Innehållsförteckning för September 2021 från Tuis

Ek het breed geglimlag toe ek onder die foto op bl. 40 (geneem in die Diceys van Wolseley se vraghouer-blyplek) lees: “kussings en oortreksels deur tannie Elmarie”. Net so, sonder van – soos prinses Diana. Soos ‘n celeb. Ek is seker tannie Elmarie is uit eie reg bemind én bekend. Tannie Elmarie klink vir my soos ‘n voorslag, en het ons dan nie almal ’n “tannie Elmarie” in ons lewe nodig nie? In my geval was dit ’n tannie Anna, nou al jare saliger . .. As my ma (tannie Anna se jongste suster) raad-op was, het die antwoord gewoonlik vinnig gekom: “Bel vir tannie Anna.” Oor groenvyekonfyt waarvan die stroop te dun was, beplanning vir die tombolatafel by die kerkbasaar, noem maar op. En kon sy hekel! Sulke Spaanse…

Kyk uit! Hierdie ingeboude muureenheid vir ’n slaapkamer is ’n naatlose kombinasie van ’n kopplank met plek vir boeke en speelgoed, ’n lessenaar vir werk en speel, asook ’n bedkassie. Die eenheid neem minder plek as afsonderlike meubels in beslag. ’n Groot venster op die regte hoogte laat natuurlike lig in die klein ruimte instroom en bied ’n uitsig op die tuin. Vintage Carlo Bartoli 4875-stoel van Kartell; blou lamp van CLM Die skakel tussen alles Asher en Gina Stolz het ’n visuele skakel tussen die twee verdiepings van hul huis in Johannesburg geskep met behulp van ’n ligskag: ’n Opening in die vloer bo laat die natuurlike lig wat deur ’n piramiedvormige dakvenster inkom tot heel onder stroom; die dubbelvolume skep terselfdertyd die indruk van veel meer ruimte. ’n…

DIE EIENAARS Claire en Duncan Dicey WAAR Wolseley, Wes-Kaap GROOTTE 106 m² Die houtbekleding, tesame met die rondings, skep ’n koesterende gevoel. – Claire Ons het in 2018 Claire en Duncan Dicey se eerste vraghouerhuis op hul vrugteplaas Palmietvlei naby Wolseley gewys. Daardie huis het die tipiese boksvorm van ’n ou vraghouer. Maar die paartjie het sedertdien heelparty nuwe planne bedink en kon nie wag om hul volgende projek, ook selfsorg-gasteverblyf, aan te pak nie. Hulle verhuur die vraghouerhuise op hul 80 ha-bloubessie-enpeerplaas in die Wes-Kaap, met panoramiese uitsigte op die Mostertshoekberg, op Airbnb. Hul jongste projek met die naam CouplesPod is ’n ware treffer, meestal danksy die vorm wat aan die ikoniese Amerikaanse Airstreamwoonwaens herinner. Dié huis met sy wulpse kurwes is beslis anders as sy voorganger – dis…

Dis dalk nie ’n aangename onderwerp nie, maar goeie sekuriteit is ’n moet in ons pragtige land met sy hoë misdaadsyfers. Vir die meeste mense is daar twee belangrike oorwegings: om die boewe uit te hou wanneer hulle nie tuis is nie en om snags rustig te slaap deur veilige sones in die huis te skep. Tradisionele diefwering en veiligheidshekke kan onaantreklik wees. “Mense is dikwels wrokkig oor die koop van hekke en diefwering,” sê die binne-ontwerper Jenny Collins van Red Cat Design. “Jy weet dis noodsaaklik, maar mens wil nie baie geld daarop uitgee nie, veral as dit nie mooi lyk nie. Gelukkig is daar deesdae heelwat aantreklike opsies beskikbaar.” ’n Laag-op-laag-benadering is die beste met ’n verskeidenheid versperrings en waarskuwingstelsels wat jou bedag sal maak op ’n inbraak.…

