Innehållsförteckning för Sarie Woon 2025 från SARIE

Trends bekoor my. Nooit begin hulle uit die bloute nie, loop eerder ’n pad en vertel ’n storie van mense. Hoe ons voel en dink, waarvoor ons omgee en wat ons waardeer. Ons volg tendense – as dit ín is, is ons daar. Tog, soms doen ons dinge anders. Beweeg ons ’n entjie weg, kuier ons op die rand, selfs anderkant, volg ons ’n ompad. Dis wat hierdie uitgawe vasvang. Huidige tendense wat ons aanpas, inpas en omskep om dit nuut en persoonlik te maak. En dís waar interessant lê, en wat ons almal op die ou end huis noem. Geniet! MICHÉLLE VAN BREDA, SARIE-REDAKTEUR Frances van Hasselt (sien haar huis op bl. 176) en haar familie wat by Prins Albert in die Karoo met angorabokke boer, het onlangs die…

Die huis was eens ’n oumawoonstel en buitegebou op ’n groot erf. Die erf is later onderverdeel en die kothuis is nou op ’n pypsteelerf, knus in ’n steeg waar dit in die betowerende tuin verdwyn. Die gevoel is dat jy op die platteland woon, hier in die middel van die stad. Christian van der Walt en Anli Jones was een Saterdagoggend aan die rondsnuffel in ’n antiekwinkel in Parktown-Noord naby die kothuis waar hulle kort tevore ingetrek het. ’n Plek met geelgeverfde baksteenmure, avokadogroen badkamers en ’n vergeelde dennehoutplafon. ’n Antieke château-deur het albei se aandag getrek. Al was dit geroes, sonder glas en met geen handvatsels nie, het die delikate smeeyster-raam hul harte gesteel. Nie dat hulle geweet het wat om daarmee te maak nie. Met die lang,…

Die rustigheid en prag van die omringende natuur kraai hier koning. Die somers is gematig, winters snerpend koud, maar die landskap altyd wonderskoon. Daarom is dié moderne woning so beplan dat elke vertrek ’n uitsig het. En net langs die stoeptrap is daar vandag nog ’n miershoop wat ook begin vorm aanneem het juis toe die eerste sooi vir die fondamente in 2016 gespit is – onaangetas, as teken van respek vir die natuur. Die buitemure van die lang huis met sy stewige staalstruktuur en betonvloere is beklee met behandelde Suid-Afrikaanse dennehout (rhinowood.co.za), wat die huis met die omringende natuurskoon laat saamsmelt. Dit verg boonop baie min onderhoud. In die middel van die huis is die leefruimte met twee identiese slaapkamers weerskante. Elke slaapkamer het ’n aantrekkamer en ’n en…

Agter die elegante Victoriaanse fasade, saliegroen geverf, sien jy ’n wêreld voor jou ontvou. Rustieke sjarme word gekombineer met elemente kontemporêr tot antiek, selfs Oosterskoloniaal. Ná die dekade lange oorheersing van minimalisme word alles hier in Philadelphia byeengebring in ’n huis waarin méér beter is. “Die werk aan die huis was meer soos ’n resurreksie as ’n restourasie,” sê Dapper de Wet van sy pragtige plaashuis wat uit 1860 dateer. Die huis, waarvan ’n gedeelte as ’n algemene winkel bedryf is, het hy so vyf jaar gelede gekoop. In daardie stadium het hy in Singapoer gewoon en die pandemie het hom vinniger as beplan huis toe laat kom. Dapper, ’n finansier en reisfotograaf, was al dekades lank landuit en het in wêreldstede soos Moskou en eksotiese plekke soos Sri Lanka…

Die tipiese Karooboustyl-huis met sy plat dak en ’n diep stoep met broekiekant staan aan die buitewyke van die dorp onder die wakende oog van die Kompasberg. Meer as 100 jaar oud, netjies afgewit, met houthortjies, kaktusse aan die straatkant en potte met aalwyne weerskante van die voordeur, vertoon die huis byna beskeie, pretensieloos. Dit verklap nie die weelderige en byna boheemse voorkoms van die keurige dekor en kuns wat die besoeker binne aantref nie. Die hoë plafonne, dik mure en oorspronklike breëplank-houtvloere vorm die skilderdoek vir ’n harmonie tussen oud en nuut. Gehalte loop soos ’n goue draad deur die huis. Die plan was dat die interieur die erfenis van die omgewing weerspieël, dus is antiek- en vintagewinkels wyd en syd gefynkam en veilings bygewoon. Op die vloere is…

