Innehållsförteckning för 19 May 2022 från TV Plus Afrikaans

HOW I MET YOUR FATHER DISNEY+ | 2022 | KOMEDIE | SEISOEN 1 | KETTINGKYK VANAF WO. 18 MEI In 2050 vertel die ewige romantikus-fotograaf Sophie (Kim Catrall) aan haar seun hoe sy sy pa ontmoet het, wat ons terugneem na die jaar 2022. Daar ontmoet ons die jonger Sophie (Hilary Duff) en haar besties wat almal in hul 20’s is en steeds slegte (maar opwindende) keuses maak terwyl hulle die lewe en liefde probeer uitpluis in ’n tydperk van afpraak-apps, pandemies, en politieke en ekonomiese chaos. Wees op die uitkyk vir bekende stelle van die oorspronklike komediereeks How I Met Your Mother. THE KARDASHIANS DISNEY+ | 2022 | REALITEIT | SEISOEN 1 | KETTINGKYK VANAF WO. 18 MEI Die K-span is terug, met ’n nuwe glansvoorkoms. Die seisoen begin…

SANDITON SEISOEN 2 Charlotte (Rose Williams) is terug in die Regentskaptydse strandoord Sanditon, en dié keer het sy haar suster saamgebring – die naïewe en sjarmante Alison (die Skotse aktrise Rosie Graham). Ons het met Rosie gesels oor die voorbereiding vir haar Sanditon-seisoen. “Ek het ’n sessie gehad met ’n dialekafrigter Majella Hurley om die tydperk se aksent aan te leer. En ek het baie na Rose en haar aksent geluister en probeer om nie te veel te verskil nie, want ons is susters,” sê Rosie. “Ek het ook danslesse geneem by die choreograaf Sammy Murray. Sy kon selfs iemand soos ek met twee linkervoete leer! En ons het video’s gekry van beroepsdansers wat dit (baldanse) gedoen het en ek het dit oor en oor gekyk.” Alison se klere het…

Die hoof van die Hoërskool Arendsvlei, Beatrice Cupido (Jolene Martin), dra nog die letsels van die diep waters waardeur sy al in haar lewe is – en nie alle trauma genees ooit volkome nie. Soos die dood van haar man, David (Oscar Petersen) in 2019. Tog was sy dood in ’n mate ’n verligting omdat hy haar emosioneel en fisiek mishandel het. Beatrice het gedink sy het die afgelope paar jaar die gebeure verwerk en aanbeweeg, maar wanneer ’n man wat op ’n druppel net soos David lyk by haar opdaag, omvou ’n donkerte haar. DIS GEKOMPLISEERD Die storielyn begin wanneer die Hoërskool Arendsvlei se faktotum, Hein (Merlin Balie), Beatrice vra om ’n nutsman aan te stel omdat Hein nie by alles uitkom nie. Jeffrey (ook vertolk deur Oscar Petersen),…

Die Suidoosterwind het ’n nuwe karakter in Ruiterbosch in gewaai en haar naam is Angie (Char Cherrie, ’n nuweling), en die spontane jong haarkapster met sterk menings het haar oog op die alom geliefde Wade (Dean John Smith)! “Sy is reg vir nuwe uitdagings en vir die volgende hoofstuk in haar lewe,” sê Char oor haar karakter. En wie weet, dalk is Wade deel van die nuwe hoofstuk – dis nou as hy dit nie opfoeter nie. Sy geskiedenis met die liefde is nie juis watwonders nie en Wade sal bitter moeilik herstel indien sy hart weer gebreek word. BYT VISSIE Angesien Wade raak wanneer sy een aand ’n skemerkelkie by Die Anker geniet waar Wade as kroegman werk. “Wade is nie juis opgepluk met hul eerste ontmoeting nie, maar…