Die beste afskrikmiddel is verskeie lae sekuriteit. Hennie Carstens van Pensec Security in die Wes-Kaap noem sy topwenke vir goeie sekuriteit: 1 Jou grensmuur is jou eerste verdedigingsmiddel. Dit is nie net ’n fisieke grens nie, dit dui ook die grense van jou eiendom aan sodat mense kan weet wanneer hulle op private of openbare grond is. 2 Elektriese drade is nuttig, want dit skep ’n grens wat jou laat weet wanneer iemand daaraan raak. Maak seker die draad is met jou alarmstelsel verbind om jou gewapendereaksie-maatskappy in kennis te stel. Hou bome en struike in toom sodat die elektriese draad doeltreffend kan funksioneer. 3 Elektriese hek en motorhuisdeur Beskerm die hek met stoppers wat keer dat dit van die spoor gelig kan word. Sit ook ’n slot aan die…

PROJEKGIDS  Harde werk 4/10 Vaardigheidsvlak 3/10 Tyd nodig 1 tot 2 uur Maak dit vir ± R3 630: Hout R3530, gom R40, skuurpapier R20, skroewe R20, inkapskroewe R20 Het jy geweet? DIY Deon is nie voltyds in Tuis se diens nie, maar bedryf sy eie onderneming. Dié vakman kan enigiets onder die son maak – van tafels en bankies tot kombuis- en klerekaste. Nader Deon by deon@diydeon.co.za of 084 589 5026. Wat jy nodig het INKOPIELYS • 18 mm- gelamineerde dennehout, gesaag in: agt 2 230 x 480 mm-planke (bo- en onderkant, lang rakke) vier 600 x 480mm-planke (bo- en onderkant, kort rakke) vier 2 100 x 30 mm-stroke (muurankers, lang rakke) twee 550 x 30mm-stroke (muurankers, kort rakke) tien 450 x 30mm-stroke (symuurankers) • 22 x 69mm- geskaafde dennehout,…

V: Daardie blougroen kaste in die kombuis op bladsy 49 van Augustus 2019 se Tuis is so mooi. Watter kleur verf het die eienaars gebruik? – Danielle Brown, Bloubergstrand A: Probeer gerus Escape the Everyday of Dulce van Duram (duram.co.za), of kies Jane’s Jade van Tjhoko Paint (tjhokopaint.co.za). V: Ek is dol oor die moderne voorkoms van die Kit Katteëls op bladsy 51 van jul Augustus 2021-uitgawe. Is dit individuele teëls, of kom dit in die vorm van mosaïek met ’n maas-rugkant? Is dit ook in ander kleure as swart beskikbaar? – Marike Carstens, George A: Ja-nee, die Kit Kat-ontwerp is tans baie gewild. Dié teëls is in verskillende formate te kry, byvoorbeeld ’n enkel-teël van 200 x 200 mm met groewe wat met voegbry gevul word, of individuele langwerpige…

Eerste indrukke tel – laat jou huis so aantreklik moontlik lyk van die straat af! Ons wys jou hoe... Is jy lief vir braai, maar die geheen-enweerdery tussen jou kombuis en die braaiplek is net te veel moeite? Oorweeg ’n volledig toegeruste buitekombuis soos dié een op Onrus. In Kommetjie, reg langs die see, is ’n tuin in sanderige grond omskep in ’n betowerende oase. Rose is immergewild, en met die regte struktuur kan klim- en rankrose die apploustrekkers in jou tuin wees! Hout, plastiek of metaal? Gebruik ons gids en kies die beste buitemeubels vir jou ruimte.…

John Sauer van Ngena Succulents antwoord Vetplante is uitstekende kandidate vir hangmandjies, aangesien hulle meer gehard is as ander plante, minder gereeld water vra en maklik is om te versorg. Gaan jy met vakansie, sal hulle oorleef selfs al droog die grond ’n week of twee lank uit. Wanneer jy ’n hangmandjie beplant, kies een of twee uitblinkers soos Echeveria, Pachyveria of mini-aalwyne as glanspunte; plant dan vullers soos rankende Sedums, Crassula en Oscularia tussenin en rondom, waar dit oor die mandjie se rand kan tuimel. Die meeste vetplante groei stadig en kan gesnoei word. Hulle hou nie van te dig opmekaar staan nie, maar indien die mandjie te vol raak, kan die plante geskei word – veral as klein plante uit die moederplante ontwikkel het. Ek stel voor jy…

