Innehållsförteckning för Jul/Aug 2023 från SARIE

#GelukSARIE! SARIE vier op 6 Julie haar 74ste verjaardag Die rooi tapyt bly ’n fassinerende affêre. Ek wonder altyd hoe fel die mededinging tussen die bewandelaars moet wees. Wie’s maerder, jonger (hoewel, met Botox en vullers is almal deesdae ewe jonk . . .), wie’s meer on trend, wie word deur watter modehuis geklee en wie se juwele skitter die meeste? Aktrise Helen Mirren se persblou hare onlangs by die Cannes-filmfees was so ’n goeie genade-oomblik, gevolg deur media-opskrifte oor haar “mal blou hare’’. Ek was mál daaroor! Dit was pret en onpretensieus-perfek by haar lilablou ontwerpersrok. Dis nie die eerste keer dat die briljante Dame Helen, wat binnekort haar 78ste verjaardag vier, dinge op die rooi tapyt ’n bietjie ekstra woema gee nie. ’n Paar jaar gelede het sy…

Ná 32 jaar in die onderwys was dit heerlik om af te tree en ’n landingsplek te vind in die mooie Simonstad. Hier het ek gestap, by die plaaslike biblioteek aangesluit en met my kleinkinders tussen die pikkewyne geswem. Rustige jare met baie gesellige kuiers lê voor . . . of so het ek gedink. Toe kom daar ’n onverwagte wending in my sielsalige bestaan. My dogter kom sê sy gaan vir twee jaar skoolhou in Maleisië en ouma gaan saam. Om internasionaal te werk is nie onbekend aan ons twee nie. Om die waarheid te sê, gesamentlik het ons reeds in 12 lande skoolgehou. Dit strek van die Verenigde Koninkryk en Korea tot Egipte en China. Ná aftrede was my lewensfilosofie om nooit te sê nie: “Ek is te…

Koppe in die restaurant draai om na Vanes-Mari du Toit te kyk wanneer sy instap. Of dit nou is omdat sy 1,89 m lank is, omdat sy ’n oud-netbalkampioen en deesdae aanbieder van verskeie televisieprogramme is, of omdat jy haar van oorkant die vertrek kan hoor soos sy lag vir iets wat die kelner sê, weet mens nie – moontlik al drie. Ieder geval, mense is bewus van dié lewenslustige blonde vrou met die helderblou oë se teenwoordigheid, waar ook al sy gaan. Sy het ’n manier om mens te laat voel asof julle mekaar al jare lank ken, persoonlik of deur die televisieskerm. Sy’s uit en uit haarself. Die Vanes in die kerk is dieselfde Vanes wat as Protea-netbalspeler die land jare lank verteenwoordig het. En dis dieselfde Vanes…

INSPIREERDERS Met 31 jaar diens in die polisie se K9-eenheid, wat dikwels vermiste persone moet soek, het brig. Vimla Moodley al baie swaarkry gesien. Maar niks kon haar voorberei op die verwoesting wat sy in Februarie vanjaar sou teëkom ná die aardbewings in Turkye nie. Sy en ’n span van vyf hondehanteerders en hul honde is soontoe om vermistes te gaan help soek nadat duisende mense in die skuddings dood is. (Die amptelike dodetal was meer as 59 000.) “Die tonele wat ons op die nuus gesien het, was so verskriklik dat my familie my gevra het om nie te gaan nie. Maar ek moes, ek wou gaan help. Ek het gedink dit kan nie so erg wees nie, maar dit was erger. Die massiewe stad Antakya was vernietig. Net…

ONS VRA 5 MINUTE MET ROLAND GUNSTELINGKLEUR Blou TROOSKOS My ma se sop met roosterbrood WYN Rust en Vrede 1694, Tokara se Telos, De Toren se The Black Lion Shiraz SEISOEN WAT JOU VREUGDE GEE Lente en herfs Jy verteenwoordig SA op 43 vanjaar by die Wêreldkampioenskap in Japan, wat ook een stap nader is aan jou Olimpiese droom vir 2024 in Parys. Wat het hierdie droom aangevuur? Daar was nog altyd ’n begeerte om aan ’n vyfde Olimpiese Spele deel te neem. Ek is steeds nuuskierig oor die sport, bly soek maniere om te groei, te verbeter. Ek dink die motivering vir hierdie droom lê in my begeerte om die beste weergawe van myself te wees. Ook in die geloof dat my beste weergawe vir die Olimpiese Spele sal…

