Innehållsförteckning för Jan/Feb 2026 från SARIE

’n Nuwe jaar! En my gedagtes dwaal na Nuwejaarsvoornemens. Want dis wat ons dié tyd van die jaar doen. Mense praat, mense vra. Meestal ligte praatjies, want almal weet van eie beloftes en bitter min aksie. Glo werk dit net vir agt persent van die miljoene mense wat voornemens vir die nuwe jaar maak – vir baie van ons is dit teen die tweede Vrydag van Januarie oor en verby. Finis en klaar. ’n Dag wat al ’n naam het: Opgee-Vrydag! Quitter’s Friday. Dan groet ons die gim en bestel ’n pizza. Antieke Babiloniërs was die eerstes wat Nuwejaarsvoornemens gemaak het. ’n Volle 4 000 jaar of meer gelede. Deesdae is die internet besaai met wenke en raad, die hoe en die waarom, maar dié sinnetjie tref my toe: “As…

SA RIE-STERBRI EF ‘TONNELTJIE-STAAN’ Dis ’n bedrywige oggend in die Combrinck-huishouding. Wintersport. Hou ons lewens besig en ons naweke propvol, maar ons verruil dit vir niks in die wêreld nie. Almal skarrel vir kouse met strelitzia-embleme, hare met voorgeskrewe vlegsels en net-die-regte-kleur lintjies, en kleurbaadjies met uitgesoekte koord vir nou-nou se “tonneltjie-staan” as die eerste spanne uitdraf. In die motor op pad Jeffreysbaai toe is dit doodstil. Mamma tik haar 101 doenlysies in haar kop af, Pappa wonder of hy die kat se venster oopgemaak het, Boetie fokus op sy rugbywedstryd wat voorlê, en jy staar nikssiende by die venster uit toe jy skielik opmerk: “Mamma, ek wens daar was meer tyd voor ’n netbalwedstryd om die maatjie (die opponent) net eers beter te leer ken. Hoe moet ek nou…

Die Netflix-dokkie Pamela: A Love Story begin met ’n toneel wat amper simbolies is: Pamela stap langs die Kanadese kuslyn, haar gesig sonder grimering, hare natuurlik verwaai, lyf toegedraai in ’n eenvoudige trui en jeans. Haar voorkoms is gestroop – nes die strand om haar. Dis Pam, net haarself. Kyk nou terug, meer as 20 jaar gelede: Pamela, die wêreld se bekendste blondine, hardloop in stadige aksie oor Baywatch se strand, haar lyf gegiet in daardie rooi eenstuk, silikoonborste wat ritmies saam bons, en platinum lokke soos ’n stralekrans om haar kop. Haar dramatiese ooggrimering was destyds net so deel van haar handelsmerk as daardie ikoniese baaibroek. Sy het die perfekte kombinasie van onskuld en erotiek verteenwoordig – die objek van miljoene mans se fantasieë. Self spot sy in die…

Tuisdorp | Christiana, Noordwes Skool | Potchefstroom Gimnasium ’n Rok wat my hart in sy nate dra!” Só beskryf Tanja haar wenmatriekafskeidrok. Dit móés rooi wees – helderrooi, sonder enige bling. Toe die winkels niks oplewer nie, het haar ma ’n blink plan gehad: sweetpakmateriaal in die perfekte rooi. ’n Treffer-wenner is gebore: ’n rok wat #borrel met kleur, snit en styl. Perfek vir “’n plain Jane soos ek. Dit het elegansie gefluister eerder as geskree.” Haar ma het haar rok gemaak en dit bly verstel totdat dit honderd persent gepas het. “My rok is deurweef met liefde, geduld en ons spesiale band.” Dit sê ook presies wie sy is, “eenvoudig, sag, gemaklik en hopelik onvergeetlik”. Haar matriekafskeid in Oktober was alles waarvoor sy gehoop het. Vriende, baie foto’s en lag…

