Innehållsförteckning för Sept/Oct 2024 från SARIE

Net ’n spikkeltjie wit. Verdwerg deur die Eiffeltoring wat groots en onverstoord in die reën staan. Toe die bekende stem. Dit sweef oor die stad van liefde, en die skare ver benede dreun toe hulle besef wie dit is. In die donkerte raak derduisende stil, betower. Dit is net een van die lewe se onthou-oomblikke. ’n Wow-oomblik . . . Toe Céline Dion aan die einde van die openingseremonie van die Olimpiese Spele in Parys “L’hymne à l’amour” sing. Die liedjie wat Édith Piaf 75 jaar gelede geskryf het nadat sy die liefde van haar lewe in ’n vliegongeluk verloor het. Haar verlies in elke noot vasgevang, die lirieke ’n liefdesgebed. Céline se optrede in Parys het die wêreld onkant gevang. Haar stryd teen ’n seldsame siekte waarvoor daar geen…

’N LEWENSLANGE VREUGDE Tydens my onlangse “groot afskaal” na ’n meer kompakte blyplek was my dilemma groot: Al die serpe en sjaals en stolas wat ek deur ’n leeftyd as geskenke gekry het of iewers op vreemde eilande aangeskaf het, lê soos ’n veelkleurige berg op my bed. Deur die jare het ek probeer om die serpe te rol – soos deur Marie Kondo aanbeveel sodat die kreukels nie te opsigtelik is nie. Haar raad: Hou net iets wat vir jou joy gee. Warm wolserpe en koel syserpe is ook nie saam verpak nie, maar nou is alles deurmekaar. Laat my dink aan ’n ou-ou Leipoldt-gedig: Dis ’n deurmekaar ophoping, uitgesprei vir die verkoping. Nou moet die meeste van hulle aan die kinderhuis hier in Durbanville gaan om te help…

SARIE75 WENNER 2024 Mooi haar oë, haar hare, maar dis veral haar vasbyt. Dís waaroor SARIE75 gaan MICHÉLLE V Jy was in 2020 ’n Top 10-finalis. Hoekom weer inskryf? A Ek was maar 20 toe ek die eerste keer ingeskryf het. Ek was teruggetrokke en glad nie myself nie. Ek het probeer om te perfek te wees. Intussen het ek gegroei. Nou sal ek vir my jonger self sê: “Ontspan ’n bietjie. Jy hoef nie soveel druk op jouself te plaas nie.” Ek het gewik en geweeg of ek weer wil deelneem, maar ek kon nie tot rus kom nie. En toe skryf ek op die laaste nippertjie in. V Jou ingesteldheid is nou anders? A Destyds het ek in myself getwyfel. Ek het intussen geleer ek is goed genoeg…

1. Die rykheid en misterie van ons drome was die inspirasie vir ’n nuwe luukse parfuumreeks, vandaar die betowerende geurnote soos Turkse roos, jasmyn, frangipani, groentee, kardemom, leer en gemmer in die ses parfuums. Die Franse skoonheidshuis Sisley is ’n familiebesigheid sedert die egpaar Hubert en Isabelle d’Ornano dit in 1976 oorgeneem het en hul nasate is vandag nog aan die stuur van sake. Ons gunstelinggeur in die nuwe Les Eaux Rêvées-reeks is Sisley L’Eau Rêvée d’Hubert (R2 950 vir 100 ml EDT). Dis ideaal vir die lente, met die sternoot die groen, aardse geur van ’n malvaplant wat in Isabelle se tuin groei. Saam met kruisement, sederhout, patsjoelie en mos is dit ’n aromatiese groen geur geskik vir hom en haar. By uitsoektakke van Woolworths, Edgars en ARC 2.…

