Innehållsförteckning för Nov/Dec 2024 från SARIE

Die jaar op sy einde en my gedagtes dwaal . . . Hoe mooi is Kerskaartjies, dink ek skielik. Soos destyds. Toe daar al van vroeg Desember byna daagliks ’n klompie koeverte in die posbus beland het. Die versigtig oopmaak, elkeen anders met ’n feesboodskap van iemand spesiaals. Oor en oor het ek gekyk – daar waar hulle aan die Krismisboom gehang het, of in ’n ry aan die toutjie teen die muur. Party klein, party groot, sommige wat hul blinkers bly strooi het, ander perfekte kunswerke vir die bêre en hou. Kaartjies vol vreugde. Een jaar in New York is ek op ’n missie, die koue ten spyt. Dis vroeg Desember, die Rockefeller-sentrum se manjifieke Kersboom staan gebaai in liggies en ek soek kaartjies, soos van ouds. My oog…

BESTE KERSVADER . . . ‘Wat ek vir Kersfees wil hê is nie te veel gevra nie. Ek kan doen met ’n ruskans. Veral oor Kerstyd. En ’n blaaskans van my skapies. Net ’n kortetjie. Sien, as ek rustig op my stoep sit en ek sien ’n lammerooi daar in die kamp, wonder ek hoekom sy sonder haar lam rondloop. Ek begin kwel oor die jakkalse en die rooikat wat skade maak. En as ek nou so reguit mag wees . . . ek hoop die familie se planne val deur die mat. Ek hou van hulle, solank hulle bly waar hulle is. Ek het nie regtig ’n probleem met die oumense nie. Dis net dat Pa weier om sy “ore” in te sit. Ma weet heeltyd van beter en…

V Wat het jou aangetrek tot die kykNET-telenovelle Skemergrond en jou karakter, Hazel Maarman? A Wel, ek was nog nooit ’n Maarman op televisie nie! En Hazel is my tannie se naam. Toe ek ’n e-pos oor die karakter ontvang, dink ek . . . as ek nie hierdie rol kry nie, is daar iets fout. Hazel is ongelooflik sterk, en sy dra haar hart op haar mou. Jy kan sterk wees, maar soms moet iets meegee. Kykers sal sien hoe sy die storms moet trotseer en die hartseer wat sy ervaar. Skemergrond gee ’n blik op familie. Jy kan dinge probeer wegsteek, maar uiteindelik word daai mat so hoog met al die vuilgoed daaronder dat jy daaroor begin struikel. Almal het ’n storie . . . en daar is…

En meteens was dit daar. ’n Groen so luidrugtig, dit skroei jou oogballe. “Brat”-groen, word dit genoem, sinoniem met die Britse popikoon Charli XCX se trefferalbum. Dit het selfs die Amerikaanse presidentskandidaat* Kamala Harris se heelal ingesluip. Want kyk, Kamala se amptelike rekening op X (voorheen Twitter), @kamalahq, het ’n neongroen banier in tipiese brat-styl. Dis nou ná Charli XCX op X uitbasuin het: “Kamala IS brat.” Haar manier om aanhangers te laat weet: “Julle, Kamala het my tjap van goedkeuring. Stem vir haar!” Verlede jaar, weer, is deur die popkultuur pienk geverf. Fliekgangers wêreldwyd het hulle in Barbie-pienk uitgevat vir Greta Gerwig se gelyknamige, rekord-verpletterende fliek. Van die rooi tapyt tot musiekvideo’s was als suikersoetpienk. Barbie se warm pienk het ’n lang geskiedenis. Brat en die gepaardgaande skelgroen is…

KUBERKUIER V Hoekom Spanje? A Ek het altyd daarvan gedroom om oorsee te studeer, maar nooit gedink dit sal in Spanje wees nie. Verlede jaar, tydens my honneurs aan die Universiteit Stellenbosch, is ek op LinkedIn deur ’n Spaanse universiteit genader om my meestersgraad in sakebestuur (mode en luukse goedere) in Madrid te doen. Ek was eers skepties, maar het twee weke later besluit om tog aansoek te doen. ’ n Maand ná my onderhoud het ek gehoor ek is aanvaar. Ek was aanvanklik baie senuweeagtig, maar was met die intrapslag in Madrid verlief op die Spaanse kultuur, die rustiger leefstyl, en natuurlik die kos! Wat vir my die meeste uitstaan is dat hulle geloof en familie prioritiseer, en altyd tyd maak om te sosialiseer. Elke maand word ’n fiësta…