Somerreënstreke Beet, blaarbeet, boontjies (stam- en ranktipe), eiervrug, ertjies (in koeler dele), komkommer, kool, kropslaai, mielies, murgpampoentjies, pampoen, rabarber, radyse, rape, seldery, skorsies, soetrissies, spanspek, spinasie, tamaties, witwortels, wortels. Winterreënstreke Beet, blaarbeet, boontjies (stam- en ranktipe), eiervrug, komkommer, kropslaai, mielies, pampoen, rabarber, radyse, rape, seldery, skorsies, soetrissies, spanspek, tamaties, witwortels, wortels. Laeveld en KwaZulu-Natalse kus Aspersies, boontjies (stam- en ranktipe), eiervrug, komkommer, mielies, radyse, soetrissies.…

VERSKAFFERS Block & Chisel 087 015 0181, blockandchisel.co.za Builders 0860 284 533, builders.co.za Carpet City Factory Shop 021 931 2154, carpetcityfactoryshop.co.za Leroy Merlin 010 493 8000, leroymerlin.co.za Moroccan Warehouse 021 461 8318, moroccanwarehouse.com Nifty Gifts niftygifts.co.za PEPhome 0860 737 000, pepstores.com SmartArt 021 447 0872, smartart.co.za Takealot takealot.com…

Karin sê sy sukkel om net een of twee gunstelingplante uit te sonder – daar is net te veel. Dié plante staan wel vir haar uit: • My wit bougainvillea wat die voorkant van die huis so mildelik bedek, was een van my beste plantkeuses ooit. Ek het altyd so ’n bougainvillea ’n paar huise van ons af bewonder, en met die opknap het ek seker gemaak ek kry ook een. • Irisse maak ’n lieflike vertoning, van naby en op ’n afstand. Elke blom is ’n ontwerp-meesterstuk. • Pelargoniums is verruklik en outyds en kom in die wonderlikste kleure. • ’n Bloureën in volle blom oorweldig met sy skoonheid! • Wanneer die reusesalie (Salvia leucantha) die toppunt van sy blomtyd bereik, is dit ’n fontein van pers vreugde. • Madeliefies herinner my…

Noedelslaai met spek Onder R125 • Genoeg vir 4 • Voorbereiding: 20 minute Gaarmaaktyd: 8 minute • 300g pastastrikkies • 125ml romerige mayonnaise • 125ml Griekse jogurt • 15 ml srirachasous • sowat 15ml vars suurlemoensap • 1 klein rooi ui, fyngekap • 100ml vars basilieblare • 2 klein koppe bros blaarslaai • 4 groot rooiryp tamaties, gesny of gekap • 200g spekrepe of -stukkies, brosgebraai 1 Kook die pasta in soutwater tot al dente (sowat 8 minute); dreineer en verfris vinnig in koue water. 2 Klits die mayonnaise, jogurt, srirachasous en suurlemoensap saam en geur na smaak met sout en peper. Meng die sous deur die gaar pasta en roer die ui en basilie by. 3 Snipper die blaarslaai net voor opdiening en roer dit saam met die tamaties en spek by die geurige noedels. Sit dit dadelik voor teen kamertemperatuur.…

Halfsewe op ’n Maandagoggend staan ek in ’n lang ry voor die toe deure van die Departement van Binnelandse Sake. Ek het dringend ’n tydelike paspoort nodig vir ’n once in a lifetime werksgeleentheid nadat die hond my vorige een opgevreet het. Dis winter, nog donker. En dis koud. Die windjie is klam, soos ’n Kaapse winterwind sal wees, druk sy ysige snoet ongepoets onder jou jaspante in. Ons is al ’n mooi klompie hier, staan op ’n kale stoep en die bevrore sement vreet geniepsig deur ons skoensole. Kort-kort kom daar nuwe siele by. Met hoop en ’n titseltjie angs sukkel hulle die steil trap op na bo, toegewikkel in dubbeldik jasse, serpe en handskoene waarin papiere onhandig vasgeklem word. Gou staan die ry ’n stuk of 60 man…