Almal was geskok toe hulle hoor Simon (David Louw), die alomgewilde Stryder-afrigter, het sy eie lewe geneem. Enkele weke gelede moes Simon se geliefdes en die Stryders die slegte nuus verwerk dat Simon tydens ’n fratsongeluk ernstig beseer en verlam is. Dié ongeluk het gebeur nadat die Stryder Zappa (Runaldo Hendricks) hom tydens ’n oefening op Simon se bevel, getakel het. Maar niemand sou ooit kon voorsien Simon sou sy lewe neem en alles sou so tragies eindig nie. “Simon sou vir die res van sy lewe aan ’n rolstoel gekluister wees en hy kon net nie daarmee vrede maak nie,” vertel Ansu Visser, wat die rol van Lulu, Simon se vrou, vertolk. Maar almal begin nou wonder: Was Simon alleen aandadig aan sy selfdood of het iemand hom gehelp…

Hospitaal-dramas is ’n voorskrif vir pure vermaak. Of dit nou gaan oor die verhouding tussen dokters, verpleegsters en hul pasiënte, die ingewikkelde gevalle, die spannende of dramatiese operasies en daardie sappige persoonlike drama en skandale agter die skerms. Dis alles se verslawend. Showmax het nou die medikasie vir al jou kykbehoeftes . . . BINNELANDERS Skinderstories versprei soos ’n veldbrand en drama is altyd net om die draai in die gange van die Binneland-kliniek in die sepie Binnelanders. At Koster (Hans Strydom) regeer die hospitaal met ’n ysterhand, en daar is niks belangriker vir hom as sy hospitaal en sy familie nie. Hy sal hemel en aarde beweeg om dié twee te beskerm, en hy hou nie by die wet nie (maar hou sy hande skoon) om dit te verseker…

Troukoors Seisoen 1 kykNET (*144) Sondae 20:00 (vanaf 15 Mei) Moenie geflous word deur die titel nie. Niemand is desperaat om te trou nie, en al koors wat hoog loop, is om elke dag die beste carpe diem-oomblik te hê. “Die reeks gaan oor drie vriendinne in hul vroeë 30’s, en een van hulle is ’n trouebeplanner, Jessica (gespeel deur Ilse-Lee van Niekerk). Saam met haar bly haar skaam suster Luca (Blyde Smit), ’n rekenaarprogrammeerder, en hul bestie, Abi (Bianca Flanders), wat die lewe en liefde in alle vorme aangryp,” vertel Louis Pretorius, die reeks se medeskepper en -vervaardiger. “Dit gaan oor liefdesverhale: Die avonture én teëspoed van die liefde.” En watter heerlike pad is dit nie om saam met die vriendinne te stap nie! Die reeks is einde verlede…

Daar is ’n nuwe leerder by die Hoërskool Arendsvlei en die jong man is alles behalwe betroubaar. Sy verlede is bevlek met slegte gedrag, tronkstraf en manipulasie. Die skoolhoof, Beatrice Cupido (Jolene Martin), het gedink dis ’n goeie idee om die gekwelde Morne (Marunzo Thomas, ’n nuweling) ’n kans te gee om sy matriek aan haar skool te voltooi, maar Morne draai almal ’n rat voor die oë: Hy gee voor hy het verander en is nou op smal paadjie, maar dis alles net leuens. En om dinge te vererger, raak hy obsessief oor iemand en dit lei tot nóg ’n misdaad. JOSHUA SIEN DEUR DIE LEUENS “Morne was destyds in die tronk en gaan van skool tot skool omdat hy aggressief is en die heeltyd baklei,” sê Roe-line Daneel…

Die afgelope maand was vol op-winding in die Binneland-kliniek se ongevalle-afdeling tydens die internskapprojek. Vier dokters het daaraan deelgeneem, insluitende Elton Cloete (Solomon Cupido), Liam Vorster (David Viviers), Nicolette Nortje (Kate Roothman) en Zanel, oftewel Zee, Jordaan (Mila Guy). Ná vele uitdagings het Liam gewen en die nuwe dokter by ongevalle geword, maar Liam het die pos van die hand gewys en homself by ’n rehabilitasiesentrum laat opneem om sy pynpil-verslawing onder beheer te kry. Zee is in sy plek aangestel en daar is nuwe uitdagings vir haar op die horison, soos ’n vuurwarm fling met haar baas, dr. Tertius (Reynardt Hugo). En die aktrise Mila Guy is baie dankbaar en opgewonde vir hierdie permanente rol wat oor haar pad gekom het. WAT GEBEUR IN DIE STORIELYN Zee was meer…

