Innehållsförteckning för Sep 2023 från Tuis

Soos ek hier sit, werk ek en die span tegelyk aan ’n wavrag projekte. Daar is natuurlik die September-uitgawe, wat jy nou lees. Dan beoordeel ons tans die inskrywings vir vanjaar se Regruk met Flair-kompetisie in vennootskap met JoJo, en onlangs moes ek ook kyk na die mooi ontwerpe in Milestone Kitchens se Dream Design-kompetisie. Dankie tog vir vlugte heen en weer tussen Kaapstad en Johannesburg – die saligheid van geen e-posse, oproepe of WhatsApps … As die skootrekenaar se battery net wil hou! Ons is ook pas klaar met ons tweede lugbraaierresepteboek (Tuis Kortpadkos in jou Lugbraaier), en stuur oor ’n paar weke ons jaarlikse uitgawe van Tuis Werf drukkers toe. Dan is daar die komende Creative You Market, nog twee dekorskole saam met Mr Price Home, en projekte…

Wil jy ons van iets nuuts vertel? Stuur e-pos na nuus@tuis.co.za. LIG JOU HOED Paradysvoëls was die inspirasie vir Paradise Lights (van links: Sunset, Sunrise en Lagoon; R6 800 elk, arrangestudio.co.za), wat met trots in S.A. gemaak word. Elke skerm het ’n goue lagie binne-in vir ’n warm gloed wanneer jy dit aanskakel. Pst! Nou ook beskikbaaar in die nuwe Paradise Floor Lamp. Luukse linne Mungo se nuwe Terracotta-linne, wat in klein maat vervaardig word, spog met ’n ryk, aardse pigment wat telkens verander soos die lig daarop speel. Die kraakvars gevoel van pasgeweefde linne ontwikkel mettertyd tot ’n weelderige ingeleefde sagtheid. Ons is dol oor die Kamma Linen-duvetslope (vanaf R4 885, mungo.co.za)! SIEN IS GLO! Always Welcome by Kortmarkstraat 108, Kaapstad, beslaan twee vloere van ’n 18de-eeuse erfenisgebou en…

PROJEKGIDS Harde werk 5/10Vaardigheidsvlak 5/10Tyd nodig 2 uur Maak dit vir ± R9 230: berkelaaghout R6 150, melamien R1 100, enkelfineer-MDF R1 100, laaispore R110, kabinetskarniere R20, wiele R350, skuurpapier R20, houtvuller R30, vernis R350 (kwarts-kombuisblad en verf uitgesluit) Wat jy nodig het PROJEKNOTAS • Bestel jou melamienpanele met randstroke soos in die saaglys aangedui: “1L” = 1 lang sy en “1S” = 1 kort sy.• Skuur en verseël die laaghout, en (spuit-)verf die deur, rugkant en laaivoorkante in die kleur van jou keuse voor jy die kas begin bou.• Ons het handgrepe in die laaivoorkante en deure laat saag. INKOPIELYS • 18 mm-berkelaaghout, gesaag in die volgende dele: twee 936 x 700 mm (kabinet se sye) twee 1 210 x 700 mm (bo- en onderkant van kabinet)• wit melamien,…

Pragtig nè! Die nuwe Tuinwinkel op die Babylonstoren-wynlandgoed naby Franschhoek is ’n lieflike ervaring in wat soos ’n glaskas voel. Hier kan besoekers in ’n knus leeshoekie agteroorsit of tussen die besonderse tuingereedskap, plante en skaars bonsaiboompies snuffel. VERSKAFFERS Babylonstoren babylonstoren.com Elevenpast elevenpast.co.za Folha Plant Shop folhashop.com K.Light klight.co.za Patio Warehouse patiowarehouse.co.za ReStore senforesoil.co.za Sought After Seedlings soughtafterseedlings.co.za The Flower Cartel theflowercartel.co.za…