WIE WOON HIER? Matti en Erik Roon en hul vyf dogters, Anika (14), Jessika (11), Matti-Alisa (10), Kari (7) en Lilia (6) WAAR Brandwacht, Stellenbosch GROOTTE 509m2 Die eerste week in hul tamaai nuwe huis het die hele Roongesin in die hoofslaapkamer geslaap. “Ons wou net naby mekaar wees soos in ons ou huis,” vertel ma Matti. “Hier moes ons eers gewoond raak aan die baie ruimte.” In hul vorige huis, met drie slaapkamers, het die kinders kamers gedeel. “In die ou huis het hulle selfs ’n ruk lank saam op ’n kermisbed geslaap terwyl ons hul beddens vir die nuwe huis laat aanpas het.” Nou, twee jaar later, glimlag Matti oor al dié stories. “Ons het hier belê in goeie herinneringe vir ons kinders. Die huis is groot genoeg…

Daar is verskeie mooi sekuriteitsopsies op die mark. Die argitektoniese ontwerper Jenny Collins van Red Cat Design noem haar gunstelinge: • Hortjies is veilig, mooi en maklik om te gebruik. Hulle is beskikbaar in allerhande kleure en kan op baie maniere ontwerp word om jou ruimte te pas. Nog ’n voordeel is dat hortjies ook as vensterversiering dien. Hulle verhoog boonop die waarde van jou huis. Veiligheidshortjies kan by vensters en deure gebruik word en ook by die trap as jy in ’n dubbelverdiepinghuis woon en veilig bo wil slaap. • Roldeure (“roller shutters”) is ’n uitstekende opsie om die gang na die slaapkamers of by trappe af te sluit. Die spore is nie in die pad nie en word versteek in ’n nou boks wat in die plafon versteek…

Deursigtige, onopvallende diefwering het die afgelope paar jaar al gewilder geword. Daar bestaan die wanpersepsie dat dit maklik is om dié stawe af te knip, maar hulle is veel sterker as wat jy dink. Soos met enige ander diefwering moet dit as net een van die sekuriteitslae by jou huis beskou word. Ricky Walton van SheerGuard South Africa gee dié raad: “Makrolon-polikarbonaat is die wêreld se sterkste karbonaat,” sê hy, “en ons het die eksklusiewe verspreidingsregte in Suid-Afrika. “Dis belangrik om te besef dat ’n inbreker met die regte toerusting enige sekuriteitsmaatreëls kan oorkom as hy genoeg tyd het. Daarom ondersoek ons mense se woonplek om hulle raad te gee oor laag-op-laag-sekuriteit.” Nog voordele van deursigtige diefwering: • Dis sterk, veilig, duursaam en verg geen onderhoud nie; dis ’n aantreklike…

In dié jaarlikse kompetisie in vennootskap met Tjhoko Paint kan jy wondere verrig met verf, ’n kwas, roller en stensil. Gee jou verbeelding vrye teuels en gee terselfdertyd nuwe lewe aan iets ouds. Daar’s geen rede om altyd iets nuuts te koop nie, want met Tjhoko Paint kan jy toor en apploustrekkers skep reg deur jou huis. Om nie te praat van die lekker pryse wat jy kan wen nie ... NUUT! Vanjaar se kompetisie het ’n paar nuutjies. Eers kon jy jou inskrywing(s) net op Instagram laai, maar nou kan jy ook Facebook gebruik. Jy moet natuurlik ’n Instagram- of Facebook-rekening hê; as jy nog nie een het nie, laai die apps af in die Apple App Store of by Google Play. Stuur gerus ’n e-pos na redakteur@tuis.co.za as…

V: Ek is op soek na ’n diensverskaffer in die Oos-Kaap wat my AGA-stoof kan restoureer. Wie het Suzette du Plessis se pragtige stoof op bladsy 20 van die Julie 2021-uitgawe reggemaak? – Madeleine van Eck, Gqeberha A: Suzette het van die AGA-spesialiste Arthur Reid & Sons AGA Services (082 935 6534, facebook.com/ Arthur-reid-sons-agaservices) se dienste gebruik gemaak. V: Waar het die Haumanns daardie wasbakke in hul en suite op bladsy 47 van Mei/Junie 2021 se uitgawe gekoop? – Marius Potgieter, Pretoria A: Victorian Bathrooms (victorianbathrooms.co.za) het wasbakke in ’n soortgelyke styl.…