30 Die persentasie waarmee geboortedefekte toeneem as Pa ’n tekort aan folaat (vitamien B9) het. (Dit kom voor in groen blaargroente, bone, ertjies en neute.) Hoewel dit alombekend is dat swanger vroue genoeg folaat moet hê om ’n miskraam en geboortedefekte te voorkom, maak die nuwe pa se folaatinname dus ook saak, volgens ’n studie in die joernaal Nature Communications. BRON: trilinkbiotech.com AARDE VAPE SAAM Reg oor die Amerikaanse vasteland en terug: Dis hoe ver die weggooibare e-sigarette wat jaarliks in Yank-land verkoop en dan rommel word, sou kon strek, volgens ’n verslag van PIRG (pirg.org), ’n organisasie wat hom beywer vir dinge van openbare belang (gesondheid, veiligheid, welwees). Die damptoestelle is gewoonlik van plastiek en word ontwerp om gebruik en dan weggegooi te word. Teenoor toestelle wat met e-vloeistowwe hervul…

STERBOEK VAN DIE MAAND VITAMIN TXT: WORDS IN CONTEMPORARY ART redakteur Simon Hunegs (Phaidon, R1 650) Oor die eeue heen word skrif gebruik om boodskappe in kunswerke oor te dra. Dié pragboek bekyk 500 werke deur 103 kontemporêre kunstenaars – bekend en ontluikend – vanuit 34 lande. In die inleiding gee die kunskritikus Evan Moffat ’n beknopte geskiedenis oor die rol van skrif in kuns. ’n Kunstenaar met Suid-Afrikaanse bande wat my beïndruk, is Lerato Shadi. Sy is in Mahikeng in Noordwes gebore en woon en werk tans in Berlyn. In haar woordkuns ondersoek sy staatsleierskap, demokrasie, geskiedenis en ras as temas. Baie van haar werk is installasies wat sy ter plaatse doen tydens die duur van haar uitstallings. In haar werk Makhubu skryf sy in sirkels in skakerings van rooi…

Ek bel my vriendin Nikolien. Weet jy van ’n verlate kerkie iewers in ’n woud, ek moet dringend trek, sê ek. Maar jy woon in jou droomhuis! sê sy. Hier is nou hondjies en leafblowers, dis nie meer soos voorheen nie. Wat van oorfone? Het probeer, maar dan kan ek nie die foon hoor nie. Doen jy nog joga en meditasie? vra sy. Ek doen dit, sê ek. Maar hulle het ook nou alles wat groei afgesaag sodat inbrekers nie kan wegkruip nie, hulle sê dis die tye waarin ons leef! Daar is stilte. Toe sê Nikolien: Jy moet trek. Skoonheid en blare is jou oorlewing. Maar dit gaan jare neem, jy weet hoe puntenerig jy is. En hierdie is nou die derde keer in ’n ry dat jy oor…

V Twaalf jaar nadat jou dogter Tana Ferreira (nou Van Rooyen) die Voorbladgesig-wedstryd gewen het, is jy nou ons wenner! Op 68 A Tana het my ingeskryf en ek het aanvanklik nie ’n dooie ding daarvan geweet nie. Toe ek uitvind, het ek gewonder of ek nog mooi genoeg is om deel te neem, maar ek was ook opgewonde. Buiten dat ek hard werk, is daar nie vreeslik baie opwinding in my lewe nie. Toe sê ek vir myself: “Marieta, hoekom nie?” V En toe was jy in die Top-8 . . . A En toe dink ek nóú moet ek Botox spuit! Ek het eendag met ’n plastiese chirurg gesels en hom gevra dokter, doen jy Botox? Hy het gelag en gesê: “Ja, maar jy het dit nie nodig…

Kategorie 2 (1960 – 1969) ROBERTA ALESSANDRI (57), DURBAN, ENTREPRENEUR Ek het ’n joie de vivre. Ek’s lief vir die lewe en ek waardeer dit elke dag. As iets slegs met my gebeur, fokus ek op die dinge wat goed is. Ek kiés om die lewe te geniet. Met die kompetisie wou ek wys ’n mens kan steeds op 57 modelwerk doen, of selfs eers op 57 ’n model word. Kategorie 3 (1970 – 1979) ADELLE JUNG (46), JOHANNESBURG, GRIMEERKUNSTENAAR Ons is wie ons is oor wat ons deurgemaak het. Jou wonde wys jou groei. Elke les gee jou perspektief vir iemand anders se seerkry; die pad wat hulle moes stap. Dit leer jou empatie en ek glo dis iets wat mense in jou kan raaksien. Skoonheid gaan meer daaroor…