1. ’n Kragtige serum bedoel om met jou geliefde te deel! Dermalogica se Neurotouch Symmetry Serum (R2 999) is geformuleer met ’n oliebasis wat neurowetenskaplike beginsels inspan. Die velsorghuis glo menslike aanraking en velstimulasie hou verskeie voordele in, soos om die afskeiding van die goedvoelhormone dopamien, endorfiene en oksitosien te bevorder. Volg die ses masseertegnieke op die verpakking vir ’n vel wat gladder en gesigskontoere wat meer gedefinieerd lyk. Boonop is dit ’n welstandshupstoot vir jou en die spesiale mens in jou lewe. By Dermalogicawinkels of aanlyn by dermalogica.co.za 2. Ultra-modern met ’n spel van lig, beweging en glans. Dís hoe Louis Vuitton hul nuwe Le Damier-uniseksreeks juweliersware beskryf. Die halssnoer, beskikbaar in roos-, wit- sowel as geelgoud, is kenmerkend van die balans tussen presisie en sensualiteit van die ontwerpe…

SAAI DIE LEKKER kweek jou eie geurige basiliekruid uit die "plak sjokolade" vol saad, organiese kunsmis en natuurlike grond. Breek 'n blokkie van die Sow Delicious Slab of Seed af, plant in 'n pot of in jou tuin en kyk hoe dit ontkiem, net reg vir jou volgende pasta, slaai of pesto. Trots SA en 100% bioafbreekbaar hou die verpakking die saad langer klam. Ook te kry in ander soorte kruie. R69 elk by Yuppiechef MARZ ANNE HOUVAN Sê totsiens vir verwelkte kruie. Hou jou kruie langer vars deur dit in ’n Chef’n Herbicle-kruiehouer te bêre en in die vrieskas te hou. Jy maal dit net oor jou kos wanneer jy dit nodig kry en vries dit dadelik weer. Dis die maklikste manier om kruie soos basiliekruid, pietersielie of koljander altyd…

Sy kan ’n Jaloersbokkie met rooi lippe en ’n nousluitende polkakol-rok wees wat jou ghoema-voete gee, of die Supercool-rooikop-rocker-tannie in jeans wat kinders van emosionele en persoonlike veiligheid leer. Vir baie vroue is sy ook ’n vriendin wat ’n veilige ruimte skep vir uitpraat. Die sangeres Nadine Blom is veelsydig, maar sy het in September verlede jaar ’n groot rol bygekry toe sy as advokaat by die hooggeregshof toegelaat is. ’n Droom wat sy reeds as 23-jarige prokureur gehad het. Baie mense weet nie dat sy agter die kollig van haar bekroonde sangloopbaan ook ’n regsgeleerde met ’n meestersgraad in internasionale georganiseerde misdaad is nie. Sy hou nou al dekades lank vernuftig die rol van ma, sangeres en ’n regsberoep aan die gang. “Die droom om advokaat te word het…

In die hartjie van die Krugerwildtuin met sy ruie groot bome en wilde diere, is ’n rustige ruimte waar die entrepreneur Theresa McGill lieflike skryfbehoeftes, huisware en alles wat mooi en geblom is optower. Met haar Miss Milly-reeks, wat sy uit haar ateljee in die personeeldorpie Skukuza skep, wil sy ander inspireer om mooi te leef. “Ek hoop my produkte bring vreugde en my storie inspireer mense . . . Ek huil altyd nog so ’n bietjie as ek my storie vir kliënte vertel . . .” Dit het alles een slapelose nag begin – met washi-kleeflint en ’n paar wasgoedpennetjies. In 2013 is haar man, Mark (toe nog haar kêrel en ’n veldgids in die Kruger Nasionale Park), as leier van ’n teenstropingseenheid in die Sabi Sands-reservaat daar naby…

EET SOOS DIE LANGSLEWENDES In ’n wêreld van eindelose versnaperinge en oorgroot porsies, klink dit amper teen die stroom in om jou net 80% vol te eet – maar dalk lê die geheim juis dáár. Die bewoners van Okinawa, Japan, was eens die langslewende mense op aarde. Hulle het ’n dieet gevolg met baie groente, min kilojoules, en net geëet tot hulle 80% versadig is. Jonger generasies van die eilandgroep leef nie meer so lank nie – waarskynlik omdat hulle die ou eetgewoontes laat vaar het. Dalk moet ons weer leer luister wanneer ons lyf sê: Genoeg! KIES VRIENDE WYS ’n Stapklub, jogagroep of selfs ’n gesonde kookaand saam met vriende, kan positiewe gewoontes aansteeklik maak. Want jou vriende se gewoontes vryf ook op jóú af. Só vergroot jou kans…