KENNERSRAAD ’n Gewone voorstedelike huis kan ook energiedoeltreffend wees. Chris en Philippa het ’n gryswaterstelsel, reënwatertenks en ’n outomatiseringstelsel wat keer dat enige krag vermors word. “Ons het ons huis so energiedoeltreffend moontlik gemaak,” sê Philippa. Chris het self ’n Ecogator-gryswaterstelsel geïnstalleer. Die afvoerpype van die stort, bad en wasmasjien lei almal na ’n sentrale punt waar die water deur ’n filter na die reënwatertenk vloei, van waar dit in die tuin uitgepomp word. “Al ons geute voer reënwater na ’n ondergrondse kanaal wat Chris ontwerp het, en swaartekrag druk die water op in twee JoJo-tenks van 5000 liter elk. Ons gebruik hierdie water om ons groentetuin nat te lei en die swembad vol te hou. “Die huis is grotendeels met ’n Control4-stelsel geoutomatiseer, en baie ligte het bewegingsensors wat…

• Sedum ‘Sea Urchin’ is die ideale grondbedekker om teen die rand van ’n mandjie te plant as vuller of ranker. Sedums se fyn, ligte loof (gewoonlik groen-geel) sal vir ekstra kleur sorg. • Crassula ovata groei regop en het heldergroen ronde, vlesige blare. Dis ’n goeie vuller en sal mooi kontrasteer met rosetvormende vetplante. Sny gereeld terug om dit kompak te hou. • Pachyveria ‘St Ives’, ’n kruising tussen Pachyphytum en Echeveria, het dik, silwerblou gepunte blare wat groot rosette vorm. • Aeonium ‘Kiwi’ spog met driekleurige lepelvormige blare in ’n pragtige roset. Dis ’n goeie keuse vir beginners en het son nodig om die kleure uit te bring. Dié vetplant is dormant in die somer en groei in die winter en lente, wanneer dit meer water vereis. • Grondbedekker-tipe Plectranthusse is…

Teen ’n muur Felicity Jacobs van Heathfield, Kaapstad, skryf Ek wil graag klimrose plant wat dié somer sal blom. Wat beveel jy aan? Ludwig antwoord Klimrose soos ‘Aperitif’, ‘Crème Caramel’, ‘Cherry Garland’, ‘Golden Showers’, ‘Climbing Iceberg’, ‘Golden Celebration’, ‘Don Juan’, ‘Isidingo’ en ‘Guelilah’ is ideaal vir ’n muur, pilaar of prieel. Anders as die eertydse klimrose wat net een keer per jaar in die lente geblom het, spog die meeste moderne kultivars so te sê aanhoudend deur die seisoen met blomme. Al die kultivars hierbo sal dié somer blom indien jy hulle in September plant. Berei die gate goed voor deur kompos en Vigorosa of Vigolonger (met beheerde vrystelling) by die bogrond in te meng. Plant die rose minstens 30 cm weg van ’n muur vir goeie lugsirkulasie. Moedig goeie…

’n Hele ruiker in een Dianthus ‘I Love You’ is die jongste klein skoonheid in die ornamentele-angelierreeks wat met ‘Pink Kisses’ begin het en ook ‘Early Love’,’ Purple Wedding’ en ‘Peach Party’ – elkeen met sy eie bekoring – insluit. ‘I Love You’ spog met massas geurige blomme met delikate kartelrandjies wat mettertyd van kleur verander van helder- tot ligpienk en uiteindelik wit, wat die indruk van ’n hele ruiker op net een plant skep. ’n Kompakte groeiwyse (25cm hoog en wyd) en ronde vorm maak dit die ideale plant vir die stoep of randakker; dit lyk veral mooi in groepe bymekaar. Die plant verkies volson en vrugbare, komposryke grond wat goed dreineer. Moenie oorbenat nie. KONTAK ballstraathof.co.za…

