Innehållsförteckning för October/November 2021 från Tuis

Ek het ’n nuwe aanneemhond. Sy naam is Knapie en hy is obsessief oor die bougainvillea teen die grensmuur in my agterplaas. Dit was ’n nare sameloop van omstandighede wat tot dié obsessie gelei het: ’n rondloperkat wat op Knapie se eerste dag tuis in die bougainvillea vir hom sit en sis het, en sedertdien is dié struik vir hom sinoniem met dreigende gevaar. As ek die agterdeur oopmaak, bestorm Knapie die boom – so driftig dat die bougainvillea se stam nou al nerf-af en merkbaar dunner is van sy skerp tandjies. Die Kaap het die natste en langste winter in jare gehad, en eendag toe Knapie weer uitstorm om die boom te byt, sak ’n tweede reën uit die blare op hom neer. Kort tevore het dit gesous, en…

Soveel skakerings Ons het al in 2012 verlief geraak op Daphne Cooper se kleurryke huis en dit toe vir die eerste keer in Tuis gewys. Nou, amper 10 jaar later, het sy die rooi kleurskema in die kombuis vervang met ’n kalmerende blou palet. “Toe ek byna 20 jaar gelede hier ingetrek het, moes ek met baie dinge ‘sien kom klaar’,” verduidelik Daphne, ’n sielkundige. “Die mure is nooit na wense gepleister nie en ek het destyds die kombuis versier met ’n versameling blikborde en allerlei kleure teen die mure. Maar dit het heeltyd gevoel asof die mure deur Prestik aanmekaar gehou word!” Elke naam teen die muur bo die buffetkas is daar geskryf deur iemand wat ’n ete saam met Daphne hier geniet het. “Daar is plek-plek ook afdrukke…

DIE HUISMENSE Lizl en Jako Kruger, die seuns Jakobus (15), Nicolaas (13) en Ignatius (8), vyf honde en ’n kanarie WAAR Prins Albert GROOTTE Sowat 140 m² (stoepe uitgesluit) Ek kry idees oral waar ons rondbeweeg; dit hang ook af waarmee ek besig is op ’n gegewe oomblik. Die een idee lei altyd tot ’n ander. - Lizl Hul lewe die afgelope twee en twintig jaar sedert hul troue het wye, interessante draaie geloop: Van Pretoria in die noorde tot die Paarl in die suide, en nou ook Prins Albert in die Sentraal-Karoo waar Lizl en Jako Kruger, hul drie seuns, vyf honde en een kanarie deesdae soveel tyd moontlik in hul nuwe vakansiehuis deurbring. Ná hul universiteitsopleiding was daar ’n tussenfase op ’n plaas by Swellendam waar die paartjie…

VERSKAFFERS @home 0860 834 834, home.co.za Builders 0860 284 533, builders.co.za Coricraft 087 245 0005, coricraft.co.za Decofurn 087 740 1800, decofurnsa.co.za Eurolux 021 528 8400, eurolux.co.za Italtile 010 271 2272, italtile.co.za Moroccan Warehouse 021 461 8318, moroccanwarehouse.com Mr Price Home 0800 212 535, mrphome.com Patio Warehouse 012 657 9400, patiowarehouse.co.za Superbalist 087 362 7300, superbalist.com Woolworths 0860 022 002, woolworths.co.za Yuppiechef 0861 702 4969, yuppiechef.com…

Die perfekte kleur Sandra Wheaton Nel van Pretoria skryf Ek is besig met ’n kombuis-opknap waar die kaste in Plascon Natural White geverf is; ek oorweeg steierplanke vir die blaaie. Hoe seël ek die hout, en watter kleur beits sou julle aanbeveel? Ek hou van die kleur van die tafel op bladsy 93 in Tuis Opknap 2020, mits dit nie te rooi of te geel is nie. Ek sou dit ’n bietjie donkerder verkies. Kan julle help? Frikkie Greeff van Woodoc antwoord Jy kan hout maklik beits en seël met ’n Woodoc-verseëlaar gekombineer met die geskikte Woodoc Colours. Die natuurlike voorkoms van die hout sal in ’n groot mate die uiteindelike kleur bepaal; Woodoc bring die houtvoorkoms uit, pleks van dit te verbloem. Jy sal dus ’n bietjie moet eksperimenteer…

