneming het ’n emosionele band met Sophie’s Rock: Dit was hul familiehuis sedert die 1980’s en toe sy ma die eiendom in die mark sit, het hy besluit om dit te koop. Deels as ’n belegging, maar ook sodat hy en sy gesin die huis van tyd tot tyd kan benut. Vir hom is dit die ideale manier om sy mooi herinneringe te deel oor hoe dit is om op ’n kleiner dorp groot te word. Om die gasvryheid en meelewing van die inwoners te ervaar. Asook om seelangs te loop, bergpaadjies met vars waterstrome te verken en in die rotspoele klipvisse te vang. So gereeld soos wat sy…

A @home 0860 834 834, home.co.za AMC Cookware 0861 111 262, amcsa.co.za Ashley Furniture HomeStore 012 749 3100, ashleyfurniturehomestore.co.za B Block & Chisel 011 442 0809, 010 593 9308, 021 712 5193, blockandchisel.co.za BLUM South Africa 087 352 4232, 011 444 8118, 021 555 2282, 031 579 2620, 041 581 0219, blum.com C Caesarstone 083 608 5810, caesarstone.co.za Coricraft coricraft.co.za E Eurolux 021 528 8400, eurolux.co.za I Incanda 021 863 1965, incanda.co.za IsoBoard 021 983 1140, 031 569 1800, 012 653 8204, isoboard.com Italtile 010 271 2272, italtile.co.za J Jeeves Heated Towel Rails 0861 JEEVES (533 837), jeeves.co.za K K.Light 021 552 4370, klight.co.za M Meir 021 510 0489, 082 574 2432, meirblack.co.za Milestone Kitchens 076 949 5745, milestonekitchens.co.za MRP Home 0800 212 535, mrphome.com Mungo 021 201 2374, 044…

Spesiale oomblikke saam met vriendinne, of ’n oomblik se wegkom van die kantoor – al is die kantoor dalk nou drie tree in die gang af, is belangrik vir vreugde en geluk in ons hedendaagse lewe. Meng die romantiek van elegante teekoppies uit ’n fyn teestel met parmantige, trendy ontwerpe van SARIEmooi en maak nuwe herinneringe vir die onthou. Die SARIEmooi-teetydstel is deur Linette Coetzee van Kempton Park ontwerp en word deur Lavish’d, die aanlyn winkel van die Suid-Afrikaanse maatskappy Inter Table Top, vervaardig. Linette skets haar unieke ontwerpe met ’n gewone balpuntpen. Die eindproduk het kleurelemente wat aan die Delftse ontwerpstyl herinner, maar tog eietyds, aweregs en tong-in-die-kies is. Die stel, wat uit ’n teekoppie, piering en koekbordjie bestaan, kom in ’n pragtig ontwerpte geskenkboks en is die ideale…

Vir meer as ’n dekade al ry die SARIE-dekorspan een keer ’n jaar platteland toe. Vir ons is dit elke keer so ’n bietjie van ’n tuiskoms. Ons het albei op ’n plaas grootgeword en vir ons was dit gelukkige tye. Om huis-huis in die bloekombos te speel, stokbrood oor ’n vuurtjie te braai, styf teen jou pa te sit op die trekker, te kyk hoe die skape geskeer word en om baas te wees van die hele, grote werf is onvervangbare herinneringe. Later kom bou jy ’n lewe in die stad. Maar altyd is daar die verlange en hunkering na die vryheid wat ’n kleiner en rustiger dorp jou bied. Dis hoekom hierdie WOON ons so na aan die hart lê: Om te kon hoor hoe mense die platteland,…

SEMIGRASIE Om van een deel van die land na ’n ander te trek. Teenoor emigrasie, wat behels om landuit te trek. Die meeste van ons koester ’n eendag-droompie: eendag as ek aftree; eendag as die kinders klaar is met skool; eendag as my skip inkom … dan trek ek hierheen of daarnatoe. Die pandemie het gewys jy hoef nie elke dag deur die verkeer te ploeg om in ’n kantoor te gaan sit nie, dat tuisonderrig ’n opsie is, en dat jy selfs iets heeltemal anders met jou lewe kan doen. Dit kán werk. Die lewe sal aangaan. Ná die aanvanklike skok en omskakeling was baie mense selfs in ’n beter posisie. KWALI-TYD Toe die groot wiele van die wêreldorde tot stilstand stotter, het gewone mense ’n kans gekry om…

