Innehållsförteckning för Autumn 2017 från Weg! Platteland

Ons skryf om julle geluk te wens met ’n werklik uitstekende tydskrif. Ons het pas teruggekeer Brittanje toe ná ’n vakansie van drie weke by vriende van ons net noord van Plettenbergbaai. Hulle is heuningprodusente wat in De Vlugt woon, ’n klein dorpie wat bestaan uit ’n twaalf stuks plasies op die R339 in die middel van die Prins Alfredpas, halfpad tussen die kus en Uniondale. Op die bedkassie in die gastekamer was ’n eksemplaar van Platteland #13 (Somer 2016’ 17), wat ons van voor tot agter deurgelees het. Toe ontdek ons ’n stapel met drie jaar se ou eksemplare, en dié tydskrifte was die hele vakansie vir ons inspirerende leesstof. Ons hou veral van die “Dorpe, mense, diere & dinge”artikels en van julle “geennonsensvertelditsoosditis” styl van verslaggewing – die…

Ek het in 2003 die eerste keer gehuil. Om te werk in SuidAfrika se kleinste en mees bedreigde plantegroei – Lourensfordse alluviumfynbos – terwyl Gordonsbaai op die hoogtepunt van ontwikkeling is, was ’n emosionele wipplankryery – met my gemoed meestal aan die onderkant. Ek was besig om dié ongelooflike fynbosvariëteit te dokumenteer terwyl dit weggekalwe word deur hebsugtige ontwikkelaars wat besef dis goedkoper om die erwe onwettig met stootskrapers binne te vaar as om omgewingskanale en die regte prosedure te volg (en selfs dan is die uiteinde onseker). Toe ek terugkeer van nog ’n gespanne vergadering en sien hoe die trekkers stof opskop op ’n erf langs die Harmony Flatsnatuurreservaat, was dit vir my net een te veel. Hulle sê jy moet iets ken voor jy dit kan liefhê. Ek…

Die huidige ondervoorsitter, Marietha Mentz (lidnr. 19), ’n oud-huishoudkundeonderwyseres, was lank bekend vir die nastergalkonfyt wat sy van die vrugte op die plaas kook, maar fokus deesdae op gebak. Sy en haar man, Hein, het ook vier kweektonnels vol spinasie op hulle plaas. Haar droom is om eendag ’n Tuiskoop-resepteboek uit te gee. Cobus de Vos (lidnr. 29), die enigste haan in die direksie, boer sedert 2001 met beeste, hoenders, mielies en sojabone. Vir Tuiskoop verskaf hy gebak en mieliestronke waarmee jy ’n vuur kan aansteek, terwyl sy vrou, Joe, hangers oortrek. (Jammer oor die toe oë, Cobus, maar jy lag so gereeld dat jou oë net op een van ons foto’s oop was – sien die oorkantste blad! – Reds.) Die voorsitter van die afgelope 12 jaar, Sandra Kritzinger…

CHRISTINE HANEKOM PIP is ’n inisiatief van die Kapenaar Janine Greyling wat vroue van die vallei aan die brei en hekel hou. Janine gee die wol en bestellings, en mense soos tannie Christine, wat in April 77 word, hekel dan die komberse, serpe en ander ware. In haar woonstel in Humanitas, deel van die ACVV se aftreeoord op Wes, wíkkel tannie Christine se vingers met die wol en hekelpen. “Ek hekel minimum ses uur per dag, jy weet, want as ek ’n opdrag kry, moet hy klaar. Gelukkig is my hande nog baie gesond; ek het nie klagtes nie. So ’n oumablokkie vat my ’n halfuur, en die groot komberse seker so drie weke, op die meeste. Saans sit ek hier voor die TV en hekel – ek het nie…