INSPIREERDERS Die magic lê in die vriendskap tussen ons, in die passie vir als wat ons doen Isabella op Netwerk24 Toe die passievolle skilder se hande begin saamtrek van artritis en hy sukkel om ’n verfkwas vas te hou, het Louis Jansen van Vuuren besef hy sal sy leefstyl moet aanpas – en sommer spoedig. Nou, sewe jaar later, is hy steeds op die besonderse reis van veganisme wat sy lewe handomkeer verander het, en wil hy graag sy kos-avontuur en heerlike resepte met mense deel. “Ek het binne ’n paar maande nadat ek ’n veganis geword het, ’n merkwaardige verandering in my liggaam bemerk. Dié lewenswyse maak ’n hengse verskil aan ’n mens se fisieke welstand, en uiteindelik ook aan jou geestestoestand, omdat jy weet dat jy op klein…

Pienk, pienk, alles pienk . . . Ons verdrink in ’n pienk tsoenami sedert die aankondiging verlede jaar dat ’n Barbie-fliek in aantog is. Natuurlik, pienk was nog altyd Barbie se gunstelingkleur. Sy het selfs haar eie kenmerkende “Barbie-pienk”: Pantonekode PMS – ongelukkige keuse! – 219, ’n skakering van magenta-pienk. Dis plastiek, dis neon, dis skokkend, dis sexy, dis nostalgies en ook so nóú. Dié kleur het in ons psige nesgeskop as snelskrif vir alles vroulik en femme. Sugar and spice and everything nice? Watwou! Sommige skakerings van pienk kan dalk gemaklik, strelend en onskuldig voel. Skel, skroeiende skokpienk? Dis die kleur van die femme fatale, soos Zsa Zsa Gabor in die 1952-fliek Moulin Rouge. Ditto ’n smeulende Marilyn Monroe in Gentlemen Prefer Blondes (1953). Helder pienk was glo die…

Mokka Toffiekleur poncho (R649), Woolworths. Swart oorvou-leerbelt (R349), Poetry. Gestreepte katoentop (R229), Foschini. Naaswit kantromp met spleet (R749), H&M. Swart elmbooglengte handskoene van kunsleer (R249), Foschini. Tulbandhoed (R219), Woolworths. GROOTTES Poncho: Een grootte vir almal Top: XXS – XXL Romp: XS – XXL Café au lait Kameelkleur eenstuk van katoen (R899), Foschini. Gestreepte syserp (R999), Trenery. Kunspêrelhalssnoer (vanaf R160) om serp, Lovisa. Swart suèdelaehakskoene met enkelbandjie (vanaf R1 699), Witchery. Tweedhandsak met skakelketting (R599), Woolworths. GROOTTES Eenstuk: 10 – 20 Lungo Toffiekleur koordfluweel-uitklokbroek (R259), Y&G by Foschini. Kort bruin trui met strepe (R499), Zara. Kameelkleur snyersbaadjie (R659), Foschini. Bruin platformblokhakskoene van blink kunsleer (R599), Woolworths. Glinsterende brons leergordelsak (R1 399), Nicci Boutiques. Swart strophalssnoer met groot materiaalroos (R220), Lovisa. GROOTTES Broek: XS – XXL Trui: S – L Baadjie: XXS…

