Innehållsförteckning för Apr-22 från Tuis

Soos ek al gesê het, glo ek in sinchronisiteit. Hoe die lewe se paadjies loop op maniere wat ’n mens nooit kon voorspel nie, en dan is daar ’n heerlike verrassing wat op jou wag. Wat ’n plesier, dié ou lewe. ’n Voorbeeld: Einde verlede jaar sit en werk ons aan Tuis Opknap. Een van die stories is Irené Lourens van Riversdal se skuurhuis. Daar was ’n paar bladsye met foto’s wat wys hoe die proses verloop het, en ek en die skrywer, Elna van der Merwe, is heen en weer per e-pos en WhatsApp om dié onderskrifte reg te kry. Terselfdertyd is ek besig met my gebruiklike einde-vandie-jaar-ontrommeling en adverteer ek etlike goed op Facebook Marketplace en Gumtree – onder meer twee bal-en-klou-bedkassies. Ek kry ’n navraag; die koper…

Sag & stylvol Love Jacaranda is ’n aanlynwinkel met lieflike produkte wat trots in Suid-Afrika gemaak is. Daar’s iets vir elkeen in hul sorgvuldig saamgestelde reeks – van sagte dekens met asemrowende ontwerpe tot weelderige komberse. Is die Bella Vita Ndebele Art (My Africa)-kombers in Cerise (R649, lovejacaranda.co.za) nie pragtig nie? SKEP & VERNUWE! WIE Rudolf en Jana Zuidema WAAR Kaapstad BESIGHEID RA Woodcraft HUL WERK Met hul besonderse stel vaardighede skep die meesterskrynwerker Rudolf en sy vrou Jana die mooiste handgemaakte leefstylprodukte uit hout. RA Woodcraft vervaardig pasgemaakte meubels, kombuiskaste en ander houtartikels van topgehalte. Jana behartig hul aanlynwinkel r.a.w, waar jy hul produkreekse kan besigtig – van draagbare pienkniektafels van soliede eikehout tot hul herontwerpte Hammock Lounger (bo). Dié lêstoel van sapele-mahonie en bleikvaste, water-, olie- en vuilliswerende…

1 Speels in geel WIE Kirsten Lloyd WAAR Johannesburg Toe die binne-ontwerper Kirsten Lloyd van Lo-Ki Interiors opdrag kry om ’n ouderwetse kombuis te vernuwe, was haar belangrikste mikpunte om ’n lieflike teël as glanspunt te vind en elemente in te bring wat die ruimte tot iets besonders sou verhef. “Die ou kombuis was donker en outyds, en die uitleg was onprakties,” verduidelik Kirsten. “Die eienaar wou ’n ligte, oop ruimte in skakerings van wit en room hê, maar met ’n speelse kinkel wat haar borrelende persoonlikheid sou weerspieël. Die kleure moes by die bestaande blindings pas, terwyl die uitleg meer prakties ontwerp moes word. Nog ’n vereiste was goue aksente.” Kirsten en haar span het weggespring en die vertrek so lig en helder moontlik gemaak. ’n Booggang, wat die…

• Begin met ’n wenslysie van wat jy wil bereik en gebruik dit as basis vir jou ontwerp. • Moenie oorhaastig wees met die ontwerpproses nie; jy moet eers ’n gevoel vir die ruimte ontwikkel. Ons het met heelparty voorlopige ontwerpe gespeel en dit aangepas met die oog op ons wenslysie. • Nie almal kan ’n eienaar-bouer wees nie; ’n mens moet genoeg tyd beskikbaar hê vir so ’n groot projek. En as jy nie self wil inspring nie, is jou keuse van ’n boukontrakteur met goeie verwysings deurslaggewend. • Begroot ruim genoeg. Onvoorsiene uitgawes, vertragings met voorraad en allerhande ekstras kan maklik 20% by jou aanvanklike begroting voeg.…