Karin ontwerp sedert die eerste Tuindag in 2016 die kunswerke vir die plakkate vir dié viering wat vanjaar op Sondag 17 Oktober is. Die doel van Tuindag is dat Suid-Afrikaners hul tuine tuis of saam met vriende moet vier met aktiwiteite wat gewoonlik die maak van ’n blomkroon insluit. “Dié ervaring het my lewe onuitspreeklik verryk,” sê Karin. “Ek en my assistent, Donovan Drodskie, deel ’n wedersydse entoesiasme vir tuinmaak en het omtrént behep geraak daarmee! Ek hou van navorsing doen oor plante.” Karin sê sy waardeer die idee van Tuindag, want al verg ’n tuin ’n klomp harde werk, bring dit ook soveel vreugde. “Om jou tuin een dag elke jaar waarlik te geniet saam met vriende en familie – natuurlik ook met lekker eetgoed – is vir my…

Lemmetjie-en-klappertert Dié mooie tert gaan net soveel harte steel soos die klassieke suurlemoenmeringue. Maak 1 x 25cm-tert Voorbereiding: 20 minute Baktyd: 25-30 minute Oondtemperatuur: 170 °C • 1 pakkie (200g) sjokolade-semelbeskuitjies, fyngekrummel • 100g botter, gesmelt VULSEL • 1 blik (385g) kondensmelk • 4 eiergele • 180ml klappergegeurde volroomjogurt • gerasperde skil van 2 lemmetjies • 125ml lemmetjiesap • 5ml rumgeursel (opsioneel) GARNERING • klapperskaafsels, Switserse meringue (sien wenk), bessies, eetbare blommetjies en mentblare 1 Voorverhit die oond. Meng die koekiekrummels en die botter en voer ’n tertbak daarmee uit sodat dit ’n dun kors vorm. Hou in die yskas tot nodig. 2 Klits nou die kondensmelk en eiergele saam vir ’n paar minute. Voeg die res van die vulselbestanddele by en klits tot lekker dik. 3 Giet die vulsel in die voorbereide kors, smeer effens gelyk en bak…

Klop dit! Brabantia Tasty+-klitser in donkergeel R129, home.co.za EET IN STYL Ocean Dipped Crackleeetborde (Coral en Aqua) R65 elk; Ocean Stripeeetborde R59,95 elk; Ocean-waterglase R69,95 elk, woolworths.co.za Met gawe bestanddele soos bosbessies, wildeals, boegoe en GanedenBC30-probiotikum is ’n Sir Fruit Probiotic Cranberry Shot (R21,99, sirfresh.co.za) die beste ding vir jou spysverteringstelsel! MA SE HANDLANGERTJIE Die veeldoelige Kitchen Helper deur Eine Kleine Kind (900 mm H x 480 mm B x 400 mm D, R1 750) word van duursame 18 mm-beukelaaghout gemaak en is onontbeerlik in kindervriendelike kombuise. Dit gee die kleingoed die nodige hoogte om ’n handjie te kan bysit op kombuis-werkblaaie, terwyl ’n sperplank keer dat hulle agteroorval. Kyk by einekleinekind.co.za vir meer. KOMBUISEKSTRAS Om meer werk te skep en minder materiaal tydens die maak van hul losstaande kombuiskaste…

PRET VIR ALMAL BenBen ontwerp en maak prettige dog nuttige gebruiksware vir kinders, maar wat volwassenes ook sal geniet! Hulle vermy enkelgebruik-plastiek en gebruik volhoubare berkelaaghout en verf wat nie-giftig en bioafbreekbaar is. Kyk ’n bietjie na hul reeks horlosies, lengtekaarte, gaatjieborde en ligte by @benben_studio en benbenstudio.com. DIE HAND VAN ’N KUNSTENAAR Isadore, die nuutste ontwerp in Lemon se plakpapierreeks The Artist’s Story, is geskep deur die kunstenaar en illustreerder Ronelle Pienaar Jenkin. Dis ’n gestileerde interpretasie van weerbarstige bougainvilleas, geïnspireer deur verlore liefde tydens die vroeë 1900’s in Italië. Dit word digitaal op papier of viniel gedruk en in rolle verkoop. Besoek lemoncollection.co.za vir meer. Op voetsoolvlak Italtile het pas ’n nuwe teëlreeks deur die Italiaanse teëlmeesters Atlas Concorde uitgepak. Die Exence-porseleinreeks (te kry in Almond en Amber, asook…