MOOI Geur-HANDTEKENING Vir Montblanc is daar min dinge so persoonlik, uniek en vol uitdrukking soos jou handtekening. Dis ’n blywende indruk van jou persoonlikheid en identiteit op papier. Só is die nuwe weergawe van hul vrouegeur Montblanc Signature, Montblanc Signature Absolue (R1 599 vir 90 ml EDP), ’n geurhandtekening om te omhels. Die sternote is sprankelende geel nartjie en peer toegevou in soetemaling en ilang-ilang. Met tonkaboon en sederhout as basis, is dit ’n romerige soet geur wat lank draal. AANDAG ALLE SENSITIE WE VELLE! Bioderma Sensibio Defensive Serum (R700) se geurlose, melkerige emulsie kalmeer jou vel en versterk jou vel se weerstand teen die faktore wat sensitiwiteit veroorsaak. HERNUDE GLANS African Extracts Rooibos het ’n nuut geformuleerde Radiance-reeks (pryse vanaf R55) om velverkleuring soos pigmentasie en donker merke te…

PERFEK GEMAAL Met 8 geprogrammeerde funksies kan jy kies hoe jy jou koffie met Smeg se retro-styl koffiemeul wil maal vir die beste smaak en tekstuur. Gebruik fyn vir mokka en espresso, medium vir filterkoffie of grof vir dompelpotkoffie. Die meul van vlekvrye staal is beskikbaar in onder meer swart, wit, room, rooi en pastelblou. Vanaf R4 999 by uitsoek-kombuiswinkels FLUWEEL-smaak Die koffiebone van Magnificent Barista Boys sorg vir ’n gebalanseerde geur wat elke koppie koffie fluweelsag oor jou tong laat rol. Die bone word eksklusief vir @home gerooster. R149 vir 250 g MARZANNE HOU VAN Ons is gaande oor Saveur – Frans vir “proe” – se yskoffiestroop. Voeg dié lekkerte by jou nagereg, melkskommels, roomys en skemerkelkies en geniet die lieflike koffiegeur. R229 n 500 ml-bottel by Yuppiechef KOFFIE…

Vir Mikayla Joy Brown wat vroeër vanjaar die Fleur du Cap-prys vir die mees belowende student ontvang het, is veelsydigheid in die toneelwêreld belangrik. “Ek is ’n skrywer, aktrise, sangeres en regisseur. Toneelspel help my om ’n beter regisseur te wees. Regie help my om ’n beter skrywer te wees. Alles is aan mekaar verbind. Daarom is dit belangrik om veelsydig te wees, dit bied meer geleenthede.” Sy het nietemin ’n voorliefde vir regie en het self die teks vir die toneelstuk Jantjies and the Pearls, wat tydens die gedwonge verskuiwings in Distrik 6 afspeel, geskryf en dit geregisseer. Dit was by die Klein Karoo Nasionale Kunstefees (KKNK) en die Suidoosterfees te sien. Einde Junie het sy ook ’n internskap voltooi by ’n filmmaatskappy waartydens sy ’n draaiboek moes skryf.…

Dis ’n woord wat die laaste paar jaar lekker in ons mond kom lê het: gasbeligting (gaslighting), ’n vorm van sielkundige manipulasie. Wat natuurlik naam gekry het in ’n era voor elektriese ligte, toe gas nog algemeen was.* Dekades later is die woord weer aktueel, danksy Donald Trump. Nie net die Amerikaanse verkiesings in 2016 en 2020 nie, maar ook sy volle termyn as president is gekenmerk deur tipiese voorbeelde van gasbeligting. Soos in ’n artikel in The Chronicle of Higher Education (chronicle.com) gesê word: Die Don het die nare gewoonte om “X” te sê, net om later verontwaardig te verklaar: “Ek het nie ‘X’ gesê nie. Ek sal nooit daarvan droom om ‘X’ te sê nie.” (En in die aanloop tot die Amerikaanse verkiesing aanstaande jaar kom die kat…