PROJEKNOTAS • Ons kas bestaan uit drie dele (een van 600mm en twee van 700mm), met buitepanele reg rondom wat die eenheid afrond. • Ons het riffelglas (595mm hoog x 70 mm breed x hoogstens 5 mm dik) gebruik en die kantpaneel in foto 4a verwyder om die glas in te skuif; daarna is die paneel weer teruggesit. Wenk Laat rus die kas op iets stewigs terwyl jy dit teen die muur vassit. Ons het metaalstutte (foto 6a) teen die muur vasgesit om die kas te ondersteun, en dit agterna verwyder. Donkergroen en terracottakleur bakkies asook gekleurde glase van Mr Price Home; Bamboo-breekware van Le Creuset; olyfolie van African Oils; vadoek van Barrydale Weavers; groen sak met blaarmotief van Schattig; ruitglas van Glass Rack Het jy geweet? Deon is nie…

V: Waar kan ek houtkroegstoele soos dié in jul Oktober/ November 2021-uitgawe koop? – Annamarie James, Noordhoek A: Hierdie stoele kom van die aanlynwinkel Cielo (cielo.co.za). V: Ons sementvloere is met TFC Top Seal geseël. Ons wend af en toe nog ’n laag aan, maar dit lyk steeds effens dof. Wat is die beste produk vir ’n glansafwerking wat ons maklik kan aanwend en onderhou? – Anton en Jenni Els, Port Edward A: Woodoc 45 is die aanbevole seëlaar vir sement en teëls. Moet egter nie Woodoc 45 oor ’n bestaande seëlaar aanwend nie, sê Frikkie Greeff van Woodoc (woodoc.com). Hou liewer aan met TFC Top Seal om enige probleme met binding tussen ou en nuwe lae te vermy. V: Hoe kry ek ink uit my wastafel se marmerblad? –…

Mm, nie groen genoeg nie Natale Roelofse van Rawsonville skryf Ek het margrietgras in my nuwe tuin geplant, maar daar’s ’n probleem. Plek-plek het bruin kolle gevorm wat duidelik aan ’n swam (dalk dollarvlek?) te wyte is. Ek het reeds drie verskillende koperspuitmiddels, drie ander swamdoders, asook Mycoguard 720 probeer – als verniet. Wat kan ek doen? Ek wil nie graag die gras uithaal en met ’n ander soort vervang nie. JJ antwoord Ek sou ook dink Mycoguard sal die probleem oplos. Dis dalk raadsaam om die dooie gras in die aangetaste dele uit te haal en die grond met ’n Jeyes Fluid-oplossing (20 ml in 10 liter water) te behandel; los dit ’n week of wat en plant dan nuwe margrietgras. >> Luister Saterdae om 07:40 na JJ se…

Maak 32 happies • Voorbereiding: 35 minute Gaarmaaktyd: 30 minute • 16 hoendervlerkies • sout en peper • mielieblom • groente-olie vir diepbraai GLASEERSEL • 30ml Koreaanse Gochujang-pasta • 30ml tamatiesous • 30ml bruinsuiker (of heuning) • 30ml laesout-sojasous • 10ml sesamolie • 2cm vars gemmer, geskil en gerasper • 1 groot knoffelhuisie, fyngerasper 1 Gebruik ’n skerp mes of kombuisskêr en sny die punte van die vlerkies af (hou dit vir aftreksel); sny dan elke vlerkie deur by die gewrig. Geur die hoender met sout en peper, vryf in en laat staan vir 5 minute. 2 Doop die gegeurde vlerkies in die mielieblom – maak seker elke stukkie is goed bedek. Skud enige oortollige mielieblom af. 3 Diepbraai al die vlerkies gelyktydig vir sowat 15-20 minute in ’n groot kastrol met olie. Hou die hitte matig warm: Die eerste braaislag is…