Dagsê, Mnr. Waterwys Is daar ’n plant, verskynsel of plantverwante probleem wat jou laat kopkrap? Die skrywer en tuinboukundige Ernst van Jaarsveld het altyd ’n antwoord of oplossing gereed. Ernst van Jaarsveld was vier dekades lank tuinboukundige by die Kirstenboschnasionale botaniese tuin en het verskeie tuinboeke soos Waterbesparende inheemse tuinmaak op sy kerfstok, maar is eral bekend vir sy koeranten tydskrifrubrieke. Ernst maak passievol tuin sáám met die natuur en is onder meer besig om ’n vetplanttuin op die plaas Babylonstoren buite Franschhoek te begin. Stel mense nou meer daarin belang om waterbesparende tuine te maak as toe jou boek oor dié onderwerp 16 jaar gelede verskyn het? SuidAfrika is tans baie droog. Dit laat mense dink en soek na maniere om waterbehoeftes te verminder. Dit is opvallend dat heelwat…

Zigi sê... • Hierdie projek is nie regtig so ingewikkeld as wat dit lyk nie, solank jy goed kophou met die hoeke en die saagwerk – daarvan is daar heelwat! • Soek by verskillende ysterwarewinkels vir ’n kruiwawiel wat met sy eie as kom. Dit kan jou tot R600 uit die sak jaag, maar ons het dié lekker stewige wiel by Builders gekry vir R200. As daar ’n ou wiel in die waenhuis rondlê, kan jy dié ook gebruik. Kry alles reg INKOPIELYS • 3 balke (1,8 m) behandelde dennehout van 38 x 76 mm • 6 stukke (1,8 m) behandelde dennehout van 13 x 100 mm met ’n lippie (lap board) • 2 balke (1,8 m) behandelde dennehout van 38 x 38 mm • ’n kruiwawiel met ’n as…

MAKLIKE MIDDAGETE Vark-en-granaatpilaf Hierdie heerlike rysgereg sal jou wegvoer na die eksotiese Ooste. Genoeg vir 4 Bereidingstyd 15 minute Gaarmaaktyd 25 minute Jy benodig • 1 varkfilet van 1 kg • ¼ koppie (60 ml) koekmeel • 3 eetlepels (45 ml) sesamolie • ¼ koppie (60 ml) sojasous • ½ koppie (125 ml) granaatsap (sien die wenk op bl. 106) • 1 eetlepel (15 ml) suurlemoensap • 2 eetlepels (30 ml) heuning • 2 knoffelhuisies, fyngedruk • 1 teelepel (15 ml) rissiesous • 1 koppie (250 ml) broccoliblommetjies • 250 g sampioene, gekap • ¼ koppie (60 ml) sesamsaad • ½ koppie (125 ml) granaatpitte VIR DIE RYS • 3 eetlepels (45 ml) klapperolie • 1 koppie (250 ml) bruinrys • 1 stuk vars gemmer van 2 cm, fyngerasper •…

LAAT HOOR VAN JULLE! Skryf vir ons en vertel ons van jou skuif of verlange platteland toe, die karakters op jou dorp, die feeste en basaars wat julle hou, die dinge wat jou pla, jou tuin, diere en slim planne... Stuur ’n e-pos na vertelons@wegplatteland. co.za of skryf aan Platteland Vertel ons, Posbus 740, Kaapstad 8000. Ons gee voorkeur aan briewe van minder as 300 woorde. Onthou om jou voornaam en van te gee en, belangrik, die dorp waar jy woon. Platteland behou hom die reg voor om briewe na goeddunke te redigeer en verkort. Marie du Plooy van Bloemfontein wen ’n geskenkstel van The Passionate Pomegranate Co. op Bonnievale. Dit bestaan uit 3 flesse granaatkonserf en 5 verskillende botteltjies granaatstroop waarmee jy ’n magdom geregte – van slaai en…