Haar naam is Milana, Mila vir party mense. Maar vir haar ma, Harriët, bly sy Haas of Hasie, die troetelnaam wat sy vir haar as vyfjarige dogtertjie gegee het. Toe het Harriët haar oortuig as sy die woord hasie op die eerste dag van die maand sê, sal dit die res van die maand vir haar geluk bring. Nou is dit 50 jaar later en Mila glo nie meer haar ma se stories nie. En sy wil haar nie weer sien nie. “Wat gebeur het, is agter haar. Sy het niks meer vir haar ma te sê nie. Die Harriët-boek is toe.” Maar ís dit? Die verhaal ondersoek die komplekse verhouding tussen ’n ma en ’n dogter en hoe kleintydse ervarings ’n blywende impak daarop kan hê. Die leser het…

blokraaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blitsblokraaie BLITSBLOKRAAI 1 Oplossing op bl. 158 DWARS 7 Slagoffers (6)8 Ontknoop (6)9 Nie gedoen nie (8)10 Houtwigte (4)11 Het afgeneem (4)12 Perdekardrywer (8)14 Bomplanter, bv. (8)16 In die pad steek (4)18 Groot vrees (4)20 Beroering (8)22 Kunsversameling (6)23 Onluste (6) AF 1 Spotspraak (6)2 Elfde maand (8)3 Pynlik (4)4 Tiener (8)5 Maaltye (4)6 Eetbare knolle (6)12 Dieprooi (8)13 Die . . . met lekkerkry klaarkry (8)15 In die toekoms (6)17 Lekker lag (6)19 Uitsit (4)21 Tentoonstelling (4) BLITSBLOKRAAI 2 Oplossing op bl. 158 DWARS 1 Bevry (6) 8’n Vrug (8)9 Gaarmaak (4)10 Peilstif (5)11 Dikker word (4)12 Waarnemer (6)14 Kombuisvyl (6)16 Kruieaftreksel (6)19 Aanhaal (6)21 Wegskram (4)23 Bêreplek vir kos (5)25 Verhinder (4)26 Kennis (8)27 Swaar asemhaal (6) AF…

Ek staan in die gang met ’n deurknop en twee skroewe in my hand. ’n Deur wat nooit toegemaak word nie, is nou toe, ek kan nie sien waar die twee skroewe hoort of bepaal hoekom hierdie klein ramp nou moes gebeur nie, uiteindelik skakel ek ’n slotmaker. Die opdaag is twee-honderd-en-vyftig rand en die arbeid is ekstra, sê hy. Dis reg so, sê ek. ’n Uur later staan ’n groot man in die gang. Hy kyk na die gat in die deur, die knop en die twee skroewe, toe haal hy ’n skroewedraaier en silwer pennetjie uit ’n kissie en vroetel aan die deur. Binne oomblikke is die deurknop op sy plek en die deur is weer oop. Daar’s hy, dis tweeduisend rand, sê hy. Ek sê, Is jy…

Hoekom werk party verhoudings tussen lewensmaats wat oënskynlik nie veel gemeen het nie? Is dit ten spyte van hul verskille, of te danke daaraan? Die sosioloog Robert F. Winch het reeds in die vyftigerjare antwoorde op dié vrae gesoek, wat gelei het tot sy studie van mense se keuse in lewensmaats. Hy wou vasstel of daar iets te sê is vir opposites attract. Volgens sy boek Mate-Selection: A Study of Complementary Needs is mense nie doelbewus tot teenoorgesteldes aangetrokke oor die andersheid nie, maar eerder omdat ’n mens die ander onbewus eien as iemand wat jou kan komplementeer. Carina Stander en Gerrit van Niekerk is al 24 jaar saam, 21 daarvan as getroudes. Hulle woon sedert 2008 saam met hul seuns, Aden (17) en Ilan (13), in die Tsitsikamma. Carina…