Net so ’n entjie buite Prins Albert staan ’n tipiese Karoohuis op ’n paar hektaar grond. Eenkant is ’n klein vrugteboord, aan die ander kant ’n kampie waar angorabokke rustig wei. Die huis op ’n kleinhoewe, een van die laastes buite die dorp wat behoue gebly het, het vir jare leeg gestaan. Eens ’n bestaansboerdery, was die plek erg verwaarloos, die paar verbeteringe wat oor die jare aangebring is, was lelik en substandaard. Tog, toe die huis op die mark kom, was dit asof bestem. Buiten die kothuis het die eiendom ’n skuur en ’n plaasdam ingesluit en die veld was ideaal vir die aanhou van angorabokke, net waarvoor ’n sybokhaarwewery vra. Of só het Frances van Hasselt se ma, Gay, gereken. Ná haar studies en ’n paar jaar se…

MOKKA-MOUSSE Nadat grys lank die botoon in dekor gevoer het, is daar ’n terugkeer na warmer kleure. ’n Onstuimige wêreld vol onsekerheid bring ’n hunkering na stabiliteit. Om geborge te voel. Die toonaangewende kleurinstituut Pantone se skakering van die jaar is Mocha Mousse – aards met ’n mediumbruin ondertoon. Die naam laat jou klaar aan iets lekkers soos sjokolade en latte (melkkoffie) dink, iets koesterends wat dit perfek maak vir die moderne interieur. Die kleur beklemtoon die belangrikheid van kontak met die natuur, is sonder pretensie en tog ook gesofistikeerd en elegant. Dis sag en bring kalmte na ’n ruimte, die stylstelling een van gemak, rustigheid en warmte. Mokkamousse is veelsydig en kan op verskeie maniere aangewend word. Verf ’n aksentmuur in die leefof slaapkamer en kombineer dit met roomkleurige…

Die pad kronkel deur die Weskus Nasionale Park om by die prentjiemooi blyplek uit te kom. Dit is afgesonderd en staan ewe kordaat naby ’n sanderige punt van ’n klein baai op Schrywershoek, ’n klipgooi weg van Churchhaven. In 1960 het Theodore Wiehahn die seeplaas Schrywershoek gekoop met die einste houthuis, wat toe ’n blou dak gehad het. In 2020 het die huidige eienaars die groot taak aangepak om die huis, ’n bekende baken in die omgewing, van vloer tot nok te restoureer. Die hele huis – buite, binne, die dak, vloere en selfs die dek – is wit geverf om ’n splinternuwe en vars voorkoms te skep. Die dekorpalet is groen, blou, sandkleur en ’n tikkie rooi. Niks meer as dié kleure is nodig nie, want rondom jou is…

Die stukkie aarde waarop drie houtkappershuise van toe staan, is ’n romantiese paradys. Dis moeilik om al die skoonheid met een slag in te neem. Waar jy kyk is kleur, klank en geur. Nie net in die tuin nie, maar ook in die huise. Kleurvolle matte, geblomde kussings, William Morris-plakpapier en varsgeplukte blomme versier die karaktervolle vertrekke. Elke meubelstuk, prent, skildery en mat is met groot sorg gekies om dié blyplekke besonders te maak. Die dekor van Sylvan Cottage, die groter kothuis, is geïnspireer deur die inheemse woud daarnaas. Die naam Sylvan verwys juis na ’n skaduryke, beboste plek waar jy kalm en vredevol voel. Daar is twee slaapkamers en ’n pragtige nuwe badkamer, beklee met geurige sederhout. Floreo, die klein kothuis, is ewe mooi en net ’n hanetree weg…

