Innehållsförteckning för 2018 från Tuis

Uit die omgewing Ons is mal oor die sandsteenwerk aan Louise en Manfred Vietze se huis op Stilbaai. Die klip kom uit die omgewing, en saam met die dekoratiewe traliewerk in die handrelings en kleurkombinasie van hout, sagteblou hortjies en grys vensterrame is die plek pure romanse. Toe die Vietzes ’n kothuis op die erf wou bou vir wanneer hul kinders kom kuier, moes hulle fyn beplan om by die erfenisbepalings van die munisipaliteit te hou. Die huis is immers oor ’n 100 jaar oud. “Ons het reeds heelwat gekapte klip op die werf gehad en moes nog ’n paar bykoop. Gelukkig kon ons kundige klipkappers kry wat ons kon help met die nuwes,” vertel Manfred. Teëltjie, teëltjie om die rand Jill en Craig Marion van Wildernis wys ’n gedaantewisseling…

[1] BRAAITYD! Magdel en Charl van den Berg van Somerset-Wes onthaal graag en het hul ou lapa omskep in ’n heerlike braaikamer, perfek vir loslit-kuiers. Sedert hulle dit toegebou het, is dit dié plek waar hulle met hul vriende ontspan – selfs in die winter! Tekstielware met ’n botaniese tema, ’n verskeidenheid plante en aardse teksture skep ’n gesellige atmosfeer, terwyl die gemaklike meubels inskakel by die dekor in die res van die huis. Waarvan Magdel die meeste hou, is dat hulle die deure in die somer kan oopgooi sodat die ruimte deel van die tuin word; in die winter maak hulle toe en bekyk die stormweer van die gemak van ’n rusbank. ’n Eie stempel … Magdel deel haar wenke vir hoe jy jou kuierplek in jou persoonlike styl…

TENK #1 Wys jou staal Mooi genoeg vir die voortuin! Hoewel ’n staaltenk aansienlik duurder as ’n watertenk van tipiese poliëtileenplastiek is, was dit die kontemporêre en estetiese voorkoms wat Wilhelm van der Hoven en Waldimar Pelser oortuig het om hul hande ’n bietjie dieper in hul sak te steek. Die 4 000-liter-tenk met sy smal ontwerp van Aquadam was boonop ideaal vir hul knap erf in die Kaapse middestad. “Die kleur werk goed en dit pas by die huis,” vertel Wilhelm. “Ons is mal daaroor net soos dit is en daarom probeer ons dit nie wegsteek nie. Die bougainvillea se kleure komplementeer boonop die grys.” Dit was wel ’n uitdaging om die staaltenk in die erf te kry, want anders as ’n plastiektenk, wat veerlig is wanneer dit leeg…

Ingelegde jalapeño-rissies Dra plastiekhandskoene wanneer jy dié menere sny, want as die sap met jou vel in aanraking kom, kan dit jou later tot trane dryf wanneer jy dalk per ongeluk aan jou gesig vat. Genoeg vir: 2 klein flessies • Bereidingstyd: 20 minute • Gaarmaaktyd: 10 minute • 250 ml asyn• 125 ml strooisuiker• 5 ml piekelspeserye• 5 ml sout• 12 jalapeño-rissies, gewas en gesny Meng die asyn, suiker, speserye en sout saam in ’n kastrolletjie en roer tot die suiker opgelos is. Bring tot kookpunt en voeg die rissies by. Kook vir ’n minuut. Skep die rissies uit met ’n gaatjieslepel in gesteriliseerde flessies en vul met die kokende piekelsous. Verseël warm en laat afkoel. Hou in die yskas en gebruik soos nodig. Wenk Jy kan hierdie piekel…

Die boog by die ingang is die eerste ding wat ons sien wanneer ons by die huis aankom, so ek wou hê dit moet ons laat goed voel.– Thelma Schempers [1] Fraai Die ingang by Willouw Deacon en Thelma Schempers se huis op Greyton spog met ’n swierige veiligheidshek by die voordeur. Die paartjie wou nie te veel aan strukturele veranderinge bestee nie, toe maak hulle ’n vinnige sakpas-plan vir ’n nuwe voorkoms: ’n laag verf en vetplante in potte bo die ingang. En dit het ’n reuseverskil gemaak! “Ons visie was ’n ingang met interessante detail en diepte,” sê Thelma. Tydens ’n besoek aan die gewilde plaas Babylonstoren naby Franschhoek het Thelma potplante bo die ingang van die Scented Room gesien. In daardie terracottapotte het roosmaryn gegroei, maar Thelma…

Terwyl die Merbold-gesin in 2010 besig was met die opknap van hul ouderwetse huis in Pretoria, het die indrukwekkende gedaantewisseling hulle laat besef dat die tuin en werf ook dringend aandag kort. Maar die koste van die opknap het sy tol geëis. “Ons het heelwat werk aan die huis gedoen; ek het selfs my praktyk op die eiendom gevestig,” sê Rouxlene, ’n mediese dokter en eienaar van Rejive Skin & Body Clinic. “Toe stel my man voor ons herstel eers van die uitgawes wat ons tydens die 10 maande lange opknap aangegaan het!” Twee jaar later was hulle gereed vir die volgende transformasie. Hulle het ’n landskap-onderneming se hulp ingeroep vir die ontwerp. Maar pas nadat hulle begin het om die beddings, trapklippe en besproeiing aan te lê, het die…

