Innehållsförteckning för 08 September 2022 från TV Plus Afrikaans

Soms hou my werk heerlike voordele in! Ek was onlangs by die AfriForum-teater in Pretoria toe ’n Orkney Snork Nie-reünieepisode opgeneem is. Wat ’n belewenis was dit nie! Die nostalgie het my én die spelers van die reeks – sommige het mekaar dekades laas gesien – op die verhoog oorweldig. En om die staaltjies te hoor van presies hoe lank die skepper, Willie Esterhuizen, probeer het om die reeks te laat realiseer, asook die verhale van wat agter die skerms gebeur het, het werklik my hartsnare geroer. Tot Frank Opperman, wat Ouboet in die sitkom speel, het trane afgevee. Die episode sal op Woensdag 14 September op AfriforumTV beskikbaar wees. En Willie het genoem seisoene 2, 3 en 4 van Orkney Snork Nie sal ook op die platform te sien…

Stroomplatforms groei en verander elke dag, jou perfekte program wag dus op jou. Dis September, hoe lyk dit met ’n bietjie goedvoelkomedie vir die lente? • Earth To Ned seisoen 1, ’n marionetkomedie van die Jim Hensonmaatskappy oor ’n ruimtewese wat die Aarde wil verower, maar besluit om ’n laataand geselsprogram met regte glanssterre aan te bied, 2021, kettingkyk op Disney+. • Schmigadoon seisoen 1, absurde musiekkomedie oor ’n soektog na liefde, met Keegan-Michael Key, 2021, kettingkyk op Apple TV+. • Ted Lasso seisoen 1-2, komedie oor ’n VSA sokkerafrigter (Jason Sudeikis) wat ’n Britse span bestuur, 2020-nou, kettingkyk op Apple TV+. • Schitt’s Creek seisoen 1-6, komedie oor ’n ryk familie wat in ’n dorp moet bly wat hulle as ’n grap gekoop het, 2015-2020, kettingkyk op Netflix. TVPLUS…

@BINNELANDERS.TV @BINNELANDERS.TV @BINNELANDERS.TV Ook weekdae op M-Net-dek. 17:00H Weekdae kykNET 23:30 H Di.-Vr. kykNET 08:30 O Sa. M-Net-dek. 06:00 O Sa. kykNET 09:30 VERLEDE KEER Danny het gesukkel met trauma nadat hy ’n ernstige ongeluk gesien het, Delia en Louis het vasgesit omdat hy nie wil hê haar pa, Andries, moet deel van hul dogter, Amalia, se lewe wees nie, en Vicky wou hê Tracy moet haar nuwe mamma word. IN DIÉ UITGAWE Rita begin die hele prentjie sien, maar kry met een van Andries se alter-ego’s, Ben, te doen, Louis is bekommerd oor Conrad se verhouding, en Steve maak ’n onthulling teenoor Annelize. Gaby blaas stoom af oor Annelize, Karen is bekommerd oor Liam, en ’n Chanel wurm haar uit ’n naweekuitstappie. Tracy speel oop kaarte met Delia, Zee…

BOLD Steffy konfronteer Li oor sy haar laat glo het Finn is dood, terwyl Sanchez ’n afgeskeurde toon rondswaai om aan die Forresters te bewys Sheila is deur ’n beer verskeur. Taylor vertel Steffy Ridge het haar (Taylor) in Monaco gesoen, Quinn en Carter maak hul verhouding bekend en word betrap toe hulle mekaar in die HUB se kantoor soen, en Deacon word wakker en kry ’n vreemdeling in sy bed. En Hope kwel haar oor toesig nadat Thomas aan klein Douglas voorstel Douglas kom woon saam met hom in Eric se huis. DAYS Ava trek by die DiMera-herehuis in en begin speletjies speel met EJ, Jada en Shawn word polisie-spanmaats, en Chad vergesel Jada in die DiMera-tonnels. Alex Kiriakis vra Chanel en Allie om saam met hom te gaan…