Die binne- én buitekant spreek daarvan dat respek vir die omgewing geseëvier het in die ontwerp van hierdie woning. Hout, klip en elke bruikbare item wat reeds op die plaas was, is gebruik om die koolstofvoetspoor so klein as moontlik te hou. Die huis en buitegeboue is eens bewoon, maar was nie juis mooi of van argitektoniese waarde nie. Die uitdaging was hoe dit herbenut en herbou kon word. Omdat argitek Lee de Wit (anti-object.com) diep bewus is van die omgewingsimpak van ’n gebouery, veral in die lig van die oer-geskiedenis van die omgewing waar die plaas geleë is, was sy eerste gedagte nie hoe die plek moet lyk nie. Hy het eerder geworstel met die vraag: Wat kan ons hier plant om terug te gee aan die aarde? Só…

Een van die oudste geboue op Tulbagh is die Kloosterskool wat in 1797 opgerig is. Met sy gewels, witgekalkte dik kleimure, houtbalke en strooidak het die eiendom die tipiese kenmerke van die ou Kaapse Wynland-argitektuur. Die klooster bestaan nie meer nie, nou is dit ’n besonderse toevlugsoord en joga-ateljee. In meer onlangse jare het die befaamde kunstenaar Christo Coetzee hier gewoon. Hy het in die 1970’s hier kom vryheid soek en in die eenvoud van alledaagse dinge tevredenheid en nederigheid ervaar en die lewe geniet. Ná sy dood in 2000 is van die vertrekke in ’n galery omskep om sy lewe en werk te vier. So ’n paar jaar gelede ontdek die huidige eienaar die eiendom op die Bolandse dorp. Abigail Rands se hande het gejeuk vir ’n nuwe kunsprojek.…

Die huis met sy massiewe liggevulde volume, vol plante en aardse skakerings, skakel volkome in by die groen hart van die Hoëveldse landskap. Die ruim 35-hektaar-eiendom met sy omringende veld vol subtiele kleure en ligspeling het meer as genoeg inspirasie verskaf vir ’n moderne interpretasie van die tradisionele Karoo-plaashuis. Die vertrekpunt was die argetipiese huis soos wat ’n kind dit sou teken – ’n spitsdak, ’n deur en vensters. Die eindresultaat was ’n staal-englasfasade, oop betonbalke en standaardbakstene wat met ’n laag sementflodder (slurry) afgewerk is. Die middelpunt van die huis is ’n reuse-struktuur van glas en staal wat nie net die uitsig na buite in alle windrigtings ten volle benut nie, maar van waar jy ook ’n blik het op sommige binneruimtes van die huis. Een buite-deur van dié…

’n Eerste indruk is ’n vreemde ding. Dis presies in die kol, of jy slaan die bal heeltemal mis. Wanneer Margarete Woermann jou by die voordeur van haar statige historiese huis verwelkom, is haar groot honde en getroue metgeselle, Lenghi en Lunah, aan haar sy. Dadelik dink jy “van die plaas”, “eksentriek”, “boheems”. Die kuier in haar uitsonderlike woning bevestig dié indrukke is inderdaad korrek. Margarete het as kind van ’n Duitse immigrantfamilie in ’n afgeleë landelike gemeenskap grootgeword. Met haar kunstenaarstalent, fyn oog en vasberadenheid, en danksy ’n paar draaie en kinkels wat oor haar pad gekom het, het sy later naam gemaak in die Suid-Afrikaanse ontwerpwêreld. Sy is ’n bekroonde keramiekkunstenaar en was eienaar van Heartworks, ’n onderneming wat plaaslike handwerkkunstenaars ondersteun het. Die atmosfeer en estetika van…

Die skaapherdershut staan reeds baie jare onbewoon in die privaatnatuurreservaat De Aap. In die volksmond eens bekend as Blou Piet, is dit al in die 1820’s gebou. Omtrent net die buitemure was staande en die dak gedaan. Met die aanvang van die groot restourasieprojek is wat op die plaas was gebruik, soos die rooi grond en indringer- swart wattelhout om die dik moddermure mee te herstel. Die dak is vervang en die plafonne is tipiese Karoo-latjiesdak van indringerspaansriet. Die oorspronklike plan van die huis is net so herbou met die uitsondering van ’n binnemuur wat uitgeslaan is om ’n groot oopplanvertrek te skep, en ’n ekstra badkamer is aangebou. ’n Droomprojek vir die argitek Marielise van der Merwe van MvdM Architects. Marielise wou ten alle koste die siel van die…