Ons onderhoud vind plaas oor twee tydsones heen, met twee kontinente en 12 931 kilometer tussen ons. Die medium? Zoom. Tien minute voor die onderhoud begin, kleur ek my lippe rooi in en berei myself geestelik voor vir ’n skoonheidskoningin wat eksieperfeksie gaan lyk. Maar wanneer Demi-Leigh Tebow by my aansluit, is sy net die doodgewone meisie van Sedgefield wat van skaaptjops en Suid-Afrika hou. “Jammer! Ek het nie eens ’n tikkie grimering aan nie,” lag sy. Sy voel ligter. Dis Demi-Leigh sonder die kroon, sonder pretensie, sonder voorgee en sonder ’n label. Ek het my waarde aan iets geheg wat nie vir altyd gaan hou nie. Iets wat tydelik was DEMI-LEIGH TEBOW Q Was daar ’n spesifieke oomblik wat jou aangemoedig het om jou boek, A Crown that Lasts:…

Pienk satynbroek (R529), H&M. Pistasiegroen snyersbaadjie van herwinde poliëster (R529), H&M. Olyfgroen laehakinsteekskoene van kunsleer (R499), Foschini. Silwerkleurige halssnoer (R110), Queenspark. Poeierblou is ’n sterk kleur danksy sy veelsydigheid in van gestreepte tot klassieke stapel-items. Blou-en-wit gestreepte katoenhemp met kant-insetsels (R1 599), mango.com. Tydens die vertoning van Chanel se Haute Couture 2024-reeks in Parys het pastelkleure die loopplank oorheers. Van hul kenmerkende tweed-items tot romantiese, vroulike uitrustings. Totsiens goud, hallo silwer. Vir ’n vars aanslag in die nuwe seisoen, kies bonkige silwer juweliersware. Silwerkleurige sink-armband (R599), mango.com. Punthakke is terug! En nie net vir kantoor nie, dit rond enige somersuitrusting af. Silwer punthakskoene van kunsleer (R999), Zara. In die nuwe seisoen kan ons nie genoeg kry van die krag van blomme nie. Veral 3D-blomme in bykomstighede trek aandag. Verstelbare halssnoer wat…

As kind het ek gedink grootmense baklei nie. By navraag kom ek agter baie vriende het ook gedink wanneer jy ’n denkbeeldige lyn van kind na volwassene oorsteek, stop die stryery eensklaps, want net kinders baklei. Ons ouers – met goeie bedoelings – het nie voor die kinders rusie gemaak nie. En dan eendag as jy groot is, besef jy grootmense stry erger as kinders en dikwels oor dieselfde goed – al in die rondte. Dít het ander vriende kleintyd reeds geweet toe daar in hul ouerhuis gedurig een of ander geveg was met ’n heen-en-weer-geskree, deure wat toeklap of stilstuipe wat dae kon duur. DIT KOM VAN VER Volgens Esther Perel, ’n Belgies-Amerikaanse psigoterapeut en kenner op die gebied van menslike interaksie, leer ons as kinders hoe om in…

KRUISBLOMMIGE GROENTE Ja, dis gesond. Maar neem jy warfarien, ’n bloedverdunner, moet jy let op hoeveel jy eet. Sommige – veral krulkool (kale), rooikool en broccoli – bevat baie vitamien K. Dit kan die bloedverdunner se vermoë om bloedklonte te voorkom verminder. En kan gebeur as jy skielik meer of minder van dié groente eet. Probeer dus om elke dag dieselfde hoeveelheid in te neem sodat jou vitamien K-vlakke konstant bly. SJOKOLADE Monoamienoksidaseinhibeerders (MAOI’s), ’n ougenerasie-antidepressant wat ook vir Parkinson se siekte geneem kan word, kan inmeng met die afbreek van tiramien, ’n aminosuur wat in verskeie voedselsoorte voorkom. Hoë vlakke van tiramien in die bloed kan jou bloeddruk gevaarlik laat styg. Tiramienryke kosse sluit in sjokolade, verwerkte vleis, beleë kaas en sojaprodukte. ANTIHISTAMIEN Dit help vir die nies, proes…