RUS EN ONTSPANNING Jou troeteldier is vir jou ’n veilige hawe, maar jou teenwoordigheid kan ook jou viervoet kalmeer en laat floreer. Balans is wel nodig, want ’n te intense mens-dier-interaksie kan lei tot aggressie, vrees en skeidingsangs by jou dier. Weet ook dit kan stresvol vir sommige troeteldiere wees om te veel hanteer en onvanpas getroetel te word. Deel jy en jou pelsbaba ’n bed, kan dit tot albei se voordeel wees. Dit lyk asof baie troeteldiere verkies om in die nabyheid van ’n mens/dier te slaap. MAAK (TWEE- EN VIERBEEN-)VRIENDE ’n Wandeling met jou troeteldier het meer voordele as net oefening. Jou viervoet kan vriendskappe en verhoudings aanhelp – en jou meer deel van ’n gemeenskap laat voel. Troeteldiere dien as ’n sosiale “smeermiddel” en help om verhoudings…

DILEMMA Die feesgety is inderdaad ’n tameletjie vir ’n onlangs geskeide. Jy voel waarskynlik eensaam, of jou familie kies kant. Hoe ook gemaak met die kinders en ou tradisies? Hier is raad van kenners en mense wat al daardeur is. VERANDER JOU GEDAGTES Anna Veldtman* sê haar eerste feesseisoen as geskeide was érg. Haar seuntjie was maar twee en ’n half jaar en haar babadogtertjie net twee maande. “Ek het verlore, alleen, oorweldig en baie emosioneel gevoel,” sê sy. Toe laat vaar sy die ideale prentjie van Kersfees. Daarna het pa en ma afwisselend Kersfees saam met die kinders gevier. “Ek het vir hulle gesê hulle is baie gelukkig, Kersfees duur twee dae tussen twee huise, met dubbel soveel geskenke.” Zania Oosthuizen, berader van Pretoria, sê daar is nie ’n…

A @home 0860 834 834, home.co.za B Block & Chisel 011 442 0809, 010 593 9308, 021 712 5193, blockandchisel.co.za D Down To Earth Jewellery 065 134 6997, downtoearthjewellery.co.za F Foschini 0861 111 761, bash.com G Gert-Johan Coetzee 011 782 4856 Guess guess.co.za H H&M 0860 690 707, hm.com/za L Lovisa 010 143 0780, lovisajewellery.co.za M Mango mango.comMe & B 072 611 1979, meandb.shop O Old Khaki 086 044 4429, oldkhaki.co.za P Poetry 0860 555 529, poetrystores.co.zaPretpakkie 082 784 5251, pretpakkie.co.za T Trenery 0860 022 002, woolworths.co.za Q Queenspark 086 178 3367, queenspark.com W Witchery 0860 022 002, woolworths.co.zaWoolworths 0860 022 002, woolworths.co.za Z Zara 011 302 1500, 021 446 8700, 031 536 6440, zara.com/za…

GLANS DIE NELLIE TOPS IN AFRIKA Die Mount Nelson in Kaapstad is onlangs as die beste hotel in Afrika aangewys – en dis boonop 28ste op die ranglys* van die wêreld se 50 beste hotelle in 2024 (The World’s 50 Best Hotels-lys). Talle politici, beroemde skrywers en vermaaklikheidsterre het al deur die jare by die Nellie tuisgegaan, van Henry Kissinger, prinses Michael van Kent, Joanna Lumley en Liberace tot Agatha Christie en Charlize Theron. Toe die deure in 1899 geopen het, het resensente dit geprys as “selfs beter as sy Londense eweknieë”. * Die 50 Best-ranglyste plaas die kollig op die wêreld se top-eetplekke, -kroeë en -hotelle. SARIE VOORBLADGESIG 2022 BRITTANY SMITH IN My Fair Lady EERS MARIA, NOU ELIZA DOOLITTLE! “I Could Have Danced All Night”, “Wouldn’t…

Ek bevind my reeds twee jaar op ’n Griekse eiland. Sak en pak. Ek weet hoe dit voel om almal en alles agter te laat, maar ek weet ook hoe dit voel as kinders emigreer. Albei my kinders woon in die buiteland – my seun, sy vrou en hul seuntjie in Indonesië en my dogter en haar man in Nederland. Verspreid en deel van die diaspora uit Suid-Afrika. “Vertrek mense en masse uit hul land, min of meer vir goed, kan jy dit ’n diaspora noem. Die nagenoeg een miljoen Suid-Afrikaners wat oor die afgelope dertig jaar hul heil elders gaan soek het, kwalifiseer vir hierdie term,” skryf Frederik de Jager in die inleiding van Ver in die wêreld – ’n kortverhaalbundel wat hy saamgestel het met 21 ekspats se…