Nadat ek die storie oor kompostoilette in Platteland #13 (Somer 2016-’17) gelees het, het ek besef my hele leefstyl is gegrond op drie D’s: Wanneer ’n mens op ’n gevorderde ouderdom besluit om ’n stukkie grond in ’n denneplantasie in ’n selfonderhoudende woonplek te omskep, móét jy eenvoudig dom en dapper wees. Voeg daarby beperkte fondse, en desperaat word deel van die affêre. • Noudat ek net ’n sonkragpaneel en kragopwekker het, kan ek nie glo hoeveel elektrisiteit en water ek gemors het toe ek nog in die “beskawing” gewoon het nie. Jy kom agter hoe min ligte en elektriese toebehore jy regtig nodig het en kom heel goed reg in die halfskemer sonsaktyd en vroegoggende. • Waterbesparing is iets waarvan jy ons niks kan vertel nie, want as jy…

GAUTENG Vetplant-herfsskou, Emmarentia 11 & 12 Maart Verwonder jou eers aan pryswenner-skouplante en bederf jouself met ’n mooi vetplant uit Suid-Afrika, Madagaskar of die res van Afrika. Jy kan ook deur die botaniese tuin stap of piekniek hou – óf in die teetuin gaan asem skep. Waar? Floreumsaal, Johannesburgse botaniese tuin. Tyd Vanaf 09:00. Prys Toegang gratis. Kontak jhbss.info@gmail.com of rauschanthony@gmail.com MPUMALANGA Wakkerstroom-musiekfees 17-21 Maart Die salige stilte en voëlgekwetter waarvoor Wakkerstroom so bekend is, word die agste agtereenvolgende jaar verruil vir klassiekemusiekuitvoerings om geld in te samel vir belowende musiekstudente wat hulle studie wil voorsit. Besoek die webwerf vir die volledige program, besprekings en verblyfopsies. Waar? Verskeie venues op en om die dorp. Kontak wmfestival.co.za info@wmfestival.co.za WES-KAAP Kaapstad-karnaval 18 Maart Skouspelagtige vlotte, massiewe poppe en meer as 2 000…

Bessie-en-laventeljellie R50 Dalewood Fromage dalewood.co.za 021 200 2580 Garden Master-heiningsnoeiskêr (500 mm) R198 Builders builders.co.za 0860 284 533 Verskeidenheid vase en plantpotte R449-R699 Rialheim rialheim.co.za Grootbord R25 Kleinbordjie R15 Checkers checkers.co.za 021 980 4000 (hoofkantoor) Handgemaakte skouersak van denim en katoen (medium) R250 Hot Pink Frog Designs Hot Pink Frog Designs 082 888 3262 Vyevreugde-Fig Fun- ingemaakte vye in brandewyn (160 g) R48 Checkers checkers.co.za (uitgesoekte takke) 0800 010 709 of Vyevreugde-Fig Fun figfun.co.za 083 320 7389 Groot rottangmandjie R428 Agrimark kaapagri.co.za Poukussing R150 Builders builders.co.za 0860 284 533 Croquis-sketsboek uit Japan R180 Waza wazashop.co.za Nomu African Rub met komyn, koljander en ajowan (65 g) R33 Nomu shop.nomu.co.za Skaapmelkseep met amandelolie, galambotter en plantolies R65 elk Dassiesfontein-padstal-en-plaasmeul dassies.co.za 028 214 1475 Katspeelpark (1,2 m hoog) sowat R1 750 Absolute Pets…

R790 000 Drieslaapkamerhuis in die buurt Rensburg met 2 badkamers, ’n oopplanleefvertrek, kombuis en tuin. Property Park propertypark.co.za 016 349 6215 R1,9 miljoen Pragtige ou huis met ’n ruim stoep, 4 slaapkamers, 3 badkamers, ’n aparte woonstel en ’n swembad. Aloe Realtors aloerealtors.co.za 016 341 6115 R2,14 miljoen Ruim drieslaapkamerhuis in ’n gesogte kompleks met 2 badkamers, ’n braaikamer en dubbelgarage. Carin Howell, Access Property Group 083 454 6011 R950 000 Vierslaapkamerhuis op ’n erf van 2 356m² wat grens aan die Poortspruit wat deur die dorp vloei. Jy kry ook ’n eenslaapkamerwoonstel met sy eie ingang. Property Park 016 349 6215 R1,995 miljoen Moderne drieslaapkamerhuis met 2 badkamers, eet, leef, siten studeerkamer, stoep, swembad en lapa. Heidi van Niekerk, Access Property Group 083 658 9701 R12,6 miljoen Plaas met…