’N ONTWERPERSFOUT Dis ’n hooftema in The Body Illustrated: Weens evolusie se regstellings is ons liggaam dikwels swak ontwerp. Wonder bo wonder werk alles . . . meestal. Só is ons tweevoetige skelet op ’n effens gewysigde viervoetige platform gemonteer. Om vertikaal te wees het daarom nadele. Met die jare slyt ons rug, heupe en knieë. Rugpyn is die mees algemene klagte soos ons ouer word. Dit hou ’n geskatte 60% van volwassenes een of ander tyd minstens ’n week van die werk af weg. Voorts dreineer ons sinusse sleg en word in die winter “virale vuilputte”. Sowat 35 miljoen Amerikaners ly jaarliks aan sinusitis en sowat 20% van antibiotika-voorskrifte is vir sinuskwale. Dít terwyl sulke toestande oorwegend viraal en dus immuun teen antibiotika is. Ons gaan ook makliker weens…

ligdag luister ek hoe jy asemhaal en weet dat dit die heelal suggereer ruisend in die subteks tot die son die dag detoneer Uit Tom Dreyer se gedig “die subteks in jou asemhaling” in sy bundel Nou in infrarooi (Kwela, R235) Vitamin C+: Collage in Contemporary Art Phaidon-redakteurs (Phaidon, R1 510) Onthou jy hoe ons op laerskool spoeg-en-plak-prentjies gemaak het? In die kunswêreld staan die tegniek bekend as collage, ’n moeilik definieerbare kunsvorm. ’n Verskeidenheid materiaal, soos papier, geskeurde foto’s, prente en ander voorwerpe, word gebruik om die kunswerke mee te skep. Die tegniek het nie veel verander nie, buiten dat sommige kunstenaars ook nou digitaal werk. Collage het vroeg in die twintigste eeu eers werklik status as ’n kunsgenre gekry, met kunstenaars soos Jean Arp, Pablo Picasso, Juan Gris…

BOEKUITTREKSEL Sien bl. 142 Dolos is Jaco Wolmarans se derde spanningsverhaal waarin Tex nogmaals gevra word om met ’n spesiale operasie te help. Hy moet ’n agent van ’n geheime Mosambiekse ondersoekeenheid in Cabo Delgado gaan uithaal sonder om dié sensitiewe operasie te kompromitteer. Die agent het die gevreesde Macau-dwelmkartel, waarby ’n hooggeplaaste Suid-Afrikaner betrokke is, geïnfiltreer. Tex moet saamwerk met die Amerikaanse DEA, dít in ’n gebied wat vrot is van die Islamitiese ekstremistegroep Al-Shabab. Die operasie word boonop bemoeilik deur ’n onbekende sluipmoordenaar wat kartellede een ná die ander afmaai. En die agent wat Tex-hulle moet red, is in die sluipmoordenaar se visier. Die operasie is vir Tex besonder moeilik, want hy het uiteindelik ’n liefde in sy lewe, Helena, aan wie sy hart behoort. Jaco vertel Tex…

A @home 086 111 1761, bash.com B Birkenstock 021 461 7426, bashafrica.comBlack Betty 071 672 6856, blackbettydesign.com C Coricraft winkels landwyd, coricraft.co.zaCountry Road 086 002 2002, woolworths.co.za F Foschini 086 111 1761, bash.com H HAUS by Hertex 0860 437 839, hertexhaus.co.zaH&M 086 069 0707, hm.com/za I Incanda incanda.co.za J Judith Atelier 082 450 4217, judithatelier.co.za K K.Light 021 552 4370, klight.co.za L Lovisa 011 268 0257, 021 551 1051 M Mango shop.mango.comMareth|Colleen marethcolleen.comMasch 081 306 9033, masch.co.zaMRP Home 080 021 2535, mrphome.com N Nicci Boutiques 011 783 7661, 021 425 0051, nicci.co.za P Pichulik 072 104 9544, pichulik.comPoetry 086 055 5529, poetrystores.co.za S Scotch & Soda scotch-soda.co.zaSteve Madden 087 351 0634, stevemadden.co.zaSweet Peas 066 530 4472, sweetpeas.co.za T Trenery 086 002 2002, woolworths.co.za W Witchery 086 002 2002, woolworths.co.zaWoolworths 086…