@OPENVIEWHD @EEXTRATV @ETVONLINE H Weekdae e.tv (DStv *194) 10:30; eExtra (Openview 105) 04:05 O Saterdae eExtra 20:00 VERLEDE KEER Dr. Ferman het volgehou hy is gereed om na die operasieteater terug te keer, Muhsin het Vuslat ’n ultimatum gegee, en die storie van Doruk se beproewing in die weermag het uitgekom met ’n ontstellende openbaring oor sy geestestoestand. IN DIÉ UITGAWE Dr. Ali neem ’n moeilike besluit, dr. Doruk betrek dr. Muhsin by ’n keuse wat lewens kan verander, en dr. Ferman en Beliz kan nie langer hul gevoelens vir mekaar wegsteek nie. Ferman moet kies tussen sy hart en die hospitaal se reëls, ’n swak pasiënt het almal op hul hoede, en Vuslat besluit om Doruk te besoek voor sy operasie. Dr. Ferman oorweeg dit om regstreekse bevele te…

@OPENVIEWHD @EEXTRATV @ETVONLINE H Weekdae eExtra (Openview 105) 12:25 VERLEDE KEER Ruya en Omer het getrou, en Ozan het in die hospitaal beland tydens ’n bakleiery met Celebi, en Celebi het sy eie dood deur selfdood geveins terwyl hy voorberei het om uit die land te vlug. IN DIÉ UITGAWE Die byekorf is in rep en roer noudat almal weet Celebi leef steeds – nes Cemre volgehou het – en Iskender en Omer maak planne om Celebi te vang, maar hulle werk aan twee heeltemal verskillende planne. Terwyl almal wag dat Ozan sy bewussyn in die hospitaal herwin, doen Tomris en haar span alles in hul vermoë om sy veiligheid en herstel te verseker. ’n Groep vroue vergader buite Cemre se huis om hul ondersteuning te bied en om haar…

@ETVIMBEWUTHESEED @ETVIMBEWU @IMBEWUTHESEED H Weekdae eExtra (Openview 105) 10:00 H Weekdae e.tv (Openview 104) 12:00 O Saterdae e.tv 10:20 VERLEDE KEER Nkululeko het Makhosazana gekonfronteer oor die inkriminerende video, Zakithi het Nkululeko in die pad gesteek, en die Bhenguafvaardiging het Sakhile Ndawonde ontmoet. IN DIÉ UITGAWE Nomfundo verbied MaNdlovu by Phakade se bed, en ’n woedende Sakhile verstoot Mzwandile, wat met sy lewe met Khanyo wil aanbeweeg. Thando beskudig Shria daarvan dat sy die kollig wil steel wanneer Thando uitvind sy is uit die bekendstellingsfoto’s gesny, Makhosazana keer terug na Maluju Oil en weier om weg te gaan, en Emsamo se sigaaraand begin en Nomusa en Thu Sheleni is bly oor die opkoms. Sebenzile hoop op ’n tweede kans met Phakade, en Zithulele probeer dapper lyk wanneer Phakade en MaZulu…

@OpenviewHD @EExtraTV @ETVOnline H Saterdae eExtra (*195) 19:30 VERLEDE KEER Deniz het die operasie oorleef, Suleyman het ’n Mafialid doodgemaak om Hakan se bas te red, Irfan het besluit om van Eda te skei, Kudret het in Ayse se agtergrond begin delf, en Mert het Ayse gevolg. IN DIÉ UITGAWE Seisoen 2 begin. Irfan kan alles bereken: kontant, beleggings, belasting, krediete en debiete . . . maar hy kan nie menslike swakheid hanteer nie, en nou dryf die roete wat hy gekies het om sy seuntjie te red, hom en almal wat hy ken na die rand van ’n gevaarlike afgrond. Ilay wend ’n laaste poging aan om Irfan se hart en vertroue te wen, terwyl Egemen (Onur Saylak speel Egemen in seisoen 2) Eda probeer kry, Irfan se vrou…