THE LAST LIONS Don Pinnock & Colin Bell (Struik Nature, R750) Die foto’s in die boek is indrukwekkend. Dit laat jou daaroor droom om Koning Leeu en sy familie op jou volgende besoek aan die wildtuin te sien . . . Moet egter nie dat die wonderskone tonele jou mislei nie. Kenners skok met vertellings van hoe benard die koning van die oerwoud se situasie eintlik is. Net 23 000 . . . Dís hoeveel leeus daar na raming nog in Afrika is. In 24 lande op die kontinent is daar geen leeus meer nie. Habitatverlies is die grootste bydraende faktor. Afrika se groeiende bevolkings skep ’n behoefte aan grond vir stedelike ontwikkeling en wildreservate bly in die slag. Ongelukkig word trofeejag nog wyd toegelaat, en leeus is ook gereeld…

VRYDAG, 10 OKTOBER Hoog teen die suidwestelike flank van die Bottelary-heuwels klim kaptein Vaughn Cupido net ná sewe in die oggend uit sy rooi Volkswagen Golf GTI. Hy is lank en breed van skouer, sy hare kort en presies geskeer, sy klere gemaklik stylvol. Met die Vektor SP1-pistool aan sy lyfband en ’n strak, beneukte trek op sy gelaat, is hy oënskynlik die perfekte vergestalting van ’n “forse, formidabele ridder op ’n ewige kruistog na geregtigheid”. Die probleem met dié beeld is dat Cupido nie gewoonlik beneuk is nie. Sy natuurlike staat is een van opgewekte lewenslus, optimisme en kwiksilwer kwinkslae. Die huidige weerbarstige uitdrukking het ’n baie onlangse geskiedenis: Hy was op pad werk toe, vyftien minute gelede, maar toe lui sy selfoon. Die Stellenbosch-speurtak se bevelvoerder, kolonel Waldemar…

Ek verstaan hoekom Springsteen: Deliver Me from Nowhere, die biofliek oor die Boss wat in die media met groot afwagting begroet is, lelik by die loket misluk het. “Gehore wil nie kyk na karakters wat verlam is deur depressie of melancholie nie. In teater is depressie aansteeklik – konflik bring verligting en ontlading,” het die dramaturg en draaiboekskrywer Saartjie Botha eenkeer vir my gesê. Ek het weer aan haar woorde gedink terwyl ek met ’n siddering op die grootdoek staar na ’n Springsteen wat niemand nog ooit op enige skerm so verlore, weerloos en verwese gesien het nie. Scott Cooper se grinterige, somber fliek draai om die periode van 1981 tot 1982 toe ’n 32-jarige Springsteen gestoei het met sy eie binnegoed en die liedjies wat uiteindelik op sy donker,…

Dit is die waarheid in enige kunsvorm – of jy skryf of ’n rolprent maak of werk aan ’n skildery – dat drama en konfrontasie eenvoudig beter verkoop en meer aandag trek as geluk of emosionele skoenlappers. ’n Mens stap wel gereeld ’n sitkamer of spreekkamer binne en daar hang ’n stillewe of ’n toneel met bloeisels en ’n kabbelende rivier, maar as die kunstenaar onsterflikheid en lof uit die regte oorde nastreef, dan word selfs blomme en die natuur vol onstuimigheid uitgebeeld, dink aan Vincent van Gogh se sonneblomme of Georgia O’Keeffe se rooi kannas. Ek is nie een van hierdie legendes nie, ek moet bloot aan die lewe bly, dus plaas ek myself daagliks voor die rekenaar en ongeag of dit ’n rubriek of ’n kortverhaal of ’n…

Wanneer ons mekaar sien, voel dit soos ’n sagte, veilige spasieRachel oor Tatjana Sy het so ’n natuurlike talent om mense te motiveerTatjana oor Rachel Enige groot besluit het altyd ’n mate van ‘wat as’Tatjana Tatjana ‘DIE UITDAGING NOU IS OM EWEWIG TE VIND’ Met haar lang hare in ’n hoë poniestert teruggetrek, sonbril op die kop en ’n eenvoudige swart T-hemp lyk Tatjana Smith steeds soos die sportvrou wat ’n hele land laat juig het wanneer sy keer op keer medaljes huis toe gebring het. Maar deesdae lyk haar lewe baie anders nadat sy in 2024 op 27 haar uittrede uit professionele swem aangekondig het, net ná haar oorwinnings by die Olimpiese Spele in Parys. Sy het haar swemloopbaan op die hoogste moontlike noot geëindig, met ’n goue medalje in die…