WIE WOON HIER? Arti Canaris en haar worshonde Vienna, Frankie en Phoebe WAAR Simonstad, Kaapstad GROOTTE 94 m² bo en 94 m² onder Arti Canaris was nog altyd dol oor Simonstad aan die Valsbaaise kus naby Kaapstad. In 2016 het sy van ’n natuurreservaat bo dié vlootbasis na ’n 43 jaar oue huis in die middedorp getrek. “Simonstad bied die beste van alle wêrelde: geboue met ’n geskiedenis, majestueuse berge, watervalle, warm seewater, weggesteekte strande, oulike winkels en ’n hegte gemeenskap,” vertel Arti met ’n glimlag. Die vernaamste trekpleister van die eiendom was die sentrale ligging en twee bekoorlike stegies alkant van die huis, wat na die hawe lei. Boonop kon Arti ’n gedeelte omskep in Airbnb-vakansieverblyf wat “vir haar sou werk”. Die huis self het daar egter droewig uitgesien,…

Taal van die liefde Die redakteur, Wicus Pretorius, skryf Ek het onlangs ’n dierefluisteraar op kykNET gesien wat help met troeteldiere se gedragsprobleme. My aanneemhond is geneig om die bougainvillea in my tuin “aan te val” en te byt. Het sy dalk raad? Hettie Richter, dierefluisteraar van Dierepraters op kykNET, antwoord Ons kan op ’n emosionele vlak met troeteldiere kommunikeer en die verlangde verandering in hul gedrag bewerkstellig deur op die regte manier met hulle te praat. Ek werk op ’n psigologiese vlak met diere en praat kalm en sag met hulle. My doel is om “tot die hond se hart” te spreek deur my hand op sy skof – aan die agterkant van die hart – te hou. Dit is waar hulle “ontvang”. Die bors is voor die hart…

Te min water Francis Alberts van Gqeberha skryf Ek is so teleurgesteld in my ‘Hestrie’-roos – die blomstele is korter as gewoonlik en nie geskik om te pluk nie. Is dit normaal vir hierdie roos? Ludwig antwoord Indien die roosstele onnatuurlik kort is en reeds knoppe gevorm het, is dit waarskynlik ’n teken dat daar nie genoeg water op wortelvlak is nie. Druk ’n vurk in die grond en wikkel dit sodat dit gate vorm, pleks van die grond los te maak. Gooi dan goed nat – jy behoort binne ’n paar dae ’n verskil te sien. Wanneer baie water na die stele, blare en blomme beweeg, sal die plant nie net gesonder lyk nie, maar ook beter bestand wees teen hitte en droë wind. Die blomme sal ook langer…

Isabel en Mike Johnston het hul groot eiendom met ’n gevestigde tuin en groot bome in April 1981 gekoop. Veertig jaar later is die ou inheemse boomvarings, kleurvolle asaleaheinings en groot magnoliabome steeds fokuspunte in dié tuin. Mike is byna twintig jaar gelede oorlede, maar Isabel maak nog elke dag hier tuin. “Mike het baie inheemse bome op ons oostelike grens geplant. Daar staan vandag onder meer Natalvy (Ficus natalensis), rooiessenhout (Trichilia emetica), notsung (Halleria lucida), wildeperske (Kiggelaria africana) en witstinkhout (Celtis africana). Al die bome het ongelooflik gegroei en sorg vir skaduwee en ’n paradys vir talle wilde voëls. Die onderbos is beplant met blouklokkiesbos (Mackaya bella), asaleas en verskeie spoorsalies (Plectranthus) wat in April en Mei pragtig blom. Gruispaadjies loop deur die woudtuin en Streptocarpus, Saxifraga stolonifera, Engelse…