‘Genade – alles suiwer genade,” sê Ona Enslin oor die feit dat sy en die vroue wat vir haar werk, 500-550 kg meel per maand deurwerk om vir Tuiskoop én ’n restaurant op Dullstroom pasteie te bak. Met dié inkomste het sy nie net hulle eie kinders deur skool en universiteit gekry nie, maar ook haar huishulp Tryphina Mtambo se kleinseun Piet, wat nou ’n onderwyser is. Boonop begin en eindig die bakwerk nie met die gesogte beesvleis-, maalvleis-en-groente-, hoender-ensjerrie-, pepersteak-, ham-en-kaas-, wilds-, skaap- en bobotiepasteie wat hulle van Maandae tot Donderdae hier op die plaas ’n klipgooi buite Chrissiesmeer optower nie. Hulle bak ook verskillende soorte beskuit, kleinkoekies, groot koeke, plaatkoeke, konfyttertjies en -blokkies, quiche, appel-en-pynappeltertjies, kaas-enuiekoekies, vrugteblokkies, hoenderen beesvleisrolletjies, groot en klein potdekseltjies, kolwyntjies... Verder kook hulle self…

RIEBEEK-WES Smutshuis Kom kyk waar die staatsman genl. Jan Christian Smuts op 24 Mei 1870 gebore is op sy oupa se plaas, Bovenplaats by Ongegund. Die plaas is in 1946 deur die sementmaatskappy PPC gekoop en die huis is in 1975 tot Nasionale Gedenkwaardigheid verklaar. Die restourasie is behartig deur Gawie en Gwen Fagan, waarna die huis op 20 Mei 1986 amptelik deur F.W. de Klerk, toe nog minister van nasionale opvoeding, ingewy is. Dis ’n lieflike koel huis met meubels uit daardie tydperk en, ja, hout- en misvloere. 022 461 8000 Riebeekvallei-tuinsentrum Almal in die kontrei ken die eienaars, André Beaurain en Corné Pretorius. Hulle verkoop inheemse plante, orgideë, vetplante en bonsais, asook kompos en ander tuingoed. Én hulle ontwerp tuine. En teen die einde van die jaar behoort…

Die grys voue van die Kleinrivierberg. Skoenlappers. ’n Haastige skilpad. Speldekussings wat oranjerooi blom. Dít alles beleef jy sommer op die stappie van die parkeerterrein van die Fernkloof-natuurreservaat tot by die Fernkloof- inheemse kwekery wat in die reservaat geleë is. Jack en Kathy Bold, wat die afgelope 17 jaar die kwekery bestuur, is gewoonlik albei aan ’t gesels met kliënte, want dié kwekery is weliswaar klein, maar baie, baie bedrywig. Hier kry jy meer as 300 inheemse plantsoorte wat die kus se wind en weer kan trotseer – van proteas en erikas en restio’s tot gazanias, malvas en agapante – en die pryse is billik. “Ek is mál oor inheemse plante,” sê Kathy. “Dit het eindelose moontlikhede in die tuin.” Jack kweek sélf al die plante van saad en steggies,…

Eens op ’n tyd het amper elke tuin sy eie granaatboom gehad. As kind kon jy skaars wag om daardie heel eerste ryp vrug oop te breek en die rooi pitjies af te sluk, min gepla deur die liederlike vlekke op jou hande en klere ná die tyd. Maar iewers in die jare sewentig het ’n pestilensie begin amok saai onder die granate: As jy een oopgebreek het, was dit vrot met iets wat gelyk het soos ’n wurmpie wat krioel aan die binnekant. De laaste granaatbos is uitgekap, en kort voor lank was die ganse granaatkultuur daarmee heen. (Ons het selfs vergeet hoe om die vrugte oop te sny en die pitte uit te kap – ons herinner jou hoe op bl. 106.) Die ou boggher se naam? Valskodlingmot.…

