Innehållsförteckning för 16 June 2022 från TV Plus Afrikaans

IDRIS ELBA’S FIGHT SCHOOL BRITBOX | 2022 | REALITEIT | SEISOEN 1 | KETTINGKYK VANAF DO. 16 JUNIE Die akteur Idris Elba, geïnspireer deur sy ervarings by ’n boksklub in ’n township in Suid-Afrika, begin sy boksklub in Brittanje om agt jong mans en vroue te help om hul geestesprobleme en ’n lewe van armoede en misdaad aan te pak. Dit gaan nie oor terugslaan nie, eerder die ontwikkeling van dissipline, toewyding, ambisie en gehardheid om binne vyf maande boksgereed te wees. “Boks vereis dat jy afskakel en op die oomblik fokus, ’n vaardigheid wat ek meen alle mense moet hê,” sê Idris. • Lees meer op bl. 9. THE UMBRELLA ACADEMY NETFLIX | 2019-NOU | SCI-FI | SEISOEN 1-3 | KETTINGKYK VANAF WO. 22 JUNIE Die Umbrella Academy keer…

Outopsies Seisoen 1 Donderdae VIA (*147) 20:00 Dokumentêre reekse en rolprente oor ware misdaad se gewildheid het oor die afgelope jare toegeneem en daar is kanale wat net op dié soort inhoud fokus, soos DStv se Investigation Discovery (*171). En moenie vergeet van die rits dokkies en flieks wat op stroomdienste beskikbaar is nie, soos die ware misdaadreeks Devilsdorp op Show-max, wat fokus op 2016 se afspraakmoorde in Krugersdorp, Gauteng. Die genre is fassinerend en gee ’n kykie in die psige van moordenaars. En al word baie vrae nie beantwoord nie – soos die rede hoekom iemand ’n reeksmoordenaar word – is daar mense wat hul uiterste bes doen om geregtigheid te laat seëvier. Die forensiese patoloog dr. Hestelle van Staden is een van hulle, en in die nuwe reeks…

New Amsterdam Seisoen 4 Maandae M-Net (*101) 19:30 (begin 27 Junie) Ondanks die vonk tussen die kollegas dr. Max Goodwin (Ryan Eggold, vorige Tom in The Blacklist) en dr. Helen Sharpe (Freema Agyeman, Amanita in die sci-fi-reeks Sense8) regdeur die mediese dramareeks New Amsterdam, het hulle eers hul gevoelens in die finale episode van seisoen 3 aan mekaar beken. Max het na Helen se woonstel gehardloop, sy’t die deur oopgemaak, hulle het mekaar gesoen en die toneel is uitgedoof. Wanneer seisoen 4 begin, gaan die twee voort waar hulle opgehou het. Hulle is in die bed en bespreek hul moontlike toekoms saam. Max is ongetwyfeld op Helen verlief, en hoewel sy dieselfde voel, los sy ’n bom: Ná ’n onlangse reis na Londen, het sy besluit om New York te…

Die oudleerder Lee-Roy Foster (Roberto Kyle) is terug by die Hoërskool Arendsvlei as proefonderwyser. “Lee-Roy neem sy ma, Ronel (Melanie du Bois) se Afrikaans-klas oor en hy is gretig om met sy loopbaan te begin,” sê Roberto. Lee-Roy en sy man, Wesley (Craig Adriaanse), woon in Stellenbosch waar hulle studeer. “Wesley het ’n part-time job, maar sal vir Lee-Roy gaan kuier terwyl Lee-Roy proef,” sê Roberto. ’n Klomp verrassings wag op hulle, insluitende ’n geheime vriend van Wesley wat Lee-Roy se pa, Lionel  (Jody Abrahams), agterdogtig maak. VERKEERSKNOOP Lee-Roy se eerste dag by die skool begin sleg. “Lee-Roy is baie deeglik. Maar dit lyk asof alles skeefloop nog voor hy begin,” sê Roberto. “Hy wou vroeg by die skool wees vir sy meeting met die hoof Beatrice (Jolene Martin), maar…

Die lewe het baie besig geraak vir dr. Annelize (Cindy Swanepoel) sedert sy die HUB van die Binneland-kliniek geword het. Haar missie is om die hospitaal so doeltreffend en winsgewend moontlik te maak, en die enigste manier hoe sy dit gaan regkry, is om die bouprojek vir die nuwe ongevalle-eenheid, of dan die Super ER (soos daarna verwys word), op die been te kry. En dis waar die sakeman en dokter, Dawid Opperman (Deon Lotz, Sebastian Price in die telenovelle Legacy, lees meer op bl. 36) in die prentjie kom. Die vennoot in die nuwe eenheid, BlueCor, het Dawid gestuur om vuur te maak onder die projek sodat dit vinniger voltooi word. Annelize is nie beïndruk met Dawid wat in haar sake kom krap nie. Maar Dawid is dalk nie…