Elke aand om sewe. Jy kan nog daardie 7de Laan-deuntjie van die Soweto String Quartet hoor. Op 4 April 2000 het ’n nuwe sepie op SABC2 ons lewens kom verander, en 7de Laan se storielyne was dadelik verslawend. Die vervaardigers, Danie Odendaal en Annie Basson, het presies geweet watter persoonlikhede hulle saam in die rustige Hillside moes gooi om ’n kookpot van emosies te laat borrel en prut. 7de Laan se jong akteurs Bertha Wahl, Neil Sandilands, Melanie du Bois en Antoinette Louw, wat almal onlangs 50 geword het, was ons lieflinge. Emma, Bart, Felicity en Inge. Elsa Krüger, vanaf 2001 tot 2004 die reklamekoördineerder, sê sy hoor nog die spul in die berugte “green room” jol. “Hulle was soos Danie en Annie se kinders.” Die 7de Laan-droom het 24…

MIDDELLYF-FOKUS ’n Belt is ’n moet by enige uitrusting. Vir ekstra aandag op die middel, dra sommer twee soos by Tom Ford en Isabel Marant se Lente/Somer 2026-loopplankvertonings. SERP-SPESIAAL Die serp is vir seker die bykomstigheid van die jaar! Veelsydig kan dit ’n uitrusting in ’n japtrap verander. Bind dit aan die skouer van ’n moulose top en jy gee die top net daar ekstra oemf. DIE MAG VAN LAE In 2026 is laag-op-laaguitrustings weer groot. Dit bied veelsydigheid – met kombinasies wat kan aanpas volgens die weer of persoonlike smaak. Speel met teksture en dra ’n syagtige serp as ’n skouerlose top oor ’n deursigtige top. DIAMANTÉ-DENIM Van ontwerpers tot bekendes kan net nie genoeg kry van hierdie hardwerkende materiaal nie. Om die denim in jou klerekas te vernuwe,…

Kultus-velsorgreeks NOU IN SA! Die gewilde Amerikaanse vel-, haar- en lyfsorgreeks Drunk Elephant is nou in Suid-Afrika beskikbaar. Die handelsmerk is wêreldwyd bekend vir sy indrukwekkende bestanddelelys sonder essensiële olies, silikon, parfuum, kleurstowwe of sulfate. Drunk Elephant beskou dié bestanddele as taboe en die vernaamste oorsaak van talle velkwale. Die formules is ontwikkel om in harmonie met die vel se natuurlike pH-vlakke te werk, terwyl die kleiner molekules verseker dat dit maklik en vinnig geabsorbeer word Boonop kan jy die produkte meng en als op een slag aanwend. Probeer die Protini Polypeptide Cream, ’n topverkoper met ’n jeltekstuur wat kollageenvervaardiging bevorder vir ’n fermer vel. R1 660 vir 50 ml. By ARC SUANNÉ HOU VAN ’n Nuwe baadjie vir die plaaslike velsorgreeks African Extracts se romerige reiniger. Die African Extracts Advantage Hydrating…

Op die klein kusdorp Pringlebaai, sowat ’n uur van Kaapstad, staan die swart sinkhuis wat die eienaars liefdevol Tintin Cabin gedoop het. Die Kogelberg-biosfeerreservaat, met sy fynbos, pragtige berge en soms woeste see, is ’n landskap wat die Stellenbosse eienaars van jongs af ken. Ná een van hul staptogte hier, so agt jaar gelede, het die droom posgevat: ’n naweekhuis, stapafstand van die strand, op ’n ruim erf met fynbos. Geluk was aan hul kant en hulle kon die erf van 913 vierkante meter koop. Tydens die pandemie het die egpaar navorsing begin doen oor modulêre huise omdat die impak op die natuur kleiner sou wees. Dié huise word vooraf vervaardig en dan op ’n permanente fondasie aanmekaargesit. Hul keuse het geval op die Farmhouse Cabin van 40 vierkante meter,…