Riette beklemtoon sy het die skryfproses nie as terapie aangepak nie. “Selfdood is ’n ingrypende, hartverskeurende gebeurtenis in enigiemand se lewe. Ek het glad nie geweet hoe om JD se selfdood emosioneel of prakties te hanteer nie. Dit het onmoontlik gelyk om weer op te staan, ek wou eerder self sterf om by hom te wees. Die skryfproses het my van voor af getraumatiseer, maar ek het deurgedruk omdat dit die boek is wat ek sou wou gehad het toe ek so verlore was,” vertel sy. Haar herinneringe lig sy toe met wetenskaplike feite oor depressie en selfdood en sy gee praktiese wenke vir die hantering van erge trauma. “Wat die titel van die boek betref . . . dis deel van die misterie van die boek. Al wat ek…

GLANS Magnifique! DELIKAAT SOOS ’N DRUPPEL Die wêreld se bekendste parfuum, en die eenvoud van die bottel ikonies. Sedert 1921 is Chanel No. 5 se geure uitgebrei, maar die bottel het grootliks gebly. Tot nou! Vars Chanel No. 5 L’éau is vir die eerste keer in ’n ovaalvormige bottel wat pas in die palm van jou hand. Delikaat soos ’n druppel parfuum. Die eerste geurnoot is sitrus en aldehiede, gevolg deur jasmyn, roos en ilang-ilang en uiteindelik kuskusgras en sederhout. Net ’n beperkte aantal van dié mooie bottels is te kry. R2 905 vir 50 ml L’éau EDT by Chanel-boetieks in Sandton City, Menlyn Park, die V&A Waterfront en Gateway. WÊRELD AAN CÉLINE SE VOETE Ons het gedink haar loopbaan is verby. Dat die stem agter Titanic se “My Heart…

Ek het geleer om nie té nederig te wees nie, om selfvertroue te hê LILA (REGS) Ek het geleer om grasie met myself te hê en die klein oomblikke te koester ANOUK (LINKS) ANOUK JANSE VAN RENSBURG V Toe wen jy met jou derde probeerslag . . . A Ek was nie seker of ek weer wou inskryf nie. My ma, Inge, het my aangemoedig om dit nog ’n keer te doen. Om te wen beteken jy kan kom waar jy wil wees as jy aanhou probeer. V Enige ondervinding as model? A Ek het al so baie aan modelwerk gedink, maar nog nooit regtig tyd daarvoor gehad het nie. Ek het een of twee professionele fotosessies sommer net vir myself laat doen. Ek oorweeg dit om volgende jaar deeltyds…

WÊRELDKLAS-BEDERF Die Isa Carstens Akademie is bekend vir hul top-somatoloë. By hulle het ons kategorie-wenners die luukse van ’n wêreldklas-skoonheids- en spa-bederf ervaar. Die akademie is die afgelope sewe jaar ’n borg van SARIE Voorbladgesig en SARIE Nuwe Gesig. MAURITIUS WAG VIR HÁÁR! Sy’s ons SARIE75-wenner, ’n spesiale titel in SARIE se mylpaaljaar. Binnekort is die 24-jarige Bianca onderweg na die eiland vir ’n fotosessie by die Shandrani Beachcomber-hotel. Die reëlings is getref deur Leonie Meiring van Ritz Travel Southdowns. Die vlugte word voorsien deur SAL en die spog-hotelverblyf deur Beachcomber. ALMAL OP TV, SOWAAR! Sterre in die kollig. Al agt wen saam ’n verskyning op kykNET se baie gewilde sepie Binnelanders. NÉT VIR NUWE GESIG Anouk en Lila deel dié titel. Albei kry ’n onderhoud en lugtyd vir hul skool…

INSPIREERDERMA-DOGTER-STORIE INSPIREER DRAAIBOEK Toe daardie tere dingetjie op my bors neergelê is...Haar klein gesiggie het my hart verower TINKIE NORTMANN Haar ma is ’n sterk vrou, vertel Tinkie Nortmann se dogter, die aktrise Simoné Pretorius, onlangs op die kykNET-program Hannes aan huis. Tinkie, wat nou in Centurion woon, was 29 en destyds ’n kaptein in die Suid-Afrikaanse Lugmag wat tot majoor bevorder sou word toe sy swanger word – as ongetroude, téén weermagreëls. Die pa, ’n leëroffisier, het aanvanklik geweier om met haar te trou. Tinkie onthou: “Dit was die toppunt van verwerping, ’n reuse-skok.” Dan sê sy: “My ma, Jossie Nel, was ’n oorwinnaar. As dit nie vir haar voorbeeld van geloof en vasbyt was nie, dan sou ek gesukkel het om al die skokke in my lewe te…