WIE WOON HIER? David Mostert en William RaatsWAAR Welgelegen, StellenboschGROOTTE 2 000 m²GRONDTIPE LeemgrondOUDERDOM VANHUIDIGE TUIN 8 jaar In dié tuin was die Nederlandse seilentoesias Kees Bruynzeel eers baas. As huldeblyk aan hom het die huidige eienaars, William Raats en David Mostert, die huis genoem na die jag wat Kees in 1960 hier in Stellenbosch vir hom laat bou het: Stormvogel. “Toe ons agt jaar gelede hier intrek, was dele van die tuin heeltemal oorgroei. Verder was daar ’n paar bome en ’n groot grasperk wat van die straat tot teen die huis gestrek het. Hier was aanvanklik geen heinings nie en die stapelklipmure was baie vervalle. Twee klipwerkers uit Lesotho het dit vir ons kom herpak,” vertel David. Leiklipmuurtjies is al met die inrit langs en in die agtertuin…

Boereworshappies met aartappels Onder R120 • Genoeg vir 4 Voorbereiding: 25 minute • Gaarmaaktyd: 20 minute • 700 g baba-aartappels, gehalveer• 30 ml olyfolie• 1 takkie roosmaryn, blaartjies gestroop en gekap• 500 g boerewors, derm verwyder• 250 ml bevrore ertjies, in kookwater geblansjeer• 80 g ertjiepeule, geblansjeer• ’n paar mentblaartjies 1 Meng die aartappels met die olyfolie, roosmaryn en ’n strooisel sout en peper. Sit dit in die mandjie van jou lugbraaier en lugbraai vir 10 minute teen 180 °C. 2 Rol intussen die boerewors in happiegroot balletjies. Skud die aartappels in die mandjie van die lugbraaier en voeg die boereworshappies by. Lugbraai dit vir 10 minute of tot die boerewors en aartappel goudbruin en gaar is. Laat staan vir 5 minute terwyl jy die ertjies, ertjiepeule en ment meng.…

AGTERBLAD Ek sien my oudste suster loop al weer met so ’n onwennige dansie in haar pas. Sy probeer dit wegsteek deur stadiger te loop, maar ek hoor die klein kreuntjies wanneer sy gaan sit. En ek weet sommer sy’t weer op ’n ding geklim en afgefoeter. Dis ’n kwaal wat in die familie loop. Ons ongeduld. Ons gaan haal nie ’n leer nie, ons klim sommer gou op die eerste, naaste ding – ’n stoel, ’n tafel, ’n omgekeerde asdrommetjie, ’n koekblik. Dis seker alles goed en wel as jy nog jonk en kordaat is. Soepel is. En rubberbene het. Maar vir mense bo 55 is dit plein dom. Indien nie doodsveragtend nie. Veral as jy ook aan die swarerige kant is, oordadig goed geseënd met gravitas. Want op…

RAAD E-pos jou vrae na troeteldiere@tuis.co.za Paaldanser Terwyl sy nou hier bo is, vang Fibi sommer ’n slapie! – Jill Pietersen, Durban Indie In die tru-spieël Rosie die bulhond kyk hoe ver hulle al gestap het. – Dana Welch, St. James, Kaapstad Stille waters ... Salmon die Bengaalse kat geniet die son in diepe bepeinsing. – Jeanie Schoeman, Bloemfontein Slaggereed “Nou wat roer daar onder?” wonder Mia. – Elmarie Oosthuyzen, Mbombela Vat dit stadig Die vyftien jaar oue Ella en haar maat Lady geniet ’n uitstappie. – Dianne Patton, Somerset-Wes Dis mos die lewe! Twee vierpootvriende groet die lente! – Sarah-May Theodosiou, Rawsonville Warm kopie Is hierdie Cat Scratcher Cardboard Milk Carton Houses (R449, takealot.com) nie te oulik nie? Die duursame karton het ’n heuningkoekstruktuur van hoë digtheid wat vir…

Lamstjops met kruiesalsa My gesin se gunsteling-braaivleis is ’n een-haplamsribtjoppie. Hierdie “tomahawk”-tjops is effens langer met ’n bietjie minder vet, en as jy meer as een vleissoort braai, kan jy wegkom met een per persoon pleks van twee of drie. Die kruiesalsa is ook lekker saam met hoender en bees. Genoeg vir 8 • Voorbereiding: 30 minute Gaarmaaktyd: 10 minute • 8 tomahawk-lamstjops• 15 ml bruinasyn• 10 ml koljandersaad, gestamp• 2,5 ml witpeper• ’n ruim knypie Maldonsout KRUIESALSA • ½ rooi ui• 60 ml mentblaartjies• 60 ml pietersielie• 60 ml dille of vinkelblaartjies• 1 knoffelhuisie• 15 ml rooiwynasyn• 15 ml olyfolie 1 Sprinkel die asyn oor die vleis en vryf oraloor met die speserye en sout. Laat die vleis in die braaibak staan om te marineer terwyl jy die vuur…