Jou vriendinne is altyd daar vir jou, en jy vir hulle. Julle deel intens in mekaar se lief en leed. Julle kan jul lewe nie sonder mekaar voorstel nie. Maar vriendskap het ook sy uitdagings. In sekere situasies weet jy dalk nie wat jou te doen staan nie. Kenners wat in verhoudingskwessies spesialiseer, sê dis belangrik dat jy ’n probleem met ’n vriendin rég hanteer. So nie, kan julle uitmekaardryf. MARLAINE PIENAAR-VICE, ’n sielkundige van die Paarl, antwoord: Wees van die begin af eerlik met jou vriendinne. Sê jy is in ’n nuwe verhouding wat dalk in iets ernstigs kan ontwikkel. Só raak hulle geleidelik gewoond aan die gedagte en voel hulle nie later uitgesluit nie. Vind balans tussen die tyd saam met jou geliefde en jou vriendinne. Hoewel die…

Bennie gee uiteindelik in, dalk sal dit sy seun, Fritz, trots maak en hul verhouding verbeter. Tog probeer hy in die onderhoud om die fokus te verskuif na sy kollega Vaughn Cupido. Die bulhond-joernalis laat haar nie afskrik nie en neem Bennie deur sy loopbaan van byna 30 jaar. Die koerantartikel word afwisselend geplaas tussen die verwikkelde storielyne in Deon Meyer se nuwe speurroman, Skorpio. Deon verduidelik hy het op die interessante tegniek besluit omdat hy aantekeninge van Bennie se agtergrond en geskiedenis in ’n lêer hou wat hy met elke nuwe projek raadpleeg, net om seker te maak hy weerspreek homself nie. “Met die deurlees daarvan ter voorbereiding van Skorpio het ek besef dit was nog nie in enige van die boeke as geheel aangebied nie. Om nuwe lesers…

Kom speel saam, krap kop en toets jou kennis met die 28 raaisels oor die volgende blaaie. Die oplossings verskyn op die bladsy soos aangedui by die onderskeie raaisels. blokraaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blitsblokraaie BLITSBLOKRAAI 1 Oplossing op bl. 158 DWARS (13) AF . . is aan die broei (5) BLITSBLOKRAAI 2 Oplossing op bl. 158 DWARS AF BLITSBLOKRAAI 3 Oplossing op bl. 158 DWARS . . (3) (8) AF BLITSBLOKRAAI 4 Oplossing op bl. 158 DWARS AF woordsoeke + woordblomme WOORDSOEK 1 Oplossing op bl. 159 MAANDE AprilAugustusDesemberFebruarieJanuarieJulieJunieMaartMeiNovemberOktoberSeptember WOORDSOEK 2 Oplossing op bl. 159 STERRETEKENS BoogskutterBulKreefLeeuMaagdRamSkerpioenSteenbokTweelingVisWaterdraerWeegskaal WOORDBLOM 1 Oplossing op bl. 159 Hoeveel woorde van 4 OF MEER LETTERS kan jy met die letters in elke woordblom bou? Elke woord moet die…

MODE-FLIRTASIE Sokkies saam met hakbandjie-hakskoene is die nuwe sjiek kombinasie vir 2026. Die gewilde tienerfliek Clueless was verlede jaar 30 jaar oud en het ’n herlewing van modes uit die 1990’s afgeskop. Sokkies by hoëhakskoene was gróót in die fliek en is nou weer ’n trend. Koopgids op bl. 141…

NUUT VIR JOU VEL: ‘SKIN BOOSTERS’ In die wêreld van skoonheidsestetika neem subtiele veranderinge nou die voortou bo dramatiese transformasies. Dít volgens dr. Alek Nikolic, estetiese dokter en eienaar van die Dr. Alek Nikolic Practice-kliniek in Kaapstad. “Pasiënte belê in hul vel se gesondheid eerder as om foute te probeer wegsteek en dit is ’n bemagtigende skuif,” sê hy. Dit is waarom sogenaamde “skin booster”-behandelings nou so gewild is. Die behandelings behels dat suiwer hialuroonsuur op spesifieke plekke op die gesig in die boonste lae van die vel ingespuit word. Oor tyd versprei dit oor jou hele gesig, waar dit vogtigheid herstel en die vervaardiging van kollageen en elastien aanmoedig. “Dié booster shots [skraagdosisse] verbeter sigbaar die vel se algehele kwaliteit sonder enige hersteltyd. Omdat die hialuroonsuur direk by die…