Of jy nou van haar hou of nie, een ding is seker: Die jongste lid van die Kardashian-clan is ’n baanbrekerentrepreneur in die skoonheidsbedryf. In November 2015, op die ouderdom van net 18, het Kylie Jenner haar eie debuut-skoonheidsproduk bekendgestel. Die Kylie Lip Kit, ’n stel met ’n vloeibare lipstiffie en lipomlyner beskikbaar in drie kleure, het letterlik binne sekondes uitverkoop. In 2016 is die maatskappy hernoem tot Kylie Cosmetics en sy het begin om haar skoonheidsryk op te bou. Haar e-handelskoonheidswebwerf, kyliecosmetics.com, deesdae met van kosmetiekware tot velsorgprodukte en parfuums, word as van die suksesvolstes ter wêreld beskou. In 2019 het die saketydskrif Fast Company Kylie Cosmetics as een van die wêreld se 50 mees innoverende maatskappye aangewys. ’n Jaar later het die skoonheidsreus Coty Inc. ’n 51 persent-belang…

3 REINIGERS, DRIE TEKSTURE 1. LumiGlo The Glo Cleansing Exfoliating Balm (R285). ’n Balsem-reiniger werk goed om grimering behoorlik te verwyder. Dié een bevat ook bio-afbreekbare korrels vir ligte afskilfering. By lumigloskin.com 2. Beaut Posh Wash (R450). Kies ’n romerige reiniger as jou vel geneig is om sensitief of baie droog en gedehidreerd te wees. By Dermastore 3. Gatineau Radiance Enhancing Gelée Cleanser (R675). ’n Jelreiniger is veral geskik vir kombinasie- of olierige velle, sonder om die vel te stroop van vog. By Woolworths en Truworths Die veiligste manier om jou vel ná ’n lang winter ’n sonbruin glans te gee is met ’n selfverbruiningsproduk wat jy aanspuit of -smeer. Tog kan selfs ’n geoefende hand soms streperigheid op jou lyf veroorsaak. Dis waar die Caribbeantan Professional Self-Tan Eraser (R120)…

EERSTE DIE EIER Plaasvars eiers is net die ding om jou gebak na nuwe hoogtes te voer. En varser as Babylonstoren s’n kry jy nie. Die hoenders loop vrylik rond met toegang tot skaduwee, vars water en veilige slaapplek saans. R42 vir ’n houer met 6 vryloopeiers op die plaas self of aanlyn by shop.babylonstoren.com Meng die bestanddele vir jou beslag in hierdie bak met sy fraai patrone. Die Mason Cashmengbak (29 cm) in verskeie kleure, van poeierpienk tot groen, kos sowat R900 by goeie kombuiswinkels. Strikke is in en ons is gaande oor die trend. Gebruik jou gunstelinglint en versier jou croquembouche daarmee of bind ’n strik om die voetstuk van jou koekstaander. KitchenCraft se Sweetly Does It-reeks het ’n pak met 5 verskillende rolle lint (2 m per…

Die wêreld reis weer! Verlede jaar het byna netsoveel mense gevlieg as voor 2020. Maar kenners sê al voel die pandemie dalk deesdae na ’n vae onwerklikheid, het dit ongetwyfeld sy stempel op die reisbedryf afgedruk. Die mensdom het gesien hoe vinnig dinge kan verander. Hulle wil nie meer wag vir eendag nie. Ná Covid het die manier waarop mense reis aansienlik verander, sê Jurgens Schoeman, besturende direkteur van die toeragentskap Live The Journey. “Daar is ’n groter sensitiwiteit by reisigers oor waarheen om te gaan, wat om te beleef, saam met wie, die verskil wat hulle wil maak, hoe uniek dit is, en sonder twyfel is daar ’n groeiende tendens en begeerte om outentiek te ervaar.” Betekenisvol reis (meaningful travel ) is een van die gonswoorde van die bedryf…