VARS IDEES Volg die kurwes Die groen oase onder die wingerdrank buite KP en Petro Steenkamp se huis in Middelburg, Mpumalanga is die perfekte plek vir die gesin om te ontspan, ongeag die seisoen. “In die somer skep die wildedruiwe ’n welige onthaalarea,” sê Petro. “Jy sal nie glo hoe vinnig dit groei nie; dit bedek die prieel binne ’n seisoen.” In die herfs kry die blare skakerings van geel en helderrooi en in die winter, wanneer al die blare weg is, is die gefiltreerde sonskyn ’n vreugde. “Ons het ook twee stadige groeiers, bloureën en sterjasmyn, geplant vir hul lieflike geur en blommeprag,” sê Petro. Die sementtafel was ’n kostedoeltreffende selfdoenprojek deur KP, terwyl die prieel, ontwerp deur ’n plaaslike metaalsmid, gemaak is van eenvoudige ronde stawe (dit is…

E-pos jou vrae na kenners@tuis.co.za. VRA OP FACEBOOK Het jy ’n dringende vraag wat net nie kan wag nie? Vra sommer op Facebook, en onthou om ’n foto in te sluit sodat die span, kundiges en ander lesers kan help. Oop plafonne en temperatuurbeheer Corien Jonker van Johannesburg skryf Ons het ’n 36 m²-Airbnb-woonstel met ’n ontblote dak. Dis wel mooi, maar moeilik (en duur!) om die ruimte warm te hou in die winter, aangesien al die hitte in die nok versamel. In die somer raak dit warm, want die dak is met sinkplaat bedek. Ons het die plate reeds wit geverf om die son te probeer terugkaats. Toe ons die woonstel opgeknap het, is twee vensters reg onder die dak ingesit sodat warm lug in die somer daardeur kan…

Maak 1 ringkoek • Voorbereiding: 20 minute Baktyd: 1 uur en 15 minute • Oondtemperatuur: 170 °C • 15 ml gesmelte botter • 60 ml gekoopte karamelsous (sien wenk onder) KOEKBESLAG • 440 ml koekmeel• 125 ml kakao• 5 ml koeksoda• 2,5 ml bakpoeier• ’n groot knypie Maldon-seesout• 125 g botter, kamertemperatuur• 250 ml ligbruinsuiker• 1 groot eier• 1 groot eiergeel• 330 ml karringmelk KAASKOEKVLA • 1 blik (380 g) ingedampte melk • 1 blik (385 g) kondensmelk • 170 g mediumvet-roomkaas • 3 groot eiers • 1 groot eierwit• 10 ml vanieljegeursel• ’n groot knyp seesout 1 Voorverhit die oond. Smeer ’n Bundt-pan met ’n inhoudsmaat van 2 liter oraloor met botter en giet die karamelsous onderin die pan. MAAK DIE KOEKBESLAG 2 Sif die…

BLY KOEL, MENSE Die geïsoleerde Kapa Cooler Bag (R230, tidefolk.co.za) word plaaslik deur Virobag gemaak van herwinde plastiekbottel-afval. Buite is beter! In Easy Al Fresco (R430, Penguin Random House) verskaf Ilse van der Merwe ’n eenvoudige en inspirerende gids vir smulgeregte wat met ’n beperkte verskeidenheid basiese gereedskap, en ’n vuur of braaiketel berei kan word. Geniet verskeie lekker brode, smere, voorgeregte, slaaie en toebroodjies, asook hoof- en nageregte Toor elke maal! Maklik-om-te-maak Krazy Kiwi KookBox-maaltydpakke se Family-, Keto-, Plant Based- en ForeverStrong-resepte help jou om gesonde, hartlike etes tuis te maak van plaaslike bestanddele. Vind meer uit en bestel by kookbox.co.za (hulle lewer tans in Kaapstad en omgewing af). Syglad Fat Bastard The Golden Reserve (R900 vir 6 x 750 ml, shop.fatbastardwine.co.za) is ’n versnit van cabernet sauvignon…