VERLEDE KEER ’n Geheimsinnige video is na Kaan se tronksel gestuur met details van sy pa se dood 25 jaar gelede, en Kaan het ingestem om met die polisie saam te werk, maar hy het voorwaardes gehad. Ilhan het ’n verrassingsbesoek van ’n ou werknemer gekry wat sy ooreenkoms met die Qatari-familie bedreig het. IN DIÉ UITGAWE Bahar kry skokkende nuus, Irem oorskry ’n grens waarvandaan sy nie weer kan terugkom nie, en almal is nuuskierig oor die vreemdeling in die snyerspak. Die direkteur skort die saak op, Mujde besluit om elders na antwoorde te soek, en Ilhan kry ’n nuwe bevel van The Circle. Kaan en Cihangir werk op mekaar se senuwees en het ’n groot uitval, Irem kry ’n walglike boodskap, en Mujde wil haar waarde aan Iskender…

Say Yes To The Dress Dubai Seisoen 1 Dinsdae op TLC (*135) om 20:00 Óf ons dagdroom oor Say Yes To The Dress, óf ons is leuenaars. In my gedagtes staan ek op die bruidpodium, in die mooiste tabberd. Die aanbieder draai my versigtig om sodat ek myself in die spieël kan sien en groot trane biggel oor my wange. Ek lyk soos ’n prinses! My vyande is stomgeslaan. My ma maak asof ek ’n Oscar gewen, met ’n dokter getrou en die lewe aan ’n president geskenk het. En ja, ek wys so ’n ietsie sexy aan die bokant wanneer ek op daardie podium draai. Êrens ver daarvandaan wonder my aanstaande waarom begin hy sweet . . . Tot dusver is daardie droom vir baie van ons nie bewaarheid…

Good Sam Seisoen 1 Maandae M-Net (*101) 20:30 (begin 27 Junie) Benewens die verkenning van boeiende mediese sake by die fiktiewe Lakeshore Sentinel-hospitaal in Detroit, delf die splinternuwe drama-reeks Good Sam in die karakters se innerlike konflikte. Die middelpunt van die storie is die talentvolle kardiotorakale chirurg Sam Griffith (Sophia Bush, Veronica in die dramediereeks Love, Victor) se disfunksionele verhouding met haar chirurg-pa, Robert (Griff) (Jason Isaacs, Michael Caffee in die Mafia-dramareeks Brotherhood), wat ook haar baas by Lakeshore is. Griff stoot mense weg met sy baasspelerigheid, veral sy dogter. “Sam haat dit so erg om saam met Griff te werk sy oorweeg dit om ’n werk in ’n ander stad te aanvaar [om van hom af weg te kom],” verduidelik Sophia, wie se karakter se planne in die wiele…

eNuus kykNET (*144) Maandae tot Sondae 19:00 Die bedrewe nuus- en sportaanbieder Pieter Jordaan se liefde vir sport en nuus het kleintyd vlamgevat. Pieter, wat op Potchefstroom grootgeword het, vertel hy het op skool in sy vrye tyd koerante verkoop en altyd die koerant van agteraf, by die sportberigte, begin lees. Sy joernalistieke loopbaan het by die gedrukte media afgeskop, maar vandag is hy ’n groot aanwins by kykNET se nuuskanaal eNuus. Watter sportsoorte het jy alles op skool beoefen? As laerskoolkind was dit agterplaas-Curriebekers en -kriekettoetse tot ná sononder. Ons was Joost (van der Westhuizen) en Ruben (Kruger), Hansie (Cronjé) en Jonty (Rhodes). Op hoërskool, toe ek ’n bietjie lyf kry, het ek besef ek kan ook meeding. Rugby was my groot liefde, maar ek was effens beter in…

Die wind waai weer woes in Ruiterbosch en dié keer is daar nie net een nie, maar sommer drie nuwe gesigte en ’n oulike baba wat deel word van die Ruiterbosch-gemeenskap. Maggie (Daniah de Villiers, Trudie in die sepie Binnelanders, lees meer op ble. 28, 29 en 45) en Ryno (Alex van Wyk, Don Steenkamp in die fliek Griekwastad), is ’n tienerpaartjie wat getroud is en het ’n babadogtertjie Taylor (Kara Gouws). En dan is daar ook Retha (Milan Murray, Nicki Swanepoel in die aksiereeks Die Byl) ’n bekende skrywer wat in die omgewing is vir boekbekendstellings. Die sakevrou Elana (Ester von Waltsleben) vind dadelik aanklank by die nuwelinge en daar wag hope intrige! ONTFERMING Maggie en baba Taylor maak hulself tuis in die Oos-Wes-restaurant om die gratis WiFi te…

Om ’n gruwelike kleuter op te pas, is niks – in Hillside is daar ’n spookterroris wat ronddwaal. Wanneer Zee (Ray Neo Buso) baba Nelo in Alexa (Carina Nel) en Fikani (Nicholas Nkuna) se huis op-pas, is hy oortuig hy het ’n spook gesien. “’n Tyd gelede het Zee Alexa amagwinyas  (vetvoek) aangebied wat Alexa gesê het herinner haar aan haar Ouma Betsie (nie op die skerm nie). Terwyl hy die baba oppas, ontmoet Zee ’n ou vrou in die solderkamer wat hy aanvaar is die ouma van wie Alexa gepraat het,” verduidelik Ray. Maar hy besef hy het ’n spook gesien wanneer hy uitvind Betsie het jare gelede gesterf! TOE NIE ’N PARTYTJIE NIE Teen die tyd dat Fikani tuis kom, het Zee sy vriende oorgenooi om hom geselskap te…