Kerriehoenderslaai met mango en ‘paaper bites’ ‘Paaper bites’ is niks anders nie as stukkies samoesadeeg wat diepgebraai en gegeur, en dan soos tjips in pakkies verkoop word. As jy sukkel om dit in die hande te kry, kan jy jou eie maak of met croutons vervang – want enigiets wat knars, is heerlik saam met hierdie romerige slaai. Genoeg vir 4 • Voorbereiding: 40 minute Gaarmaaktyd: 20 minute • 4 hoenderborsies • sout en varsgemaalde swartpeper na smaak • 5ml olyfolie • 300g blaarslaai • 3 selderystingels, fyngekap • 3 sprietuie, gekap • 100g gedroogde mangorepies, gesnipper • 30ml sultanas of rosyntjies • 125ml gevlokte amandels, gerooster • 80g ‘paaper bites’ SLAAISOUS • 5ml matige kerriepoeier • 30ml mangoblatjang • 15 ml suurlemoensap (of na smaak) • ’n paar druppels Tabasco • 200ml romerige mayonnaise • 100ml natuurlike volroomjogurt 1 Sit die hoenderborsies in ’n kastrol, bedek…

HARTSKUNS Lieflike handgeverfde ontwerpe deur die kunstenaar Jumarie du Toit vorm die basis van Jumarie From The Heart. Dit word gedruk op weelderige lap waarvan onder meer voorskote, strooikussings en tafellopers gemaak word. Die groot voorskote met gerieflike sakke voor (76 x 64 cm; R449) is uiters gemaklik en maak maklik skoon. Loer by jumariefromtheheart.com. Vir elke seisoen … Simply Seasonal (R400, Penguin Random House South Africa), die tweede kookboek deur die lewenslustige kosinhoudvervaardiger Ilse van der Merwe, is ’n opwindende visuele reseptegids wat die oorvloed van die natuur vier. Met meer as 80 watertandresepte – van voorgeregte en bykosse tot hoof- en nageregte – sal die boek jou inspireer om te geniet wat die seisoen jou bied. Elke resep word geïllustreer deur ’n asemrowende kleurfoto. Jy sal weer eenvoudig,…

Vroeg op ’n Saterdagoggend sit ek in die middedorp van Stellenbosch met ’n cappuccino en ’n onoopgemaakte koerant, my gedagtes daar doer. En skielik spring daar ’n snaakse woord hier uit my agterkop: solastalgie. Jinne, dink ek verras, van waar Gehasi? Ek kyk straataf, al met die rye coffee shops en toeristewinkeltjies langs wat op die sypaadjies uitspoel. Wat was die prikkel vir hierdie vreemde woord, wonder ek, en hoe kom ek daaraan? Ek sit immers by ’n fraai klein buitetafeltjie voor Fidders, een van my gunstelingwinkels hier op die dorp. Dis nog ’n regte, egte ou dorpswinkel, en mooi, waar jy enigiets van ’n lint tot ’n teesif kan koop. Die personeel bly dieselfde, ken jou naam, vra selfs uit na familie. Jy voel soos iemand hier. Die cappuccino’s…

WENBRIEF Ná 10 jaar se droom Marinda du Toit van Aranos, Namibië, skryf Ons huis was ’n doodgewone plaashuis in die suidooste van Namibië, in 1952 gebou tussen die rooi sandduine van die Kalahari uit klip wat op die buurplaas uitgekap en met ’n beitel afgewerk is. Na baie jare en baie somme maak, besluit ons in 2016 om ons huis mooi en gerieflik te maak. Met net een badkamer was vakansies, wanneer die familie kom kuier, altyd ’n uitdaging. En hoewel die vloei van die huis nie sleg was nie, wou ek dit graag oopmaak met groot vensters en groot deure sodat ons die natuur oral om ons kon sien en geniet. Omdat die meeste mure die dak ondersteun het, kon ons nie veel uitbreek nie, maar danksy ’n…