@MUVHANGOSA @MUVHANGOSA @MUVHANGOSA H Weekdae SABC1 (*191) 08:30 H Weekdae SABC2 (*192) 11:30 VERLEDE KEER Die voormalige burgemeester se liggaam is opgegrawe, Mpho het besluit om ’n ritueel vir Rosemary te doen, en Vho-Makhadzi het haar geld weggedobbel en uit Thathe gevlug. IN DIÉ UITGAWE Die polisie daag op by Tenda se huis nadat hulle ’n oproep oor verdagte bedrywighede kry, en Vho-Makhadzi is skatryk vanweë ’n groot som geld vir haar liefdadigheidswerk. Susan eis antwoorde, maar die een mens na wie sy soek, vermy haar sover moontlik, en Vhangani probeer keer dat Vho-Makhadzi weer dobbel. Hoofman Azwindini stel handlangers aan wanneer hy gereedmaak om na Johannesburg te vlieg, en Vho-Makhadzi verloor die geld wat ’n kleinsake-eienaar haar gegee het. Rendani is verras wanneer sy uitvind Gugu het verdwyn, Vho-Makhadzi…

Die letters in die pienk blokkies, wat jy in die regte volgorde moet rangskik, vorm die naam (8) van Jawaahier Petersen se karakter in Suidooster. Die oplossing verskyn in die volgende uitgawe. STERBLOKRAAI Die letters in die pienk blokkies, wat jy in die regte volgorde moet rangskik, vorm die naam (7) van André Odendaal se karakter in Ludik. Die oplossing verskyn in die volgende uitgawe. SPELETJIES VUL DIE KODEBLOKKE SO IN: Elke letter is met ’n syfer vervang, en die syfer verteenwoordig deurgaans dieselfde letter. Om mee te begin, is ’n paar letter-en-syferkombinasies ingevul. Kodeblokke Kodeblok 395 SPEEL SÓ SUDOKU: Vul elke 3x3-blok in met die syfers 1-9. Die vertikale en horisontale reëls moet ook die syfers 1-9 hê sonder enige herhalings. Om te begin het ons ’n paar syfers…

Die KontrakSeisoen 2 Sondae eExtra (Openview 105/ DStv *195) 18:30 Voel die ritme wanneer die tweede seisoen van die Afrikaanse sangkompetisie Die Kontrak eksklusief op eExtra uitgesaai word. Die hope talent van die deelnemers gee ons hoendervel! Voeg daarby die grootste name in die Afrikaanse musiekbedryf as aanbieders, mentors en kundiges in die program – dít alles om die volgende Afrikaanse sangsensasie op te spoor! Hul energie, stemme, danse en passies maak dié reeks van 13 episodes ’n moetkyk. Hier is alles wat jy moet weet wanneer jy inskakel. EEN MAN, EEN STEM Sangkompetisies het gewoonlik ’n paneel beoordelaars met die mag om iemand se reis te beëindig en hulle huis toe te stuur soos die kompetisie vorder. Die publiek kan ook stem en help om hul gunstelingsanger in die…

Kassie Kuiers kykNET se Facebook en digitale platforms, YouTube en iono.fm Digitale media-ghoeroe, radioen televisie-aanbieder, skrywer en vervaardiger – maar as Renaldo Schwarp, die op-en-wakker aanbieder en medevervaardiger van kykNET se digitale reeks Kassie Kuiers, sy werk kortliks kan opsom, sal dit multimedia-joernalis wees, sê hy. Die gespreksreeks Kassie Kuiers, wat sedert November 2021 op verskeie digitale platforms uitgesaai word, het binne ses maande met ’n halfmiljoen kykers gespog. VARS EN OPWINDEND Renaldo sê die hoë kyksyfers het sy stoutste verwagtinge oortref. “Ek en die medevervaardigers Go2Content doen fyn beplanning om weekliks iets nuuts en opwindends na die kykers te bring. Daar’s baie televisieinhoud om deur te sif en as aanbieder poog ek om soveel moontlik inhoud te kyk,” vertel hy. Toe MultiChoice verlede jaar met die voorstel na Renaldo…