VERLEDE KEER Vartolu het gesukkel om Saadet se huwelik te aanvaar, Yamaç het wraak geneem, en Emrah het Yamaç gemanipuleer om te glo Sena maak stories op, Nedret het Saadet om verskoning gevra vir hoe sy haar behandel het, en die Koçovali’s was opgewonde oor ’n komende troudag. IN DIÉ UITGAWE Muhittin dink daaraan om meer geld te belê, Yamaç moet ’n manier vind om Cem se pa te red, en ’n spook uit die verlede besoek Sena. Muhittin moet ’n moeilike besluit neem, Yamaç is op ’n sending om geld te vind, en Vartolu is vasgekeer in die sauna. Yamaç kry die oorhand oor Vartolu, Cem is gelukkig om met sy pa te herenig, en Sena sukkel steeds met haar hallusinasies. Yamaç is geskok wanneer hy besef sy broer…

NIGHT SKY AMAZON PRIME VIDEO | 2022 | SCI-FI | SEISOEN 1 | KETTINGKYK VANAF VR. 20 MEI Die afgetrede paartjie Franklin (J.K. Simmons) en Irene York (Sissy Spacek) ontdek ’n poort wat in hul agterplaas begrawe is en na ’n verlate planeet lei. Hoewel hulle dit geheim wil hou terwyl hulle probeer uitpluis wat aan die gang is, raak hul bure nuuskierig, hul kleindogter Denise (Kiah McKirnan) dink hulle moet dalk na ’n inrigting trek waar hulle ondersteun word, en ’n vreemde man genaamd Jude (Chai Hansen) verskyn in hul lewe. Dit verskaf ’n interessante teëstelling vir nóg ’n onlangse Amazon Prime Video-sci-fi-reeks Outer Range. MONSTERS AT WORK DISNEY+ | 2021-NOU | GEANIMEERDE KOMEDIE |SEISOEN 1 | KETTINGKYK VANAF WO. 18 MEI Die Monsters,Incorporated-kragsentrale het pas in werking getree…

Gespanne kinders wat onder druk is? Dis tyd vir ’n bederfie. Jou kleinspan kan hierdie maand en volgende maand uitsien na avonture, nuwe vriende en nuwe idees op DStv. Enigiemand kan ’n held wees en ’n storie vertel, van die oulikste spinnekoppie ter wêreld tot ’n TV-behepte seester, ’n avontuurlustige kat, twee kinders wie se bestie ’n sneeumonster is, en tieners wat hul eie grafiese romans en speletjiekanale op YouTube wil skep. En daar is lessies vir alle ouerdomme en stadiums. Lees verder vir meer oor hierdie komende reekse en ’n lys van ander programme wat nou op DStv-skerms begin, insluitende reekse met splinternuwe episodes wat hul storie voortsit. En onthou, jou kinders kan dalk van hul gunsteling-karakters ontmoet wanneer hulle speel en leer met DStv Island Adventures, gratis aan…

‘Die Karoo praat met my siel’ Landbouweekliks Seisoen 17 Dinsdae VIA (*147) 17:30 “Ek kon nie glo so iets het oor my pad gekom nie,” sê die TVpersoonlikheid, storieverteller en sanger Pietman Geldenhuys oor die dag toe sy agent hom bel om te sê hy is een van die drie nuwe aanbieders van Landbouweekliks (die akteurs Theodore Jantjies en Vicky Davis is die ander twee). “Ek het nog altyd in die landbou belanggestel en het self klasgedraf by ’n landbouskool in die Boland,” sê Pietman. En nou kry hy die geleentheid om kennis te maak met ware boere en meer te leer oor die belangrikheid van die landbou vir die ekonomie. ’N SUKSESVOLLE PROGRAM Om die mede-aanbieder te wees van ’n program wat reeds met 17 seisoene spog, is nie…