Skryf aan ons by Tuis/Ons lesers sê, Posbus 1802, Kaapstad 8000 of stuur e-pos na redakteur@tuis.co.za. Gesels saam by tuis.co.za of facebook.com/tuistydskrif, of volg ons op Instagram by @TuisHomeMag. Verstrek asseblief jou naam en van, asook die naam van jou dorp, wanneer jy aan ons skryf. Herwin meer! Prof. Ernie Heath van Gqeberha skryf Terwyl ons onlangs ons aftreehuis opgeknap het, het ek myself voortdurend dié twee vrae gevra: (1) Hoe kan ek bouafval vir iets anders gebruik, eerder as om als net weg te gooi? (2) Voordat ek nuwe boumateriaal koop, is daar enigiets op die werf wat geskik is vir die bepaalde projek? Ek was aangenaam verras: Feitlik al die ou kombuiskaste is nou netjiese pakplek in die motorhuis; die ou ysterbad het ’n tuinbankie geword; my boontjies…

WIE WOON HIER? Francien van Eck en Casey Bertie met hul kinders Freya (9) en Felix (5) WAAR Noordhoek, Kaapstad GROOTTE 150 m2 Tussen die lowerryke lane en welige weikampe in Noordhoek, ’n rustige voorstad teen Kaapstad se mees suidelike grens, is die kontemporêre skuurstyl-huis wat Francien van Eck en Casey Bertie met hul kinders, Freya en Felix, deel, die perfekte uitdrukking van hul strewe na eenvoud. As kommersiële fotograaf en die eienaar van ’n maatskappy wat in stilfotografie spesialiseer, het Casey en Francien tien jaar gelede hul hart verloor op die plattelandse atmosfeer van hierdie omgewing, bekend vir perdry en ’n lieflike 8 km lange strand. “Ek is in Nederland gebore en het in Londen grootgeword,” vertel Francien. “Maar toe ek sowat 15 jaar gelede vir werk Kaapstad toe…

GENIET DIT Volg Kirsten Lloyd, binneontwerper van Lo-Ki Interiors, se raad wanneer jy jou kombuis herontwerp: • Moenie terugdeins vir kleur of enige ander apploustrekker nie. Laat die ruimte jou persoonlikheid weerspieël. • Kyk krities na jou huidige kombuis en stel vas wat jou pla in die uitleg. Skryf dit neer in soveel detail moontlik sodat jou ontwerper dit kan regstel. • Kies een of twee glanspunte waarop jy meer geld wil spandeer en bespaar op die res. • Indien jy onseker is watter voorkoms of gevoel jy wil skep, kyk na ’n verskeidenheid afbeeldings van badkamers, slaapkamers en leefvertrekke wat vir jou mooi is; let op na die gemeenskaplike tema in elkeen en gebruik dit as wegspringplek. • Oorweeg hoe jy bypassende teksture soos natuurlike hout of geweefde mandjies…

WIE Dirkie en Nikkie Kotze WAAR Wellington Dis selde dat huurders aan hul blyplek mag verander, daarom was Dirkie en Nikkie in die wolke toe hulle die groen lig kry om hul kombuis te vernuwe. “Ons het die beste verhuurders wat ’n mens maar kan vra,” vertel Nikkie. “Al versoek was dat ons kleiteëls, ’n rietplafon en houtvensterrame soortgelyk aan dié in die hoofopstal op die plaas gebruik.” Toe die paartjie in 2021 begin opknap, wou hulle aanvanklik net ’n “stukkie muur” afbreek om ’n klein buitekamer deel van die kombuis te maak as opwashoekie. Uiteindelik is die hele kombuis oorgedoen. Gelukkig is Dirkie en sy broer vennote in ’n bousaak en kon hulle alles op ’n knap begroting en met hul eie span afhandel. Binne is ’n vuurherd ingebou…