@7DELAANAMPTELIK @REAL7DELAAN @REAL7DELAAN h Weekdae SABC2 (*192) 11:00 h Weekdae SABC3 (*193) 10:30 o Sondae SABC2 08:30 VERLEDE KEER Romeo het sy strooijonkers gekies vir sy komende troue, Tiaan het in Hillside kom kuier en met Vanessa gesels, en Aggie het Shady gevra om ’n beoordelaar by ’n talentvertoning te wees. IN DIÉ UITGAWE Zee en Uys is in dieselfde span vir die talentvertoning en nie een van die twee is gelukkig daaroor nie, en Alexa maak ’n groot fout wanneer sy gevolgtrekkings maak nadat sy Lesedi en Aggie afgeluister het. Tiaan word ’n troos-oom vir Uys, wat sukkel sonder sy pa, Werner, en Karmen wil aan die talentvertoning deelneem, maar haar ma, Vanessa sê nee. Mariaan dink als gaan goed, en die verloofde paartjie Romeo en Khethiwe beplan ’n…

@OPENVIEWHD @EEXTRATV @ETVONLINE H Weekdae eExtra (Openview 105) 02:40 O Sondae eExtra (Openview 105) 23:35 VERLEDE KEER Ceto se manne sterf soos vlieë, Cumali het uit isolasie gekom en is deur ’n vreemdeling aangeval, en Ceto het Vartolu gehad net waar hy hom wou hê. Yamaç het getreur oor sy buurt wat deur misdadigers oorgeneem is, en Mahsun het ’n raaiselagtige moord ontdek waarvan niemand geweet het nie. IN DIÉ UITGAWE Vartolu hoor ’n interessante storie, Vartolu en Cumali soek na iemand uit die verlede, en Saadet probeer een van die Kara-kuzulars red, maar stel terselfdertyd haarself in gevaar. Yamaç het dalk ’n plan om Ceto se dwelmproduksie te stuit, ’n paar nuwe maar bekende mense trek by Die Put in, en Aksin is besig om haar varkies te verloor…

@DURBANGEN_ETV @DURBANGEN_ETV @DURBANGEN_ETV H Weekdae e.tv (Openview 104) 13:00 O Sondae e.tv (Openview 104) 10:20 VERLEDE KEER Agatha het haar siel aan die duiwel verkoop en die gevolge gedra, Thabo en Thandekile se nuutgevonde verhouding was die groot skinderstorie in die hospitaal, en Nomalanga se sterflikheid het haar in die gesig gestaar. IN DIÉ UITGAWE Lindelani ontdek jou dade haal jou in, Phumeza en Sibiya stem nie saam oor om ’n baba te hê nie, en Agatha vind uit sy het geen finansiële probleme meer nie nadat sy haar seun Sibusiso se testament in die hande kry. Die Sibiyas is opgewonde om ’n baba te hê, en daar is chaos by die hospitaal. Agatha koop haar siel terug, en Nomalanga kan nie nóg meer terugslae bekostig nie. Mbali weet nie…

@GENERATIONSTHELEGACY1 @GEN_LEGACY @GENERATIONS_THE_LEGACY1 H Weekdae SABC1 (*191) 08:00 O Saterdae SABC1 11:00 VERLEDE KEER Tracy het die seuns gewaarsku om versigtig te wees rondom hul huismaat, Sphe het ’n oplossing vir haar probleme gekry, en Zikhona het ’n moontlike oplossing gehad vir Nontle se familie-ellendes. IN DIÉ UITGAWE Mazwi vra iemand soort van om te trou, en Mrekza is gereed om van sy vrou, Lucy, te steel, as dit is wat hy moet doen om te wen. Speurder Pele besef hy moenie ’n aaklige waarskuwing ligtelik opneem nie, Ayanda is nie bereid om nóg iemand wat sy liefhet te verloor nie, en Zikhona moet weer die spit afbyt van Nontle se frustrasie. Sphe hoor onverwagte nuus, Nkosiyabo besluit om die Moroka-nuus tot sy voordeel te gebruik, en Pamela wil hê…