Klavierkuiers Met Pedro Seisoen 2 Donderdae SABC2 (*192) 19:00 Die vermaaklikheidskunstenaar Pedro Kruger weet nie net hoe om ’n klavier te tokkel nie, maar het ook die vermoë om gehore te vermaak en onderhoudend met mense te gesels. Sy reeks Klavierkuiers Met Pedro het groot aftrek gekry toe die twee seisoene onderskeidelik in 2017 en 2018 op die kanaal VIA uitgesaai is. En nou is die tweede seisoen van die reeks Donderdae op gratis-TV (SABC2) te sien vir die wat die eerste sarsie vermaak en inspirerende stories misgeloop het. TYDLOSE NOSTALGIE, VERMAAK Wanneer joernaliste Pedro as jong kunstenaar gevra het soos wie hy eendag wil wees, was sy naïewe antwoord dadelik: “Oprah!” “Ek was altyd dol oor mooi stories, maar ek wou soos Oprah Winfrey menslikheid, respek en kindness aan…

Ons was al almal dolverlief, maar waar sommige vroue hul liefie se kappietop of t-hemp dra, het Lesedi Moloi (Keabetswe Motsilanyane) verder gegaan en spermselle gesteel van ’n man met wie sy nie eers in ’n verhouding was nie – Fikani (Nicholas Nkuna) – in November 2021 voor sy Hillside verlaat het om haar siek pa, Jacob Moloi (wyle Patrick Shai), te versorg. Lesedi is al geruime tyd behep met dr. Alexa (Carina Nel) se man, Fikani, en het selfs hul troue in Julie 2021 probeer keer. Maar hoewel Fikani en Alexa ’n sug van verligtig geslaak het toe Lesedi swanger teruggekeer het, het die drama begin. “Lesedi het gesondheidsprobleme tydens haar swangerskap gehad. Sy het ook op haar ooievaarspartytjie flou geword en Alexa, wat ’n gas was, het instinktief…

Die argitek Tim (Marco Spaumer) se ambisie, geldgierigheid en dryf om mag en aansien te hê is besig om sy huwelik te pootjie. Hy en sy vrou, Zoe (Lauren Joseph), het die een argument ná die ander. En wanneer hulle weer koppe stamp – spesifiek oor die kuseiendom wat Tim op onderduimse maniere in Maart bekom het wat tot die oorspronklike eienaar se dood gelei het – vererg Tim hom en gaan slaap die aand in ’n hotel. En daar gebeur iets in die hotel wat Zoe by ’n kruispad in hul huwelik gaan bring. VERTROUE VERBREEK Tim is op dun ys, want nie net sit hy en Zoe nie langs dieselfde vuur nie, maar Zoe se tannie Bridgette (Denise Newman) – wat ook sy baas is by Jacobs Property…

Daar is ’n nuwe hoof- uitvoerende beampte by die Binnelandkliniek, en dis niemand anders nie as dr. Annelize Roux (Cindy Swanepoel)! Die vorige HUB, dr. Conrad Koster (Hykie Berg) was vroeër in Mei so gefokus om sy pa, dr. At Koster (Hans Strydom), uit sy posisie as grootbaas van die hospitaal te verwyder, hy het nie gesien Annelize stel haar eie plan in werking nie. “Conrad wou van At ontslae raak omdat al At se grudade en geheime op die lappe gekom en dit die hospitaal se reputasie geknou het,” sê Hykie. Maar Conrad is sy pos kwyt. En al sê At hy wil nie verder baklei nie, het Conrad oorlog verklaar! VERTROUE IS GESKEND Dis vir Conrad veral moeilik om te verwerk dat een van die hospitaalraadslede, dr. Steve…