WIE Aleit Swanepoel WAAR Somerset-Wes Jy moet taamlik vertroue in jou vriende hê as jy jou huis se sleutels vir hulle gee en vra dat hulle die plek oordoen net soos hulle goed dink – maar dis wat Aleit Swanepoel, stigter en voorsitter van The Aleit Group, gedoen het toe hy drie jaar gelede by sy nuwe huis op Somerset-Wes intrek. “Vyftien jaar gelede het ek Corlene Fenwick en Flip van Rooyen se troureëlings behartig. Vandag is Corlene my huisdokter en Flip ’n meesterbouer en die eienaar van DB Space,” vertel Aleit. “Ek het net gesê waar ons moet toebou en dat die huis swart moet wees buite; die res het ek aan hulle oorgelaat.” Van die saai kombuis met sy wit melamienkaste was daar geen teken nadat sy twee…

Wat jy nodig het INKOPIELYS • halfrondes van dennehout, gesaag in lengtes wat op jou kasdeure en laaivoorkante sal pas • Tjhoko Paint in Matt Black • deurhandvatsels • kleefpapier met ’n marmervoorkoms • kouelym • Woodoc Water-Borne Floor Matt Clear GEREEDSKAP • skroewedraaier • liniaal • potlood • figuursaag • verfkwas • sponsroller en verfbak • skêr • boor en 6 mm-houtboorpunt 1 Skroef die deure af en haal die laaie uit. Verwyder al die handvatsels en skarniere. 2 Merk die vorm waarin jy die kas se voetstuk wil saag. Ons het ’n strook van sowat 8 cm van onder uitgemerk en dit by die hoeke skuins gesaag sodat dit soos pootjies lyk. 3 Saag die gemerkte vorm uit met die figuursaag. 4 Vee al die oppervlakke skoon met…

Emma Swanepoel van Durban skryf Ek het ’n eerste uitgawe van Harry Potter and the Deathly Hallows. Sou dit enige waarde hê? Ainsley Taylor van Stephan Welz & Co. antwoord Hoewel eerste uitgawes van die Harry Potter-reeks wel versamelstukke geword het, is dit die eerste boek, Harry Potter and the Philosopher’s Stone, wat op 30 Junie 1997 deur Bloomsbury in Londen uitgegee is, wat vandag die grootste waarde het. ’n Eksemplaar van ’n eerste uitgawe, ook bekend as die eerste druk, beteken dit is een van die heel eerste oplaag boeke wat van die drukpers af gekom het. Die eerste oplaag van The Philosopher’s Stone is op twee maniere gebind: as ’n hardebandboek met ’n omslag van gelamineerde bord, waarvan net 500 eksemplare gemaak is; en die gewone sagtebandweergawe, waarvan…

WEN! Die eienaars van die diere op die foto’s wen ’n Nap Sack vir katte of ’n Deluxe Car Seat Hammock vir honde van Wagworld (wagworld.co.za; ook te kry by voorste veearts- en troeteldierwinkels). Katte en klein honde is ewe tuis in ’n Nap Sack; dit is masjienwasbaar en te kry in vier seilstofontwerpe. Rol eenvoudig die rand om sodat die hoogte perfek is na jou troeteldier se smaak. Die Deluxe Car Seat Hammock spog met opritssye wat jou motor se sitplekke en deurpanele beskerm. Jou dieremaat kan ook ’n wenner wees! Stuur jou foto’s (minstens 2MB elk) en besonderhede na troeteldiere@tuis.co.za. Sien ons kompetisiereëls op bl. 136. Warm kopie Hou jou hond snoesig met stylvolle jassies van Houndstooth Apparel (vanaf R800, houndstooth.co.za). Die jassies, beskikbaar in agt groottes, is…

Die regte keuse Jenny Wright van Durban skryf Ek wil graag die nuwe ‘Willy Wonka’-roos plant, maar hoe soek ek ’n sterk plant uit tussen die diggepakte massas rose by die tuinsentrum? Ludwig antwoord Baie mense glo nog dat ’n gehalteroos drie sterk stele vanuit die basis moet hê. Met rose wat in houers gekweek word, is jou beste raad egter om ’n plant te kies met een of twee mooi stele wat aan die bokant vertak en gesonde blare het. Wanneer jy dit uitplant, kan die wortels vinnig in die goed voorbereide grond rondom die wortelbal versprei. Met dié ekstra krag en lig wat op al die blare en stele val, sal sterk nuwe uitlopers van die basis af boontoe verskyn, en kort voor lank sal jy ’n gevestigde…