VANIELJE-EN-TIEMIEBROSKOEKIES Glo my, hierdie kombinasie van tiemie en vanielje is een wat net werk. Sit dit voor saam met goeie koffie of goeie brandewyn as ’n bederfhappie ná ete. genoeg vir 24-28 koekies 340 g (370 ml) sagte botter 300 g (360 ml) strooisuiker 5 ml fyn sout 6 takkies tiemie, blare fyngekap 3 eiergele 5 ml vanieljegeursel 560 g (1 000 ml) koekmeel plus ekstra vir uitrol Plaas botter, strooisuiker, sout en tiemie in elektriese menger se bak en klits met K-spaan tot lig en romerig. Voeg eiergele en vanieljegeursel by en meng goed. Voeg meel by en meng stadig tot sagte koekiedeeg vorm. Sprinkel werkvlak ruim met ekstra koekmeel en verdeel deeg in 3 ewe groot balle. Rol elke deegbal tot sowat 4 mm dik uit. Rol deegvelle…

PAKPLEK ONBEPERK Benut jou ruimte optimaal met ingeboude kaste wat tot teenaan die plafon strek soos in die mikrohuis (bl. 90). Koopgids op bl. 141…

Dis elke Januarie se ding: My mens tree skielik anders op. Sy draf meer (sonder my, nogal!), eet slaai vir ontbyt, en sê vir haar spieëlbeeld: “Vanjáár gaan ek gesonder leef!” Ek weet wat dit beteken: Geen biltong in die huis nie. Maar dit het my laat dink . . . Wat van my Nuwejaarsvoorneme? Kyk, ek weet ek is ’n eersteklas-hond. Maar ja, daar is dalk ’n paar dinge wat ek beter kan doen. Solank ek nie groente moet eet nie. MEER STAPPIES, MINDER HAPPIES Ek weet – dit klink soos iets wat op ’n yskasdeur hoort. Maar glo my, ná Kersfees voel selfs my halsband styf. Liewe mens, ons hoef nie ’n marathon te hardloop nie. Ek’s tevrede met ’n ekstra draai om die blok gooi of ’n…

TikTok het al vreemde én oulike tendense opgelewer: danspassies wat wêreldwyd nageboots word tot resepte wat ’n paar weke lank die internet oorheers. Die nuutste gier is verrassend eenvoudig – en dalk juis dáárom so kragtig. Dis nou maklike loop-roetines soos stilweg stap (“silent walking”), knus kardio (“cozy cardio”), en selfs ou bekendes met nuwe name soos vonk-stap (“Hot Girl Walk”). In ’n tyd waar ons oorweldig voel deur ekonomiese druk, die voortdurende klankbaan van geraas en stortvloed van inligting, is dié tendens ’n manier om ons voete lig maar op die grond te hou: Goedkoop, toeganklik en – die belangrikste – terapeuties. Dis iets wat ons almal kan doen, op enige plek, sonder duur toerusting of gim-lidmaatskap. Stap vir fiksheid en gesondheid is natuurlik niks nuuts nie. Mense doen…

A Aldo 010 300 6888, aldoshoes.co.zaAsos asos.com C Cotton On 087 550 4383, cottonon.com/za F Foschini 0861 111 761, bash.com H H&M 0860 690 707, hm.com/za I Incanda 021 863 1965, incanda.co.za K K.Light 021 552 4370, klight.co.za L Levi’s 087 133 2369, levi.co.zaLovisa 010 143 0780, lovisajewellery.co.za O Old Khaki 021 464 6444, oldkhaki.co.za P Perfect Hideaways Living shop.perfecthideaways.co.zaPoetry 0860 555 529, poetrystores.co.za Q Queenspark 086 178 3367, queenspark.com S Superbalist 087 362 7300, superbalist.com W Woolworths 086 002 2002, woolworths.co.za Z Zara 011 302 1500, 021 446 8700, 031 536 6440, zara.com/za…