@KYKNETKIE @KYKNETKIE @KYKNETKIE h Di.-Vr. 13:00 -14:00 o Saterdae 10:00-14:00 VERLEDE KEER Yigit was woedend vir Nur, want haar foto’s was op advertensieborde, maar Nur het gesê die fotograaf het haar mislei. Kerem het Nur ’n interessante aanbod gemaak, Iclal het Mert gebruik om Yigit te dwing om weer met haar te trou, en Iclal het probeer om Nur te help om ’n aborsie te kry. IN DIÉ UITGAWE Nur en Yigit is steeds op wankelrige grond, en ’n Turkse sakeman wat die Duitse maatskappy verteenwoordig waarby Nur en Yigit gaan aansluit, daag in die middel van hul twis op. Nur en Yigit pak mekaar wanneer hulle oor ’n ander transaksie baklei, Nazan, Aytul en Iclal ontspan by die spa, en Tayyar verloor sy humeur. Nur onderteken haar eerste modelkontrak,…

@MNET @MNET @MNETTV H Do.Vr. M-Net (*101) 10:00 O Saterdae M-Net 09:00 VERLEDE KEER Felicity was verstom deur haar ma, Angelique, se verdorwe sending om Legacy te red en dit in Price-hande te hou, Gordon het meer tyd saam met die Potgieters deurgebring, en Robbie was geskok deur wat met sy ma gebeur het. Dineo en Felicity het weer gebots, en Robbie het probeer om sy vermiste aan-af-meisie, Maddie, te vind. IN DIÉ UITGAWE Robbie probeer om Janet se moordenaar op te spoor, Dineo en haar stiefdogter Felicity sluit vrede, en Angelique soek bloed. Gordon se liefdeslewe is op die rand van ineenstorting, die skerpskutter kry ’n teiken, en Sefako soek na Felicity se skieter. Angelique kan nie besluit of sy by haar beseerde dogter Felicity moet bly of uit…

@ETVSCANDAL @ETVSCANDAL H Weekdae e.tv (104) 12:00 H Weekdae eExtra (Openview 105) 10:30 O Saterdae e.tv (104) 08:30 VERLEDE KEER Winnie was gedwing om iets teen haar sin te doen, en Ndu het ’n geleentheid met albei hande aangegryp. IN DIÉ UITGAWE Die aap is uit die mou oor ’n geheime besigheid, maar dit kom met ’n waarskuwing, en Kupido se pyltjie het getref, maar die teiken is taboe. Javas is oorgehaal om die korporatiewe leer te klim, maar teleurstelling wag op hom, en Petunia probeer haar dogter oor ’n naderende ramp waarsku. Javas sukkel met sy huidige situasie en neem ’n gevaarlike besluit, en Gloria behaal haar eerste mylpaal by die werk. Iemand gevaarlik sluip in die skadu’s rond, ’n vrou maak effens te veel beswaar wanneer haar voornemens…

Goeie dag. Hoekom saai julle Spoorloos so vroeg in die oggendure of 12 uur die nag uit, maar ander goed word oor en oor gedurende die dag, bv. Kwêla Hannes Aan Huis herhaal. Ag, en vele meer. Maar Spoorloos bv. 2 uur in die nag. Nêrens deur die dag nie. Asb. tog kyk daarna. Groete. – ANONIEM, PER SMS Beste anoniem. Die meeste aanddramas (wat ná sepies uitgesaai word) het ’n ligte ouderdomsbeperking en is nie geskik om deur die dag uitgesaai te word nie. Dis maar om te keer dat kinders dalk iets sien wat hulle kan ontstel. Dié tipe programme sal nie sommer maklik deur die dag herhaal word nie. Dankie vir Tuintoere, mag daar nog baie wees. Wat van kunsgallerye? Groetnis. – MAGDA, PER SMS Hallo Magda.…

kyNET & kykNET & kie Weekdae 18:30 Weekdae M-Net-dek. 17:30 H kykNET (*144) Weekdae 23:00 H kykNET & kie (*145) Weekdae 14:00 @SUIDOOSTER @SUIDOOSTER VERLEDE KEER Wade het druk op Zoe en Danni geplaas om hom uit sy huurkontrak te kry, en Rhafiek en Kaashifa het hul familie en vriende verras met die troudatum wat hulle gekies het. IN DIÉ UITGAWE Wade is ongelukkig oor sy take en probeer kop uittrek, Zoe twyfel oor haar en Tim se toekoms, en Mrs J. is gespanne oor die oorsese vakansie. Ty is agterdogtig oor Wade se werk, Bridgette vertel haar kollegas skokkende nuus, en Bridgette besluit om die verlede te begrawe. Wade probeer loskom uit die houvas wat Nazeem op hom het, Ty wil Wade se probleme help oplos, en Tim en…