RUNDU, NAMIBIË Die gehuurde 4x4 is voor dagbreek in bedrukte stilte klaar gepak. Ons is haastig, woordeloos weg uit die kamp, die afgelope paar dae se leef daar geblik en gestoor vir ’n latere uitpak. Die rit terug deur die Caprivi is somber, ons gedagtes reeds ver vooruit op die eentonige reguit stuk pad wat lynreg deur my verlede sny. Destyds was dit ’n verblindende wit sandpad, uitgekap teen die voortdurende, weerskantige inkruiping van digte bos, maar nou geteer, die bosgasie tot op ’n veilige afstand teruggestoot. Die digte bos was destyds ’n lokvalhemel. Jy was senutergend bewus daarvan, oë vasgenael op die pad vir grondversteurings, op die stroke langsaan vir beweging. Die spanning is vererger deur ’n irriterende elektrisiteit tussen vel en katoen, droë lippe en ’n energietappende dors…

blokraai Oplossing op bl. 145. sudoku Voltooi die rooster sodat elke ry dwars, elke kolom afwaarts en elke vierkant van 9 blokkies die syfers 1 tot 9 bevat – sonder dat een van die syfers herhaal of uitgelaat word in die ry, kolom of vierkant. Oplossing onder regs. OM TE WEET! Ons is bly jy geniet ons gereelde blokraaie. Daar sal voortaan nie meer ’n wedstryd wees nie, maar jy gaan steeds met elke uitgawe die kopkrap kan geniet, met die oplossing onderstebo hiernaas. En onthou, die aparte tydskrif SARIE Blokraai met 150+ raaisels is tans op die rak. oplossings BLOKRAAI SUDOKU…

SY’S DIT werd Net een Helen Mirren! Meesterlik op die silwerdoek, speels, ewig jonk. By die onlangse Cannesfilmfees in Frankryk het die kleurryke aktrise met blou hare op die rooi tapyt verskyn. Perfek by haar tafsy-rok en in pas met die huidige Little Mermaid*-tendens. Hare is pret, het sy nog altyd gesê. Maar haar handwaaier met die woorde #WorthIt het veral aandag getrek. ’n Verskuilde boodskap? Nee, het Helen verduidelik, sy’s ’n L’Oréal-ambassadeur en hul bekende trefreël is Because you’re worth it. En sy het warm gekry! * The Little Mermaid, gebaseer op die boek van Hans Christian Andersen, wys tans in SA rolprentteaters. Lees ook die redakteursbrief op bl. 8. Ons inheemse gapant skitter. Ná jare van navorsing en nie opgee nie, het Johannesburgse plantkenners Andy de Wet…

Vir die eerste keer in tien maande is ek terug in Nantes, laat staan my bagasie in die voorportaal en vaar die strate in. In ’n nou stegie is ’n klein patisserie, bekend vir macarons, florentines en ’n lewensgevaarlike konkoksie van ragfyn skilferkors, gesmeer met ekstra botter, gestrooi met suiker en in sirkels gebak. Hier koop ek sakke vol eetgoed op elke eerste dag. Op dié dag stap ek verby. Tydens my hele besoek koop ek nie ’n enkele ding hier nie. Terug in Pretoria ry ek verby ’n restaurant, ’n plek waar ek en my vriende al vir jare kuier, selfs ’n gunstelingtafel het, ook die eienaars goed ken. Ek besef ek was meer as ’n jaar laas daar binne. ’n Week later stuur ek ’n boodskap aan ’n…

Om haarself weer heel te maak ná die dood van ’n vriendin het Lee-Ann Olwage in 2016 gevoel sy het nodig om rondom sterk vroue te wees. Sy het besluit om ’n fotoreeks oor die Black Mambas, ’n teenstropingseenheid bestaande uit vroue, te gaan skiet. En so is haar nuwe loopbaan gebore. “Dit was my eerste projek as fotograaf; ek is eintlik opgelei as regisseur en het toe as stelontwerper gewerk. My lewensmaat het kort tevore ’n professionele kamera vir ons reis na Indonesië gekoop. Ek was nogal kwaad omdat hy soveel geld uitgegee het op ’n kamera wat ons nie regtig nodig het nie – maar toe geniet ek dit só om foto’s te neem! Dit het net natuurlik gekom.” Die Black Mambas het ’n liefde vir fotografie in…