Die siel van hierdie besonderse plek van ’n kunstenaarspaar is sekerlik die ateljee wat deel vorm van hul interessante huis. Rondom die ateljee is van die oudste klippe op aarde en elke dag lyk die berg anders. Die huis op sigself herinner aan ’n stuk beeldhouwerk en van die mure is beklee met afvalstukke graniet, waarvan elke blok met die hand gegraveer is. Die plaaslike argitek Pieter Mathews (maaa.co.za) het die huis ontwerp en die eienaar het dit self gebou. Pieter erken dat hy baie inspirasie uit die omgewing en die kunstenaars se werk geput het vir die huisplanne. ’n Soort simbiose wat ’n harmonieuse eindresultaat gegee het. Ruwe, swaar en natuurlike materiale is deurgaans gebruik. Die ateljeedeure wat by ’n antiekwinkel gekoop is, hang aan ’n ysterspoor en is…

Die eens verwaarloosde ou Karoohuis staan nou pragtig gerestoureer en ingenestel tussen vyf hemelhoë bloekombome met ’n uitsig op die wingerde en boorde. Binne word besoekers verwelkom deur ’n landelike sjarme wat aansluit by die rustigheid van die omgewing. Die oorspronklike plaashuisgedeelte dateer uit 1880 en die uitdaging was om dié deel tot sy volle glorie te herstel. Al was die huis met die eerste oogopslag ’n lelike eendjie, was daar hope sjarme en potensiaal. Herstel- en bouwerk het ingesluit die restourasie van die hoë houtplafonne, die stoep met sy oorspronklike broekiekant is vergroot en die drie slaapkamers het elk sy eie badkamer gekry. Mure is uitgebreek sodat daar ’n gemaklike vloei tussen die verskillende vertrekke is. ’n Nuwe kaggel, oop aan twee kante, verwarm die ruim oopplanvertrek wat die…

Op die afgeleë plaas aan die rand van ’n natuurreservaat tref jy ’n kombinasie van stille luuksheid met tikkies kleur en ’n volhoubare ontwerp aan. In hul soeke na ’n plek in die ongerepte natuur het die eienaars afgekom op hierdie plaas van 110 hektaar tussen Montagu en Barrydale en hul hart verloor. Hulle wou hier ’n moderne soort hut kom bou waar hulle op eindelose staptogte kon gaan en aande om na die sterre staar. So is die wondermooi Suidster gebore. Ná sestien jaar in Brittanje het Cobus van Wyk en Ruan van de Venter besluit dis tyd om huis toe te kom. Met die hulp van binneontwerper en konsultant Hendre Bloem (hendrebloem.com) is ’n reghoekige, staalbeklede eenvertrekhuis van elf by ses meter gebou. Die voetspoor is klein gehou…

Block & Chisel 010 593 9308, 021 712 5193, blockandchisel.co.za Blum SA 087 352 4232, 011 444 8118, 021 555 2282, 031 579 2620, 041 581 0219, blum.com Cielo 086 110 7108, cielo.co.za Durbanville Sanitary & Plumbing Supplies 021 975 1930, durbanvillesanitary.co.za Eurolux 021 528 8400, 011 608 2970, eurolux.co.za Incanda Furniture 087 310 7244, incanda.co.za Jet Home bash.com/jet K.Light 021 552 4370, klight.co.za Patio Warehouse 012 657 9400, 011 801 0820, 021 526 7240, 021 840 4160, 031 566 8550, 044 010 0102, patiowarehouse.co.za Radiant Lighting 011 386 0000, 021 521 2500, radiant.co.za Room Service Homeware 060 537 5086, 021 933 9866, roomservicehomeware.co.za Stiles 044 871 3222, stiles.co.za Woodoc 0800 411 200, woodoc.com…