@GETROUDMETRUGBYKYKNET @GMR_KYKNET H Di.-Sa. kykNET (*144) 09:00 H Weekdae kykNET 22:30 VERLEDE KEER Die vroue het probeer om vrede tussen Fafa, Wouter en Schalk te bewerkstellig, die bemarkingskantoor was op die pompons se spoor, en Lulu was ontsteld omdat Wouter se kinders nie van haar hou nie. IN DIÉ UITGAWE Die Stryders kom tot die pompons se redding, Lulu is raadop met Wouter se kinders, en Lienkie se toestand versleg. Die pompons is terug op hul pos, en Lienkie het ’n doktersafspraak. Lienkie kry skokkende nuus, Kristien besluit om Chris met sy geveg te ondersteun, en Damon wil hê hy en Ryno moet weer saam in die openbaar verskyn. Die liefde blom tussen Chris en Kristien, Philip besef hy wil Amanda terughê, en Lienkie is bekommerd oor haar swangerskap. Koekie…

@KYKNETKIE @KYKNETKIE @KYKNETKIE H Di.-Vry. kykNET & kie (*145) 11:00 O Sondae kykNET & kie 15:30 VERLEDE KEER Debra was geskok toe sy hoor sy het volmag oor haar ma, Ingrid, se boedel, Angel het gesukkel om haar ongelukkigheid vir Daniel weg te steek, en Thys het ’n diep gesprek met Dominique gehad. IN DIÉ UITGAWE Hein is ontsteld oor Nicolene se besluit, Thys beland in die sop omdat hy nie tussen Bianca en Dominique kan kies nie, en Lennie waarsku Eric om nie weer by ’n onwettige boksgeveg betrokke te raak nie. Lionel het ’n idee om meer tyd met Janice deur te bring, en Lennie het planne vir Eric. Lionel en Janice se verhouding ly skade omdat sy meer pligte by Mortlocks het, Natalie se verskyning in Arendsvlei…

@ETVSA @ETV @ETVONLINE O Sondae eExtra (Openview 105) 15:20 VERLEDE KEER Halit het ’n dapper skuif gemaak om weer Yildiz se liefde terug te wen, ’n ongelukkige voorval met Yigit het vir Sahika ’n nuttige bedingingsmiddel geword, en terwyl Ender en Sahika om mag meegeding het, het Yildiz gemengde boodskappe van Kerim gekry. IN DIÉ UITGAWE Halit wil sy familie herenig, maar ná Yildiz se ervaring sal sy waarskynlik nie teruggaan na hoe sake was nie. Kaya besluit om dinge met Ender te beëindig, Yildiz het ’n plan om Ender en Kaya te versoen, en Sahika gaan voort om mense teen Ender te laat draai. Daar is ongelukkigheid in ’n verhouding en Sahika is oorgehaal om dit uit te buit, en Yildiz dink ’n nuwe plan is swendelary. Sahika saboteer…

@OPENVIEWHD @EEXTRATV @ETVONLINE H Weekdae e.tv (Openview 104) 09:30 O Sondae eExtra (Openview 105) 09:00 VERLEDE KEER Erkut het Gonca toegesluit gehou, Melek het ’n koevert gekry en sy was daarna seker Yusuf en Arzu het saam gewerk, en Yusuf het bewyse gekry Arzu en Ümit het saamgesweer. IN DIÉ UITGAWE Ayla red Murat en Veysel se besigheid, Elif doen haar bes om Hakki gemaklik te maak, en Gonca het ontwaak, maar onthou dalk nie wat gebeur het nie. Zeynep besluit sy is vir altyd klaar met Selim, Ümit probeer Arzu se reputasie ruïneer, en Elif het ’n plan om Hakki te red. Veysel ontdek die waarheid omtrent Erkut, Yusuf probeer uitvind waarom Elif wil werk daarom besluit hy om haar te volg, en Erkut onderskep die verslag wat Ümit…