INSPIREERDERS Toe Eloise Cupido op 8 Mei vanjaar die eerste keer agter die mikrofoon inskuif as aanbieder van die splinternuwe RSG-radioprogram Intussen met Eloise het sy so ’n “oomblikkie” beleef. “Ek hét vroeër reeds in dié tydgleuf ingestaan. Niks het verander nie. Die knoppies was op dieselfde plek, die program se verloop dieselfde, maar skielik het ek gevoel ek kan skaars ’n bindteks [oorbruggingsin] sê,” vertel sy. Dit was net vlietend – Eloise hét immers al kleintyd op Montagu “the gift of the gab” gehad – maar sy was tog bewus van die skoene wat sy moes volstaan. Haar voorganger, Amore Bekker, wat die stasie ná 20 jaar gegroet het, was vir luisteraars soos familie. Noudat haar program sy ritme begin kry en Eloise al mildelik haar menswees met luisteraars…

Ons lééf nie meer nie, ons bestaan net. Sowat 95% van deelnemers aan die Britse studie Autopilot Britain erken dat hulle op stuuroutomaat leef. Dit beteken dat hulle nie betrokke is by die wêreld om hulle nie en onbewustelik besluite neem. Dit geld wêreldwyd, sê kenners. Ons neem trouens daagliks tot 15 besluite sonder om daaroor te dink. Dis nagenoeg 250 000 in ’n leeftyd! Volgens die Britse studie is ons “te besig” om te dink wat ons doen. Ons is ’n aandagafleibare geslag. Wanneer jy outomaties leef, leef jy in die verlede of in die toekoms, nie in die oomblik nie. Volgens navorsing aan die Harvard-universiteit in Massachusetts dwaal ons aandag gemiddeld 47% van die tyd dat ons wakker is. Terwyl jy so ingedagte is, probeer jy waarskynlik ’n…

Sorg in die wintermaande vir ’n knus atmosfeer in jou huis met ’n geurkers wat jou dekor sal komplementeer. Met bloedlemoen, appel, jasmyn en muskus skep die Circa Soy Candle in Blood Orange (R699) ’n warm, sonnige gevoel wat aan vakansietyd herinner. Die kerse van natuurlike sojawas en geurolies van hoë gehalte word met die hand gemaak en laat ’n blywende geur agter. Elke kers word in ’n pragtige herbruikbare glashouer gegiet en beloof om tot 70 uur te brand. By Dis-Chem Een van die grootste tendense in moderne ontwerp is ’n fokus op duursaamheid, volhoubaarheid en eenvoud in styl. Met sy sterk, elegante lyne en kombinasie van essehout en sagte leer voldoen die Masch-handsak (R3 500), geskep in samewerking met die kunstenaar Pierre van der Merwe, aan al…

woon Dis nie maklik om die perfekte huis te vind as jou wenslys insluit dat dit rustig maar kosmopolities, ook stylvol maar romanties moet wees nie. Vir die eienaar, Bruce Peach, eiendomsontwikkelaar van Mason Developments wat lank in Londen gewoon het, was dit nog ’n pluspunt dat dié huis in Kaapstad outentiek is met ’n geskiedenis. Hy het ook ’n kleiner huis verkies wat kwaliteit eerder as kwantiteit bied. Soos dit dikwels gaan met ou huise met vele eienaars, het die karakter gaandeweg verlore geraak. Die houtvloere was swart geverf, die plafonne is verlaag en die ou kaggels was verwaarloos. Bruce het Lindie Ferreira, eens ’n mode-ontwerper en deesdae ’n binneversierder, se hulp ingeroep. Die vloere is geskuur om glimmende hout bloot te lê en die nuwe plafonne verwyder. Nie…

EK HET BESEF EK HAAK VAS IN ’N WERK WAT NIE MY ROEPING IS NIE ANESIA PRIOR Anesia Prior sal nooit die dag in September 2020 vergeet toe sy haar eerste groot skildery in die kantoor van die uitvoerende hoof van ’n groot maatskappy in Windhoek gaan ophang het nie. “Dit was ’n wow-oomblik, byna surrealisties. Ek het besef ek kan ’n bestaan uit my passie maak. Mense glo werklik in my werk.” Wat die storie van dié kunswerk (’n abstrakte landskap met ’n enkele nguni-bees) merkwaardig maak, is dat Anesia geen formele kunsopleiding het nie en nog vier maande tevore ’n belastingkonsultant by die ouditeursfirma PwC in Windhoek was. Boonop het sy bedank net toe die Covid-pandemie uitgebreek het – “en kuns was die laaste ding waarop mense hul…