Saligna-hout is vir die afdak buite gekies omdat dit meer waterbestand is as ander houtsoorte soos dennehout, verduidelik Rynhardt. Saam met hul bouer, Henk Pienaar, het hulle met die dak se patroon gespeel deur die rigting van die sparre af te wissel. Die staalstruktuur is teen ’n effense helling gebou sodat hulle in die toekoms polikarbonaat- of glasplate bo-oor kan sit om die kuierplek reënbestand te maak. “Tans is die hoofdoel van die dak om beskerming teen die son te bied, asook visuele afronding te skep,” sê Rynhardt. Die planke is met ’n mahonie-kleur gebeits om aan te sluit by die houtvensterrame aan die voorkant van die huis. Die kombinasie van staal, hout, sement en stene pas by die gesin se aardse styl. >>…

V: Watter soort verf en kleur is op die draadstoele op bladsy 28 van jul Augustus 2021-uitgawe gebruik? – Settie Uys, Kaapstad A: Die stoele is gespuitverf met Rust-Oleum Spray Paint Touch 2X Ultra Cover in die kleur Satin Sweet Pea. V: Ek is mal oor die geel bank op die voorblad van jul Maart 2021-uitgawe. Waar kan ek so iets kry? – Marinda Louw Coetzee, Kaapstad A: Dié bank is ’n goeie voorbeeld van meubelontwerp uit die middel van die vorige eeu, maar jy gaan so iets nie nuut in die winkels kry nie. Kyk by tweedehandswinkels soos Vamp Furniture in Kaapstad (021 448 2755), Retrend in Johannesburg (011 482 2454) of Huisraad Modern (huisraad.co.za), of hou Gumtree of Facebook Marketplace dop vir iets soortgelyks en laat dit nuut…

Om opknapprojekte te bestuur is elke dag deel van Arti se lewe; sy het daarom ’n magdom kennis as dit by slim oplossings kom. Haar topwenke sluit in: Bly getrou aan jouself Daar is deesdae soveel knip-en-plak- of katalogusstyl-huise. Vind jou eie styl, hetsy in die vorm van ’n mat, ’n lamp of ’n kleurskema, en gebruik dit as uitgangspunt. Volhoubaarheid Kies plaaslike materiale wat eties bekom is. Ek raadpleeg dikwels die wonderlike webwerf greenstuff.co.za, wat Loraine Jenks ontwikkel het. Dit bied ’n betroubare gids van produkte wat deeglik nagevors is. Soek ook na argitekte of argitektoniese interieurkonsultante met kennis van en ’n passie vir volhoubaarheid. En hou by dié vyf beginsels: Sê nee, Verminder, Herwin, Hergebruik en Herstel. Praat met kenners Indien jy vasdraai, is dit die moeite werd…

Potte vol pret Verfraai jou balkon, trappe of stoep met hangmandjies en terracottapotte vol kleur en geur! Draadmandjies met ’n veselvoering werk goed. As jy deur die materiaal knip, kan jy rankplante reg rondom die buitekant van die mandjie plant met ’n treffende fokusplant in die middel. Die ondergenoemde inheemse plante sal gedy in houers; plant hulle in grond wat goed dreineer en sny gereeld terug om hulle in toom te hou. Vrolik in volson • Heuningklokkiesbos (Freylinia lanceolata) word bewonder vir sy roomgeel buisvormige blomme wat ’n hemelse heuninggeur afskei om voëls en vlinders te lok. • Wilderoosmaryn of kapokbos (Eriocephalus africanus) groei vinnig en het sterk aromatiese blare. In die winter spog dit met wit, madeliefieagtige blomme met ’n pers hartjie. • Die Velddrif-poprosie (Hermannia pinnata) is ’n…

Misvormde aalwynblomme Elanie Jonker van Robertson skryf Ek het ’n vreemde groeisel op heelparty van my aalwyne opgelet. Wat sou dit veroorsaak? JJ antwoord Hierdie abnormale groeisels is aalwynkanker. Dit word veroorsaak deur ’n insek bekend as ’n galmyt, wat die siekte van een plant na ’n ander oordra. Sny die aangetaste blomme en groeisels af en spuit die aalwyne dan met Seizer 100-insekdoder volgens die aanwysings op die verpakking.…