LIGTE, VRUGTIGE POEDING Grenadellakaaskoek met jogurt en granaatpitte Dié ligte koek lyk soos die deksel van ’n juwelekissie, en die suurheid van die grenadella help om die soetheid te tem. Die Lemon Creamkoekies maak die heerlikste kors. Genoeg vir 6-8 Bereidingstyd 20 minute Yskastyd 4 uur of oornag Jy benodig VIR DIE KORS • 5 Lemon Cream-koekies, fyngedruk • 2 eetlepels (30 ml) gesmelte botter VIR DIE VULSEL • ¾ koppie (180 ml) koue kraanwater • 1 pakkie (250 g) Ina Paarman se Suurlemoengeur-kaaskoek • 1 koppie (250 ml) vars room • ¼ koppie (60 ml) grenadellapulp, vars óf geblik VIR DIE BOLAAG • 1 koppie (250 ml) dubbeldik Griekse jogurt • 2 eetlepels (30 ml) grenadellapulp • ¼ koppie (60 ml) granaatpitjies Só maak jy Voer die boom van…

Die wildvreemde man tik op jou skouer, stel hom voor as Anthony Porter en sê: “Ek is 70 en woon my lewe lank al hier, maar ek het nog nooit só iets beleef nie: Hierdie mark is die heel beste ding wat nóg met Bloem gebeur het.” Al het ’n paar Vrystaters gewaarsku die buurt Noordhoek rondom Andries Pretoriusstraat (deesdae bekend as Raymond Mhlabastraat) is “effe rowwerig” en “minder mooi”, sien ’n mens sommer gou dié “oorgangsruimte” – broodnood en afslagwinkels aan die een kant; boomryke strate en groot huise aan die ander – is reeds midde-in ’n stedelike vernuwingsproses met die Reizis Square-sentrum voor in die koor. Dis hier waar die voormalige skoonheidsaloneienaar- en-kolwyntjiebakker Jill Nowers met die hulp van haar man, André, ’n lewenslange droom verwesenlik het om…

In Platteland #11 (Winter 2016) het ’n brief van my verskyn met wenke om water te bespaar. My een seun wat in Kopenhagen woon, laat weet toe selfs daar by hulle waar geen watertekort is nie, is mense baie bewus van waterherwinning. Die storte van die openbare swembaddens is almal toegerus met ’n stelsel wat die bakterieë uit die gebruikte water verwyder sodat die volgende mense in dieselfde water stort. Hier in die Paarl gebruik ons selfs in die winter ’n groot skottel en emmers om ons stortwater op te vang en spoel dan die toilette daarmee. Ek gooi net ’n paar druppels bleikmiddel in die water terwyl dit staan om die vorming van bakterieë te voorkom (natuurlik sal dit nie deug vir huishoudings waar klein kindertjies rondkruip nie). Ek…

Proe die plek… in die meel! Terroir – die Franse woord wat wynmakers gebruik om te verwys na die natuurlike omgewing en faktore soos grond, klimaat en topografie waarin hulle wyn gebore is – duik nou sowaar ook in die meelwêreld op. James en Vanessa Moffett boer al ’n kwarteeu lank organies op die plaas Kirklington naby Ficksburg in die Vrystaat waar hulle ’n verskeidenheid gewasse en produkte vir die plaaslike en Europese mark verbou. Só het hulle geleer – dikwels op die harde manier – dat die verskille in grond, mikroklimaat en aansig in ’n enkele landery ’n groot wisseling in die gehalte én bakeienskappe van ’n enkele koringvariëteit kan meebring. Die boerderypraktyke speel dus ’n belangrike rol in die kompleksiteit en wisseling in smaak en eienskappe van die…