Ek onthou baie goed wat ek gesê het, kort voordat my ouers by my sou kom kuier: “Alles moet perfek wees.” Ons restoureer ons huis. Die gedeelte waaraan gewerk word – kombuis en woonkamer en gastekamer – word ontruim. Die meubels word in ’n ekstra slaapkamer opmekaar gestapel, daar is nie plek vir die spreekwoordelike luis nie. Daar is kratte en bokse met breekware onder die bed, bo-op die bed, in die stort, in ’n rytjie al af in die gang. My studeerkamer word ingerig as tydelike kombuis. Met my boeke weggepak, en ’n dik tafeldoek wat oor die lessenaar gegooi word, word my heiligdom van boeke en stilte die raserige, deurmekaar hart van ons bouperseel. Die kampstofie, ’n ketel met twee bekers, twee borde, ’n handvol messe en vurke…

Dis die tagtigerjare in Newtown, Johannesburg, die strate is vol oproeriges wat betoog. En tussen die menigte deur strompel “Charlotte Corday”, narkolepsielyer en psigiatriese pasiënt wat nie haar oë kan oophou nie . . . Sy sal nooit vergeet hoe regisseur Barney Simon haar tydens ’n repetisie vir die toneelstuk Marat/Sade só in die strate gestuur het nie – en sy móés in karakter bly, vertel Sandra Prinsloo, veteraan-aktrise. “Dit was eers angswekkend, maar toe tree die mense besorgd teenoor my op, vra of ek oukei is . . . Ek het agtergekom as jy bietjie ‘af ’ is, sal jy ’n revolusie oorleef!” Ná meer as vyftig jaar as aktrise is daardie ontdekkingsreis om in ’n karakter se kop te kom steeds vir haar dié lekkerste. “Ek is mal…

INSPIREERDERS Toe Isabella Kruger verlede jaar op die baan stap om haar land te verteenwoordig in die kwarteindronde van die Wimbledon-tennistoernooi vir juniors, moes sy haarself byna knyp om dit te glo. Dit was immers dáár, toe sy die Wimbledon-kampioenskap as sewejarige bygewoon het, wat sy besluit het sy wil ’n professionele tennisspeler word. “Ek en my sussie [Zoë, ook ’n tennisspeler] het al van kleins af begin tennis speel. Ek het daar, as sewejarige, gedink ek wil net altyd deel wees van dié wêreld. Daarom kan ek amper nie eens beskryf hoe dit gevoel het om daar deel te neem nie. Dit was oorweldigend, maar wonderlik. Ek het net probeer om elke oomblik in te neem.” Sy het van kleins af talent getoon, maar het duisende ure se harde…

Ons almal kan waarskynlik met die Oscarbenoemde fliek The Banshees of Inisherin se storielyn identifiseer: ’n Vriendskap wat sneuwel. Die een klap die vriendskapsdeur toe – terwyl die ander een dit desperaat probeer oopdwing. Seer sekerlik was jy al aan die ontvangkant van so iets. Of dalk was jy die een wat wegstap. Dus weet jy maar te goed: Menslike verhoudings ís ’n taai toffie. Hel is ander mense, lui die bekende aanhaling uit Jean-Paul Sartre se toneelstuk Huis Clos. Ja, om tussen ander te wees, met al hul kwellings en eise, kan moeilik wees. Om nie te praat van jou eie giere en geite nie. Jy kan nie net, soos met sosiale media, jou skootrekenaar toemaak met die eerste teken van ongemak of konflik nie. Net maar op jou…