Vormsnoeiplante is nie net mooi nie, dit bring ook struktuur, interessantheid en fokuspunte in ’n tuin. “Die voordeel van vormsnoei is dat dit in ’n formele sowel as informele tuin goed werk. In ’n meer formele tuin, soos dié van Marti Forster in Franschhoek (sien bl. 102), is vormsnoei die hoofelement,” verduidelik Karin du Plessis, eienaar van die tuinontwerpsaak In & Outdoor Gardens. “Al bestaan die tuin grootliks uit vormsnoeiplante, sorg die verskillende vorms en skakerings van groen steeds vir genoeg verskeidenheid. “In ’n meer informele tuin gee vormsnoei struktuur aan gemengde beddings. En in die winter, wanneer tuine kaal gesnoei en die bome sonder blare is, is dié plante opvallend en steeds mooi.” Sy sê dis ook belangrik dat die vorms en die grootte van die struike by die…

RED ONS WYNBEDRYF Bellingham Wines het die werk van twee voorste plaaslike kunstenaars gebruik op drie eksklusiewe nuwe wyne, en Pick n Pay het hulle daartoe verbind om 25 miljoen bottels te verkoop as deel van hul “Saving SA Wine”-inisiatief in reaksie op die inperking. Die reeks, met die naam The Masterpiece, sluit ’n Bellingham Sauvignon Blanc 2021 (R100) met ’n skepping van Thami Jali, ’n Red Blend 2021 (R150) en ’n Chardonnay 2021 (R120), elk met ’n kunswerk deur Keneilwe Mokoena, in. Gaan kyk by bellinghamwines.com. SO VERFRISSEND! Two in a Bush Rooibos Iced Tea Cordials (R95 vir 500 ml; twoinabush.co.za) word op die outydse manier met natuurlike bestanddele gemaak – sonder preserveermiddels of kunsmatige bymiddels, met ’n lae suikerinhoud. Organiese rooibosteeblare word in suiwer mineraalwater gebrou en vermeng…

Ryspilaf met tamatie en sultanas Onder R100 • Genoeg vir 2 ruim vegetariese porsies Voorbereiding: 15 minute • Gaarmaaktyd: 30 minute • 15ml olyfolie • 1 ui, gekap • 250ml basmatirys • 1 knoffelhuisie, gekap • 1 kaneelstokkie • 1 rooi of groen brandrissie, gekap • 2 kardemompeule, gekneus • 500ml groenteaftreksel, warm • 60ml sultanas • 3 ryp pruimtamaties, in blokkies gesny • 100g geroosterde amandels • vars koljander en jogurt om voor te sit 1 Verhit die olie en roerbraai die ui tot sag en glansend. Roer die rys, knoffel en speserye by en roer totdat al die rys oraloor met olie bedek is. 2 Roer die aftreksel by, asook die sultanas en die helfte van die tamatieblokkies. Verhit tot kookpunt, verlaag dan die hitte en laat prut die rys vir sowat 20-25 minute. Voeg nog aftreksel by as alles geabsorbeer en…

In die botaniese tuin hier op die dorp sien ek ’n bejaarde vrou wat, kierie in die hand, langsaam in ’n voetpaadjie afbeweeg. Sy het lang hare, kapokwit en in ’n groot, elegante bolla op haar kop vasgemaak. Sy slaan ’n mooi prentjie: regop, statig en waardig. Dan gebeur daar iets. Ek weet nie of sy struikel nie, maar die wolkwit bolla verdwyn ineens. Ek wil hol om te gaan help, maar sien dan hoe sy ’n sneltruuk uithaal wat my asem wegslaan. Sy leun naamlik met die een hand op die kierie om te buk, terwyl die ander een so snel soos slangpik uitskiet en ’n takkie van ’n struik afbreek en in haar handsak prop. Alles gebeur in ’n oogwink – só rats en soepel dat ek wonder…