Rankplante is uiters veelsydig – lei dit teen ’n muur op om ’n gevoel van hoogte in jou tuin te skep, laat dit teen ’n prieel opklim as jy tuinkamers wil afbaken, gebruik dit om harde lyne te versag en onooglike areas te verbloem, of skep lieflike skadu deur dit oor ’n pergola te laat groei. Baie van dié plante kan ook ’n verskeidenheid natuurlewe soos voëls, bye en skoenlappers na jou tuin lok. Party rankers groei egter taamlik stadig. As jy dus op soek is na ’n vinnige oplossing, beproef dié vinnige groeiers wat JJ van Rensburg van Garden World in Johannesburg voorstel … Drie vinnige groeiers VIR MURE #1 KRUIPVY (Ficus pumila) Dié plant vorder aanvanklik stadig, maar groei later vinniger deur homself aan enige poreuse vertikale oppervlak…

1 In die somer… Gooi ’n deklaag Die somerwarmte droog jou tuingrond vinniger uit as wat jy dink – en dis iets wat jou plante kan laat swaarkry. Daarom is deklae veral belangrik in nuwe tuine met jonger plante, waar grondbedekkers nog nie die grond toegegroei het nie. Maar dis ook onontbeerlik in gevestigde tuine: • dit hou die grond koel; • dit keer dat die grond uitdroog weens verdamping en voorkom dat water wegloop – jy spaar dus water; • dit beperk onkruidgroei; • namate organiese deklae afbreek, verbeter dit die grond se tekstuur en verskaf dit broodnodige voedingstowwe aan die grond; • dit help die erdwurms met hul werk – hulle floreer danksy die organiese materiaal. Só maak jy Presies wanneer jy dit doen, hang af van waar jy…

Vra jy vir Saranie Harvey wat die hoogtepunt is van hul dekprojek, huiwer sy nie ’n oomblik nie: “Dis nie die voor-en-ná-foto’s nie,” sê sy, “maar hoe my man, skoonpa en drie seuns saam-gewerk het. Dit was so mooi om te sien.” En spanwerk was dit voorwaar … “Gelukkig is die seuns almal amateurrotsklimmers en gevolglik was dit sommer kinderspeletjies vir hulle om met veiligheidstoue dakplate op te sit of sweiswerk hoog in die lug te doen!” sê dié trotse ma wanneer sy vertel hoe die dek by hul huis, waar hulle nou die aande – en luilekker dae – omkuier, staangemaak is. Hul plan was duidelik: Ontwikkel die onbenutte ruimte aan die agterkant van die huis deur die vloer te lig met ’n dek rondom ’n ingeboude vuurput. ’n…

[1] Raak kuns-tig GROOTTE 45 m² Ons het Tuis se kosredakteur, Johané Neilson, se oorspronklike stoepopknap in 2014 se Werf gewys. In laas jaar se uitgawe het die tuinontwerper Pietman Diener sy plan gedeel oor wat sy en haar man, Allister, met die res van dié deel moet doen. En hier is die eindproduk – perfek vir klein Zac wat intussen sy opwagting gemaak het! Die projek 1 Die bure se pragtige doringboom wat skadu gooi oor die muur, het veroorsaak dat die gras ál yler gegroei en stadigaan begin doodgaan het. Daarom is die agterplaas in twee verdeel: ’n versierde sementblad waar die Neilsons kan braai, ’n tafel staanmaak en kuier, en ’n lappie kunsgras (sowat 20 m²) verder aan. Nadat die kunsgras geïnstalleer is, is dit netjies afgerond met…

Vir Clifford Rosen was die besluit om ’n vervalle tennisbaan op sy eiendom in ’n kostuin te omskep, ’n maklike een. “Ek was op soek na ’n volhoubare, gesonde manier om kos vir my gesin te kweek sodat ons meer selfversorgend kon wees,” verduidelik hy. “Dit was vir my belangrik dat ons kos vry moet wees van plaagdoders en skadelike chemikalieë. Deur aanlyn-navorsing en gesprekke met vriende en medetuiniers het ek toe met permakultuur kennis gemaak. ’n Permakultuur-tuin is van nature organies en het ’n klein impak op die omgewing deurdat dit water, energie, hulpbronne en die grond bewaar. “Mense het al gevra of dit ’n wyse besluit was om die tennisbaan op te kap – en my antwoord is altyd ’n besliste ja. ’n Stuk grond waarop kos groei,…

PROJEK #1 Kruietuin op pote Bou ’n plantbak waarin jy jou eie gesonde geurgoed kan kweek en sit dit naby die kombuisdeur, reg vir pluk! INKOPIELYS • paletplanke van ± 20 x 90 mm, soos volg gesaag: agttien 1 000 mm-lengtes vier 210 mm-lengtes agt 400 mm-lengtes vyf 1 040 mm-lengtes • palet-drabalke van ± 40 x 75 mm, gesaag in drie 350 mmlengtes • honderd en twintig 6 mm x 40 mm-spaanderbordskroewe • 120-grint-skuurpapier • 1,5 m onkruiddoek GEREEDSKAP • koordlose boor en 3 mmboorpunt • potlood • figuursaag • maatband • 16 mm-plaatboorpunt • winkelhaak • kramskieter • skerp mes Projeknotas • Onthou om gidsgate te boor – dit keer dat die hout splinter. • Kyk uit vir ou palette by jou naaste mark of groente-handelaar – dis…