SIEN KOOPGIDS OP BL. 143…

Hoe vervelig sou dit nie wees om met iemand nes jy te trou nie. Nee wat, sê die akteur, filmmaker, storieverteller en soms liedjieskrywer Tim Theron en sy vrou, Juanli, hoof van die tolkdiens van die Universiteit Stellenbosch se taalsentrum. Hulle vier eerder die verskille in hul huwelik. “Verskille is nie noodwendig konflikpunte nie. Dit laat mens groei,” kom dit uit een mond. En heel nugter: In ieder geval kan geen huweliksmaat die ander een ooit honderd persent tevrede stel nie. Tim en Juanli gesels ontspanne op die Welgevonden-landgoed buite Stellenbosch. Hulle woon in dié rustige omgewing saam met hul kroos, Sophia (10) en Migael (7), Haggis die Scotty en drie katers, Isa, Katryn en Saartjie. Tim was die afgelope twee jaar druk besig met Heart of the Hunter vir…

Party vakansies ontstaan as gevolg van ’n lewenslange droom, ander is ’n op-dienippertjie-plan. Nog ander gebeur danksy ’n stoeppraatjie . . . ’n Jaar gelede het ek by my goeie vriendin Amé Venter op die Overbergse dorpie Greyton gaan kuier. So al sittend op die stoep begin ons reisstories uitruil, en voor ons onsself kon kry, praat ons oor die moontlikheid van ’n Amerikaanse vakansie wat rondom Disney World in Orlando, Florida, en New York wentel. Ons het in die 1990’s grootgeword, toe Disney sy renaissance beleef het en animasietreffers soos Beauty and the Beast (1991) en The Lion King (1994) uitgereik is. Hoekom nie weer soos ’n kind voel nie? En so skakel ’n praatjie oor in die koop van vliegkaartjies en datums vir ’n twee weke lange Amerikaanse…

STERBOEK VAN DIE MAAND KATE Mario Sorrenti (Phaidon, R980) Mario Sorrenti het sy loopbaan as model in New York begin nadat hy sy kunsstudies ná net ses maande opgeskop het. Die negentienjarige is deur die modelagentskap aangeraai om Europa toe te gaan waar daar vir hom meer werksgeleenthede sou wees. Vir hom was dit die perfekte geleentheid om te reis en sy ander stokperdjie, fotografie, te beoefen. In 1991 is hy vir ’n fotosessie in Londen, waar hy neffens Kate Moss sit. Oorweldig deur haar sjarme en skoonheid verloor hy binne minute sy hart op haar. Hy het gedink hy sou haar nie weer sien nie. ’n Paar weke later loop hy haar by ’n partytjie raak. Só begin hul verhouding en vir die volgende twee jaar is hulle onafskeidbaar. Die…

Ná ’n paar minute se stilte probeer sy weer. “Ek dink ons moet weer ’n afspraak by Leonie van Wyk maak. Jy het goed met haar oor die weg gekom, onthou jy? Toe jy in persoon afsprake bygewoon het.” Die kommunikasiesessies by die gedragsterapeut het net begin vrugte afwerp, toe word almal ingeperk einde Maart 2020. Daarna het die kind soos ’n perd wat ’n gees gesien het, vasgesteek en verseg om enige verdere aanlyn kommunikasiekursus by die vrou te volg. Tami antwoord nie. Haar vingers bly bedrywig op haar slimfoon. “Beter kommunikasievaardighede sal jou baie help wanneer jy klaar is met skool en universiteit toe gaan.” “Hoe?” vra die skilpad, haar kop steeds ingetrek onder die dop. “Wel, om mee te begin,” antwoord die haas haastig, “sal dit jou…

Kersfees in Afrika is anders as die opvatting van Kersfees waarmee ek grootgeword het. Kersliedjies het ’n wêreld voorgehou waarin Kersvader per slee geskenke aflewer. In rolprente het kinders sneeumanne gebou. Grootmense het truie met prentjies van rendiere gedra en eierpons en glühwein voor die vuurherd gedrink. Ek het gewonder waar ’n mistle se toon kwansuis moet sit, want ’n mens moes onder hom staan sodat ’n meisie jou kon soen. Ek het veel later geleer dat mistletoe ’n takkie blare is en dat min meisies jou sou soen, al staan jy hóé lank daaronder. Dit was dus alles fopnuus. ’n Wit en koue Kersfees was ’n hersenskim wat die media aan ons Afrikane verkondig het. Die enigste koue goed ter plaatse was die slaaie op die Kerstafel (gerasperde wortel…