Hoekom uitgaan en die koue aandurf as jy warm en snoesig tuis kan bly tussen die knus beddegoed van Room Service? Dié plaaslike reeks, wat in Kaapstad vervaardig word, sluit in binneduvets en kussings, tot gekwilte beskermende oortreksels en perkal-beddegoed. Boonop sal hul spesiaal uitgesoekte dekorreeks jou slaapkamer sjiek en gesofistikeerd laat lyk. Met Room Service se reeks gehaltebeddegoed kan jy nou jou tuiste ’n luukse hotelvoorkoms gee sonder om ’n fortuin te bestee. Alles is aanlyn beskikbaar. Bestellings van meer as R950 word landwyd gratis afgelewer. @roomservicehomeware.co.za Mikroveselgevulde binneduvet met ’n donsdigte sloop van 100% katoen – 8 tog, beskikbaar in die groottes Enkel tot Superkoning (R550 – R1 012) (ook beskikbaar met vere of dons & pofbaar) Mikroveselgevulde kussings met ’n donsdigte sloop van 100% katoen – medium…

Na aan die natuur, stil, aards maar gemaklik, landelik maar nie onbereikbaar nie. Dit was die vereistes op Megan de Beyer se lysie op soek na die perfekte woonplek. Een wat sy gevind het toe sy Abraca gekoop het. Megan is ’n praktiserende sielkundige wat ouerskapkursusse in Suid-Afrika, Australië en aanlyn in Amerika aanbied. Sy het ook al ’n boek, How to Raise a Man (Penguin), gepubliseer en het ’n welstand-toevlugsoord op haar plaas Bobbejaanskloof naby Plettenbergbaai. Sy is passievol oor welstand omdat sy glo dit is ’n dinamiese leerskool vir jou hele lewe. (Lees meer by megandebeyer.com.) Abraca pas Megan soos ’n handskoen. Hier kan sy skryf, mediteer, reflekteer, nadink en na aan die natuur lewe. Dis ook ’n plek waar sy, haar lewensmaat en twee seuns net kan…

’n Grondpad kronkel tussen groen heuwels wat lyk asof dit in fluweel gedrapeer is, neem jou verby bessieplase en plate fynbos totdat die woonhuis op God’s Window voor jou opdoem. Dié tydlose en unieke plaashuis is sowat 10 jaar gelede deur die SA argitek Georg van Gass ontwerp. Toe die eiendom ’n paar jaar later op die mark kom, het ’n broer en twee susters dit gekoop. Hulle wou ’n plek hê waarheen hulle van die stadsgewoel kon ontvlug en waar hul kinders die onbevange lewe kon ervaar wat hulle gehad het toe hulle op ’n plaas in KwaZulu-Natal grootgeword het. Op God’s Window is jy omring deur meer as honderd hektaar fynbos, woud en berg wat jy kan verken, asook ’n onbeskryflike rustigheid. Hulle moes slaapkamers aanbou, want die…

Droom dan verder oor ’n pragtige wildplaas in die hart van die Magaliesberg, waar die verwelkomende kliphuis omring word deur inheemse karee-, wildeolyfen doringbome. Die tuin is groen, kleurryk en welig. Saans wanneer die diere tot ruste gekom het, en die braaivleisvuur is net gloeiende kole, begin die misterieuse geroep van die uile uit die euphorbiawoud. Hier kan jy vir ure sit en luister na die sagte naggeluide en jou verwonder aan die helder sterre. Owlswood is waar Trish van der Nest en haar gesin kom asemskep, herlaai en ook vir lang tye kom woon as die gejaagde lewe in Johannesburg hulle inhaal. Wanneer hul beroepe dit vereis, moet hulle terugkeer stad toe en dan verhuur hulle die plek aan vakansiegangers. Die Van der Nests het vir dertig jaar gereeld…

By Ashley Furniture Homestore (ashleyfurniturehomestore.co.za) kry jy alles wat jy vir jou huis benodig onder een dak…

