Innehållsförteckning för Tuis Werf 2022 från Tuis

Deesdae is dit mos net kabeltjies oral. Hulle peul by jou ore uit, vir die oorfone wat by jou selfoon ingeprop moet word. Hulle peul by jou selfoon uit, om die battery te laai wat pal pap is. En dan, o wee, raak die hele spul verstrengel in ’n koekerasie soos nooit tevore nie, veral toe daar nog maskers ook was. Oorfone met toutjies + weggooibare maskers met toutjies = knope. En nie net die voor die hand liggende, letterlike knope nie, ook die figuurlike peper-in-die-mond-soort. Midde-in so ’n kraaines van knope besluit ek nou die dag dis tyd vir daardie ghrênd Bluetooth-outjies sonder die kabeltjie. Die soort wat mense van Seepunt in die gim dra asof die res van die wêreld nie bestaan nie. Blind en doof vir vriend…

WIE WOON HIER? Hermie Delport en Jan Bührmann en die seuns Jannis (19) en Kristo (15) Voulgarelis WAAR Durbanville, Kaapstad GROOTTE 4,5 m in deursnee Die tuin voel soos pure plaas, hier waar Hermie Delport en Jan Bührmann in Durbanville buite Kaapstad woon. Hul swembad is eintlik ’n “swemdam”, want hy is rond en opgebou, net soos ’n outydse sement-plaasdam. En om die prentjie af te rond spog die tuin met ’n vrugteboord vol perskes, lemmetjies en suurlemoene. “Ons wou juis dié plaasgevoel in ons tuin skep toe ons die nuwe eko-swemdam gebou het,” vertel Hermie. “Dis ook waarom ons regte plaasbesproeiingspype in ons eko-waterstelsel gebruik. Jan het op ’n plaas in die Vrystaat grootgeword en ek het tot ek omtrent ses was in die pastorie op Prins Albert gebly,…

REDAKTEUR Wicus Pretorius • redakteur@tuis.co.za Algemene navrae Yumna Tofey yumna.tofey@media24.com • 021 406 2205 REDAKSIE Artikelredakteur Beatrice Moore-Nöthnagel beatrice.nothnagel@media24.com Kreatiewe redakteur Marian van Wyk Ontwerpredakteur Andrew Maritz Kosredakteur Johané Neilson • johane.neilson@tuis.co.za Tuinredakteur Marié Brody Selfdoenredakteur Deon de Goede Teksredakteur Johletta Brits Digitale redakteur Annette de Wet Projekbestuurder Suné Esterhuizen Foto-opknapper René Nortjé MEDEWERKERS Maria Botha, Sally Chance, Elza Cooper, Greg Cox, Emmett Green, Cecile Greyling, Christoph Hoffmann, Adam Houghton, Kosie Jansen van Rensburg, Lana Kenney, Mike Mason, Haidee Muller-Isaacs, Francois Oberholster, Marie Opperman, Karl Rogers, Jeandri Streicher, Elna van der Merwe, Amanda van Wyngaardt, Henrique Wilding VERKOPE & BORGSKAPPE Hoof: Borgskappe en Kommersieel Nikki Ruttimann, nikkir@media24.com Hoof: Advertensies Sarah Curtis-Bowles, sarah.curtisbowles@media24.com 021 461 2396 Sleutelklantbestuurder Charlene Meyer, charlene.meyer@media24.com 082 928 5970 Sleutelklantbestuurder Daniela De Giovanni, daniela.digiovanni@media24.com 083 709 7040 Sleutelklantbestuurder Susan Pienaar, spienaar@media24.com 083 281 7300 Geklassifiseerd Evonne Mehl,…

WIE WOON HIER? Karen en Ross Flood WAAR Gqeberha GROOTTE VAN ERF 1012 m² GRONDTIPE Sand Karen Flood se hande is pal vol verf of grond – wat wys waar haar passies lê: skilder en tuinmaak. En in al twee dié tydverdrywe bemoei sy haar met die bewaring van ons planeet. Sy en haar man, Ross, het ’n bietjie meer as twee jaar gelede ’n erf in die Sardinia Bay-gholf-en-wildlandgoed sowat 15km buite Gqeberha gekoop. Hulle het hulle voorgeneem om op die voormalige melkplaas ’n nuwe tuin te vestig wat veel meer vir Moeder Natuur sou doen as om net waterslim te wees. “Die landgoed is deel van ’n staatsbewaringsgebied,” vertel Karen, “daarom is hier streng reëls oor wat ons mag plant en wat uitgehaal mag word. Dit was tevore…

WIE WOON HIER? Wilna en Mario Greyling WAAR Centurion GROOTTE 25 m² onder dak en 30m² oop Wilna Greyling, ’n binneversierder, het deur ’n paar slim veranderinge haar klein stoep in ’n ruim buiteonthaalarea omskep. “Die huis, stoep en swembad was op verskillende vlakke. Die vloei was swak en die kleurskema baie donker – wat dit nog meer beknop laat voel het,” verduidelik sy. Deesdae voel binne en buite soos een groot vertrek wanneer die deure heeltemal oop is. “Ek verwonder my elke keer aan hoe mooi hierdie hele buitearea uitgewerk het,” sê Wilna met ’n glimlag. “Dis presies wat ek wou gehad het, en meer! Die atmosfeer is rustig en dit voel allermins asof jy in die stad bly. Danksy die bome is dit ook baie privaat.” >> Só…