Plantkeuse Om te verseker dat ’n gemengde bedding deur al die seisoene mooi is, is dit belangrik dat jy plante kies wat opeenvolgend blom. In die vroeë lente blom die ligpers feetjieprimulas (Primula malacoides) wat maklik selfsaai, pienk inheemse sandlelies (Veltheimia bracteata), Saxifraga stolonifera, wit kantblomme (Orlaya grandiflora), vilette (Matthiola incana) en muurblomme (Erysimum ‘Bowles’s Mauve’). Daarna blom die vingerhoedjies (Digitalis purpurea), baardangeliere (Dianthus barbatus), akaleie (Aquilegia vulgaris), Inkalelies (Alstroemeria aurea) en Astrantia. Namate die somer aanstap, neem die pronkridderspore (Delphinium), tabakblomme (Nicotiana alata), lamsterte (Verbascum), floks (Phlox paniculata), daglelies en dahlias oor. Laatsomer kom die Michaelmasmadeliefies (Symphyotrichum novi-belgii) en Chinese klokblomme (Platycodon grandiflorus) aan die beurt. Van die lente tot laatsomer sorg die rose vir ’n skouspel. Hoewel die mistige klimaat hier nie ideaal is vir rose nie, is…

Ystervarkies Maak 16 blokkies Voorbereiding: 40 minute, plus afkoeltyd Baktyd: 25-30 minute Oondtemperatuur: 180°C • 200 g (250 ml) strooisuiker • 4 ekstragroot eiers • 5ml vanieljegeursel • 200 g (375 ml) koekmeel • 5ml bakpoeier • 100g botter, gesmelt SJOKOLADEVERSIERSEL • 50g botter, gesmelt • 160ml volroommelk, warm • 50 g (125 ml) kakao • 290 g (560 ml) versiersuiker, gesif • ’n knippie sout • sowat 500ml klapper GARNERING • 250ml klitsroom • 10ml kersielikeur, brandewyn of rum • 80g donkersjokolade, gesmelt • kersiekonfyt • 12 maraschino-kersies WENKE • Vir klassieke ystervarkies, eindig gerus by stap 6 en hou die blokkies in ’n lugdigte houer vir tot 3 dae. • As die tyd toelaat, bak die koek die dag voor jy dit gaan versier en bêre die koek in ’n lugdigte houer in die yskas. Vars gebakte koek is delikaat en geneig om baie krummels…

LAAT WAAI MAAR Elke plafonwaaier van Timber Fans word individueel met die hand gemaak en getoets vir perfekte balans en superstil werkverrigting. Hulle word uit topgehalte-hout vervaardig en aangedryf deur presisiegeboude ingevoerde motors wat met laers van vliegtuig-gehalte toegerus is. Hul vlagskipwaaier is die 1,5 m-Sirocco (vanaf R9 801; regs in Slight Walnut); dit spog met energie-doeltreffende tegnologie en verbruik tot 70% minder krag as konvensionele waaiers. Besoek timberfans.com. Raam ’n blom The Flower Cartel – verskaffers van snyblomsaad, -bolle en -knolle – bied Anri Olivier se blomsketse, wat op hul saadpakkies verskyn, nou ook te koop aan by theflowercartel.co.za as botaniese afdrukke op goeie kunspapier (R180 vir A4 en R220 vir A3, ongeraam). Daar’s meer as 40 sketse om van te kies. KLIK ’N KUNSWERK Victoria Verbaan is die…

“ ’n Stoep moet verkieslik nie smaller as 3,5 meter wees nie, anders kan jy nie gerieflik daarop leef nie,” is Johann Slee van Slee & Co. Architects se raad. • Wanneer jy ’n stoep beplan, maak seker dit vorm ’n eenheid met die binneleefarea. • Bou jou stoep aan die noordekant van die huis, anders is dit te koud en wil niemand daar sit nie. • As jou huis ’n uitsig het, werk dit goed om die stoep sowat ’n halwe meter laer as die huis te plaas sodat dit nie die uitsig van binne belemmer nie. KONTAK slee.co.za “Dekke behoort as deel van ’n huis ontwerp te word, as uitbreiding van die binneruimte sodat dit die woning oopmaak en bedags lig en lug daar laat instroom,” is AJ Corbett…