WIE WOON HIER? Charrisse Johnston en Ian Macduff, Oscar die Britse korthaarkat en Winston die Chinese keeshond WAAR Kommetjie, Wes-Kaap GROOTTE 195m2 ’nKassie in koraal en groen val ’n mens op sodra Charrisse Johnston en Ian Macduff se voordeur oopswaai. Maar dis gou duidelik dat dit een van min helder dekorstukke in ’n gedempte, neutrale palet is. Die egpaar het hul huis, wat onafhanklik van munisipale netwerke is, verlede jaar gebou op een van twee aangrensende erwe wat Ian in 2007 gekoop het. Die erwe lê in ’n L-vorm en hul huis is op die lang been, 40m van die strand af. Charrisse skerts dat hul leë erf “as Winston se persoonlike hondepark” dien. Vir Ian is die skuif na Kommetjie ’n tuiskoms; hy het al in sy tienerjare hier…

Veiligheidshekke is nie die enigste opsie wanneer jy jou voordeur of enige ander deur wil beveilig nie. Die deur self kan sekuriteit bied indien dit behoorlik versterk word. Tertius Joubert van Fort Security Doors sê: “Ons deure van versterkte staal stem ooreen met kluisdeure wat die ontwerp en bou betref. Dit het ’n staalraam met ’n multipunt-multirigting-dobberslotstel van hoë gehalte. Hierdie deure kan enige soort aanval weerstaan, selfs waar ’n koevoet ingespan word om die deur te probeer oopdwing. Meer as 80% van alle huishoudelike inbrake in die land is sogenaamde ‘koevoetinbrake’. “Die deure is boonop aantreklik omdat hulle afgewerk is met dekoratiewe panele van natuurlike of saamgestelde hout wat lyk en voel soos ’n gewone deur.” Sy beste veiligheidswenke is: • Bestee geld waar dit die nodigste is. Die…

As jy hou van veiligheidshortjies, maar ’n meer bekostigbare opsie soek, oorweeg stylvolle veiligheidshekke en diefwering wat soos hortjies lyk. “Ons diefwering bring iets elegants na sekuriteit deur die indruk van blindings of hortjies te skep,” sê André Holland van Shutterway Stylish Security. “Hulle skep ook ’n netjiese argitektoniese element.” André stel voor dat mense die volgende in gedagte hou wanneer hulle hul huise wil beveilig: • Moenie wag tot dit te laat is nie. Wees proaktief wanneer jy jou eiendom beveilig eerder as dat jy wag dat iets gebeur, in welke geval daar dan byna oornag opgegradeer moet word. • Moenie gehalte inboet nie. Soos met alle dinge in die lewe, kry jy dit waarvoor jy betaal. • Bekyk jou eiendom uit ’n inbreker se oogpunt om te sien…

Benut elke reëndruppel Wynand Oosthuizen van Durbanville skryf Ons gebruik nou al jare JoJo-tenks om reënwater op te vang vir gebruik in die tuin en om die toilette mee te spoel. Al lyk dit of die onlangse droogte in die Wes-Kaap nou oor sy ergste is, wil ons graag dié water ook in die huis gebruik. Is dit moontlik, en hoe sal die water smaak? Sebasti Badenhorst, nasionale bestuurder: bemarking, logistiek en verkope by JoJo, antwoord Dis beslis moontlik! Drie komponente is nodig om reënwater reg deur jou huis te gebruik: EERSTE FILTRASIE Dit verwyder nie net ongewenste materiaal en verbeter die gehalte van die reënwater wat jy opvang nie, maar beskerm ook jou pomp. Ons reeks sluit ’n Rainhead (wat blare en takkies direk uit die afvoergeut wegvoer) en…

Blaaskans Valentino rus in die koelte tot die son oorgeskuif het. – Joanne Rex, Bloemfontein Lentekoors Die kleine Jan in ’n droomverlore luim. – Anneke van Vuuren, Bellville ‘Al die veld is vro-o-lik’ Zara huppel tussen Clanwilliam se blomme. – Anthony Hamilton, Durbanville Blommekind Klein Tiekie geniet die kleure en geure van die nuwe seisoen. – Ruth Boshoff, Somerset-Wes Uitasem! Twinkle is stokflou gehardloop tussen die rye perskebloeisels. – Christine van Deventer, Bonnievale Jy’s nat, (s)kat Selfs met ’n druppel op die ken is Lulu ’n prentjie! – Danielle van Aswegen, Randburg Warm kopie Troeteldiere met goeie smaak verkies Le Creuset se Pet Collection. Dis gemaak van koolstofstaal (dieselfde as vir menslike gebruik) en bedek met glansemalje in vyf kleure. ’n Been-etiket waarsku huismense: “Hande tuis!” Die duursame emaljelaag (net…