KAGGELS VAN BAKSTENE “Sorg dat jou binne-braaikaggel by die styl van jou huis pas, anders gaan dit altyd ’n seeroog wees,” sê Dirkie Kotze van DKR Builders. Volg sy wenke: • ’n Kaggel wat net hitte moet verskaf, kan kleiner en nader aan die vloer wees. Oorweeg in dié geval dalk ’n gietyster-smeulkaggel, wat doeltreffender is. • ’n Veeldoelige herd wat voorsiening maak vir verhitting, vleis braai, potjie of pizzas maak, se ideale opening is 1 200 mm breed en 725 mm hoog; ’n diepte van 800 mm sal verhoed dat die braaier voor die vuur te warm kry. Ons kaggel is 780 mm van die vloer, wat gerieflik is vir ’n braairooster. • Om te verhoed dat ’n binnekaggel rook, is die regte verhouding van die skoorsteen se opening…

Klassiek afgewit Anja van Driel van Pretoria skryf Ek het 12 Globestoele en nog ’n paar ander bypassendes wat ek graag wil afwit. Watter tegniek kan ek gebruik? Nadine Vosloo van Tjhoko Paint antwoord ’n Afwittegniek werk net op rou hout, rou sement of ’n baksteenoppervlak. Jou stoele lyk na die perfekte kandidate vir so ’n projek. Volg een van die tegnieke hieronder: OPSIE 1 • Maak die stoele deeglik skoon: Doop ’n lap (vleisdoek werk goed) in lakverdunner en was die oppervlak goed. Werk met handskoene in ’n ruimte met goeie ventilasie. Gee die hout minstens 40 minute kans om heeltemal droog te word. • Meng een deel Tjhoko Paint in die kleur van jou keuse met een deel Clear Glaze in ’n bak of emmer. • Vee die…

Die wen-hoekie WOONKAMER Dis met dié foto dat Jolindi ons oog gevang het in die 2021-Rookie Stylist-wedstryd. Ons is mal oor die treffende groen muurkleur en die stylvolle afronding van die vertrek. Kunswerke deur Sonja Klopper, Gisela Kruger en Matilda Fine Art olindi van der Merwe ken van mooimaak – tog was dié grafiese ontwerper aanvanklik onseker of sy haar en haar man, Beyers, se huis moes inskryf vir Tuis se Rookie Stylist-kompetisie in vennootskap met Mr Price Home. Haar skoonsussies en twee goeie vriendinne wou egter niks weet van haar steeksheid nie en het haar bly aanmoedig. Maar selfs nadat sy al foto’s van haar huis geneem het, was Jolindi steeds nie oortuig nie. Tot sowat 15 minute voor sluitingstyd, toe sy besluit het om “oë toe te knyp”…

Kits-piesangbrood Vir dié vinnige broodjie met net vier bestanddele sal jy aspris die piesangs in die vrugtebak laat lê tot hulle bruin is! Maak 1 broodjie Voorbereiding: 10 minute Gaarmaaktyd: 50 minute Oondtemperatuur: 180°C • 300ml (sowat 4 fyngedrukte mediumgroot) ryp piesangs • 1 blik (385g) kondensmelk • 500ml bruismeel • 5ml bakpoeier • 1 ferm piesang as garnering (opsioneel) 1 Voorverhit die oond. Voer ’n broodpan met ’n inhoudsmaat van 1 liter met bakpapier uit en spuit met kleefwerende kossproei. 2 Verwerk die piesangs met ’n staafmenger tot heeltemal glad. Voeg die kondensmelk by en meng weer. Sif die meel en bakpoeier by en vou dit by die piesangmengsel in tot net gemeng. 3 Giet die beslag in die voorbereide pan en smeer gelyk. Versier met skyfies piesang en bak vir sowat 50 minute…