Of sy nou op die rooi tapyt pronk of op straat gewaar word, die Emmy- en Golden Globebekroonde aktrise Zendaya se uitrustings is altyd die toonbeeld van moeitelose elegansie, selfvertroue en kreatiwiteit. Behalwe vir haar sangtalent en uitstekende vertolking van die dwelmverslaafde tiener Rue in die trefferreeks Euphoria, is sy ook bekend as mode-ikoon. In die lente van 2019 het sy haar eerste modereeks saam met Tommy Hilfiger, Tommy X Zendaya, bekendgestel. En in 2021 het sy die Council of Fashion Designers of America, ook al genoem die “Oscars van mode”, se Modeikoon-toekenning ontvang, op 25 die jongste persoon tot dusver. Toe die modehuis Louis Vuitton haar in April as ’n ambassadeur en die gesig van hul ikoniese Capucines-sak aangewys het, kon hulle nie ’n beter keuse gemaak…

TOP-BEHANDELINGS Buiten ’n goeie velsorgroetine is gereelde estetiese behandelings nodig vir meer onmiddellike en sigbare resultate. Volgens Yolandé Swanepoel, akademiese hoof van die Isa Carstens Akademie, behoort dié drie op jou radar te wees: 1. MIKRONAALDE BESTE VIR: Fyn lyntjies, vergrote porieë, littekens en rekmerke VERWAG DÍT: ’n Toestel met mikrofyn naalde word oor jou vel beweeg. Die gekontroleerde “wonde” wat vorm, stimuleer jou vel se herstelrespons en lei tot kollageenen elastienvervaardiging. Vir die beste resultate word vier tot ses behandelings aanbeveel. 2. ‘INTENSE PULSED LIGHT’ (IPL) BESTE VIR: Bruin vlekke, pigmentasie, gebarste aartjies, growwe veltekstuur VERWAG DÍT: Verskillende kleure ligstrale word gebruik om ’n verskeidenheid kwessies te behandel. Dis ’n goeie verjongingsbehandeling om mee te begin as jy skrikkerig is vir laser. Die aantal sessies hang af van die…

kos KOFFIESTOOMPOEDING MET WITSJOKOLADEVLA (bl. 95) Ryk en vol heerlike smake. Ek noem dié stoompoeding sommer Eskom-poeding, want jy het nie jou oond nodig om dit te maak nie. genoeg vir 6-8 • 125 g (135 ml) botter• 125 ml gouestroop• 100 g (125 ml) strooisuiker• 2 eiers• 210 g (375 ml) bruismeel• 160 ml melk• 100 ml sterk koffie VLA • 5 eiergele• 50 g (60 ml) strooisuiker• 500 ml melk• 5 ml vanieljegeursel• 50 g witsjokolade, fyngekap Spuit ’n keramiekpoedingbak of emaljebak met ’n volume van 1 liter met kleefwerende kossproei. Klits botter, stroop en strooisuiker in ’n middelslagmengbak tot romerig. Voeg eiers een vir een by en klits goed ná elke byvoeging. Roer bruismeel, melk en koffie by. Skep beslag in voorbereide bak en smeer bokant gelyk.…

Oop rakke wat diep en hoog is, is net die regte plek om versamelstukke op uit te stal in ’n kombuishoek. Dit laat die vertrek huislik en minder klinies voel. Sien die res van Bruce Peach se huis op bl. 104.…

Dit gebeur dikwels dat ’n paartjie jare lank saam is, maar nie tot trou kom nie. En net enkele maande nadat hul paaie geskei het, trou een van die twee met iemand anders. Sommige sê dit was “liefde met die eerste oogopslag” en hulle is dolgelukkig saam. Sulke verhoudings is lank “rebound”-liefde genoem – ’n reaksie op ’n gesneuwelde verhouding – en is gestigmatiseer. Deesdae sê kenners soos dr. Claudia Brumbaugh, ’n Amerikaanse psigiater wat volwasse verbintenisse navors, dat sulke verhoudings wel in iets spesiaals kan ontwikkel en kan hou. Mits julle uit jul vorige verhoudings geleer het en jul nuwe verhouding reg benader. Ons eie Suid-Afrikaanse kenners stem hiermee saam. Die Olimpiese swemmer Tatjana Schoenmaker was lank in ’n verhouding – tot Augustus verlede jaar. In Februarie vanjaar kondig…