Spekbome (Portulacaria afra) is onontbeerlik in ’n ekovriendelike tuin aangesien dit koolsuurgas uit die atmosfeer verwyder deur dit soos ’n spons te absorbeer. Só verbeter dit die gehalte van die lug wat ons inasem. Spekbome is veelsydige plante: Dit gedy in volson of halfskadu en in droë sowel as hoëreënvalstreke; dit verduur hoë humiditeit en hitte; boonop kan dit as brandvertrager aangeplant word op die grens van gebiede wat gereeld onder veldbrande deurloop. Die struike tree ook op as ’n grondbinder, wat erosie teen hellings en in winderige gebiede voorkom. Het jy geweet? Die spekboom, wat tot 200 jaar oud word, voorsien 80% van olifante se dieet.…

Metgeselplante – sekere kruie en groente bymekaar – word al eeue lank gebruik om plae op ’n natuurlike manier te verdryf, bestuiwers te lok of vrugbaarheid te bevorder. ’n Vorm van dié praktyk wat as “die drie susters” bekend staan en al eeue lank deur die inheemse volke van Amerika gevolg word, behels dat suikermielies, pampoen (of botterskorsie) en rankboontjies saam geplant word. Behalwe dat hulle goeie metgeselplante is, bespaar dit ook plek in klein tuine. Dit werk só: Terwyl die suikermielies skadu bied vir die pampoen of botterskorsie en boontjies, en dié rankende plante ondersteun, verskaf die boontjies op hul beurt stikstof aan die mielies. Al drie groentes het heelwat water nodig. As jou spasie baie beperk is, kies bosvormende kultivars (skorsie, botterskorsie, vlapampoentjie) pleks van rankpampoen. Goed om…

Blare verkleur Lauren Addison van Salt Rock skryf My sterjasmyn het altyd gedy, maar ek het verlede jaar minstens ses plante binne enkele maande verloor. Die blare, wat groen moet wees, het pragtig rooi verkleur en toe afgeval of opgedroog. Ek het gedink hulle het droogte gely in die winter, maar die probleem het deur die somer voortgeduur. Ek het die dooie plante met nuwes vervang, maar merk dat ook dié se blare nou rooi word. Toe ek vermoed rooispinnekop of miere is die oorsaak, het ek gespuit, maar verniet. Het jy asseblief raad? JJ antwoord Ja-nee, blare wat rooi verkleur, is gewoonlik ’n teken van ’n tekort aan water; die grond kan ook te gou uitdroog. Plante van ’n kwekery kom meestal in ’n sak met goeie potgrond. Namate…

RESEPNOTAS • Hou noukeurig by die aangeduide temperature; gebruik ’n termometer! • Jy het ’n halloumi-kaasmaakstel van A3 Technologies nodig (R316,25 plus aflewering). Die stel sluit die volgende in: 1 x 50 g stremsel; 1 x 100 g kalsiumchloried; 2 weggooikaasdoeke; 1 x 500 g jodiumvrye sout; termometer, asook ’n nuttige resepkaart. Nader Elize Nel by 072 795 4214 of a3technologiescc@gmail.com vir nog inligting; volg A3 Technologies op Facebook en Instagram. BESTANDDELE • 10 liter vars volroommelk (nie langlewemelk nie) • kalsiumchloried (1/4 teelepel opgelos in 50 ml kraanwater) • vloeibare stremsel (0,6 ml vir 10 liter melk) • jodiumvrye sout en gedroogde ment, ter afronding 1 Sit die melk en opgeloste kalsiumchloried in ’n pot. Verhit die melk tot 30–34 °C terwyl jy voortdurend roer. Los die stremsel in ’n klein bietjie koue…