PROJEKGIDS Harde werk 4/10 Vaardigheidsvlak 4/10 Tyd nodig 6 uur Klaar grootte 600 mm B x 600 mm D x 600 mm H PROJEKNOTAS • Los die bodem van jou komposboks oop sodat die inhoud met die grond kan kontak maak – dit help met die afbreekproses. • Die boks het ’n deksel bo en ’n deur aan die voorkant wat die in-en uitskep vergemaklik. • Pas gerus die grootte van jou boks volgens jou ruimte aan. INKOPIELYS • drie 3,6 m-lengtes 22 x 45 mm-dennehout, gesaag in: vier 600mm-lengtes (rugkant-en systutte) twee 555mm-lengtes (voorste stutte) vier 540mm-lengtes (deur-en dekselstutte)• ses 3,6 m-lengtes 22 x 102 mm-dennehoutvloerplanke, gesaag in: agttien 600mm-lengtes (3 sye) ses 595mm-lengtes (deur) sewe 600mm-lengtes (deksel)• vier skarniere• een handvatsel PLUS • 8 mm x 45mm-skroewe• seëlaar/vernis…

Al fresco! Ons is versot op die blou-en-wit strandpalet van hierdie blyplek in Simonstad waar Kaapse vissershuisstyl en Mediterreense eenvoud ontmoet. “Die eienaar hou baie van die kleure en patrone van Portugal, asook van buite eet – soos mense rondom die Middellandse See dit doen,” vertel die binneontwerper Tanya de Waal van Salt and Light Design. “Hierdie binnehof was voorheen hard en vaal, sonder persoonlikheid. En omdat hier nie sitplek was nie, wou niemand ooit in die ruimte kos berei of kuier nie. Daarom wou ons ’n magiese klein binnehof skep wat nie net die Mediterreense invloede saamvoeg nie, maar ook die asemrowende see-en berguitsigte beklemtoon. Deesdae is dit ’n gesellige privaat ruimte wat beskut is teen die wind en die binneruimtes toelaat om naatloos na buite “asem te skep”.…

WIE WOON HIER? Liz en Charles Forsdick WAAR Bazley Beach, KwaZulu-Natal GROOTTE 2,5 ha GRONDTIPE Hoofsaaklik klei Bo-op die eerste duin aan die ongerepte KwaZulu-Natalse suidkus lê die kleinhoewe Shangrila midde-in ’n verruklike kustuin omring deur woude en grasveld. Hier, vanuit ’n gemakstoel op die aanloklike breë stoep wat reg rondom die opstal in die koloniale strandhuisstyl strek, kan jy droomverlore oor die eindelose Indiese Oseaan staar… Nie dat die eiendom soveel bekoring gehad het toe Liz en Charles Forsdick dit in 2013 gekoop het nie. Niks was oor van die produktiewe stuk grond wat voorheen met vrugtebome en groente van elke soort wat hier langs die kus sou groei, kon spog nie. Die Forsdicks het Shangrila bewonder sedert hulle die strandhuis langsaan in 1982 gekoop het. En toe dié…

WAAR Bergvliet, Kaapstad GROOTTE VAN STOEP 108 m² Vir dié gesin van die suidelike voorstede van Kaapstad was dit tyd dat hul blyplek “beter asemhaal”. Hul hartsbegeerte was goeie vloei van binne na buite en andersom, en dít so natuurlik moontlik. Die nuwe ruim stoep wat hulle tydens ’n onlangse opknap geskep het, voldoen 100% aan dié vereiste: Dis ’n gesellige buiteruimte met plante en oorgenoeg kuierplek in al die seisoene saam met familie en vriende, honde en katte. Die stoep is op dieselfde vlak as die huis binne, met trappies na die braaiplek aan die een kant en tot binne-in die swembad aan die ander kant. Voorheen was dié area onbeskut en het dit vir die huiseienaars half afgesonderd gevoel van die leefruimte binne. “Dit het bestaan uit oorblyfsels…

WIE WOON HIER? Emmett Green WAAR George, Wes-Kaap Danksy die goeie en beheerde beskerming teen die elemente en voëls, groei enigiets wat ons in die koepel plant blitsvinnig en groter as gewoonlik.– Emmett Groentekweek moet en sal altyd deel van my lewe wees. Die vreugde lê nie net in dit wat jy eet nie, dis kos vir jou siel.– Emmett “Hoekom nie een van dié nie?” wou Tristan Green kordaat weet. Hy het sy oom Emmett op die internet help soek na idees vir ’n deksel met skarniere om sy kruieboks mee toe te maak toe hulle die interessante koepelstruktuur teëkom. Ewe kordaat sê sy oom toe ja. Emmett Green wou nog altyd sy eie groente kweek, en as ywerige selfdoener sou hy sy eie kweekhuis wou bou. Met die…