’n Stewige, kleurryke nuwe reisboek bereik my deur die pos. Soos ek deur die versameling Europese fotostories blaai, begin mý reis saam met die skepper en reisiger Annemarie Terblanché en haar vriendin, die uitlegkunstenaar Ansa Fourie. Albei was eens van Suid-Afrika. Annemarie se Street Stories of Europe: Framed by my phone and found by my feet (R595, Porcupine Press) het pas verskyn. Dis nie die gewone reisgids met wenke oor goedkoop eet- en slaapplekke of die móét-sien-dinge wat reisigers moet aftik nie. Een van Annemarie se grootste uitdagings was om weg te doen met die tipiese “reis”-skryfstyl waaraan boekwinkels en die internet oorversadig is. Ansa, die uitlegredakteur, sê: “Ons het besluit op ’n holderstebolder, vrolike gevoel met baie beweging. Dit moes nie konvensioneel wees nie.” Vir kontras en tekstuur het…

BOEKUITTREKSEL Ek weet dadelik my man is dood. Hier eindig my lewe. Ek kan nie die skrik en bewing regdeur my lyf beheer nie. Daar is ’n geweldige pyn op my bors, dit sal maande lank daar bly. Ek wil ween en nooit ophou nie, maar ek kry dit nie reg nie. Ek moet kophou. Wat doen ek eerste? Daar is iets hulpeloos, magteloos en hartseer aan wat ek voor my sien. Hy is die een wat dikwels gevra het hoe iemand aan sy eie hand kan sterf. “Daar is áltyd hoop,” het hy gesê. Sanna (ons huishulp) moes my hoor gil het, want sy staan nou agter my. “Hoekom het Meneer dit gedoen?” Al het ek natuurlik nie sélfdood verwag nie, weet ek hoekom hy dit gedoen het. Dis…

blokraaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blitsblokraaie BLITSBLOKRAAI 1 Oplossing op bl. 158 DWARS 7 Afbeelding (8)8 Kiln (4)9 Drie maal dertig (8)10 Skoonheid vergaan, maar . . . bly staan (4)11 Afdop (7)13 Styl (5)15 Stiletto (5)17 Kwaai weerstand bied (7)20 Merkie op ’n aartappel (4)21 Britse onkruid (8)23 Vat (4)24 Bevry (8) AF 1 1 Stadium (4)2 Opdrag gee (6)3 Eierlêende dier (7)4 Internetjoernale (5)5 . . . gooi (beledigings slinger) (6)6 Sinspeling (8)12 Bedlinne (8)14 Verdowing voor ’n operasie (7)16 Onbekend (6)18 Asteriske (6)19 Oneerlik (5)22 Vals (4) BLITSBLOKRAAI 2 Oplossing op bl. 158 DWARS 1 1 Speel-speel (7) 5 Praat (5)8 Aartappelplantjies (5)9 Skielik (7)10 Tekenaar (13)11 Peripetie (6)12 Deursypeling (6)15 Agent (13)18 Wynmengsel (7)19 Opreg (5)20 . . .…

Gewoonlik knoop ek nie geselsies aan met vreemdelinge nie, maar onlangs in Parys druk ek sowaar my skugterheid soos ’n gebruikte sakdoek in my mou en praat sommer met ’n hele busvrag vol vreemdelinge. Boonop toeriste, Amerikaanse toeriste, so lawaaierig selfversekerd soos net Amerikaners in ’n ander land kan wees. Die soort gedrag wat my meestal vinnig laat vlug. Maar dié klomp bejaarde vroue wat laggend uit ’n bus naby die Notre Dame peul, met die energie van stout kinders op ’n skooluitstappie, stuit my in my spore. Meteens is daar ’n kol pers-en-rooi plesierigheid in die straat terwyl hulle saambondel vir ’n groepfoto, want hulle dra almal pers uitrustings, elkeen met ’n verspotte rooi hoed op die kop. Voor ek my kan keer, stap ek nader en vra of…