Wat jy nodig het vir die bank INKOPIELYS • 18mm-laaghout, soos volg gesaag: een 1 800 x 660 mm-plank (sitplek) een 1 800 x 390 mm-plank, met een lang rand teen 13 grade gesaag (rugleuning) vier 640 x 470mm-planke (armleuning-sye) • 22 x 69mm- geskaafde dennehout, soos volg gesaag: twee 1 800 mm-lengtes (sitplekraam, voor en agter) twee 618 mm-lengtes (sitplekraam-sye) twee 680mm-lengtes, albei ente teen 45 grade gesaag (armleunings, bo) vier 490mm-lengtes, een ent teen 45 grade gesaag (armleunings, voor en agter) een 1 840 mm-lengte, albei ente teen 45 grade gesaag (bokant van rugleuning) twee 410mm-lengtes, een ent teen 45 grade gesaag (kante van rugleuning) • 22 x 95mm- geskaafde dennehout, soos volg gesaag: twee 660mm-lengtes (sitpleksye) een 1 840 mm-lengte (voorkant van sitplek) • 69 x 69mm-…

Sien jy wat ek sien? Alex en Juliet ondersoek alles! – La-Réine Herselman, Kaapstad Doring in die rose Bonnie, ’n Engelse springerspanjoel, waardeer die mooi dinge in die lewe. – Johnny de Souza, Witpoortjie Drie musketiers Die drie marmotjies Grietjie, Liefie en Chilli sien uit na ’n bederfie. – Emmie en Maia Möller, Paarl Die Grote Darius is nie verniet na ’n koning vernoem nie... – Christelle Bekker, Somerset-Wes Tongtippie Klein Chloë ontdek elke dag iets nuuts! – Ansha Douglas, Durbanville Nuut op die mark! Bags O’ Wags Denties van Montego Pet Nutrition (R30, supermarkte en veeartswinkels) is propvol geur, uiters voedsaam en word gemaak met natuurlike kleurmiddels. Hierdie tandesorg-happies kom in vier prettige vorms en in ses groottes. Moe-e verby! Die Italiaanse Spinone-hondjie Luigi skrik nie vir ou koeie…

Stoepsitters Petra van Enselen van Krugersdorp skryf Ek het ’n stoep reg rondom my huis en wil graag die plaasgevoel versterk met vetplante in potte. Sal dit werk? John Sauer van Ngena Succulents antwoord Vetplante sal beslis werk, mits hulle hope helder lig, en natuurlik, ’n bietjie son kry, hoewel dit nie noodsaaklik is nie. Jy sal dalk net die potte moet herrangskik namate die lig volgens die seisoene verander. Oorweeg terracotta- of erdepotte om by jou beoogde voorkoms te pas. Ek rangskik graag drie potte met dieselfde vetplante daarin bymekaar, soos spekboom, aalwyn (veral hibriede soos ‘Pink Blush’), garingboom soos die ornamentele artisjok-agawe (Agave parryi) of die dwergskoenlapper-agawe (Agave potatorum ‘Kichiokan’). Ekstragroot Echeverias soos ‘Afterglow’ of ‘Giant Blue Curls’ werk ook goed. Vir kleur, tekstuur en verskeidenheid is daar…

Somertuinfees Loer in by Garden World se Somerfees van 22 Oktober tot 5 Desember 2021 in Muldersdrift, Gauteng. Die tema is “Tuine vir die Siel” en besoekers kan uitsien na kopies, blommerangskikkings en praatjies. Nuut by die kwekery Mooi groot Begonia BIG ‘White Green Leaf’ is ’n landskap-begonia wat tot ’n groot ronde plant ontwikkel en ideaal is om enige tuinhoekie in halfskadu op te helder. Die plant groei tot 70 cm hoog en spog met blink, donkergroen blare en groot wit blomme wat bo die loof uitstaan. Dit is nuttig as fokuspunt in ’n bedding, grondbedekker of vuller in randakkers, asook in houers en hangmandjies. Dié sterk groeier, wat hitte kan trotseer en klam, goed gedreineerde grond verkies, is perfek vir welige tropiese tuine; dit blom in oordaad van…