REDAKSIONELE SPAN REDAKTEUR Michélle van Breda PROJEKBESTUURDER Pieter Hugo DEKORREDAKTEURS Anita Rossouw en Lounette Fourie KUNSDIREKTEUR Maresa Pretorius TEKSREDAKTEUR Liesl Roodt REPRODUKSIE Dewald Spies en Noorieyah Fakier REDAKSIONELE ASSISTENT Liesel Pienaar 073 272 0707 WEBTUISTE DIGITALE REDAKTEUR Franco Havenga franco.havenga@media24.com, 083 321 5583 INHOUDSBESTUURDER Marteli Brewis marteli.brewis@media24.com ADVERTENSIEVERKOPE & BORGSKAPPE HOOF VAN BORGSKAPPE Nikki Ruttimann Nikkir@media24.com HOOF VAN ADVERTENSIEVERKOPE Sarah Curtis-Bowles 021 461 2396 SLEUTELKLIËNTBESTUURDER Susan Pienaar 083 281 7300 SLEUTELKLIËNTBESTUURDER Charlene Meyer 082 928 5970 SLEUTELKLIËNTBESTUURDER Daniela di Giovanni 083 709 7040 DIVERSE INKOMSTE ONTWIKKELINGSBESTUURDER Lise van Breda lise.coetsee@media24.com GELEENTHEIDSDIREKTEUR Edmund Beukes Edmund.Beukes@media24.com KOÖRDINEERDER: DIVERSE PROJEKTE Anéne de Klerk anene.deklerk@media24.com CREATE STUDIO KREATIEWE DIREKTEUR Michael de Beer mike.debeer@media24.com HANDELSREDAKTEUR Gerda Engelbrecht gerda.engelbrecht@media24.com BEMARKINGSBESTUURDER Andile Nkosi andile.nkosi@media24.com UITGEWERSPAN HOOFBESTUURDER MEDIA24 LEEFSTYL Nerisa Coetzee FINANSIËLE BESTUURDER MEDIA24 LEEFSTYL Jameelah Conway BEDRYFSBESTUURDER…

Jy moet fyn kyk om Pink Hill tussen die karoobossies en die koppies raak te sien. Dan ry jy tot digby die groot glasvoordeure van die kliphuis waar Cornel en Neill Strydom jou inwag. Pink Hill is net buite Colesberg op Nagtegaalsfontein. Die plaas het voorheen aan Cornel se ouers behoort, maar die Strydoms het vyf jaar gelede besluit om dit by hulle te koop. Sy vertel dat sy haar liefde vir die plaaslewe van haar ouers geërf het. Hulle het altyd ’n stuk grond gehad waarop haar pa, ’n teoloog, deeltyds geboer het. Ook Neill het mooi herinneringe van plaaskuiers as kind. Die plaas, wat van 1820 dateer, was aanvanklik ’n volstruisplaas, maar deesdae boer hulle met merino’s. Cornel het self die huis en interieur ontwerp, ’n vakgebied waarmee…

Marike Hendriksz is goed vertroud met Hermanus, waar sy byna haar hele kinderlewe vakansies deurgebring het. Waar hul nuwe huis nou staan, was eers haar ouers se vakansiehuis wat sy geërf het. So drie jaar gelede het Marike besef die huis, wat net drie slaapkamers gehad het, bars uit sy nate. Haar drie seuns is nou volwassenes en sy is al ouma van ’n handvol kleinkinders. Die tyd was ryp om die huis te herontwerp. Marike het die hulp van Hein Visser van VKDB Argitekte (vkdb.co.za) en hul binneontwerper Maroaan Gelderblom ingeroep. ’n Splinternuwe huis met genoeg slaapplek sodat niemand op ’n krismisbed hoef te slaap nie, is gebou. Tinie en Marike het ’n ruim hoofslaapkamer gekry en die seuns en hul gesinne elk ’n eenheid met twee slaapkamers en…

Om ’n restourasieprojek oor meer as 1 000 km aan te pak verg leeuemoed. Dit is presies wat Marielise van der Merwe, ’n argitek van Pretoria*, en haar eggenoot aangepak het. Sy en haar gesin reis graag en dit is tydens ’n kuier by familie in die Karoo dat haar man op ’n pragtige plaas naby Klaarstroom en Prins Albert afgekom het. Die huis uit 1825 was vervalle, maar hy het daar en dan ’n aanbod gemaak en toe eers vir Marielise laat weet. Nadat sy die opstal onder oë gehad het, was sy vuur en vlam om die statige ou huis liefdevol te restoureer en te moderniseer. Tydens die restourasie het sy ’n kontemporêre oopplanvleuel met ’n moderne kombuis, sit- en eetkamer aangebou en oud en nuut naatloos by…