TUINMAAK VOLGENS DIE SEISOENE Eiden Griffin, ’n ervare tuinontwerper en -maker, bied seisoenale tuinmaakkursusse aan by Fordoun Garden op Nottingham Road, KwaZulu-Natal, en belowe dat die praktiese met genoeg pret afgewissel word. Die kursusse kos R300 elk. • 11 Maart | PLANT IN DIE HERFS Vergroot jou oes met plante wat koeler weer verkies en leer hoe om aan hulle spesifieke behoeftes te voldoen. • 22 April | GEREED VIR DIE WINTER Kry ’n paar praktiese vaardighede onder die knie om seker te maak jou groente, kruie en vrugtebome bly regdeur die winter gesond. Besprekings plant abundance.wordpress.com 083 429 2867 KOM VOEL VERE • 13 & 14 Mei | GANSBOERDERY Daar is ’n groot vraag na gansdons van goeie gehalte. George Craven van die Noorspoort- gasteplaas buite Steytlerville in die…

Soettand deur Koelsoem Kamalie en Flori Schrikker Tweegevrietjies, bollas, Yuwin se waatlemoenysies, Maleise koesisters, gemmerpoeding, Hertzoggies... die Kaapse Vlakte se koelste kostannies is terug met hulle onopgesmukte familiegunstelinge (wat gesorg het dat 10 000 eksemplare van hulle eerste boek van die rak af vlieg), maar dié slag fokus hulle op poedings en soetgebak. R200 Lapa lapa.co.za 012 401 0700 WEN 2: Soettand Smeul deur Riana Scheepers, Marietjie Koekemoer en Leonie Scholtz Drie vriendinne – loopbaangewys uit verskillende wêrelde, maar al drie swerwers, kunstenaars en mal oor kook – deel hartsgeheime en 110 ou familieresepte en nuwe kulinêre kunsies in 4 afdelings: Weergalose Weskus; Karooland, hartland; Diep, diep in die donker woud; en Sprokie vir ’n stadskind. R300 Lapa lapa.co.za 012 401 0700 WEN 2: Smeul 50 Eenpotgeregte As jou dag…

Hannes Kotzé Inwoner met ’n IT-onderneming “My kinders is nou al die vierde geslag wat in Volkies is. Ek het in Sandton gewerk, maar daar is nie ’n manier dat ek daar gaan bly nie. Nee wat, ek ry liewer ’n bietjie petrol uit. Die rytyd is ook sommer ’n goeie tyd vir afskakel.” Theo Etchell Eienaar van ’n konstruksiemaatskappy “Dit was heerlik om in beheer te wees van die herstelwerk by die ou stasiegebou. Die plek was erg verwaarloos en nou lyk dit klaar weer mooi. Die droom is dat die plek weer sy volle potensiaal sal bereik én dat dit behoue sal bly vir die nageslag.” Tracy-Lee Erwee Nadine Tree se regterhand by Sweetpea and Maple “Ons het 10 jaar gelede van Durban af hiernatoe gekom en was…

Moenie bodder om die 56 “lede” – of eerder: die amptelike eienaars – van Tuiskoop oor dié kontreiwinkel se amper 47 vet jare te pols nie. Hulle “suksesgeheim” word sommer op ’n A4vel in die winkel uitgestippel: Mense wat koeke bak, verkoop nie net ’n produk nie. Hulle verkoop hulle tyd, aandag, talent en kreatiwiteit. Ondersteun handgemaakte produkte. Ondersteun handgemaakte produkte. Aan talent en kreatiwiteit het SuidAfrika nog nooit ’n tekort gehad nie, maar op die 24/7mallemeule waarop die middelklas hulle deesdae bevind, is spesifiek tyd en aandag skaarser as hoendertande. En dís wat sedert 1 Oktober 1970 die knoop deurhak hier op die hoek van Jouberten Jan van Riebeeckstraat op Ermelo. Op hierdie dag het ’n handjie vol boervroue van die kontrei die deure van Tuiskoop oopgegooi en só…