@ETVSA @ETV @ETVONLINE Weekdae e.tv (*194) 19:00 H Weekdae e.tv 11:30 O Sondae e.tv 08:30 VERLEDE KEER Funani het besluit om sy geestelik onstabiele vrou, Faith, te besoek ná haar skandaal, Sandile het sy eerste uitdaging by sy nuwe werk getrotseer, en Funani het ontdek Rea het ook ’n geheim vir hom weggesteek. IN DIÉ UITGAWE Faith sukkel met die las van Funani se versoek, ’n gesonder Isaac probeer uitreik en met Ona praat om die gemors wat hy veroorsaak het op te klaar, en Funani en Faith het ’n emosionele kragmeting. Rea bevind haar skielik vasgevang tussen Ona en Keletso, Funani besef sy nuwe transaksie het ook gevolge vir die Molapo’s, en Molefe gee voor alles is oukei met Dorothy voor hy Sandile dreig. Funani is gereed om aan…

@KYKNETKIE @KYKNETKIE @KYKNETKIE H (*145) Di.- Vry. 15:30-16:30 O (*145) Saterdae 14:00-18:00 VERLEDE KEER Defne en Kiymet het gevrees Kahraman gaan hul geheim aan die familie verklap, Kahraman het Kemal as hul prokureur afgedank, en Elif het probeer om ’n prokureur in die hande te kry om haar ma te help. Nazli het besluit om terug te kom en die baba te vat, maar Defne het geweier om die kind te laat gaan. IN DIÉ UITGAWE Die familie is geskok wanneer hulle uitvind wat Kiymet aan die baba gedoen het, en Nazli ontdek Elif se swangerskap en pak haar tasse en vlug. Kahraman reël ’n versoening tussen Elif en Nazli en bring albei terug huis toe, dan koop hy ’n duur geskenk vir Elif en nooi haar uit vir ete.…

@TELEMUNDOAFRICA @TLNDAFRICA @TELEMUNDOAFRICA H Daagliks Telemundo (*188) om 10:20 & 14:30, 17:00 & 00:00 & 02:30 VERLEDE KEER Tommy het Pedro vertel Paz het haar swangerskap geveins, en Robert het Yuliana gevra om te trou. Cameron het Paz die jawoord gevra, en Rick het hom ingewurm om Carmen se nuwe bestuurder te word. IN DIÉ UITGAWE Tommy sien Carmen en Rick saam, Leticia vra vir George geld om te belê, en Kurt, George en Clio soek na Michelle. Kurt bel Andy om te hoor of Andy Michelle onlangs gesien het, Yuliana praat met die familie oor Robert se geld, en Robert konfronteer Yuliana nadat hy haar saam met Emiliano sien. Mama Rosa sê vir Pedro sy gaan weg, Carmen besoek George se huis op soek na haar ouma, en Paz…

@THEESTATEON3 @THEESTATEON3 @THEESTATEON3 H Weekdae SABC3 (*193) 11:00 O Saterdae SABC3 10:30 VERLEDE KEER Dumisani se tante het Sindi aangeval oor haar aborsie, Vukani was woedend oor GK se openbaring, en die bene wat voorheen deur Muzi gesteel is, is uiteindelik teruggebring huis toe. IN DIÉ UITGAWE Melisizwe en Noxolo maak seker die begrafnisvoorval is deeglik toegesmeer sodat Vukani nie die skuld kry nie, en Lesiba kry goedkeuring om as hoof van die huis oor te neem. Geraamtes tuimel uit die kas vir twee families en dinge gaan net erger word vir hulle, en Tsholo se groot tendersakeplan kry ’n stuikelblok. Castro besef hy is maar ’n klein vissie in die see, en hy moet die mense wat hom ondersteun betaal of hy gaan meer as sy finansiering verloor. Mmakoena…