IDRIS ELBA’S FIGHT SCHOOL “Net omdat jy platgeslaan is, beteken nie jy moet bly lê nie,” sê die akteur Idris Elba (hoofspeler in die speurreeks Luther). “Soms is die grootste geveg met jouself.” Hy het lewensafrigters, mentors en boksafrigters gewerf om te help om agt jong mense daardie les te leer, en om hul lewe om te keer. “Terwyl ek in Suid-Afrika met verfilming besig was, het ek op ’n boksgim in ’n township afgekom. Wanneer ’n mens in die township kom, dink jy: ‘Sjoe, dís hoe mense leef en hoe hulle oorleef, en die misdaadsyfer is hoog. Maar daar was ’n boksgim. Dié ouens wat ’n gevegskool gestig het, het die misdaadsyfer laat daal. Hulle het die kinders uit die moeilikheid gered.’ Die afrigters bewys die waarde van dié…

Listing Cape Town Seisoen 1 Woensdae BBC Lifestyle (*174) 20:00 “Agente het die reputasie dat hulle slinks is. Ons het ’n stigma. Maar ek het Listing Jozi gekyk en die mense kon werklik sien hoe hard ons werk vir ons geld,” sê die eiendomsagent Farrah Mia. Toe die reeksvervaardigers Nico Nel en Trevor Kaplan van Listing Jozi en Listing Cape Town kom aanklop, was sy gereed. Farrah is nie bang vir die glans van realiteits-TV nie – sy het die eiendomsrealiteitsreeks Selling Sunset op die aanlyn stroomdiens Netflix gekettingkyk. En sy is ’n “ Chrishell” (Stause) van die reeks, maar voeg by: “Miskien is sy effens te gaaf. Dit was ’n goeie aanmaning, om Chrishell te sien, dat ons ’n bietjie meer ruggraat in dié bedryf moet hê,” sê Farrah.…

Troukoors Seisoen 1 Sondae kykNET (*144) 20:00 In Troukoors is die formidable troubeplanner Jessica (Ilse-Lee van Niekerk) die een mens wat enige geleentheid – van ’n kinderpartytjie waar sy self die leeu moet speel, tot die allermooiste troue – kan reël en steeds haar kliënte se belange op die hart dra. “Jessica is verlief op die liefde en dol daaroor om ander gelukkig te maak en haar liefde te wys deur dinge te vier, deur ’n celebration,” vertel Ilse-Lee (29). “Dis haar passie en haar hele lewe draai om daardie spesiale oomblikke. Sy het ’n groot omgee-hart.” Maar Jessica laat nie oor haar loop nie. Sy weet hoe om haar te laat geld wanneer dit by werk en verhoudings kom. “Ek dink dis die ou idee van jy moet eers…

Sekere karakters en storielyne in Arendsvlei laat ’n blywende indruk, soos Steve Mortlock (Elton Landrew) wat in 2020 deur Ingrid (Rehane Abra-hams) vermoor is, en die verhaal van verbode liefde tussen die onderwyseres Nicolene (Gretchen Ramsden) en die destydse leerder Anton (Dean Richard Olivier) in 2019. Hul liefde was opreg, maar hulle is lelik uitmekaar, wat op albei letsels gelos het. Anton en Nicolene het geglo hulle het van die seer herstel, maar wanneer Nicolene ewe skielik in Arendsvlei opdaag en weer ’n werk by die Hoërskool Arendsvlei kry, is daar groot krapperigheid tussen Anton en Nicolene. En ou gevoelens kan opvlam wat komplikasies kan meebring. FOKUS OP JOUSELF Anton het die afgelope ruk ’n moeilike tyd beleef. Hy was obsessief oor Ruby (Boudine Ballem), die leerling wat by hom en…

Tim (Marco Spaumer) en Zoe (Lauren Joseph) se huwelik hang aan ’n draadjie. Zoe is oortuig sy kan Tim nie meer vertrou nadat hy in Mei egbreuk gepleeg het nie, en om ’n baba te hê, sal nie hul probleme oplos nie. Dus is sy vasberade om haar swangerskap te beëindig. “Vir Zoe kon haar onbeplande swangerskap nie op ’n slegter tyd gekom het nie, want haar huwelik is op die rotse en sy sal altyd weet die kind is nie uit liefde gebore nie,” sê Lauren. Sy wil voortgaan en ’n aborsiepil drink, maar haar dokter lig haar in haar bloeddruk is te hoog is en sy moet liefs nie die pil neem nie.” HEROORWEEG JOU OPSIES Met die aborsie vir eers op die lange baan, reik Tim na…

15 – 21 JUNIE 22 – 28 JUNIE 15 Junie 16 Junie 17 Junie 18 Junie 19 Junie 20 Junie 21 Junie 22 Junie 23 Junie 24 Junie 25 Junie 26 Junie 27 Junie 28 Junie…