RIEBEEK-KASTEEL Hello Tuck Angela Tuck, die eienaar, en haar assistent, Andre Aggenbag, is kleurryker as enigiets wat hulle verkoop: kussings, ontwerperhandsakke, huisgoed en hoede wat Andre self nuwe lewe gee. Alles is met die hand gemaak, retro of upcycled. Kortstraat. Hello Tuck 022 448 1513 handsondesign@iafrica.com The Wine Kollective As jy dit kan drink en dis van druiwe uit die Swartland, gaan jy dit waarskynlik hier kry. En ja, hulle lewer landwyd af, teen kelderpryse. thewinekollective.co.za anton@ thewinekollective.co.za 022 448 1008 Crisp Market Vars produkte uit die omgewing; vleise en kase en ingevoerde kosprodukte wat jy soms sukkel in die stad te kry. Kortmarkstraat. orders@crispfineproduce.co.za 022 448 1769 Still Pure Hier kry jy lekkerruikgoed in enige kleur en geur: vlugtige olies, seep, lugsproei, velroom, lyfseep... en muskietweerder wat nie jou…

Die naam van die éintlike opstoker, sê Barend (die opstoker se seun), is Ben Coetzer, ’n stelselspesialis (elektroniese ingenieur) van Moreletapark, Pretoria. En is dié Ben nou lief vir spéél, laat val sy vrou, Este. En eksperimenteer. En lees. Verál lees. ’n Klompie jaar gelede, vertel sy, het Ben ’n bevlieging gekry om sélf suurdeegbrood te bak. Nie met kommersiële gis nie – met ’n suurdeegplantjie. Sy eerste poging, ’n pain au levain (of basiese suurdeegbrood) – het aansienlik lekkerder uitgekom as dié wat die Coetzers in daardie stadium nog by die supermark gekoop het. Net daar het die winkel ’n broodkoper verloor, Ben het sy boekverslindery voortgesit en tussendeur bly bak en brou dat die biesies bewe. In 2009 gaan kuier Ben, Este en Kie. in die Swartland by…

VOORGEREG Sampioen-en-gruyèresoufflé Hierdie is ’n soufflé wat nié rys nie – jy hoef dus nie bang te wees die affêre gaan platval nie. Sit dit wel dadelik voor, want hy’s op sy lekkerste warm uit die oond. Sit dit voor met ’n bak bitter-byterige groen blare soos roket, babaspinasie of radicchio. Genoeg vir 6 Bereidingstyd 30 minute Gaarmaaktyd 30 minute Jy benodig • 2 eetlepels (30 ml) botter • ½ ui, fyngekap • 500 g sampioene, in hapgrootte stukkies gekap • ½ teelepel (2,5 ml) sout • 1/3 koppie (80 ml) droë sjerrie • 1 eetlepel (15 ml) vars tiemieblaartjies • roket- en spinasieblare om voor te sit VIR DIE BESLAG • 3 eiers • ½ teelepel (2,5 ml) sout • 1½ koppie (375 ml) melk • 2/3 koppie (160…

NUWE KURSUSSE! Teen dié tyd weet ons Platteland se lesers is mense wat graag planne maak, dinge self doen en nuwe vaardighede leer. Want op die platteland kry jy dalk vars lug en sonlig en gawe mense, maar nie al die geriewe van die stad nie. G’n wonder die werksessies wat ons in 2015 en 2016 aangebied het, was so gewild nie. Vanjaar maak ons weer so. En dis twee ou bekendes wat ons weer gaan touwys maak: In Hartbeespoort en die Paarl gaan Annelien Pienaar (foto onder links) vir lesers wys hoe om feta- en mozzarellakaas en labneh, ’n jogurtkaas, te maak (en sy stel terselfdertyd haar eerste kookboek, Boerekos met ’n twist, bekend); en in Bloemfontein vat Marcelle Botha (onder regs) haar broodbakkursus van laasjaar ’n stappie verder:…